Деловниот центар „Соравија“ во строгиот центар на Скопје е ставен на продажба од страна на извршител, по барање на доверител за спроведување на извршување во износ од над 930 илјади евра, објави Фокус. Овој објект беше во фокусот на јавноста поради контроверзниот процес на промена на сопственичката структура на компанијата што го поседува – „Соравиа Инвест“. Извршителот Андреја Буневски, кон крајот на март, донел заклучок за усна јавна продажба на недвижниот имот во рамките на деловниот комплекс „Соравија“. Оваа одлука е донесена врз основа на барањето за спроведување на извршување во вредност од 930.425 евра, поднесено од доверителот „Прва Инвестициона Банка“ од Софија, Бугарија. Извршувањето е засновано на извршна исправа – Солемнизација на договор за залог од 2 септември 2022 година против должникот „Соравиа Инвест“. Според заклучокот што го пренесува „Фокус“, продажбата на недвижниот имот ќе се одржи за околу дваесетина дена, односно на 24 април. Почетната вредност на објектот, утврдена со заклучок на извршителот Буневски, изнесува 1.377.978.526 денари или приближно 22,4 милиони евра. На првото јавно наддавање, објектот не може да се продаде под оваа цена. За учество на јавното наддавање, заинтересираните страни мора претходно да положат гаранција во висина од една десетина од проценетата вредност на објектот, што изнесува 137.797.853 денари или околу 2,23 милиони евра. Најповолниот понудувач ќе биде должен да ја уплати сумата во рок од 15 дена, а доколку тоа не се случи, ќе се закаже ново наддавање....

КСС и ССМ на иста маса, но не на преговори, туку на ТВ дебата. Во најновото издание на емисијата „Бизнис21“ на ТВ21 гостуваат Слободан Трендафилов, претседател на Сојузот на синдикатите на Македонија (ССМ), и Благоја Ралповски, претседател на Конфедерацијата на слободни синдикати (КСС). Тема на дебатата е зголемувањето на минималната плата, при што двајцата синдикални лидери ги изнесоа своите ставови за економската оправданост и потребата од нејзино усогласување со животните трошоци. Во текот на дискусијата, Ралповски му постави прашање на Трендафилов: „Кој е основот на 500 евра минимална плата?“ со што ја отвори дебатата за тоа дали барањето на ССМ е реално, одржливо и усогласено со економските параметри. „Пред да продолжам, едно мало појаснување ќе побарам од колегата за тоа кој е основот на онаа минимална плата од 500 евра, затоа што претходно слушавме 450, 550, 500… Само да ни го кажете основот за да имаме ние да размислиме во која насока треба да се движиме како синдикат“, рече Ралповски. На ова веднаш врати Трендафилов кој му кажа „Претседателе, не ви е улога да прашувате, туку да делувате во интерес на работниците“. Трендафилов ги образложи аргументите на ССМ, истакнувајќи дека основот е зголемените трошоци на живот. „Основот е зголемувањето на синдикалната кошница која е за 100 евра за една година поскапена, значи мене, вас, на работникот со минимална плата 100 евра му е поскапо и секој месец дополнително поскапува“, вели Трендафилов....

САД воведуваат нови реципрочни тарифи, а на листата на претседателот Доналд Трамп се најде и Македонија, за која ќе се применува царина од 33%. Оваа одлука беше објавена на настан во Белата куќа, каде Трамп ја претстави својата стратегија за заштита на американската економија. – Конечно ги ставаме Американците на прво место – изјави Трамп, истакнувајќи дека трговските дефицити повеќе не се само економски проблем, туку национална вонредна состојба. Претседателот на САД држеше табла со детални податоци за тарифите што неговата администрација ги воведува кон одредени земји. Според податоците, стапките се движат од 10% до 49%, а Македонија се најде во групата земји со значителни давачки – 33%. Инаку, размената на Македонија со САД лани изнесувала нешто над 314 милиони долари, наспроти 320,7 милиони долари во 2023 година, што значи била помала за 2,1 отсто, покажуваат податоците на Државниот завод за статистика. Притоа, извозот од Македонија во САД лани достигнал 118,2 милиони долари, што е за 2,2 пати (220 насто) повеќе од претходната 2023 година кога бил 53,6 милиони долари. Истовремено, лани од САД биле увезени производи за 195,9 милиони долари, за 26,6 отсто помалку од 2023 година кога увозот во Македонија од САД бил 267 милиони долари. Податоците од американскиот Стејт департмент, пак, покажуваат дека „електричните машини и опремата на САД беа особено привлечни за увозниците во Северна Македонија. Главниот извоз во САД е тутун, облека, железо и челик“, стои на интернет страницата на Стејт департментот. https://platform.twitter.com/embed/Tweet.html?creatorScreenName=PlusInfomk&dnt=false&embedId=twitter-widget-0&features=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%3D%3D&frame=false&hideCard=false&hideThread=false&id=1907536529943154779&lang=en&origin=https%3A%2F%2Fplusinfo.mk%2Fsad-so-novi-carini-od-33-za-makedoni-a-na-spisokot-na-tramp-se-na-de-i-nashata-zem-a%2F&sessionId=2bdea62d0e3b83da1b67d78500a254c71cb6c2ed&siteScreenName=PlusInfomk&theme=light&widgetsVersion=2615f7e52b7e0%3A1702314776716&width=550px – Во многу случаи, пријателот е полош од непријателот кога станува збор за трговијата – изјави Трамп, нагласувајќи дека САД долго време субвенционирале многу економии, вклучувајќи ги и традиционалните трговски партнери како Канада и Мексико. Иако Трамп најави дека тарифите ќе бидат реципрочни, односно ќе ги одразуваат трговските политики на другите земји, тој сепак потенцираше: „Ова не е целосно реципрочно, тоа е љубезно реципрочно“. Останува да се види како Македонија ќе одговори на новите царински давачки и какво влијание ова ќе има врз трговијата меѓу двете земји....

Претседателката Гордана Сиљановска-Давкова денеска прими родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2 април – светскиот ден за подигање на свеста за аутизмот. На средбата, родителите истакнаа дека сè уште се сами во борбата за подобрување на животот на своите чеда. Отсуствува системско решавање на проблемите. Родителот, велат тие, нема никаква поддршка. Има многу малку лични асистенти кои им помагаат, тешкиот товар паѓа на нив и затоа дел од нив не работат. Истовремено, поради отсуство на емпатија, секојдневно се соочуваат со чудни погледи и стигматизација на нивните деца. Најболно и најстрашно за нив, истакнуваат, е кога ќе помислат кој ќе се грижи за детето по нивната смрт. Слушајќи ги проблемите со кои се соочуваат родителите, претседателката потенцираше дека децата треба да ни се најважни, бидејќи, како што рече, „убедена сум дека секое дете може да дојде до израз ако му се даде шанса“. Таа, во волонтерството препознава едно од можните решенија на проблемот. По примерот на САД и многу други држави, учениците, средношколци и студентите, како волонтери би добивале поени што ќе се земаат предвид при евалуацијата. „Да дадеш нешто, без да бараш ништо за возврат, тоа е едноставно љубов“, смета таа. Уште еден голем проблем на којшто посочија родителите е отсуството на разбирање и прифаќање, за жал, не се разговара ниту во семејството. Децата уште од градинка треба да учат дека некои нивни врсници се поразлични од нив и да ги прифатат како такви. Само на тој начин ќе се развие инклузивната свесност, велат родителите. Во оваа насока претседателката се заложи за креирање интегрално решение, коешто ќе вклучи измени не само во законите за основно и за средно образование, туку и во други закони каде посебен дел ќе им биде посветен на децата со попреченост. „На тие деца им е потребно да учествуваат во социјалниот живот, а не да бидат оставени на маргините на општеството“, заклучи таа. Час поскоро треба да се обезбеди простор за Центарот за аутизам во Тетово, со оглед на веќе пристигнатата бугарска донација. Од здружението „Во мојот свет“ укажаа дека забрзано расте бројот на лица со аутизам, од 2000 година до сега, пораснал за 317%. Поради недостиг на национален регистар, според статистиката на ЕУ и на СЗО, се претпоставува дека во земјава има од 15 до 20 000 лица со аутистичен спектар на нарушување кои нестрпливо очекуваат разбирање и помош....

Царините што Доналд Трамп ќе ги воведе ќе имаат негативни последици ширум светот, предупреди претседателката на Европската централна банка Кристин Лагард. Лагард рече дека обемот на штетата ќе зависи од тоа колку ќе бидат обемни царините, колку долго ќе траат и дали ќе доведат до успешни преговори. – Да не заборавиме дека ескалацијата на царините, бидејќи тие често се штетни дури и за оние кои ги воведуваат, честопати доведува до преговарачки маси каде што луѓето всушност седнуваат, разговараат и на крајот отстрануваат некои од тие бариери – изјави Лагард за ирската радио станица Њузток (Newstalk). epa11886673 European Central Bank (ECB) President Christine Lagarde speaks on the European Central Bank’s annual report 2024 during a plenary session of the European Parliament in Strasbourg, France, 10 February 2025. Lagarde said that the euro area economy saw a modest growth last year. EPA-EFE/RONALD WITTEK Американскиот претседател Доналд Трамп на својата платформа „Truth Social“ претходно напиша „Денеска е ден на ослободувањето во Америка!“ Трамп го прогласи денешниот датум – 2 април како „Ден на ослободувањето“, тврдејќи дека најавата за царини ќе ги ослободи САД од зависноста од странска стока. Сè уште не се познати сите детали од неговата објава, која треба да биде објавена во Белата куќа во 16 часот по локално време (22 часот по македонско време), но се очекува тоа да има глобални последици....

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство Охрид поднесе кривична пријава против А.М., полициски службеник при СВР Охрид, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурзори “. Во временскиот период кога полицискиот службеник А.М. извршувал работни задачи на обезбедување на вила Бела (поранешна вила Македонија), сопственост на Министерството за внатрешни работи, од страна на вработени во Одделот за внатрешна контрола, криминалистички истраги и професионални стандарди бил извршен преглед врз А.М. и работната просторија- стражарската куќарка. Во работната просторија, на работната маса била затекната метална лажица во која имало бела прашкаста материја, хартиена салфетка во која имало бела прашкаста материја и мало пластично шише со нн течност, со импровизирана цевка од банкнота од 10 денари, затворено со алуминиумска фолија на отворот на шишето, на која имало остатоци од нн материја. Од страна на вработени од Одделот за внатрешна контрола, криминалистички истраги и професионални стандарди А.М. бил известен за потребата од испитување за присуство на матаболити од наркотични средства во урината во Институтот за судска медицина во Скопје. Од страна на доктор на Итна медицинска помош Охрид било утврдено дека А.М. е во добра општа состојба и може да патува во Скопје, но истиот одбил да соработува со вработените на Одделот и да се подложи на испитување. Против А.М. од страна на Одделот за внатрешна контрола, криминалистички истраги и професионални стандарди веќе е покрената дисциплинска постапка и задолжителна мерка за отстранување од работното место- суспензија од работното место....

Воведувањето на електронскиот индекс не е само техничка промена – туку суштински чекор кон поедноставен административен тек и подобра достапност на информации за сите студенти, велат студентите. На иницијатива на Универзитетското студентско собрание на УКИМ е направена значајна измена во Правилникот за содржината и формата на дипломата, упатството за подготовка на додаток на дипломата и на другите јавни исправи, објавена во Службен весник на РСМ, бр. 67 од 28.3.2025 година. Оваа измена овозможува воведување електронскиот индекс, надминувајќи ја долгогодишната административна пречка која го попречуваше овој процес. На иницијатива на УСС-УКИМ беше поднесено барање до Министерството за образование и наука за ревидирање на регулативата, со што се отвори патот кон модернизација на академската администрација. Со ова, студентите во Македонија ќе добијат поефикасен и транспарентен образовен систем, ослободен од непотребни бирократски процедури. Долгите редици пред студентските служби и употребата на хартиени индекси наскоро ќе бидат минато. – Како студентски претставници, остануваме посветени на унапредување на студентските права и модернизација на академските процеси. Воведувањето на електронскиот индекс не е само техничка промена – туку суштински чекор кон поедноставен административен тек и подобра достапност на информации за сите студенти. Оваа реформа е важна за целата академска заедница – велат студентите....

Синдикатите одржаа јавна седница среде улица, со три точки на дневниот ред- да „не може да има за пратениците а да нема за работниците“, втората точка гласеше „подадената рака од работникот денес-може да стане стисната тупаница утре“,и третата точка беше упатена до Владата да „не може да се одлучува за работниците без работниците“. „Го ставам дневниот ред на гласање кој е за, ви благодарам за усвоениот дневен ред“, рече првиот синдикалец, Трендафилов. Пред Собранието, каде маршот продолжи синдикалците изгласаа одлука за намаување на луксузните пратенички плати на минималец се додека не се зголемат и работничките плати. „Синдикатите едногласно ви донесоа одлука, да си ги намалите вашите луксузни пратенички плати на минимална плата, се додека не ги зголемите работничките плати. За крај имам лично прашање, Бране на работа е или не е?“, рече Трендафилов. Маршот продолжи кон Стопанската комора од каде се побара од работодавците да ги зголемат минималните плати за да не бидат најголемите виновници за иселувањето на младите и работниците од Македонија. Министерот за економија, пак, рече дека одлуката ја потпишал според Законот за минимална плата, а мислење од економско-социјалниот совет немало зашто синдикатите се уште немаат репрезентативност. Од Владата апелираа до синдикатот да не ја злоупотребуваат ситуацијата во државата и обвинија дека протестот има партиска позадина. Во соопштението до медиумите наведуваат дека тие биле против кога се зголемувале платите на функционерите но синдикатот тогаш молчел, како што молчел цело време додека СДСМ биле на власт....

