Изет Меџити од коалицијата ВРЕДИ, во рамки на парламентарната кампања денеска ја обвини ДУИ дека се обидува да создаде политичка криза, продолжувајќи го времето на техничката влада.„Плашејќи се од поразот кој несомнено ја чека, ДУИ штотуку го загуби компасот. Затоа, нивната единствена цел е да предизвикаат политичка криза, да ги спасат корумпираните од своите редови, обидувајќи се техничката влада да продолжи повеќе од 100 дена. Целите на Али Ахмети беа јасни и ВРЕДИ ја предупреди јавноста од моментот кога со кандидатурата на Бујар Осман, ДУИ намерно го спречи Арбен Таравари да влезе во вториот круг од претседателските избори”, рече Изет Меџити, ВРЕДИ.Европскиот фронт денеска најави дека со нивното доаѓање на власт ќе има договор за економската рамка за развој на економијата на земјата.„По Охридскиот договор, Договорот од Преспа и Договорот за добрососедски односи со Бугарија, дојде време за голем договор, поточно договор за економски консензус, Економски рамковен договор. Овој договор има за цел да обезбеди рамка за еднакви можности во функционална слободна пазарна економија, со фер конкуренција и правичен регионален развој и инфраструктура која создава еднакви можности и економии за сите учесници„, рече Елми Азири, Европски фронт.Драган Ковачки од ВМРО-ДПМНЕ денеска од Кочани вети низа проекти за овој град.Синоќа претседателот на СДСМ Димитар Ковачевски изјави дека се гледа дека ВМРО-ДПМНЕ нема намера да ја интегрира земјата во ЕУ.Сашко Јанчев од Левица за време на нивната активност во Прилеп рече дека Македонија го нема луксузот да ги задржи истите политичари кои се на сцената 30 години.Од Движењето ЗНАМ денеска најавија мерки во борбата против криминалот и корупцијата./Алсат.мкСуад Бајрами...

Борбата против корупцијата и преземањето на ресорите што не биле управувани од Албанците во изминатите 30 години се целите на албанската опозиција. Вака се изјасни еден од лидерите на коалицијата Вреди, Изет Меџити, во врска со гласините дека на албанската опозиција ќе и биде понуден ресорот на Министерството за внатрешни работи.„Што се однесува до ресорите на новата влада, еден од столбовите на нашата програма е борбата против корупцијата и спроведувањето на законите. Така ќе биде намерата да имаме застапеност и во Секторите за внатрешни работи. Исто така, намерата се и некои сегменти кои во овие 30 години никогаш не биле водени од Албанци, ние тврдиме дека ќе го скршиме мразот и во овие ресори“,рече Изет Меџити, коалиција Вреди.За ироничната изјава на Ахмети, кој рече дека ако Меџити стане министер за внатрешни работи , тој ќе се чувствува многу безбеден Меџити порача дека никој не е недопирлив.„Законот е над сите нас, вклучувајќи го и Али Ахмети. Ако го прекршил законот, Ахмети и секој од нас ќе одговара“, налгаси Изет Меџити, коалиција Вреди.По првиот круг од претседателските избори, лидерот на ВМРО-ДПМНЕ, Христијан Мицкоски, во неколку наврати порача дека ДУИ треба да оди во опозиција и да коалицира со Вреди.Од ДУИ, пак, инсистираат на принципот победниците од македонскиот и албанскиот блок да формираат влада. Но, овој принцип беше прекршен од самата ДУИ во 2017 година, кога беше формирана влада со СДСМ.ДУИ од вчера инсистира владата во Собранието да се гласа со Бадентер, односно со мнозинство гласови на малцинствата. Но, принципот на бадентер е предвиден само во одредени закони за да се спречи малите заедници да бидат надгласани од македонската заедница./Алсат.мкСуад Бајрами...

СОНК ќе бара од идната Влада и министерот за образование, да се отстранат сите недостатоци кои биле детектирани од страна на наставниците, во новиот образовен концепт, кој од оваа учебна година се спроведуваше како пилот проект.„Јас незнам дали концепцијата ќе продолжи да се реализира или можеби ќе има некаков прекин и некаков бај пас, додека оваа генерација не се истера до крај, меѓутоа сите оние забелешки кои колегите од терен ги даваат, кои кажуваат дека некои работи не се спроведливи, ќе бараме законски да се смени и практично со реализација да се направат промени“, рече Јаким Неделков-претседател на СОНК.Од СОНК велат дека ќе бараат итно решение и на проблемот со недостатокот на учебници.Неделков вели дека одговорноста за ваквата состојба лежи единствено во министерството за образование и наука.„Наставниците се подготвени и едуцирани и без учебници квалитетно да ја реализираат наставата. Поголем проблем е за учениците, и за родителите. И мислам дека е недозволиво, ако во закон е регулирано дека образованието е бесплатно, меѓу кои и учебниците и учебните помагала навреме да бидат навреме доставени, тогаш обврска е на државата тоа да го обезбеди.Сметам дека ова мора еднаш засекогаш да биде решено“, додаде Јаким Неделков-претседател на СОНК.„Наставниците неможат да бараат од учениците поголеми знаења од тоа само што им го предале, колку ќе запишат во тетратките толку. Учебниците нас ни се помагала, но за новиот концепт на работа по новата програма, ние треба да знаеме што треба да работиме со учениците. Не е ни до директорите, ни до наставниците и учениците. Министерството за образование е должно да ги дистрибуира учебниците“, нагласи Марина Ѓоргоска- директорка на ОУ Христо Узунов-Охрид.Инаку Комисијата за спречување и заштита од дискриминација, уште во октомври, поднесе тужбата против Министерството за образование поради недостигот на учебници во основните училишта низ земјава. Од вкупно 126 учебници недостигаа 43 учебници./Алсат.мкМики Трајковски...

Албанската коалиција ВРЕДИ ќе покрене кривична постапка против членовите на избирачкиот совет во избирачкото место 1112/1 во Липково, каде на денот на изборите бил организиран таканаречен „бугарски воз“. Според нив, Управниот суд ги докажал обвинувањата со поништување на гласањето во ова избирачко место.„Официјално беше разрешен и избирачкиот совет во избирачкото место број 1112/1. Многу брзо против сите кои направиле неправилностите ќе биде покрената кривична постапка“, велат од Кабинетот на претседателскиот кандидат Арбен Таравари.ДИК со мнозинство гласови ги разреши сите членови на ова избирачко место, а членот на оваа ДИК Абдуш Демири ги повика избирачките совети да го почитуваат законот.„По денешната одлука за разрешување, секако ќе има иницијатива за покренување на постапката за дисциплинска и кривична одговорност од страна на надлежните органи за членовите на ова избирачко место. Апелирам до избирачките совети да не дозволат никој по никоја цена да влијае на вашата работа.Вршете ги обврските согласно вашите обврски од Изборниот законик“, рече Абдуш Демири, член на ДИК. Според потпретседателот на ДИК, Димитре Шеху, која беше против разрешувањето на избирачкиот совет, Управниот суд одлучил врз основа на записникот, но службите на ДИК не ги доставиле и презентирале пред судот сите потребни материјали. Според неа, одлуката на Судот е за ДИК, а не за избирачкиот совет.„Овластениот застапник на обвинетиот навел дека потврдата од апаратот „УБИГ“ (уред за идентификација на отпечатоци) во веродостојниот материјал на денот на изборите отсуствувал, додека тужената страна немала техничка можност да најде копија од изводот од апаратот за ова избирачко место. Но, ДИК ја има оваа можност. Поради тоа, судот, врз основа на отсуство на овој доказ, одлучи врз основа на податоците од записникот“, нагласи Дитмире Шеху, потпретседателка на ДИК.Во избирачкото место 1112/1 во општина Липково податоците на запишаните гласачи и гласачките ливчиња во кутијата не се поклопувале, недостасувале ливчиња, а опозицијата за време на изборниот ден обвини за кражба на гласови, поточно за методот наречен бугарски воз во ова избирачко место./Алсат.мкФатлуме Дервиши...

Воениот суд во рускиот град Хабаровск, кој се наоѓа на далечниот исток, денеска (3 мај) го осуди антивоениот активист Ангел Николаев на 15 години затвор.Активистот беше обвинет за подметнување пожар врз воен центар за регрутирање, за сквернавење на националното знаме на Русија и за вандализам.Николаев беше уапсен во јули 2023 година, откако со црвена боја испрска знамиња на гробовите на руските војници убиени за време на тековната инвазија на Москва врз Украина.Тој се изјасни за невин по обвиненијата за сквернавење и тероризам.Десетици активисти во Русија се осудени на затворски казни за подметнување пожари врз воени центри за регрутирање откако Кремљ ја започна својата инвазија врз Украина во февруари 2022 година....

Бројот на загинати од обилните дождови во најјужната бразилска држава Рио Гранде до Сул се искачи на 29, соопштија локалните власти во четвртокот вечерта.За да се справи со драматичната ситуација, Владата прогласи вонредна состојба.Според податоците на Цивилната одбрана на Рио Гранде до Сул, во невремето, кое предизвика најголемо уништување во последниве години во оваа сојузната држава, исчезнале 60 лица, а 10.242 се раселени во 154 градови.„Ова не е само уште еден критичен настан, ова е најкритичниот што оваа сојузна држава веројатно го забележала во својата историја“, рече гувернерот на Рио Гранде до Сул, Едуардо Леите во обраќање преку директен пренос на социјалните мрежи.Повеќе од 300.000 луѓе, исто така, останаа без струја откако во четвртокот пукна брана на мала хидроцентрала, соопшти главното државно комунално претпријатие.Вчера, бразилскиот претседател Луис Инасио Лула да Силва ги прелета погодените области и одржа итен состанок со гувернерот Леите во градот Санта Марија.„Им реков на гувернерот и на моите министри дека федералната влада ќе вложи максимални напори … Ќе се погрижиме за тоа со големо внимание и почит“, рече Лула за време на средбата.Во видеото објавено на социјалните мрежи, Леите повика на координација во спасувачките акции и рече дека ситуацијата со која се соочува земјата е резултат на климатските промени.Лула му ветил на Леите дека ќе испрати онолку луѓе колку што е потребно за да помогне во решавањето на ситуацијата, соопшти кабинетот на претседателот.Бразил изминатиот период се соочи со серија природни катастрофи. Повеќе од 50 луѓе загинаа минатата година во државата Сао Паоло по обилните дождови кои предизвикаа лизгање на земјиште и поплави....

Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик.Како што соопшти МВР, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието.-Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар.Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата, се наведува во соопштението.Второпријавениот В.А., во својство на директор на ЈП „Пазари“ Битола, пак, со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки.-На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола, стои во соопштението....

На 02.05.2024 во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода Г.И.(50) од гостиварско Неготино.Таа била фатена при извршување кражба во продажен објект, по што се обидела да побегне, но била спречена и лишена од слобода. По целосно расчистување и документирање на случајот против неа ќе биде поднесена соодветна пријава....

