Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон. Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0. Челзи не делуваше добро на теренот се до 62. минута кога Нони Мадуеке успеа да го намали резултатот. Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез. До крајот на мечот Оли Воткинс имаше добра шанса пред голот на Петровиќ, но не беше прецизен. Аксел Дисаси ја погоди мрежата на Олсон во 96. минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот. Вила остана на четвртото место на табелата со 67 бодови, седум повеќе од Тотенхем кој има дури три натпревари помалку. Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига....

Жените кои во времето на откривањето и дијагностицирањето рак на дојка, практикувале почесто јадење зеленчук, овошје, протеини и нискомасни млечни производи – се изложени на 47 отсто помала опасност од срцеви заболувања, отколку оние во чија исхрана преовладувале масти, црвено месо и производи од месо. Истражувањето спроведено од научници од Истражувачкиот центар „Кајзер Перманенте“ во Калифорнија (САД), е објавено во списанието „ЈНЦИ Канцер спектрум“ (JNCI Cancer Spectrum). Наодите од испитувањата се важни и бидејќи се покажало оти жените кои се лекувале од рак на дојка се изложени на значително поголем ризик од кардиоваскуларни болести од оние кои немаат ваков вид рак. Зголемувањето на можноста од срцеви заболувања е предизвикано од самиот третман на рак на дојка, којшто е кардиотоксичен, а за нив дополнително придонесува и неправилната исхрана, недоволната физичка активност, стареењето и пушењето цигари. Истражувањето се заснова, вели еден од водечките автори д-р Исак Иргас, на проучување на повеќе од 3.400 случаи на агресивен рак на дојка. Најуспешни резултати, поврзани со заштитата од срцеви заболувања, се забележани во случаите кога болните жени се лекувале со антибиотикот „Антрациклин“ што ги труе и убива канцерогените клетки. Според податоците на Светската здравствена организација, во 2022 година во светот се регистрирани 3,2 милиони случаи на рак на дојка и 670.000 смртни случаи од оваа болест. Во однос на бројот на заболени, како и по бројот на смртни случаи, ова е еден од најчестите карциноми кај жените во развиените земји во светот. Научниците тврдат дека опасноста од овој вид рак се зголемува со возраста. Во таа смисла, жените до 40 години имаат 1,5 отсто можност да заболат од овој рак, на 50 – три насто, а на возраст од 70 години и повеќе, ризикот е поголем од четири отсто....

Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот. Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски. Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји. За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки. „Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина. Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување. Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски. Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи. „Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот. Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега. Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата....

Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN. Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа. Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда. Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи. Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови. Најмалку 10 лица се водат како исчезнати....

Носителката на листата на СДСМ и Коалицијата во изборната единица шест, Славјанка Петровска вечерва во Гостивар порача дека уште повеќе ќе се бори за Македонија да биде и членка на ЕУ и се обрати кон политичката партија ВМРО-ДПМНЕ. „Од тука ќе ја испратам пораката до оние кои себе си се нарекуваат патриоти. А истовремено мјаукаат. Патриотизам не е да го избришете името Македонија од вашиот статут. Патриотизам не е да не знаете како се вика вашата држава.Тоа е кукавичлук, тоа е предавство.И затоа уште повеќе ќе се борам за Македонија да биде и членка на ЕУ и да бидеме горди на сето тоа што сме го постигнале досега,“ Таа порача дека СДСМ и коалицијата, ќе продолжат да се борат за богата, европска и безбедна Македонија. „Ќе се борам за Гостивар и за секој град, за секое село, за секој човек, ќе се борам за пристојна, среќна Македонија, и заедно рака под рака рамо до рамо, ќе се избориме Македонија да биде членка на ЕУ. Нема откажување од иднината!,“ порача Петровска од Гостивар....

Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот. Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа. Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен. Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“. На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број....

Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вечерашниот митинг во Кочани.Мицкоски укажа дека од СДСМ и ДУИ се подготвени на се за да ги задржат фотелјите и привилегиите.„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие”, кажа Мицкоски. Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени. „Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај”, изјави Мицкоски.Мицкоски се обрати и до неопределените, како и оние кои гласаа за кандидатите кои не се дел од вториот круг. „Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата”, кажа Мицкоски.Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите”....

„Ако ВМРО-ДПМНЕ повторно добие преголема моќ, ќе се соочиме со истото што го гледавме 11 години. Тоа ќе ги затвори нашите ЕУ перспективи, ќе ги затвори и независните медиуми и ќе стави крај на независното судство, ќе стави крај на една демократска држава во која денес секој може слободно да го каже своето мислење”, истакна вечерва пред граѓаните на Гостивар, претседателот на СДСМ, Димитар Ковачевски. Од друга страна, рече Ковачевски, СДСМ останува посветена на европската иднина на Македонија и заедно со граѓаните кои веруваат во оваа визија, со упорна и посветена работа, ќе ја оствариме целта државата да стане членка на ЕУ. „На 8-ми мај сите заедно одлучуваме за иднината на државата. Упатувам апел убаво да размислите кому ќе ја дадете довербата да ја води државата во наредните години. Размислете која партија како ја водеше државата кога имаше можност да биде власт. Потсетете се кој управуваше со државата, а кој владееше како крал и ја гледаше државата како негова лична своина.Кој носеше тешки, но позитивни и исправни одлуки за нашата иднина, а кој се крадеше од иднината за личен интерес и еве, денеска гледаме – за ништо друго освен сопствено, лично богатење”, потенцираше Ковачевски Лидерот на СДСМ предупреди на опасната реторика на ВМРО ДПМНЕ и ДУИ која може да ги потпали меѓуетничките тензии и ги повика граѓаните да не подлегнуваат на таквите манипулации. „Оганот кој деновиве гледаме дека го распалуваат ВМРО – ДПМНЕ и ДУИ по стариот рецепт од 2016 година може многу лесно да ги потпали тензиите кои успешно ги надминавме и ги оставивме во минатото. Нешто што успеавме да го унапредиме во последните 7 години на многу повисоко ниво од тоа што беше претходно и тоа го гледаме на секој чекор. Ние друга татковина немаме. Нашите деца заслужуваат да ја градат својата иднина, дома, тука каде што се родени.Во СДСМ имаме само една опција, да застанеме зад граѓаните кои веруваат во напредна и европска Македонија како рамноправна членка на Европската Унија и заедно, со упорна и посветена работа, да го оствариме тоа”, порача Ковачевски. Тој истакна дека СДСМ и Коалицијата за европска иднина, со крената глава продолжуваат да чекорат по вистинскиот европски пат, кој е единствена опција за реални и суштински промени во државата. Ги повика сите слободоумни граѓани на Македонија, масовно да излезат на изборите на 8-ми мај и својот глас да го дадат за претседателскиот кандидат Стево Пендаровски и за пратеничките листи на СДСМ и на Коалицијата за европска иднина....

„СДСМ секогаш била рамо до рамо со граѓаните, за време на сите економски, здравствени и енергетски кризи, во ниту еден момент не се откажавме од вас и успеавме да се избориме со енергетската и економската криза”, порача претседателот на СДСМ, Димитар Ковачевски на митингот што вечерва се одржа во Гостивар. „Во наредниот мандат се обврзуваме дека ќе ги зголемиме платите и пензиите, ќе креираме и многу можности за нашите млади, за нашата иднина и пакети за поддршка на учениците, но и за нивните родители. Граѓаните за прв пат од осамостојувањето ќе бидат акционери во државните енергетски компании. И на крај, заедно ќе се бориме и ќе се избориме против злоупотребите, неправедноста и системската корупција. Тоа е нешто што мора да го направиме за да одиме напред, кон ЕУ и ние сме убедени дека тоа и ќе го направиме “, рече Ковачевски. Говорејќи за изминатиот мандат, лидерот на СДСМ призна дека власта направила одредени грешки, но никогаш не се откажала од поддршка на граѓаните. Владата не дозволи Скопје да остане без парно греење, не дозволи граѓаните да плаќаат енормно високи сметки за струја, и го амортизираше ценовниот удар со повисоки плати, пензии и социјални трансфери. Ковачевски потенцираше дека една од основните цели на СДСМ и на Коалицијата за европска иднина останува градењето инклузија и едно општество за сите граѓани. „Ниту јас, ниту СДСМ никогаш нема да се откажеме од инклузијата и градењето едно општество за сите граѓани, без разлика на нивната верска, етничка или национална припадност. Но, продолжуваме повнимателно. Инклузијата подразбира целосно почитување на европските вредности како солидарност, правичност, еднаквост, чесност и одговорност. И тие ќе важат за сите, и за првиот човек во државата, за министрите, за функционерите од коалициските партнери, за директорите, за сите. И тоа мора да биде така “, истакна Ковачевски....

На денешната Национална конвенција на Партијата на слободата, за нејзин лидер е реизбран Илир Мета, што според познавачите на состојбите во Партијата не е никакво изненадување. Со тајно гласање тој доби 690 гласа, а неговиот противкандидат Фаик Баша само 27 гласа. На функцијата потпретседател избрана е Ериса Џиџо, која успеа да добие 680 гласови. Tој најави пет приорите за, како што рече 4 милиони албански граѓани и повеќе, со цел “да се фрли во ѓубре проектот на актуелната влада за 1 милион жители” обвинувајќи ја директно владата на премиерот Еди Рама за масовната миграција на населението и депопулацијата. – Кој е со Илир Мета е со мене. Кој не е со Илир Мета, било да е маж или жена, се ракува со Илир Мета и се збогува. Но, кој сонува за манипулации и игри, греши бидејќи Илир Мета ја е ученик на школата на Рамиз Алија, Фатос Нано и Сали Бериша а тоа се школи за соочување со мафијата, изјави меѓу другото Мета. Најголемо изненадување е што Мета не ја вброи неговата сопруга Моника Круемади во составот на Претседателството. -Јас гласот го дадов за него. Не ми е сеедно што буквално сум исфрлена од Партијата. По 30 години се повлекувам од политиката, време е да им се посветам на моите три деца, изјави Круемади. Таа, додека Мета беше шеф на државата, од јули 2017 до јули 2022 година, ја предводеше партијата, тогаш Движење за Социјалистичка интеграција. По завршување на претседателскиот мандат, Мета, повторно ја презеде лидерската функција и го смени името на партија во Партија на слободата....

Кошаркарите на МЗТ Скопје Аеродром претрпеа вечерва пораз на домашен терен од Спартак Суботица со 73-78 во првиот полуфинален натпревар од плејофот во регионалната АБА 2 лига. Актуелниот македонски шампион влезе во завршницата на третата четвртина со предност од 55-50, по уследи пад во играта и серија на противникот од 11-2. Кошаркарите на МЗТ Скопје Аеродром не успеаја резултатски да се вратат до крајот на натпреварот и со негатива од пет поени ќе патуваат на реваншот во Суботица идната сабота. Најефикасен во редовите на МЗТ Скопје беше Војдан Стојановски со 20 поени. Во второто полуфинале Подгорица триумфираше на првиот натпревар на домашен терен над Војводина со 98-80 пред реваншот идниот четврток во Нови Сад....

Вечерва немам намера да ви држам говори полни со демагогии и лажни ветувања, а уште помалку со лажен патриотизам и национализам, рече носителската на изборната листа на СДСМ и коалицијата во Изборната единица шест, Славјанка Петровска. „Во времињата кога лажниот патриотизам владееше, од Македонија над 70.000 граѓани земаа бугарски пасоши. Во тие времиња студентите беа тепани, а новинарите апсени. Вечерва ќе зборувам за иднината, а тој пат е тежок и макотрпен, но друг пат нема. Секој што ќе ви вети брз и пократок пат, знајте дека ве носи во бездна, ве враќа во минатото, а не кон иднината“ порача Петровска. Таа се обрати до опозицијата да каже која и каква е алтернативата. „Ќе излезете од НАТО? Ќе прекинете преговори со ЕУ? Ќе затворите граници со соседите? Ќе седите дома, додека децата ни бегаат преку граница, а вие ќе ја фатите старата песна, да изградите уште една бела палата, додека на народот му се заканувате со меѓуетничка војна? Ова е таа друга опција, почитувани. Нашата опција, пак, е јасно зацртана. Ние не бегаме од тешките прашања и не ги негираме грешките. И ние сме луѓе од крв и месо, и нас не болат неправдите кои доаѓаат однадвор, сите тешки одлуки – и за името и за односите со соседите. Сето тоа и нам ни тежи на душа… Но ние немаме право да Ве лажеме дека има успех без цена, за нашата Македонија да дојде таму кај што природно припаѓа, во цивилизирано, европско семејство“ порача Петровска....

