Непосредно откако постигна согласност за нов договор со Пеп Гвардиола, раководството на Манчестер Сити почна да ги крои плановите за продолжување на соработката со најдобриот стрелец во тимот Ерлинг Халанд. Норвежанецот има договор до 2027 година, но тоа не е доволно за челниците на Сити кои сакаат да го задржат уште 4-5 сезони во своите редови. Ако напаѓачот се согласи, за тој период ќе добие вкупно околу 100 милиони фунти и тоа без бонуси. Сан тврди дека неговата годишна плата би изнесувала околу 20 милиони фунти по сезона. Главниот услов за Халанд да го продолжи договорот е исполнет - останување на Гвардиола кој најмалку до летото 2026 ќе го води Сити. За Халанд беше заинтересирана Барселона која сака да го донесе претстојното лето, но по се изгледа „каталонците“ ќе мораат да се задоволат со друг фудбалер во нападот....

Македонската кошаркарска репрезентација денеска од 18 часот го игра третиот натпревар од квалификациите за Европското првенство во 2025 година. Првиот од двата меча се игра во Скопје, а македонската репрезентација ќе биде драстично ослабена со неиграњето на најдобрите кошаркари. Ненад Димитријевиќ и Ти Џеј Шортс имаат натпревари во Евролигата, Итан Хап е повреден, а Андреј Јакимовски настапува во НЦАА и не доби дозвола да настапува за националниот тим. Селекторот Александар Јончевски се соочи со големи проблеми и немаше многу простор за калкулации пред денешниот натпревар. Финалните 12 се веќе избрани, а од оние кои ги поминаа мини-подготовките отпадна Марин Петков. Во надеж дека ќе им се спротивставии на високите играчи од литванската репрезентација, предност доби Страхил Николов од ТФТ. СПИСОК НА КОШАРКАРИ: Стојан Ѓуроски Дамјан Робев Виктор Ефремовски Дамјан Стојановски Војдан Стојановски Бојан Крстевски Андреј Маслинко Лејсон Зеќири Страхил Николов Бобан Стајиќ Адем Мекиќ Кристијан Николов...

Српскиот репрезентативец Душан Влаховиќ со повреда се врати во Јувентус од настапот во националниот тим и најверојатно ќе паузира околу две недели. Италијанските медиуми најавуваат дека тој би можел повеќе да не заигра за торинскиот клуб и тоа поради две причини. Прво, Влаховиќ одбил продолжување на договорот со Јувентус, а актуелниот му истекува во 2026 година и во вакви услови клубот би морал да го продаде претстојното лето ако сака да заработи на него. За да го принуди на потпишување нов договор, раководството на Јувентус во соработка со тренерот, планира да го остави Србинот на клупа, па дури и на трибини иако малкумина веруваат во вакво сценарио. Втората причина се критиките од напаѓачот на сметка на тренерот Тијаго Мота. На прес-конференција со репрезентација тој меѓу редови го искритикува шефот дека му дава премногу дефанзивни задачи и поради тоа не е свеж во нападот што резултира со помалку постигнати голови. Тоа не им се допаднало на челниците на Јувентус кои му замериле на Влаховиќ и сметаат дека со тоа, тој ја загрозува атмосферата во тимот. Не е исклучено Србинот да биде продаден веќе во јануари бидејќи за него е заинтересиран Арсенал кој нуди 70 милиони евра....

Најдобриот тим во НБА лигата, Кливленд Кавалирс се врати на победнички патеки откако доживеа пораз од Бостон со што ја прекина серијата од 15 триумфи од почетокот на сезоната. Кавс пред своите навивачи го победија Њу Орлеанс со 128-100, користејќи го фактот што противникот дојде десеткуван во Охајо. Пеликанс се соочуваат со повредени играчи, па мораа да потпишуваат ветерани кои се на долга пауза и со нив да се обидат да му парираат на најдобриот тим во лигата. Се разбира дека не успеаја и доживеаја убедлив пораз. Натпреварот го одбележа Тај Џером од Кливленд кој во првото полувреме постигна 7 тројки од 10 шута и постигна 27 поени, а неговиот тим на голем одмор замина со +14. По три четвртини беше +32, па во последните 12 минути, стартерите имаа можност да одморат. За разлика од првото, Џером постигна само два поена во второто полувреме и натпреварот го заврши со 29 поени. Нијанг додаде 20, а најдобриот играч на Кливленд, Донован Мичел на теренот помина само 20 минути и за тој период постигна 10 поени. Антонио Ривс го предводеше Њу Орлеанс, а воедно и беше најефикасен на натпреварот со 29 поени. РЕЗУЛТАТИ Кливленд - Њу Орлеанс 128-100 Милвоки - Чикаго 122-106 Хјустон - Индијана 130-113 Мемфис - Филаделфија 117-111 Оклахома - Портланд 109-99 Голден Стејт - Атланта 120-97 Феникс - Њујорк 122-138 ЛА Клиперс - Орландо 104-93...

Синоќа се појавија гласини дека во текот на јануарскиот преоден рок Ендрик би можел да биде пратен на позајмица во Саутемптон. Но, информациите од Шпанија се поинакви, Реал Мадрид нема план да го пушти Ендрик во јануари, а ниту фудбалерот размислува за заминување. Гласините за премин во Англија и Саутемптон не се точни, тој продолжи да го носи дресот на Реал до крајот на сезоната и покрај малата минутажа која ја има....

Последниот добитник на Златната топка, Родри смета дека Лео Меси е најдобриот фудбалер во историјата на фудбалот. Родри последен ја добри наградата која најмногу била во рацете на Лео Меси. „Имам нула сомнеж, Лео Меси е најдобриот фудбалер на сите времиња“, вели Родри. „Кога ја прима топката, вие размислувате: доаѓа опасност... Кога играв против него, се трудев да му ја земам топката, но тој ве поминува како да не сте таму“....

Екипата на Пелистер вечерва го освои четвртиот бод во Лигата на шампионите одигрувајќи 29-29 во Битола против данска Фредериција. Овој натпревар беше и деби на клупата на Пелистер за Раул Алонсо во Лигата на шампионите. „За мене ова беше посебен натпревар. Имавме краток период за одмор и да се подготвиме заа ваков ривал беше проблем. Воодушевен сум од дочекот на навивачите и горд на борбата на теренот. Не се откажавме се боревме цело време и бркавме негатива. Во првото полувреме можеби не изгледавме најдобро, но во продолжение знаевме дека со помош на публиката може да се вратиме. Имавме шанси и да победиме, но ако не ги искористите шансите не заслужувате да победите, бодот сепак е добар за нас. Сега ќе одмориме пред лиашкиот натпревар, а потоа одиме на гости кај Вепсрем. Се надевам нема да имаме проблеми со повреди“, изјави Алонсо. Пелистер натпреварот против Веспрем ќе го игра на 28 ноември во истиот термин од 20:45 часот....

Ракометарите на Спортинг Лисабон славеа убедлива победа со 39-28 против Пари Сен Жермен во дербито на вечерта во Лигата на шампионите. Португалците до убедливиот триумф стигнаа со фантастичната игра во второто полувреме и така му го нанесоа вториот проаз на ПСЖ сезонава. На паузата водството на Спортинг беше минимално (16-15), но во продолжение доминираа и го прегазија ривалот со дури 11 голови разлика. Најрасположен беше Мартин Кошта со девет постигнати погодоци. Во редовите на ПСЖ со шест гола средбата ја заврши Јакоб Холм....

По првата победа во претходното коло, Пелистер вечерва го освои четвртиот бод во Лигата на шампионите одигрувајќи реми 29-29 во Битола против данска Фредериција. Гостите беа подобар противник во добар дел од натпреварот и констатно имаа предност. Во завршницата од првото полувреме Фредериција имаше и највисоки четири гола предност, но на пауза сепак се замина со 13-16. Пелистер во овој прв дел во ниту еден момент немаше водство. Слична игра гледавме и во почетните минути од второто полувреме, но како што одминуваше времето како Пелистер да почнуваше да се буди. Најдобар период за Пелистер беа последните 15 минути кога по две одлични одбрани на голманот Никола Митревски за првпат и стигнаа до водство (22-23). Во продолжение гледавме неизвесен натпревар и се играше „гол за гол“. Избраниците на Раул Алонсо во еден момент имаа и напад за два гола разлика, но не го искористија. Фредериција потоа го врати водството и во последните две минтуи влезе со предност од 28-29. Пелистер успеа да дојде до израмнување, а потоа во последните секнди Борзаш доби прилика со удар од девет метри да донесе нов триумф, но не беше прецизен. На Пелистер на оваа средба недостасуваа одбраните на Никола Митревски кој средбата ја заврши со пет интервенции. Најефикасен беше Богдан Радивојевиќ со седум гола, додека Филип Кузмановски пет пати ја затресе мрежата. Во редовите на Фредерција седум постигна Мартинусен, а солиден настап имаше и поранешниот ракометар на битолскиот клуб, Табоада кој постигна пет гола. На табелата по осум кола Пелистер сега е шести со четири бода, Фредериција има три, Висла два, но полскиот тим е и со натпревар помалку. За шпанскиот стратег денешниот натпревар беше и негово деби во Лигата на шампионите на клупата на „пелистерци“....