Осигурителните компании изразија разочараност откако Владата им го укина поскапувањето на полисите за задолжителна автоодговорност при регистрација на возилата. Стопанската комора, пак, реагира дека се работи за избрзана, непазарна и еднострана одлука без да се земат предвид аргументите на сите засегнати страни.Осигурителните компании минатата недела самоиницијативно одлучија да ја поскапат полисата за автоодговорност за 15,4 отсто, односно за 800 до 1600 денари во зависност од возилото, но Комисијата за осигурување од автомобилска одговорност во Министерството за финансии вчера предложи, а владата експресно донесе одлука за промена на тарифите и враќање на старите цени.Осигурителните компании реагираат дека не биле земени предвид нивните анализи, туку само „погрешно поставената и пристрасно изработена“ анализа на Агенцијата за супервизија на осигурувањето.Во продолжение целата реакција:„Денешната одлука на Комисијата за АО при МФ за враќање на цените на АО претставува директна закана за финансиската стабилност на осигурителниот сектор, поставување во целост на регулаторно ограничување во ценовните политики што е спротивно на препораките на ЕК во извештајот за напредокот на нашата земја, кое може сериозно да ја доведе во прашање грижата за осигурениците.И ако Комисијата за автомобилска одговорност тврдеше дека сака да донесе објективна и транспаретна одлука базирана на конкретни параметри, сепак истата се базираше единствено на пристрасните тврдења и непрофесионални квалификации доставени од регулаторот АСО.Регулаторот на осигурителната индустрија меѓу другото треба да се грижи и за стабилноста на осигурителниот сектор и за угледот на компаниите кои ги регулира. АСО преку презентирање на неточни анализи и давање на квалификации за индустријата и начинот на нејзиното работење директно го нарушува угледот на сите осигурителни компании, и нивните “мајки” странските компании.Регулаторот треба да работи во насока на зацврстување на осигурителната индустрија преку поддршка на нивните напори да ги заштитат осигурениците, преку креирање на солидно ниво на солвентност и ликвидност кое секако доаѓа само преку профитабилно работење. Во спротивност, се создаваат услови за нестабилност во финансискиот сектор – нешто што никој не го посакува.АСО излезе со анализи во насока на докажување на неоправданоста на донесените одлуки за зголемување на делот за вршење на дејноста на осигурувањето за автоодговорност. Врз основа на овие анализи Комисијата за Автомобилска одговорност донесе одлука за воспоставување на максимален износ за делот на вршење на дејноста со што ги врати цените на ниво пред покачувањето. Анализите на осигурителната индустрија не беа воопшто земени во предвид.Осигурителната индустрија оваа анализа не ја прифаќа и смета дека е погрешно поставена и пристрасно изработена со цел докажување на однапред определено мислење и намалување на цената за АО.Неточноста на анализата се базирана на следните факти1. Анализата е направена комбинирано за автоодговорност, Зелена Карта и Гранично осигурување а не само за автоодговорност – која е предмет на промените2. Анализата се фокусира на докажување на издржливоста/доволноста на техничката премија а не на делот за вршење на дејност – кој е предмет на промените3. Анализата не ги зема во предвид резервираните штети и не прави проекција на инфлаторното влијание врз истите во наредните години -што е клучно за бизнис со долга опашка односно сервисирање на нематеријаните штети на долг рок4. Анализата не го зема воопшто во предвид делот за вршење дејност и е непоткрепена со актуарски пресметки и проекции за трошоците5. Анализата содржи паушални интерпретативни одредби и тврдења базирани на мислење, а не на фактиРСМ е една од ретките држави каде државата сеуште има функција во утврдување на цената за задолжителната АО и покрај фактот што се работи за пазарна економија. ЕУ секоја година во Извештајот за погресот на земјата, споменува дека оваа државна интервенција е неконзистентна со Европската регулатива и дека цената мора да ја утврдува слободниот пазар, односно да се случи либерализација на овој пазар.Со донесената Одлука од страна на Комисијата за Автоодговорност се лимитира делот за вршење на дејноста односно трошоците и се воспоставува 100% државна контрола над цените за автоодговорност. Со ова се оддалечуваме и од принципите на Европската Унија и од правилата на пазарната економија“, велат од Друштвото за неживотно осигурување....

Новинарите и медиумските работници секојдневно храбро ја практикуваат својата слобода на изразување, често под голем личен ризик, при што независното новинарство засновано на факти помага да се заштитат нашите демократии преку разоткривање на неправдите, барање на одговорност од лидерите и овозможување граѓаните да носат одлуки базирани на информации, истакна високиот претставник на ЕУ за надворешна политика и безбедност Жосеп Борел во пораката по повод Светскиот ден на слободата на медиумите – 3 мај.– Во 2024 година, кога се одржуваат избори во над 60 земји ширум светот, работата на новинарите е позначајна од кога било. На овој Светски ден на слободата на медиумите, ја почитуваме нивната работа и храброст. Како наши очи и уши, новинарите мора да бидат заштитени во секое време и насекаде, наведе Борел во изјавата дадена во име на Европската Унија.Тој нагласува дека ЕУ цврсто ги осудува сите акти на насилство, вклучително и заканите, врз новинарите при вршење на нивната професија, без разлика дали потекнуваат од држави, организирани групи или поединци.– Не смее да има неказнивост за ваквите злосторства, без разлика каде се случуваат, дециден е Борел.Според него, новинарите и медиумските работници кои известуваат од вооружени конфликти мора да бидат заштитени во согласност со меѓународното хуманитарно право.– ЕУ изразува жалење за драматичното зголемување на бројот на убиени или повредени новинари додека известуваат за разорните последици од војната. Премногу новинари ги загубија животите во последните месеци додека ни ги пренесуваа вестите од Газа. Новинарите, исто така, продолжуваат да се изложени на ризик на дневна основа додека известуваат за руската агресивна војна против Украина, како и од конфликтите во Мјанмар, Судан и на други места, се додава во изјавата.Борел натаму посочува и дека ЕУ изразува сериозна загриженост поради праксата за оневозможување на пристап на независните медиуми до конфликтните зони како начин за контрола на информативниот простор и ограничување на пристапот на јавноста до објективно известување базирано на факти.– Ширум светот, независните медиуми се соочуваат со голем број егзистенцијални закани. Повеќе од кога било, ние мора да преземеме решителна акција за да обезбедиме дека медиумите можат да работат во остварливи политички, економски и правни услови, потенцира Борел.Тој нагласува дека ЕУ направи значаен чекор во тој правец со усвојувањето на Европскиот закон за слобода на медиумите, кој има за цел да ја подобри уредувачката независност, да ги заштити изворите на информации на новинарите и да ја подобри транспарентноста околу сопственичката структура на медиумите во Унијата.– ЕУ останува цврсто посветена на својата заложба за заштита на слободата на медиумите и плурализмот ширум светот. Во одбраната на слободата на медиумите, ние го штитиме не само нашето право да знаеме, туку и нашата способност да ја обликуваме иднината водена од вистината и одговорноста, додава Борел во пораката по повод Светскиот ден на слободата на медиумите....

Елми Азири денеска го потврди ставот на Европскиот фронт дека во вториот круг од претседателските избори нема да апелираат за поддршка на ниту еден од кандидатите, за Гордана Силјановска или Стево Пендаровски.„Ќе ги повикаме сите граѓани да учествуваат во изборниот процес, и да одлучуваат според нивните оценки и нивните приоритети. Имаме демократско искуство и верувам дека сите граѓани ќе можат да ги препознаат своите приоритети меѓу кандидатите, кој од кандидатите во вториот круг ќе ги исполни нивните очекувања“, рече Азири....

Повеќе од 30 лица загинаа во поплавите во јужен Бразил, 60 лица се водат како исчезнати, додека околу 15.000 жители се евакуирани.Хидроелектрична брана во бразилската држава Рио Гранде до Сул се урна поради поплавите предизвикани од обилните дождови неколку дена, а најмалку 500.000 луѓе останаа без струја и чиста вода, јавува Би-би-си.Во акцијата за пребарување и спасување беа вклучени и хеликоптери, а во некои населби жителите се качија на покривите на нивните поплавени домови. Бразилскиот претседател Луис Инасио Лула да Силва го посети поплавениот регион и вети помош од Владата на Бразил.Гувернерот на државата Рио Гранде до Сул, Едуардо Леите побара итна помош за луѓето во поплавените подрачја, а владата на таа држава прогласи вонредна состојба.Метеоролозите најавија дека врнежите ќе продолжат во тој регион.Повеќе од 30 луѓе загинаа минатата година во циклон во Рио Гранде до Сул. /makfaks...

Анадолу Ефес почна да ги решава клучните прашања за наредната сезона, во текот на вчерашниот ден беше потпишан нов договор со тренерот Мијатовиќ, а денеска беше официјализирано и останувањето на Шејн Ларкин.Американецот со години важи за лидер на Ефес, тој беше меѓу најзаслужните за двете евролигашки круни, но Ефес се соочи со опасност од разделба откако лутиот ривал Фенербахче влезе во игра за потпис со извонредниот поентер.Преговорите траеја неколку месеци , за на крајот 32-годишниот Ларкин да пресече и да потпише нов договор со Ефес, со важност до 2028 година....

Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните....

Секторот за внатрешни работи Скопје во текот на вчерашниот ден продолжи со контролите во областа на сообраќајот.„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.Од таму додаваат дека сообраќајните контроли продолжуваат и во наредните денови....

Полициски службеници од ОВР Гостивар вчера во 18.45 часот на улица „Светозар Пепоски“ во Гостивар, ја лишиле од слобода Г.И. (50) од гостиварско Неготино.Како што соопшти МВР, таа била фатена при извршување кражба во продажен објект, по што се обидела да побегне, но била спречена и лишена од слобода.По целосно расчистување и документирање на случајот против неа ќе биде поднесена соодветна пријава, посочуваат од МВР....

За трофејот во шпанската престолнина ќе се борат двете најдобри светски тенисерки. Во првото полуфинале без преголеми проблеми до победата дојде Ига Швјонтек која ја совлада Медисон Кејс со 2-0 за час и 11 минути игра. Првата светска тенисерка речиси рутински ја заврши својата задача и се пласира во финалето. Двата сета Швјонтек ги доби со по два брејка, првиот со 6-1, а вториот со 6-3.Нешто повеќе мака виде Арина Сабаленка која ќе го брани трофејот во финалето против првата светска тенисерка. Белоруската претставничка одигра маратон против Елена Рибакина и на крајот по два часа и 19 минути игра дојде до триумф (2-1). Рибакина тргна фуриозно и со 6-1 поведе во мечот. Тогаш Сабаленка се крена и во израмнето надигрување прво со 7-5 израмни, а потоа во тај-брејк исто така со 7-5 се пласира во финалето.Финалето на Мастерсот кај дамите се игра в сабота во 18:30 часот....