Премиерот Христијан Мицкоски и лидерот на опозициската СДСМ Венко Филипче утре во 14 часот ќе имаат средба во Владата. Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче, посочуваат од Владата. Во изјава за медиумите во Штип, Мицкоски искажа подготвеност за средба со Филипче, кој денеска повика на политички и општествен дијалог. Филипче на прес-конференција рече дека по трагедијата во Кочани граѓаните реагираа со револт и бес, системот не функционира како што треба, а за тоа вина, како што посочи, имаат сите политички партии. Областите каде што треба системски пристап, според Филипче се – образование, здравство, правосудство, животна средина, партизација и политизација. Премиерот Мицкоски, пак, кажа дека ова е сериозна тема за која се разговара. Доколку има план како што најавија, подготвен сум да го примам на средба пртседателот на СДСМ да го образложи планот, да го слушнеме планот бидејќи се сериозни времиња, јас сум сериозен човек, сериозни работи се во прашање и најмалку што треба да се прави е естрада на јавна сцена. Доколку навистина има план и желба да помогне стојам на располагање во секое време ќе го прераспределам мојот распоред, на полноќ на полноќ, после полноќ, кога ќе каже тогаш да го сослушам неговиот план и да видиме дали во тој план може нешто да се реши. Но, доколку планот опфаќа пристап „Стабри“, како што беше во минатото за време на короната тогаш такви планови не можам да прифатам, изјави Мицкоски....

На 27 април во Варна ќе се одигра хуманитарен фудбалски натпревар меѓу ветераните од Бугарија и од Македонија, организиран од бугарската Фондација „Национали 94“ и Општина Варна, а собраните средства ќе бидат наменети за лекување на настраданите во трагичниот пожар во дискотеката во Кочани. Македонскиот тим од фудбалски легенди ќе го предводи Горан Пандев, а бугарскиот ќе го сочинуваат Христо Стоичков, Јордан Лечков, Емил Костадинов, Наско Сираков, Красимир Балаков, Ивајло Јорданов и други членови на златната генерација што ја одведе Бугарија до четвртото место на Светското првенство 1994 во САД. „Национали 94“ (Репрезентативци ’94 – н.з.) веднаш по трагедијата во Кочани изразија сочувство, а најголемата фудбалска ѕвезда на Бугарија на сите времиња Стоичков на Фејсбук објави: „Очите ми се полнат со солзи кога читам и гледам вести! Господ нека е со Северна Македонија!“....

Водечкиот индекс на Македонија (МБИ 10) продолжи со највисок раст во регионот на Централна и Источна Европа на крајот на март годинава во споредба и со претходниот месец, и со март 2024 година. Во март МБИ 10 се зголеми за 55,04 проценти во однос на февруари, втор е чешкиот индекс РХ со зголемување од 43,28 отсто, а трет словенечкиот СБИТОП со раст од 43,19 отсто. Наведените три индеска бележат и најголем годишен раст во регионот соодветно: МБИ10 со 49,4 проценти, РХ со 39,87 отсто и СБИТОП со 37,5 отсто. Од земјите во опкружувањето српскиот индекс БЕЛЕКС на годишно ниво бележи раст од 25,01 проценти, хрватскиот КРОБЕКС од 21,04 отсто, грчкиот АТГ од 18,28 отсто, бугарскиот СОФИКС од 14,60 отсто, романскиот БЕТ од 10,32 отсто и турскиот БИСТ 100 од 5,07 отсто. Берзанскиот индекс на Босна и Херцеговина БИРС е меѓу четирите во регионот со пад, и тоа од 9,00 проценти, заедно со словачкиот САКС од 7,38 отсто, рускиот МОЕКС од 7,47 отсто и летонскиот ОМЕКС Рига со рекордни 34,42 отсто....

Судијата Илија Трпков покажа пристраност кон Дејан Давидовски Дешо и не може да го суди предметот против него за собраниските настани од 27 април, смета неговата одбрана. Давидовски кој доби политички азил во Шведска заради политички прогон во времето на владата на Заев, за што проценка даде шведскиот врховен суд, пред неколку месеци се врати во Македонија и сега започна судскиот процес против него. Одбраната побара изземање на судијата, бидејќи во минатото веќе го искажал својот став токму околу Давидовски. Неговиот адвокат Тони Менкиноски, вели дека Трпков е инфициран кога е во прашање овој случај. -Денеска судијата беше зачуден, но ние му доставивме докази, му доставивме ЦД снимка и на УСБ, во која очигледно се гледа дека тој е инфициран и има заземено став во врска со овој предмет кој денеска треба да го суди, а е пристрасен, изјави Менкиноски. Одбраната изрази надеж дека Кривичниот суд ќе го прифати нивното барање. Според нив Трпков веќе постапувал во предметот „Организатори на 27 април“ и веќе се обидел да осуди лица за кривичното дело Терористичко загрозување на уставниот поредок и безбедноста. Велат дека ова создава сомнеж за негова пристрасност и не дава никаква гаранција за фер постапка за обвинетиот. -Еден предмет каде што шведскиот Врховен суд има одлучено дека се работи за политички азил, значи се работи за постапка која претходена на постапката во Македонија, значи дал негативно мислење и смета дека одлуката за која се товари не е тероризам, изјави Менкиноски. Судијата Трпков во своето образложение при одлуката за амнестија на обвинетите за случајот „Организатори на 27 април“, даде свој личен став околу статусот на Давидовски за овој предмет, со што јасно се доведува во прашање неговата непристраност. -Каков ќе беше одговорот на системот ако вакви настани со тепање на парламентарци, кршење и демолирање се случеше во Парламентот на Шведска и на Грција. Можеме само да замислиме, но сигурно без разлика дали ќе беше третиран како терористичко загрозување на нивниот систем, одговорот ќе беше брз, експедитивен и ќе имаше судска завршница, кажа судијата Трпков на 23-ти јануари годинава. Шведскиот Врховен суд пред неколку години не го прифати барањето на македонските власти да го испорача Дејан Давидовски Дешо, со образложение дека тој е жртва на политички прогон, бидејќи наместо за протест, обвинет е за тероризам, потсетува Алфа ТВ....

Премиерот Христијан Мицкоски изјави дека владината коалиција е стабилна, а препукувањето помеѓу пратеникот од ВМРО-ДПМЕ Антонијо Милошоски и министерот за правда Игор Филков според него, ќе застане, на овие два лични ставови. – Владината коалиција е стабилна. Пратеникот Антонио Милошоски е член на Извршниот комитет на партијата и тој е дел од мојот најблизок периметар. Соработката со него ја оценувам на највисоко ниво. Од друга страна, знам со какви проблеми се соочува министерот Филков, знам каква состојба затекна во Министерството за правда, континуирано на дневна основа соработуваме во делот на реформите, кои се многу важни посебно во секторот правда. Но, она што можев да го заклучам, а убеден сум дека сето ова ќе застане на овие два лични ставови е дека секој има право на лош ден, па така јас мислам дека тој лош ден и за едниот и за другиот завршува. Граѓаните да бидат спокојни, Владата е стабилна – порача премиерот. Прашан дали има проблеми со коалицијата Вреди во која е министерот за здравство Арбен Тараври кој предвои едно од крилата во Алијанса за Албанците, рече дека нема такво чувство и оти имаат исклучителна соработка....

Сојузот на средношколци информираше дека Министерството за образование и наука и Државниот испитен центар го прифатиле нивното барање државната матура да се полага во училишните простории наместо во амфитеатрите на факултетите. Согласно оваа одлука, како што е наведено во соопштението на Сојузот на средношколци, матурантите ќе полагаат во своите училишта, под услов тие да ги исполнуваат потребните стандарди за спроведување на испитите. „За училиштата кои не ги исполнуваат овие услови, Државниот испитен центар ќе овозможи алтернативни простории врз основа на доставени барања од страна на засегнатите училишта“, информираше Сојузот на средношколци....

Драган Милосављевиќ -сериозен. https://off.net.mk/net-roulette/lokalno/dragan-dobar-i-vaka-i-onaka Драган Милосављевиќ – несериозен. Преземено од Офф.нет....

Зошто криптовалутите се значаен предизвик за развој на индустријата? Како македонските граѓаните да можат да вложат во крипто-пазарот кој претставува алтернатива на традиционалните модели на штедење? Како да се помогне во пружањето поддршка во процесот на едукација и советување, со цел да се воспостават соодветни правни регулативи во земјава? За овие, а и за многу други прашања ќе може да се слушне и да се дебатира на претстојниот собир на заедницата во Скопје организиран од водечката светска берза за размена на криптовалути Binance, настан кој претставува уникатна можност членовите на крипто-заедницата да се сретнат со претставници на Binance, да ги истражат најновите трендови во индустријата и да разговараат за иднината на дигиталните средства, и во регионот и на глобално ниво. Собирот за вмрежување ќе се одржи на 3 април 2025 година (четврток), од17:00 до 21:00 часот во Хотел Мериот, во Скопје. Станува збор за уникатен настан каде што сите заинтересирани ќе можат одблиску да се запознаат со најновите иницијативи на Binance и да разговараат со експертите и членовите на крипто-заедницата. Воведната сесија ќе ја претстави Сандро Слукан, маркетинг лидер во Binance кој исто така ќе говори и за Binance Alpha 2.0. Свое обраќање на конференцијата ќе има и Полина Бротиер, маркетинг менаџер во Binance, која ќе зборува за екосистемот на Binance, а присутните ќе имаат можност да се запознаат и со Binance Affiliate и Binance Angels програмата, да учествуваат во интерактивни игри и да освојат награди. Предвидени се и панел дискусии и можност на новинарите да поставуваат прашања и да направат интервјуа со претставниците од водечката светска берза за размена на криптовалути. Во прилог агендата на настанот: 17:00 – 18:00 Пријавување 18:00 – 18.15 Воведна сесија, Сандро Слукан, маркетинг лидер во Binance 18:15 – 18:35 Екосистемот на Binance, Полина Бротиер, маркетинг менаџер во Binance 18:35 – 18.45 Binance Alpha 2.0, Сандро Слукан 18:45 – 18:55 Binance Affiliate програма, Мишико Чарквиани 18:55 – 19:10 Binance Angels програма 19:10 – 19:40 Панел дискусија (прашања и одговори) 19:40 – 20:00 Кahoot и доделување награди 20:00 – 21.00 Коктел, вмрежување и интерактивни игри Учеството на настанот е бесплатно, но регистрацијата е задолжителна. Б идејќи просторот е ограничен, влезот ќе биде одобрен по принципот „прв дојден прв услужен“ само за оние кои набавиле билети. Регистрација: Линк За Binance.com Binance е водечки глобален блокчејн екосистем зад најголемата светска размена на криптовалути по обем на тргување и регистрирани корисници. Довербата на Binance му ја пружаат повеќе од 230 милиони луѓе во повеќе од 100 земји поради неговата водечка улога во безбедноста, транспарентноста, брзината на тргување, заштитата за инвеститорите и неспоредливото портфолио на производи и понуди на дигитални средства, од трговија и финансии до образование, истражување, социјални добра, плаќања, институционални услуги и карактеристики на Web3. Binance е посветен на изградба на инклузивен крипто екосистем за зголемување на слободата на пари и финансиски пристап до луѓето ширум светот со криптото како основно средство. За повеќе информации, посетете ја веб-страницата на Binance....

Претседателката Гордана Сиљановска Давкова присуствувала на промоција на интересно научно дело со кое отворени македонските порти за космичкото право, област која ретко која земја на светот може да се пофали со научни достигнувања. ,,Со задоволство учествував во промоцијата на книгата „Инструменти на меѓународното космичко право“ на Правниот факултет „Јустинијан Први“, вистинско место корпусот на космичкото право да биде обзнанет на македонски јазик. Неподелено е мислењето дека се работи за извонредно вреден труд, систематизиран во четири дела: првиот, посветен на договорите на ОН за проучувањето и ползувањето на космичкото пространство за мирољубиви цели; вториот ги обработува начелата усвоени од Генералното собрание; третиот ги покрива релевантните резолуции на ОН и четвртиот, што вклучува други документи”, објави претседателката Гордана Сиљановска Давкова. Првиот дел од селото ги инкорпорира петте основни договори на меѓународното право, од првиот во 1967 „Договорот за начелата со коишто се уредуваат активноститите на државите при истражувањето и употребата на космичкото пространство, вклучувајќи ја Месечината и другите небески тела“ до петтиот, донесен во 1979 „Договорот со кој се уредуваат активностите на државите на Месечината и другите небесни тела“. ,,Неподелен беше ставот дека м-р Александар Ташковски и студентите-ентузијасти околу него, но и колешките и колегите – професори: главната промоторка проф. д-р Каролина Ристова-Астеруд, Правен факултет „Јустинијан Први“ и Универзитет во Абердин и промоторите проф. д-р Христина Спасевска, Факултет за електротехника и информациски технологии (ФЕИТ); проф. д-р Ивица Милевски, Природно-математички факултет (ПМФ) и проф. д-р Весна Мојсова-Чепишевска, Филолошки факултет „Блаже Конески“ успешно ги отворија македонските порти за космичкото право. Се разбира, мене ми преостана да повикам на почитување на космичкото право кое е мирољубиво и насочено кон добродетелски цели”, се цели во објавата на претседателката Гордана Сиљановска Давкова....