Рубен Аморим кон средината на месецот го наследи Ерик Тен Хаг на клупата на Манчестер јунајтед. Португалецот со клубот од „Олд Трафорд“ потпиша договор до 2027 со опција соработката да биде продолжена за уште една година. Првиот тренинг Аморим го одработи со само десетмина фудбалери поради обврските кон репрезентациите на останатите. Во таква ситуација на тренингот биле вклучени фудбалери од академијата на Манчестер јунајтед. Неименуван извор за „Тhe Sun“ открил дека дел од фудбалерите биле воодушевени од брзото влијание кое Аморим го имал врз тимот па му го доделиле прекарот „Мурињо 2.0“. „Аморим зборуваше дека големи тренери не успеале да го повторат успехот на Сер Алекс Фергусон затоа што живееле во неговата сенка место да го натераат тимот да игра на нивни начин. Фудбалерите беа импресионирани од неговиот пристап и работа“, објаснил изворот за британскиот медиум. Исто така се наведува дека прекарот „Мурињо 2.0“ го добил поради големите сличности со неговиот славен сонародник....

Репрезентацијата на Германија се пласираше во полуфиналето на Дејвис купот откако во четвртфиналето ја елиминираше Канада. Алтмајер ја донесе прватап обеда за Германците откако со 2-0 во сетови беше подобар од Габриел Диало со 2-0 (7-6, 6-4). Одлучувачкиот триумф го обезбеди Јан-Ленард Штурумф кој со 2-1 го совлада Денис Шаповалов (4-6,7-5, 7-6). Во полуфиналето Германија ќе игра со Холандија која претходно ја елиминираше Шпанија со 2-1. Германија во својата историја има три титули на Дејвис купот, но последен пат триумфираа во 1993 година. Второто полуфинале ќе се бара од средбите помеѓу бранителот на тронот Италија и Аргентина и Австралија - САД....

Фудбалскиот сојуз на Косово најави дека ќе испрати жалба до Судот за спортска арбитража за одлуката на УЕФА Романија да го добие службено нивниот меѓусебен натпревар. Косовските фудбалери во финишот од средбата го напуштија теренот во Букурешт, а потоа оставија и неред во соблекувалната. УЕФА денеска ги соопшти санкциите и за двете страни, но во Косово не се согласуваат и ќе се жалат. „Не се согласуваме со одлуката да ни се одземат бодови и натпреварот да се регистрира со 3-0 во корист на Романија. Во врска со оваа одлука федерацијата ќе поднесе жалба до Судот за спортска арбитража во Лозана“, соопштија од Косово....

Oд редовите на Охрид информираа дека Хрватот, Луцијан Бура повеќе не е член на нивниот тим. Како што објавија тој е слободен во изборот да си бара нова средина. Во минатото Бура настапуваше во Унгарија и во Словенија каде што го носеше дресот на Горица. „Клубот ја информира јавноста дека од редовите на ГРК Охрид заминува десниот бек Луцијан Бура. Му се заблагодаруваме на досегашната соработка и му посакуваме успех во неговата ракометна кариера“, објави Охриид. Хрватскиот ракометар во Охрид пристигна во мај оваа година....

Ракометарите на Алборг му се реваншираа на Клоштад за поразот во минатото коло и денеска во рамките од осмата рунда славеа победа (30-28), додека Загреб на свој терен во дуелот со Магдебург стигна до својот втор триумф во ЛШ (22-18). Алборг и Клоштад одиграа еден неизвесен натпревар во кој ниту една екипа во текот на целот натпревар не направи разлика поголема од два гола. Се менуваа во водстовото и домаќините и гостите на неколку пати. Завршницата сепак им припадна на ракометарите на Алборг кои освој триумф стигнаа до девет бода на третата позиција, исто толку има и Нант, но францускиот тим е со натпревар помалку. Предводник на Алборг беше Бустел Јул кој постигна седум гола, додека Сагосен и Елберг на спротивната страна постигнаа по шест. Загреб на свој терен одигра еден од поретките добри натпревари во елитата сезонава и констатно беше во водство против германскиот претставник кој одигра под своето ниво. За Загреб ова беше само втора победа во елитното друштво, но и по овој триујмф Хрватите остануваат последни со четири бода, Магдебург со бод повеќе е една позиција понапред. Лука Кларица со седум гола беше прво во редовите на Загреб, но мора да се истакне фантастичниот настап на голманот Мандиќ кој собра 20 одбрани....

Министерот Ристовски заедно со претседателот на Ракометната федерација на Македонија, г-дин Живко Мукаетов и генералниот секретар, г-дин Филип Милошевски ги поздрави репрезентативките на денешниот последен тренинг пред заминувањето за Пореч, Хрватска каде ќе ги одработат завршните подготовки пред настапот на ЕП 2024. Најважно е да го дадете својот максимум и да дадете сѐ од себе на ова Европско првенство. Ќе почувствувате можеби и позитивен притисок бидејќи цела Македонија ќе ве гледа, ќе навива за вас. Многу е важно да отидете подготвени да жртвувате дел од себе и од своите емоции, покрај спортскиот квалитет, да дадете нешто за својата држава. Можам да пренесам од лично искуство дека претставува голема чест и задоволство да се настапува за Македонија и е голема привилегија да се носи националниот дрес. Без разлика на резултатот вие секогаш ќе бидете најдобрите од Македонија. Гордо да ја претставите државата, да бидете горди претставници на македонскиот ракомет. За сѐ што ви треба ние сме тука како министерство и како држава да ви помогнеме и сите недостатоци доколку ги има, да се обидеме заедно да ги надминеме и да ги исправиме. Без разлика дали сме таму со вас или овде, сите ќе ве следиме и ќе навиваме. Останете здрави, останете успешни и позитивни. Со среќа на ЕП! – им рече министерот Борко Ристовски на македонските репрезентативки. Македонската репрезентација утре заминува за Пореч, Хрватска каде ќе учествува на турнирот „Кроација куп“ што ќе биде последна проверка пред настапот на ЕП 2024 што ќе се одржи од 28 ноември до 15 декември во Унгарија, Австрија и Швајцарија. На ЕП 2024 Македонија е во група со Унгарија и Шведска и со Турција, а натпреварите од прелиминарната фаза ќе ги игра во Дебрецин, Унгарија...

Напаѓачот на Интер, Лаутаро Мартинез беше херој за Аргентина во триумфот над Перу од 1:0 во квалификациите за Светското првенство. Лаутаро со ефектен гол донесе победа за „Гаучосите“, но исто така и се израмни со легендарниот Диего Марадона на вечната листа стрелци. Голот кој го постигна капитенот на Интер беше негов 32 во националниот дрес и до оваа борјка стигна за 72 натпревари. Со 32 постигнати погодоци, Лаутаро го прескокна Марадона на листата и сега е петти најдобар стрелец на Аргентина на сите времиња. Leo Messi is still the best playmaker in the world at 37. What a finish by Lautaro Martinez!!pic.twitter.com/9klquhsiGD — MSN (@FCBTunes) November 20, 2024 Лидер во оваа конкуренција е Лионел Меси со 112 погодоци, Батистута има 55, па следат Агуеро со 41 и Креспо со 35. Со оглед дека Лаутаро има 27 години сигурно во наредните натпревари и ќе напредува на листата....

