Од албанската опозиција Вреди се подготвени на седнат на маса со ВМРО-ДПМНЕ и да преговараат за влез во влада по изборите. Ги обвинуваат ДУИ дека лажат дека постои договор Ахмети – Таравари за црвените линии за албанскиот блок. Според Изет Меџити, ДУИ на секој можен начин се обидуваат да се оттргнат од СДСМ и да се приближи кон ВМРО-ДПМНЕ. Лидерот на ВМРО-ДПМНЕ, Мицковски денеска истакна дека идната влада ќе ја предводи ВМРО-ДПМНЕ, а во нејзе ќе биде коалицијата која на овие избори настапи под името „Влен“. Во „Топ тема“ на Телма, Крешник Бектеши тврдеше дека постои документ на кој лидерите на албанскиот блок партии веќе ставиле потпис за внесување на Бугарите во Уставот, промена на формулацијата – јазикот кој го говорат 20 отсто од населението и избор на претседател на државата во Собрание. Мицковски денеска вели тоа се барања на ДУИ. И викендов минува во меѓупартиски обвинувања, откако лидерот на ДУИ Ахмети му порача на Мицкоски дека тој не одлучува со кој ќе прави влада, туку одлучуваат мнозинството гласови на граѓаните на избори. Лидерот на СДСМ, пак, Ковачевски го демантираше Мицкоски дека спремале бојкот со ДУИ и ги повика граѓаните масовно да излезат да гласаат. Билјана Ставрова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Павле Трајанов е реизбран за претседатгел на Демократски сојуз (ДС) на денешниот 7-ми Конгрес на партијата на кој присуствуваа над 400 делегати и гости. Старо-новиот лидер на ДС апелира до граѓаните на масовност за парламентарните избори, но и за вториот круг на претседателските, а членовите ги повика да гласаат за претседателскиот кандидат Гордана Силјановска Давкова и за кандидатите за пратеници од коалицијата „Твоја Македонија“, предводена од ВМРО-ДПМНЕ. Трајанов од говорницата зборуваше за приоритетите на ДС за наредниот период. Како прво, нагласи тој, потребни се коренити уставни промени, односно нов Устав, неопходност од реформи во судскиот систем, бришење на правилото на Бадентер, Балансерот итн. Второ, донесување на нова стратегија за борба против тешките облици на криминал и високата корупција и донесување на Законот за формирање на независна Агенција за борба против овој вид на криминал. Трето, деблокирање на евроинтеграциските процеси преку градење на широк политички и граѓански консензус околу следните работи: – Македонскиот јазик да биде официјален по приемот на Македонија во ЕУ – Oбразовните, историските и идентитетските прашања да не можат да бидат основа за блокада на евроинтеграциските процеси, и – Да се обезбеди реципроцитет со Бугарија со признавање на македонското малцинство во Бугарија. Четврто, системот за безбедност да се реформира, да поминат сите вработени преку „сито“, да се обезбеди континуирана обука и да се зголемат двојно платите. Не е во ред, ниту може да се очекуваат резултати доколку и натаму главен инспектор прима плата од 45 илјади денари, а јавен обвинител од 130.000 денари. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Клучното прашање за Дубравка Угрешиќ во изложбата „Црвеното училиште“ е како и на кој начин како интелектуалец треба да се реагира во време во кое ни изгледа како повеќе да немаме иднина. И како што самата вели во својата последна книга „Нарилник за вештици“ дека местото на литературата и прогресивната култура според неа не се содржи во канонизирањето, во монументалноста, туку дека вистинското места на културата, на литературата е во илегала, во андерграундот. И особено е ова важно, сега кога повеќе ја нема Дубравка Угрешиќ, забележа Петар Милат. „Главниот аспект на изложбата „Црвеното училиште“ на Дубравка Угрешиќ како што кажува и самата таа е една археологија на нашето минато. Е сега тоа не е носталгична археологија, тоа не е едно подобро минато, туку археологија која се обидува да го еманципира минатото. Зошто е тоа така? – За повторно да ја создадеме иднината, да ја креираме иднината. Дубравка Угрешиќ која е родена во 1949 во Кутина, во Хрватска, во поранешна Југославија, која растеше во 50-те години во социјализмот и тоа е во еден дел и наслов на оваа изложба „Црвеното училиште“, училиште на социјалистичкото растење Дубравка вели „Кога јас растев, мојата генерација, сè уште верувавме дека постои иднина, а денес повеќе никој не верува во тоа“, изјави Петар Милат од Мултимедијален институт Загреб. Потфатот на Дубравка Угрешиќ е прустовски и ако Пруст успеа загубеното време да го дофати преку шолјата чај и целиот универзум и таа успеа да го свитка времето од неговата ужасна линеарност. Низ изложбата ќе видиме како девојчето стана уметница и го оствари својот просветителски сон, забележа професор Бојаџиевска. „Не можеше да ја поднесе бруталната комерцијализација во уметноста, не можеше да поднесе никаков конформизам, а најмалку овој кој го сведочиме, современиот во кој визуелните уметници и книжевната уметност котираат на пазарот како познати личности и прибегнуваат кон самобеатификација, самодивинизација како што вели таа во еден од стотиците брилијантни есеи“, изјава проф. д-р Маја Бојаџиевска. За Угрешиќ беше важно во рамките на оваа изложба КСП Центар – Јадро во Скопје да бидат интегрален дел и македонските изданија на нејзините четири книги: „Штефица Цвек во челустите на животот“, „Каталог од изложбата Црвеното училиште, фотографските есеи под наслов „Тука нема ништо“ и последната книга која на некој начин е нејзин своевиден тестамент „Нарилник за вештерки“ кои воедно ќе бидат промовирани на 9 мај, а чии преведувачи се Владимр Јанковски и Алек Кузмановски. Нина Стефанова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Потребно е да се намали националистичката реторика што се појави меѓу двата изборни круга, затоа што тоа не води никаде, рече дополнителниот заменик министер за внатрешни работи, Митко Бојмацалиев, одговарајќи на прашањето зошто евроамбасадорот Дејвид Гир при оценката на првиот круг од изборите ја потенцираше големата надеж дека и за вториот круг на претседателските избори, како и кампањата за парламентарните ќе мине во мирна и демократска атмосфера. Бојмацалиев додаде дека МВР ги следи сите настани. „Уште еднаш ги повикувам политичките партии да ја намалат националистичката реторика, бидејќи тоа не води никаде, 21 век сме, треба да се бориме со идеи и иновации за подобар живот во државата. МВР е тука секој настан да го евидентира и санкционира, со цел граѓаните да можат безбедно да гласаат на 8 мај“, рече Митко Бојмацалиев, дополнителен заменик министер за внатрешни работи. По првиот изборен круг МВР излезе со информацијата дека се регистрирани неколку нарушувања на изборниот процес и тоа 12 случаи на фотографирање гласачки ливчиња и два случаја на кинење на гласачки ливчиња, потоа шест пријави за нудење поткуп и 15 пријави за агитирање. Бојмацалиев вели дека сите пријавени нерегуларности се веќе процесуирани во ОЈО. „Се она што беше детектирано од страна на МВР, пријавено од страна на граѓаните, е поднесено до ОЈО и се процесуира. Се она што ќе е потребно да се дополни за да се комплетираат пријавите, Министерството стои на располагање и ќе ги докомплетира. Исто така МВР интензивно се подготвува и за вториот круг и парламентарните избори“, рече Бојмацалиев. Од обвинителството информира дека за сите поднесени пријави се постапува по приоритет, веднаш се распоредуваат во обвинителство и се даваат насоки за обезбедување на докази. До државната изборна комисија по завршувањето на гласањето за претседателските избори, пристигнал само еден приговор за гласањето во Липково. Синоќа во 19 часот истече крајниот рок, пак, за приговори за постапката на сумирање и утврдување на резултатите. Конечните резултати од изборите, ДИК ќе ги соопшти веднаш, а најдоцна во рок од 24 по завршувањето на целата постапка по приговорите. Емилија Мисирлиевски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Од 500 до над 500.000 денари им донирале физички и правни лица на претседателските кандидати во првиот круг од кампањата. Донирале пратеници, градоначалници, членови на партиите кои ги поддржаа кандидатите, како и фирми. Најмногу пари, според првиот извештај на донации, собрала Гордана Силјановска Давкова. Речиси 325.000 евра од 526 физички лица и 800 евра од правно лице. Највисоки суми донирале партиските потпретседатели и пратениците. Нејзиниот втор извештај е празен. Најмалку добиени пари од сите кандидати, пак, пријавил актуелниот претседател, Стево Пендаровски. И неговиот прв извештај е празен, додека вториот покажува дека за неговата кампања биле донирани околу 520 евра од 3 физички лица, како и 1.800 евра од едно правно лице, но во форма на услуга. Кандидатот Максим Димитриевски од движењето ЗНАМ до првите 10 дена од почетокот на кампањата пријавил речиси 7.000 евра од девет лица од основната жиро-сметка на политичката партија на трансакциската сметка за изборната кампања, а уште 5.000 евра се нотирани во вториот извештај. За кандидатката на Левица, Билјана Ванковска, во првиот извештај се регистрирани 26 донации од физички лица во вредност од 17.500 илјади евра, а во вториот извештај уште отприлика толку од 31 физичко лице. Притоа, највисоки донации уплатиле таа самата, партискиот лидер Димитар Апасиев и пратеникот Борислав Крмов. За првите 10 дена од кампањата на кандидатот на ДУИ, Бујар Османи извештајот е празен. Во вториот извештај, пак, единствено може да се најде една донација од правно лице во вредност од 3.000 евра. Во овој извештај стои и дека се префрлени „други приходи“ во вредност од 67.000 евра од партиската сметка на ДУИ. Донации од 8.500 илјади евра од пет физички лица легнале за потребите на кампањата на Арбен Таравари, според извештајот за првиот дел од кампањата, а каде уште се наведува дека 34.000 евра биле пренесени средства од партиски сметки. Дополнителна донација од 3.000 евра е нотирана во вториот извештај од самиот Таравари, а плус 10.000 евра биле префрлени од партиска сметка. И 20 физички лица донирале 15.000 евра за кампањата на кандидатот на ГРОМ, Стевчо Јакимовски, покажува првиот извештај доставен до Државниот Завод за Ревизија. Во вториот извештај се заведени донации од две физички лица во вредност од 50.000 денари. Конечните извештаи за вкупните трошења на изборните кандидати во првиот круг на парламентарните избори треба да бидат објавени на веб-страницата на ДИК. Далиборка Демјанска Цветановска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Петнаесет дрвца, по едно за секој згаснат живот на работно место во 2023 година. Македонското здружението за заштита при работа симболично засади садници во парк во Аеродром, на Светскиот ден за безбедност и здравје при работа. Во Макеоднија се гине на работното место, велат од здружението, посочувајки ги статиските од годишниот извештај за 15 загинати и 93 повредени работници Во Скопје лани загинале тројца рабтници, по двајца во Тетово, во Куманово, во Струмица, во Охрид. Скопје е на врвот и по бројот на повредени – 30 работници за една година. Зад него се Куманово со осум и Гостивар со седум. Најмногу смртни случаи имало во градежништвото, а најмалку повредени во преработувачката индустрија. Негрижата, неказнувањето на оние кои не ги почитуваат законите, како и недостаток на анализа за причините кои довеле до тоа, се главните пречки за безбедноста на работниците, смета Петковски. Правдата за повредените или загинати работници бавно доаѓа. Судските процеси траат многу долго, вели Петковски. Денешниот ден, 28-ми април е Светски ден за безбедност и здравје при работа. Во фокусот на овогодинешното одбележување е влијанието на климатските промени врз работните места и потребата за градење на посоодветни системи за безбедност и здравје при работа за заштита на здравјето на работниците. Елена Ивановска Мукоска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Немало потреба од затворски притвор за Александар Ѓорчевски, таткото на Вања, бидејќи обезбедувањето на неговото присуство може да се постигне и со примена на поблага мерка, а и законот налага траењето на притворот да биде сведен на најкратко нужно време. Ова се причините поради кои Врховниот суд ја уважи жалбата на Ѓорчевски и му определи домашен притвор. „Ваквата одлука Врховниот суд на Република Северна Македонија ја донесе имајки ги во предвид и личните прилики на осомничениот