Советот на јавни обвинители даде негативно мислење по предлогот на Владата за разрешување на државниот јавен обвинител Љупчо Коцевски. За прифаќање на предлогот гласаа тројца, додека шест члена гласа против. Претседателката на Советот на јавни обвинители Душица Димитриеска, рече дека со оглед дека Советот одлуките ги носи со мнозинство, мнозинството дадоа негативно мислење. За прифаќање на предлогот на Владата за разрешување на Коцевски гласаа Кети Петкова, Ардиан Демири и Марјана Илиевска. Советот на јавни обвинители претходно денеска ја исклучи јавноста од точката за разгледување на предлогот за разрешување на државниот јавен обвинител Љупчо Коцевски. Предлогот за разрешување на Љупчо Коцевски пред Советот на јавни обвинители...

Владата во Будимпешта планира привремено да им го одземе унгарското државјанство на грѓаните кои имаат двојно државјанство, според законот поднесен до парламентот од партијата на премиерот Виктор Орбан. Предложената мерка, која се очекува да помине без тешкотии, е насочена кон поединци за кои властите сметаат дека претставуваат закана за државата. Критичарите сметаат дека законот е алатка за замолчување на противниците на владата. Во нацртот се наведува дека државјанството може да им биде одземено само на оние чие второ државјанство не е во земја членка на ЕУ или во Швајцарија, Лихтенштајн, Норвешка и Исланд. Државјанството може да се одземе ако некое лице дејствува во интерес на друга држава или странска организација или претставува закана за унгарскиот јавен ред или безбедност. Се предлага да се одземе државјанството за најмногу 10 години. Законот може да влијае на поединци како што се унгарските граѓани и американските државјани вработени во организациите за човекови права. Орбан со години користи репресивни методи против критичарите и независните граѓански организации, честопати оправдувајќи ја оваа постапка со тврдењето дека поединци и групи критички настроени кон власта ги претставуваат странските интереси, пишува ДПА....

До 31 март од ХРТ си заминале 333 вработени кои потпишале спогодбен раскин на договорот за вработување врз основа на Одлуката за условите и висината на отпремнината, која во јануари ја донесе генералниот директор Роберт Швеб, а се применуваше до последниот ден од март, јавува Индекс.хр. Со одлуката за условите и висината на отпремнините донесени од генералниот директор Роберт Швеб на почетокот на јануари се утврдени условите и висината на отпремнините за вработените во ХРТ, во случај на „раскинување на договорот за вработување во периодот до 31 март 2025 година, со цел оптимизирање на работењето на ХРТ“. Како што е наведено во тој документ, максималниот износ на отпремнина не можел да биде поголем од 90.000 евра бруто по работник, а работниците кои ги исполнуваат условите за стекнување право на отпремнина ги определил работодавачот. Критериумите за тоа беа дека не е неопходно да се замени работникот со ангажирање на друг работник надвор од ХРТ, минимален стаж во ХРТ од пет години и дека има најмалку 24 месеци до навршување на 65 години. Во образложението на одлуката се наведува и дека „со цел рационализација на оперативните трошоци на Хрватската радио-телевизија, Владата на Република Хрватска на ХРТ му обезбедила финансиски средства во износ од 28 милиони евра во државниот буџет, а ХРТ одлучила да обезбеди отпремнина за работниците кои ги исполнуваат условите“. На три дена пред истекот на рокот за спогодбен раскин на договорот за вработување синдикати одржаа состанок на работниците на кои порачаа дека се против спроведувањето на планот за консолидација и дека се подготвени да го бранат јавниот сервис. „Денес сме тука да им кажеме збогум на повеќе од 300 луѓе кои заминаа, не затоа што имаат каде да одат или имаат подобра работа, туку затоа што повеќе не можат да ја издржат оваа неизвесност, малтретирање, отсуството на визија за тоа што треба да биде јавен медиумски сервис“, рече Маја Север, новинарка на ХРТ и претседател на Европската федерација на новинари и хрватски новинари (EFJ)....

„Сите сакаме 500 евра минимална плата, но она што требаше да го направиме како конфедерација – го направивме во овие девет месеци и работите се тргнати од нула“ изјави Благоја Ралповски кој доаѓа од Конфедерација на слободни синдикати (КСС) утрово гостуваше во студиото на Радио Лидер. За денешниот протест најавен од ССМ тој смета дека има нереални параметри и барања. „Протестот е легитимно право на секој, особено на синдикалците. Секогаш е добро да се протестира, но треба да се има реални параметри и барања“ вели Ралповски. Тој раскажа дека во претходните се протестираше затоа што се кршеа законите, се кршеа колективните договори, затоа што имаше сериозен притисок… „Бевме по полиции, министерката Мила Царовска ме апсеше под изговор дека сум снимал разговор. Сериозни притисоци имавме низ годините“, вели Ралповски за Радио Лидер. Повод за гостувањето на Ралповски утрово беше протестот на ССМ кој треба да започне во 12 часот и пет минути и на кој се повикува членството да го изрази своето незадоволство од ниските плати, но и поради односот на Владата во пристапување на решавање на проблемот околу зголемување на минималецот, барајќи 500 евра минимална плата....

Американските власти им сугерирале на европските сојузници дека сакаат тие да продолжат да купуваат оружје од американско производство. Ова доаѓа по неодамнешните најави на Европската унија да го ограничи учеството на американските производители на тендерите за оружје, изјавија пет извори запознаени со ова прашање за за Ројтерс. Пораките испратени од Вашингтон во последните недели доаѓаат кога ЕУ презема чекори за зајакнување на европската индустрија за оружје, истовремено ограничувајќи го потенцијално купувањето на одредени видови американско оружје. Планот наречен ReArm Europe, вклучува можност за заеми од 150 милијарди евра за заеднички европски одбранбени проекти. Дел од мерките предвидуваат ограничување на пристапот на компании кои не се членки на ЕУ – вклучувајќи ги и американските и британските – до финансирањето од програмата. На 25 март, американскиот државен секретар Марко Рубио им рече на министрите за надворешни работи на Литванија, Латвија и Естонија дека Вашингтон негативно гледа на можното исклучување на американските компании од европските аукции на оружје. Според два од изворите, Рубио нагласил дека таквото исклучување ќе биде сфатено како непожелно од САД. Портпаролот на Стејт департментот додаде дека претседателот Доналд Трамп ги поздравил напорите на Европа за зајакнување на нејзините одбранбени капацитети, но предупреди да не се градат бариери што ги затвораат американските производители од европските проекти. „Трансатлантската индустриска соработка ја прави Алијансата посилна“, е оценката на Вачингтон. Зад сцената, сепак, тензијата е опиплива. Повиците на Трамп до Европа да ги зголеми своите воени трошоци и да преземе поголема одговорност за сопствената безбедност се во спротивност со економската цел на неговата администрација да отвори повеќе странски пазари за американската индустрија за оружје. Неколку извори забележаа дека притисокот од САД е зголемен во последниве недели, бидејќи ЕУ стана понаметлива во својата потрага по автономија на одбраната....

Адвокатот на обвинетиот Влатко Кешишев, Игор Ефремов, пред почнувањето на денешното рочиште за убиствата на Вања и Панче, побара да биде отстранет Љупчо Палевски зашто неговиот клиент Кешишев – се плашел да сведочи пред првообвинетиот. Во прилог на тоа адвокатот нагласи дека Палчо на неговиот клиент му давал некави ливчиња да ги потпише во негово име. На ова се спротистави самиот Палевски. „Ова се лаги, посебно тоа дека сум давал писма и изјави кои треба да се препишат во негово име. Може да биде свртен и со грб но битно ми е да слушам што ќе изјави“, рече Палевски. Палевски, пак реагираше дека Кешишев се служи во невистини. „Изнесува факти кои не постојат. Заборави да приложи писмо или пишана изјава од мене со која сум го терал Кешишев да ја потпише. Ова е вторпат пред судот да изнесува лаги, без притоа да приложи било каков доказ дека јас сум давал искази/писма кои требало да се препишат во име на обвинетиот. И затоа го молам судот да бидам присутен, бидејќи на претходните испрашувања не добив ниту еден укор дека сум прекинувал или влијаел на процеси на давање на исказ на обвинетите. Може и со грб кон мене да биде свртен, мене не ми е важно да слушнам што ќе каже“, рече Палчо. Судијата Ивица Стефановски прифати Палевски да биде отстранет од ова рочиште, затоа што, како што рече, постои можност сведокот во негово име да не ја говори вистината. Што ќе открие обвинетиот Кешишев за убиствата на Вања и Панче...

Студентите кои ќе ја искористат можноста за рани уписи на Хајделберг факултетот во Скопје, добиваат 600 евра попуст на вкупната школарина. Дополнителни 600 евра попуст се добиваат на вкупната школарина за однапред извршена уплата за првата година. Факултетот Хајделберг од Скопје е единствената образовна институција во која се добива посебно германска диплома. Студирањето овозможува дуален пристап во високото образование, преку комбинација на студии во Македонија и еден семестар во Германија. Преку овој комбиниран модел студентите се стекнуваат со двојна диплома од високообразовните институции во двете држави. Уникатниот модел на Хајделберг обезбедува врвно образование според меѓународни стандарди, а во ваквата едукативна програма студентите ги користат придобивките од двата образовни системи, со посебен акцент на германското искуство во завршната година од студиите. Идните студенти може да бираат меѓу две студиски програми – Бизнис администрација и Податоци и компјутерски науки. Раните уписи се во март и април, а официјалните уписи започнуваат во мај. За повеќе информации и за начинот на пријавување, може да се посети веб- страницата на Хајделберг, а идните академски граѓани можат да се информираат и на телефонскиот број 070 355 656 или преку електронската пошта info@heidelberg.edu.mk....

На мажите во Грција ќе им биде забрането да имаат деца од сурогат мајки доколку се сами или се во врска со личност од ист пол, објави грчкиот министер за правда, цитиран од Асошиејтед прес. Јоргос Флоридис истакна дека предложените измени наскоро ќе бидат ставени на маса во парламентот како дел од пошироката реформа на граѓанскиот законик. Грција ќе ги легализира истополовите бракови во 2024 година Стана првата православна земја што го стори тоа. На законот за еднаквост на бракот се спротивставија Грчката православна црква и конзервативните групи. Парламентот одобри граѓански партнерства за геј парови во 2015 година....

Ова го соопшти израелскиот министер за одбрана Израел Кац, според кој големи области на енклавата ќе бидат заземени и вклучени во безбедносните зони на Израел, пренесува Ројтерс. Во изјавата министерот посочи дека ќе се изврши голема евакуација на населението од областите на воените дејствија. Тој ги повика жителите на Газа да го елиминираат Хамас и да ги вратат израелските заложници како единствен начин да се стави крај на војната. Кац не прецизираше точно колкава територија има намера да припои кон израелските безбедносни зони. Израел веќе воспостави значајна тампон зона во Газа, вклучително и во таканаречениот коридор Нецарим, кој минува низ централниот дел на енклавата. Во меѓувреме, израелските лидери рекоа дека планираат да го олеснат „доброволниот егзодус“ на Палестинците од Газа, идеја поддржана од американскиот претседател Доналд Трамп, кој предложи територијата да се претвори во одморалиште под контрола на САД. Израел ги продолжи воздушните напади и копнената операција во Газа овој месец, по двомесечно релативно затишје што следеше по размената на заложници и заробеници со посредство на САД меѓу Израел и Хамас. Меѓународните напори за продолжување на преговорите со посредство на Катар и Египет досега пропаднаа. Израелскиот премиер Бенјамин Нетанјаху рече дека примената на воен притисок останува најдобриот начин за ослободување на преостанатите 59 израелски заложници....

Четвртообвинетиот за грабнувањата и за свирепите убиства на 74-годишниот Панче Жежовски и на 14-годишната Вања Ѓорчевска, Влатко Кешишев денеска во Кривичниот суд во Скопје го дава својот исказ за страшните злосторства извршени на 22 и на 27 ноември 2023 година. Првообвинет за убиствата е Љупчо Палевски Палчо од Скопје, поранешен претседател на Десна, а им се суди и на сопартијците Велибор Манев и Боре Видевски, двајцата од Велес. На таткото Александар Ѓорчевски му се суди за помагање во грабнувањето на неговата ќерка Вања. Кешишев е единствениот од обвинетите што покажал трошка совест по свирепите убиства, потсетува Плусинфо. Кога дошла полицијата во седиштето на Десна на 2 декември, следејќи ги трагите на „рено кангу“ Кешишев самоиницијативно ги однел до околината на Бразда и прво им го покажал местото каде го запалиле „цитроенот“ на Панче. Велел дека „Палчо ќе го убие поради ова“. Коментирал дека и тој е лош човек, нечовек, и по подолго кршење во себе на инспекторите Музафер Каришиќ и Дејан Димовски им го покажал и местото каде што ја закопале Вања. „Таму е маленкото што го барате“, им рекол. Кешишев во истрагата ги посочил сите останати обвинети. Прво на инспекторите уште кога дошле во партијата им го споменал Велибор Манев, по што Манев беше приведен. Кога ги однел инспекторите кај телото на Вања им рекол дека во грабнувањата учествувал и Боре каратистот од Велес. Кога го прашале кој пукал во детето, рекол – Палчо....