Eнрике Хиларио, тренерот на голманите од редовите на Челси си заминува од „Стенфорд Бриџ“ по цели 18 години. Eнрике Хиларио, тренерот на голманите од редовите на Челси си заминува од „Стенфорд Бриџ“ по цели 18 години. Хиларио го напушта Челси за да се приклучи на стручниот штаб на Томас Тухел кој од 1 јануари ќе седне на чело на репрезентацијата на Англија. Во Лондон Хиларио пристигна во 2006 година како трет голман, пред него шанса добиваа Петар Чех и Кларло Кудичини. Кариерата ја заврши 2024 година и веднаш се пресели на клупата. Беше во стручниот штаб на Антонио, Конте, па Маурицио Сари, а потоа соработуваше и со Томас Тухел. Германецот инсистираше да ја продолжат соработката, но во Челси не дозволуваа Хиларио да извршува две функции, па така ја прекинаа соработката. Хиларио дел од репрезентацијата на Англија ќе стане заедно со пристигнувањето на Тухел со стартот на 2025 година....

Бразилскиот фудбалер Ендрик ова лето пристигна во Реал Мадрид во трансфер вреден 47.5 милиони евра од Палмеирас, но во редовите на „кралевите“ не добива сериозна минутажа. Младиот напаѓач во досегашниот дел од сезоната собра само 122 минути во сите натпреварувања и постигна два гола. Првиот гол го постигна на офцијалното деби за Реал Мадрид во победата од 3:0 против Реал Ваљадолид во рамките од второто коло во Ла Лига, додека вториот во дебито во Лигата на шампионите. Тој гол беше за потврда од славјето од 3:1 против Штутгарт во првото коло од натпреварувањето. Двата гола Ендрик ги постигнуваше во завршницата од натпреварите (94 и 95 минута). Малата минутажа може да доведе до тоа во вториот дел од сезоната да биде испратен на позајмица. Британскиот „Сан“ сега го поврзува со Саутемптон кој во овој момент се наоѓа на 20. место на табелата. Саутемптон во 11 кола постигна само седум погодоци и освои четири бода, па во зимскиот преоден рок сигурно ќе мора да бара засилувања. Eндрик од натпреварот со Штутгарт кој се одигра на 17 септември не се запиша во листата на стрелци, а не ни асистираше, па позајмица секако би можела да биде добра опција....

Фудбалскиот клуб Барселона денеска со допис им се обрати на сопствениците на сезонски влезници и ги информира дека сите натпревари до крајот на групната фаза од Лигата на шампионите ќе ги игра на Олимпискиот стадион. Строгите правила на УЕФА забрануваат промена на стадионот во текот на првата фаза што значи дека претстојните дуели, против Брест и Аталанта ќе ги игра на Монжуик. Бидејќи поради високите трошоци за одржување и од логистички причини, е отфрлена опцијата за паралелно играње на Камп Ноу и Монжуик, тоа значи дека лигашките дуели против Валенсија и Алавес на крајот од јануари и почетокот на февруари, исто така, ќе се играат на Олимпискиот стадион. Ако се оствари прогнозата која клубот ја изнесе при денешното обраќање кон претплатниците, натпреварот против Рајо Ваљекано што треба да се игра на 15/16 февруари 2025 година ќе биде прв на обновениот Камп Ноу кој тогаш би имал околу 60 илјади места....

Чичкото и поранешен тренер на Рафаел Надал, Тони не го смета Новак Ѓоковиќ за легенда на нивото на неговиот внук и на Роџер Федерер. Според него, титулите не се главен фактор, туку и начинот на кој се освоени, како и однесувањето на и надвор од терените. „Има играчи кои со своите спортски достигнувања го надминуваат самиот спорт, како на пример Новак Ѓоковиќ. Но, има и такви кои со своето однесување стануваат легенди. Животот не е само освојување титули, туку и начин на однесување и како стигнуваш до трофеите. Ѓоковиќ во тој поглед не е на нивото на Рафа и Роџер“, рече Тони Надал. Ѓоковиќ е апсолутен рекордер по бројот на освоени Гренд слем и Мастерс титули, а го држи и рекордот по бројот на поминати недели на првото место на АТП листата....

Иако Црногорец, Предраг Мијатовиќ наскоро треба да стане потпретседател на Фудбалскиот сојуз на Србија, како претставник на Партизан, со цел смирување на тензиите во тамошниот фудбал. Во ФСС веќе има двајца потпретседатели, Јанош зембери од ТСЦ и Сандро Сремчевиќ. Засега, како што велат во Србија, се е само идеја, но не е исклучено таа наскоро да биде реализирана. Мијатовиќ од неодамна е член на Работната група за спас на Партизан, јавноста, а особено навивачите на белградскиот клуб имаат големи очекувања од него и се надеваат дека некогашниот шампион наскоро ќе застане на здрави нозе....

Тренерот на Фенербахче, Жозе Мурињо неколку пати изјави дека не му се допаѓа фудбалската атмосфера во Турција и дека би сакал да си замине оттаму, но сепак прави планови за засилувања. Турските медиумим тврдат дека негова цел е Кристијан Ериксен од Манчестер Јунајтед кој е еден од најдобрите играчи во својот тим и покрај тоа што пред три години животот му висеше на конец, за време на Европското првенство. Двајцата соработуваа во Тотнем, а Мурињо сака во јануари да го донесе Ериксен во тимот на Фенербахче. Ериксен има време дотогаш да види како ќе се одвива ситуацијата со Рубен Аморим и дали ќе игра кај него, па ќе ја донесе одлуката. Интересно е тоа што Мурињо има понуди од Англија за продолжување на кариерата. Заинтересирани за него се Евертон и Њукасл, но неизвесно е дали до крајот на оваа сезона ќе ја промени средината....

Шпанскиот тенисер Рафаел Надал замина во пензија како втор тенисер во историјата по остварена заработка за време на кариерата. Надал во кариерата освои 92 пехари и тоа му донесе заработка од 134.946.100 долари, додека зад него е поранешниот швајцарски тенисер Роџер Федерер со 130,5 милиони долари. Убедливо прв на оваа листа во моментов е Новак Ѓоковиќ со 185 милиони долари, но Србинот планира да одигра барем уште една сезона и сигурно ќе ја зголеми заработката. Rafael Nadal has made $134 million in career prize money, will retire as No. 2 highest-earning tennis player ever https://t.co/Wrk504b6Xy— CNBC Make It (@CNBCMakeIt) November 19, 2024...

Европската фудбалска унија (УЕФА) ги изрече санкциите по прекинот на мечот меѓу Романија и Косово во Лигата на нации. Романија доби службена победа од 3-0 и ги освои бодовите, откако репрезентативците на Косово во финишот решија да заминат во соблекувалната. Косово се пожали дека добиле навредливи пораки од трибините, кои извикувале „Србија, Србија“ и „Косово е Србија“. Гостинскиот состав, освен загубениот меч, ќе мора да плати и казна од 6.000 евра, додека Романија ќе мора да плати дури 30.000 евра поради политички пораки од трибините. Тука не е крајот на казните, затоа што УЕФА имаше уште неколку санкции за домаќинот, како што се 9.000 евра за фрлање предмети на теренот, 4.500 евра за употреба на пиротехника, 8.000 евра за користење ласери и 12.500 евра поради навреди за време на химната на Косово....

Премиерлигашот Тотнем ќе се жали поради суспензијата која ја доби нивниот фудбалер Родриго Бентанкур поради расистички коментар за соиграчот Хуан Мин Сон. „Скај“ објави дека лондонскиот тим ќе се жали поради должината на суспензијата која му ја изрече Фудбалската асоцијација на Англија (ФА). Бентанкур кажа дека „сите Јужнокорејци личат исто“, по што Сон му прости за неговиот коментар, но тоа не беше случај и со ФА која веднаш почна истрага, а потоа му изрече и казна на фудбалерот....

Легендарниот боксер Мајк Тајсон неодамна загуби со судиска одлука од јутјуберот Џејк Пол, а по борбата се јави уште една легенда на овој спорт, Евандер Холифилд. Холифилд во кариерата се бореше двапати против Тајсон, и тоа во 1996 и 1997 година, а сега сака и трета борба. „Навивачите го сакаат тоа“, побара Холифилд, но Тајсон му одговори дека не планира наскоро да влезе во рингот. Холифилд победи во двете борби, и тоа на првата со технички нокаут, додека на втората со дисквалификација на Тајсон поради тоа што го гризна за уво....