кој што е со познат и утврден идентитет, со постојано и познато место на живеење, поседува недвижен имот на свое име, досега е неосудуван и против него не се води постапка за друго кривично дело, а особено околноста што определените мерки за обезбедување на присуство на обвинетиот се похумани од претходно определената мерка притвор и со нив ќе бидат постигнати истите цели и ефекти како и со мерката притвор,“, соопштија од Врховен суд. Ѓорчевски од декември беше во притвор во Шутка, бидејќи е осомничен дека помагал при грабнувањето на неговата ќерка. Врховниот суд во својата одлука наведува и дека оправдана била одлука на Апелација дека Ѓорчевски може да се даде во бегство и дека тој може да ја попречува истрагата и да го повтори кривичното дело и затоа му е изречен домашен притвор. Највисокиот суд му определи и мерки на претпазливост на Ѓорчевски, односно забрана за издавање на нов пасош и преминување на границата со лична карта. Неговиот адвокат Владимир Туфегџиќ за Телма изјави дека укинувањето на притворот е мала сатисфакција на огромната неправда и трагедија која му е нанесена на Ѓорчевски. „Во понатамошниот тек на постапката секако дека ќе докажеме дека тој е неправедно осомничен без било какви докази и огромно влијание на неговата трагична судбина покрај тоа што го загуби детето, има онаа несреќна и непрофесионална прес-конференција на тогашниот министер за внатрешни работи, чии што наводи фактички беа повод за една хистерија во јавноста и тоа беше општо прифатено. Тој човек во тој момент веќе беше обвинет и правосилно осуден. Затоа тежината и големината на оваа одлука на Врховниот суд е уште поголема“, рече Туфегџиќ. Ѓорчевски во четвртокот, за време на јавната седница на која се расправаше за жалбата, рече дека и самиот водел истрага по исчезнувањето на неговата ќерка и затоа бил ставен во притвор. Ѓорчевски во меѓувреме на обвинителството му дал пристап до неговиот телефон, кој сега е на вештачење. Сè уште се чека на екстрадицијата на Љупчо Палевски Палчо, првосомничен за грабнувањето и двојното убиство на Вања и на велешанецот Панче Жежовски. Според исказите на останатите осомничени, Палевски им кажал дека информациите за тоа кога Вања ќе го напушти нејзиниот дом и дека ќе биде сама му ги дал Ѓорчевски. Вања беше грабната на 27 ноември, минатата година, а нејзиното тело беше пронајдено на 3 декември. Марија Митевска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Над 100 пропалестински демонстранти се уапсени во неколку американски универзитетски кампуси, додека активистите порачаа дека ќе продолжат со Движењето, барајќи прекин на огнот во израелската војна со Хамас. Полицискиот оддел на универзитетот Индијана во Блумингтон објави дека се уапсени 23-ца демонстранти под обвинение за неовластен престап и отпор при приведување. Пропалестинските протести се проширија на универзитетски кампуси ширум САД, поттикнати од масовното апсење на над 100 луѓе во кампусот на универзитетот Колумбија минатата недела. Покрај прекин на огнот, демонстрантите бараат одвојување на нивните училишта од компаниите кои се вклучени во израелската војска, како и крај на американската воена помош за Израел и амнестија за студентите и членовите на факултетите кои се дисциплински казнети или отпуштени поради протестите. Раководствата на неколку универзитети побараа од полицијата да ги расчисти камповите и да ги уапси оние кои одбиваат да заминат, тврдејќи дека го бранат правото на слобода на говор во протестите, но дека нема да прифатат активисти кои ги кршат политиката на кампусот против говор на омраза или кампирање на универзитетско тло. Државната полиција на Масачусетс информира дека на универзитетот Нортистерн во Бостон уапсила 102-ца демонстранти кои одбиле да заминат. Од универзитетот соопшти дека „во она што почнало како студентски протест пред два дена, се инфилтрирале професионални организатори кои немаат никаква врска со Нортистерн“. На државниот универзитет Аризона, полицијата во саботата уапси 69 демонстранти за кои велат дека „се група на луѓе од кои мнозинството не биле студент и персонал на универзитетот“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Реконструкција на пругата Велес – Кочани, електрификација на железничката линија Велес – Битола и реконструкција на автопатот Катланово – Велес, вети, меѓудругото, Драган Ковачки, носител на кандидатската листа на ВМРО-ДПМНЕ и коалицијата „За твоја Македонија“ во третата изборна единица за парламентарните избори на 8 мај, пред велешани. Но, како што нагласи, тоа не е се. Ковачки најави реконструкција и на Општата болница во Велес, нова катна гаража. „Велес заслужува да се развива, Македонија заслужува да се развива, затоа ве повикувам сите заеднички да го поразиме овој ненароден режим. На 8 мај заеднички сите да излеземе и да го заокружиме бројот 2, за Гордана Силјановска Давкова за претседател и за Христијан Мицкоски за премиер за Македонија“, порача Ковачки. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Седумдесет и двегодишна кумановка пријавила во полицијата дека била измамена за 6.000 денари за набавка на огревни дрва, информира СВР Куманово. „Вчера во СВР Куманово, 72-годишна жена од Куманово пријавила дека била измамена од едно лица за сума од 6.000 денари. Според пријавеното, лицето ѝ понудило огревни дрва и откако се договориле и таа му ги дала парите, тоа ѝ кажало дека дрвата ќе ги донесе од складот во кој наводно се наоѓаат, но не се вратило, по што сфатила дека е измамена“, соопшти СВР Куманово. Полицијата презема мерки за расчистување на случајот Во јануари, годинава беа пријавени два случаи на измами со огревни дрва, првиот повозрасен кумановец за сума од 3.000 денари и вториот случај, кумановка за 5.000 денари. Во 2023 година на подрачјето на СВР Куманово биле регистрирани вкупно седум (7) измами за дрва, а во 2022 година 15 пријави за измами со огревни дрва. СВР Куманово презема мерки и активности за пронаоѓање и санкционирање на сторителите на овие измами. „Секторот за внатрешни работи Куманово апелира до граѓаните да бидат претпазливи, а особено повозрасните лица кога непознати лица им се јавуваат, да не наседнуваат на измами во кои лажно се нудат услуги и сите сомнителни случаи да ги пријават на 192“, велат од СВР Куманово. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Палестинскиот претседател Махмуд Абас предупреди дека израелската војска во наредните неколку денови планира да започне копнена офанзиваа во градот Рафа, во јужниот дел на Појасот Газа. Според него, САД се единствени кои можат да спречат такво нешто. Моментно во Рафа се наоѓаат 1,45 милиони луѓе од кои најголемиот дел претходно беа раселени од други места во енклавата. Во меѓувреме расте загриженоста за хуманитарна ситуација во Газа. Абас изрази загриженост и за принудното раселување на палестинското население од Западниот брег, откако „Израел ќе заврши со Газа“. Тој нагласи дека палестинската самоуправа одбива да прифати етничко чистење на Палестинците на двете територии и додаде оти палестинските власти барфаат запирање на конфликтот и достава на помош за населението. Палестинскиот престедател од Светскиот економски форум во Саудиска Арабија рече дека Израел „го искористил“ нападот на 7 октомври за несразмерно да возврати на палестинските цивили во Газа „под изговор дека сака да му се одмазди на Хамас“. Сашко Димовски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пет лица загинаа, 33 се повредени, а над 140 фабрички згради се оштетени, како последица на торнадото што го зафати јужниот кинески град Гвангжу. Според кинеската метеоролошка служба, невремето се случило околу 15 часот. На видеата што се споделуваат на интернет, се гледаат густи темни облаци додека торнадото пустошеше делови на трасата по која се движеше. Попладнето беше издадено ново предупредување за торнадо, кое и се случило на другиот крај на Гвангжу. Причинета е голема материјална штета, но нема информации за смртни случаи. Овој временски феномен не е непозната појава во Кина. Источната кинеска провинцијата Џиангсу во септември беше погодена од торнадо, пришто загинаа 10 луѓе. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Утре ќе се одлучува што ќе се прави со одлуката на осигурителните компании за поскапување на задолжителната осигурителна полиса. Владини извори за Телма велат дека е можно да се донесе нов тарифник со кој директно би можело да се вратат старите цени. Оваа тема ќе биде дел од владината седница. Но во исто време состанок ќе одржат и националното било, Агенцијата на супервизија на осигурениците и министерството за финансии. Се чека реакција и од Комисијата за заштита на конкуренцијата, да процени дали има фер однос од страна на осигурителните компании со оваа одлука. Инаку владата има надлежност во носењето на цените на осигурувањето во цената на зелениот картон, во методологијата, но и во утврдување на максималните граници на режиските трошоци на осигурителните компании. Тие одлучија да ја зголемат цената на осигурителната полица за 15 проценти со образложени дека со години не е променета цената, а нивните трошоци се значително пораснати. На ова реагираа од Министерството за финансии но и од Агенцијата на супервизија на осигурениците од каде тврдат дека покачувањето на цената за задолжителната полица за осигурување е неосновано. Ако остане новата цена тоа ќе предизвика зголемување на трошоците за регистрација на возилата. Па така, ако досега за возило од 44 до 55 киловати се плаќаше 5.453 денари, новата цена ќе биде 6.292 денара. Поскапувањето е пропорционално во зависност од зафатнината на моторот кој е вграден во возилото. Ирена Чачкова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Над 800 луѓе се заразиле со норовирус (стомачен грип) на пролетен фестивал во Штутгарт, јави „Би-Би-Си“. Непознато е како се шири вирусот, но бројот на заразени значително се зголеми во текот на неделата. Претставниците на лакалната власт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни. Тестирани се и персоналот, како и садовите и водата што се користат за миење. Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот – посетител или вработен. Посетителите набрзо се пожалиле на повраќање, дијареа и гадење. Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Македонија денеска одбележува 23 години од масакрот кај Вејце. Во еден од најкрвавите и најбрутални масакри во поновата историја на земјата, животите ги загубија Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24), Бошко Најдовски (25) и Кире Костадиновски (24). Масакрот се случи на денешен ден во 2001 година, околу 17:45 часот, откако од заседа и ѕверски беа убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осумтемина убиени, имало и шестмина повредени. При нападот, последното возило успеало да се извлече од колоната и да јави за масакрот. Лидерот на Достоинство, Стојанче Ангелов утрово положи цвеќе и запали осум свеќи во чест и помен на осумтемина загинати бранители убиени во крвавата заседа кај с. Вејце. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Поддршката за американскиот претседател Џо Бајден во просек изнесуваше 38,7 отсто во текот на неговиот 13-ти квартал на функцијата, според неодамнешното истражување на јавното мислење на Галуп. Во првиот квартал од 2024 година, Бајден (81) доби поддршка од 38,7 отсто од анкетираните, три отсто помалку од поддршката што ја имаше претседателот Џорџ Буш постариот во истиот период од неговиот мандат, пренесува „Њујорк пост“. „Околу шест месеци пред изборите, Бајден е во послаба позиција од кој било претходен претседател“, заклучија анкетарите на Галуп. Истото истражување покажува дека поранешниот претседател Доналд Трамп, кој се натпреварува со Бајден за втор мандат во Белата куќа, добил поддршка од 46,8 отсто од анкетираните. Њујоршкиот дневен весник наведува дека и двајцата (непопуларни) претседатели Никсон и Картер имале поголема поддршка од Бајден, со 53,7 отсто, односно 47,7 отсто, додека претседателот Двајт Ајзенхауер имал најголема поддршка во последните 70 години со дури 73,2 отсто. Резултатите од анкетите на Галуп за јавна поддршка на американските претседатели, кои се спроведуваат од почетокот на мандатот на Ајзенхауер во 1952 година, се силен показател за успех за кандидатите кои сакаат да добијат втор мандат во Белата куќа, според „Њујорк пост“. Историски гледано, секој претседател во изминатите седум децении со поддршка над 50 отсто успеал да добие втор мандат, освен Барак Обама кој победи во 2012 година со 46 отсто поддршка на шест месеци пред изборите. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Основците и средношколците од утре (понеделник, 29 април) до 6 мај ќе бидат на пролетен распуст кој е воведен во оваа учебна година. Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни. Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024. Ден претходно (вторник, 7 мај), скратени часови и работно време до 11 часот ќе имаат оние училишта во кои наредниот ден ќе се организира гласање. Како што информираше Министерството за образование и наука (МОН), наставата од деновите кои поради изборите се неработни, ќе бидат одработени во работни денови со подолг престој на учениците во училиштата за да се реализираат дополнителни часови. Скопските ученици треба да надоместат и за пропуштеното од наставата на 30 ноември во 2023 година, кога во главниот град беше организиран Советот на министри на ОБСЕ. За планирањето и организирањето на дополнителните часови, МОН ги задолжи директорите на училиштата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сончево и топло со мала локална облачност. Ќе дува слаб до умерен ветер од североисточен правец. Во Скопје сончево и топло со мала облачност. Ќе дува слаб до умерен ветер од северен правец. Минималната температура ќе се движи во интервал од 4 до 11°C, а максималната од 21 до 28°C. Информација од утрово: Минимална температура (во °C) 2 Берово, Лазарополе, 3 Маврови Анови, 4 Скопје-Петровец, 5 Битола, Тетово, Струмица, Крива Паланка, Попова Шапка, 6 Претор, Велес, Прилеп, Охрид, Демир Капија, 7 Скопје-Зајчев Рид, Куманово, Гевгелија, Дебар, Кавадарци, Крушево, 8 Штип, 9 Дојран, 10 Виница. Температура на вода, измерена во 7:30 часот (во °C) Охридско Езеро 13.0, Преспанско Езеро 10.5, Дојранско Езеро 17.8. Деталите во Телма МЕТЕО со Ирена Лазарова – Димитровска, во соработка со УХМР! e-mail: [email protected] https://www.instagram.com/telmameteo/ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Измамничко дуо во центарот на Скопје измамило 63-годишен српски државјанин. Еден од измамниците се претставувал дека е од Обединети Арапски Емирати. На измамениот му побарал помош за преведување од српски на албански за наводно да се разбере за штета од сообраќајна несреќа која ја предизвикал. Вториот измамник бил божемниот оштетен. Арапот тогаш побарал 300 евра за да ја плати штетата и на измамениот му оставил три копчиња со облик на дијаманти како гаранција додека “тркне” до банкомат и извади пари за да му ги врати. Измамниците ги зеле парите и не се вратиле по што жртвата пријавила на полиција по што случајот се најде во полицискиот билтен: На 26.04.2024 во 13.40 часот во СВР Скопје, С.А.(63) од Р.Србија, пријавил дека бил измамен од две лица од кои бил пресретнат околу 10.30 часот на подрачјето на Центар. Според пријавеното, едното се претставило дека е од Обединети Арапски Емирати кое разбира малку српски јазик и побарало од С.А. да им преведе од албански на српски јазик околу наводна сообраќајна незгода претходно случена помеѓу нив. Како што е пријавено, истото лице му побарало на С.А. на заем 300 евра за да се раздолжи со другото лице за наводната сообраќајна незгода, кои ќе му ги врати откако ќе извади пари од банкомат, а како гаранција му оставило три копчиња во форма на дијаманти. Според пријавата, откако С.А. ги дал парите, двете лица избегале, по што сфатил дека е измамен. Се преземаат мерки за расчистување на случајот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

ВМРО-ДПМНЕ вечерва беше на митинг во Кочани. Носителот на листата во тројката, Драган Ковачки зборуваше за новите проекти, лидерот Мицкоски потенцираше дека однесувањето на СДСМ и на ДУИ ја подрива европската идеја во Македонија. Зијадин Села ја потврди евроинтеграцијата како приоритет за Алијансата на Албанците. Максим Димитриевски ја презентираше програмата на ЗНАМ во Кавадарци и Неготино. Коалицијата „Вреди“ од Тетово вети 800 евра минимална плата. Левица нуди проект кој ќе му обезбеди на секое семејство сопствена централа за производство на електрична енергија. СДСМ вечерва беа во Гостивар, каде се обратија лидерот Ковачевски и носителката на листата во шестката, Славјанка Петровска. Во продолжение, дел од пораките од партиските карвани низ земјата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Претседателскиот кандидат Стево Пендаровски на 7-годишнината од упадот во собранието истакна дека насилниците кои што влегоа да тепаат пратеници и новинари, не се извинија ниту на граѓаните. „За жал, истите луѓе кои упаднаа во Собрание тој ден, сега бараат власт. Претседателот на главната опозициска партија беше влезен во собранието, исто така. За жал, од тогаш поминаа седум години и ниту еден од актерите, а особено ниту еден од организаторите не се извини, затоа што за првпат во македонската историја, партијата на власт, за да не ја даде власта, организира насилен бунт и со помош на насилници нападна пратеници. Знаете еден-двајца од нив беа на граница на живот и смрт. И ај што не се извинија, туку денеска нивната кандидатка за претседател, најавува нивна амнестија“, истакна Пендаровски пред охриѓани. Според него, „тоа е јасен индикатор дека на таков начин, ако дојдат на власт, и ќе се владее“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Гордана Силјановска Давкова денеска оствари средба со граѓаните на Дебар, каде што имаше свое обраќање. Таа им се заблагодари за поддршката во првиот круг, им рече дека без нивните гласови, резултатот немало да биде ваков. „Ние не агитираме, не ви велиме дека мора да гласате за нас. Ама знаеме за кого ќе гласате. Ќе гласате за подобрите“, рече Силјановска. „Ќе гласате за оние кои носат промени, а не за оние кои велат дека грешеле, ама сега ќе се обидат да го поправат тоа што го згрешиле. А, тоа е невозможно“, додаде Силјановска. Таа се изрази со фудбалски речник, велејќи „не е точно дека стартуваме од нула. Ние не шутираме пенали, а тие ги промашија на празен гол. Ако реков дека во првиот круг очекувам политички земјотрес, тој се случи, дури и со поголема разорна сила која го допре СДСМ“, нагласи Силјановска во Дебар и заклучи дека на 8 мај очекува политички вулкан. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

МЗТ Скопје загуби на домашен паркет од Спартак Суботица на првиот натпревар од полуфиналето во АБА2 кошаркарската лига. Сонот за пласман во елитното регионално натпреварување за македонскиот првак полека згаснува, бидејќи српскиот тим е со една нога во финалето од плеј-офот. МЗТ одигра натпревар со многу падови во играта, а лошо отвори и исто така лошо го заврши дуелот во „Јане Сандански“. По првиот период гостите водеа со 15-23, а во продолжението момците на тренерот Васко Атанасов го подобрија шутот и на паузата имаа негатива од 31-35. Во третата четвртина, МЗТ ги имаше своите најсветли моменти па дојде до пресврт и водство од пет поени разлика. Сепак, гостите од Суботица покажаа зошто беа најдобриот тим во регуларниот дел од сезоната. Во последните десет минути имаа подолга клупа, односно подобра ротација и ја вратија предноста на +10. До крајот МЗТ успеа само да ја намали негативата за конечни 73-78. Нашиот тим потфрли во скок-играта, бидејќи гостите имаа дури 22 скока повеќе. Војдан Стојановски со 20 поени најмногу се истакна во таборот на МЗТ, додека кај гостите најефикасен беше Немања Гордиќ со 16 поени. Македонскиот шампион ако сака пласман во големото финале, ќе мора на реваншот за седум дена во Суботица да слави најмалку со пет поени разлика. ФОТО: АБА-лига/Петр Стојановски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Моето име е Горан Герасимовски, неговото Горан Стефановски. Навистина сум среќен што денес, заедно со вас, во маалото каде што и двајцата сме растеле, уште еднаш ќе го прославиме роденденот на великанот на македонската драматургија“, вака градоначалникот на Општина Центар Горан Герасимовски го отвори културно-музичкиот настан „Прослава на животот на Горан Стефановски“ по повод роденденот на најпознатиот македонски драматург. Во Дебар Маало денеска повторно се слушаше гласот на Стефановски преку неговите аудио драми кои ги пушташе платформата „Самоглас“. Присутните ја проследија промоцијата на книгата „Пофалба на обратноста и други есеи” од проф- др. Иван Додовски и уживаа во изведба на култните песни на „Леб и сол” во изведба на бендот Сешн Селекшн. Градоначалникот Герасимовски на синот Игор Стефановски му врачи карикатура со ликот на Горан Стефановски во чест на неговите безвременски дела со кои пренесуваше универзални пораки за сите граѓани. „Во чест на денот на раѓањето на бардот на македонската драма Горан Стефановски денеска повторно уживавме во неговите драми. За потсетување на сите нас и за оставање траен белег на едно прекрасно време, Општина Центар и јас како Градоначалник, сакавме да оставиме видлива трага преку создавање мини културни простори под ведро небо што ќе се користат за промоција на младите и неафирмирани уметници. Овие културни сцени што ќе никнуваат низ Центар, збогатени со мурали и графити, ги изразуваат поддршката и трудот што Општината ги вложува во областа на културата. Чест ми е што првото центарско ќоше ќе го носи токму името на легендата од Дебар Маало – Горан Стефановски. Кога ќе поминеме низ Боемска улица, верувам дека секој еден ќе го сврти погледот и ќе се потсети на славните реплики од неговите драми. Можеби овој агол е мал, во споредба со големината на целокупното негово творештво, ама сигурен сум дека ќе влијае врз уметноста во нашето Скопје“, рече Герасимовски. На настанот граѓаните можеа да го видат и надополнетиот мурал на Горан Стефановски со најпознатиот рефрен на песната „Скопје“ од Леб и сол „Насмевни се, не бери гајле, намигни ми, ајде на здравје, Скопје, нацртан од уметниците Драш и Мачка. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Куќата не се одржува со кредити, ние со работа си обезбедуваме леб, тие што така мислат го видоа резултатот на 24 април, истакна претседателот на ДУИ, Али Ахмети на денешните средби со граѓани во Општина Кичево, во рамки на активностите за кампањата за парламентарните избори. „Некој мисли да одржува куќа со кредити, ние сме тие што работиме и си обезбедуваме леб, тие што размислуваат со кредити, не можат да чуваат куќа и резултатот се виде на 24 април. Ја имавме платформата и фронтот, имавме за кого да работиме. Овој фронт е долгорочен, не е за една употреба. Да дејствуваме до полноправно членство на земјата во ЕУ, како единствена алтернатива, бидејќи немаме друг пат, додека не и кажеме ДА на Европа, нашата определба да бидеме членка на ЕУ за неколку години, како единствено решение за да луѓето не бараат пидобар стандард надвор од земјата“, изјави првиот човек на ДУИ Али Ахмети во Кичево. Кандидатот за пратеник Муса Џафери, пред присутните изјави дека на овие избори победник ќе биде Европскиот фронт, а во петтата изборна единица ќе има над 30.000 гласови. Градоначалникот на општина Кичево и шеф на изборниот штаб, Фатмир Дехари, оцени дека Европскиот фронт е многу доброприфатена опција не само во Кичево, туку и во целата држава. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Резултатот е 0:0, сè уште немаме победник или поразен“, порача Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2 на денешните средби со жителите на Општина Бутел. „Нашата битка за европска Македонија не е завршена. Нашата држава е мала земја, но влогот на 8-ми мај е голем“, рече Битиќи. Тој порача дека патот по кој ВМРО-ДПМНЕ сака да ја води државата е опасен и води кон изолација, кон унгарско сценарио, кон национализми кои разделуваат. „СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда“, рече Битиќи. Тој ги потсети граѓаните на 27 април пред седум години, кога се случи упадот во Собранието и обидот за рушење на уставниот поредок по покровителство на ВМРО-ДПМНЕ. „Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8 мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество“, порача Битиќи. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Петстотини нови полицајци од кои 416 мажи и 92 жени ја испеаја „Бисер Балкански“ по денешната свечена церемонија во Центарот за обука во Идризово, откако ја завршија енодгодишната обука. Министерот за внатрешни работи Панче Тошковски истакна дека полицајците ги очекува една нова етапа. Им порача дека секој од нив е креатор на сопствената среќа, оти нивниот успех зависи од самите, но и дека законот мора да се почитува. Техничкиот премиер Талат Џафери, честитајќи им на новите припадници на полицијата, посочи дека да се биде на првата линија на безбедноста е благородно и во исто време многу одговорна должност. Успешното завршување на обуката им го честита и дополнителниот заменик министер за внатрешни работи Митко Бојмацалиев. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Долгорочни кредити за новоформирани компании од млади, чии камати ќе ги субвенционира државата, финансиска поддршка за отворање на бизниси во руралните средини, укинување на данокот за купување на стан во кој живее сопственикот. Ова се дел од мерките од Програмата на Движењето ЗНАМ за парламентарните избори насловена како „Проглас за достоинствена Македонија. Според Борче Серафимовски, во делот на социјалната политика, посебно се истакнуваат пензионерите, ранливите категории на луѓе и маргинализираните луѓе. За нив, како што нагласи, се предвидува усогласување на минималната пензија со минималната плата, 13-та пензија на крај на годината, како и усогласување и зголемување на земјоделските и социјалните пензии. „Првата мерка ќе овоможи оваа категорија на граѓани, со најниски пензии, да има достоинствен и спокоен живот, финансиска стабилност и егзистенцијална независност. Дополнителната пензија за пензионерите ќе биде во форма на субвенција со која истите покрај редовните две квартални зголемување на пензиите ќе добијат и трето годишно зголемување од дополнителни 8.3 проценти, кое ќе произлезе од ребалансот на Буџетот на државата на крајот од годината и пренаменување на средствата дефинирани со закон, наместо како до сега, трошење на истите како непродуктивни трошоци. Со третата мерка се предвидува зголемување на земјоделските и социјалните пензии од 30 проценти, со цел обезбедување на подостоинствен на земјодлеците и подигнување на општиот животен стандард на овие граѓаните и нивните семејства“, рече Серафимовски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Жељко Обрадовиќ останува на клупата на кошаркарскиот клуб Партизан уште две години. Искусниот стратег денеска го потпиша новиот договор со „црно-белите“. По три успешни сезони, Партизан и Обрадовиќ лесно се договорија за продолжување на соработката. Трофејниот стратег истакна дека на се поставувало прашањето дали тој сака да остане во клубот, каде играше како играч и каде што ја почна тренерската кариера во 1991 година. Целта на Обрадовиќ ќе биде Партизан да биде постојан член на Евролигата, каде сезонава не успеа да стигне до плеј-офот, а лани беше елиминиран во четвртфиналето Реал Мадрид. Белградските „црно-бели“ беа убедливо најгледаниот тим во европската елита сезонава со распродадени 99 отсто од билетите на сите натпревари на домашен паркет во „Белградска арена“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Нов устав со Албанците како второ мнозинство во државата, прекугранична економска зона со Албанија и Косово, инвестиции од 500 милиони евра за инфраструктура во албанските општини и 800 евра минимална плата се дел од десетте точки на изборната програма „План 2030“ на Коалицијата „Вреди“. Коалицијата денеска во Тетово ја презентираше изборната програма со која се предвидува и забрана за коцкање и брзи заеми, ослободување на затвореници од монтирани случаи и нивно обесштетување, слободни економски зони за печалбари и за млади, зголемување на пензии, социјална помош и субвенции, како и капитални инвестиции да достигнат до 150 евра по глава на жител. Десетте точки од „План 2030“ ги презентираа носителите на листите во изборните единици. „Ние сме сигурни дека ја имаме најдобрата листа, имаме листа која ќе ги направи промените. Исто така, нашата програма се однесува на економскиот развој, интегрирање на државата во Европската Унија, како и на подобрување на меѓуетничките односи, подобрување на правата на албанците кои ги претставуваме. Сигурни сме дека на 8 мај оваа листа, и оваа програма ќе биде победничка и после 8 мај ќе биде дел од владината коалиција“, истакна Биљал Касами, носител на листата во ИЕ 6 и претседател на Движење Беса. За можно коалицирање со ВМРО-ДПМНЕ за состав на Влада, тој рече дека се подготвени за разговор. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На 8 мај се одлучува дали оваа влада ќе биде поразена и истата ќе се соочи со одговорност или ќе продолжи да краде и распродава, порачаа од ВМРО-ДПМНЕ по денешната прес-конференција пред собранието во чиј фокус беше упадот во законодавниот дом на 27 април. „А кога веќе Спасовски се одлучи давенички да прави капитал со настаните од 27 април, тогаш нека одговори на едноставното прашање – кој најмногу искористи со настаните на 27 април? – Кој направи влада по тие настани? – Дали за монтираниот судски процес не беше наградена Русковска и Кацарска? – Како Русковска пред време ги знаела пресудите за 27 април според јавните сведоштва изнесени во јавноста? – Дали мирно спие Спасовски со сознанието дека има драконски казни за дела кои не ги направиле?“, прашуваат од опозициската партија. Од ВМРО-ДПМНЕ порачуваат дека „луѓето од 27 април не бараат милостина, ниту, пак, амнестија, туку правда, да не одговараат за делата кои не ги направиле, а им ги товарија и препишаа“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Марк Маркез ја освои пол-позицијата за утрешната трка за Големата награда на Шпанија во Мото ГП шампионатот, додека на спринт трката триумфираше Хорхе Мартин. Маркез дојде до својата прва пол-позиција со тимот на Гресини, а вкупно до 93-тата во кариерата. Шпанецот имаше најбрз круг во утринските квалификации на патеката во Херез со време од 1 минута, 46 секунди и 773 илјадитинки. Второ време оствари Марко Бецеки, а од првиот ред ќе тргне и Хорхе Мартин. Потоа следуваат Бред Биндер, Фабио ди Џанантонио, Алекс Маркез и шампионот Франческо Бањаја. На спринт трката имаше многу возбудувања и многу излетувања меѓу кои беше и Марк Маркез. Во хаосот најдобро се снајде лидерот во генералниот поредок Хорхе Мартин, кој славеше пред новајлијата Педро Акоста. Фабио Квартараро беше трет, но поранешниот првак доби казна од осум секунди, па Дани Педроса беше промовиран на третото место. Маркез на крајот мораше да се задоволи со седмото место поради излетувањето, а дури деветмина не го завршија спринтот меѓу кои и шампионот Бањаја. Во генералниот поредок сега Мартин е лидер со 92 бода, Акоста е втор со 63, додека Бастијанини е трет со 59 бодови. Утрешната трка за Големата награда на Шпанија стартува од 14 часот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Над десет лица загинаа, меѓу кои осум се деца, во ноќните израелски воздушни напади во Појасот Газа. Мета беа јужниот град Рафа и бегалскиот камп Нусеират. Покрај цивилните жртви, причинета е и голема материјална штета. Според министерството за здравство во Газа, во последните 24 часа загинале вкупно 32 Палестинци, а 69 се повредени. Израелската војска потврди дека продолжува со пресметката со оперативците на Хамас и оти нејзините воздухопловни сили извршиле удари врз 25 цели во енклавата. Високи воени израелски претставници соопштија дека се елиминирани борци и уништена е инфраструктура на палестинската милитантна група во Кан Јунис и во централниот дел на Газа. Според него, таргетирани биле ракетни фрлачи, згради во кои се собирале вооружени луѓе складишта со оружје и подземни локации. Од Хамас, пак, соопштија дека добиле официјален одговор од Израел на најновиот предлог за прекин на огнот и оти добро ќе го проучат пред да излезат со официјален став. Тие предлагаат мировно решение со независна палестина држава за возврат ветија распуштање на военото крило и трансформација на милитантната група во политичка партија. Но, она што е повеќе од јасно е дека и по шест месеци од војната во Газа, преговорите остануваат во ќорсокак додека Хамас инсистира дека секој договор што ќе се постигне, ќе мора да значи крај на војната. Сашко Димовски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Различни генерации на едно место во неговото Дебар маало, пред муралот„Насмевни се, не бери гајле, намигни ми, ајде на здравје, Скопје!“, низ извадоци од неговите драми, музиката на „Леб и сол“. Голем број граѓани се собраа да го прослават роденденот на великанот на македонската драмска уметност Горан Стефановски. „Јас верувам дека како што велеше татко ми приказната на еден народ е културата. На тој начин ние ја кажуваме нашата приказна и доколку нема нови генерации на нови млади уметници, писатели ние ќе ја изгубиме нашата приказна. Тоа не смее да се случи“, вели Игор Стефановски, син на Горан Стефановски. Речиси секој драмски текст на Горан Стефановски совршено ја отсликува во различни периоди реалноста која ја живееме. „Има многу реплики, ама има една во „Одисеј“ што сега ја спомнав во едно интервју тоа е „Дома е таму каде што боли“. И тоа е нешто што јас го чувствувам бидејќи иако се вратив да живеам повторно во Македонија од Англија, па пак си заминав, секое врќање ми е и убаво и слатко-кисело, затоа што се што ќе видам, а ми пречи буквално ме боли. Дома е таму каде што ти е убаво да, ама таму каде што навистина боли да!“, порача Стефановски. „Јас ја имав таа среќа да ја започнам кариерата со Горан Стефановски. Играв во Хај Фај. Ми беше прва претстава како вработена во Драмски театар, 1983 година беше таа претстава. Многу бев среќна што бев современик, што растев уметнички, театарски, меѓу другите великани и со Горан Стефановски“, изјави актерката Катерина Коцевска. Во рамки на чествувањето беше промовирана и книгата „Пофалба на обратноста и други есеи” од проф. д-р Додовски. Во изведба на бендот „Сешн селекшн“, по текстови на Горан Стефановски. беа изведени култните песни на „Леб и сол“. „Имаат тежина, одличен фазон и градски урбан шмек. Што мене ми е особено драго, го имаат шармот на Југославија и ја чувствувам силата и сфаќам зошто биле голем бенд“, изјави музичарот Владимир Поп Христов. Во меѓувреме универзитетот „Св. Кирил и Методиј“ во Скопје, на предлог на Ректорската управа, донесе Одлука за основање на Фондација „Горан Стефановски“. Фондацијата се основа на иницијатива на Факултетот за драмски уметности – Скопје (ФДУ), каде што Стефановски долги години ги предаваше драмските занаети, пред да го продолжи својот животен пат во Велика Британија. Драмски театар, на денот на роденденот на Горан Стефановски, ја востанови наградата „Горан Стефановски“ за најдобар драмски текст од млад автор до 30-годишна возраст кој ќе се избира по пат на јавен конкурс. Во чест на роденденот на Горан Стефановски, вечерва во албанскиот театар ќе игра „Диво Месо“ во режија на Мартин Кочовски. Нина Стефанова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Од Државниот санитарен инспекторат за Телма велат дека следната недела ќе направат контрола за поплавата на Токсикологија, која беше предизвикана од пукната цевка на парното. Истакнуваат дека менаџментот на клиниката има одговорност да го реши проблемот. Медицинскиот директор Данил Петровски вели дека е направен записник за утврдување на штета, но ќе има дополнување, бидејќи докторските канцеларии се со ламинат, а тие беа потопени со вода. Канцеларијата во која пукнала цевката на радијаторот е целосно уништена и е вон употреба, а Петровски потсетува дека ќе треба да се менува и влезната врата која била обиена. Телма вчера објави дека низ лекарски канцеларии, болнички соби, ходници и подруми два часа течела вода. Полавен бил третиот кат на клиниката, а водата се слевала се до подрумот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