Според поранешниот политичар и актуелен аналитичар, Имер Селмани, доколку ВРЕДИ на локалните избори оди со посебни листи за советници, тока ќе биде погубно за коалицијата сокоја ја сочинуваат Алијанса на Албанците, Беса, Алтернатива и Демократското движење. Поранешниот министер и нкандидат за претседател на Македонија е дециден дека опцијата за поединечни листи за советниците на локалните избори на секоја од партиите не може да донесе подобар резултат затоа што резултатот на ВРЕДИ на минатите парламентарни избори се должеше на заедничкиот настап. „Настапот на коалицијата поединечно како партии, уште на старт ги става во погубна ситуација. Сепак тоа е нивно право како ќе настапат, можеби водејќи се од интересите на партиите како поединечен субјект. Ако зборуваме за ВРЕДИ, секој глас им е добредојден и многу поголем ефект има во групата отколку поединечно“,тврди Селмани за „Локално“. Оценката на Селмани соаѓа по „искричењата“ во коалицијата ВРЕДИ на неколку месеци пред локалните избори. Арбен Таравари, еден од лидерите на коалицијата и министер за здравствоиако првично негираше проблеми, завчера го критикуваше начинот на кој ВРЕДИ функционира во Владата, оценувајќи го за „тром“ и со „многу недостатоци”. Таравари со критика: ВРЕДИ делува тромо...

Американскиот сенатор Кори Букер го собори рекордот за најдолг говор одржан во Сенатот, објавија медиуми. Маратонското обраќање на демократот од Њу Џерси, беше имболичен протест против претседателот Доналд Трамп, во кој тој предупреди на „тежок и итен“ момент во американската историја, заврши по 25 часа и четири минути. Говорот започна во понеделникот во 19 часот по локално време, со цел, како што рече, „да предупреди на длабока политичка и социјална криза со нарушување на нормалната работа на Сенатот“. „За само 71 ден, претседателот на Соединетите Држави направи толку голема штета на безбедноста на Американците: на финансиската стабилност; на основните темели на нашата демократија“, рече Букер. „Ова не се нормални времиња во Америка. И не треба така да се третираат во Сенатот на САД“, рече Букер. Во својот говор, тој ги осуди плановите за можни намалувања на предлозите за Medicaid, имиграцијата, социјалното осигурување и владините реформи кои произлегуваат од соработката меѓу администрацијата на Трамп и Илон Маск. За време на говорот, Букер не смееше да седне, да се одмори или да оди во тоалет – во спротивно би го изгубил правото да зборува. Единствен одмор даваат неговите колеги од Демократската партија кои му поставуваат прашања, со што технички ја продолжува расправата. Иако тоа не беше филибастер – говор дизајниран да попречи усвојување на нацрт-закон – тој успеа да ја „блокира“ работата на Сенатот контролиран од републиканците. Претходниот рекорд го држеше републиканскиот сенатор Стром Турмонд, кој зборуваше 24 часа и 18 минути против Законот за граѓански права во 1957 година....

На социјалните мрежи премиерот Христијан Мицкоски објави дека од денеска се отвора нова фабрика во Штип со најмалку 500 нови работни места. Истовремено, во објавата тој соопшти дека од денеска 12.000 полицајци добиваат поголеми плати....

На 65-годишна возраст почина актерот познат по улогите на Бетмен и Џим Морисон. Килмер беше добитник на бројни признанија во текот на својата кариера, а беше познат како харизматичен, но и непредвидлив. Во еден момент тој се повлече од Холивуд цела деценија. Вал Килмер потекнува од Холивуд и иако играше главни улоги, глумејќи ги Џим Морисон и Бетмен, неговиот „разновиден талент и нескротлива личност не секогаш одеа рака под рака со главните улоги“. Тој почина во вторникот во Лос Анџелес, причина за смртта е пневмонија, изјави неговата ќерка Мерцедес Килмер. Таа рече дека во 2014 година му бил дијагностициран рак на грлото, но подоцна закрепнал....

На денешната седница Советот на јавни обвинители треба да го разгледа предлогот за разрешување на државниот јавен обвинител Љупчо Коцевски. Седница за предлогот веќе на два пати беше одложувана, првично беше закажана за 18 март, но беше одложена поради седумдневната жалост по трагедијата во Кочани, а минатата недела, на 26 март беше одложена поради немање на кворум. Советот, согласно роковите штт ги предвидува законот, треба да го разгледа најдоцна до крајот на неделава, иако Владата објави дека ќе ја прекине постапката. Портпаролката на Владата Марија Митева, на 26 март, изјави дека Владата ќе ја прекине постапката за разрешување на државниот јавен обвинител Љупчо Коцевски и доколку добие мислење од страна на Советот на ЈО, истото нема да го проследи до Собранието. „Да појаснам дека Владата доколку добие мислење од страна на Советот на ЈО ќе ја запре постапката, односно истото нема да го прати до Собранието, а се разбира Советот на ЈО согласно роковите кои што ги има ќе постапува,“изјави Митева. Премиерот Христијан Мицкоски по трагедијата во Кочани изјави дека постапката за разрешување на јавниот обвинител Коцевски ќе се запре во моментот до таму каде што се наоѓа. Обвинителот Љупчо Коцевски доби „шанса“ да продолжи да работи...

Ќе игра ли бугарски клуб во првата македонска фудбалска лига е прашањето што е актуелно во Бугарија откако на социјалните мрежи се појави најава за такво нешто. Со назнака ,,ПОТВРДЕНО ОД КЛУБОТ”, профилот Levski Report на социјалната мрежа Х поранешен Твитер објавува дека поради проблемите меѓу Левски и Бугарскиот фудбалски сојуз и сите судири за судиите оваа сезона, Левски најавува дека ја напуштаат „Ефбет лигата“ и ќе се натпреваруваат во првата дивизија на Македонија. Според објавата која не е официјално потврдена од страна на клубот е една од причините за изборот на Македонската лига е тоа што Левски ќе се натпреварува со послаби тимови и ќе има шанса да ја освои лигата и да игра квалификации за Лигата на шампионите. Преходно и групи околу фудбалскиот клуб Пирин од Благоевград најавуваа дека клубот ќе игра во македонската фудбалска лига но најавите не се остварија а немаше ни формално барање за такво нешто....

Од под урнатините на зграда во Мјанмар, спасувач извлекоа жива 63-годишна жена, но надежите за пронаоѓање на уште преживеани се се помали по разорниот земјотрес во кој загинаа повеќе од 3.000 луѓе. Пожарникарите известија дека жената преживеала 91 час под урнатините на зградата, ајави Асошиетед пресс. Имено, оценка е дека шансите да се најдат преживеани драстично се намалуваат 72 часа по земјотресот. Ројтерс, Би-Би-Си: Во Мјанмар над 3000 мртви – се пребаруваат урнатините, но веќе се мали можностите да се најдат преживеани...

Што, имат снемано природна, па вештачката интелигенција мораше да е консултирана, е прашањето кое го поставува Богдан Илиевски алијас Бетмен Велит кој иронично коментира колумна на Љубиша Николовски: ,,Ете ти кој ќе го замени Јон… Чет џипити :)))) Хахахахах браво браво :))))”. ,,Забавно било ова бе. И јас го прашував нешто Чет ЏПТ :)) Може сеа ваков наслов? „Чет ЏПТ СЕ ОГРАДИ ОД ЉУБИША НИКОЛОВСКИ-АСТМА“, пишува Богдан Илиевски. Откако видел дека Николовски објавил дека го прашал сервисот за вештачка интелигенција ChatGPT дали министерот за внатрешни работи Тошковски треба да си поднесе оставка, Илиевски на истиот сервис проверува дали Николовски ја кажал вистината. Одговорите нема да му се допаднат на Николовски:...

„Организацијата на Обединетите Нации повикува за помош за преживеаните од земјотресот во Мјанмар пред да ја погодат монсунските дождови оваа настрадана земја. Се очекува бројот на мртвите да надмине 3 илјади.“ – објави новинската агенција Ројтерс. Во својот најнов извештај за ситуацијата во Мјанмар и Тајланд по катастрофалниот земјотрес од 7,7 рихери, кој се случи минатиот петок, Ројтерс нагласува: Во соседната држава Тајланд бројката на загинати достигна 21 луѓе. Продолжува потрагата по преживеани во една урната повеќекатница. Хуманираните агенции порачуваат дека се потребни вода, храна, засолниште. „Вода за пиење, хигиена, храна, засолниште и лекови се најкритичните потреби по големите оштетувања на зградите, патиштата и мостовите.“ – изјави Марколуиѓи Корси, вршител на должноста хуманитарен и резидентен координатор по дводневната посета. Официјални лица на Обединетите нации, кои ги испитуваа штетите од земјотресот во Мјанмар, вчера ја повикаа глобалната заедница во светот да ја зголеми помошта пред претстојната сезона на монсуните да ги влоши веќе катастрофалните услови. Би-Би-Си утринава објави трогателна репортажа со наслов „Човекот тагува по 170 најблиски изгубени во земјотресот во Мјанмар“, во која истакнува: Минатиот петок одекна повикот за молитва во градот Сагаинг во централен Мјанмар, а потоа стотици муслимани се упатија кон петте џамии. Тие сакаа да ја одржат својата последна петочна молитва за Рамазан, на само неколку дена од празникот Бајрам. Потоа во 12:51 часот по локално време (06:21 по Гринич) се случи смртоносниот земјотрес. Три џамии се урнаа, меѓу кои и најголемата, Миома. Притоа загинаа речиси сите внатре. Стотици километри подалеку Сое Нај О, поранешниот имам на џамијата Миома, го почувствува земјотресот во тајландскиот пограничен град Мае Сот. Следните денови дознал дека околу 170 негови роднини, пријатели и членови на неговото поранешно собрание починале, главно во џамиите. Некои беа водечки личности во тесно поврзаната муслиманска заедница во градот. „Размислувам за сите луѓе, кои ги загубија животите – некои од нив беа мали деца. Не можам да ги задржам солзите кога зборувам за ова.“ – изјави Сое Нај О за Би-Би-Си....

„Трагедијата во Кочани треба да биде поука да не се реагира секогаш после вакви работи, туку оти е време да се направи целосен ресет во државата. Лидерот на Социјалдемократскиот сојуз Венко Филипче бара одржување лидерска средба, само за да се прикаже дека е некаков чинител, само заради своја факторизација.“ – изјави координаторот на пратеничката група на ВМРО-ДПМНЕ Никола Мицевски во гостувањето во дневникот на Македонската телевизија. Мицевски посочи дека и по недела дена од разговорите и отворањето на темата се уште нема официјално барање за лидерска средба. Според него, чудно е што сите информации, кои што ги добиваат, доаѓаат од медиумите во вид на прашање: зошто, или како нема средба? Тој смета дека лидерската средба е начин за факторизација на Венко Филипче. „Неважно е местото, каде што би се одржало нешто такво. Од претседателот на Социјалдемократскиот сојуз Филипче до сега немаме слушнато нешто конкретно и отворено да каже за ова што е најавено, околу таа лидерска средба. Филипче бара начин да се факторизира како политичар, односно како лидер на опозициона партија. Со ваквото барање не се остваруваат никакви резултати. Тоа е можност само за факторизација на Венко Филипче и за вовлекување на ВМРО-ДПМНЕ, или владејачката коалиција, во нешто, во кое нема потреба да се влегува во овој момент“ – нагласи Мицевски. Според него, во однос на анкетните комисии Социјалдемократскиот сојуз наметнува некои теми во јавноста, но и оти се уште нема предлог за тоа до Собранието. Тој оценува дека е противуставна иницијативата, која ја поднел Европскиот фронт. Барањето, што го поднел Европскиот фронт во Собранието, е надвор од уставните норми. За формирање Анкетна комисија се потребни 20 потписи од пратеници, а тие во моментот имаат 16 потписи. Насловот на таа Анкетна комисија, или онаа добивање на информација за состојбите е малку загрижувачка, имајќи во предвид дека Собранието нема истражна функција, ниту комисијата сама по себе. Она што треба Собранието да го направи е да дојде до политички заклучоци, врз основа на она што се случувало за одредена состојба, случај или процес.“ – напомна координаторот на пратеничката група на ВМРО ДПМНЕ Никола Мицевски Според него, ова парламентарно мнозинство е различно од минатото. Тој истакна дека се отворени, ако има некаков предлог согласно со уставот и законите, да се разговара и за модуларната болница, за онкологија, Беса Транс, Дурмо Турс, но и за јавните набавки во министерството за здравство, како и за сите отворени и неразрешени ситуации, кои се случија во минатото. „Во ситуација кога имаме активна истражна дејност на институциите, негативно е ние да излегуваме и политички, од говорница каде што сме заштитени по правото на збор, да влијаеме, или некако да ги поништиме истражните дејстваа и постапките, што ги водат институциите. Институциите беа организирани и реагираа бргу во врска со трагедијата во Кочани. Натаму ќе не очекува отворен процес, во којшто ќе дојдеме до одговори на сите прашања.“ – рече Мицевски. Тој истакна дека е во изработка нов закон за експлозивни материи за цивилна употреба, но по случајот во Кочани мораше да се реагира, за да се направат интервентни измени во законот за прекршоците против јавниот ред и мир. Мицевски дека се планирани целосни промени на закони, меѓутоа не е постигнато да се реализираат, затоа интервентно се реагира. „Во предложениот закон се утврдува дека не е дозволена употребата на пиротехничките средства, определени со закон во објекти и простории од затворен тип. Меѓутоа, не се само овие измени, кои што ги предвидуваме во ова законско решение. Ќе се промени законот за експлозивни материи за цивилна употреба, а со законот против прекршоците за јавниот ред и мир се опфаќаат и други прашања, кои ги засегаат граѓаните.“ – изјави Мицевски....