Република Северна Македонија е рангирана на 36-то место на Индексот за слобода на медиумите за 2024 година на Репортери без граници, што е за две места подобор од 38-то место лани. Од земјите во регионот Северна Македонија е најдобро оценета, а следат Црна Гора (40), Словенија (42), Хрватска (48), Косово (75), БиХ (81), Србија е на 98-то место и Албанија на 99-та позиција.-Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите, стои во оценката за земјава.Во однос на Медиумски пејзаж се наведува дека иако телевизијата е доминантен извор на информации, онлајн медиумите играат важна улога. Сепак, мора да се направи разлика помеѓу професионални онлајн редакции кои вработуваат новинари и објавуваат оригинална содржина, и поединечни портали кои плагијат и копираат и залепуваат содржини. Исто така, постои голем јаз меѓу користењето и довербата: најгледаните ТВ станици имаат низок индекс на доверливост.За политички контекст се забелчежува дека целокупното опкружување останува поволно за слободата на печатот, но владините агенции не се многу транспарентни и критичкото новинарство е сè повеќе подложно на напади.-Поради силната политичка поларизација, медиумите можат да бидат под притисок на властите, политичарите и бизнисмените и на национално и на локално ниво. Двете најголеми партии (на власт и во опозиција) создадоа паралелни медиумски системи врз кои го вршат своето политичко и економско влијание. Јавниот радиодифузен сервис нема уредувачка и финансиска независност, стои во Извештајот.Во контекст на правната рамка се посочува дека Уставот ја гарантира слободата на говорот и забранува цензура, но дека земјата бавно го усогласува законодавството за медиумите со стандардите на Европската унија, на која има намера да и се придружи, а се посочува и на пресудата за ИРЛ и новиот закон за медиумите во делот на рекламирањето.-Процедурите на SLAPP служат како инструменти за заплашување и притисок врз независните медиуми. Осудата за клевета, во 2023 година, на медиумот IRL за нејзината истрага од општ интерес постави опасен преседан. Новиот закон со кој повторно се овластуваат националните и локалните власти да се рекламираат во медиумите во приватна сопственост, ја зголеми загриженоста за можното поврзано ширење на влијание, нотира Извештајот.За економски контекст се наведува дека иако одредени видови медиумска концентрација се забранети со закон, редакцијата на некои од главните ТВ канали е изложена на економски притисоци од нивните сопственици. Државното финансирање, се додава понатаму, е ограничено и нетранспарентно, а независните медиуми во голема мера се потпираат на донаторите. Странските грантови засновани на проекти придонесуваат само за опстанок, но не и за понатамошен развој. Новинарството, се посочува, е многу несигурна професија, а некои медиуми се подложени на влијанија од страна на маркетинг агенциите.Во делот за социјланиот контекст стои дека иако не постојат јасни ограничувања во социјалната и културната средина кои влијаат на слободното новинарство, социјалните медиуми и дигиталната сфера генерално го фаворизираат ширењето на дезинформации и сајбер-закани. Во комбинација со ниските професионални стандарди, тие придонесуваат, како што се посочува, за опаѓање на довербата на јавноста во медиумите и го отвораат патот за напади врз новинари врз основа на пол, етничка или религија,Кога е во прашање безбедноста на новинарите се констатира дека тие се често мета на вербални напади, а меѓу другото се посочува и за назначувањето специјален обвинител задолжен за случаите на напади врз новинари.-Под изговор за заштита на државните тајни и личните податоци, тие можат да бидат изложени на судски притисок и произволни правни постапки. Сепак, судовите имаат тенденција да ја поддржуваат слободата на печатот и да ги штитат новинарите. Во главниот град беше назначен специјален обвинител кој ќе ги води случаите на напади врз новинари, а се разгледува и отворањето на слични канцеларии низ целата земја, стои во Извештајот на Репортери без граници за земјава.Првите места на Индексот за слобода на медиумите за 2024 година им припаѓаат на Норвешка, Данска и Шведска. На листата од 177 земји во светот најлоши оценки за слободата на медиумите имаат Туркемнистан Иран и Северна Кортеја....

Американскиот секретар за одбрана Лојд Остин изјави дека не гледа никакви индикации дека Хамас планира напад врз американските војници во Појасот Газа, јавува Анадолу.„Не дискутирам за разузнавачки информации на подиум“, рече Остин на прес-конференција во Хаваи на прашањето дали има веродостојни информации дека палестинскoто движење ќе ги нападне американските војници кои поставуваат пристаниште во близина на Газа.„Но, во моментов не гледам никакви индикации дека постои активна намера да се направи тоа“, додаде тој.Американската војска е при крај со завршувањето на пловечкото пристаниште во близина на брегот на Газа, вредно 320 милиони долари, а кое се гради за испорака на хуманитарна помош до опколената енклава.Остин рече дека тоа е борбена зона и може да се случат многу работи.„Безбедноста и сигурноста на нашите војници се многу важни за мене“, рече тој, додавајќи дека сојузниците на Соединетите Американски Држави (САД) ја осигуруваат безбедноста и во таа област.Пентагон на 8 март објави дека ќе преземе итна мисија за воспоставување на пристаниште во близина на брегот на Газа за да испорачува до 2 милиони оброци со хуманитарна помош дневно.Мисијата вклучува пловечко пристаниште, патека долга 1.800 метри, која ќе биде прикачена на брегот и група бродови за логистичка поддршка.Војната на Израел во Газа, која започна по упадот на Хамас на 7 октомври, ја опустоши енклавата и ги втурна нејзините 2,3 милиони луѓе во хуманитарна катастрофа.– Потенцијалниот израелски копнен напад врз Рафа –Во врска со можната израелска копнена инвазија на градот Рафа во јужниот дел на Газа, кој е дом на повеќе од 1 милион Палестинци кои бараат засолниште од војната меѓу Израел и Хамас, Остин рече дека САД им рекле на Израелците дека е важно цивилите да се извлечат од воениот простор пред да се спроведе каква било активност.„Во однос на последиците, знаете, нема да шпекулирам што може да се случи, што треба да се случи. Тоа ќе го одреди претседателот (Џо Бајден)“, рече Остин, на прашањето за последиците со кои Израел ќе се соочи од САД доколку продолжат со операцијата без соодветно да ги земат предвид цивилите во областа.„Условите не се поволни за каква било операција“, рече тој, додавајќи дека САД се јасни за неопходноста да се грижат за цивилното население во таа област пред што било друго да се случи.Израелскиот премиер Бенјамин Нетанјаху во вторникот вети дека ќе ја нападне Рафа, и покрај извештаите за можен договор за прекин на огнот со Хамас.Нетанјаху рече дека израелската армија ќе влезе во Рафа за да ги уништи баталјоните на Хамас таму „со или без договор“....

Ливерпул на крајот на сезоната ќе доживее големи промени затоа што ќе си замине тренерот Јирген Клоп, а по неговите стапки ќе тргнат и осум фудбалери.Англиските медиуми ја објавија листата со играчи кои сакаат да го напуштат „Енфилд“, а на неа се наоѓаат: Келехер, Дијаз, Цимикас, Мортон, Карваљо, Филипс, Ремзи и Ван Ден Берг.Арне Слот ќе биде нов тренер на премиерлигашот откако ќе заврши сезоната, по што се очекува Ливерпул да тргне по нови засилувања....

Почнува разврската за шампионската титула. Утрешното 31.коло го носи дербито меѓу Шкупи и Шкендија на Чаир.Раководството на Шкупи одреди бесплатен влез за утрешниот дуел, со оглед дека на фудбалерите и на тренерот Ернест Ѓока ќе им биде потребна поддршка од трибините.Истовремено, Шкупи побара од своите фанови да се однесуваат цивилизирано и да нема инциденти, без разлика што се работи за дерби натпревар кој секако носи поголема тензија....

Баерн Минхен внимателно ја следи ситуацијата со дефанзивецот на Ливерпул, Вирџил ван Дaјк. Иднината на 32-годишниот холанѓанец на „Енфилд“ е сѐ понеизвесна и баварците се подготвени да ја искористат ситуацијата доколку добијат шанса.Договорот на Ван Дајк истекува за една година и во оваа фаза нема знаци за негово обновување. По претстојната разделба на менаџерот Јирген Клоп, се очекува да има многу промени во Ливерпул, една од нив би можела да биде поврзана со Ван Дијк, кој на лето треба да биде ставен на трансфер – листата.Во исто време, Баерн бара опции за засилување на одбраната и Ван Дајк е една од опциите за кои размислуваат на „Алијанц Арена“. Германскиот гигант ќе чека до лето да ги процени сите опции, но доколку холанѓанецот биде пуштен на пазарот, сигурно е дека клубот од Минхен ќе упати понуда за него.Сепак, ова не е единствената опција пред искусниот дефанзивец, кој е искушуван од неколку клубови од Саудиска Арабија....

Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата.Никс и Пејсер ги забележаа победите број 4 против Филаделфија односно Милвоки.Џејлен Брансон го предводеше Њујорк до победата 118:115 во шестиот натпревар. Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока. Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени....

Фудбалската Асоцијација на Англија (ФА), го казни со двомесечна суспензија условно и 20.000 фунти поради кршење на правилата поврзани со забраната за обложување во Англија.Оваа казна значи дека Тонали ќе може да се врати на терените откако ќе му истече 10-месечната забрана што му ја изрече Италијанската фудбалска федерација (ФИГЦ) на 27 октомври минатата година, со услов да не направи нов прекршок. Минатата есен, ФИГЦ го казни Тонали за обложување на натпревари во Италија, а поради тоа овој талентиран играч за врска нема да може да игра на Европското првенство во Германија, каде Италија ќе ја брани шампионската титула.Тонали на почетокот на оваа сезона се пресели од Милан во Њукасл за 70 милиони фунти и веднаш покажа дека ќе биде големо засилување за „страчките“. Сепак, набрзо следеше суспензијата на ФИГЦ, па младиот Италијанец забележа само осум настапи, на кои постигна еден гол во дресот на Њукасл....

Уште еден пријател на Лионел Меси наскоро би можел да пристигне во Интер Мајами. Како што пренесува ЕСПН, Анхел Ди Марија ги започнал преговорите со Дејвид Бекам.„Ди Марија сериозно преговара со Мајами и можеби тој ќе стане челн на тимот веќе во јули. Таа опција му се допаѓа на Фидео (прекар Ди Марија)”.На Анхел Ди Марија договорот со Бенфика му истекува на крајот од сезоната. Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.Интересно е тоа што Ди Марија отсекогаш имал голема желба да игра со Меси, а уште додека играше во Реал Мадрид заедно со Кристијано Роналдо велеше дека Меси е најдобриот фудбалер на светот....