До Државната изборна комисија (ДИК), по завршување на гласањето за претседателските избори, пристигнал само еден приговор за гласање во Липково. Приговори, пак, за постапката за сумирање и утврдување на резултатите, исто така, може да се поднесат во рок од 48 часа, но по објавувањето на првичните резултати. Тоа, како што веќе соопшти претседателот на ДИК, Александар Даштевски, тој рок истекува вечерва во 19 часот. Даштевски рече дека ДИК е должна во рок од 72 часа по приемот на приговорот да донесе одлука. Против одлуката на ДИК подносителот на приговорот може да поднесе тужба до Управниот суд во рок од 24 часа од приемот на решението. Управниот суд е должен да донесе одлука во рок од 48 часа по приемот на тужбата. Државната изборна комисија конечните резултати од изборите ќе ги соопшти веднаш, а најдоцна во рок од 24 по завршувањето на целата постапка по приговорите. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сè уште е енигма кон кого од двајцата претседателски кандидати, Стево Пендаровски или Гордана Силјановска-Давкова, ќе се слеат гласовите од партиите на Албанците во вториот круг од изборите за претседател на државата. Опозициската коалиција „Вреди“ засега нема во план да го повикува својот електорат да гласа за кого било. Во синоќешната „Топ тема“ го открија ставот дека нивните гласачи треба сами да одлучат кому ќе го дадат својот глас. Лидерите на коалицијата „Европски фронт“, предводена од ДУИ, пак, планираат наскоро да одржат состанок на кој ќе заземат конечен став. Иако нивното барање за избор на претседател на државата да биде во Собранието го одбија и ВМРО-ДПМНЕ и СДСМ, сепак го најавуваат како пресудно во нивната одлука. Црвените линии на „Вреди“ за влез во влада, пак, се барањето за укинување на процентот 20 отсто за Албанците од Уставот и гаранции за уставни измени во рок од шест месеци. Подготвени се да преговараат со сите. Бектеши, пак, потсети дека постои документ на кој се потпишани сите партии на Албанците во кој стои со кого нема да прават коалиција. Преговорите, сепак, најмногу ќе зависат од позиционирањето на партиите на партиите на изборите на 8 мај. Далиборка Демјанска Цветановска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Евроамбасадорот Дејвид Гир се надева дека и вториот дел од кампањата и изборите ќе поминат во демократска и мирна атмосфера, како што ОБСЕ/ОДИХР го оцени првиот круг. За најавите за бојкот во вториот криг на претседалеските избори, евроамбасадорот рече дека нема да коментира. Гир не сакаше да коментира информациите во јавноста за наводно сценарио за бојкот во вториот круг. „Најважно е што мисијата на ОБСЕ/ОДИХР веќе го издаде прелиминарниот извештај од првиот круг на изборите и тие нведоа дека изборите се одвиваа во генерално мирна и демократска атмосфера. И навистина многу се надеваме дека во вториот круг на претседателските избори, исто така и во кампањата за парламентарните избори дека сите ќе се надоврзат на овој позитивен моментум со цел да се заврши процесот преку позитивни пораки во кампањата. Во врска со второто прашање и било кое друго политичко прашање поврзано со изборите, се надевам дека разбирате дека нема да коментирам во оваа фаза. Она што е важно е дека е во рацете на граѓаните да ја одлучат иднината на државата“, порача евроамбасадорот Дејвид Гир. Мирен изборен ден, позитивна оценка за гласачкиот процес, негативна реторика и етнички поделби во финалниот дел од кампањата, Ова беа дел од оценките и заклучоците на набљудувачката мисија ОДИХР во прелиминарниот извештај за првиот круг од претседателските избори. Измените на изборниот законик направени по распишување на изборите и во забрзана постапка придонесуваат за поткопување на правната сигурност, сметаат од мисијата. Иако овие законски промени вклучија некои од претходните препораки на ОДИХР и технички предлози од ДИК, тие во голема мера не ги зедоа предвид препораките дадени од меѓуагенциската работна група во ноември 2023 година, стои во прелиминарниот извештај. Заклучуваат и дека парите од државниот колач за рекламирање се нерамномерно распределени кај кандидатите, но и дека отсуствува контролен механизам, особено кај онлајн медиумите. Истакнуваат и сомнежи дека дел од порталите биле создадени со единствена цел да добиваат државни средства за време на изборните кампањи и, во некои случаи, да ги канализираат овие средства кон политичките партии. Елена Ивановска Мукоска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Уште четири лица поради голема кашлица завршија во болница минатата недела, а во периодот меѓу 19 и 25 април се регистрирани нови 27 случаи, покажува најновиот извештај на Институтот за јавно здравје. Заболените се на возраст од еден месец до 54 години, а најголем број од нив се меѓу 10 до 14 години. Повеќе од половина од новите случаи, односно 15 се некомплетно вакцинирани, невакцинирани или имаат непознат вакцинален статус. И додека од големата кашлица секојдневно има нови заболени, во градскиот парк се одбележа Европската недела на имунизација со повици за поголема вакцинација. Евроамбасадорот Дејвид Гир порача дека повеќе од 50 години вакцините кои ги примил како дете го штитат и имунизацијата е едно од најголемите достигнувања на човештвото, но сега има многу дезинформации, против кои треба да се бориме. „Она што ни е пред се потребно е едуцирање, заедно со настани како овој за достапност на имунизацијата. На таков начин може да помогнеме стапките на имунизација низ земјата да растат. Кога ова не се случува ги гледате последиците со појава на болести кои не треба да ги има во земјата“, рече Гир. Имунизацијата и до денес е една од најголемите изуми на човештвото за заштита на здравјето и со вакцините се спасуваат децата од најлошото, порача Патриција де Џовани од УНИЦЕФ. А според неа, во земјава се оди наназад во нивото на имунизација. „Знам дека сите ги сакаме децата. Ајде заедно да се потрудиме да ги заштитиме од разболување, од тешки попречености и од смрт. Најголемата закана се дезинформациите и погрешните информации и затоа ве молам слушајте ги научниците“, додаде таа. Министерството за здравство презема активности за подигнување на свеста за потребата од имунизација и зголемување на достапноста на вакцини. За прв пат се спроведува и теренска вакцинација насловена „Спринт за вакцинација“ каде се вклучени сите 34 здравствени домови, а предвидено е да посетат 3000 семејства. Досега во земјава има 516 случаи на голема кашлица. Но, забележано е и околу 41 отсто намалување на бројката на заболени, споредено со претходниот седмодневен период. Најголем дел од случаите се во Скопје. Марија Митевска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Првиот круг од претседателските избори мина во, генерално, мирна и демократска атмосфера. Се надеваме дека така ќе биде и за време на кампањата за вториот круг за претседателските избори и за параламентарните избори и дека целиот процес ќе заврши со позитивни пораки, изјави денеска амбасадорот на Европската унија во земјата Дејвид Гир. „Мисијата на ОБСЕ/ОДИХР веќе го издаде прелиминарниот извештај од првиот круг на изборите. Изборите се одвиваа во генерално мирна и демократска атмосфера и навистина се надеваме дека во вториот круг на претседателските избори, тие исто така и во кампањата за парламентарните избори тие ќе се надградат во овој позитивен замаец што ќе овозможи целиот процес да заврши со позитивни пораки и со позитивно чувство“, изјави евроамбасадорот Дејвид Гир, кој денеска присуствуваше на одбележувањето на Европската недела на имунизација во Градски парк. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Американските разузнувачки агенции соопштија дека не пронашле докази за вмешаност на руското раководство во смртта на рускиот опозициски политичар Алексеј Навални, пренесе „Волстрит Џурнал“. Еден од најжестоките критичари на Путин почина во арктички затворски логор во февруари, на 47-годишна возраст. Неговите сојузници, вклучително и сопругата Јулија, за смртта на Алексеј го обвинија рускиот претседател, што категорично беше отфрлено од Кремљ. Како што објави „Скај њуз“, по неодамнешната проценка засновата на низа информации, меѓу кои и доверливи разузнувачки податоци и анализа на јавните факти, американски разузнувачки агенции не веруваат дека Путин има било каква врска со смртта на Навални. Весникот цитира извори според кои, „наодите се широко прифатени во разузнавачката заедница и поделен од неколку служби, вклучително ЦИА и Стејт департментот. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Носителот на кандидатската листа на СДСМ во Втората изборна единица, Оливер Спасовски претпладнево пред Собранието истакна дека 27 април ниту смее да се повтори, ниту да се заборави, најцрниот датум во историјата на македонската демократија. „Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ. Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок“, рече Спасовски. Според него, најавите за помилување на лицата што упаднаа во Собранието „се скандалозни и недозволиви и покажува дека ништо не е променето во ДПМНЕ“. „27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај“, рече Спасовски, барајќи поддршка за неговата партија и коалиција на парламентарните избори. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Холанѓанецот Арне Слот ќе биде наследникот на Јирген Клоп на клупата на Ливерпул следната сезона. Премиерлигашот успеа да се договори со Феенорд за откуп на неговиот договор. „Црвените“ ќе платат 9 милиони евра обештетување за Слот и дополнителни два милиони во бонуси. Клубот сега ќе се обиде да ги договори личните услови со холандскиот стратег, кој од 1 јули треба да почне со работа на „Енфилд Роуд“. Челниците на Ливерпул се одлучија за Слот поради неговата офанзивна филозофија во пристапот кон фудбалот, но и поради фактот што е тренер кој знае како да развива играчи да го достигнат својот најголем потенцијал. Тој лани ја освои шампионската титула во холандското првенство со Феенорд, а оваа сезона најверојатно ќе заврши на 2.место, но го освои Купот. За потсетување, Јирген Клоп уште во јануари објави дека по завршувањето на оваа сезона го напушта Ливерпул по 8,5 години на клупата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

МЗТ Скопје денеска од 19 часот го пречекува тимот на Спартак Суботица во рамки на првиот полуфинален натпревар во АБА2 кошаркарската лига. Нашиот шампион сака да стигне до елитното регионално натпреварување, а тоа може да се случи само со елиминација на српскиот состав. МЗТ во четвртфиналето го елиминираше Широки Бријег со убедлива победа на домашен паркет и минимален пораз на гости. Сега за ривал го има тимот на Спартак, кој во претходната рунда со две лесни победи го реши Хелиос Домжале. Српскиот тим беше првопласиран во регуларниот дел од сезоната со ефект од 11 победи и само два порази. „Ова е еден од натпреварите за кои напорно работиме цела сезона, кои се идеален мегдан да покажеме од што сме создадени и на кои мора да ја оставиме буквално последната капка пот. Спартак Суботица е исклучително квалитетен противник, тим со сериозен буџет и амбиции, поради што мора да бидеме на највисокото можно ниво ако сакаме да дојдеме до посакуваниот триумф“, изјави тренерот на „металците“, Васко Атанасов. Добра вест за македонскиот тим е што Ејасу Ворку се враќа во тимот по повредата, но Бојан Крстевски и натаму е надвор од стројот. Во единствениот меѓусебен натпревар во регуларниот дел од сезоната, Спартак го совлада МЗТ со 86-81. Вечерва дуелот почнува во 19 часот во салата „Јане Сандански“ во Скопје, а реваншот е за седум дена во Суботица. За потсетување во второто полуфинале, Подгорица во средата ја совлада Војводина со 98-80 на домашен паркет. Во четврток на 2.мај се игра реваншот во Нови Сад. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Земјотрес со јачина од 6,9 степени според Рихтеровата скала ги погоди островите Огасавара во југозападна Јапонија. Според соопштението на Јапонската метеоролошка агенција (ЈМА), земјотресот се случил во 17:36 часот по локално време. Потресот е регистриран на длабочина од 540 километри. Островите Огасавара, локално познати како „Острови Бонин“, се наоѓаат на 1.000 километри југоисточно од Токио, главниот град на Јапонија, и 1.600 километри северозападно од островот Гуам во западниот Пацифик. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Најмалку три лица се повредени во десетината торнада што го погодија централниот дел на САД, предизвикувајќи значителна материјална штета, соопштија властите. Американската метеоролошка служба во петокот забележа над 70 торнада ширум земјата од накголем дел беа околу градот Омаха, Небраска ик во близина на Ајова. Како резултат на невремето, уништени или оштетени се десетици домови и згради, искинати се далекуводи, а забележано е излетување и на возови од шини. Торнадата како временски феномен се тешко предвидливи и релативно се чести во САД, особено во централните и јужните делови на земјата. Incredible tornado intercept just now north of Lincoln Nebraska!! @ryanhallyall @SevereStudios pic.twitter.com/j8GAtPVObc — Nick Gorman (@NickGormanWX) April 26, 2024 © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Далас поведе со 2-1 против Лос Анџелес клиперс во првата рунда од плеј-офот во НБА-лигата по победата од 101-90 на домашен паркет. Натпреварот беше жесток особено во последниот период кога дојде до мало кошкање меѓу играчите. Расел Вестбрук беше исклучен од натпреварот по еден груб прекршок над Лука Дончиќ, а исклучен кај Маверикс беше и Пи Џеј Вашингтон. Дончиќ имаше 22 поени, 10 скока и 9 асистенции, а Кајри Ирвинг запиша еден поен помалку. Кај Клиперс, Џејмс Харден и Ник Пауел имаа по 21 поен. Минесота е близу да го збрише Феникс, бидејќи утринава славеше со 109-126 на гостински паркет и поведе со 3-0. Ентони Едвардс имаше 36 поени за Тимбервулфс, а Бредли Бил со 28 поени најмногу се истакна кај Санс. Индијана славеше со 121-118 против Милвоки по едно продолжение и дојде до водство од 2-1 во меѓусебната серија. Целата стартна петорка на Пејсерс имаше двоцифрен ефект во нападот, а најдобар беше Мајлс Тарнер со 29 поени. Кај Бакс, Крис Мидлтон имаше 42 поени, а Демијан Лилард 28, но без повредениот Јанис Адетокумпо очигледно тимот има многу проблеми во играта. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Комисијата за осигурување од автомобилска одговорност на седница в понеделник треба да го разгледа Извештајот од Националното биро за осигурување за оправданоста и исправноста на донесените одлуки за зголемување на цената на полисата за задолжителното авто осигурување на осигурителните компании и да преземе соодветни чекори во насока на заштита на крајните потрошувачи. Комисијата за автомобилска одговорност која е именувана од страна на Владата согласно Законот за задолжително осигурување во сообраќајот ја сочинуваат членови од Министерството за финансии (МФ), Националното биро за осигурување (НБО) и Агенцијата за супервизија на осигурувањето (АСО). Таа е надлежна за утврдување на Тарифата на премии за осигурување на сопствениците на моторни возила од одговорност за штети предизвикани на трети лица. Комисијата ја утврдува премијата за осигурување која ја плаќа договорувачот на осигурувањето-осигуреникот, a која се состои од техничка премија, која ја утврдува Владата на предлог на Комисијата и дел на премија за вршење на дејноста на осигурување (режиски трошоци) што ги утврдуваат осигурителните друштва самостојно со посебна одлука на Друштвото за осигурување. Од Министерството за финансии нагласуваат дека техничката премија останува непроменета, а со донесените одлуки од страна на осигурителните друштва е извршена корекција на цената во делот на премија за вршење на дејноста на осигурување (режиски трошоци). Од АСО сметаат дека зголемувањето на цената на полисите за задолжително автомобилско осигурување е неоправдан чекор на осигурителните компании. Од НБО, пак, велат дека актуелните пазарни услови предизвикаа неопходност од промена на цената на полисата за задолжителното авто осигурување и додаваат дека процентот на пораст секоја осигурителна компанија сама го дефинира, зависно од деловната политика и направената анализа. Оттаму објаснуваат дека се работи за европски компании кои одлуките ги носат врз основа на сериозни повеќегодишни анализи, кои покажуваат дека бизнисот за осигурување на автоодговорност е неодржлив со сегашните цени. Нагласуваат дека досегашната цена на задолжителното авто осигурување била непазарна, прениска, меѓу најниските во регионот, непроменета уште од 2008 година и дека ја доведува во прашање исплатливоста на работењето на осигурителните компании. Зголемувањето на цената за задолжителна осигурителна полиса од страна на осигурителните компании вчера на својот Фејсбук профил го коментираше и вицепремиерот за економски прашања Фатмир Битиќи. „Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на владина седница. Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните“, напиша Битиќи. Тој ги повика Министерството за финансии и Комисијата за заштитата на конкуренција да постапат по овој случај. Со донесените одлуки за зголемување на цената на полисата за задолжителното авто осигурување од страна на осигурителните компании за 15,44 отсто поскапува полисата што ја плаќаат граѓаните при регистрација на нивните возила со моќност од над 44 киловати. Поскапувањето е од 840 па до скоро 1.600 денари во зависност од моќноста на возилото. Поскапува регистрацијата на возилата, се зголемува цената на задолжителната осигурителна полиса Поскапува задолжителната осигурителна полиса – нови цени за регистрација на возила © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сончево и потопло со мала до умерена облачност. Ќе дува слаб ветер од променлив правец. Во Скопје сончево со мала облачност и со слаб југозападен ветер. Минималната температура ќе се движи во интервал од 2 до 9°C, а максималната од 20 до 26°C. Информација од утрово: Минимална температура (во °C) 1 Берово, Лазарополе, 2 Попова Шапка, 4 Маврови Анови, Крива Паланка, 5 Струмица, 6 Скопје-Петровец, Тетово, Охрид, Претор, Битола, Демир Капија, Крушево, 7 Прилеп, Штип, Виница, Велес, Дебар, 8 Гевгелија, Дојран, Кавадарци, Куманово, 9 Скопје-Зајчев Рид. Температура на вода, измерена во 7:30 часот (во °C) Охридско Езеро 13.0, Преспанско Езеро 10.5, Дојранско Езеро 17.8. Деталите во Телма МЕТЕО со Ирена Лазарова – Димитровска, во соработка со УХМР! e-mail: [email protected] https://www.instagram.com/telmameteo/ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сообраќајка во центарот на Скопје. Автомобил по судар се превртел на Партизанска и завршил во жардињера на средина на булеварот. Полицијата врши увид. Нема информации за повреди на возачот. Несреќата се случила доцна вечерва во петок 26.04.2024. ФОТО/ВИДЕО- Александар Шејкеровски, ТВ Телма View this post on Instagram A post shared by Тв Телма / TV Telma (@tvtelma) © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Дали детронизирањето на ДУИ е веќе загубена битка за опозиционерите од Влен? Или земјотресот е во најава?Што ќе значи исходот од трката Османи – Таравари за парламентарните избори? Јавна, тивка поддршка и за кого или бојкот на вториот круг од претседателските избори – како ќе се позиционира Влен, а како Европскиот фронт на ДУИ?Вечерва во Топ Тема, дебата со Крешник Бектеши, министер за економија и член на Централното претседателство на ДУИ и Башким Бакиу, шеф на изборниот штаб на Таравари. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На бранот на пораките од резултатите од првиот изборен круг за претседателските избори, продолжува кампањата за парламентарните, додека финалето на претседателската трка очекувано останува во нивна сенка. Иако навидум работите може само малку да се сменат, или ако резултатите од претседателските се пресликаат и на парламентарните, би можеле само малку да се видоизменат, но не и драстично. Работата ни оддалеку не е завршена, ниту околу бројот на гласачките ливчиња што ќе се бројат на 8 Мај вечерта, ниту за она што следува ден потоа како постизборен политички инженеринг. Двата албански блока, концентрирани околу коалициите Европски фронт и Вреди фокусот го насочуваат токму кон парламентарните избори. Вреди веќе доби покана од лидерот на ВМРО-ДПМНЕ Христијан Мицкоски уште вечерта на 24 април, но оттаму ги повторија нивните црвени линии, не само за формирање на евентуална влада со ВМРО-ДПМНЕ, туку со било кого. Нормално е да постои и да има комуникација со сите политички субјекти кои што функционираат во државата и кои што се конкурентни. Јас кажав, во моментов ние сме фокусирани кон резултатите на 8 мај, ние сме во моментов политичка партија која има доминатно албански гасови. Ќе го видиме резултатот, односно земјотресот на 8 мај и врз основа на тоа ќе преговараме со било кој што ќе биде мандатар. И врз основа на тоа ние имаме свои граници, односно црвени линии кои што се однесуваат за учество во било која влада. Едната е да се укине формулацијата 20 посто за јазикот и уставните промени кои што во моментов се кочница за интеграција на земјата во ЕУ, порача шефот на изборниот штаб на Таравари, Башким Бакиу во вечерашната Топ Тема. Тоа наиде на потсмев од Крешник Бектеши, кој ја обвини албанската опозиција дека по првиот круг на претседателските избори започнала да му се додворува на ВМРО-ДПМНЕ, напуштајќи ја претходната реторика. Кажа две црвени линии, не ја кажа третата, дали уште стојат на црвената линија дека треба да се избира претседател на државата во Собрание. Второ, дали пред формирање на влада е црвена линија да се направат уставните измени. Третата најважна, што мене ми е мило во однос на ДУИ и Европскиот фронт, но ми е жал за Вреди, мене не ми е страв да зборувам за лошите политики на ВМРО-ДПМНЕ со кои ние не се согласуваме, и на СДСМ, и на Вреди и граѓаните ќе оценат кој е во право. ДУИ, Европскиот фронт, има коалиција со граѓаните, ќе го почитува целосно тоа што ќе го кажат граѓаните преку изборните кутии на 8 мај, рече Бектеши. Според него, Европскиот фронт има договор со албанската опозиција дека нема да влезат во влада која нема да ги гарантира уставните измени. Еден глас ДУИ да има помалку, ДУИ нема ни да преговара да им ги наруши позициите на Вреди, нема ни да влезе на преговори, ако се тие што го добиле легитимитетот на албанскиот блок. Но, тие се автономна политичка партија, коалиција, ние одиме во коалиција со граѓаните, до 8 мај директно ќе работиме со граѓаните и тие ќе одлучат, рече Бектеши. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Телефоните од Бихаќка почнаа да ѕвонат но претседателот на партијата Димитар Ковачевски без прецизен одговор кој е на другата страна од линијата, дали се коалициските партнери или пак лидери на поранешниот партнер во Влада. Комуникација има и тоа на повеќе нивоа, потврди Ковачевски Масовен одзив во вториот круг е засега планот на СДСМ кој официјално се презентира во јавноста како единствен начин да се надополни негативата од 180 илјади гласови во првиот круг од претседателските избори но и да се направи што е можно подобар резултат и поголем број на пратенички мандати. Ковачевски ги отфрли како невистини тврдењата на опозициската ВМРО-ДПМНЕ дека СДСМ и ДУИ подготвуваат бојкот на претстојните избори. Околу одговорноста за изборниот резултат тој кажа дека како и досега по изборите, ќе има анализа на причините како на ниво на општинските организации така и на ниво на Извршниот и Централниот одбор и потоа ќе се донесе одлука во кој правец и со кого како раководство партијата ќе продолжи понатаму. Огнен Чанчаревиќ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Бараа продолжување на рокот за пријава, но на избори излегоа само половината од пријавените. Избирачките одбори, за кои државата троши милиони денари, на гласачките места бројат едноцифрени бројки на гласачки ливчиња. Тројца од десетмината испратени во Мадрид седеле со скрстени раце, затоа што на гласање дошле само 7 од пријавените 18 лица. Многу повеќе пари се потрошени за гласањето во Пекинг, главниот град на Кина, каде исто така заминале десетмина од избирачкиот одбор кои таму ќе поминат две недели на државен трошок, затоа што е поевтино отколку да се враќаат и одат повторно. Сместувањето, храната и дневниците им се на државен трошок, но и таму еден од нив немал работа. Од пријавените 12 мина, на гласање дошле само 9 лица. Еден од нив го згрешил и ливчето. Едноцифрен број на гласови има и во далечниот Детроит, во САД. Гласале 9 од пријавени 34 гласачи. Во амбасадата во Рим, од 30 пријавени, биле пополнети само 9 гласачки ливчиња. Да се пријавеле само толку колку што гласале, гласање немало ни да се организира во овие држави. Од 