Еден од најдобрите тенисери во светот, Рафаел Надал ја заврши кариерата откако го имаше последниот настап за репрезентацијата на Шпанија во четвртфиналето на Дејвис Купот. Поразот на Шпанија падна во сенка на збогувањето на Надал, кој во солзи на теренот ги слушаше пораките од неговите поранешни колеги Новак Ѓоковиќ, Роџер Федерер, Хуан Мартин Дел Потро, Серена Вилијамс и други. Roger, Serena, Novak & more pay their respects to Rafa in a lovely tribute. 🥹 pic.twitter.com/2NMUlfQJLr— Tennis Channel (@TennisChannel) November 20, 2024...

Аргентина славеше со 1-0 против Перу со голот на Лаутаро Мартинез во рамки на квалификациите за Светското првенство (СП), а фудбалерот Пабло Гереро привлече внимание со интересна изјава за Лионел Меси. Репрезентативецот на Перу смета дека судиите премногу го штитат легендарниот Аргентинецот и веднаш реагираат и при најмал контакт. „Ако го допрете Меси со прст, судијата веднаш ќе досуди прекршок“, кажа Гереро по поразот на неговата селекција. „Гаучосите“ по 12 одиграни кола се на првото место во квалификациите со 25 бодови, додека Перу е последен со само седум поени....

xnula.mk е новата е-продавница специјализирана за продажба на апарати за домаќинство и фитнес опрема од реномирани и светски познати брендови Доколку сакате брзо, безбедно и едноставно онлајн купување, кое ќе ви ги донесе најпосакуваните брендови директно до вашиот дом, и притоа ќе ви заштеди време, новата онлајн дестинација xnula.mk, ги нуди сите предности на онлајн купувањето. Тука ќе ги најдете сите детали за производите, услугите и тековните промоции, за уникатно корисничко искуство. „xnula.mk е официјален увозник на Dyson и ги нуди сите новитети и иновативни решенија за вашиот дом. За прв пат во Македонија, ексклузивно во понудата се достапни и брендовите Ninja и Shark како и новитети од Yesoul и Ovicx – водечки брендови за фитнес опрема кои инспирираат здрав и активен животен стил. Наскоро, ќе се приклучат и брендовите Roborock и Dreame, кои ќе ја заокружат нашата палета со напредни решенија за одржување на хигиената во вашиот дом“ – истакнуваат од xnula.mk. Од аспект на услугата, од xnula.mk се водат од трите основни вредности: Комфор и практичност при купувањето, со брза и бесплатна достава до сите дестинации во Македонија. Сигурност и гаранција, преку безбедни начини на плаќање и поддршка по продажбата, со гаранција за сите производи и достапност на резервни делови. Премиум брендови и квалитет: пристап до производи кои се одбрани за да ги задоволат највисоките стандарди во современиот животен стил. Од xnula.mk веруваат дека купувањето треба да биде лесно, безбедно и пријатно – со врвен квалитет, грижа за клиентот и удобност. Нивната мисија е да постават нови стандарди за онлајн шопинг во Македонија и да изградат платформа што ќе се развива и понатаму, следејќи ги најновите трендови. Откријте го светот на напредната технологија и фитнес опрема, која отсега ви е на дофат, брзо и едноставно на xnula.mk...

Милорад Миленковски како претставник на здружението „35 години Вардарци Скопје, кој е малцински акционер во Вардар, на денешната прес-конференција откри детали и за долгот кој го има најтрофејниот клуб. Миленковски информираше дека Вардар има долг од три милиони евра, од кои 800.000 се кон Управата за јавни приходи (УЈП), 1,2 милиони евра за плати, 200.000 евра кон ПУИГ, но и други долгови кон доверители. „Постои можност да се репрограмира долгот кон УЈП, законски е можно на 36 месеци, додека со владина одлука може да се пролонгира дополнително рокот. Сепак, има најави дека ќе се подмири долгот наскоро и сметката да биде деблокирана до крајот на годината. Меѓутоа тоа треба да го потврди мнозинскиот акционер. Сите сакаме да биде подмирен долгот на Вардар“, кажа Миленковски....

Аргентинскиот тренер Херардо Мартино си поднесе оставка од кормилото на Интер Мајами поради приватни проблеми кои не сакаше да ги открие во јавност, а за тренерското столче сега се борат Чави Ернандез и Хавиер Маскерано. Екипата од МЛС-лигата ќе се потруди да ангажира уште еден поранешен член на Барселона, откако претходно договори неколку фудбалери меѓу кои се Луис Суарез, Жорди Алба, Серхио Бускетс и Лионел Меси. Шпанските медиуми пишуваат дека еден од кандидати за нов стратег е Чави, но во конкуренција се и Маскерано, Јоаким Лев, Франк Лампард, Јирген Клинсман и други....

Навивачката група „Комити“ организираше прес-конференција на која откриваше детали од преговорите за спас на најтрофејниот македонски фудбалски клуб Вардар. „Комити“ со 15 отсто е малцински акционер во клубот преку здружението „35 години Вардарци Скопје“, а за ситуацијата информираше Милорад Миленковски. „Средба со владата имавме на 10 јуни и ни кажаа дека имаат решение за Вардар, но треба да ги предадеме акциите. Инсистираа Миленко Неделковски да биде извршен директор. Ние не прифативме, но на 3 јули бевме принудени да му дадеме рака на Миленко и да ги задржиме 15 отсто од акциите. Договорот со Атила Жалили се завери на 10 октомвори и на 11 ноември како што Миленко милува да каже во 11 часот и 11 минути се одржани Собрание на кое се потврдија промените. Еден извршен член е поставен од Атила Жилали и тоа е Миленко Неделковски, тука се уште три неизвршени членови од нивна страна и еден неизвршен член од наша страна. Немаме стереотипи, но кажавме дека Миленко не е достоен за да биде во клубот. На состанокот со претставник од Владата ни беше кажано ‘или Миленко во Вардар или клубот нема да постои’“, вели Миленковски. Вардар во моментов, по 14 одиграни кола, е на 11. место во Првата лига со само 11 освоени бодови, односно еден повеќе од последнопласираниот Тиквеш....

Најдобрата македонска тенисерка, Лина Ѓорческа доживеа пораз во првото коло од турнирот во Трнава откако загуби од првата носителка, Французинката Осиан Додин. Во првиот сет имаше голема борба по која француската тенисерка го доби сетот со 7-5 и поведе со 1-0. Вториот сет го доби Ѓорческа со фантастични 6-0 и се чинеше дека може да направи пресврт и да дојде до победата, но не беше така. Кога беше најпотребно, во третиот решавачки сет Додин која е 115 на ВТА листата покажа дека е поквалитетна тенисерка, го доби сетот со 6-2 и дојде до победата....

Шансите Итан Хап да настапи на престојните дуели со Литванија пропаднаа во вода откако натурализираниот македонски репрезентативец не успеа навреме да се врати од повредата. Од претходно се знаеше дека настапот на Хап е неизвесен, но надеж постоеше дека тој може да се опорави навреме. Кошаркарот на Валенсија кој повеќе од три недели е во аут, пристигна во Скопје, во изминатите два дена беше на прегледи по кои беше заклучено дека нема да може да настапи на дуелите против Литванија. Македонија нема да може да смета ниту на Ненад Димитријевиќ за првиот натпревар против Литванија, но тој би требало да настапи на реваншот. Париз не го пушти Ти Џеј Шортс, па нашата репрезентација ослабена ќе влезе во престојните мечеви....

Актуелниот македонски шампион, тимот на Пелистер вечерва има нов предизвик во елитното натпреварување, во салата „Боро Чурлевски“ во Битола го пречекува тимот на Фредериција. Единствената победа во овие две години од Лигата на шампионите, Пелистер ја оствари токму против Фредериција победувајќи ја во минатото коло на нејзин терен со 25-23. Вечерва пелистерци играат против истиот противник, данскиот вицепрвак гостува во Битола и тоа ќе биде можност и за прва домашна победа. На клупата на Пелистер ќе дебитира шпанскиот стратег Раул Алонсо кој неодамна стави потпис на договор со македонскиот клуб до крајот на наредната сезона. „Имавме само три тренинга заедно, но ќе се потпреме на јасен план. Ќе се фокусираме на силна одбрана, интервенции од голманите и добро организирана транзиција. Ова е натпревар од Лигата на шампионите, каде што малите детали се одлучувачки“, рече Алонсо. Натпреварот меѓу Пелистер и Фредериција почнува од 20:45 часот....