Во рамки на кампањата, ВРЕДИ оствари средба со претставници на Стопанската комора на Северо-Западна Македонија. Билал Касами од ВРЕДИ рече ДЕКА на средбата се разговарало за соработката на економскиот дел од коалициската програма, како и за можноста за соработка како идна влада со бизнисмените.„Силно веруваме дека по 8 мај, коалицијата ВРЕДИ како дел од Владата ќе биде во служба на граѓаните и во служба на нашите бизниси со цел да се запре овој егзодус на нашите млади и нашите граѓани кон запад”, рече Касами.Бујар Османи од Европскиот фронт рече дека при формирањето на стабилна влада треба да се има предвид дека покрај мнозинството од 61 пратеник, потребно е и мнозинство од бадентер. Без ова двојно мнозинство, не може да се формира стабилна влада и не може да има функционален парламент.„Додека ВМРО-ДПМНЕ и нејзините сојузници секојдневно рециклираат националистички тези, кокетираат со проруските струи, отворено ја загрозуваат целата славна војна од 2001 година, и ги креваат меѓуетничките и верските тензиите во земјата, ние сме фронт кој гарантира стабилност и соживот“, рече Османи.Во рамки на кампањата, шефот на СДСМ, Димитар Ковачевски, оствари средба со претставници на Стопанската комора на Северо-Западна Македонија. Оттаму, Ковачевски подвлече дека нема да се откаже од европскиот пат на земјата, нагласувајќи дека ефектите од членството се позитивни и за граѓаните и за компаниите.ВМРО-ДПМНЕ им вети на жителите на Свети Никола дека ќе го изградат главниот гасовод до Велес, продолжување на патот до Пробиштип, реконструкција на градинката и 8 милиони евра за општина Свети Никола. Драган Ковачки од оваа партија подвлече дека оваа партија ќе се грижи и за пензионерите на земјоделците, како и за сите граѓани на државата.Движењето „Знам“ ја презентира програмата преку прес-конференција, на која носителот на листата за пратеници во изборната единица 3, Павле Арсоски, рече дека ќе вложат максимални напори за стабилизирање на државата, за развој на економијата и за запирање на заминувањето на младите. Од оваа партија велат дека во програмата, меѓу другото, се предвидени мерки за подобрување на условите за работа и стандардот на вработените во армијата и полицијата.Ајнур Бафќари...

ВРЕДИ тврди дека правото да се соберат на плоштадот Илирија во Тетово на 6 мај им припаѓа ним. Градоначалникот на Тетово, Билал Касами рече дека Коалицијата Вреди била информирана на 11 април, а Европскиот фронт еден ден подоцна. Тој рече дека врз основа на добиеното барање во општината, информирано е и Одделението за внатрешни работи.„Врз принципот кој прв ќе побара, добива, така што општината имала обврска да даде одговор на коалицијата ВРЕДИ, и да го извести Европскиот фронт дека во тоа време плоштадот е зафатен. Постапивме врз основа на процедурите. Полицијата не е таа што одлучува кој или каде ќе ги одржи митинзите. Ние сме демократска и европска држава во која законите треба да важат за сите подеднакво“, рече Касами.Но, Европскиот фронт вели дека ВРЕДИ треба да се повлече. Арбер Адеми вели дека барањето на албанската опозиција е поднесено со задоцнување од 10 дена. Адеми вели дека за митингот добиле дозвола од полицијата.„Апелираме до албанската опозиција да ја преиспита својата одлука. Нека одлучат за друго место или друг ден. Да придонесеме сите заедно, да имаме слободни и демократски избори според демократски стандарди, каде и ние и тие ќе имаме можност да ги обелодениме програмските дефиниции пред граѓаните со собир од ваков вид“, рече Адеми.Министерството за внатрешни работи соопшти дека на 12 април барањето пристигнало на нивна адреса од Европскиот фронт, а на 22 април од ВРЕДИ. Полицијата се обидела да организира координативен состанок со цел да се избегнат конфликти и да не се наруши јавниот ред и мир, но не успеала да ги доведат двете страни на заедничка маса за дискусија. Законот за јавни собири не обврзува за дозвола од полицијата, туку само известување за активностите кои субјектот ќе ги преземе.Закон за јавни митинзи, член 3:„Во интерес на безбедноста, организаторот на митингот може да го извести Министерството за внатрешни работи за одржувањето на митингот и мерките што ги презел за одржување на митингот. Ваквото известување се испраќа до подрачната единица на МВР најмалку 48 часа пред митингот“.На 6 мај, политичките партии ги одржуваат завршните митинзи за парламентарните избори што ќе се одржат на 8 мај.Адриан Керими...

Колона од автомобили и долго чекање беше атмосферата за првомајските празници на граничните премини во земјава. Многу граѓани чекаат и по еден час за да влезат во Грција, а ваквата состојба продолжи и во наредните денови.Иако 2 мај е работен ден, скопските улици денеска изгледаа празни.Голем број граѓани 1-ви мај и велигденските празници ги комбинираа со продолжен викенд и тоа предизвика овие денови да има повеќе гужва на граничните премини. Дел од граѓаните сметаат дека во годишниот календар има доволно неработни денови и се против поврзување на празниците со работните денови.Од Авто мото сојуз велат дека интензитетот на сообраќај на граничните премини од нашата држава нема повеќе задржувања за влез и за излез од државата. Меѓу останатите неработни денови од оваа недела, неработен ден е и 8 мај поради парламентарните и претседателските избори.Авни Тахири...

Поради отсуство на дел од судиите, Уставниот суд денеска ја повлече од дневен ред иницијативата на скопскиот адвокат Александар Огненовски, кој го оспорува членот 45 од Законот за Академијата за судии и јавни обвинители во врска со приемниот испит на кандидатите.Уставен суд:„Предметот останува и ќе се дискутира. Повлечен е од денешното рочиште поради отсуство на судии. Бидејќи станува збор за важен случај, следната седница ќе се одлучува кога сите 9 судии ќе бидат таму, за да може секој да го даде своето мислење.“Според подносителот на иницијативата, законот има противречност во себе во однос на бодувањето на кандидатите за време на приемниот испит. Поточно, од усното тестирање може да се добијат 35 поени, додека од писменото тестирање 70, односно вкупно 105 поени. Ова ја надминува максималната граница од 100 поени, која е предвидена со истиот закон.Иницијатива во Уставниот суд:„Со оваа измена на овој член, подносителите на иницијативата сметаат дека законодавецот создал правна несигурност кај учесниците/кандидатите за прифаќање на почетокот на обуката на Академијата, при добивањето на завршната оценка од приемниот испит, која се добива со пресметување на аритметичкиот износ од поените земени од двата дела на приемниот испит“.Донесувањето на новиот Закон за Академијата за судии и јавни обвинители предизвика бројни реакции, бидејќи законот предвидуваше приемниот испит, покрај електронски што беше единствен начин во изминатите 10 години, да се врши и писмено. Опозицијата постојано ја обвинува владата дека брза да ангажира повеќе од 100 судии и обвинители роднини на функционери на власт.Во текот на изминатата година, уверенијата за судии и обвинители добија синот на поранешниот претседател на Собранието, Талат Џафери, сопругата на Обвинителот за организиран криминал и корупција, Ислам Абази, синот на судијата Енвер Беџети, синот на обвинителката Елизабета Јосифовска, сопругата на шефот на Општина Аеродром, Тимчо Муцунски, но и на некои внуци и внуки на други функционери.Суад Бајрами...

Само неколку дена пред парламентарните избори во земјата, Тирана го прогласи за „почесен граѓанин“ лидерот на ДУИ, Али Ахмети. Албанскиот премиер Еди Рама, во воведното обраќање, осврнувајќи се на политичкиот плурализам на албанските партии во Македонија, рече дека се игнорира ризикот од политичко слабеење на Албанците. Сепак, Рама рече дека не сака јавно изразениот став за случувањата во Македонија да се толкува како мешање во изборната кампања.„Без Али Ахмети, Албанците од Северна Македонија немаше да ги имаат најдобрите денови во историјата на таа држава, ниту пак ќе имаа толку динамичен демократски плурализам во периметарот на животот на албанските партии што ќе си дозволеа да го игнорираат ризикот од давење во лажичката за борба за поголема моќ, со потценување на реалната можност за политичко слабеење на албанскиот фактор“, рече Рама.Сепак, партијата на Ахмети беше многу критична кон поддршката што косовскиот премиер Албин Курти ја даде на албанската опозиција во земјата, опишувајќи ја како мешање.„Инаку, не можете да го дефинирате освен како мешање, бидејќи премиерот, дури и под изговор дека е претседател на политички субјект, во секој поглед, се смета за мешање. Мислам дека тоа не е добро за самото Косово, туку и за субјектот што го води“, рече Џафери.Политичкиот аналитичар Кенан Алиу, оценува дека и во двата случаи очигледно постои наклонетост на челниците на албанските држави за еден политички блок во земјата, но смета дека тоа не е ништо невообичаено, туку дека се случува и во други држави. Алиу вели дека ваквите настани во предизборниот период се намерни.„Ова не е случајност, ова е планирана наклонетост. И сосема е депласирано да се критикува премиерот Курти за наклонетост што и тој всушност ја направил. Не гледам ништо трагично тука. Таква наклонетост е направено и од моќни луѓе на држави. Во западниот свет, ова е култура. Се поставува прашањето зошто г. Ахмети не беше награден со титулата почесен граѓанин во друга агенда од страна на Општина Тирана и Призрен, туку му се даде при одржување на изборите. Значи, право на општините е да го дадат ова звање и тоа можеби е заслужено. Тоа е нивен проблем, но наклонетоста е очигледна. Затоа, стигматизацијата на премиерот Курти за пасивна наклонетост е депласирачка.“, вели Ќенан Алиу, политички аналитичар.Пред само неколку недели Ахмети беше прогласен за почесен граѓанин и на Општина Призрен. Во пресрет на парламентарните избори во 2016 година, Ахмети беше одликуван од тогашниот претседател на Косово, Хашим Тачи.Во меѓувреме, актуелниот премиер на Косово, Албин Курти, во последниве месеци неколкупати се сретна со лидерите на албанската опозиција, изразувајќи отворена поддршка за нив.Фатлуме Дервиши...

Францускиот претседател Емануел Макрон повторно не ја исклучи можноста за испраќање на западни воени сили во Украина.Во денеска објавеното интервју во британски „Економист“, Макрон изјави дека мораме „да го поставиме ова прашање доколку Москва ја пробие првата линија на фронтот и доколку Киев тоа го побара“, пренесуваат француските медиуми.„Доколку Русите ги пробијат линиите на фронтот и доколку пристигне барање од Украина (што не е случај денес) мораме легитимно да се запрашаме. Да се исклучи тоа прашање априори значи дека не ја научивме лекцијата од изминатите две години, кога земјите од НАТО првично ја отфрлија можноста за испраќање тенкови и авиони во Украина пред конечно да се премислат“, вели францускиот лидер....