Обилните врнежи од дожд резултираа со излевање на Маркова Река кај селото Батинци, но освен поплавувањето на улиците и на дел од дворовите нема опасност за населението, уверуваат од Општина Студеничани. „На неколку места има излевање од речното корито. Ангажиравме две-три машини малку да ја санираме состојбата. Не знаеме дали ќе продолжи уште, засега има прекин на врнежите, а во околните куќи околу Маркова Река има влезено вода во дворовите. Мислам дека за населението не е многу ризично за евакуација. Засега има материјални штети по дворовите на неколку домаќинства“, го цитира Сител градоначалникот Азем Садики. За ситуацијата се огласи и градоначалникот на Кисела Вода, Орце Ѓорѓиевски. „Механизацијата е на терен и нема опасност по населението. Силно се работи на враќање на реката во своето корито. Со колегата Садику сме тука и будно ќе ја следиме ситуацијата да биде под контрола во текот на целата ноќ“, објави Ѓорѓиевски на Фејсбук, напомнувајќи дека е во постојана комуникација со премиерот Христијан Мицкоски и со првиот човек на Аеродром, Дејан Митевски, кои се понудиле за помош ако затреба. „Она што вистински загрижува е што сите институции не си ја вршат својата работа – со акцент на градот Скопје, од кој лично имаме побарано во неколку наврати да се среди речното корито, но од страна на градоначалничката во заминување ни беше одговорено дека немаат предвидено средства за тоа. Замислете… Временските непогоди не можеме да ги спречиме, но можеме да делуваме да нема големи последици. Материјалното ќе го поправиме заеднички – Бог нека нѐ чува сите, тоа е најважно“, додаде Ѓорѓиевски....

Родителите треба да знаат дека децата им одат во исправни училишта, а најмладите одат во безбедни градинки, вели градоначалникот на Кисела Вода и претседател на ЗЕЛС, Орце Ѓорѓиевски. На седница на Советот на Кисела Вода ќе биде предложено со ребаланс на буџетот да се субвенционираат одредени згради кои немаат хидрантска мрежа, а потоа ќе има засилени казни, најави градоначалникот на Кисела Вода и претседател на ЗЕЛС, Орце Ѓорѓиевски. – На крајот на месецов на седница на Совет јас ќе предвидам преку ребаланс на буџетот ставка со која ќе субвенционираме, да може во оние згради кадешто нема хидрантска мрежа да се постави. Ќе најдеме начин да го помогнеме процесот, но кога веќе ќе помогнеме во тој процес, тоа ќе значи безмилосни санкции понатаму за секој оној којшто нема да го спроведе она што треба да го спроведе – рече Ѓорѓиевски во гостување на Сител. Тој зборуваше за проверките што беа извршени деновиве низ општините од аспект на безбедноста. – Во најголем дел од општините над 90% темелни проверки се извршени. Многу беше важно за мене како претседател на ЗЕЛС, но и за останатите колеги најпрво да ја смириме нацијата, од аспект што родителите треба да знаат дека децата им одат во исправни училишта, да знаат дека најмладите во градинките се безбедни. Затоа првата фаза беше темелно да испитаме, да извршиме проверски на објектите од јавен карактер кои се надлежност од општините – рече Ѓорѓиевски. Тој додаде дека за аномалиите што се утврдени во одредени училишта треба да постапат директорите во соработка со локалната самоуправа, за да бидат отстранети тие недостатоци. – Проверките се одвиваат на два начини. Онаму кадешто има доволно служби што можат да ги извршат тие проверки и извештаите се дека секаде е онака како што треба, односно дека ја поседуваат потребната документација, доволни излези, ПП опрема и сето тоа бараме да биде поткрепено со записници. Јас од кога сум градоначалник во мојата општина, секоја година, иако не е облигаторно во законот, се вршат инспекциски контроли и така треба да функционираат сите општини. Кај нас имало одговорно постапување, но, има општини кадешто не се вршени контроли секоја година – објасни Ѓорѓиевски....

Скапотијата на дел од овошјето и зеленчукот продолжува. Иако пред само кус период, осум правни субјекти од кои три маркети, една аптека и тројца најголеми увозници на овошје и зеленчук се затворени на 15 дена поради непочитување на владините мерки за маржите, дел од нив пак си тераат по старо. Овој пат станува збор за еден од големите ланци маркети во скопската населба Дебар Маало, каде цените главно на зеленчукот заминаа до плафон. Од фотографиите кои ги направи редакцијата на „Експрес“, може да се види дека за еден килограм пиперки, се бара 329 денари. Граѓаните реагираат дека не се продава злато, туку зеленчук. Како што соопшти претходно директорот на Државниот пазарен инспекторат Влатко Стојкоски, кај дел од правните субјекти контролите утврдиле маржи до 70 отсто. Таквата пракса, ако се суди според сегашните цени, продолжува. Според Стојкоски, освен клуч на врата, тие ќе бидат и парично казнети. Се работи на уште 30 предмети во кои се опфатени сите големи маркети. Инспекторите се постојано на терен, контроли спроведуваме континуирано и така ќе продолжиме – информира директорот на прес-конференција на 07.03.2025. Сепак, неговата генерална оценка е дека мерките на Владата се почитуваат. Од 24 февруари до 6 март се извршени 365 надзори во трговијата на мало и 64 во трговијата на големо со што се опфатени над илјада малопродажни и големопродажни места. Притоа се констатирани вкупно 36 неправилности и се издадени прекршочни платни налози од 42.000 евра....

Измените на законите по трагедијата во Кочани ќе треба да се поделат на две фази, вели пратеникот и член на ИК на ВМРО-ДПМНЕ Антонио Милошоски. -Во овој случај измените на законите ќе треба да се поделат на две фази. Едната фаза би била брзи интервенции се надевам во што помалку закони едноставни како што беше и онаа денешната за забрана за употреба на пиротехника од тој вид интервенции коишто не би биле преголеми зафати, а би подобриле конкретни стандарди при забележани пропусти. Другиот пакет на закони би требало да биде посистемски обработен и интересорски, да не биде тоа предложено од еден, двајца пратеници или од едно министерство на брза трака, туку да има малку подобар пристап“, истакна пратеникот и член на ИК на ВМРО-ДПМНЕ Антонио Милошоски во гостување во „Топ тема“ на телевизија Телма. Милошоски како трета работа ја напомена и зголемување на свеста кај луѓето кои се вклучени во јавниот и политичкиот живот, но и оние кои имаат надлежности. „Трета работа која исто така сакам да ја напоменам, а сметам дека во овој дел треба да се зголеми и свеста и на тие кои видливо се вклучени во јавниот и политички живот, но и на оние кои имаат надлежности, а не ги забележуваме често пред камерите, тоа е имплементацијата на законските норми. Бидејќи, овде ако го гледаме цел случај, од тоа што го знаеме како јавни информации достапни за нас, не секогаш имало погрешни закони или одредби, претежно пропустите се во непримената на соодветните законски одредби во одредена материја, дали е тоа угостителство, лиценци, дали е тоа обезбедување или заштита од пожар или нешто друго“, посочи Милошоски. Милошоски уште еднаш потенцираше дека сите чинители треба да придонесат за зголемување на свеста и почитување на законите. „Мислам дека во тој дел, не само Собранието туку и сите други чинители вклучително медиумите, општинските совети, инспекторите, надлежните институции, опозицијата и секој оној кој може да даде придонес би требало да работиме за зголемување на свеста за почитување и имплементација на постоечките законски норми. Бидејќи, ние можеме и најдобрите норми да ги пресликаме денес од кое било законодавство дали ќе го одбереме тоа на Литванија, Шведска, Словенија, Австрија или на други, доколку не се применуваат тие законски одредби повторно ќе ни се случат пропусти“, дециден е Милошоски....

Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со лиценцата за дискотеката „Пулс“ во Кочани, без оглед на ривалството со Интегративците. Вреди посакува екс-министерот за економија Крешник Бектеши да ја докаже својата невиност, бидејќи, без разлика што сме лути политички противници, не сакаме ниту еден Албанец да биде одговорен за трагедијата во Кочани. Но, за тоа одлучуваат правосудните органи, а не политичките чинители, соопшти Вреди. ДУИ се претвори во партија чија единствена идеологија е одбрана на своите поранешни функционери, обвини владејачката коалиција Вреди. „За таа нивна цел се подготвени да ги бојкотираат локалните избори и да се обидат да предизвикаат политичка криза. Да бидеме на чисто, Вреди посакува Крешник Бектеши да ја докаже својата невиност, бидејќи, без разлика што сме лути политички противници, не сакаме ниту еден Албанец да биде одговорен за трагедијата во Кочани. Но, за тоа одлучуваат правосудните органи, а не политичките чинители“, соопшти Вреди. Меѓутоа, кога ДУИ зборува за систем, треба да одговори на што точно мисли, се додава во соопштението. „На системот кој нивниот режим го создаваше 22 години, додека беа дел од сите влади на СДСМ и на ВМРО-ДПМНЕ? На Јавното обвинителство на Ислам Абази? На бегалците од правдата Артан Груби и Прпарим Бајрами? На системот на владеење кој од голобради функционерчиња на ДУИ направи милионери на грбот на Албанците? На системот во кој имаше селективна одговорност за трагедиите со модуларната болница во Тетово, Ласкарци, Беса транс? Колку и да се препелка ДУИ, колку и лажно да се претставуваат како фактор меѓу Албанците, политичкиот крај на ова нивно корумпирано раководство пристигнува!“, се вели во соопштението на Вреди....

За само неколку часа главна вест во Македонија денеска стана информацијата дека македонско вино смедеревка се препродавала во Франција за 250 евра како врвно бургундско вино, објави „Дојче веле“ Текстот објавен на српскиот портал „Вино и Фино“ (https://vinoifino.rs) привлече огромно внимание… Го пренесоа голем број телевизии и портали, и тоа без да сменат ни точка, ни запирка… најмалку 20 различни медиуми.. „И никој притоа не се ни обиде да провери кои се француските медиуми кои пишувале на оваа тема, и дали воопшто постојат. Дали постои винарија „Газда Ѓоко“ во Мрзенци, или дали постои нејзиниот „цитиран“ газда Ѓоко Трпески. Не постојат, како што не постои ниту францускиот енолог Теле Репомаше (теле репом маше)… во превод од српски „теле мафта со опашката“, пишува „Дојче веле“. Дека се работи за првоаприлска шега, потврди и порталот кој ја објави лажната вест....

Коалицијата на партиите на етничките Албанци ВРЕДИ, денеска ја обвини ДУИ дека прави се за да стане дел од власта, за да ги заштити своите поранешни функционери. „ДУИ се претвори во партија чија единствена идеологија е да ги заштити своите поранешни функционери.За таа цел тие се подготвени да ги бојкотираат локалните избори и да се обидат да предизвикаат политичка криза. Да разјасниме,ВРЕДИ сака Крешник Бектеши да ја докаже својата невиност, бидејќи и покрај тоа што сме политички противници, не сакаме ниту еден Албанец да го носи товарот за трагедијата во Кочани. Но, за ова одлучуваат правосудните органи, а не политичките актери. Но, кога ДУИ зборува за системот, мора да се одговори што точно мисли за системот што нивниот режим го создаваше 22 години, додека беа дел од сите влади на СДСМ и ВМРО-ДПМНЕ? За јавното обвинителство на Ислам Абази? За бегалците од правдата Артан Груби и Запарим Бајрами? За системот на владеење што ДУИ ги направи милионери на грбот на Албанците од функционери кои уште не пушеле брада? За системот во кој имаше селективна одговорност за трагедиите со модуларната болница во Тетово, Ласкарце, Беса Транс? Секогаш кога ДУИ се обидува да се маскира и да се претстави како фактор кај Албанците, крајот на ова корумпирано политичко раководство е близу“, се вели во реакцијата на ВРЕДИ. Телеграфи...

Пратеникот Бране Петрушевски од ВМРО-ДПМНЕ го возвраќа ударот на синдикалецот Слободан Трендафилов. „Синдикалецот на батерии Трендафилов за 14 месеци инкасирал 1.688.000 денари! Ова не е априлилили. ПС. Пријател со претставници на трулата комунистичка буржоазија, кои семејно си ги наследуваат функциите во синдикатот, за само да си ги полнат џебовите, не може да бидам. Само непријател!“, напиша Петрушевски од ВМРО-ДПМНЕ....