Џенова соопшти дека Патрик Виеира е нов тренер на првиот тим, тој од денеска почнува со новата работа. Пред легендарниот Виеира е нов тренерски ангажман, за првпат во Серија А. „Џенова со задоволство може да соопшти дека Патрик Виеира е нов тренер на првиот тим. Тој ќе го води тренингот откако ќе го формализира договорот ова попладне“, стои во соопштението на Џенова. Il Genoa CFC comunica di aver affidato la conduzione tecnica della prima squadra a Patrick Vieira. Il nuovo mister dirigerà nel pomeriggio il primo allenamento dopo la formalizzazione del contratto nella sede di Villa Rostan. Dopo un percorso professionale, tra il 2011 e il… pic.twitter.com/jmp8m6guxr — Genoa CFC (@GenoaCFC) November 20, 2024...

Шпанските медиуми пишуваат дека Арсенал го сака на позајмица 19-годишниот турски фудбалер од Реал Мадрид, Арда Ѓулер. Реал Мадрид има широк состав на квалитетни фудбалери, па и покрај тоа што важи за огромен талент, Арда Ѓулер добива малку минути на теренот. И покрај тоа што Анчелоти му ветува поголема минутажа, тоа никако да се случи, па се чини дека единствен излез од оваа ситуација за Ѓулер е да замине на позајмица. Се шпекулира дека Арсенал е заинтересиран да го донесе Арда Ѓулер на Емирати во јануари. Тие така го добија и Одегард кој во Реал Мадрид отиде како голем талент, но во потрага по минутажа прво беше позајмен на Арсенал кој потоа и целосно го откупи....

Шведскиот напаѓач на Спортинг Лисабон, Виктор Ѓокереш е вистински хит со бројот на голови кои ги постигнува, тој е убедливо најдобар стрелец во Европа во овој момент. Ѓокереш вчера даде четири гола за Шведска во победата над Азербејџан од 6-0. Стигна вкупно до бројка од 32 гола и 7 асистенции во сите натпреварувања оваа сезона. А уште сме ноември. Тој во моментов е најдобар стрелец во Лигата на нации, најдобар стрелец во Лигата на шампионите заедно со Кејн, Левандовски и Рафиња (имаат по 5 гола), најдобар стрелец во Португалската лига и најдобар асистент во Лигата на нации. За него има интерес речиси од сите големи клубови, но се шпекулира дека во предност е Манчестер јунајтед поради неговиот довчерашен тренер, Рубен Аморим. Евентуалниот трансфер би се реализирал по крајот на сезоната....

Заврши групната фаза од Лигата на нации, се сумираат статистиката, а кога се во прашање голманите, таму број еден е нашиот Столе Димитриевски. Димитриевски е единствениот голман кој не примил гол на пет натпревари во Лигата на нации оваа сезона, Македонецот е и единствениот голман кој има асистенција. Единствениот гол кој го прими Димитриевски беше од пенал против Фарски Острови, оттогаш поминаа 531 минута како неговата мрежа не се тресеше. Само еден гол има примено и Молдавија, но тоа е во група со три репрезентации, што значи дека одиграле само четири натпревари, на три ја сочувале мрежата....

Денвер Нагетс првпат победи без Никола Јокиќ во своите редови, триумфирајќи на гостувањето кај Мемфис со105-90. Србинот очекува принова во своето семејство, па го пропушти третиот натпревар по ред, но неговото отсуство конечно имаше кој да го пополни. Најефикасен беше Џамал Мареј со 27 поени, Портер додаде 24, а Браун 19. Сепак, приказна на денот е ветеранот Расел Вестбрук кој го искористи поширокиот простор и дојде до историско достигнување. Тој е првиот играч во постоењето на НБА лигата кој ја мина границата од 200 трипл дабл натпревари. Против Мемфис постигна 12 поени, 14 асистенции и 10 скока и само го подобри својот рекорд во оваа статистичка категорија....

Македонската кошаркарска репрезентација ги финализира подготовките пред утрешниот меч против Литванија, исклучително важен во борбата за пласман на Европското првенство. Нашиот тим ќе настапи десеткуван на овој дуел бидејќи нема да играат Ти Џеј Шортс и Ненад Димитријевиќ, но оние што ќе настапат треба да се покажат во тешките моменти. Адем Мекиќ е свесен за тоа и ги повикува соиграчите да извадат се од себе. „Литванија е една од најсилните репрезентации во светот, а дуелите со неа се од исклучително значење за нас. Имавме успех на гостувањето во Полска, ќе мораме сите да бидеме на висина на задачата, да дадеме 200% од нашите можности и да се обидеме да изненадиме барем на домашен терен. Како репрезентација, мораме да бидеме агресивни, секако дека го респектираме противникот, но не смееме да се повлечеме. Мораме да веруваме во позитивен резултат“, вели 29-годишниот кошаркар....

Актуелниот светски шампион Аргентина не се намачи многу против аутсајдерот Перу, но го испрати со само еден гол во мрежата. На домашен терен, „гаучосите“ славеа со 1-0 и сега им треба само уште една победа за официјално да го потврди пласманот на следниот Мундијал иако е јасно дека дури и да ги загуби сите натпревари до крајот на квалификациите, сепак ќе ја брани титулата за две години. Единствениот гол ноќеска беше дел на Лаутаро Мартинез кој со тоа ја круниса најдобрата година на личен план во репрезентацијата, година во која постигна 11 гола за националниот тим и беше прв стрелец на Копа Америка. Во 55. минута. напаѓачот на Интер погоди на додавање на Лионел Меси кој притоа стигна до 58. асистенција во репрезентативниот дрес и со тоа постави нов светски рекорд, надминувајќи го Лендон Донован. Аргентина сега има 25 бода, 12 повеќе од седмопласираната Боливија, на шест кола пред крајот на квалификациите. РЕЗУЛТАТИ Боливија - Парагвај 2-2 Колумбија - Еквадор 0-1 Аргентина - Перу 1-0 Чиле - Венецуела 4-2 Бразил - Уругвај 1-1 ТАБЕЛА: Аргентина 25 бода, Уругвај 20, Еквадор 19, Колумбија 19, Бразил 18, Парагвај 17, Боливија 13, Венецуела 12, Чиле 9, Перу 7....

Екипата на Кливленд Кавалирс го доживеа првиот пораз во сезоната во НБА, дури во 16. натпревар. Подобар од најдобриот тим во лигата беше шампионот Бостон Селтикс кој на домашен терен славеше со 120-117. Кливленд имаше 21 поен негатива во третата четвртина (50-71), но потоа направи огромен пресврт и поведе со 86-84. Се чинеше дека спектакуларната серија ќе продолжии по овој меч, но повеќе од тоа, Кавс не можеа и на крајот му честитаа на својот ривал. Пред Кливленд, само уште три екипи успеале да ја почнат сезоната со 15 или повеќе победи во серија: Вашингтон Капитолс во 1949, Хјустон Рокитс во 1994 и Голден Стејт Вориорс во 2016 година и секој од нив подоцна стигнувал барем до финалето. Од нив, само Хјустон подоцна ја освојувал шампионската титула. Што се однесува до синоќешниот меч, Џејсон Тејтум со 33 поени, 12 скока и 7 асистенции беше најдобар во победничкиот тим, додека Донован Мичел со 35 поени го предводеше Кливленд. РЕЗУЛТАТИ Бостон - Кливленд 120-117 Бруклин - Шарлот 116-115 Мемфис - Денвер 110-122 Далас - Њу Орлеанс 132-92 Сан Антонио - Оклахома 110-104 ЛА Лејкерс - Јута 124-118...

Дејвис куп репрезентацијата на Шпанија доживеа елиминација во четвртфиналето од турнирот во Малага, а со тоа официјално заврши блескавата кариера на Рафаел Надал. Легендарниот Шпанец најави дека овој турнир ќе биде негов последен, а на крајот излезе дека одигра само еден меч и тој го загуби. Шпанија загуби од Холандија со 1-2, Надал го играше првиот меч и го загуби од Ботик ван де Зандшлуп со 0-2 (4-6, 4-6), Алкараз израмни против Талон Грикспор, но во двојки со Гранољерс загуби од Кулхоф и Ван де Заншлуп и тоа беше крај за Шпанија и Надал. Кариерата на Надал траеше од 2002 до 2024 година, во овој период освои 92 трофеја од кои 22 Гренд слема, плус 36 на Мастерсите, 23 на турнирите од Серија 500, 10 на турнирите од Серија 250 и едно олимписко злато. На првото место на АТП листата помина 209 недали, најтрофеен играч е на Ролан Гарос со 14 титули, како и во Монте Карло, Рим и Мадрид. Единствени турнири кои не успеа да ги освои се Мастерсите во Мајами и Париз и завршниот во сезоната....