Државниот здравствен и санитарен инспекторат забрани лица кои немаат договор за вработување со институцијата да пристапат до Клиниката за токсикологија. Инспекторите претходно утврдија дека повеќе лица незаконски вршеле здравствена дејност на Клиниката за Токсикологија, а дел од нив биле и без соодветно образование. Но, по опомената од инспекторатот не се променило ништо и лицата кои се со истечени договори уште минатата година, продолжиле да даваат здравствени услуги.Скандалот на Клиниката за Токсикологија изби откако вработените се пожалија на непрофесионалното работење на економската директорка, Бесија Иљази и обвинија дека го саботира вработувањето на стручен кадар, а фаворизира враќање на работа на лица со истечени договори на дело, поради што и токсиколошката лабораторија два месеци не вршела валидација на издадените резултати за пациенти. Претходно, министерот за здравство Илир Демири кажа дека имал сознанија за навреди на национална основа од вработените кон 18-те лица на кои им истекоа договорите за дело и дека нема да толерира такво однесување, по што најави дека ќе го разреши медицинскиот директор Данил Петровски. Во однос на економската директорка Иљази, министерот кажа дека нема сознанија за прекршоци.„Првото решение беше решение за опомена, а ова сега ќе биде решение за забрана. Доколку не ја почитуваат забраната, ќе одиме со казни. Казните треба да ги провериме во Законот колку изнесуваат, тие секако ќе бидат парични казни, коишто ќе се однесуваат и на медицинскиот и на организацискиот директор, но и на установата“, рече Рената Младеновска – директор на ДСЗИ....

Екипата на Далас Маверикс направи голем исчекор напред кон следната фаза во плејофот на НБА. Тимот убедливо победи на гостински терен кај Лос Анџелес Клиперс (123-93) и така обезбедија меч топка пред својата публика.Човек на натпреварот беше Лука Дончиќ, кој уште еднаш покажа дека е вистинска кошаркарска магија. Словенецот беше неизвесен за овој натпревар затоа што беше повреден и имаше проблеми со коленото, но излезе на терен и одигра феноменално. Доказ за доминацијата на Далас е што домашните гледачи почнаа предвреме да ја напуштаат салата, затоа што од Џорџ, Харден и дружината не го добија она кое го сакаа…Главниот играч на Далас Маверикс го заврши дуелот со 35 поени, 10 асистенции и седум скока, а доказ за неговата доминација е што имаше дури 20 поени повеќе од вториот стрелец на натпреварот – Клебер со 15 поени.Кај ЛА Клиперс, Џорџ и Зубац реализираа по 15 поени. Следниот натпревар кој може да го даде победникот во оваа серија е закажан ноќта во петок кон сабота од 3:30 часот....

Коалицијата ВЛЕН денеска презентираше документи во врска со барањето за одржување митинг на 6 мај во Тетово, откако и Европскиот фронт најави митинг на истото место и истиот ден.По неколку преписки на социјалните мрежи меѓу овие две коалиции, ВЛЕН денеска објави дека тие први побарале дозвола за митинг на плоштадот Илирија во Тетово, а не Европскиот фронт, како што објавија од таму.Во овие документи може да се види дека ВЛЕН побарал на 11 април за овој митинг, додека Европскиот фронт на 12 април....

Шарл Леклер и Карлос Саинц, возачи на Ферари, на трката во Мајами ќе возат визуелно малку поинакви автомобили на италијанскиот производител. Тие двајца ќе седат во автомобилот во азурно сини комбинезони, кои ќе имаат детали во иста нијанса.Со ова ќе и се оддаде почит на „Скудерија“, со оглед на тоа што ова беше оригиналната боја на тој тим пред да се префрли на препознатливата црвена боја. Автомобилот ќе има две нијанси, „Плата“ и „Дино“. Првата е поврзана со Алберто Аскари, светски шампион во 1952 и 1953 година, а втората со униформите на неколку возачи, меѓу кои Клеј Рагацони и Ники Лауда.Во 1974 година, двајцата заедно се искачија на подиумот на Големата награда на Холандија. Тие униформи многу ги сакал и Енцо Ферари.Ова не е Ферари на ваков начин да оддава почит. Пред две години во Монца имаа „Модена жолта“ на своите болиди, кога легендарната патека го прослави 100. роденден....

На Водно вчера се изгубило едно лице, кое било пронајдено за околу еден час, информира денеска Центарот за управување со кризи (ЦУК).Оттаму велат дека на единствениот повикувачки број за итни случаи 112 вчера во 15:23 часот била добиена пријава дека во парк-шумата Водно е изгубено едно лице, при што веднаш биле известени надлежните институции за понатамошна постапка.„По интервенција на надлежните структури лицето е пронајдено за околу еден час“, соопштуваат од ЦУК.Според информациите на ЦУК, од полициската станица „Карпош“, вчера во 16:34 часот добиле дојава дека изгубено лице е пронајдено и е на пат за градот....

Јапонскиот премиер Фумио Кишида во денеска ја претстави меѓународната рамка за регулација и употреба на генеративната вештачка интелигенција, додавајќи ги глобалните напори за управување со технологијата што брзо напредува, пренесува АП.Кишида го објави ова во говорот во Париската Организација за економска соработка и развој.„Генеративната вештачка интелигенција има потенцијал да биде витална алатка за дополнително збогатување на светот“, рече Кишида. Но, „ние мора да се соочиме и со темната страна на вештачката интелигенција, како што е ризикот од дезинформации“, додаде тој.Кога Јапонија претседаваше со Групата седум водечки индустријализирани земји минатата година, таа започна процес на ВИ во Хирошима за да подготви меѓународни водечки принципи и кодекс на однесување за развивачите на вештачка интелигенција.Околу 49 земји и региони се потпишаа на доброволната рамка, наречена Група пријатели на процесот на вештачка интелигенција на Хирошима, рече Кишида, без да именува ниту една. Тие ќе работат на имплементација на принципи и кодекс на однесување за да се решат ризиците од генеративната вештачка интелигенција и „да промовираат соработка за да се осигураат дека луѓето ширум светот можат да имаат корист од употребата на безбедна, безбедна и доверлива вештачка интелигенција“, рече тој.Европската унија, Соединетите Американски Држави, Кина и многу други нации се тркаат да подготват регулативи и надзор за вештачката интелигенција, додека глобалните тела како што се Обединетите нации се мачат со тоа како да го надгледуваат....

Либан и неговиот народ можат да сметаат на постојаната поддршка на ЕУ и со задоволство можам да објавувам пакет од една милијарда евра помош за земјата за периодот од 2024 до 2027 година, најави денеска претседателката на Европската Комисија, Урсула фон дер Лајен, која во придружба на кипарскиот претседател Никос Христодулидес престојува во Бејрут.„Тоа ќе придонесе за зајакнување на социо-економската отпорност на земјата и нејзината севкупна безбедност и стабилност“, истакна Фон дер Лајен.Таа потенцираше дека нејзината денешна посета на Бејрут е силно сведоштво за континуираната поддршка на ЕУ за Либан и неговиот народ.„Ова беше јасна порака на европските лидери на нашиот последен Самит и посветеност на обезбедување силна финансиска поддршка на земјата во справување на значајните предизвици со кои се соочува. Милијардата евра до 2027 година ќе ја обезбедат многу потребна помош за луѓето во Либан и ќе придонесат за неговата безбедност и стабилност“, додаде Фон дер Лајен....

Вториот светски тенисер Јаник Синер ги откажа настапите на мастерс-турнирот кој се игра во Мадрид, Шпанија, а беше во четвртфиналето.Италијанецот требаше да игра меч со Феликс Оже-Аласим од Канада, меѓутоа имаше проблеми со повреда и мораше да се откаже.Проблем за Синер беше колкот со кој имаше проблем цела седмица и во кој чувствуваше болки. Така, по препорака на лекарите тој реши да се повлече за да не настанат дополнителни проблеми.Оже-Аласим во полуфиналето ќе игра со Данил Медведев или Јиржи Лехечка....

Договорен е предлогот за резолуцијата за потсетување на геноцидот врз Бошњаците од Сребреница извршен во јули 1995 година, а за него треба да се расправа на седницата на Генералното собрание на Обединетите нации во мај, потврди амбасадорот на БиХ во ОН, Златко Лагумџија.Лагумџија на социјалната мрежа Икс наведе дека постапката за усогласување на резолуцијата, чии формални предлагачи се Германија и Руанда, е завршена и таа е испратена до претседателот на Генералното собрание на ОН Денис Френсис, по што нејзиниот текст ќе биде претставен до земјите членки на светската организација, од кои се очекува поддршка.Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови, ја истакнува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на правдата (МСП).Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе веќе до следната година, кога се слави 30-годишнината од тоа злосторство.Сите земји-членки на ОН, како и невладините организации и граѓанското општество, предлагачи на резолуцијата, истовремено повикуваат на соодветни активности за комеморација и чест на жртвите на геноцидот во Сребреница во 1995 година.Како спонзори на резолуцијата се потпишаа највлијателните западни земји и значајните исламски земји, додека Словенија и Северна Македонија се нејзини спонзори меѓу земјите од регионот на Југоисточна Европа....

Почина Никола Проески – татко на македонската и регионачната музичка ѕвезда Тоше кој трагично настрада во сообраќајна несреќа на 26 години во Хрватска во 2007 година. Веста за смрт на таткото Никола на социјалните мрежи ја објави Дора, неговата ќерка. „Светол патот, татко мој“, напиша таа. По загинувањето на музичарот Тоше Проески неговите родители, не се појавуваа во јавноста....

Целосно е неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност, соопшти Агенцијата за супервизија на осигурување.Според АСО, која е регулатор на пазарот на осигурување, зголемувањето на цената на осигурувањето не е во функција на јакнење на заштитата на осигурениците.-Напротив, ова зголемување на цените е само и исклучиво во функција на покривање на трошоците за оперативно работење на компаниите за осигурување, информира Агенцијата.Во дописот до медумите, АСО наведува дека „ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност“.До надлежната комисија при Министерството за финансии, Агенцијата за супервизија на осигурување доставила анализа во која се содржани клучните аргументи против зголемување на цената на осигурувањето од задолжителна автомобилска одговорност....

Одредувањето на фиксни датуми за следното проширување на ЕУ не е најдобра идеја, но Унијата треба да работи на постепена интеграција на земјите кандидати за членство, смета поранешниот претседател на Европската комисија, Жозе Мануел Барозо.Коментирајќи ја најавата на актуелниот претседателот на Европскиот совет, Шарл Мишел дадена минатата година во Блед дека следното проширување на ЕУ ќе се случи во 2030 година, Барозо вели дека тој лично не се залага за поставување дефинитивни датуми за овој процес, бидејќи тоа „би можело да создаде разочарување“.– Сега времето е особено важно, посебно поради Украина, бидејќи реалноста е дека не е реално да се има земја во ЕУ која е во воена состојба, вели Барозо во интервју за „Еурактив“.Затоа тој вели дека ја поддржува идејата промовирана од актуелната Европска комисија и некои земји членки на ЕУ за постепена интеграција на кандидати за членство, на тој начин што ќе им се дозволи да учествуваат на некои од состаноците на Советите на Унијата, во нејзините програми и во самите институционални структури на блокот.– Затоа што тоа ќе биде тежок и веројатно долг процес, треба да започнеме што порано да ги интегрираме како што правевме порано, смета Барозо, кој беше претседател на Еврокомисијата од ноември 2004 до октомври 2014 година....