2.569 пријавени избирачи низ целиот свет, излегле само 1.020. Причините за слабиот интерес, според директорот на Агенцијата за иселеништво се различни. Од тоа дека тие веќе изградиле свој живот во странство и не се заинтересирани за матичната држава, до проблемите со денот и начинот на гласање. Близнаковски смета дека решение за овој проблем има, но е потребна волја. Европските земји имаат различни начини за гласање на дијаспората. Иселениците од Естонија веќе 20 години гласаат електронски. Тие од Финска гласаат преку пошта, во ДКП ата, па дури и на финските бродови кои се наоѓаат во странство. Слична е изборната регулатива и во Шведска, со тоа што Швеѓаните во дијаспората имаат право да гласаат во шведските цркви во странство. Далиборка Демјанска Цветановска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Струшкиот градоначалник Рамиз Мерко, денеска не се појави во Основниот суд во Струга, каде требаше да почне судскиот процес во кој тој е обвинет за злоупотреба на службената положба при набавката на службеното луксузно Ауди 6. Во судницата не дојде ниту неговиот бранител, кој претходно побарал од судот одлагање на рочиштето, поради обврски со друг предмет. Судијката Надица Митреска образложи дека на барање на одбраната судот направи дигитален препис на доказите кои ќе му бидат дополнително предадени на увид, затоа што денес никој не дојде во судница. Но, адвокатот на Мерко, Игор Петковски во телефонска изјава, вели дека иако барале претходно, до денот на судење не ги добиле списите, поради што покрај зафатеноста, тоа било причина за барање на одлгање на судењето Целта не ни е да го одлагаме, целта ни е кога ќе ги погледнеме доказите на обвинението да спротиставиме со докази на одбраната, и да докажеме дека не постои никаква одговорност кај градоначалникот по однос на оваа работа, вели Петковски. Обвинението против Рамиз Мерко, го поднесе ОЈО за организиран криминал, 10 месеци откако САД го ставија струшкиот градоначалник на црната листа поради корупција и мешање во судски процеси. Без претходно одобрување на Годишниот план за јавни набавки од страна на општинскиот совет и во услови кога општината имала блокирана жиро-сметка, набавил 4 возила меѓу кои и аудито од речиси 67 илјади евра, пишува во обвинението кое беше подготвено во Скопје, но патуваше до Струга поради измените на Кривичниот законик, со кои надлежноста премина на струшките суд и обвинителство. Обвинителниот акт е за злоупотреба на службената положба. Ние ќе ја докажаваме нашата теорија на случај, одбраната нивната, на крај судот ќе одлучи што навистина се случило. Ние сметаме дека има дело и ќе го поддрѓиме обвинителниот предлог поднесе на ОЈО ГОК од Скопје, рече Никола Јолевски, обвинител од ОЈО Струга. Следното рочиште е закажано за 3 јуни, а судијата побара судот да го обезбеди присуството на обвинетиот градоначалник на Струга, Рамиз Мерко. Викторија Димитрова Јованова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Одолговлекување на дисцпилинските постапки против судиите ќе се спречува со измените на деловникот на Судскиот совет . Се најавува воведување кратки рокови за движење на предметите во Судски. Ова го најави претседателката на Судски, Весна Дамева на брифинг со новинарите на кој презенираше мерките што ова тело ги презема за исполнување на препораките на Оценската мисија на ЕУ Има предмети што стојат во фиоки на некои членови. Недозволиво е некои постапки да траат и по година до две. Во мај ќе се менува деловникот со цел поголема ажурност на членовите на судскиот совет, рече Дамева. Кои членови на Судски чувале предемети во фиока Дамева не спомна но како еден од предметите кој долго заглавил, го истакна предметот за конфискацијата на Трансмет. Со измената на деловникот се воведува и обврска за членовите да објаснуваат и зошто гласаат против унапредување на некој судија не само кога гласаат за. Исто така и одлуките да ги образложуваат со конкретни причини зошто некој судија кој иако бил погоре на ранг листата не бил избран. Ќе се менува и правилниот за рангирање на судиите . Ќе се намалат бодовите што ги добиваат за познавање на стрнски јазик а ќе се зголемуваат бодовите за дополнителна работа. По извештајот на Стејт Департметот за 2023 кој нотира – унапредување под политичко влијание без заслуга или транспарентност во судството и обвинителството, Дамева вели дека ги прифаќа сите забелешки во извештаите. Секој треба да гласа и да одлучува со интегритет. До мене ако има интервенција од политичар дури и да е најдобар судија нема да го гласам затоа што ќе знам дека некој политичар ќе го има во раце и ќе биде нечиј слуга, рече Дамева Периодов, Судски ќе ја усвои и комуникациската стратегија во која се вметнати дел од препораките за транспарентност и отчетност на Оценската мисија на ЕУ, која дојде и го скенираше Советот по контроверното разрешување на Дамева пред една година. Експертите на ЕУ предложија 40 препораки но за најголем дел треба законски или измени на Уставот. Акцискиот план на судски се однеснува на имплемтација на 16 краткорочни препораки. Елена Ивановска Мукоска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Овие ќебиња останаа да сведочат за поплавата која ноќеска после полноќ се случи на клиниката за Токсикологија. Лекарски канцеларии , болнички соби, ходници и подруми се дел од просториите кои беа поплавени откако пукнал радиатор.Скоро два часа течела вода од пукната цевка од парното поради што бил полавен третиот кат на клиниката, а водата се слевала се до подрумот, велат од таму. „Дежурната екипа веднаш ја повикала техничката служба за одржување на парно но неуспеале да го сопрат истекот на водата во следните 40-тина минути при што повикано е лице од клиниката коепомогнало да се сопре водата од главните вентили“, вели Данил Петровски медицински директор на Клиника за Токсикологија. Дел од вработените алармираа дека клиниката не е осигурана, министерство за здравство ќе проверува и ќе бара одговорност од менаџментот доколку информацијата е точна. Претходно дел од лекарите алармираа и дека организационата директорка Бесија Иљази притиска 18 луѓе да се вработат на Клиниката за токсикологија, иако за нив нема реална потреба. Министерот за здравство стои на ставот дека по завршување на изборите овие лица ќе бидат вработени и медицинскиот директор Данил Петровски разрешен. Се обидовме да стапиме во контакт со организационата директорка и да ја прашаме за настанатиот проблем, но не креваше на нашите телефонски повици, а вработени ни кажаа дека таа била на своето работно место. Државниот санитарен и здравствен инспекторат пред неколку дена изврши инспекциски надзор на Токсикологија и утврди дека 11 лица незаконски работеле со пациенти и давале здравствени услуги и покрај тоа што биле без договори за ангажман, а дел од нив и без соодветно образование. Од Министерството за здравство пак со став дека за случајот ќе се постапи, согласно добивањето на заклучоците од инспекциските надзори. Пред само четири дена Токсикологија ја тресеше скандал кога болничар на Клиниката од колега лаборант побарал да лажира резултати, урина со наркотици, да замени со чиста. Симона Петровска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Поскапува регистрaцијата на возила. Граѓаните ќе мора да издвојат повеќе пари, откако осигурителните компании одлучија да ја зголемат сумата за задолжителната осигурителна полиса за 15,4 отсто. Па, ако досега за возило од 44 до 55 киловати се плаќаше 5.453 денари, новата цена ќе биде 6.292 денара. Поскапувањето е пропорционално во зависност од зафатнината на моторот кој е вграден во возилото. Промена во цените нема само кај возилата до 44 киловати. Од Националното биро за осигурување велат дека зголемувањето е реално. Потегот го правдаат со тоа што цената на полисата не е променета повеќе од 10 години, а трошоците за работа на компании значително пораснале. Со претхоните цени во прашање било доведнео функционирањето на осигурителните компании. Порастот на цената е предизвикан од континуираниот раст на цените на реосигурувањето, автомобилите, порастот на цената на резервните делови, порастот на платите и постојаната голема инфлациона тенденција. Општиот пораст на цените од 2008 до 2023 година изнесува 61,56%, се вели во дописот на Националното биро за осигурување На поскапувањето реагираа од Агенцијата за супервизија на осигуреници. Тврдат зголемувањето на цената е неоправдано, а доставиле и предлог до Министерството за финансии. Во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност, пишува во соопштението на АСО По дописот од АСО, финансии во понеделник на седница ќе ја проверува оправданоста и исправноста на донесените одлука од страна на компаниите од овој бизнис. Министерството за финансии врз основа на добиеното известување од страна на Агенцијата за супервизија на осигурување, која е регулатор на осигурителниот сектор, се обрати и до Комисијата за заштита на конкуренцијата, за да се испита дали се прекршени правилата на фер и конкурентно однесување, се вели во допсиот на Министерството за финансии Одлуката за зголемување на цената на овие осигурителни полиси стапи на сила од вчера. Ирена Чачкова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Поддршката за руската одбрана ја загрозува европската безбедност, ова е главната порака на американскиот државен секретар Ентони Блинкен кој во Пекинг се сретна со кинескиот претседател. Си Џипинг на највисокиот американски дипломат му возврати дека Кина и САД треба да бидат „партнери, а не ривали“ и да избегнуваат да се вклучат во „злобен натпревар“. Поддршката на руската одбранбена индустриска база не само што ја загрозува украинската, туку и ја загрозува европската безбедност. Пекинг не може да постигне подобри односи со Европа додека ја поддржува најголемата закана за европската безбедност од крајот на Студената војна, рече Ентони Блинкен, државен секретар на САД. Кина е подготвена да види самоуверени и отворени САД со просперитет и развој. Се надеваме дека и САД можат позитивно да гледаат на развојот на Кина. Само кога ќе се реши ова фундаментално прашање и кога ќе се закопча „првото копче“, Кина-САД односите навистина да се стабилизираат, да се подобрат и да се движат напред, рече Си Џипинг, претседател на Кина. Претходно, кинескиот министер за надворешни работи Ванг Ји го предупреди Блинкен да не ги гази „црвените линии“ на Кина, на што Блинкен ги повика кинеските власти на одговорност за луѓето шитум светот. Ние секогаш повикуваме на почитување на основните интереси на едни со други и ги повикуваме САД да не се мешаат во внатрешните работи на Кина, да не го лочат развојот на Кина и да не газат на црвените линии на Кина за суверенитетот, безбедноста и развојот на Кина, рече Ванг Ји, министер за надворешни работи на Кина. Но, исто така, да се осигураме дека сме што е можно појасни за областите каде што имаме разлики, во најмала рака да избегнеме недоразбирања, да избегнеме погрешни пресметки кои навистина се заедничка одговорност што ја имаме, не само за нашиот народ, туку и за луѓе ширум светот со оглед на влијанието што односите меѓу нашите земји го имаат низ целиот свет, рече Ентони Блинкен, државен секретар на САД. Неговото патување доаѓа неколку дена откако САД усвоија закон кој ќе го принуди TikTok, кој е во кинеска сопственост да ја продаде апликацијата или ќе биде забранет во Америка. На што домаќините остро се спротивставуваат. Кина и САД се главните играчи во Индо-Пацификот. Минатата недела Вашингтон го одобри својот најнов пакет помош, кој вклучуваше воена помош и за Тајван. Официјален Пекинг ја осуди американската помош за Тајван нарекувајќи ја „опасна провокација“. Билјана Ставрова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На листите за парламентарните избори на кои има вкупно 1820 кандидати од 17 партии и коалиции, најмладиот кандидат за нов пратеник има 18 години, додека најстариот има 90 години и е роден во 1934-тата година односно во време кога Македонија била дел од Кралството Југославија. На кандидатските листи има вкупно 6 кои се на возраст меѓу 18 и 19 години. Половина од нив, три се дел од листата на Аваја во 6-тата тетовска изборна единица. Две се девојки, едно е момче, а највисоко котира кандидатката Ајлин