Со завршувањето на циклусот во Лигата на Нации познати се сите шешири во квалификаиите за Светското првенство во 2026 година. Македонија со добрите настапи и петте победи во шест натпревари со едно реми во групата со Летонија, Ерменија и Фарски Острови напредуваше и стигна до третиот шешир. Во третиот шешир со Македонија се уште селекциите на: Шкотска, Словенија, Република Ирска, Албанија, Грузија, Финска, Исланд, Северна Ирска, Израел, Босна и Херцеговина и Црна Гора. Ова значи дека со овие селекции не може да играме во иста група. Од првиот шешир каде што се најсилните селекции на „хартија“ најпосакуван противник е Данска, квалитетен исто така е вториот шешир каде што се селекции како Норвешка, Турција, Србија... Четвриот и петтиот шешир се репрезентации кои се послабо рангирани, па така во тие дуели и ние би ја имале фаворитската улога. Кога ќе се погледнат шеширите можна е и балканска група со Хрватска, Србија, Македонија, Косово и еден член од аутсајдерите од последниот петти шешир. Ждрепката за групите е закажана за 13 декември во Цирих....

Светското фудбалско првенство во 2034 година ќе се одржи во Саудиска Арабија и тоа е вест која е позната нешто повеќе од една година кога од трката за домаќинство се повлече Австралија и така Саудијците останаа единствен кандидат. Познато е дека првенството ќе се одржи во пет различни градови на вкупно 15 стадиони од кои 11 ќе бидат нови. Преку дигитални фотографии, Саудијците веќе и претставија еден од стадионот. Станува збор за стадионот „Крал Салман“ кој ќе има капацитет од околу 92.000 седишта. На овој стадион би требало да се игра првиот натпревар и големото финале. Изградбата на стадионот треба да започне во 2025 година, додека отворањето е планирано за 2029 година. 🚨 Saudi Arabia will build a new stadium: The King Salman! 🤯🇸🇦 With a capacity of 92,000, it is expected to host the 2034 World Cup final. 🏟 pic.twitter.com/ierYcSlQpp — Football Tweet ⚽ (@Football__Tweet) November 19, 2024...

Пет месеци откако настапи на Европското првенство во Германија, репрезентацијата на Албанија доживеа катастрофален резултат во Лигата на нации. Во следното издание од ова натпреварување, селекцијата на нашиот западен сосед ќе игра во Ц-дивизијата затоа што вечерва доживеа шокантен пораз од Украина со 1-2. Во пресрет на последното коло, Албанците беа втори, со бод помалку од Чешка и им требаше нерешен резултат за го освојат второто место кое води во баражот за пласман во повисок ранг. Место тоа, ги разочараа своите навивачи во Тирана. По само десет минути игра Украина водеше со 2-0 со головите на Зинченко и Јаремчук. Бајрами намали дури во 75. минута од пенал, но Албанија не успеа да дојде до посакуваното израмнување. На крајот Албанците завршпија на последното место во групата со 7 бода колку што има и третопласираната Грузија, но е со послаба гол-разлика и затоа за две години ќе игра во третиот ранг по квалитет....

Иако вечерва се играа последните натпревари од А-Лигата на нации, најинтересно беше во Б-дивизијата каде се одлучуваше кои ќе бидат последните репрезентации што ќе обезбедат пласман во повисок ранг, кои ќе испаднат и кои ќе играат бараж. Приказна на денот е Црна Гора која до денеска беше без победа и без бод во Лигата на нации, со само еден постигнат гол, а вечерва ја совлада Турција на домашен терен со 3-1. Можеби тука не би имало ништо интересно, ако не се знае дека на Турците им требаше барем бод за да останат на првото место во групата и да се изборат за директен пласман во повисок ранг. Вака завршија на втората позиција и ќе мораат да играат бараж во кој потенцијални ривали им се Шкотска, Белгија, Унгарија и Србија. Крстовиќ беше играч на натпреварот што се одигра во Никшиќ, постигнувајќи ги трите гола за Црна Гора. 3:1 🇲🇪🇲🇪💪💪 KRSTOVIĆ 🫡🫡 pic.twitter.com/k8dnuPucvU — Montenegro🇲🇪🇲🇪 (@Mnehn_19) November 19, 2024 Со ова Црногорците му направија услуга на Велс кој оди директно во А-Лигата на нации, како и Чешка од групата 1 откако вечерва во директниот дуел ја совлада Грузија со 2-1. Украина ќе игра бараж за пласман во повисок ранг, Грузија ќе се бори за опстанок, а Албанија испадна в Ц-дивизијата. Своја вечер имаше напаѓачот на Спортинг, Виктор Ѓекереш кој во победата на Шведска над Азербејџан со 6-0 учествуваше со четири гола. Оваа година, тој експлодираше за националниот тим, постигнувајќи вкупно десет гола на седум настапи. Од А-Лигата на нации, каде што натпреварите немаа никакво резултатско значење, се играше само во групата 3 и двата меча (БиХ-Холандија и Унгарија-Германија) завршија со идентичен резултат, 1-1. РЕЗУЛТАТИ, Б-ЛИГА НА НАЦИИ ГРУПА 1 Чешка - Грузија 2-1 Албанија - Украина 1-2 ТАБЕЛА: Чешка 11 бода, Украина 8, Грузија 7, Албанија 7 ГРУПА 4 Велс - Исланд 4-1 Црна Гора - Турција 3-1 ТАБЕЛА: Велс 12 бода, Турција 11, Исланд 7, Црна Гора 3. ГРУПА 2 ТАБЕЛА: Англија 15 бода, Грција 15, Ирска 6, Финска 0 ГРУПА 3 ТАБЕЛА: Норвешка 13 бода, Австрија 11, Словенија 8, Казахстан 1....

Македонскиот вицешампион Вардар извлече нерешен резултат на гостувањето на Исланд, играјќи 34-34 со домаќинот Валур. До бодот, „црвено-црните“ стигнаа со гол во последната секунда од пенал, преку Срдановиќ откако претходно, на околу минута до крајот, испушти шанса да дојде до водство кое можеби ќе го однесеше и до победа. Сепак, треба да се знае дека и за малку ќе загубеше затоа што на 20 секунди пред крајот прими гол и потоа среќно изнуди пенал и дојде до израмнување. Во останатиот дел од мечот, Валур беше во постојана предност, во првото полувреме со највисоки +5 (14-9), но успеваше да се врати во игра. Последен пат Исланѓаните имаа повисока предност на 12 минути пред крајот, со 29-26, но Вардар повторно успеа да се врати и да израмни на 30-30. Своето прво водство, нашиот тим го имаше на помалку од три минути пред крајот кога преку Јагуриновски поведе со 33-32, а потоа дојде драматичната завршница во која двата тима се задоволија со по еден бод. Георгиевски, Срдановиќ и Маргели со по пет гола беа најефикасни во тимот на Вардар, но мора да се знае дека новиот тренер Милано ги немаше на располагање Борозан, Лазаревски и голманот Еспиња. „Голманот Васил Гогов се истакна со седум одбрани. Со ова „црвено-црните“ официјално ги загубија шансите за пласман во следната фаза бидејќи имаат негативен исход во дуелите со Порто, а заостануваат зад португалскиот тим два бода....

Трофејниот шпански стручњак Пеп Гвардиола прифатил продолжување на договорот со Манчестер Сити на уште една сезона што значи дека ќе остане на клупата најмалку до јуни 2026 година, тврдат вечерва англиските медиуми. Актуелниот договор на Гвардиола истекува на крајот од оваа натпреварувачка кампања, постоеја низа шпекулации во врска со неговата иднина, но на крај сите тие се демантирани. Информациите за негово заминување особено се интензивираа минатиот месец откако од Манчестер Сити си замина Чики Бегиристаин со кого соработуваше долго време. Новиот договор ќе биде потпишан на една сезона, со можност за продолжување на уште една. Гвардиола дојде во Сити во 2016 година и оттогаш освои шест шампионски титули во Премиер лигата и една во Лигата на шампионите или вкупно 18 трофеи со што е убедливо најуспешен тренер во историјата на клубот....