„Денеска е 27-ми април, еден од најцрните денови во поновата македонска историја, денот кога беше изгазена демократијата и беше нападнато македонското собрание. Верувам дека не треба да ве потсетувам на 2017-та, кога нашите пратеници беа во првата линија на браникот на нашата демократија”, порача претседателот на Социјалдемократскиот Сојуз на Македонија, Димитар Ковачевски, на вечерашниот митинг на СДСМ и Коалицијата во Гостивар. Ковачевски рече дека насилниците, поттикнати и организирани од луѓе ВМРО-ДПМНЕ извршија напад на Собранието и ги „ловеа” народни претставници. „Се сеќаваме на немилите сцени, кога пратеници се влечеа во локни крв по подот на собранието, кога се крена рака и на новинарите и на собраниските служби, со еден збор, кога тргнаа да го уриваат нашиот уставен поредок”, додава Ковачевски. Тие, драги мои гостиварчани, вели Ковачевски, не се никакви „уставобранители”, како што сакаат да ги нарекуваат Мицкоски и Силјановска. „Тие се само едни најобични насилници и силеџии, кои мислеа дека со насилство ќе успеат повторно да се дограбат до власт. Епа СДСМ не го дозволи тоа. И никогаш нема да го оправдаме, ниту да најдеме логика во таа нивна постапка” вели Ковачевси и додава дека теориите на Мицкоски и Силјановска за нивно помилување се скандалозни и вџашувачки. Тоа е показател дека ама апсолутно ништо не е променето во ВМРО-ДПМНЕ, појаснува Ковачевски додавајќи дека ништо не е променето ниту пак во начинот на нивното размислување. „Затоа, денешниот ден, 27 ми април засекогаш ќе остане еден тежок, крвав потсетник колку лесно неразумна и неодговорна владеачка гарнитура може да ја втурне земјата во колапс и да го уништи уставниот поредок”, им порача претседателот на СДСМ Ковачевски вечерва на гостиварчани и додаде дека СДСМ не се откажал ниту тогаш, ниту пак ќе се откаже сега и ги повика да излезат масовно на избори, на 8-ми мај и да гласаат за СДСМ и Коалицијата и нивниот претседателски кандидат, Стево Пендаровски....

Вечерва немам намера да ви држам говори полни со демагогии и лажни ветувања, а уште помалку со лажен патриотизам и национализам, рече носителската на изборната листа на СДСМ и коалицијата во Изборната единица шест, Славјанка Петровска. „Во времињата кога лажниот патриотизам владееше, од Македонија над 70.000 граѓани земаа бугарски пасоши. Во тие времиња студентите беа тепани, а новинарите апсени. Вечерва ќе зборувам за иднината, а тој пат е тежок и макотрпен, но друг пат нема. Секој што ќе ви вети брз и пократок пат, знајте дека ве носи во бездна, ве враќа во минатото, а не кон иднината” порача Петровска. Таа се обрати до опозицијата да каже која и каква е алтернативата. „Ќе излезете од НАТО? Ќе прекинете преговори со ЕУ? Ќе затворите граници со соседите? Ќе седите дома, додека децата ни бегаат преку граница, а вие ќе ја фатите старата песна, да изградите уште една бела палата, додека на народот му се заканувате со меѓуетничка војна? Ова е таа друга опција, почитувани. Нашата опција, пак, е јасно зацртана. Ние не бегаме од тешките прашања и не ги негираме грешките. И ние сме луѓе од крв и месо, и нас не болат неправдите кои доаѓаат однадвор, сите тешки одлуки – и за името и за односите со соседите. Сето тоа и нам ни тежи на душа… Но ние немаме право да Ве лажеме дека има успех без цена, за нашата Македонија да дојде таму кај што природно припаѓа, во цивилизирано, европско семејство” порача Петровска....

Европската комисија ги објави имињата на добитниците на наградите „Европски престолнини на инклузивност и различност за 2024 година“, кои се доделуваат на градови и населени места во ЕУ кои водат сметка за инклузивни политики врз основа на пол, расно, етничко и верско потекло, попреченост, возраст и сексуална ориентација. Во категоријата „населени места со над 50.000 жители“, Златната награда ја доби хрватскиот главен град Загреб, Сребрена – шведскиот Вехјо, а Брозената – шпанската Ла Лагуна. Во категоријата, пак, „населени места со под 50.000 жители“, првото место го освои италијанската Корбета, пред шпанските Миранда де Ебро и Касарес. Добитници на признанието во категоријата „Специфична награда за властите кои овозможуваат безбедни градови, населени места и региони за жените“, златото го освои словенечкиот главен град Љубљана, среброто – Миранда де Ебро, а бронзата – Вехјо. Наградата „Избор на публиката“ ја доби Корбета. Наградата на Загреб му се доделува за неговите „иницијативи и посветени стратегии за поддршка, заштита и инклузивност на жените, лицата со попреченост, припадниците на ЛГБТИК+ заедницата, мигрантите и Ромите“. Вехјо е добитник на наградата за „сеопфатниот пристап во вклучувањето на родовите перспективи во локалните политики и програми“, а Ла Лагуна за „широкиот опсег на иницијативи и политики во однос на полот, мигрантите, попреченоста, возраста, ЛГБТИК+ лицата и етничката и верската припадност“. На Корбета и е доделена наградата за „широката палета на акции и иницијативи со интерсекциски објектив и партиципативен пристап особено во однос на лицата со попреченост, жените и ЛГБТИК+ луѓето“. Миранда е добитник на наградата за „иновативниот пристап со центарот за спроведување на програми и иницијативи кои се однесуваат на различни форми на дискриминација и иницијативите за едукација и подигање на свеста, културни настани и иницијативи во заедницата“. Касарес, кој има само 9.000 жители, е награден за „амбицијата и посветеноста кон промовирање на еднаквоста и инклузивноста“. Љубљана е прогласен за лауреат поради „поддршка на напорите за солидарност во соработка со граѓанското општество и воспоставувањето сеопфатен систем за поддршка во справувањето со насилството врз жените“. Миранда де Ебро е наградена за иницијативите за „зближување на креаторите на политики, обучувачите, социјалните служби и граѓанското општество со активно учество на засегнатите жени, како оние за обезбедување безбедно засолниште и итно сместување на жртвите на насилство“. Вехјо ја доби наградата поради „стратешкото планирање во финансирањето, поддршката и подигањето на свеста за справување со насилството врз жените“. Овие градови се препозната по нивната работа за градење поправедни општества преку промовирање на различностите и инклузивноста, додава ЕК....

Додека се колнат во ЕУ, ја купуваат Соравија, додека зборат за правда делат шамари во контролата на летање во Скопје. Додека народот гладува тие си слават родендени во државни институции. Додека зборат за стандарди, на онкологија ги крадат болните од рак. И треба да знаете дека ниту една лекција не ја научија. СДСМ не се огради од криминаот на ДУИ, ниту пак има намера. А од ДУИ го употребуваат истиот наратив дека биле европска партија, во исто време кога џебовите им се полни со Европски пари, кажа претседателот на ВМРО-ДПМНЕ, Христијан Мицкоски на вечерашниот митинг во Виница. Претседателот упати и прашање до ДУИ, а и Ковачевски, кој продолжува да молчи, дали кога Али Ахмети викаше среде Скопје УЧК, УЧК е европски чин? Дали тоа доликува на европскиот фронт на ДУИ СДСМ праша тој. Исто како што купувањето на Соравија што е европски чин, од страна на голобрадо момче, случајно кој е внук на Ахмети исто како што Мерко е европски градоначалник, море светски… како Артан што возеше ауди со полициски флешери на име на фирмата што зела тендер на Шапка? Е сето ова е многу европски, директно не носи во ЕУ, кажа претседателот. Тој потенцира дека однесувањето на ДУИ и СДСМ ја подрива европската идеја во Македонија. Тие стануваат минери на европската идеја затоа што народот нив не ги идентификува со Европа и има европски функционери кои се срамат што ликови како Артан, Мерко и Талат овде зборуваат за ЕУ. Затоа што ЕУ не е олицетворение на корупција како што се Артан, Мерко и Талат. И затоа резултатот е таков во првиот круг. Овде во Виница победивме со 4571 на 1764 гласови за СДСМ. Народот е определен, и јас искажувам длабока благодарност и почит до секој еден од вас. Но работата не е завршена. Ова беше само првиот круг, и жолтиот картон, мора да стане црвен на изборите на 8 мај. Народот да го зададе финалниот удар против корупцијата, криминалот и сиромаштијата. Повикувам на масовна излезност, затоа што излегувањето на овие избори меѓудругото е и патриотска должност и обврска кога Македонија е толку силно разградена со криминал и корупција. Да одиме напред, и да ги победиме сите сценарија кои ги разработува дуото СДСМ и ДУИ, заклучи претседателот....

„Не може да го заборавиме 27 април, 2017 година, кога државата беше доведена на раб од граѓанска војна само за тоа што Груевски не сакаше да ја напушти власта. Режимот сакаше да не сврти едни против други, политичката битка да ја направи меѓуетничка. Ова не смее да се заборави, не смее да им се прости, бидејќи денешното ВМРО-ДПМНЕ го водат истите тие кои беа зад завесите на овој трагичен ден за нашата демократија”, порача на денешните средби со жителите на скопската општина Чаир, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2. Потпретседателот на СДСМ, Битиќи истакна дека кај ВМРО-ДПМНЕ и нивната кандидатка за претседател на државата, Гордана Силјановска нема место за различности, во нивниот тесен политички поглед, секој е еден кој не ги прифаќа ксенофобичните ставови е исклучен, маргинализиран и отфрлен. „Кај нив нема место за граѓаните кои веруваат во Македонија дека може да биде европски дом, во кој ќе има место за секого. Но имаат една несреќа, а тоа е дека тие граѓани се многу повеќе отколку што се ВМРО-ДПМНЕ и за тоа на 8-ми мај да им го покажеме патот кон буништето на историјата”, порача Битиќи. Тој апелира на парламентарните и претседателските избори, да се покаже европска зрелост и да не му се даде шанса на национализмот повторно да ја освои државата. „Да се ослободиме од стравовите и да го прифатиме единството, единството во различностите, бидејќи таму лежи нашата сила. Верувам во вас, во граѓаните, верувам дека тоа ќе го препознаете, дека ќе ги отфрлите политиките кои ви се наметнуваат од елити кои немаат што да ви понудат освен да ве туркаат кон минатото и поделбите”, упати повик до жителите на Чаир, потпретседателот на СДСМ, Битиќи....

Властите на Латвија, балтичка земја што е соседна со Русија, денеска ги повикаа граѓаните да ги претворат своите подруми во засолништа за воздушни напади, по повод традиционалниот национален ден на чистење во земјата. “Апелираме до сите – при големото чистење, но и потоа – подрумите да можат да се користат како засолништа во случај на потреба “, изјави градоначалникот на Рига, Вилнис Кирсис. Градоначалникот додаде дека општинските службеници ќе се грижат за шпдарумите што му припаѓаат на градот. Комисијата за цивилна одбрана во Рига објави дека „подрумите на јавните згради, училиштата, пензионерските домови, болниците и другите градски простории ќе бидат проверени од надлежните органи и ќе бидат подготвени како засолништа во случај на напад“. „Имаме намера секој месец до крајот на годината да подготвуваме околу 100 засолништа“, соопштија од комисијата....

Граѓани попладнево во одводен канал во Загреб пронашле возило со тело на непознато лице, соопшти полицијата. Повикот во полиција стигнал нешто по 13 часот. Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист. Истрагата е во тек....

„Пред 7 години бевме доведени пред граѓанска војна само поради лична и тесно-партиска кусогледост и алчност на ВМРО-ДПМНЕ. Насилно и крволочно влегоа во Собранието бидејќи не сакаа да ги ослободат заробените институции”, вели во видео обраќањето по повод упадот во Собранието на 27 април 2017 година, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2. „Ова ВМРО-ДПМНЕ денес е истото од тој 27-ми април пред 7 години. Тоа го гледаме во секоја нивна порака за раздор и поделба и денес кога повторно ја бараат вашата доверба.Затоа на 8-ми мај да ги замолчиме гласовите на насилството и поделбите и да се обединиме. А тоа зло – НИКОГАШ да не се повтори”, вели Битиќи и порачува дека „ние не сме случајни минувачи низ нашата Македонија – ајде заедно да бидеме архитектите на една стабилна и европска иднина за нас и нашите деца”....

Ја заслужувате мојата благодарност за поддршката во првиот круг, без вашите гласови сигурно дека немаше да биде ваков резултатот каков што е многу инспиративен, не само за мене, не само за ВМРО ДПМНЕ туку за сите граѓани! Ние не агитираме, не ви велиме дека мора да гласате за нас, ама знаеме за кого ќе гласате. Ќе гласате за подобрите, ќе гласате за оние кои носат промени а не за оние кои велат дека грешеле ама сега ќе се обидат тоа што го згрешиле да го поправат, а тоа е невозможно. Не е точно дека стартуваме од нула, ние не шутираме пенали, а тие ги промашија на празен гол. Продолжувам онаму каде што застанавме таму каде што вие ни рековте дека треба да застанеме зашто гласовите се ваши, гласовите се на граѓаните и ние тоа нема да го заборавиме. Ако реков дека во првиот круг очекувам политички земјотрес, тој се случи, дури и со поголема разорна сила, која го допре СДСМ. Ама на 8 мај очекувам политички вулкан, бидејќи некои процеси можат да се насетат и не можат да се избегнат. Неминовен е поразот на СДСМ, на ДУИ, на коалицијата и неминовна е победата на ВМРО ДПМНЕ и коалицијата. Неминовен е поразот на господинот Пендаровски и се насетува мојата победа. Тоа е јасно. Ова власт мора да си оди!...