Рускиот претседател Владимир Путин денеска го прими во Кремљ лидер на етничките Срби во Босна, Милорад Додик. Кремљ објави снимка на која Путин се ракува со Додик, велејќи дека рускиот претседател е „многу среќен“ што го гледа (Додик) во руската престолнина, јави Moscow Times. Портпаролот на Кремљ, Дмитриј Песков, објави дека рускиот претседател Владимир Путин го примил Додик. По Додик е распишан налог за апсење поради обвиненија за отцепување и непочитување на уставот на Босна и Херцеговина. Додик, кој објави дека моментално престојува во Москва, ги демантираше информациите во медиумите дека во Москва бара руско државјанство. „Ниту побарав државјанство на Руската Федерација, ниту добив“, изјави лидерот на босанските Срби. За средбата со Путин тој изјави: „Само што имав средба со претседателот на Руската Федерација, Владимир Путин, ова е наша 26-та средба. Путин ги знае деталите, севкупната ситуација што се случува во нашата земја. Го интересира што прашува обичниот човек овде. Русија е многу важна земја за Република Српска, во рамките на Советот за безбедност и отсекогаш била објективна. Русија е гарант на мировниот договор и тоа го кажа Путин на средбата. Во овие рамки Русија ќе настојува да ја прекине и запре работата на меѓународните институции, особено на лажниот висок претставник или, како што вели, нелегитимниот претставник. Го интересираа деталите, што правиме и како го правиме тоа“, напиша Додик на Х. Тој не појасни зошто точно дошол во Москва додека во Босна и Херцеговина се соочува со потерница и додека Судот на Босна и Херцеговина бара од Интерпол да распише меѓународна потерница по него. Додик „исчезна“ во четвртокот откако му било ставено до знаење дека не е непожелен гостин на конференција посветена на борбата против антисемитизмот. Управо сам имао састанaк с предсједником Руске Федерације Владимиром Путином, ово је наш 26. сусрет.Путин познаје детаље, укупну ситуацију која се дешава код нас. Занима се за нешто што обичан човјек код нас тамо пита. Русија je веома важна земља за Републику Српску, у оквиру… pic.twitter.com/uLiZWOKqwJ — Милорад Додик (@MiloradDodik) April 1, 2025 Додик се јави од – Москва...

Ограничена испораката на природен гас од Бугарија, поради технички зафати на гасовод, ќе ги олади радијаторите на скопјани од денеска па во наредните денови. Ова известување доаѓа од ЕСМ Снабдување, откаде се надеваат дека поради ова, на домаќинствата нема да им биде нарушен комфорот. „Очекуваме дека овие редукции нема значително да влијаат на комфорот на потрошувачите, односно нема да има намалување на температурите во становите од 20+1оC“, се вели во дописот од ЕСМ. Од „Номагас“ соопштија станува збор за ремонтни зафати на системите за пренос на природен гас за земјите од Југоисточна Европа и гасоводот „Турски тек“. „Поради ремонт на цевката во Бугарија се намалува протокот на гас кон Македонија и во овие денови ќе се испорачуваат само 10 отсто од вкупните потреби. Во иста ситуација е и Грција“, велат за Телма од „Номагас“. Грејната сезона, според правилникот за топлинска енергија, трае до 15 април. Но, во зависност од температурите, може или да се продолжи или да биде скратен овој период....

Собранието не може да ја започне процедурата, бидејќи со член 76 став 3 од Уставот е утврдено дека предлог за основање на анкетна комисија можат да поднесат најмалку 20 пратеници, информираат од Кабинетот на претседателот на Собранието. Од страна на 16 пратеници од коалицијата Европски фронт е поднесена иницијатива да се формира анкетна комисија која треба да истражи селективен и едностран пристап на правосудниот систем во третманот на трагедијата во Кочани, информираат од Кабинетот на претседателот на Собранието, Африм Гаши. „Но, Собранието не може да ја започне процедурата, бидејќи со член 76 став 3 од Уставот е утврдено дека предлог за основање на анкетна комисија можат да поднесат најмалку 20 пратеници“, посочиле од Кабинетот на претседателот на Собранието. Вкупниот број на осомничени за пожарот во дискотеката „Пулс“ во Кочани на 16 март во кој загинаа 59 лица, а речиси 200 се повредени, досега е 34 лица. Меѓу нив е и поранешниот министер за економија Крешник Бектеши од редовите на ДУИ. Со истрагата се опфатени 27 физички и 3 правни лица, а истражни постапки има и против 7 полициски службеници од СВР Штип и од ОВР Кочани. Од Јавното обвинителство денеска соопштија дека јавните обвинители од тимот кој ја води предистражната постапка за пожарот, континуирано преземаат повеќе истражни дејствија за обезбедување докази, како распити, анализи и вештачења од голем обем. За да се зачува тајноста на постапката и да се спречи компромитирање на доказите, од Обвинителството посочија дека не се во можност да откриваат повеќе детали. Од ДУИ денеска повторно побараа независна истрага за пожаротв во „Пулс“. – Јасно е дека на власта не ѝ е потребна правда, туку алиби. Тоа не смее да се премолчи и затоа јавно бараме итна суспензија на целата командна структура по вертикала во МВР и Бирото за јавна безбедност, кои знаеле за проблемите со „Пулс“, а не реагирале. Бараме независна истрага, надвор од рацете на оние што ја овозможиле оваа трагедија, со цел да се утврди под чија заштита му е обезбедено на објектот „Пулс“ да работи. Бараме отворање нов процес против сите кои активно работат на прикривање на вистината и креирање монструозни случаи како алиби за вистинските виновници“, изјави Арта Билали Зендели од ДУИ. Пратеничката од СДСМ, Јованка Тренчевска, денеска на прес-конференција во Собранието рече дека би поддржале предлог за таква анкетна комисијано прво оставаат шанса на институциите за професионална и неселективна истрага за трагегијата во Кочани. – Оставаме шанса на институциите. Истрагата е во тек и затоа нашиот став е дека треба професионално, неселективно да се заврши целата истрага. Да не опструираме во текот на истрагата. По завршувањето на истрагата како СДСМ ќе излеземе со став за нашите идни дејствија. Во моментот кога ќе заврши истрагата, зависно од резултатите од истрагата. Цело време и на прес-конференциите од страна на раководството и од пратениците оставаме шанса да видиме неселективна и професионална истрага и врз основа на истрагата ќе ги градиме идните ставови на СДСМ – рече Тренчевска. Во однос на барањата за анкетна комисија премиерот Христијан Мицкоски завчера рече дека „не бегаат од анкетна комисија, но би сакале да ја прошират и за останатите случаи освен за Кочани“....

Политиките кои ги креира државата, а се однесуваат на работниците во Македонија се погрешни, алармиаат од ССМ. Приходите се ниски и мора веднаш да се зголемат, а нападите кон ССМ и раководството да запрат, порачаа од Синдикатот во пресрет на големиот протест. Првиот синдикалец возврати дека власта напаѓа само за да не ја зголеми минималната плата. Слободан Трендафилов вели дека платите на членовите на ССМ се обезбедуваат преку чланарината и дека се далеку од сумите за кои говори владејачката партија. Вели дека е подготвен да работи за 500 евра доколку тоа го направат сите избрани и именувани функционери и се изгласа нивниот предлог за поголем минималец. Трендафилов и пратеникот на ВМРО-ДПМНЕ, Бране Петрушевски денеска преку социјалните мрежи си испратија пораки дека не се пријатели и нема да бидат на иста страна. Во седиштето на ВМРО-ДПМНЕ денеска повторно имаше прес-конференција на кој беше соопштена пресметката од броењето на приходите на еден од синдикалните лидери, Иван Пешевски. Според информациите кои ги добивме, платата на Пешевски, кој деновиве глуми загрижен синдикалец е 3 пати поголема од минималната. Додека ги лаже работниците со минималец, Иван Пешевски, за 4 месеци заработува што тие за цела година. Но тука не застанува лицемерието на Иван Пешевски, тој во 2024 и првите два месеци од 2025 година остварил и приходи по други основи со договори на дело и заедно со плата инкасирал 1.3 милиони денари, вели Валентин Манасиевски, член на Централниот комитет на ВМРО-ДПМНЕ. Од ССМ соопштија дека за нападите и притисоците од владејачката ВМРО-ДПМНЕ и обидите за одлевање на членството се известени и меѓународни синдикални федерации....

Десет специјалци добија кривична пријава затоа што со злоупотреба на службената положба земале патни трошоци за денови кога не патувале до работното место, соопшти полицијата. Го оштетиле буџетот на МВР за 1.098.120 денари (32.000 евра). Одделот за внатрешна контрола, криминалистички истраги и професионални стандарди при МВР, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување” казниво по член 353 од Кривичниот законик. Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од МВР за денови во кои не патувале од своето место на живеење до работното место во Скопје и обратно. Со тоа во периодот 1.12.2023 до 17.9.2024 година го оштетиле буџетот на МВР во вкупен износ од 1.098.120 денари“, соопшти полицијата. Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност, се додава во соопштението....

Каков ментален состав треба да имаш за да не испочитуваш една минута молк за најголемата трагедија во поновата историја на Македонија? Што човек треба да си за да не можеш да постоиш една минута и да замолчиш во знак на почит за 59 загинати и околу 200 повредени, меѓу кои неколкумина и понатаму во животна опасност 15 дена по ужасот во Кочани? Нека се и „само“ дваесетина неодговорни поединци, како што се оправдуваше лидерот во соопштението за јавноста, оградувајќи се од нив, кои среде минутата молк пред натпреварот во Тетово меѓу Шкендија и Брера од Струмица во Првата македонска фудбалска лига скандираа слогани за УЧК. Еден нека е – сите имаме проблем како општество. Таа една минута молчење е многу повеќе од сочувство и солидарност со семејствата чии најмили настрадаа во пожарот кобната ноќ во кочанската дискотека „Пулс“. Не станува збор само за обичен симболичен израз на емпатија за огромната загуба, туку и минимум споделена болка, најмалку што едно човечко битие во најосновната смисла на зборот може да изрази кон сограѓаните во моментите на неизмерна тага. Тој што не го допира туѓата несреќа не може и не треба да се нарече човек и да се третира на тој начин. Не мора да е верник, па од почит кон религијата на која припаѓа да (не) прави нешто за да му го намали страдањето на другиот. Не треба да е ни (соодветно) образован, ни „нашетан“, ни кој знае колку интелигентен. Доволно е само да го следи вродениот инстинкт на секој припадник на човечкиот род за помош и поддршка на ожалостените, на (нај)тешко погодените при битисувањето на овој свет наречено живот. Пена не го пере човечкиот отпад што се дрзна да ја осквернави сочувствителноста со туѓото страдание. И нема таква казна што може да ја изрече Фудбалската федерација на Македонија, а која адекватно ќе го санкционира пеењето и скандирањето за нешто на кое не му (беш)е ни време ни место на спортски натпревар. Секоја мајка еднакво плаче за своето чедо и тука нема разлика меѓу Македонките, Албанките и сите останати. А секој татко со подеднаков гнев гледа на изразите на примитивност несвојствени ни за најниските животни видови, а камоли за најсовршената форма на живот за каква се сметаат луѓето. Сполај му на Севишниот, огромното мнозинство од тие што сожителствуваат на ова парче исконска земја по име Македонија ги имаат сите атрибути на хумани суштества. Независно од род или етничка, верска, политичка и каква не провениенција. Па знаат да го одделат каколот од житото. И да подадат рака на љубов и разбирање во овие траорни мигови со кои се соочува нацијата. Како што и постапија по катастрофите со автобусот на „Беса транс“ во Бугарија, со тој на „Дурмо турс“ кај Ласкарци, со тетовската Модуларна болница и сега со кочанската дискотека. Само поради нив не згаснува надежта дека еден ден Македонија конечно ќе стане пристојно место за живеење. Колку и да им одмогнуваат наведените малоумници од трибините на тетовскиот стадион....

По долгогодишна борба за превласт, пливачките работници во Македонија ги закопаа секирите и се обединија, избран е нов претседател, тоа е Сашо Лазаровски. Во изминатите години еден од најбрануваните спортови во Македонија беше пливањето. Беше разединето, постојано со паралелни федерации, едната на Александар Маленко, другата на останатите. Поделбите завршија, на иницијатива на министерот Борко Ристовски пливањето се обедини. Одржано е изборно собрание на Националната пливачка федерација на кое едногласно беше избран Сашо Лазаровски за нов претседател. Изборот го потврди министерот Борко Ристовски кој беше присутен на собранието. „Сакам да ги поздравам сите што ја прифатија мојата иницијатива за обединување во пливањето и да го повторам тоа што го кажав на состаноците со претставниците од двете страни. А, тоа е дека по изборот на новиот претседател на Национална пливачка федерација, Министерството за спорт ќе посредува и директно ќе помага во решавање на проблемите што беа натрупани во овој спорт и дека во најбрз можен рок сметката на федерацијата ќе биде одблокирана. Не смееме да дозволиме поделбите да одат на штета на пливањето, на пливачите и на сите деца што се занимаваат со овој спорт“, рече министерот Ристовски....