Поранешната ѕвезда на Рома, Антонио Касано остро го искритикува потегот на газдите на клубот да го вратат искусниот Клаудио Раниери на клупата и покрај тоа што тој минатата сезона одлучи да ја заврши тренерската кариера. Касано смета дека 73-годишниот стручњак не е вистинското решение за Рома која сезонава веќе смени двајца тренери. „Браќата Фридкин не разбираат дека навивачите на Рома не се глупави. Мислам дека тие направија уште поголема глупост затоа што во обид да го смалат притисокот врз себе, а во исто време да не го вратат Де Роси, одлучија да ангажираат некого кого навивачите го сакаат, но кој не е вистинско решение. Со целосен респект кон Раниери кој е вистински џентлмен, тој самиот рече дека ја завршува кариерата. Што може тој да направи во клуб како Рома? Мислам дека потегот на газдата е одвратен“, рече Касано. Раниери ќе биде вкупно четврти тренер на Рома во 2024 година која ја почна Жозе Мурињо, на негово место беше ангажиран Даниеле де Роси, а до минатата недела беше Иван Јуриќ....

Србија одигра нерешено со Данска на домашен терен во Лигата на нации, а по мечот беше забележана една необична ситуација во која главна улога беше данскиот селектор Брајан Ремер. Ремер се појави пред новинарите по ремито без голови во Србија, но ниту еден од присутните не му постави прашање, по што селекторот си замина од прес-конференцијата. An incredibly short press conference 😅Denmark coach Brian Riemer left after just 20 seconds after he was asked no questions following his side’s goalless draw against Serbia… 🤷‍♂️ pic.twitter.com/wvA1T1Ej5s— Football on TNT Sports (@footballontnt) November 19, 2024...

Аргентинскиот стручњак Херардо Тата Мартино поднесе неотповиклива оставка на тренерската функција во Интер Мајами откако не успеа да му донесе титула во МЛС на својот тим. Екипата од Флорида беше сензационално елиминирана во првата рунда од плејофот, од Атланта Јунајтед и пропушти да се бори за трофејот и покрај тоа што во своите редови го има најдобриот фудбалер на сите времиња Лионел Меси, плус суперѕвезди како Луис Суарез, Жорди Алба и Серхио Бускетс. Мартино одлучи да поднесе оставка и покрај тоа што постави рекорд во основниот дел од сезоната, освојувајќи 74 бода, а дури три месеци од сезоната не можеше да смета на Меси кој прво настапуваше на Копа Америка, а потоа беше повреден. На 34 натпревари во сезоната, под водство на Аргентинецот, Интер Мајами оствари 22 победи, 8 нерешени резултати и 4 порази, со гол разлика 79-49. Мартино дојде во Интер Мајами во летото 2023 година, заедно со Лионел Меси и со овој тим го освои Лига купот лани и титулата по основниот дел на сезоната во МЛС што се смета како официјален трофеј. Сепак, ниеден од тие два пехара не е од големо значење, исто како што во сезоната 2013/14, Мартино со Меси не освои ништо значајно во Барселона, освен Суперкупот на Шпанија....

Ракометарите на ГОГ беа убедливи против Горење со 31-21 во петтото коло од Европската лига на ЕХФ, со што го запишаа четвртиот триумф и се пласираа во следната фаза. Горење имаше предност само на стартот од 3-2, по што ГОГ ја презема контролата врз мечот и на полувреме замина со 16-11. Во вториот дел Горење се обидуваше да остане во игра и намали на 20-22, но потоа ГОГ го засили темпото и со одлична серија во завршницата славеше со 31-21. Најефикасен во победата беше Келд Вилхелмсен со седум голови. Данскиот тим е на првата позиција во групата А со девет бодови, по што следи Криенс со шест, Адемар има два, а Горење е на дното со еден поен. Останати резултати: Гранољерс – Забрзе 41-30 Гумерсбах – Хафнарфјордур 32-24 Прешов – Лимож 21-34 Истадс – КОнстанца 38-29...

Српскиот напаѓач Душан Влаховиќ ќе мора да паузира надвор од терените откако се повреди во завршницата од мечот против Данска во шестото коло од Лигата на нации. Влаховиќ побара принудна замена на дуелот со Данска, а денешните медицински прегледи покажуваат дека повредата на Србинот не е тешка, но не е ниту наивна. Јувентус ќе ја следи ситуацијата на Влаховиќ и во следните денови, меѓутоа речиси сигурно нема да ризикува посериозна повреда на напаѓачот. Според прогнозите, Влаховиќ нема да настапи во дербито против Милан на „Сан Сиро“, а ќе го пропушти и мечот против Астон вила во Лигата на шампиони. Србинот оваа сезона настапи на 16 меча за „Старата дама“, а притоа постигна девет голови и една асистенција....

Еден од најдобрите тенисери во историјата, Рафаел Надал одамна не игра на посакуваното ниво поради тоа што се соочи со незгодни повреди, а денеска разочара пред својата публика и загуби со 0-2 во сетови, односно 4-6 и 4-6 од Ботик Ван Де Зандшлуп. Надал уште на самиот почеток покажа дека ќе има проблеми против Холанѓанецот во првиот четвртфинален меч од Дејвис купот, а не му помогна ни огромната поддршка на теренот во Малага. Шпанецот по 23 години во професионалниот тенис, 1.080 победи и 92 титули, можеби го одигра последниот меч во кариерата, но тоа ќе зависи од дуелот меѓу Карлос Алкараз и Талон Грикспор....

Легендарниот кошаркар Боб Кузи во интервју за „Денвер Газет“ зборуваше за српскиот играч Никола Јокиќ кој е главен во редовите на Денвер нагетс. Јокиќ оваа сезона во просек постигнува по 29,7 поени, 13,7 скокови и 11,7 асистенции, а Денвер секогаш има потешкотии кога Србинот не е на теренот. „Никола е застапен во сите сегменти од играта. Неговата игра ме воодушевува. Ако го погледнете, можеби не личи ниту на спортист. Повеќе личи на камионџија, но има вештини да победи било кого. Покрај тоа, знае да погоди тајминг и да го реши мечот“, кажа Кузи. Кузи е роден во 1928 година, а во кариерата играше за Бостон и Синсинати....

Шпанскиот тенисер Рафаел Надал по 92 освоени титули во кариерата, меѓу кои и 22 гренслем-пехари, конечно се ближи кон крајот и наскоро ќе се повлече од тениските терени. Шпанија игра против Холандија во четвртфиналето на Дејвис Купот во Малага, а Надал претходно објави дека тоа му е последно натпреварување во кариерата. Пред почетокот на мечот, за време на химната, Надал не можеше да ги задржи солзите и се расплака пред публиката. Nadal was moved to tears while listening to the Spanish anthem ❤️💛 pic.twitter.com/QXTIoKZpzn — Bastien Fachan (@BastienFachan) November 19, 2024...

Фудбалската репрезентација на Гана загуби од Нигер со 1-2 во Африканскиот куп на нации, а на мечот беше забележана невообичаена сцена на која главни беа навивачите на домашната селекција. Гана во 96. минута можеше да избори реми, но Мохамед Кудуз не се прослави со ударот од белата точка. Кудуз пред да го изведе ударот доби навреди од своите навивачи кои не се среќни за тоа што ја добил капитенската лента, односно му ја одзема на Џордан Ају. Откако капитенот го промаши пеналот, навивачите на Гана почнаа да слават, па дури и покрај тоа што нивната репрезентација загуби. Ghana fans chanting “away” as Kudus steps to take a penalty vs Niger. The fans celebrate as he missed. The highest form of disapproval I’ve experienced. 💔 pic.twitter.com/nyKQPBuDVU — Saddick Adams (@SaddickAdams) November 18, 2024...

Германецот Томас Тухел ќе биде нов селектор на англиската фудбалска репрезентација, а главна задача ќе му биде да го освои Светското првенство (СП) во 2026 година. Привремениот селектор на „Гордиот Албион“, Ли Карсли смета дека Тухел има сè што му е потребно за да го крене пехарот на турнирот за две години. „Мислам дека сме во добра позиција. Имаме талентирани фудбалери. Имаме сè што ни е потребно за да го освоиме Мундијалот. Само треба паметно да се искористи ситуацијата. Мора да пронајдеме рамнотежа“, кажа Карсли....