Тренерот на кошаркарките на белградски Партизан, Жељко Обрадовиќ, изјави денеска дека неговиот престој во клубот никогаш не бил доведен во прашање и истакна дека ќе направи сè што е во негова моќ со цел црно-белиот тим да биде уште подобар. „Благодарам на сите за довербата да го водам Партизан и во следните две години. Благодарам на сите луѓе од управата што се договоривме за продолжување на соработката, ова беше заедничка желба.“, рече Обрадовиќ на прес-конференција во Белград. Обрадовиќ, кој се врати во Партизан во 2021 година, денеска го продолжи договорот со црно-белите на уште две сезони. „Откако се вратив, целта ми беше Партизан да биде редовен член на Евролигата. Ова е клуб што го чувствувам, ова е клуб што го сакам и можам да повторам дека сум навистина среќен што ќе продолжам да работам во Партизан во наредниот период“, рече Обрадовиќ. Тој истакна дека е привилегија да се работи со луѓе кои имаат иста цел и кои ги врзува љубовта кон Партизан. „Играв во Партизан во 1984 година, сега е 2024. Ме почитуваа секаде каде што работев, но ова е мојот клуб, мојот град, мојот народ“, изјави Обрадовиќ....

Претседателот Стево Пендаровски, кандидатот за претседател на владејачкиот СДСМ во рамки на кампањата пред вториот круг од претседателските избори вечерва имаше средба со граѓани на Охрид, пред кои зборуваше за концептот за кој се залага и ја бара нивната доверба, за европската иднина на земјата, наспроти регресивната политика на опозицијата што, според него, ќе ја однесе земјата во изолација. Тој ја искористи можноста да потсети на годишнината од случувањата во македонскиот Парламент, и упадот пред седум години во кој, како што рече, бевме нападнати од истите луѓе што претендираат да ја водат државата. -Три века наназад во ниту еден европски парламент не е забележано да се направи насилен упад да се спречи мирен трансфер на власта на оние кои ја добиле довербата на граѓаните,…Тоа е една од главните работи по што оваа гарнитура се разликува од нив, дека откако ќе се изгубат изборите еден ден, да организираме насилници кои ќе тепаат колеги за да спречиме заминување од власта. Тоа е нивна карактеристика, особено што седум години од тој чин не најдоа сила не беа доблесни да се извинат, рече Пендаровски. Напротив, како што рече, нивната кандидатка за претседател сега најавува амнестија за тие луѓе, дека тоа биле луѓе кои го бранеле Уставот и државата и највисоката државна институција, а останатите биле насилници. Пендаровски рече дека овие луѓе од опозицијата кои бараат мандат, се истите луѓе со истите идеи, кои мислат да владеат на ист начин како до пред седум години. -После првиот круг резултатите се тие, според мое скромно убедување, нема основа за малодушност, разочараност, анемичност,… За првпат имаше седум кандидати за претседател, од кои само јас бев претендент да добијам гласови од сите етнички заедници. Сите останати претендираа да добијат гласови само од нивата етничка заедница. Оние што отпаднаа имаа вкупно околу 330 илјади гласови. Не велам дека по автоматизам ќе дојдат кај мене, но верувам дека огромна бројка од нив е многу блиска и го поддржува концептот за кој се залагам, рече меѓу другото тој. Потсети дека неговиот концепт е за Македонија во која сите се рамноправни, без намерно и вештачки продуцирани делби. -Само изборот за бројот 1 е рецептот за успех на државата, се друго е рецепт за продолжена агонија, за враќање на режимот кога еден човек, една фамилија, една партија решаваа за судбината за 1,8 милиони луѓе, рече Пендаровски. Претходно Пендаровски имаше средба со граѓаните на Пештани каде, исто така, зборуваше за настаните од 27 април и за амнестијата што ја нуди неговата против кандидатска за оние кои упаднаа во Парламентот. -Јас разбирам да кажеш криви биле тие и тие, по име и по презиме и да речеш дека многу им се високи казните или во име на некакво национално помирување да им простиме дел од казната, да си одат дома, било што било. Но ништо од тоа не се случува, само се најавува амнестија. Според мене тоа е јасен индикатор дека на таков начин, ако дојдат на власт и ќе се владее“’, додаде Пендаровски денеска во Пештани....

Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена. Во кутијата, покрај облеката, пронашла епрувета со човечка крв и конзерва грав! „Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати. Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post. Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници. „Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата. Жителката на Тенеси објави серија видеа во кои ги информира своите следбеници за најновите случувања. Претставник на транспортната компанија изјави: „Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“. Сè уште не се знае чија крв е во шишето, а конзервата со грав е уште поголема мистерија. @anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound...

Во 15-годишната истрага за практиката на давање седативи на луѓе за време на апсења во САД, и поддржана од експерти за спроведување на законот, покажа дека стратегијата, наменета за намалување на насилството и спасување животи, доведе до многу смртни случаи кои можеле да се избегнат. Најмалку 94 луѓе умреле од 2012 до 2021 година, откако полицијата им давала седативи обидувајќи се да ги задржи, а околу половина од жртвите биле црнци, според наодите на АП во соработка со Фронтлајн ПБС и Хауард Центарот за истражувачко новинарство, јавија американските медиуми. Главната причина за толку многу црни жртви е спорната наводна медицинска состојба наречена „возбуден делириум“. Критичарите велат дека нејзините наводни симптоми, кои вклучуваат „натчовечка сила“ и висока толеранција на болка, се во овнова во расистичките стереотипи за црнците и водат до пристрасни одлуки за тоа кому треба да му се даде седатив. Беше невозможно да се одреди улогата на седативи во секоја од 94-те смртни случаи бидејќи многу од случаите вклучуваа употреба на потенцијално опасна сила врз луѓе кои биле дрогирани или пијани и затоа што истрагата обично се фокусирала на дејствијата на полицајците, а не на медицинските лица кои им помагаат. АП пронашла докази за луѓе кои биле насилно држени на стомак од полицијата, многумина со лисици на рацете додека полицајци седеле на нивните грбови, а кои се мачеле да дишат и се обидувале да се ослободат. Повикувајќи на отпор при апсење, болничарите им давале седативи, што дополнително го забавувало нивното дишење. Срцевиот и респираторниот застој често се случувале во рок од неколку минути....

Поранешниот претседател на Хрватска, Стјепан Месиќ, изјави дека никогаш повеќе не може да се направи голема Србија, додавајќи дека во Србија „сè уште има луѓе како криминалецот Слободан Милошевиќ кои имаат за цел српска експанзија“, јави дописникот на МИА од Приштина. Месиќ на манифестацијата „Паналбанско-меѓубалканска-евроатлантска средба“ во Приштина, по повод 25-годишнината од војната на Ослободителната војска на Косово и НАТО против српските сили и ослободувањето на Косово, рече дека поранешниот српски претседател, Милошевиќ е главниот одговорен за жртвите на војните во Хрватска, Босна и Херцеговина и Косово во 90-тите години од минатиот век. „Многу ви благодарам што сум тука за 25-годишнината од независноста на Косово. Кога отидов во Белград (во доцните 80-ти) тогаш бев претседател на Претседателството на Југославија. Смеам да кажам дека јас ќе бидам последниот претседател на Југославија. Милошевиќ не можеше да се согласи со она што го предложивме: да се направи конфедерација. Тој не го прифати нашиот совет и тргна во друга насока. Мојата иницијатива беше секоја земја да тргне по својот пат. Милошевиќ и неговите луѓе не можеа да го прифатат овој модел кој би бил без војна, без жртви и во интерес на целиот народ, рече поранешниот хрватски претседател. На сите оние „кои мислат дека Србија може да стане голема држава“, Месиќ им порача дека таа е само „мала држава на Балканот“. „Сите видовме како заврши оваа работа и со колку жртви. За жал, сè уште има такви како Милошевиќ кои имаат за цел да ја направат Србија голема, но јас ви велам дека тоа не може да се направи. За сите оние кои мислат дека Србија може да стане голема држава, ви кажувам дека Србија е мала држава на Балканот“, рече Месиќ. На „Паналбанско-меѓубалканска-евроатлантската средба“ во Приштина, на тема: Историја-Идентитет-Интеграција“, организирана во рамките на 25-годишнината од последната војна на ОВК и НАТО против Србија и тогашна СР Југославија и ослободувањето на Косово, присуствуваа над 600 почесни гости....

На самиот крај од шестата недела на големиот велигденски пост, го прославуваме и свеченото влегување на Исус Христос во Ерусалим. Овој празник се нарекува Цветници и секогаш се паѓа во недела. Името „Цветници“ празникот го добил по цветното гранче палма што Исус Христос го носел во раката за време на овој свечен настан. Иако спаѓа во еден од големите празници, па се подразбира дека на овој ден не се извршуваат големи работни обврски, со векови постои верувањето дека токму на Цветници би требало да се посади лен и зелка, бидејќи така родот на овие билки ќе биде подобар. Кога станува збор за работењето, овој празник е исклучок, бидејќи токму на овој ден се појавува полна месечина, кога, според верувањата, умот и вештините на луѓето стануваат далеку помоќни од вообичаено. Поради тоа, на Цветници би требало да започнете некои проекти и да донесете одлуки....

Претседателот на ДУИ, Али Ахмети, во рамки на активностите за кампањата за парламентарните избори, ги продолжи средбите со граѓаните во општина Кичево. Пред присутните истакна дека куќата не се одржува со кредит и дека тие што мислат дека можат да држат куќа со кредит, резултатот го видоа на 24 април. Вие сте прва гарда за брза интервенција, вие сте прва гарда за брза акција, не е мала задача 8 спрема 2. За понатаму знаете дали правите 9 спрема 1, тоа е во ваши раце. Некој мисли да одржува куќа со кредити, ние сме тие што работиме и си обезбедуваме леб, тие што размислуваат со кредити, не можат да чуваат куќа и резултатот се виде на 24 април. Ја имавме платформата и фронтот, имавме за кого да работиме, Албанците се обединија во Фронт по 22 години по ред. Фатмир ми е сведок како доаѓа албански партии во Шипковица и континуирано работевме да настапуваме заедно, подобро доцна отколку никогаш. Фронтот обедини генерации и луѓе кои имаа разлики и овој фронт е долгорочен и не е за една употреба. Да дејствуваме до полноправно членство на земјата во ЕУ, како единствена алтернатива бидејќи немаме друг пат, додека не и кажеме ДА на Европа, нашата определба да бидеме членка на ЕУ за неколку години, како единствено решение за да луѓето не бараат пидобар стандард надвор од земјата, изјави првиот човек на ДУИ Али Ахмети во Кичево. Кандидатот за пратеник Муса Џафери, пред присутните изјави дека на овие избори победник ќе биде Европскиот фронт, а во петтата изборна единица ќе има над 30.000 гласови. Никогаш не сме се сомневале дека Кичево и околината ќе и дадат поддршка на ДУИ бидејќи ДУИ тоа со работа го докажа и не дозволи да се презира и прекрши албанскиот глас. Не се сомневаме дека ќе бидеме победници и дека другата страна не може да не победи. Легитимитетот го дава народот, гласачот, вие давате легитимитет кој ќе управува со државата и тоа не е во рацете на лидерите на другите политички партии кои се обидуваат да водат психолошка војна и тоа не треба да не засега. Да бидеме единствени и ние во зона 5 ќе имаме 30.000 гласови и Европскиот фронт ќе биде втора партија во конкуренција на ниво на зона, рече Џафери. Градоначалникот на општина Кичево како и шеф на изборниот штаб, Фатмир Дехари, оцени дека Европскиот фронт е многу доброприфатена опција не само во Кичево туку и во целата држава. Нашата кампања ја темелиме на три столба, нашиот глас и гласот на Европскиот фронт, кој е добредојден во нашиот град, е прифатливс идеја низ целата земја и ние сме ви благодарни што заедно продолжуваме да ги обновуваме бројките не само во нашиот град, но и на национално ниво. Во гласот што не успевма да го добиеме и во гласот на граѓаните кои гласаа за опозицијата и од икс причини душата им е кај ДУИ. И со ова ве покануваме, како и секогаш, активисти дали сте уморени вие активисти? Претседателе, ние ја продолжуваме работата напред, нагласи Дехари....