Саити која е трета на листата на партијата Аваја. Демократите имаат двајца кандидати кои пред изборите станале полнолетни и го исполниле условот и да гласаат и да бидат гласани. Една кандидатка ќе се бори во 6-тата изборна единица, а 18-годишниот кандидат на Демократи ќе се бори во првата изборна единица. И коалицијата на ДУИ, Европкси фронт, има 18-годишна кандидатка за пратеник во третата изборна единица. На другата скала на возраста, меѓу кандидатите има тројца кои веќе наполниле 90 години и се борат во третата изборна единица. Љубица Олумчева е родена во Богданци пред втората светска војна, сега живее во скопски Аеродром, а е кандидатка на Твоја партија во третата Штипско-велешка изборна единица. Уште еден жител од Аеродром кој има 90 години е кандидат во изборната единица 3 на листата на Македонска ера Трета/Македонски независни листи. Скопјанка од Кисела Вода е третата 90-годишна кандидатка на изборите и ќе се бори за пратеничко место преку листата на Единствена Македонија. За разлика од најмладите, кандидатите тинејџери- тројцата највозрасни се на листите под десетото место, © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Дваесет до дваесет и пет илјади кубни метри дрва се сечат нелегално на годишно ниво, покажуваат статистиките на надлежните институции. Македонските шуми се сечат безмилосно, тоа е организиран криминал во кој се вртат десетици милиони евра годишно, проценуваат шумарските инженери. Тие велат дека според нивните сознанија реалната бројка на нелегална сеча е десеткратно поголема. Од Регионалниот центар за шумарство сметаат дека овој проблем од година во година станува се посериозен. „Со текот на годините не можеме да кажеме дали овој процент расте или опаѓа со верификувани податоци бидејќи статистичките податоци од надлежните институции отприлика се движат во едно исто ниво. Но, пораките што ги добиваме од нашите колеги, граѓаните и локалните организации велат дека проблемот со нелегална сеча е се поизразен и дека се поголеми шумски пространства се деградирани и опустошени од нелегалната сеча“, изјави Сашо Петровски, регионален центар за шумарство и рурален развој РЕФОРД. Петровски смета дека за надминување на овој проблем потребно е брзо и ефикасно решение. Со вклучување на повеќе мерки и методи би можело да се стави стоп на дивокрадците. „Пред сѐ се бара соодветен институционален одговор којшто се чини дека во моментот недостасува во Македонија. Потребно е замена на традиционалното гориво за загревање на домаќинствата како што е огревното дрво, мерки за субвенции за примена на иновативни системи коишто се базираат на дрвено загревање мѓутоа се многу ефикасни, а такви се палетите“, додава Петровски. Податоците на Центарот за европски стратегии – Евротинк покажаа дека околу 25.000 кубни метри дрва се бесправно исечени во четири општини во последните шест години, со што е направена штета од над еден милион евра. Токму поради тоа денеска претставниците на политичките партии потпишаа декларација за заложба за борба против нелегална сеча и уништување на шумите. Тамара Марковска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пламна куќа околу пладне во близината на Универзална сала. Од снимките на социјалните мрежи се гледа дека гори горниот спрат, а на терен веднаш излегле пожарникари кои помогнале во гаснење на пожарот. Командирот на скопската противпожарна бригада Звонко Томески за Телма изјави дека се опожарени еден спрат и кровната конструкција на куќата. Пожар зад Универзална сала pic.twitter.com/zx0ffS9O5O — Oliver Noveski 🎗 (@olivermk) April 26, 2024 © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Историскиот случај, кој може да ја реши правната и политичка судбина на американскиот поранешен претседател Доналд Трамп, како и да ја дефинира моќта на шефовите на Белата куќа. Врховниот суд во земјата одлучува по жалбата на Трамп, откако пониските судови го одбија неговото барање да биде заштитен од четири кривични пријави поврзани со изборите во 2020 година. За време на седницата, судиите на американскиот Врховен суд изразија скептицизам кон неговите тврдења, врз основа на кои побара од судот да прогласи имунитет од кривично гонење. Според дел од медиумите кои го пренесуваат случајот, судиите на Врховниот суд, наклонети кон конзервативците, покажале разбирање за аргументот дека претседателите треба да уживаат одреден имунитет од можни кривични пријави за одредени дејствија што ги презеле додека биле на функција. Во американскиот Врховен суд моментно доминира конзервативно мнозинство од шест наспрема три, составено од тројца судии назначени уште за време на мандатот на Трамп. Случајот е прво кривично судење на поранешен претседател на САД и прво од четирите предмети на Трамп што стигна до поротата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Соединетите Американски Држави и Кина се спротивставија на голем број на билатерални, на регионални и на глобални прашања, додека американскиот државен секретар Ентони Блинкен во петокот се сретна со високи кинески претставници, вклучително и претседателот Кси Џинпинг. Разговорите меѓу двете страни се интензивираа во последните месеци, иако разликите се зголемија. Блинкен пристигна во Кина во средата, во посета на Шангај, непосредно пред Бајден да го потпише пакетот странска помош од 95 милијарди долари, кој има неколку елементи кои веројатно ќе го налутат Пекинг, вклучително и осум милијарди долари за да се спротивстави на растечката агресивност на Кина кон Тајван и во Јужното Кинеско Море. Исто така, се обидува да ја принуди матичната компанија на „ТикТок“ со седиште во Кина да ја продаде платформата за социјални медиуми. Кина и САД се главните играчи во индо-пацификот. Вашингтон станува сè поалармиран од зголемената агресивност на Пекинг во последниве години кон Тајван и неговите помали соседи од Југоисточна Азија со кои има значителни територијални и поморски спорови во Јужното Кинеско Море. Кина ја осуди американската помош за Тајван, нарекувајќи ја опасна провокација. Исто така, остро се спротивставува на напорите за принудна продажба на „ТикТок“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Родители на ученици од ОУ „Димо Хаџи Димов“ во Влае ќе потпишат петиција до Министерство за труд и социјална политика (МТСП), со која бараат детето повеќе да не учи во училиштето, по инцидентот во понеделникот кога нападна ученици и наставничка. Петицијата ќе биде доставена до секој родител поединечно во секое одделение за потпис по пролениот распуст. Од училиштето велат дека по инцидентот, ученикот веќе не посетува настава, но и дека е хоспитализиран. Детето е згрижено во групен дом во Капиштец, а неговиот старател живее во Битола. Од установата за згрижување деца со воспитно-социјални проблеми кои се задолжени за него велат дека тие ги презеле сите мерки по настанот. Родителите велат дека ова не е првпат ученикот да ги вознемирува децата и да прави проблеми во училиштето. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Навршува една година од прогласувањето на кризна состојба во затворот „Идризово“. Причина за тоа беше недостатокот на затворски персонал. Апсењето на 17 припадници на затворското обезбедување во КПУ „Идризово“ кои му помагале на затвореник да избега, го отвори прашањето дали и прогласената кризна состојба поради немање на стражарска служба станува уште покритична. Од Управата за извршување на санкции велат дека и покрај ваквите случувања, во затворот е мирно. Државата првпат прогласи кризна состојба во затворот во јуни во 2023 година, а причина беше малиот број на ангажирани затворски стражари. Ова ја отвори можноста и АРМ да биде вклучена во обезбедување на објектот, но само од надворешна страна. Од тогаш се случија неколку инциденти во затворот „Идризово“, меѓу кои последниот е со приведувањето на стражарите. Вкупно во затворот има 125 осуденици, а според синдикатот на затворската полиција, стандардите се еден чувар на еден затвореник. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Денеска се одбележуваат 38 години од една од најголемите светски катастрофи – експлозијата во четвртиот реактор на нуклеарната централа во Чернобил која ослободи големи количества на радијација на која беа изложени над седум милиони луѓе. Радиоактивниот прав се вивна високо во небото, стигна до северот и западот на Европа, а наводно и до источниот брег на САД. Градот Припјат, кој се наоѓа во непосредна близина на централата, беше целосно евакуиран веќе наредниот ден. Од разорните последици во последните три децении починаа илјадници луѓе од различни видови на карциноми. Според проценките на Светската здравствена организација, 30.000 човечки животи се директно поврзани со катастрофата. Работата на електраната беше отежната по несреќата. Изградбата на петтиот и шестиот реактор е запрена. Над четвртиот реактор е изграден сакрофаг, а меѓу него и зградите беше подигната бетонска бариера со дебелина од 200 метри. Десет години подоцна престана со работа реакторот 1, во рамки на договорот меѓу украинската влада и меѓународните организации. Реактор 2 го зафати пожар во 1991 година за да биде утврдено дека негова поправка е невозможна. Реактор 3 на 15 декември во 2000 година, лично го исклучи тогашниот украински претседател, Леонид Кучма, со што централата и официјално престана да произведува електрична енергија. Несреќата во Чернобил е една од двете нуклеарни катастрофи кои се оценето со највисока оценка – седум на Меѓународната скала на нуклеарни случувања. Втора е нуклеарната несреќа во Фукушима, Јапонија, во 2011 година. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Синоќа пукналa цевка од парното на Клиниката за токсикологија на Клинички центар и час и половина избивала вода од радијатор. Се поплавиле простории на третиот кат, но водата се слевала и надолу, се до подрумот, потврдија за Телма извори од клиниката. Претходно, вработени, преку допис до медиумите, информираа дека клиниката не е осигурана. Ова се само дел од проблемите за кои алармираа вработените, а на прес-конфернција кажаа и дека организационата директорка Бесија Иљази притиска 18 луѓе да се вработат на Клиниката за токсикологија, иако за нив нема реална потреба. Министерот за здравство кажа дека на овие вработени ќе им биде продолжен договорот, а по завршување на законските процедури ќе биде разрешен медицинскиот директор Данил Петровски. Иљази се реши да излезе на прес конференција за да даде одговори на обвинувањата на дел од лекарите, но ја одржа само на албански јазик. Таа е назначена за организационен директор на Клиниката за токсикологија на ден пред формирањето на техничката влада, а на работа оди со преведувачка. Симона Петровска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Основците и средношколците од 29 април до 6 мај ќе бидат на пролетен распуст кој е воведен во оваа учебна година. Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни. Училиштата нема да работат на 8 мај (среда), кога ќе се одржи вториот круг од Претседателските избори и Парламентарните избори 2024. Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето. Како што информираше Министерството за образование и наука (МОН), наставата од двата дена кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови. Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ. За планирањето и организирањето на дополнителните часови, МОН ги задолжи директорите на училиштата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Локомотива и три вагони со 90 тони нафта изгоре во близина на транссибирската железничка пруга. Огромниот пожар на железничката станица „Комбинацка“ зафатил околу 10.750 квадратни метри, додека 58 пожарникари со часови се обидувале да го изгаснат пожарот. Локални извори тврдат дека до инцидентот дошло по краток спој. Нафтените капацитети се главна мета на украинските дронови. Неодамна, Русија беше принудена да го ограничи извозот и да увезува нафта од Белорусија, поради нападите врз нејзините енергетски капацитети. Пожарот во Омск се случи 48 часови по нападите на украинските напади на неколку руски складишта за нафта. На мета беше и фабриката за гориво во Смоленск, која што се наоѓа во близина на украинската граница. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....