Дефанзивецот на Реал Мадрид, Едер Милитао беше успешно опериран и ќе паузира околу девет месеци, а тоа значи дека шпанскиот гигант ќе мора да бара засилување во одбраната во јануари. Шпанскиот медиум „АС“ објави дека Милитао ги скинал лигаментите на десното колено и го повредил менискусот во мечот против Осасуна. Според прогнозите, се очекува 26-годишниот бразилски фудбалер да се врати на теренот дури следното лето, односно за него е завршена актуелната сезона. Милитао пропушти поголем дел од минатата сезона поради тоа што повторно имаше проблем со повреда, односно ги скина лигаментите на левото колено....

Легендарниот италијански голман Џанлуиџи Буфон во текот на кариерата играше покрај многу други звучни имиња, а меѓу нив е и бразилскиот фудбалер Нејмар. Нејмар важеше за еден од најталентираните фудбалери, а Буфон смета дека Бразилецот заслужил да освои пет „Златни топки“. „Играв со три различни генерации на фудбалери. Мислам дека Нејмар беше одличен фудбалер и заслужи да освои пет ‘Златни топки’“, посочи Буфон. Бразилецот во моментов го носи дресот на Ал Хилал, а во изминатите денови се поврзуваше со враќање во татковината....

Италијанскиот тенисер Јаник Синер има неверојатна сезона зад себе, а одличните настапи му донесоа и голема заработка. Синер ја заврши годината на прво место со осум освоени титули, но и голема парична награда поради настапот во Ријад на турнирот „Шесте кралеви“. Првиот тенисер во светот доби шест милиони долари за настапот во Ријад, додека на завршниот турнир во Торино заработи дополнителни 4,8 милиони долари, па така за помалку од еден месец заработи вкупно 10,8 милиони. Jannik Sinner's price money in the last TWO tournaments: - 6.000.000 $ 🇸🇦 Six Kings Slam - 4.800.000$ 🇮🇹 ATP Finals Not too bad...🦊😅 pic.twitter.com/ZjEsqvPViu — Janniksin_Updates (@JannikSinner_Up) November 17, 2024...

Фудбалската репрезентација на Хондурас ја доби казната за сериозниот инцидент кој се случи на мечот со Мексико кога селекторот Хавиер Агире беше погоден со лименка пиво. На Агире му беше дупната главата, течеше крив, но тој не се пожали за инцидентот, напротив рече дека тоа е фудбал и се случува. Сепак ваквата џентлманекса реакција на мексиканскиот селектор не беше доволна за Хондурас да избегне казна. „Дисциплиското тело донесе одлука Фудбалскиот сојуз на Хондурас следниот натпревар да го игра без присуство на публика“, стои во соопштеието....

Елиф Елмас се повреди за време на мечот меѓу Македонија и Летонија, а резултатите од повредата велат дека за него е завршена оваа сезона. Македонскиот репрезентативец имал скинати мускулни влакна на ногата, повреда за која треба да биде во аут шест недели. Со оглед на тоа што во Бундеслигата има и пауза околу божиќните празници, значи дека Елмас нема да се врати пред крајот на оваа година. Тој досега не се изнаигра во дресот на Лајпциг, па чести беа шпекулациите дека во јануари би можел да биде пратен на позајмица или продаден доколку има заинтересирани купувачи. Ако во меѓувреме биде постигнат договор со некој клуб за преселба на Елмас во јануари, тоа ќе значи дека тој веќе го одигра последниот меч за Лајпциг....

Фудбалската репрезентација на Сан Марино направи вистинско чудо откако се пласираше во Лига Ц од Лигата на нации, а сензацијата може да биде и уште поголема доколку изборат место во баражот за пласман на Светското првенство. Селекцијата на Сан Марино важи за најлошата според резултатите од минатото. Досега има вкупно три победи, а две од нив дојдоа во овој циклус од Лигата на нации. Тие со две победи над Лихтенштајн и едно реми против Гибралтар го освоија првото место во групата и се пласираа во Лига Ц. Но, новиот систем на УЕФА може да ги однесе до бараж за пласман на Светското првенство. За тоа да се случи треба да нема изненадување во квалификациите и репрезентации од првиот и вториот шешир да ги освојат првите и вторите места во групите. Ако тоа се случи, Македонија, Северна Ирска, Молдавија и Сан Марино ќе одат во баражот како победници во своите групи од Лигата на нации. If you thought this day couldn't get more crazy, check this out: ‼️ San Marino 🇸🇲 may be only 2 games away from qualifying to the 2026 World Cup ‼️ How is that possible? Best 4 UNL group winners who do not finish Top 2 in their WC qualifying group will go to WC play-offs. If… pic.twitter.com/np9ceMgKCE — Football Meets Data (@fmeetsdata) November 18, 2024...

Марио Балотели играше една сезона под водство на Патрик Виеира во Ница, двајцата немаа добра разделба, судбината сега повторно ги поврза. Балотели неодамна како слободен играч потпиша за Џенова, а сега таму за тренер доаѓа Виеира. „Тој не е направен за тимски спорт, за мене е многу тешко да работам со него“, изјави Виеира за Балотели додека беше во Ница. Тогаш покус не остана ниту Балотели, па и тој излезе со изјава против Виеира. „Никогаш немаше да ја напуштам Ница ако не беше таму Виеира“, рече Балотели. Интересно ќе биде да се види како ќе соработуваат двајцата во Џенова....

Вардар вечерва со почеток од 20:45 часот му гостува на Валур во Исланд во рамките од петтото коло на Европската лига на ЕХФ. За новиот тренер на Вардар, Гиљермо Милано ова ќе биде европско деби на клупата на црвено-црните. Тој веќе го водеше тимот на еден меч од македонската Суперлига. Вардар го доби убедливо мечот со Валур во Скопје, тогаш славевме со 33-26, но подоцна исландскиот тим покажа мускули кога на домашен терен ремизираше со Порто. Македонскиот тим само со победа ќе остане во игра за второто место, а проблем за да дојде до неа ќе биде и ослабениот состав кој на располагање ќе го има Милано. Вардар на вечерашното гостување ќе биде без пикерот Милан Лазаревски, голманот Мигел Еспиња и искусниот лев бек Вуко Борозан, во составот не се и Ален Ќосевски, Томче Стојановски, Марио Стојановски и Кристијан Стаменковиќ. Деби ќе имаат голманот Марко Богдановски и десното крило Мигел Пинто....

Шпанскиот фудбалер, Брајан Сарагоса му одговори на Томас Тухел кој не го играше во Баерн Минхен. Сарагоса во Баерн Минхен пристигна на почетокот од 2024 година, во јануари, требаше да биде замена за повредениот Кингсли Коман, но не се изнаигра во германскиот тим. Томас Тухел не сметаше на него. Шпанскиот фудбалер сега настапува во Осасуна како позајмен фудбалер од Баерн Минхен. Се пишуваше дека причината што Тухел го изоставал Сарагоса од составот е тоа што фудбалерот не знаел германски, а ниту англиски јазик, па имал проблем со комуникацијата. „Фудбалот се игра со нозе, а не со јазик. Барем јас така мислам“, рече Сарагоса запрашан за периодот под водство на Тухел....

Шпанецот Раул Алонсо, новиот тренер на Пелистер, утре ќе го води македонскиот првак во својот прв европски натпревар во Лигата на шампионите и тоа против данската Фредериција. Тој пред натпреварот изрази претпазливост и истакна дека времето за подготовка било ограничено. „Секој натпревар во Лигата на шампионите е посебен, тимовите во ова натпреварување брзо се адаптираат. Фредериција е екипа која значително напредна во последните две сезони и добро се докажа во данското првенство. Нивниот тренер, Гудмундур Гудмунсон, е искусен и еден од најдобрите во светот. Иако ги победивме на нивен терен, овој натпревар носи нови предизвици што значи дека нема лесно да излеземе на крај во Битола. Тие имаат квалитетни играчи и агресивна одбрана“, изјави Алонсо. Алонсо за подготовката пред натпреварот додаде. „Имавме само три тренинга заедно, но ќе се потпреме на јасен план. Ќе се фокусираме на силна одбрана, интервенции од голманите, и добро организирана транзиција. Ова е натпревар од Лигата на шампионите, каде што малите детали се одлучувачки“, дополни шпанскиот стратег. Натпреварот меѓу Пелистер и Фредериција е закажан за среда во 20.45 часот, во спортската сала „Боро Чурлевски“....