Првиот човек на Алијансата за Албанците Арбен Таравари во презентацијата на изборната програма на ВЛЕН рече дека оваа програма вреди и за луѓето и за програмата. Таравари истакна дека сегашниот Устав има недостатоци и не ја претставува реалноста во државата. „Убедени сме дека сегашниот Устав има недостатоци, ограничен е и во многу делови не ја претставува денешната политичка, социјална и етничка реалност во државата”, рече Таравари. Таравари потенцира дека промената е неопходна, додека заедно со промената мора да се смени и Уставот за да почнат преговорите со ЕУ. “Ќе започнеме голема дебата и ќе изградиме консензус за нов, подемократски и модерен Устав, кој ќе ја редефинира државата како рамноправна држава на две мнозински заедници”, рече Таравари. На крајот Таравари нагласи дека на 8ми мај на изборите има само една албанска опција а тоа е коалицијата ВЛЕН....

Денеска се навршуваат седум години од „крвавиот четврток“ кога заради обид за спречување на промената на власта, стотоци граѓани организирано упаднаа во Собранието и брутално нападнаа пратеници од тогаш новоформираното парламентарно мнозинство. Повеќе од три часа пратеници од СДСМ и коалицијата беа напаѓани, удирани со разни предмети, додека се чекаше интервенцијата на специјалните полициски сили. Десеттината пратеници од СДСМ кои беа во прес-центарот во Собранието, се бранеа со часови од налетите на гневната толпа, меѓу нив, во одбраната, со физички контакти со напаѓачите беше пратеникот од Куманово, Максим Димитриевски. Димитриевски неколку месеци по 27 април станува градоначалник во Куманово, а вториот мандат како татко на општината го добива без поддршка од СДСМ. Денес, Димитриевски ја предводи партијата ЗНАМ од каде како кандидат за претседател доби над 80.000 гласови, што неговата партија ја прави трета политичка сила кај македонскиот гласачки блок. Пред вториот круг на претседателските избори и пред парламентарните избори, се погласно се зборува дека ако ВМРО-ДПМНЕ (партија која убедливо победи во првиот круг на претседателските избори) освои најмногу пратеници, дека следната Влада би ја формирала со албанската опозициска коалиција ВРЕДИ и со ЗНАМ на Максим Димитриевски. Очекувањата за ова претходно ги подгреа и повикот на Христијан Мицкоски за мораториум на нападите од неговата партија кон ЗНАМ (и кон Левица) Од она што се очекувањата по изборите, лидерот на ЗНАМ, Димитриевски кажа дека тие по изборите единствено не би влегле во коалиција со партијата ДУИ. Со тоа индиректно и самиот Димитриевски потврдува дека е можна коалиција помеѓу неговата партија ЗНАМ и ВМРО-ДПМНЕ. А токму членови и активисти на ВМРО-ДПМНЕ беа јуришниците на 27 април кои ја раксрвавеа главата на Димитриевски и се обидоа да посегнат по неговиот живот. Денес, седум години подоцна, Димитриевски е подготвен да седне во удобните владини фотелји заедно со оние кои пред седум години се обидоа да го ликвидираат....

Дополнителниот заменик министер за внатрешни работи Митко Бојмацалиев се обрати на промовијата на новите полициските службеници во Центарот за обука во Идризово. „Ми претставува особена чест што денеска сум овде заедно со вашите семејства и пријатели да го одбележиме овој убав повод на зголемување на нашето професионално семејство, свечен чин со кој Министерството за внатрешни работи, станува побогато за 508 полициски службеници, од кои (416) мажи и (92) жени, идни чувари на безбедноста. „Патот на создавање добар полициски службеник бара посветеност, одговорно и домаќинско работење. Ние како раководство на МВР сме тука да ги обезбедиме сите потребни ресурси и поддршка да ви овозможиме сè што е потребно за достоинствено извршување на вашите работни задачи, а ваша должност како идни колеги и вработени во МВР, ќе биде да се грижите за безбедноста на сите граѓаните и државата. За остварување на тој наш приоритет изминатиов период многу работи направивме, а резултатите се видливи во сите 82 реконструирани објекти на МВР ширум државава, во кои имплементиравме и мерки за енергетска ефикасност. Покрај ова, инвестиравме над 10 милиони евра во нови униформи за секоја организациона единица”, рече Бојмацалиев, потенцирајќи ја реконструкцијата и на Центарот за обука. „Ме радува фактот што денеска пред вас можам да кажам дека после 53 години во тек се градежните активности за комплетна реконструкција на целиот комплекс на Центарот за обука во Идризово, што ќе опфати реконструкција на Управната зграда со мензата, двата павиљона за сместување и школски објект со придружните објекти, во вкупна вредност на градежните активности над 180.000.000 денари.”, рече Бојмацалиев, додвајќи дека и реформските процеси беа во насока на осогирување на интегритетот на полициските службеници. „Со цел да ги осигураме чесноста и професионализмот во полициската професија воведовме тест на интегритет и забрана за членство во политичка партија за сите вработени во Министерството и слободно можам да констатирам дека успеавме во нашата намера – во насока на деполитизација, департизација и декриминализација на Министерството за внатрешни работи”, истакна Бојмацалиев, честитајќи на колегите за успешното завршување на обуката за полициски службеници....

Во првиот натпревар од 35. коло на англиската Премиер лига немаше победник, во Лондон Вест Хем и Ливерпул одиграа 2-2. Мохамед Салах во игра влезе дури во 79. минута од натпреварот. Непосредно пред да влезе на теренот, египетскиот фудбалер влезе во вербална расправија со тренерот Јирген Клоп, веројатно незадоволен што доби шанса на крајот за да го „спаси денот“. На последните четири првенствени натпревари Ливерпул забележа само една победа, со едно реми и два порази и е сè подалеку од шампионската титула, Арсенал води на табелата со 77 бодови од 34 натпревари, пред Манчестер сити со бод помалку и натпревар помалку. Ливерпул остана третопласиран со 75 бодови од 35 натпревари....

Косовската претседателка Вјоса Османи денеска изјави дека по приемот на Косово во Советот на Европа семејствата на исчезнатите ќе можат да ја тужат Србија пред Европскиот суд за човекови права. „По влегувањето во Советот на Европа, сите семејства ќе имаат пристап до Европскиот суд за човекови права, ќе можат да ја тужат Србија за кршење на правото на живот на членовите на семејството, за кршење на правото на човечко достоинство и многу други права. Членството во Советот на Европа ќе биде од корист за сите граѓани, но најмногу за семејствата на кои 25 години им беше ускратена правдата“, рече Османи за време на одбележувањето на Денот на исчезнатите. Таа рече дека институциите на Косово ќе продолжат да бидат со семејствата и „да ја споделат болката, бидејќи сите 1.600 исчезнати лица се членови на семејствата на цело Косово“....

Претседателката на Собранието на Србија, Ана Брнабиќ, денеска изјави дека очекува во следните 48 часа, седница на Претседателството на Српската напредна странка, на која нејзиниот претседател Милош Вучевиќ би презентирал кого предлага за министри во новата Влада. Рокот за нејзино избирање во Собранието е 6 мај, така што ќе работиме следната недела, изјави таа, пренесе Бета. Според неа, Србија ја чекаат големи и тешки битки за националниот интерес и претстои „тежок мај“....

“Денеска е 27 април, точно седум години од “крвавиот четврток” во македонското собрание. Слободата и демократијата што ја имаме и живееме во изминатите седум години имаат своја цена. Сите големи успеси на СДСМ и на сите прогресивни граѓани имаат висока цена, ама вредеше, некои работи не смеат да се заборават, за да не се повторат. Затоа ние остануваме со граѓаните, со сите вас кои што верувате во единствениот исправен пат за државата, во членството во Европската Унија како најцврста гаранција за сигурна и безбедна иднина. Само заедно можеме да ја оствариме таа цел, зашто е наша, заедничка”, изјави носителката во третата изборна единица, Сања Лукаревска. Лукаревска истакна дека СДСМ е голема, силна партија, која што секогаш донесувала правилни одлуки за сигурна иднина на државата. “Никогаш нема да се откажеме од нашите социјал- демократски вредности за слобода, правда, еднаквост и просперитет за сите граѓани, без поделби и раздор, без крвави сценарија. Ние веруваме во заедничка, подобра, европска иднина за сите граѓани. И на 8 мај, и по 8 мај, ќе покажеме и докажеме дека СДСМ има луѓе кои никогаш нема да отстапат од нашите вредности, ги браневме и ќе продолжиме со истата посветеност, за нас нема друг пат. Да продолжиме заедно, да покажеме одлучност, можеме, како и пред седум години, заедно со сите прогресивни граѓани за сигурна и безбедна иднина”....

Најновото ажурирање на прогностичките модели укажуваат на тоа дека за првомајските, како и за Велигденските празници во Македонија ќе имаме многу нестабилно време, на повеќе места со појава на поројни врнежи од дожд, грмежи и засилен ветер. Не се исклучува можноста и за локално поинтензивни Атмосферски процеси, во вид на невреме....

Студентите кои протестираат против војната меѓу Израел и Хамас на универзитетите низ САД денеска ветија дека ќе продолжат со демонстрациите, а професорите ги осудија претседателите на универзитетите кои повикаа полиција да ги отстрани демонстрантите од кампусите. Додека Универзитетот Колумбија продолжува да преговара со пропалестинските демонстранти, советот на универзитетот во петокот усвои резолуција за формирање работна група за истрага на раководството на администрацијата, која минатата недела ја повика полицијата да ги евакуира студентите, што резултираше со застој и повеќе од 100 приведени. Иако универзитетот постојано поставуваше, а потоа ги одложуваше роковите за отстранување на кампот поставен од демонстрантите, универзитетот испрати е-пошта до студентите во петокот вечерта во која се вели дека враќањето на полицијата во кампусот во овој момент би било контрапродуктивно, јавија американсккте медиуми....

„Резултатот е нула-нула, сè уште немаме победник или поразен. Нашата битка за европска Македонија не е завршена. Нашата држава е мала земја, но влогот на 8-ми мај е голем”, порача на денешните средби со жителите на скопската општина Бутел, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2. Тој порача дека е опасен патот по кој ВМРО-ДПМНЕ сака да ја води државата, а тоа е кон изолација, кон унгарско сценарио, кон национализми кои разделуваат.„СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда”, рече Битиќи. Тој ги потсети граѓаните на 27 април пред седум години, кога се случи упадот во Собранието и обидот за рушење на уставниот поредок по покровителство на ВМРО-ДПМНЕ. „Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8-ми мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество, ” порача Битиќи....

Дејвид Пекер, издавач на таблоидот National Enquirer, сведочеше на судењето против поранешниот претседател Доналд Трамп дека го спречил објавувањето на приказната за наводна афера за да и помогне на претседателската кампања на Трамп во 2016 година, иако написот би ја зголемил продажбата на неговиот таблоид, пренесува Гласот на Америка. Пекер (72), на вчерашното судење се согласи со обвинителот кој го праша дали би било многу профитабилно за National Enquirer да објави приказна за тврдењата на поранешниот модел на Плејбој, Карен Мекдугал дека имала афера со Трамп во 2006 и 2007 година. Сепак, Пекер рече дека решил да не ја објавува приказната откако и платил бидејќи тоа ќе му наштетело на републиканецот Трамп и ќе ги намалело неговите шанси да ја победи демократката Хилари Клинтон. „Не ја објавивте приказната затоа што тоа беше од помош на кандидатот Доналд Трамп“, праша обвинителот Џошуа Стејнглас. Да – одговори Пекер“. Издавачот претходно сведочеше дека соработувал со кампањата на Трамп и во обидот да се спротивстави на наводите за измама во време кога тогашниот претседателски кандидат се соочувал со бројни обвинувања за сексуално недолично однесување. Пекер беше првиот сведок во случајот во кој Трамп е обвинет за фалсификување деловни документи за да ги прикрие исплатите на порно актерката Сторми Даниелс за таа да молчи за аферата. Трамп тврди дека не е виновен. Пекер сведочеше дека неговиот таблоид платил за правата за две такви стории кои никогаш не ги објавил, а исто така го предупредил Трамп дека Даниелс се обидува да ја „продаде“ нејзината приказна за сексуална средба со него. Одбраната тврди дека парите биле исплатени за да се заштити семејството на Трамп од срам, а не да се заштити неговата кампања. Трамп негира дека некогаш имал секс со Сторми Даниелс. Адвокатите на Трамп се обидоа да го дискредитираат сведочењето во кое Дејвид Пекер објасни како шемата за елиминирање на негативните приказни функционирала за да се спречат наративите кои биле штетни на претседателската кампања на Трамп во 2016 година. За време на сведочењето, Пекер ги оквалификува како вообичаени напорите на познатите луѓе да бидат проследени со добар публицитет, како и дека неутрализирал негативно конотирани приказни за други познати личности, како филмската суперѕвезда Арнолд Шварценегер и голферот Тајгер Вудс. Тој вели дека во случајот со познатиот актер, Enquirer платил стотици илјади долари на жени кои тврделе дека имале афера со него – за време на кандидатурата на Шварценегер за гувернер на Калифорнија во 2003 година. Пекер прецизираше дека првпат го предупредил Трамп за негативно конотираната приказна уште во 1998 година, кога поранешниот американски претседател беше во брак со Марла Мејплс. Тој рече дека го смета Трамп за пријател, иако тие не разговарале од 2019 година. Обвинителите тврдат дека аранжманот на Пекер со Трамп негативно влијаел на изборниот процес во 2016 година. Поранешниот издавач на таблоид се согласи да соработува со правосудството за да избегне кривична пријава Против Доналд Трамп се водат вкупно четири судски постапки. Покрај овој случај, тој е обвинет и за незаконско ракување со доверливи документи и обид да ги сврти резултатите од изборите во 2020 година во своја полза. Во Џорџија се води постапка против него за обид да влијае на резултатите во таа сојузна американска држава....