Косовскиот премиер Албин Курти изјави дека се исполнети сите барања на Европската Унија (ЕУ) за укинување на казнените мерки против Косово, кои беа воведени кон средината на минатата година, бидејќи официјална Приштина ги игнорираше барањата во врска со деескалација на состојбата во општините со српско мнозинство на северот.Курти рече дека минатата недела ЕУ го одобрила Планот за економски раст за Западен Балкан – вреден 6 милијарди евра – со цел да се забрза европската интеграција на регионот.„Мерките кои се во сила против Косово се спротивни на напорите на регионот за забрзување на интеграцијата во ЕУ, особено кога станува збор за Планот за раст и неговата цел. Ние продолжуваме со нашите напори да отвориме повеќе можности за реформи во рамките на дијалогот со ЕУ. Во тој контекст, ние ги исполнивме сите барања на ЕУ за укинување на рестриктивните мерки и тие мерки мора да бидат отстранети“, рече Курти на состанокот на Советот на министри за евроинтеграции на 2 мај....

Струга Тим Лум ја прекина соработката со тренерот Шпетим Дуро по лошите резултати на актуелниот шампион во македонската Прва Лига.Поразот од Тиквеш (2-3) очигледно ја прели чашата во Струга, па двете страни решиле да го прекинат договорот и да се разделат на три кола пред крајот на сезоната.„Струга ја информира јавноста дека го прекина договорот со Дуро. Со заеднички договор ја прекинавме соработката“, велат од таборот на прволигашот.Струга во моментов води голема битка со Струга и Шкупи за титулата, откако сите три екипи имаат по 58 бодови по 30 одиграни кола во лигата....

Шкендија одигра меч за паметење против Брера, откако тетовци се вратија од негатива од 0-2 и со победа од 3-2 ги искористија „киксовите“ на Струга и на Шкупи, израмнувајќи се со овие екипи во трката за титулата во македонскиот шампионат.Јетон Беќири имаше причина за задоволство од ваквиот развој на настаните во вчерашното коло од ПМФЛ, но стратегот на тетовци ги потсети своите избраници дека најтешкиот дел од сезоната допрва доаѓа.„Се чини дека секогаш правиме луди работи на нашите натпревари, си ја компликуваме ситуацијата. Ова во секој случај е една од најчудните победи што ја имам забележано во кариерата, но најважно е што триумфиравме. Во одредени моменти многу слабо реагираме во одбраната, правиме работи што не смеат да се прават и му отвараме простор на противникот за контранапади. Оваа победа не беше среќна, иако губевме со 0-2 по 75 минути игра. Бевме подобар противник, покажавме карактер и заслужено победивме. Сепак, најважниот дел од сезоната допрво доаѓа. Се наоѓаме во добра позиција, но немаме ниту бод предност, така што нема простор за еуфорија. Најважно е добро да се подготвиме за секој нареден натпревар, јас верувам во моите фудбалери и во она што го работевме сиот овој период“, изјави Беќири.Шкендија во следното коло ја очекува гостување против директниот ривал за титулата, тимот на Шкупи....

Ралф Рагник сепак нема да биде тренер на Баерн Минхен. Кристијан Фалк, веројатно најпознатиот инсајдер кога станува збор за она што се случува во германскиот великан, тврди дека 65-годишниот стратег решил да се заблагодари на понудата и да ја продолжи работата како селектор на Австрија.Баерн Минхен по завршувањето на сезоната ќе остане без Томас Тухел. Резултатите му пресудија на тренерот и тој ќе го напушти клубот, дури и да ја освои Лигата на Шампионите. Баварците, од јануари, се бво потрага по нов тренер. Најпрвин ги одби Чаби Алонсо, а потоа и Јулијан Нагелсман. Алонсо реши да остане во Баер Леверкузен, а Нагелсман го продолжи договорот со Фудбалскиот сојуз на Германија.„Скај Спортс Германија“, вчера објави дека Рагник е во завршни преговори со Баерн.„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави вчера претседателот Херберт Хајнер.Преговорите со Рагник сепак не завршија поволно за Баерн. Тренерот решил да ја одбие понудата и да остане селектор на Австрија. Со Фудбалскиот сојуз на оваа земја тој има договор до 2026 година....

ЈСП Скопје ги информира граѓаните дека за време на велигденските празници, односно од утре, петок до понеделник, јавниот превоз ќе функционира по неделен возен ред.Од претпријатието дообраснуваат дека исклучок ќе бидат линиите 11, 11А, 18А, 32, 47А, 55, 56, 56А, 81, 118, 160 и 164 кои утре ќе сообраќаат по саботен возен ред.Утре и вo недела, од 7 до 14 часот дежурни ќе бидат билетарниците на Транспортен центар и во Ѓорче Петров.Во сабота сите билетарници и центри за персонализација ќе функционираат вообичаено, а вo недела за сите е неработен ден.Жичницата за време на празничните денови нема да работи единствено во понеделник, другите денови ќе работи вообичаено, од 10 до 20 часот.Од ЈСП информираат и дека за време на викенди и државни празници користењето на линијата 25 од Транспортен центар до Средно Водно е бесплатна за сите граѓани....

На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.Макрон побарал експертите да предложат упатства за употреба на паметни телефони кај детската популација.Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.Во извештајот се вели дека децата треба да бидат заштитени од профитната „стратегија на технолошката индустрија за привлекување на вниманието, користејќи ги сите форми на когнитивна пристрасност за да ги приврзат децата на нивните екрани, да ги контролираат и да заработат“.Децата станаа „роба“ на овој нов технолошки пазар, се вели во извештајот, додавајќи: „Сакаме [индустријата] да знае дека сме виделе што прават и нема да им дозволиме да се извлечат со тоа“.Тримесечна студија од научници и експерти предводени од неврологот Серване Мутон и Амине Бењамина, шеф на службата за психијатрија и зависности во болницата Пол-Брус, рече дека децата под три години не треба да бидат изложени на екрани, вклучително и телевизија, и ниту едно дете не смее да има телефон пред да наполни 11 години.Секој телефон даден на дете на возраст меѓу 11 и 13 години треба да биде без пристап до интернет, се додава, поставувајќи ја минималната возраст на која треба да им биде дозволен паметен телефон поврзан на интернет на 13 години.Во извештајот се вели дека 15-годишно дете треба да има пристап само до она што со нарекува „етички“ социјални медиуми, како што е Мастодон. Конвенционалните, масовно пласирани социјални медиуми водени од профит, како што се TikTok, Instagram или Snapchat, не би требало да им бидат достапни на тинејџерите додека не наполнат 18 години.Извештајот дава подеднакво строги препораки за најмалите, велејќи дека телефоните треба да бидат колку што е можно ограничени на породилиштата, за да им помогнат на родителите да се поврзат со своите бебиња.За деца до шест години, екрани од секаков вид треба да бидат „силно ограничени“ и само многу ретко да се користат за едукативни содржини кога седат со возрасен. Екраните треба да бидат целосно забранети во градинките за деца под шест години. Во основните училишта на децата не треба да им се даваат таблети или дигитални уреди за работа, освен ако тоа не е за одредена попреченост.„Пред шестгодишна возраст, на ниту едно дете не му треба екран за да се развие“, рече Мутон. „Всушност, екраните можат да го спречат нивниот правилен развој на оваа возраст“, додава неврологот.Научниците рекоа дека не сакаат да ги прекоруваат родителите, кои и самите биле „жртви на моќна технолошка индустрија“. Тие рекоа дека наместо тоа, на родителите треба да им се помогне да го избегнат она што тие го нарекуваат „техно-референца“ – кога родителите постојано ги проверуваат своите телефони им пречи на нивната способност да се концентрираат на разговор, јадење или играње со нивните деца.Научниците сепак, велат дека родителите не се виновни и треба да се направи повеќе во општеството како целина, да се ограничат телефоните на јавни места, да се воведат ресторани и кафулиња каде што нема да се користат телефоните или родителите да ги стават своите телефони. во кутија кога се вратиле дома од работа.Бењамина вели: „Техниката е и ќе остане фантастична алатка, но таа мора да дејствува во служба на луѓето, а не луѓето да се сведуваат на сервирање на производ“.Таа додава дека екраните имаат негативни ефекти врз децата „во однос на нивниот вид, нивниот метаболизам … нивната интелигенција, концентрација и когнитивни процеси“.„Алгоритмите кои повторно го ангажираат и стимулираат системот за задоволство, се изградени за да избегнат губење на интересот за содржината и имаат тип на заразна динамика“, додава Бењамина.Таа предупредува луѓето да бидат внимателни на социјалните мрежи ако забележат дека содржината повторно ги ангажира.„Ако сакате да погледнете едно или две видеа, а сте заглавиле на нив цела вечер, треба да го преиспитате тоа“, вели Амине Бењамина, шеф на службата за психијатрија и зависности....

Во Тетово вчера во 18.45 часот полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од село Мала Речица, тетовско.Како што денеска соопштија од МВР, при претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.Лицето било задржано во полициска станица и по целосно документирање на случајот, против него ќе биде поднесена соодветна пријава....

Со вечерната богослужба на Велика Среда завршуваат великоипосните богослуженија, а продолжуваат посебни богослужби, со друг состав и со особено значење. До Велика Среда во богослужбените текстови има поттик за плач на луѓето заради својата грешност, а од Велики Четврток започнува поинаков плач на верниците – плач од глетката на ужасните страдања, мачења и распнување на Христа Спасителот. Тогаш се испомешани чувствата на плач и радост – плач за маките на Христа, а радост поради нашето спасение и благодарност кон Бога.На Велики Четврток се одбележуваат настаните што се случиле пред да тргне Спасителот на доброволните страданија. Во овој ден си спомнуваме за: Тајната вечера и сè што се случувало тогаш: подготовката, миењето нозе на апостолите, поуката за смирението и братољубието, посочување на предавникот и излегувањето на Јуда од вечерата, востановување на Светата евхаристија, најава за Петровото одрекување, Прошталната беседа на Христа со 11 апостоли, завршувањето на Тајната вечера и излегувањето од Ерусалим кон Елеонската Гора – во Гетсиманската Градина.Велики Четврток е денот на Тајната вечера. На овој ден се повикуваат верниците на Причест, затоа што на Велики Четврток е востановена Светата причест, на Тајната вечера. Тоа е Празникот на Причеста. Тогаш, од рацете на Господа Исуса Христа, директно ја примиле Причеста светите апостоли и во тој спомен е овој ден на Причеста. И во пофалната песна за Богородица, која се пее на Литургијата (место Достојно…) се повикуваат верниците на Христовата вечера на бесмртната трпеза. А, место Херувимската песна, денес се пее за Тајната вечера, се изобличува Јуда, а се воспева благоразумниот разбојник....