Владата ќе набави 120 еколошки автобуси за јавен превоз, од кои 80 ќе бидат наменети за Скопје, со цел да се обнови возниот парк на ЈСП и да се подобри јавниот превоз во главниот град. Останатите 40 автобуси ќе бидат распределени согласно економската оправданост и реалните потреби на општините. „Со оваа набавка, очекуваме значително подобрување на квалитетот на јавниот превоз и намалување на загадувањето на воздухот во општините. Ова е дел од нашата стратегија за одржлив развој и заштита на животната средина“, соопштија од Владата. Од Министерството за транспорт информираат дека средствата за набавката се обезбедени во рамки на буџетот на Министерството, а одлуката била донесена врз основа на писмата за интерес доставени од единиците на локалната самоуправа. Новиот еколошки возен парк треба да придонесе кон подобрување на транспортните услуги за граѓаните, намалување на емисиите на штетни гасови и модернизација на јавниот превоз во Македонија....

Wolt, глобално призната технолошка компанија позната по своите беспрекорни услуги за испорака, официјално стартува во Македонија, носејќи брза, сигурна и висококвалитетна испорака до клиентите во Скопје. Со неколку стотици партнерски ресторани и трговци на мало и мрежа од неколку десетици курирски партнери, Wolt треба да ја редефинира удобноста во земјата. Клиентите од Македонија сега можат да нарачуваат од врвни ресторани, кафулиња, супермаркети и продавници на мало преку апликацијата Wolt, при што испораките пристигнуваат во просек за 30 минути. Со комбинирање на врвна технологија, исклучителна услуга и следење во реално време, Wolt обезбедува непречено и без мака искуство и за бизнисите и за потрошувачите. „Возбудени сме да го претставиме Wolt во Македонија. Скопје е динамичен град со богата култура на храна и зголемена побарувачка за дигитални решенија. Нашата цел е да поставиме нови стандарди за брза испорака, ефикасност и задоволство на клиентите. Возбудени сме што ќе им помогнеме на локалните бизниси да растат, да создаваат нови можности за работа и да им обезбедиме на клиентите беспрекорен начин за брзо доставување на нивните омилени оброци и производи“, истакна генералниот директор за Македонија и Србија, Ѓорѓе Давидовиќ. Проширувањето на Wolt носи значителни придобивки за локалните ресторани и трговци на мало, обезбедувајќи им пристап до поголема база на клиенти, напредни дигитални алатки и оперативна поддршка. За доставувачите, Wolt нуди флексибилни можности за заработка, овозможувајќи им да работат според свој распоред, а истовремено да имаат корист од транспарентен и правичен систем на плаќање. По лансирањето во Скопје, Wolt планира да го прошири својот досег до дополнителни градови во Македонија, правејќи ги своите услуги достапни за уште повеќе граѓани. Апликацијата Wolt е веќе достапна за преземање на iOS и Android, но можете да нарачате и преку веб-страницата. За повеќе информации за експанзијата на Wolt на Македонија, посетете го wolt.com....

Напорната работа носи резултати. Имам одлична вест за сите пензионери. Од денес започнува исплатата на повисоки пензии за 2.500 денари. Со тоа го испорачавме нашето ветување за повисоки пензии од 5.000 денари, им порача претседателот на Владата Христијан Мицкоски на пензионерите во денешното видео обраќање. Премиерот Мицкоски нагласи дека со ова е исполнето ветувањето за линеарно зголемување на пензиите од 5.000 денари на повеќе од 300.000 пензионери. Повеќе од 300.000 пензионери ќе имаат повисоки пензии за 5.000 денари. Да, Македонија има многу проблеми. Да, проблеми има во секој дел од општеството, но затоа сме ние тука да ги решаваме проблемите и со решавање на проблемите Македонија ќе биде повторно горда, а на овој начин Македонија ќе биде повторно ваша. Нека е со среќа повисоки пензии, долговечно да ги користите, со многу радост, љубов и среќа во вашите семејства – вели премиерот Мицкоски....

Трите партии од коалицијата ВРЕДИ – Беса, Алтернатива и Демократско движење експресно реагираа на наводите што лидерот на четвртиот партнер (Алијанса на Албанците) во таборот, Арбен Таравари ги изнесе во интервјуто за „360 степени“. Тие велат дека немаат комуникација ниту канали за комуникација со Демократската унија за интеграција (ДУИ). Таравари, одговарајќи на прашања во врска со разговорите внатре во ВРЕДИ за настап на претстојните локални избори, потврди дека на овие состаноци тој предложил самостоен настап на секоја од четирите партии на советничките листи, а заеднички кандидати за градоначалници, но тоа било отфрлено од лидерите на другите три партии – Билал Касами, Зеќирија Ибраими и Изет Меџити. Во врска со шпекулациите, кои кружат дека преговара со ВРЕДИ за воопшто да не се договори, бидејќи е веќе договорен со ДУИ“, Таравари рече дека нема врска со ДУИ, а на дополнително прашање дали има контакти со партијата од Мала Речица, тој кажа дека има комуникација, како што имаат и другите партии од ВРЕДИ. Таравари со критика: ВРЕДИ делува тромо...

Гренланд ќе ги зајакне своите врски со Данска додека не стане суверена држава, изјави новиот премиер на арктичкиот остров Јенс-Фредерик Нилсен, за Ројтерс. Според него, целта е Гренланд да стане независна земја. Нилсен (33) во петокот положи заклетва како премиер на Гренланд, водејќи ја четирипартиската коалициска влада во деликатно време додека американскиот претседател Доналд Трамп не ги крие своите амбиции да го контролира островот. Според него, Гренланд одржува силно партнерство со централната влада во Данска и тоа ќе продолжи до денот кога островот ќе стане независна земја. На темата за амбициите на Доналд Трамп, новиот гренландски премиер коментираше дека сака партнерство со САД, но врз основа на меѓусебно почитување. „Ние не сакаме да бидеме Американци. Ниту во иднина не сакаме да бидеме Данци. Сакаме да бидеме независни. Но, во моментов сме дел од Кралството Данска и така ќе биде“, коментира тој....

Со изјавата дадена на денешната прес конференција Арбен Таравари ја урна сета надеж на ДУИ дека ќе се врати во владата. Преходно во јавноста имаше шпекулации дека Таравари на локалните избори може да оди со ДУИ за да добие градоначалничко место во Гостивар. Министерот за здравство и еден од лидерите во Коалицијата ВЛЕН која ја сочнуваат четири партии, Арбен Таравари ја повтори оценката дека коалицијата функционира недоволно синхронизирано, и оти очекува тоа да се поправи. Истовремено Таравари вели дека неговата партија не размислува да си замине од Владата. – Засега не, и не планираме да излеземе од Владата – рече Таравари на новинарско прашање на прес-конференција во Министерството за здравство каде информираше за состојбата со лекувањето на пациентите повредени во пожарот во Кочани. Тој посочи дека на вчерашното гостување во емисија на националниот сервис, кажал дека има едно незадоволство од функционирањето на ВЛЕН кое што се должи, вели, на несинхронизираноста меѓу партиите во Коалицијата која е дел од Владата. -Тешко е кога е една партија, а камоли кога се четири. Така што ни треба подобра коодинација, оти впечатокот е лош кај народот дека не делуваме како што треба. Има доверба во Владата 70 отсто, а на прашањето колку сте задоволни од ВЛЕН во Владата, е околу 30 и нешто. Мислам дека недостасува таа добра синхронизација. Се надевам дека тоа ќе се поправи во идниот период – вели Таравари. Што се однесува до комуникацијата со опозициската ДУИ, кажа дека таа постои во Парламентот меѓу пратениците, оти сите пратеници без оглед од која партија доаѓаат комуницираат едни со други. Во однос на евроинтеграцијата на државата Таравари исто така ја повтори оценката дека не гледа во скоро време продолжување на евроинтегративниот процес без помош од олеснувачи од повеќе страни. -Премиерот Мицкоски со право има одредени услови кои што ги бара за да се случат уставните промнеи. Јас мислам дека сосема е во право тука. Без согласност од ВМРО-ДПМНЕ не можат да се случат уставни промени. Така што треба да се разгледаат опции кои што се можни за да се фасилитира и да се помогне овој процес од сите страни за да Македонија што побрзо ги започне преговорите со ЕУ – нагласи Таравари. Таравари синоќа во интервју за „360 степени“ на МРТ искажа јавна критика за функционирањето на партиите на Албанците во Владата. Според него, коалицијата ВЛЕН функционира „тромо“ и треба да се најде модел за подобра синхронизација. Таквото мислење, како што вели, не било само негово лично, туку го темели и на анкети спроведени пред сѐ меѓу Албанците во земјава. – Јас мислам дека имаме многу недостатоци. Тоа не е толку до премиерот Мицкоски, колку што е до нас. Постои некаква неусогласеност што се гледа од 100 километри, дека многу бавно функционираме. Впечаток е на народот, што е најлошо за нас, дека ВЛЕН има многу слаба позиција во Владата. Само што направив три анкети, кај Албанци генерално анкетирани. Впечатокот на околу 70% од населението Албанци е дека ВЛЕН не функционира добро, не е задоволувачко претставувањето на Албанците во Владата – кажа Таравари. Тој дообјасни дека кога зборува за претставувањето на Албанците во Владата не мисли на квантитетот, туку на квалитетот....

Американскиот претседател Доналд Трамп за новинарите изјави дека очекува рускиот претседател Владимир Путин да се согласи да склучи договор за ставање крај на војната во Украина. „Мислам дека ќе го следи она што ми кажа дека ќе го направи и ќе продолжи да го исполни својот дел од договорот сега“, рече Трамп. Трамп изјави дека не сака да воведува секундарни царини за руската нафта, но ќе мора доколку нема напредок во решавањето на прашањето во Украина. „Не сакам да ставам секундарни тарифи за неговата нафта. Но, мислам дека би го направил тоа ако мислам дека тој не ја врши добро работата…Сакам да направи договор за да престане убивањето на руски и украински војници“....

Шефицата на германската дипломатија, Аналена Баербок, пристигна во посета на Киев каде најави обезбедување хуманитарна помош за Украина и испрати предупредување до САД да ја прифаќаат тактиката на Русија, јавува UNN. Таа соопшти дека Германија ќе и додели на Украина дополнителни 130 милиони евра како хуманитарна помош. Баербок изјави дека Соединетите Американски Држави не треба да ја прифатат сегашната тактика на Руската Федерација – одложување на времето за своја корист. „Путин глуми подготвеност за преговори, но не се повлекува од своите цели ниту за милиметар. Не смееме да бидеме измамени од Путин и неговите послушници. На крајот на краиштата, навестување мир сè уште не е мир“, ги цитира зборовите на Бербок, прес-службата на германското Министерство за надворешни работи....

Без согласност од ВМРО-ДПМНЕ не можат да се случат Уставни промени, истакна министерот за здравство Арбен Таравари, одговарајќи на новинарско прашање. Лидерот на Алијанса на Албанците (која е дел од коалицијата ВРЕДИ) рече дека премиерот Христијан Мицкоски со право има одредени услови кои што ги бара за да се случат Уставните промени и мислам дека сосема е во право за тоа. „Треба да видиме кои се можни опции за да се помогне овој процес од сите страни, за да Македонија што побрзо ги започне преговорите со Европската Унија“, вели Таравари. Напомена и дека Алијанса за Албанците не излегува од Влада. „Не планираме такво нешто“, подвлече Таравари, пренесе Курир....