Двајца работници се повредени денеска, од кои едно потешко, во пожар во фабрика за погонски системи за ракети „Еде про“ во Лештани кај Белград, јави Радио-телевизија на Србија (РТС). Пожарот избувнал на валјакот на фирмата „Еде про“. Засега не се знае степенот на повредите. Пред три години се случи експлозија во магацин со ракетно гориво, при што загинаа двајца работници, а 16 други беа повредени. Во експлозија во ноември 2008 година, три лица беа повредени, од кои едно потешко, а две полесно. Потоа експлодираше смесата за полнење против градежна ракета, покривот на објектот беше урнат, а околни објакти беа оштетени. Компанијата се занимава со производство на делови за ракети, ракетни турбомотори и гориво. „Еде про“ се занимава со истражување, развој, производство, трговија и модернизација на сегашно оружје и одбранбена опрема, но и за цивилни потреби. Истрагата е во тек....

Разузнавачките агенции во САД утврдиле дека рускиот претседател Владимир Путин најверојатно директно не наредил да биде убиен опозицискиот лидер Алексеј Навални, објави денеска Волстрит џурнал. Навални, еден од најжестоките критичари на Путин, почина во арктички казнен затвор во февруари на 47-годишна возраст. Неговите сојузници, вклучително и неговата сопруга, го обвинија рускиот лидер за неговото убиство – обвинение што Кремљ постојано го негира, пишува весникот. Но, по неодамнешната проценка заснована на низа информации – вклучително и некои доверливи разузнавачки информации и анализа на јавни факти – американските разузнавачки агенции не веруваат дека Путин наредил убиство на неговиот противник. Проценката, исто така, го зеде предвид времето на смртта и како таа го засени претседателскиот реизбор на Путин во март, пишува весникот, повикувајќи се на свои извори. Весникот цитира извори кои велат дека заклучокот бил „нашироко прифатен во разузнавачката заедница и споделен од неколку агенции, вклучително и Централната разузнавачка агенција, Канцеларијата на директорот на националното разузнавање и разузнавачката единица на Стејт департментот“. Коментирајќи го извештајот, Леонид Волков, висок помошник на Навални, ваквите заклучоци ги нарече наивни и смешни, објави Волстрит џурнал....

Хорхе Мартин го освои првото место на спринт трка во Херез во рамките на Мото ГП шампионатот. Шпанецот на Прамак Дукати беше убедлив, максимално ги искористи проблемите со кои се соочија неговите конкуренти и на крајот ја мина целта за 19:52.682 минути. На второто место со речиси три секунди заостанување се најде младиот Педро Акоста (ГасГас) кој продолжи да постигнува одлични резултати во својата прва сезона во кралската класа. Блесна и тоа не по своја вина и Фабио Кваратараро. Светскиот шампион со Јамаха од 2021 година од 23. дојде до третото место. Спринтот во Херез сигурно е една од најинтересните и најчудните трки во Мото ГП во последните 10 години. Буквално сите кандидати за висок пласман паднаа, а само Марк Маркез успеа да се врати и да ја продолжи трката. Шпанецот којс тартуваше од пол-позицијата, првото место го загуби во првите неколку свиоци. Сепак не се откажа, во деветтиот круг успеа да го мине Мартин, но на чело на трката беше само еден круг, бидејќи падна, се врати на патеката и на крајот го освои осмото место. Трката не ја заврши ниту актуелниот шампион, Пеко Бањаја, исто како и Вињалес, Басијанини, Алекс Маркез, Биндер…...

Најдобриот македонски кикбоксер Бобан Илиоски е нов светски професионален првак во кикбокс на ВАКО ПРО во дисциплината К1, до 88,6 кг, откако синоќа во борба за титулата го совлада Берк Дузенли од Турција. Бодрен во СЦ „Јане Сандански“ од домашната публика и навивачката група „Комити“, Илиоски го совлада актуелниот аматерски светски првак со судиска одлука од 2-1. Илиоски во ноември лани го освои златниот медал на Светското ВАКО првенство во категоријата лоу кик до 86 килограми и ја обедини светската и европската титула. За своите успеси на меѓународната сцена Илиоски беше избран за спортист на Македонија во 2023 година....

Одговорноста на секој од нас е голема. Не смееме да дозволиме да имаме повторно нови изгубени години без иднина. Не смееме да дозволиме да им ја одземеме европската иднина на младите и идните генерации, рече денес во Крива Паланка коносителот на кандидатската листа за ИЕ 3 на СДСМ и коалицијата, Љупчо Николовски. Тој порача дека Европскиот пат не е закана за македонскиот народ или македонскиот идентитет, туку се шанса за нивно уште поголемо развивање. – Македонскиот идентитет опстојал низ векови наназад и уште долги векови ќе опстои. Затоа не смееме да се откажеме. Се докажало низ времето дека само со силен, обединет и победнички СДСМ имаме силна Македонија. Јас не се откажувам и останувам помеѓу граѓаните, секојдневно на терен, достапен како и до сега, секогаш тука за секој еден граѓанин. Граѓаните ни пратија силна порака, а ние таа порака ја слушаме и почитуваме. Одговорноста ја прифаќаме. СДСМ покажал дека знае да се менува, да признае грешка и да се подобри. Да го слуша гласот на граѓаните и повторно да ја стекне нивната доверба. Овие избори кои ни претстојат се посебно важни за државата. Не гласаме за или против СДСМ, туку за или против иднината на државата. Секој еден од нас има обврска добро да размисли во каква држава сака да живее следните години. Каква иднина посакува за младите, и за секој еден граѓанин. Одговорноста на секој од нас е голема. Не смееме да дозволиме да имаме повторно нови изгубени години без иднина години. Не смееме да дозволиме да им ја одземеме европската иднина на младите и идните генерации, порача Николовски. Тој имаше средби со граѓаните на градскиот плоштад и низ центарот на Крива Паланка, упатувајќи порака дека со нивниот глас на изборите на 8 мај го трасираат патот на државата во следните години....

Украина се подготвува да ги повлече војниците од Бердичи, јавуваат српските медиуми. На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад. Ним им се заканува загуба и на Нетајлов, Карловка, Умански, Новокалинов, Керамик, Архангелски… По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи. Воениот блогер Рибар наведува дека руските војници напредуваат и кај Новокалинов. – Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар. Според него, Русите успеале да ги истуркаат противниците од Семјеновка. – Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар. Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик....

Денешниот ден, 27 април, e најцрниот датум во историјата на нашата демократија и никогаш не смее да се заборават сликите од крвавиот четврток пред седум години, порача претседателот на Социјалдемократскиот сојуз на Македонија, Димитар Ковачевски, на својот фејсбук профил. Ковачевски потенцира, дека 27 април е потсетник на едно време на режим, насилство, страв и незивесност. „Никогаш да не ги заборавиме сликите од крвавиот четврток, сликите на насилниците поттикнати од ВМРО-ДПМНЕ кои извршија упад во Собранието, се обидоа да убијат пратеници, да повредат новинари и вработени во собраниските служби, кои сакаа да да го урнат уставниот поредок. На 27 април пред седум години, се виде до каде може да одат поделбите и омразата, желбата за пресметка со сите оние кои мислат поинаку. Овој датум е потсетник колку лесно опасна, десничарска власт може да ја уништи стабилноста и демократијата, да ја уназади државата. Тогаш не се откажавме од борбата за подобра иднина на граѓаните, за слободна и демократска држава. Нема да се откажеме ниту сега. СДСМ е партија направена од цврст материјал и секогаш на вистинската страна од историјата. Како што не се откажавме на 27 април, нема да се откажеме ниту на 8 мај. Никогаш повторно режим”, порача претседателот на СДСМ, Димитар Ковачевски....

Носителот на СДСМ и коалицијата во изборната единица четири, Д-р Венко Филипче, денес беше во Прилеп каде на низа средби со граѓани ја образложи програмата на СДСМ и начинот на кој тој и пратениците од оваа изборна единица ќе работат. Филипче рече дека од стотиците средби кои ги имал до сега, граѓаните јасно бараат полесен пристап до пратениците и слух за нивните барања, кои потоа ќе се преточат во конректни политики. „Многу луѓе велат дека политичарите ги бараат само кога им е потребен нивниот глас, а потоа никаде ги нема. Граѓаните бараат да бидат слушнати, но и конректни механизми да влијаат врз пратениците кои ги бираат. Јас и пратениците од листата на СДСМ кои ќе бидеме во Собранието ова ќе го овозможиме. Како поранешен министер, сите политики ги носев во блиска координација со здруженијата на пациенти и колегите здравствени работници. Како пратеник тоа ќе го правам со граѓаните кои ќе ни ја дадат довербата на избори. Оние кои ги претставуваме треба да бидат директно вклучени и слушнати во процесот на креирање на политики” – истакна Филипче. Тој планира да ја смени целосно перцепцијата за пратеникот и улогата кој тој ја има преку сосема нов начин на работа и комуникација со луѓето кои ќе ги претставува. Филипче најави отворање на канцеларии во секоја поголема општина, во прва фаза Прилеп, Кавадарци и Струмица. „Ако денес сум ви ветил дека ќе останам вака достапен како во камапњата и после изборите, тоа ќе го исполнам, а тоа ќе го исполнат и другите пратеници од оваа листа. Ќе отвориме канцеларии во сите поголеми градови каде редовно јас, но и другите пратеници ќе имаме средби со вас и ќе подготовуваме решенија за вашите барања. СДСМ е партија на граѓаните, а не салонско здружение и како таква ќе се однесува” – рече Филипче....

„Моето име е Горан Герасимовски, неговото Горан Стефановски. Навистина сум среќен што денес, заедно со вас, во маалото каде што и двајцата сме растеле, уште еднаш ќе го прославиме роденденот на великанот на македонската драматургија”, вака градоначалникот на Општина Центар Горан Герасимовски го отвори културно-музичкиот настан „Прослава на животот на Горан Стефановски” по повод роденденот на најпознатиот македонски драматург. Во Дебар Маало денеска повторно се слушаше гласот на Стефановски преку неговите аудио драми кои ги пушташе платформата „Самоглас”. Присутните ја проследија промоцијата на книгата „Пофалба на обратноста и други есеи” од проф- др. Иван Додовски, и уживаа во изведба на култните песни на „Леб и сол” во изведба на бендот Сешн Селекшн. Градоначалникот Герасимовски на синот Игор Стефановски му врачи карикатура со ликот на Горан Стефановски во чест на неговите безвременски дела со кои пренесуваше универзални пораки за сите граѓани. „Во чест на денот на раѓањето на бардот на македонската драма Горан Стефановски денеска повторно уживавме во неговите драми. За потсетување на сите нас и за оставање траен белег на едно прекрасно време, Општина Центар и јас како Градоначалник, сакавме да оставиме видлива трага преку создавање мини културни простори под ведро небо што ќе се користат за промоција на младите и неафирмирани уметници. Овие културни сцени што ќе никнуваат низ Центар, збогатени со мурали и графити, ги изразуваат поддршката и трудот што Општината ги вложува во областа на културата. Чест ми е што првото центарско ќоше ќе го носи токму името на легендата од Дебар Маало – Горан Стефановски. Кога ќе поминеме низ Боемска улица, верувам дека секој еден ќе го сврти погледот и ќе се потсети на славните реплики од неговите драми. Можеби овој агол е мал, во споредба со големината на целокупното негово творештво, ама сигурен сум дека ќе влијае врз уметноста во нашето Скопје.”, рече денеска Герасимовски. На настанот граѓаните можеа да го видат и надополнетиот мурал на Горан Стефановски со најпознатиот рефрен на песната „Скопје” од Леб и сол „Насмевни се, не бери гајле, намигни ми, ајде на здравје, Скопје, нацртан од уметниците Драш и Мачка. Со овој настан, со кој Општина Центар им оддава признание на најдобрите меѓу најдобрите, нека биде поттик за сите, заедно да создаваме трајни културни вредности што ќе станат нераскинлив дел од нашиот културен идентитет....