Најпосакуваната ВЛТ џекпот добивка на сите времиња- СУПЕР МИЛИОНЕР ЏЕКПОТ, влезе во зоната на паѓање. Секој кој се забавува на видоелотариските терминали на Видеолотарија Касинос Австрија, има можност да ја освои оваа фантастична добивка. Највисокиот износ кој може да се освои со оваа добивка е 21 милион денари.За потсетување, последен среќен добитник на оваа добивка е Санде Лалевски од Скопје. Тој на 13.03.2024 бил на гости во Демир Капија и посакал да се забавува на видеолотариските терминали од Видеолотарија Касинос Австрија, играјќи ја играта Фламинг хот. Ова се покажало како одлична одлука, затоа што тој го освои џекпот СУПЕР МИЛИОНЕР вреден 17.274.560 денари.Кој ќе биде следниот среќен играч и колку ќе освои со СУПЕР МИЛИОНЕР ЏЕКПОТ, ќе дознаеме наскоро. Покрај најпосакуваниот, СУПЕР МИЛИОНЕР, во игра се и Милионер и Мини Џекпот. #ИграјЗаЗабава #ИграјОдговорно #ИграјСоНајдобрите...

Поради поддршката за Русија, Соединетите Држави воведоа нови санкции за неколку стотици субјекти, вклучително и компании со седиште во Кина, објави американското Министерство за финансии.Министерството воведе санкции за речиси 200 субјекти, а Стејт Департментот таргетираше повеќе од 80 во една од најобемните акции против кинеските компании досега во санкциите на Вашингтон насочени кон Русија, пишува Ројтерс.Канцеларијата за контрола на странски средства соопшти дека санкционирала компании со седиште во Хонг Конг, по повеќекратните предупредувања од Вашингтон за поддршка на руската војска.Поддршката на Кина за Русија е едно од многуте прашања што се закануваат да го комплицираат неодамнешното подобрување на односите меѓу најголемите светски економии....

Борусија Дортмунд славеше во првиот полуфинален меч во Лигата на шампиони (ЛШ- против ПСЖ со 1-0, а единствениот гол го постигна Никлас Фулкруг, а тоа ќе ги разочара и премиерлигашите.Победата на „милионерите“ значи и дека Бундеслигата ќе има пет претставници во ЛШ следната сезона, односно ѝ украде едно место на Премиерлигата.Ова значи дека Борусија си обезбеди место во ЛШ бидејќи во моментов е на петтото место во Бундеслигата....

Работната група на Советот за човекови права на Обединетите Нации (ОН), денеска (2 мај) во Женева ќе ги разгледува податоците за состојбата на човековите права во Северна Македонија по четврти пат.„Северна Македонија е една од 14 држави што треба да бидат прегледани од страна на работната група на Универзалниот периодичен преглед (УПП), за време на претстојната седница, што ќе се одржи од 29 април до 10 мај. Првиот, вториот и третиот УПП преглед на Северна Македонија беа одржани во мај 2009, јануари 2014, односно јануари 2019 година“, соопшти Канцеларијата на ОН во Скопје.Работната група на УПП се состои од 47 земји-членки на Советот за човекови права, секоја од 193-те земји-членки на ОН може да учествува во прегледот на земјата.„Документите врз што се темелат прегледите се: националениот извештај – информации обезбедени од страна на државата што се разгледува; информации содржани во извештаите на независни експерти за човекови права и групи, познати како специјални процедури, договорни тела за човекови права и други ентитети на ОН; информации обезбедени од други засегнати страни, вклучувајќи ги националните институции за човекови права, регионалните организации и групите за граѓанско општество“, се појаснува во соопштението....

Времето денеска ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени....

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ.Денеска, пак, е последен ден за објавување на резултати од анкети поврзани со учесниците во изборниот процес.Двајцата кандидати за претседател синоќа се соочија на предизборен ТВ дуел, со спротивставени ставови за уставните измени, ЕУ интеграцијата, името, настаните во Собранието од 27 април, состојбата во судството…...

Времето денеска ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени....

Од Министерството за внатрешни работи молчат за наводите што во јавноста ги сподели лидерот на опозицијата Христијан Мицкоски, за постоење на наводна вооружена група блиска до ДУИ. МВР засега нема одговор на прашањата на Алсат за тоа какви сознанија евентуално тие имаат за оваа група и какви активности преземаат. Вчера, Мицкоски кажа дека ваква вооружена група постоела во Чаир и Бутел, за неа знаел и Али Ахмети, а набргу ќе дознаела и јавноста.„Точно знае Али Ахмети што зборувам и точно знае, тој негов соработник којшто уживаше вонредни привилегии во луксузен хотел во претседателски апартман во Истанбул, за што зборувам, бидејќи тој ја координира таа група којашто се движи на територијата на Општина Бутел и Чаир. Ги знаеме лицата и точно знаеме што прават и набргу ќе дознае и јавноста“, рече Мицкоски.Од ДУИ претходно одговорија дека Мицкоски, како што велат, измислува лажни вести, дезинформира и предизвикува страв од дестабилизација. Претставници на партијата денеска го повикаа Мицкоски да биде поконкретен и неговата изјава ја оценија како незрела и нејасна.„Зошто не кажува? Нека излезе, нека каже за што станува збор. За граѓаните и јавноста нема потреба од контаминација и подгревање на страстите, особено пред избори. Јас сакам осми мај, да биде што потивок ден, мирен ден, демократски ден, а за тоа, ние како политичари, особено лидерите на политичките партии имаат голема одговорност“, рече Арта Биљали Зендели – ДУИ.Министерката за одбрана, Славјанка Петровска вчера, во телевизиско интервју, истакна дека техничкиот министер за внатрешни работи Панче Тошковски вакви информации за вооружена група по службена линија не и споделил, туку побрзал да ги сподели на партискиот лидер, ако, како што додаде, воопшто информациите се вистинити.Лука Андреев...

Додека некои го користат слободниот ден за пикник, на 1 Мај работниците протестираат. Во Скопје, вработени во јавниот и приватниот сектор го изразија својот револт за правата што им следуваат, а како што велат, им ги ускратуваат работодавците. Протестот започна од зградата на ССМ кон Собранието.Маршот продолжи кон Владата. Улиците беа блокирани, а протестот беше обезбедуван од полицијата.Но, денеска не протестираа сите синдикати. Од Конфедерацијата на слободни синдикати велат дека немаат каде да протестираат, кога има техничка влада и се меѓу два изборни процеса.Аднан Ќаили...

Шест дена пред почетокот на молкот за парламентарните избори, двете коалиции од албанскиот блок се уште не постигнаа договор кој ќе го одржи својот завршен митинг на плоштадот во Тетово. И од Европскиот фронт и од коалицијата „Вреди“ засега немаат намера да отстапат.„Има некои правила – кој се појавува прв, кој поднесува барање прв, кому му дава полицијата прво одобрение за одржување на така голем митинг и мислам дека ние предничиме во овие барања, но останува да почекаме. Да се тргнеме од нашата цел, да ни биде завршниот митинг во Тетово на шести мај, немаме намера“, рече Арта Биљали Зендели – Европски фронт.„Не е така, ние уште пред десет дена имаме добиено дозвола од Општина Тетово, пријавено е во МВР, но и покрај тоа ќе анализираме деновиве и ќе излеземе со конечен став, бидејќи е чиста провокација“, рече Изет Меџити.На вчерашните митинзи, од ВМРО-ДПМНЕ истакнаа дека е потребно што поголем број граѓани да излезат на изборите и ги повикаа сите опозициски настроени граѓани да го дадат гласот за нив, додека пак од СДСМ побараа поддршка од, како што велат, прогресивните и правдољубиви граѓани за да продолжи евроинтегративниот пат.„Потребна е голема референдумска излезност и потребен е концентриран глас за ВМРО-ДПМНЕ, затоа што сите коишто се незадоволни од актуелната власт на заминување, на СДСМ и ДУИ, треба да знаат дека само гласот за ВМРО-ДПМНЕ значи промена“, рече Александар Николовски – коалиција „Твоја Македонија“.„Треба напредок и и развој. Од оние со ккои стоевме во чекалницата на Европската Унија, а кои се уште немаат ниту план, ниту визија како и кога да не однесат внатре во неа, таков напредок и развој не може и не треба да очекуваме“, рече Моника Зајкова – Коалиција за европска иднина.На средби со граѓаните, од Левица, но и од коалицијата предводена од Стевчо Јакимовски, истакнаа дека во Собранието нема да дозволат промена на Уставот.„Влегуваме во фото-финиш на кампањата. Очекуваме минимум да го дуплираме резултатот од претседателските избори, затоа што поддржавме независна кандидатка и тоа беше скор којшто беше горе-долу очекуван. Но, сега доаѓаат нашите главни избори, на осми мај, а на деветти мај ќе славиме од осум до дванаесет пратеници“, рече Димитар Апасиев – Левица.„Гласајте за коалицијата „Храбро за Македонија“, за ГРОМ, ИНТЕГРА И ПЦЕР и нема да зажалите. Ние ќе бидеме вашиот бедем и бастион, вашата одбрана, вашата разум во Парламентот, ќе ги браниме македонските национални интереси и нема да отстапиме ниту милиметар од промена на Уставот“, рече Љупчо Ристовски – „Храбро за Македонија“.Коалицијата „ЗНАМ за наша Македонија“ најави дека ќе се посвети на обединување на граѓаните.„Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, за државните и националните интереси во прв план, а не партиските и за жал, на тесен дел од партиските раководства“, рече Максим Димитриевски – коалиција „ЗНАМ за наша Македонија“.Од партијата Демократи нагласија пак, дека преку Собранието ќе иницираат намалување на цената на струјата.„Ние како Демократи, предлагаме како ваши идни пратеници во Собранието на Македонија, да се градат електроцентрали за да имаме домашно производство, за да можеме да ја намалиме цената“, рече Јорго Огненовски – партија „Демократи“.На парламентарните избори на осми мај ќе настапат вкупно 17 коалиции и партии.Лука Андреев...