Претседателскиот кандидат на ВМРО ДПМНЕ, Гордана Сиљановска-Давкова, денеска во рамките на кампањата за вториот изборен круг од изборната трка беше во Mаврово каде што оствари средба со граѓани. Во своето обраќање Сиљановска-Давкова порача: -Маврово има посебна вредност за Македонија и затоа и државата и граѓаните мора да се грижат за оваа природна и човечка убавина. Мора да запре систематското уништување на животната средина и да запре урбанистичкиот хаос во Националниот парк Маврово. Невидено е во една ваква природна убавина заштитена со закон во 21 век да се градат дивоградби во заштитени зони, да се дозволува во езерото да се влеваат фекалии, не смееме да го уништуваме тоа што ни го дала природата затоа што на тој начин сами се уништуваме. Уште пострашно е кога и пратеници кои се претставуваат како екологисти, а учествуваат во уништувањето на животната средина и заштитени национални богатства. По цунамито во средата сега не очекува вулкан кој ќе создаде услови да се решат проблемите и да се тргне напред во градење на општество каде ќе се почитуваат законите и ќе се регулира животната средина но и правото на граѓаните да живеат достоинствено во секој поглед!...

Претседателот на Република Хрватска Зоран Милановиќ денеска нагласи дека Хрватска е дното на ЕУ кога се гледаат поранешните социјалистички земји, и дека „единствено Бугарија е полоша од нас“ порачал хрватскиот претседател од Златар, каде присуствувал на свечената седница по повод Денот на градот. -Бугарија е единствено полоша од нас и секое утро му се молиме на Бога ништо да не им се случи да има кој да биде последен….Тоа не е она со што треба да се задоволиме. Сега немам ништо со ниту една партија, ниту со ниту еден изборен список. За почеток, Хрватска мора да биде некаде на средина, а потоа да размислува да биде најдобра во конкуренција со Унгарија, Чешка, а не со Данска и Шведска, да биде како Словенија, која имаше менаџерски способности и среќа да се развие малку поинаку отколку Хрватска во изминатите 30 години и можете да го видите тоа, рече Милановиќ....

Трофејниот кошаркарски стратег Жељко Обрадовиќ ќе остане на клупата кај Партизан уште две години.Српските медиуми објавија дека Обрадовиќ и Партизан го потпишале новиот договор. Клубот не ги објави финансиските детали. Обрадовиќ, во Паризан се врати пред три години. Минатата сезона го освои првиот трофеј по враќањето, Партизан ја освои АБА лигата. Во Евролигата, во изминатата сезона Партиозан во пет натпревари беше елиминиран во четвртфиналето од Реал Мадрид....

Првиот круг од изборите помина во генерално мирна и демократска атмосфера. Се надеваме дека така ќе биде и за време на кампањата вториот круг од претседателските избори и за парламентарните избори и дека целиот процес ќе заврши со позитивни пораки, изјави Дејвид Гир, амбасадорот на Европската унија во земјата, кој денеска присуствуваше на одбележувањето на Европската недела на имунизација во Градски парк. -Мисијата на ОБСЕ/ОДИХР веќе го издаде прелиминарниот извештај од Првиот круг на изборите. Изборите се одвиваа во генерално мирна и демократска атмосфера и навистина се надеваме дека во вториот круг на претседателските избори, тие исто така и во кампањата за парламентарните избори тие ќе се надградат во овој позитивен замаец што ќе овозможи целиот процес да заврши со позитивни пораки и со позитивно чувство, додаде евроамбасадорот....

Министерката за култура, Бисера Костадиновска – Стојчевска присуствуваше на културната манифестација во Офицерскиот дом во Битола, организирана по повод 60 годишното постоење на локалниот „Битолски весник”. Со честитката за јубилејот желбата за ново децениско опстојување, таа потенцираше дека годишнината е прилика да се нагласи важноста на слободата на медиумите и нивниот придонес во развој на културата. –„Битолскиот весник” како пиреј 60 години опстојува простум во медиумскиот етер. Ги паметам изданијата од мојата младост и горда сум на истрајноста и активноста на весникот, со кои се вбројува во релевантен и уникатен презентер на градската колективна меморија. Весникот во континуитет е организатор на културни и хуманитарни настани со што го потврдува својот придонес во позитивните промени во културата,- истакна Костадиновска – Стојчевска. Низ изложбата со весниците од изминатите шест децении јавноста се присети на архивата и бројноста на изданијата низ кои се потенцирани приказните за животот на човекот. Многу од нив придонеле и за промоција на културните вредности. –Од 1964 година до денес „Битолски весник” придонесува за развој на плурализмот и слободата на говорот што го прави чинител во демократските процеси. Единствениот локален весник ја потенцира важноста на гласното новинарство и значењето на вистинското информирање во опкружувањето со дезинформации и лажни вести. Ја нагласувам важноста на медиумите како дел од демократија и ја почитувам нивната слобода и независност во придонесот за заедничка европска иднина”- нагласи министерката за култура од настанот во Битола. На 29 април, во далечната 1964 година, во предвечерјето на празникот 1 Мај, излезе првиот број на Битолски весник. По повеќе неуспешни обиди да се издаде градски весник, група ентузијасти предводени од првиот главен и одговорен уредник на весникот, Владо Ласковски го издадоа првиот број на Битолски весник. Во изминатите 60 години весникот се афирмирал и како организатор на значајни манифестации. Веќе 24 години успешно ја организира манифестацијата „Избираме најуспешни битолчани”. 19 години ја доделува наградата за новинарство „Тоде Петревски”, а организирал и бројни хуманитарни акции. Битолски весник е добитник на многу признанија и дипломи, меѓу кои и највисокото признание на Битола, наградата 4 Ноември. На денешната свечена Академија беа врачени златни плакети на заслужни поединци, установи, инсититуции, кои дале значаен придонес во опстојувањето на „Битолски весник”....

„Главните политички заложби на ИНТЕГРА, македонската конзервативна партија, со кои сме додадена вредност во Коалицијата Храбро за Македонија, се однесуваат првенствено на сочувување на македонскиот устав и државотворната позиција на македонскиот народ со комплетниот корпус на македонски национален идентитет во него. Тоа подразбира дека нема промена на уставот под ниту една закана, уцена, притисок од било чија страна, тоа значи дека се додека не го затвориме целокупниот корпус на македонските национални идентитетски прашања, оние црвени линии за кои што македонскиот народ се залага во татковината Македонија нема да се чепне Уставот по ниту една основа, рече Љупчо Ристовски претседател на ИНТЕГРА при денешната посета во Градско. „Втората работа, мора да ја зацврстиме Македонија како држава на македонскиот народ, како круна на вековната борба на македонскиот народ за своја држава, за своја национална слобода, тоа подразбира ние ќе си ја пишуваме сопствената македонска историја согласно нашиот национален македонски интерес”, рече тој. Ристовски истакна дека коалицијата Храбро за Македонија ќе ги гарантираме сите видови на слободи на секој поединец, и економски и социјални и политички слободи, ќе воспостави систем на трајна правна сигурност за секоја индивидуа, тоа подразбира дека со сите владини политики, ќе го таргетираме творечкиот потенцијал на секој поединец. „Нема ниту Брисел, ниту Вашингтон да ни донесат богати и просперитетни семејства, нашиот творечки потенцијал е тој којшто мораме да го покренеме, мора да го таргетираме со сите мерки на владини политики и тој да ја направи преродбата на Македонија. За тоа да го сториме ќе биде потребна сигурна и безбедна Македонија, тоа значи дека ќе мора да изградиме моќна македонска армија и моќен безбедносен систем”, рече Ристовски. Тој се заложи за помош на сите ранливи категории како што се пензионерите чии примања се пониски од 24.000 денари, како и за сопирање на брзо растечката сиромаштија со мерки и инструменти на политики за нов економски и финансиски циклус. Ристовски потенцираше дека имаат инвестициски проект за 50 илјади микро мали и средни претпријатија кои ќе бидат таргетирани со владини политики. Според него, капиталните инвестиции и субвенциите кои се нецели 700 милиони евра во буџетот на годишно ниво ќе бидат понудени на секој поединец на секое семејство, но паралелно и на државната администрација, за да се поттикне претприемачкиот дух да станат со своите проектни бизниси партнер со владата, односно ако се одлучат да ја напуштат државната администрација и сакаат да влезат во бизнис. „Оттука ако го земеме агробизнисот како еден од клучните потенцијали на Македонија, се наоѓаме во Градско каде има огромен потенцијал за земјоделство и агробизнис, не смееме да дозволиме ниту една педа земја да остане необработена и да не произведува храна. Оттука ние излегуваме со проект за 24/7 за 365 дена, секој ден во годината ќе има отворен јавен оглас, до 10 хектари во атарите на селата и над 50 хектари со задолжително преработувачки капацитети, висока финализација на храна и пијалоци, секоја педа земја ќе кора да дава храна во Македонија, се што е благослов од Бога, Сонцето, ветерот, воздухот, почвата мора да ги ставиме во функција да бидат национални стратегиски ресурси, од тука секоја педа ќе произведува храна и Македонија повеќе никогаш нема да произведува храна туку ќе стане моќен извозник на храна, и органска храна и се што компаративна предност на македонскиот аграр. Околу откупните цени на земјоделските производи, исклучиво приватно-јавно партнерство, ќе донесеме приватни инвестициски фондови, приватни агро берзи секторски ако станува збор за тутунот ќе биде приватна тутунска агро берза, ако станува збор за лозарството ќе поттикнуваме мали винарии, мали дестиларии да грозјето отиде во висока финализација да никогаш повеќе не зависат од уцените на откупувачите, значи ќе ја решиме ниската откупна цена на начин што ќе таргетираме отворен пазар по моделот на Адам Смит, таа слободна економија ќе донесе конкуренција и апсолутна квалитетот на македонските производи ќе ја качи цената, на овој начин ќе ги направи нашите фармери и земјоделци богати, рече Ристовски.Носителот на листата на Коалицијата Храбро за Македонија во ИЕ 3, Иван Николов, доктор по ветеринарна медицина, кој е со домашно и меѓународно искуство во земјоделието и преработката на храна, кажа дека само минатата година во Македонија е увезена храна во вредност од една милијарда долари, а во исто време извозот се намалува. „Ние сакаме да дадеме силна поддршка на фармерите, да дадеме решение за ниските откупни цени, кои сега се уценителни за фармерите, сакаме да ја поддржиме македонската индустрија која е извозно ориентирана како што е конзервната индустрија, кондиторската индустрија и поготово винската индустрија. Сакаме да им помогнеме на фармерите да ја обноват својата механизација да ја обновата опремата за да можат да бидат пококурентни, рече Николов....

Италијански ресторан обвини група гости, најверојатно членови на исто семејство, дека си заминале без да си ја платат сметката. Менаџерот тврди дека нарачале скапи бифтеци, двојни десерти и 15 шишиња вино, а кога дошло време да се платат работите „станале чудни“. На видеата и фотографиите, кои ресторанот ги објави на Фејсбук, се гледа дека жена, најверојатно мајка, се обидува со картичка да плати сметка од 380 евра. Плаќањето беше одбиено двапати, а вработените тврдат дека жената рекла дека нејзиниот син ќе ја чека во ресторанот додека таа „тргнала по друга картичка“, пишува Дејли мејл. Претставниците на ресторанот наведуваат дека таа не се вратила, а и момчето побегнало од местото на настанот. „Мојот син сакаше да тргне по него, но јас му реков да престане“, изјави менаџерот Тајрон Рис. Тој додава дека не успеал да стапи во контакт со групата гости бидејќи бројот со кој ја направиле резервацијата бил „лажен“. Случајот подоцна го пријавил во полиција....

“Денеска е 27 април, точно седум години од “крвавиот четврток” во македонското собрание. Слободата и демократијата што ја имаме и живееме во изминатите седум години имаат своја цена. Сите големи успеси на СДСМ и на сите прогресивни граѓани имаат висока цена, ама вредеше, некои работи не смеат да се заборават, за да не се повторат. Затоа ние остануваме со граѓаните, со сите вас кои што верувате во единствениот исправен пат за државата, во членството во Европската Унија како најцврста гаранција за сигурна и безбедна иднина. Само заедно можеме да ја оствариме таа цел, зашто е наша, заедничка”, изјави носителката во третата изборна единица, Сања Лукаревска. Лукаревска истакна дека СДСМ е голема, силна партија, која што секогаш донесувала правилни одлуки за сигурна иднина на државата. “Никогаш нема да се откажеме од нашите социјал- демократски вредности за слобода, правда, еднаквост и просперитет за сите граѓани, без поделби и раздор, без крвави сценарија. Ние веруваме во заедничка, подобра, европска иднина за сите граѓани. И на 8 мај, и по 8 мај, ќе покажеме и докажеме дека СДСМ има луѓе кои никогаш нема да отстапат од нашите вредности, ги браневме и ќе продолжиме со истата посветеност, за нас нема друг пат. Да продолжиме заедно, да покажеме одлучност, можеме, како и пред седум години, заедно со сите прогресивни граѓани за сигурна и безбедна иднина”....

Еден од катовите на зградата на аеродромот Внуково во Москва е евакуиран поради закана за бомба, соопшти полицијата. „Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот. Евакуиран е седмиот кат од зградата на управата на аеродромот. Неименуван извор изјавил за агенцијата ТАСС дека евакуацијата уследила по закана за бомба. – Се проверуваат сите простории и канцеларии – изјавил овој извор....

Во Гевгелија имав задоволство да проследам дел од државното првенство во карате за категорија од 10 до 14 години. Навистина импресивно како бројни млади деца се натпреваруваат и го градат спортскиот дух, и тоа е нешто што сакаме да го видиме во Македонија после изборите. Затоа силно ќе го поддржиме спортот. И затоа планираме секоја година дополнителни 50 милиони евра поддршка за спортот во Македонија со цел спортот да се развива, и тоа да е основата за развој на нацијата, порача Александар Николоски, потпретседател на ВМРО-ДПМНЕ и носител на изборна единица 4 кој денеска е во посета на Гевгелија, Валандово и Неготино и додаде: -Ќе инвестираме во изградба исто така и на спортски објекти, на спортски сали и на сето она кое што е потребно како спортска инфраструктура, но и поддршка на клубовите, федерациите со цел што повеќе луѓе да се занимаваат со спорт. Денеска исто така ќе посетиме неколку стопански објекти тука во Гевгелија каде што ќе ги презентираме нашите проекти, пред се поврзани со економскиот развој на Македонија, за стимулирање на домашните инвеститори, секако и привлекување на странски инвеститори. Тука е делот на намалување на даноци кои што треба да овозможи по поволна бизнис клима, стимулирање на извозот преку реструктуирање на министерствата, тука секако доаѓа формирањето на таканаречено Министерство за надворешни работи и трговија, кое што треба да се занима покрај се она што се основни обврски на Министерството за надворешни работи и со промоција на извозот од Македонија, како и привлекување на странски инвестиции во Македонија. Ќе поразговараме и за состојбите во земјоделието каде што планираме бројни проекти во следниот период и за сето она кое што е важно за граѓаните. Би сакал да искоментирам уште една работа. Ја гледаме паниката во власта, особено во политичката партија ДУИ, слушаме дека веќе интензивно размислуваат за поткуп на гласачи, да им кажам дека тоа е недозволиво, дека е законски казниво дело и дека одговорност ќе има. Да не помислуваат на таква работа, нашата цел е јасна што поголема поддршка за СДС и ДУИ да одат во опозицијата. И ние сме убедени дека граѓаните ќе ни дадат огромна поддршка за да го реализираме ова, се со цел после тоа да воведеме функционален систем на правото, економски да ја развиваме Македонија, да ги подобруваме условите во образованието, во здравството, пензиите да растат, а младите да имаат подобра иднина во Македонија....

Дополнителниот заменик министер за земјоделство, шумарство и водостопанство Цветан Трипуновски денеска е во работна посета на Кочанскиот регион и општина Чешиново-Облешево каде што оствари повеќе средби со земјоделците од овој регион, но исто така изврши и порибување на акумулацијата Градче. Денеска заедно со пратениците, градоначалникот и концесионерот извршивме порибување на акумулацијата Градче со 185 килограми подмладок на крап. Подмладокот е обезбеден од репро центарот Акватика и истиот поседува здравствен сертификат, порибувањето се изврши во присуство на инспектор од Државниот инспекторат за земјоделство. – изјави Трипуновски. Порибувањето се врши се со цел одржување на рибниот фонд во акумулациите ширум територијата на Република Македонија и овозможува одржување на водниот свет како и можност за рекреативен риболов. Зачувување на рибниот фонд во Република Македонија е еден од приоритетите на ВМРО-ДПМНЕ и во иднина ќе извршиме порибување и на останатите акумулации за да го зачуваме еко системот и рибниот фонд во Република Македонија....

Некој по 500 денари, некој по 100.000 денари, а некој по 300.000 денари. Донации за кампањите за претседателските избори пристигнувале од пратеници, градоначалници, членови на партии или пак преку сметките на партиите – парите се слевале на трансакциските сметки предвидени за изборната кампања. Мета.мк ги разгледа двата извештаја што ги поднеле седуммината кандидати за претседатели до Државниот завод за ревизија (ДЗР) – првиот кој се поднесува 11 дена од почетокот на кампањата, а вториот по 20-от ден од кампањата. Некои од кандидатите поднесувале и празни извештаи, а по завршувањето на изборите, претседателските кандидати се должни да ги поднесат и конечните детални финансиски извештаи за тоа колку пари потрошиле за кампањите што ги воделе. Според анализаta, најмногу донации за изборната кампања имала Гордана Силјановска Давкова поддржана од ВМРО-ДПМНЕ, додека најмалку имал Стево Пендаровски, поддржан од коалицијата предводена од СДСМ. Најдетални извештаи има поднесено Максим Димитриевски, кандидатот на „Движење ЗНАМ – За наша Македонија“, каде освен донациите, прикажал и колку пари потрошил за реклами на портали, телевизии, радија и билборди. За неговата кампања донирале петнаесетина физички лица – околу 750.000 денари или 12 илјади евра, а самиот Димитриевски донирал 20.000 денари. За платено политичко рекламирање Димитриевски потрошил 6.692.676 денари (околу 108 илјади евра). Тука спаѓаат емитувања преку радио, телевизија и реклами на интернет порталите. За реклами на социјалните мрежи, пак, на Фејсбук и на Инстаграм, Димитриевски потрошил 86.520 денари (околу 1.400 евра). Приходите од кампањата на Димитриевски, според двата извештаја, изнесуваат 121 илјади евра. Првиот извештај за исплатени средства на трансакциската сметка за изборна кампања на Стево Пендаровски доставен до Државниот завод за ревизија е празен, односно содржи само печат и потпис. Според вториот извештај, поднесен на 23 април годинава, три физички лица донирале за изборната кампања на Пендаровски – по 50 евра, 100 евра и едно лице околу 350 евра, со што вкупниот број донации од физички лица изнесува 31.912 денари или околу 520 евра. За кампањата на Пендаровски има донирано и една фирма, КАН Куманово – 115.000 денари, со што вкупните приходи од донации за кампањата изнесуваат 146.917 денари или околу 2.400 евра. Кандидатката за претседателка, Билјана Ванковска, поддржана од партијата „Левица“ имала приходи од донации од 1.093.995 денари (речиси 18 илјади евра) од 31 лице. Самата Ванковска на сметката за својата кампања донирала 184.300 денари. Пратениците од Левица, Димитар Апасиев и Борислав Крмов донирале по 153.250 денари. Генералната секретарка на Левица, Јована Мојсоска, пак, од својот буџет одвоила 61.200 денари за изборната кампања на Ванковска. Прилично богата е донаторската сметка на кандидатката за претседател поддржана од ВМРО-ДПМНЕ, Гордана Силјановска Давкова, за која, од сметката на ВМРО-ДПМНЕ биле префрлени пари на изборната сметка од дури 526 физички лица со што биле собрани 19.950.000 денари или над 325 илјади евра. За кампањата на Силјановска Давкова донирала пратеничката Ане Лашкоска – 150.000 денари, Соња Тарчуловска – 200.000 денари, пратеничката Дафина Стојаноска – 44.000 денари, Рашела Мизрахи – 100.000 денари, а една од најголемите суми ги има уплатено Александар Николоски – 360.000 денари. Министерот за внатрешни работи Панче Тошковски донирал 100.000 денари, додека градоначалникот на Гази Баба Бобан Стефковски – 200.000 денари. Вториот извештај кој Силјановска Давкова го поднела е празен, со тврдење дека во вторите десет дена од кампањата немало донации. Прилично празни се и извештаите на кандидатот Бујар Османи од „Европскиот фронт“ предводен од Демократската унија за интеграција (ДУИ), кој за првите 10 дена од кампањата има поднесено празен извештај, додека за вторите 10 дена е наведено дека фирмата ТДК Хак комерц донирала 185.000 денари, а преку партиската сметка на ДУИ се префрлени 4.100.000 денари, без да се наведат физичките лица кои донирале. Според ова, донациите на трансакциските сметки за изборната кампања на Османи изнесуваат околу 69 илјади евра. Кандидатот на коалицијата „Вреди“, Арбен Таравари на трансакциската сметка за изборна кампања си донирал 183.000 денари. Од партијата „Алтернатива“ биле префрлени донации од физички лица на трансакциската сметка за изборната кампања во вредност од 600.000 денари во еден наврат, а 1.800.000 денари во вториот наврат. Од Алијанса за Албанците, пак, биле префрлени 250.000 денари. Што се однесува до физичките лица, на трансакциската сметка за изборната кампања легнале донации од пет лица, кои изнесуваат 521.900 денари. Според ова, вкупниот број донации за претседателската кампања, според двата извештаја, изнесуваат 3.354.900 денари или околу 55 илјади евра. За реклама и пропаганда, според двата извештаја, Таравари потрошил 1.414.987 денари (околу 23 илјади евра), а вкупните приходи од изборната кампања изнесуваат над 700.000 евра. За кампањата на Стевчо Јакимовски, кандидатот на Граѓанска опција за Македонија (ГРОМ), донирале дваесетина луѓе, а самиот си донирал 150.000 денари. Добрила Андоновска, потпретседателка на ГРОМ донирала 100.000, а сумите на останатите лица кои донирале изнесуваат по 30.000 или по 60.000 денари. Вкупниот број на донации на изборната сметка на Јакимовски, според двата извештаја, изнесуваат 986.000 денари или околу 16 илјади евра....

Поминаа седум години од „крвавиот четврток“, датумот кој ќе остане врежан во меморијата на македонскиот народ, како датум кога земјата беше на работ на граѓанска војна поради политички каприци на една партија. Никој не помислуваше дека може да дојде до таков настан, каде што организирана толпа ќе упадне во Собранието да тепа и убави граѓански претставици во Собранието, со цел да не се испушти власта, која ВМРО-ДПМНЕ 11 години ја злоупотребуваше. 27 април 2017 година беше удар врз демократијата, граѓаните, медиумите и оние кои се избрани претставници од граѓаните. Поразот кој не можеше да се признае и прифати, ексалираше како вулкан кој не може да се сопре. Како вжештена лава која гори и покрива се пред себе, така вжештената маса тепаше и газеше се пред себе. Вжештените глави на послушниците беа исклучени од разум. Разум и свест за тоа што се случуваше не постоеше. Насилниците од крвавиот четврток, пратени да направат бунт, создадоа страшни крвави сцени исполнети со ужас. Резултатот од крвавиот упад беа 70 повредени граѓани, 22 полицајци и тројца повредени пратеници, од кои едниот беше претепан речиси до смрт. Овој крвав настаностави длабоки траги на сите присутни во собранието, кои не знаеја дали ќе излезат живи. Желбата со крв да се зачува власта беше веројатно последниот степен на лудилото на режимот на Никола Груевски, кој по навика во таквите моменти се наоѓаше надвор од државата. Тој и неговите послушници беа подготвени и на граѓанска војна, да умираат македонски граѓани, само за врхушката на ВМРО-ДПМНЕ да остане да владее. Крвавите сцени од Собранието, кои директно беа пренесувани преку телевизија беа вистински шок за граѓаните, кои во тие моменти беа загрижени за својата безбедност, но пред се за иднината на своите деца. Сега, седум години подоцна, овој датум останува како едно непријатно, вознемирувачко сеќавање за секој граѓанин, а тие кои упаднаа и кои го организираа тоа, не само што не се извинија, туку до толку не чувствуваат вина, што дури се гледаат и како бранители на Уставот и заговараат нивно ослободување....

Американската војска соопшти дека јеменските бунтовници Хути лансирале три противбродски балистички проектили врз два брода во Црвеното Море, при што лесно е оштетен британски танкер за нафта. Американската централна команда (ЦЕНКОМ) во објава на платформата Икс соопшти дека танкерот за нафта МВ Андромеда Стар е оштетен, а проектил паднал во близина на друг брод, МВ Маиша, но не го оштетил. Од ноември минатата година, Хутите напаѓаат комерцијални бродови во Црвеното Море и Аденскиот Залив со проектили и беспилотни летала во знак на, како што велат, поддршка за палестинската милитантна група Хамас во конфликтот со Израел во Појасот Газа....