Од први мај до Велигден, голем број граѓани си ги поврзаа работните и неработните денови и го исполнија Охрид, особено оние кои работат во администрација. Дома ќе се вратат за денот на гласањето, 8 мај. Во градот најбројни се домашните и гостите од соседсатво и покрај повисоките цени на угостителските услуги.„Цените се за нашиот стандард се високи, но тоа е. Животот тече, мора да се живее“…„Дојдовме во Охрид да подишиме чист воздух и да уживаме во убавините на Охридското крајбрежје. Ќе останеме и за Велигден, а ќе ни се придружи и другиот дел од фамилијата. Ви пречат ли високите цени во угостителските објекти? Сите се жалат на нив и тие можат да бидат погубни за тие кои ги поставиле така цените. Ќе го осетат тоа по приходите“, рекоа анкетираните граѓани.А, за едно кафе во Охрид ќе треба да одвоите од 100 до 180 денари, за пиво од 140 до 180 денари, за сок од 120 до 150 денари, за топка сладолед од 60 до 120 денари. За порција месо во ресторан од 300 до 800 денари. Но, за српските туристи, кои се најбројни деновиве, цените не се проблем.„Остануваме четири дена. Го сакаме ова место. Уживаме секогаш кога доаѓаме. Во споредба со цените во Србија, цените се доста пониски. Особено цените на горивата, но и цените по рестораните се пониски. Можеме да си дозволиме да ручаме во ресторан“.„Петнаесетти пат веќе доаѓам во Охрид. Цените се доста коректни, неспоредливи се со оние во Белград. Поевтини се за околу 40% и повеќе“.„Овде имаме стан и затоа овде ќе останиме десеттина дена. Доаѓаме два пати годишно.Приметив дека цените во однос на минатата година се повисоки, но ако споредиме со некои други туристички места се по пристапни“.„Четири дена остануваме. Во Охрид има што да се види. Цените не се високи за нас. Рестораните се поевтини од оние во Србија, а цените во маркетите се речиси исти“, рекоа српските туристи.Хотелските капацитети не се исполнети според очекувањата и бележат половична исполнетост меѓу 40 и 60%.Цените на аранжманите се движат од 30 до 50 евра за ноќевање со појадок, додека во приватните сместување се бара место повеќе.„Веќе седум-осум години работиме да го промовираме како вистинска религиозна дестинација на Балканот.Велигденските празници ќе бидат полни,сите сместувачки капацитети и приватното и хотелите“, рече Зоран Тунтев, туристички водич.Најбарани се прошетките низ езеро до Свети Наум и околу стариот дел. Од туристичкиот сектор очекуваат летната сезона да биде меѓу најуспешните во изминатите неколку години, а затоа велат говорат веќе букираните аранжмани со туристи најмногу од Холандија, Турција, Англија, Србија и Полска.Мики Трајковски...

Кандидатот за претседател Стево Пендаровски очекува, како што вели, голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани. На средби со граѓаните во Арачиново и Куманово, тој вчера нагласи дека предводи концепт на обединување, а внатрешните поделби се најголемиот проблем за напредокот на државата.„Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години“, рече Пендаровски.Од друга страна, кандидатката за претседател Гордана Силјановска Давкова, на митинг во Струмица, одговори на обвинувањата дека таа го прекршува Уставот, бидејќи не го користела името на државата „Република Северна Македонија“. Давкова истакна дека тоа е нејзино индивидуално право на самоопределување.„Секој од нас има индивидуално право на самоопределување и никој, никаде и никогаш ниту мене, ниту вам не може да ни забрани да го употребуваме името „Македонија“, рече Давкова.Давкова повтори дека како претседател ќе се залага за владеење на правото и правната држава, а во однос на нејзиниот Кабинет кажа дека ќе биде „Македонија во мало“, но само врз основа на стручност, а не други критериуми.Лука Андреев...

Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба.-И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112, стои во соопштението на македонската амбасада во Тирана, објавено на Фејсбук страната на амбасадата.Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин. Во просек годишно, главно во летната сезона одмараат над 300 илјади македонски граѓани....

Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет.„Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај.Станува збор за двајцата номинирани лица – Александар Вулин, кој е предложен за вицепремиер и Ненад Поповиќ, кој беше поставен за министер без ресор.„Нашиот став за г-дин Вулин и г-дин Поповиќ е добро познат“, рече портпаролот на Стејт департментот....

„Неправда, па тоа е неправда, имаш ти, немам јас“. Со овие стихови од песната „Неправда“ од Лева патика, Сојузот на синдикати на Македонија и Конфедерацијата на синдикални организации на Македонија го отворија протестот пред зградата на Владата, од каде упатија повеќе барања.Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.Тие порачаа дека после 8 мај, кој и да дојде во владата, треба да ги исполни нивните барања во првите 100 дена.„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците од угостителството, туризмот, комунално-станбеното стопанство, занаетчиството и заштитните друштва на Македонија....

Високиот претставник за надворешна и безбедносна политика на ЕУ, Јосеп Борел, денеска, по повод 20-годишнината од најголемото проширување на ЕУ, изјави дека работата за повторно обединување на Европа не е завршена и порача дека Западен Балкан има историска можност цврсто да ја врзат својата иднина со Европската унија.„Западен Балкан, Турција, Украина, Молдавија и Грузија имаат историска можност цврсто да ја врзат својата иднина со ЕУ. Проширувањето на ЕУ е трансформативна политика која ги подобрува безбедноста, правдата и демократијата, истовремено подигнувајќи го животниот стандард на Европејците“, наведува Борел.Тој додаде дека ЕУ и земјите кандидати соработуваат на полето на безбедноста и одбраната со цел подобро да се соочат со повеќе геополитички предизвици заедно....

Кои се најчестите теми и извори на дезинформации и како граѓаните полесно да ги препознаат? За овие прашања „Полиграф“ разговараше со новинарката и уредничка Елида Зилбеари, која работи на ова поле повеќе години.Полиграф: Многу од нашите истражувања покажуваат дека кај нас има многу дезинформации. Во кои области ги забележуваме најмногу дезинформациите?Зилбеари: Нормално, бидејќи сме во изборна кампања, дезинформациите што кружат на локално ниво се оние за изборите, односно против разните политички опоненти. Но, нема да се надоврзам само на локалниот аспект, и на глобален аспект имаме дезинформации што се поврзани со проруски наративи.Обично, тие се однесуваат на тоа дека не ни треба Европската унија, не ни треба НАТО, има некои наративи што се против вредностите на Европската унија и, за жал, се шират и од партиите, и од различни групации. Секако, следуваат дезинформации за војната во Украина, дезинформации за Зеленски и против офанзивите што ги презема Украина. Исто така, во последно време се појавуваат и дезинформации за војната на Израел во Газа како и за нападот на Иран или Израел, на двете страни во овие две земји.Тренд е да се презентираат и фотографии и видеа што се направени со вештачка интелигенција, но има и фотографии кои се стари или се надвор од контекст, кои се претставени како вистински, и на нашите социјални мрежи, и во нашето опкружување.Полиграф: Кои се најчестите извори од кои доаѓаат овие дезинформации?Зилбеари: Најчести извори – во зависност од интересите на медиумите и центрите на моќ. На пример, дезинформациите поврзани со Русија и проруската пропаганда нормално дека доаѓаат од руските медиуми, кои имаат и нивен центар во Србија, и од Србија се шират во Северна Македонија. Потоа, и во другите земји на Балканот: во Република Српска, го имаме конфликтот меѓу Косово и Србија, а имаше и дезинформации поврзани со резолуцијата за геноцидот во Сребреница, со членството на Косово во светските институции…Значи, во зависност од интересите на предизвикувачите на штетата што ја прави дезинформацијата, такви се и изворите. Локално, ги имаме политичките партии, имаме луѓе кои се заинтересирани да добијат нешто во кампањата и разни мрежи на луѓе што ги знаеме или не ги знаеме, кои шират дезинформации.Полиграф: А граѓаните, што може да направат за да не наседнуваат и можеби полесно да ги детектираат овие дезинформации?Зилбеари: Исто како и новинарите, граѓаните треба да ги отворат очите, од кои извори се информираат. Треба да внимаваат, да размислат, да си го постават прашањето – ако оваа информација доаѓа од некого, тогаш треба да размислат кој има корист од оваа информација, што може да биде целта на оваа информација и зошто им се сервира токму ним. Значи, треба да си ги постават тие неколку критични прашања пред да ја споделат таа дезинформација.Интервјуираше: Ера Ѓакова...

Во тековната потрага да се откријат мистериите на нашиот Сончев систем, се појави неодамнешна студија која може да се пофали со „најсилните статистички докази досега“ за постоењето на таканаречената Деветта планета, теоретска скриена планета во Сончевиот систем.Тврдењата се изнесени за „Индепендент“ од страна на астрономот Константин Батигин од реномираниот калифорниски институт за технологија (Калтех), добро познато име во областа на планетарните истражувања, особено во врска со загадочната Деветта планета на Сончевиот систем.Споменатото истражување започна амбициозна мисија, односно внимателно испитување на движењата на транс-нептунските објекти (TNOs), разновидна низа на небесни тела кои ги населуваат најоддалечените делови на нашето соларно соседство, вклучувајќи ги Плутон и Ерис. Објектите TNO често се занемаруваат поради гравитационите нарушувања предизвикани од Нептун, но тие беа во фокусот на гореспоменатата студија, која беше прифатена за објавување во Astrophysical Journal и моментално се наоѓа на складиштето arXiv.Преку софистицирана мешавина на симулации, вклучувајќи ги и гравитационите влијанија на различни небесни тела, вклучувајќи ги и нашите соседни планети и сеопфатната галактичка плима што произлегува од Млечниот Пат, научниот тим спроведе исцрпна истрага. Беа разгледани две различни сценарија: едното го разгледуваше присуството на Планетата Девет, додека другото го разгледуваше нејзиното отсуство.Земајќи ги предвид предрасудите за набљудување, нашите резултати откриваат дека орбиталната архитектура на оваа група на објекти тесно се совпаѓа со предвидувањата на моделите кои ја вклучуваат Деветтата планета, забележуваат авторите на студијата, сигнализирајќи привлечна корелација помеѓу набљудуваното однесување на TNO и претпоставеното постоење на Деветта планета.Спротивно на тоа, сложените траектории на овие небесни номади ќе изгледаат многу неверојатни во универзум лишен од гравитационото влијание на Деветтата планета. Сепак, и покрај се поголемиот број докази, потрагата по дефинитивен доказ останува неостварлив потфат за астрономите, а претходните обиди да се открие мистериозна планета на работ на Сончевиот систем дадоа неубедливи резултати.Сепак, појавата на револуционерни астрономски технологии, како што е опсерваторијата Vera C. Rubin лоцирана во Чиле, нуди трошка надеж за решавање на енигмата околу Деветтата планета.Со нетрпение ги очекуваат новите откритија, научниците ја нагласуваат важноста од континуирано истражување и ригорозно тестирање на нивните хипотези. Нивните заклучоци, исцртани со ветувањето за неизбежно решение, сигнализираат клучен момент во тековната потрага за дешифрирање на мистериите на нашиот космички двор....

Пред зградата на Работничкиот дом (ССМ) во Скопје денеска почна протестот на Сојузот на синдикати организиран по повод Меѓународниот ден на трудот.Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите.-Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаќаат посилни не прават и колку повеќе пробуваат да ги уништат синдикатите ние се повеќе сме силни, порача Трендафиловски.Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.Протестот продолжи пред Собранието на Република Северна Македонија и Стопанската комора и се очекува да заврши пред Владата....