Во Центарот за обука во Идризово денеска се одржа свечена промоција на нови полициски службеници – генерација 2023-2024 година. Едногодишната обука ја завршија 508 нови полицајци од кои 416 мажи и 92 жени. Техничкиот премиер Талат Џафери честитајќи им на новите припадници на полицијата посочи дека да се биде на првата линија на безбедноста е благородно и во исто време многу одговорна должност. -Знаењата и вештините што сте ги стекнале изминатава година преку интензивна обука, верувам дека како идни полициски службеници ќе ги применувате доследно во организациските единици каде што ќе бидете распоредени, рече Џафери. Ги охрабри полицајците да бидат чесни и посветени во спроведувањето на должностите кон граѓаните и горди на својата работа и професионално да се справуваат со новите предизвици на работата и да бидете подготвени за очекуваните одговори. Посочи дека овој ресор работи исклучиво во служба на граѓаните, и никако поинаку, и за полицискиот службеник, секој граѓанин е подеднакво важен, независно од личните определби, уверувања, или какви било други различности. -За професионалниот полицаец, нема помалку или повеќе важна задача. Сите граѓани се еднакво исти пред законот и имаат еднакво исто право на безбедност. Како идни полициски службеници, очекувам преку сопственото поведение и труд да покажете дека, полицијата како институција е професионална, и успешно ги остварува своите законски надлежности и задачи, рече Џафери. Министерот за внатрешни работи Панче Тошковски истакна дека полицајците ги очекува една нова етапа. -Најпрво би ви порачал секојпат да имате на ум дека секој еден од вас е креатор на сопствената среќа. Вашиот успех зависи само од вас. Вашиот успех треба да заврши само од вашата стручниост, кооперативност, добра волја, истакна Тошковски. Порача дека законот мора да се почитува, како и дека секоја добра промена почнува од поединецот, од неговиот светоглед, поведение и дејствување, а не обратно. – Секако говорам за интергритетот кој што е суштинска спротивност од подмитливоста, или поткупливоста, од лицемерието, од непочитувањето на законите или од селективната правда. Вие како млади луѓе пред кои е иднината имате право, можност, одговорност и секако обврска секој во својот домен на способности и афинитети да даде свој придонес за подобра и попросперитетна заедничка иднина, рече министерот Тошковски. Дополнителниот заменик министер за внатрешни работи Митко Бојмацалиев им честиташе успешното завршување на обуката за полициски службеници, потсетувајќи на се што претходно е направено во полицијата, меѓу другото, и на реконструкцијата на Центарот за обука во Идризово. На свеченоста беа соопштение и имињата на најдобрите полициски службеници....

Никогаш не смееме да заборавиме и да дозволиме да се повтори 27 ми април, најцрниот ден, најцрниот датум во историјата на македонската демократија. Сликите и снимките од крвавите настани, за кои на овој начин денеска пред македонското собрание потсетуваме, нека останат паметник за тоа какви последици има од десничарскиот режим на ДПМНЕ, порача Оливер Спасовски носител на ИЕ2 и додаде: -Насилници, поттикнати од ВМРО-ДПМНЕ извршија упад во Собранието, обидувајќи се да убијат пратеници, да повредат новинари и вработени во собраниските служби, да го урнат уставниот поредок. А насилници никако не се уставобранители како што Мицкоски и Силјановска ги нарекуваат. Најавите за нивно помилување се скандалозни и недозволиви и покажува дека ништо не е променето во ДПМНЕ. 27 ми април е тежок, крвав потсетник колку лесно опасна власт може да ја втурне земјата во провалија. Не смееме да заборавиме и не смееме да се откажеме од борбата за слобода, демократија, правда и правичност. СДСМ не се откажа на 27 април, нема да се откаже ниту на 8 мај. Глас на 8 ми мај за СДСМ и коалицијата е глас за слободна, демократска и европска држава....

Драмски театар од Скопје, денес на 27 април, денот на роденденот на драмскиот автор Горан Стефановски, ја востанови наградата „Горан Стефановски“ за најдобар драмски текст од млад автор до 30-годишна возраст. Од ДТС информираат дека текстот ќе се избира преку јавен конкурс, за што дополнително ќе ја информираат јавноста кога ќе биде објавен. -Преку овој чин се оддава почит и се чува споменот за Горан Стефановски и неговата улога во развојот на македонската драматургија и театар, и воедно се проширува заложбата на Драмски за афирмација на македонските млади автори и македонското драмско писмо. Стефановски како млад драмски автор со драмските дела ‘Јане Задрогаз’ и ‘Диво месо’ во соработка со Драмски постигна успеси за паметење”, велат од Драмски. ДТС ќе учествува и во Фондацијата „Горан Стефановски“ основана со одлука на УКИМ под иницијатива на Факултетот за драмски уметности (ФДУ). Горан Стефановски почина пред пет години на 66-годишна возраст....

Сојузот на синдикатите на Македонија организира протест по повод Меѓународниот ден на трудот 1 мај. Претседателот на ССМ Слободан Трендафилов во отворено писмо до јавноста посочува дека работничкото движење во Македонија е исправено пред сериозен предизвик поради, како што наведува, односот на креаторите на политиките кои покажаа дека водат грижа исклучиво за себе и за своите интереси, а не водат грижа за работниците, работничките права и работничките интереси. – Денеска, работниците во Македонија се соочуваат со се поголем притисок за нивната егзистенција поради високите трошоци за живот и ниските плати. Синдикатите покажаа дека можат напорно да работат во интерес на нивните членови и во интерес на работниците. Синдикатите покажаа дека секој сам може да постигне резултат, но имаме можност сплотени да покажеме одлучност во работничката борба, онака како што вашите и нашите членови очекуваат и онака како што работниците очекуваат од нас, наведува тој во писмото повикувајќи го членството на протест. Трендафилов посочува дека на 1 мај работниците имаат можност и шанса да покажат дека се незадоволни и дека сите тие кои претендираат да ја водат државата треба да го слушнат гласот на работниците. -Имаме можност да го покажеме нашето, работничкото незадоволство и заедно да излеземе на голем работнички протест на 1 Мај, особено поради можноста, пораките, нашите и работничките барања да ги упатиме на неколку денови пред парламентарните избори до сите тие кои претендираат да ја водат Државата. Како Претседател на Сојузот на синдикатите на Македонија ве замолувам да покажеме одлучност во борбата, борбата која е заедничка, за подобро утре и за подобри работнички права, наведува Трендафилов. На протестот очекува на ССМ да му се придружат и членови на други синдикати и граѓани. На Меѓународниот ден на трудот – 1 Мај, протестот ќе започне во 11 часот од пред Работничкиот дом до Собрание – Стопанска комора – Влада....

Сега не е момент за откажување, јас никогаш не сум се откажал, а нема да се откаже ниту СДСМ. Ова го вели носителот на листата на кандидати за пратеници на СДСМ и Коалицијата за европска иднина, д-р Венко Филипче на својот Фејсбук статус на кој информира дека денеска ги продолжува своите активности на терен и средбите со граѓаните. „Јас никогаш не се откажувам. Во најтешките моменти во мојата кариера, а такви имало многу, не сум се откажал. Ме охрабрува фактот дека активистите веќе се мобилизираат. Шансите да го поправиме изборниот резултат се добри и верувам дека тоа ќе се случи. Да ги подигнеме главите и да продолжиме да се бориме за она во што веруваме“, вели Филипче. Тој додава дека со граѓаните разговарал и за резултатот од првиот круг на претседателските избори кој, како што вели е под нивните очекувања. „Природно е да се чувствуваме обесхрабрени при ваков резултат. Но, големината на еден човек не се гледа во победите, туку во поразите. Филипче вели дека СДСМ ја примиле пораката од граѓаните и ќе се зафатат со темелни промени веднаш по изборите. „Пораката од граѓаните и од нашите поддржувачи кои не гласаа е јасна. Потребни се темелни промени со кои мора да се зафатиме веднаш после изборите. Но, сега е време за работа и воопшто не е сеедно колку пратеници ќе има СДСМ во идното Собрание. Имаме одлични кандидати кои ќе ги бранат интересите на граѓаните“, пишува Филипче на Фејсбук....

Просечната месечна исплатена бруто-плата по вработен, во февруари 2024 година, изнесува 58.967 денари. Просечната месечна исплатена нето-плата по вработен во февруари годинава изнесувала 39.276 и во однос на февруари минатата година е повисока за 16,5 отсто, објави Државниот завод за статистика. Зголемувањето се должи, пред сѐ, на зголемувањето на просечната месечна исплатена нето-плата по вработен во секторите: јавна управа и одбрана; задолжително социјално осигурување (24.9 проценти), административни и помошни услужни дејности (22,5 проценти) и уметност, забава и рекреација (20,4 проценти). Намалување на просечната месечна исплатена нето-плата по вработен, во однос на претходниот месец, е забележано во секторите: транспорт и складирање (10,1 процент), рударство и вадење на камен (7,2 проценти) и земјоделство, шумарство и рибарство (6,3 проценти)....

Или ги прифаќаш уставните измени или треба да кажеш дека не си за членство во Европската унија, тоа се двата правца, вели Зијадин Села, лидерот на Алијанса за Албанците во интервју за МИА. Во интервјуто во пресрет на парламентарните избори, Села останува на ставот дека треба прво да се донесат уставните измени, а потоа да се формира Владата. Дебатата околу уставните измени, како што посочува, е завршена и треба само да се гласа. – Откога ќе се направи новото мнозинство, треба да седнеме и да ги изгласаме уставните измени. Од формално-правен аспект немаме никаков проблем бидејки фактот дека ќе се случат избори не значи дека ќе имаме нова држава. Истата држава е и продолжуваат седниците од минатиот состав на Собранието и ние можеме да ги гласаме уставните измени. Тоа би бил условот за креирање на новата Влада, вели Села. Евроинтеграцијата останува приоритет за Алијанса за Албанците, а според Села, руската агресија во Украина донела олеснителни околности околу зачленувањето на земјите од Западен Балкан во Европската унија и како држава треба да го искористиме тој момент. – Тоа е услов. Треба да им биде јасно на сите граѓани, треба да им го кажат на сите политички актери кои одат пред нив и велат дека ако ги добиеме гласовите и мнозинството ќе го промениме договорот и.т.н. Тоа е услов – или го прифаќаш или треба да кажеш дека не си за членство во ЕУ. Тие се двата патишта. Сите политички актери кои излегуваат пред граѓаните со програма за зачленување во Европската унија треба да бидат подготвени првиот ден кога ќе се состави новиот Парламент да гласаат за уставните измени и да продолжиме. Мислам дека руската агресија во Украина донесе олеснителни околности околу зачленување во ЕУ на земјите од Западен Балкан. Ние треба да го искористиме овој момент бидејќи многу полесно ќе ни биде за да бидеме рамноправна членка на ЕУ, нагласува меѓу другото во опширното интервју Села, кој како партија очекува на претстојните парламентарни избори да освојат минимум пет пратенички места....

Народната банка, на денот на монетарната самостојност, 26 април, традиционално ја додели Годишната награда за млади истражувачи за најдобар труд од областа на макроекономијата и банкарството. Овогодишниот добитник на првата награда е младиот истражувач Никита Ристовски за неговиот труд „Економски раст поттикнат од интеграцијата: Случајот на интеграцијата на Северна Македонија во Европската Унија”. Годинава, беше доделена и втора награда за трудот „Монетарната политика и каналите на цените на средствата во контекст на регионализацијата на берзите во земјите на поранешна Југославија” на Стефан Таневски. При доделувањето на наградите, младите истражувачи остварија средба со гувернерката на Народната банка, како и со Одборот за оценување трудови, којшто го сочинуваат вицегувернерката Ана Митреска, претседател и членовите Билјана Давидовска-Стојанова, директорка и Гани Рамадани, заменик-директор во Дирекцијата за монетарна политика и истражување. На средбата со младите истражувачи беше искажана поддршка за нивниот придонес кон научноистражувачката работа. Беше истакнато дека основната цел на Народната банка за организирање на Конкурсот за Годишната награда, веќе осумнаесет години, е да се афирмираат младите истражувачи и да се даде придонес кон развојот на истражувачката дејност во земјава во областа на макроекономијата и банкарството. Во согласност со досегашната практика, наградените трудови ќе бидат презентирани на некоја од следните сесиите на Клубот на истражувачите на Народната банка, којшто служи како центар за развој на истражувачката мисла и мрежа за поврзување на истражувачите од ова поле на интерес. Пригодното одбележување на монетарната самостојност преку чинот на доделување на Годишната награда ги отсликува залагањата на Народната банка за постојано јакнење на научноистражувачката мисла во прилог на макроекономската стабилност, раст и развој. Инаку, Народната банка одбележа 32 години од монетарното осамостојување, односно од осамостојувањето како централна банка и од воведувањето на националната валута – денарот. За овие 32 години, напорите на централната банка беа насочени кон обезбедување макроекономска и финансиска стабилност, како фундаменти за економскиот раст и развој, работејќи особено на јакнењето на сопствените капацитети, односно на напредокот на човечките ресурси. Залагањата и резултатите на Народната банка во изминатите години се признаени од сите релевантни меѓународни организации, а таа е согледана како современа професионална институција, со висок кредибилитет....