Заменик директорот на Јавното претпријатие Македонски Шуми Кире Михаилов кој поради своите пресметки со шумската мафија во јавноста е познат како Македонскиот Елиот Нес одговори на навредите од лидерот на Левица Димитар Апасиев. Откако на Фејсбук бил навредуван и нарекуван вмроид и идиот Михаилов се обидел да одговори на навредите но бил блокиран од страна на Левица по што се обраќа до јавноста со одговор до партијата. Михаилов меѓу другото вели дека проблемот за Левица е во тоа што на терен ги газам сите на купче, мислејќи на шумската мафија која веќе не може да краде дрва и на политичките ривали. Целиот одговор на Михаилов за навредите од Апасиев и Левица: Системот на ЛЕВИЦА падна за неполни 2 часа! Почитувани, бев јавно прозван од партијата Левица за нешто, а секако после тоа и наречен ВМРОИДЕН идиот од страна на лидерот на Левица, Димитар Апасиев, човекот кој меѓудругото се нарекува и професор кој воспитува деца. Откако културно ЈАВНО му се обратив на Димитар Апасиев и одговорив културно на неколку коментари на нивната официјална страница, за нецели 2 часа бев блокиран. Е сега, и покрај тоа што како политички субјект се крајно некоректни, сепак, јас сметам дека треба да одговорам ЈАВНО на тоа што прашаа. Сметам дека треба да одговорам не заради Левица, туку заради граѓаните затоа што јас мојата енергија за работа ја црпам од граѓаните и сметам дека кон нив треба да бидам чесен и искрен. Од причина што сум блокиран и ги немам прашањата, ќе одговорам на она што отприлика го запаметив. Прво, бев обвинет дека сум се заканувал на наши вработени да не тужат за неисплатено К15 за 2023 и за 2024 година, години во кои оние кои тие ги донесоа со Шарената Револуција беа власт и години во кои тоа раководство на ДУИ и СДС претпријатието го заглибале со по повеќе од 100 милиони денари годишно. Но, ќе исплатиме и покрај тоа што тоа е обврска која не е наша и наследена исто како што ги исплативме сите заостанати плати, придонеси и други огромни трошоци. Но најважно, АПСОЛУТНО НЕ Е ТОЧНО ДЕКА НЕКОМУ СУМ МУ СЕ ЗАКАНУВАЛ ПО ОВОЈ ОСНОВ!!! Второ, ме обвинија дека сум се заканувал за некакви синдикати! Ниту сум член, ниту некогаш сум бил член на синдикат, но, најважно, АПСОЛУТНО НЕ Е ТОЧНО ДЕКА НЕКОМУ СУМ МУ СЕ ЗАКАНУВАЛ ПО ОВОЈ ОСНОВ!!! Трето, имаше некое прашање за ХТЗ опрема! ХТЗ опремата е облека која е потрошен материјал и треба почесто да се набавува. Голема количина на ХТЗ опрема во ова претпријатие се набави во 2014/2015 година кога ВМРО ДПМНЕ беше власт и една мала во 2020 година, во времето кога нивниот коалиционен партнер Зоран Заев беше власт, друго нема. Работниците ги оставиле да ја чуваат шумата и да ги гасат пожарите со своја опрема или како што еднаш кажав, ГИ ОСТАВИЛЕ БУКВАЛНО ПО ВЛЕЧКИ! Ние како ново раководство, и покрај тоа што претпријатието ни го оставија до гуша во долгови и без пари, за тековната 2025 година ПРЕДВИДОВМЕ СРЕДСТВА и ќе набавиме ХТЗ опрема!!! Четврто, имаше некое прашање за службеното возило дека сум го користел за партиски цели! Е сега, затоа што тука најмногу ги боли Левица, но и овие од СДС и ДУИ, најсочно ќе го одговорам ова прашање за да не трошат повеќе енергија на ова прашање во иднина. Прво, АПСОЛУТНО НЕТОЧНО е дека јас во овие осум месеци службеното возило сум го злоупотребил за партиски ниту пак ќе дополнам, за приватни цели!!! Но, што е она што ги буни?!? Јас, како Директор именуван од владата, место да уживам во комодитетот на фотељата, јас на нашите вработени им се ставив на располагање 24 часа секој ден, 7 дена во неделата, 365 дена во годината се додека сум таму каде што сум. Од причина што нашето претпријатие има сменско и ноќно работење, јас лично, си земам за право и обврска да им бидам на располагање и тогаш, но, неретко и ги контролирам вработените во вторите смени и во ноќните часови за да знам дали и како си ги извршуваат своите работни задачи затоа што ова беше претпријатие во кое не се даваа плати, но и претпријатие во кое не се одеше воопшто на работа. Е ПА ТОА НЕРАБОТЕЊЕ И НЕОДЕЊЕ НА РАБОТА ГО МЕНУВАМ И ЌЕ ГО СМЕНАМ, ОД КОРЕН!!! Јас, како директор во ЈП “Македонски Шуми” именуван од влада, место да го користам комодитетот на фотељата КАКО ДО СЕГА, јас на граѓаните на МАКЕДОНИЈА им се ставив на располагање 24 часа на ден, 7 дена во неделата, 365 дена во годината за се и во секое време што ќе побараат од мене без разлика дали тоа се однесува на дрвокражби, пожари или што и да е од доменот кој нас како претпријатие не тангира. Ако мене како директор некогаш ме видите пред некоја кооперација или во некој дом, треба не само овие од Левица, туку и оние од ДУИ и СДС, но пред се граѓаните да знаат дека јас како функционер ветив дека постојано ќе бидам меѓу граѓаните, тоа го правам, тоа и ќе го правам. Јас оценката за тоа дали ние како претпријатие работиме и за тоа како одредени мои директори и колеги работат ја црпам пред се од граѓаните, а не од оние кои мораат да ми кажат дека кај нас во претпријатието се е супер и дека се цвета. Проблемот на СДС, ДУИ и Левица им е во тоа што јас како функционер назначен од владата на МАКЕДОНИЈА ги сменив од корен стандардите на функционирање и работење. Не веруваа дека ветувањата за постојано присуство помеѓу граѓаните е остварливо? Е па јас сум им живиот доказ за тоа!!! Проблемот почитувани мои сограѓани им е во тоа што ги газам на терен, сите на купче, ги газам во пакет затоа што вие почитувани мои сограѓани многу добро правите разлика помеѓу работа и импровизација, ги газам затоа што вие почитувани мои сограѓани го препознавате мојот чесен пристап за разлика од лажната душегрижливост на Левица, ДУИ и СДС! И најголемиот проблем почитувани мои сограѓани е во тоа што на дел од нашите колеги/неработници во претпријатието им смета тоа што јас 24 часа им дишам во врат и не можат да прават што сакаат, не можат да не одат на работа, не можат да спијат на работните места и под превезот на некакви партиски притисоци сакаат преку Левица, ДУИ и СДС да си купат некаков раат. АПСОЛУТНО НА СИТЕ ДА ИМ БИДЕ ЈАСНО, ДОДЕКА СУМ ТАМУ КАДЕ ШТО СУМ, ВРАБОТЕНИТЕ НЕКА ОЧЕКУВААТ ДЕКА ВО СЕКОЕ ВРЕМЕ МОЖАМ ДА СЕ ПОЈАВАМ НА КОНТРОЛА, НО, ИСТО ТАКА МОЖЕ И ДА СМЕТААТ НА МЕНЕ БУКВАЛНО 24/7! ИСТОВО, ДОСТАПНОСТ 24/7 АПСОЛУТНО СЕ ОДНЕСУВА И ЗА СИТЕ МОИ СОГРАЃАНИ! ВО ИЗМИНАТИВЕ ОСУМ МЕСЕЦИ ПОКАЖАВ, ВО НАРЕДНИОВ ПЕРИОД ЌЕ ПРОДОЛЖАМ УШТЕ ПОСИЛНО ДА СЕ ГРИЖАМ ЗА ДОБРОТО НА ГРАЃАНИТЕ, ЧЕСНО И ОДГОВОРНО ВО СЕКОЕ ВРЕМЕ!!! ЗНАМ ДЕКА СИ ЗЕМАВ ГОЛЕМ ТОВАР И ОГРОМНИ ОБВРСКИ НА МОЈОТ ГРБ, НО НЕКОЈ МОРАШЕ ДА ПОКАЖЕ ДЕКА И ТАКА МОЖЕЛО!!! Друго не знам што пишуваше, простете ми почитувани мои граѓаните ако нешто сум испуштил, но, не е моја вина, блокиран сум и не можам да ги прочитам прашањата!!!...

Мјанмар прогласи еднонеделна национална жалост по земјотресот со јачина од 7,7 степени според Рихтеровата скала во кој загинаа речиси 2.800 луѓе, додека слабеат надежите дека ќе се најдат преживеани под урнатините, објавија денеска светските агенции. Од вчера почна 7-дневната национална жалост, а едноминутно молчење беше одржано денеска во 12:51 часот по локално време, точно време кога земјотресот се случи во петокот. Кинеската централна телевизија (CCTV), како што јави Ројтерс, денеска објави дека загинале 2.719 лица, 4.521 се повредени, а 400 се водат како исчезнати. Во соседен Тајланд се знае дека загинале 20 луѓе, а илјадници луѓе се евакуирани во Бангкок поради пукнатини во зградите. Спасувачите избезумено трагаат по преживеани во урнатините на урнатиот облакодер во Бангкок. Сепак, се стравува дека бројот на жртвите е многу поголем, според Геолошкиот институт на САД. Спасувачите во двете земји сè уште трагаат по преживеани, иако надежите се намалуваат бидејќи критичниот период – првите 72 часа по земјотресот – помина. Се стравува дека ќе има “илјадници“ жртви во земјотресот во Мјанмар (ВИДЕО)...

„ССМ станала приватна фирма на Слободан Трендафилов, за само една година луѓето околу него земаат милиони во вид на плати и додатоци.“ – обвини владејачката македонска партија ВМРО ДПМНЕ во своето соопштение.Натаму ВМРО ДПМНЕ истакнува: Синдикалците на батерии, на чело со Трендафилов, земаат над милион денари годишно во вид на плати и додатоци. За да биде ова уште потрагично, овие пари ги земаат од парите, кои синдикалците со ниски примања ги даваат на Сојузот на синдикати на Македонија. Лажните синдикалци, кои го предводат ССМ, се богатат на маката на работниците. Затоа, работниците, кои членуваат во ССМ, се длабоки разочарани од раководството на чело со Трендафилов.Разочараноста на членовите на ССМ од сегашното раководство е, поради тоа тоа што тие го имаат претворено ССМ во приватна фирма и ги користат благодетите од неа. Додека ги гледаат во очи и ги лажат синдикалците, Трендафилов и останатите синдикалци на батерии инкасираат милионски суми во своите џепови на грбот на работниците-членови на синдикатот. Трендафилов и луѓето, со кои што одработува за СДС, земаат плати за 3 или 4 плати поголеми од минималната плата. Затоа тие немаат реална претстава за маката на граѓаните. Политиканството на Трендафилов и ССМ мора да престане. – порачува ВМРО ДПМНЕ....

На сметките на над 340 илјади пензионери во земјава, денеска „ќе легнат“ зголемените мартовски пензии за 2.500 денари. Станува збор за второто линеарно зголемување од 2.500 денари со што зголемувањето на пензиите од минатата есен се поголеми поголеми примања за пет илјади денари. За 2025 година, во Буџетот се предвидени 1,715 милијарди евра за исплата на пензиите....

Рускиот претседател Владимир Путин нареди 160.000 лица да бидат повикани на воена служба во периодот од април до јули 2025 година. Само пред една година во пролетната кампања за регрутирање беа мобилизирани 150 илјади. луѓе, истакна „Интерфакс“. Официјалниот декрет на Путин сега наложува регрутација од денеска до 15 јули 2025 година за руски државјани на возраст од 18 до 30 години. Истовремено, украинскиот претседател Володимир Зеленски тврди дека Русија го одолговлекува мировниот процес бидејќи подготвува нова масовна офанзива за да одземе повеќе украинска земја пред вистинските мировни преговори, пишува Политико...

Лидерот на Алијансата на Албанците, која е дел од коалицијата ВРЕДИ јавно го критикуваше функционирањето на партиите на Албанците во Владата со оценка дека колаицијта функционира „тромо“ и треба да се најде модел за подобра синхронизација. „Јас мислам дека имаме многу недостатоци. Тоа не е толку до премиерот Мицкоски, колку што е до нас. Постои некаква неусогласеност што се гледа од 100 километри, дека многу бавно функционираме. Впечаток е на народот, што е најлошо за нас, дека ВЛЕН има многу слаба позиција во Владата. Само што направив три анкети, кај Албанци генерално анкетирани. Впечатокот на околу 70% од населението Албанци е дека ВЛЕН не функционира добро, не е задоволувачко претставувањето на Албанците во Владата“, изјави тој во интервјуто за „360 степени“. Таравари дообјасни дека кога зборува за претставувањето на Албанците во Владата не мисли на квантитетот кој е во ред во однос на тоа колку има број на министри, број на директори, туку на – квалитетот. „…ако го земете квалитативно, тоа не е баш како што треба, не функционира баш како што треба и тоа е генерален впечаток на повеќето, зборувам за Албанците“, додава Таравари. Ваквите ставови на Арбен Таравари доаѓаат во период на сѐ погласни шпекулации дека тој е со една нога надвор од ВРЕДИ, а се поблиску до ДУИ. Првиот вистински, а можеби и последен тест на коалицијата се претстојните локални избори. ВРЕДИ, засега, не успева да се договори дали ќе настапи со заеднички листи за советници и кандидати за градоначалници. Таравари, додава, тоа прашање има историја уште од лани, кога се отвора идејата за ВРЕДИ од коалиција да прерасне во една партија....

Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вечерва соопшти дека пристигнал во Москва. Пристигнав во Москва“, вели Додик во краткото видео објавено на социјалната мрежа ‘Х’. Откако минатата недела престојуваше во Израел, од каде ненадејно замина во четвртокот, кога беше прогласен за непожелен гостин на конференција посветена на борбата против антисемитизмот, Додик беше на непозната локација. Сега тој посочи дека пристигнал во Русија, илустрирајќи го тоа со видео на кое се прикажани ѕидовите на Кремљ зад него. Тој објасни дека прво им оддаде почит на Русите кои загинаа во Втората светска војна, а потоа рече дека планира повторно да биде во Москва на 9 мај, кога таму ќе се одбележи годишнината од победата над фашизмот. Додик не појасни зошто точно дошол во Москва додека во Босна и Херцеговина се соочува со потерница и додека Судот на Босна и Херцеговина бара од Интерпол да распише меѓународна потерница по него. Додик, премиерот на Република Српска Радован Вишковиќ и претседателот на парламентот на тој ентитет Ненад Стевандиќ добија наредба од Судот на Босна и Херцеговина да бидат притворени во времетраење од еден месец, откако сите тројца одбија да одговорат на поканите на Обвинителството на Босна и Херцеговина за рочиштето за кривично дело на Босна и Херцеговина. загрозување на уставниот поредок на Босна и Херцеговина. ➡️ Стигао сам у Москву. Сваки мој боравак овдjе почињем посјетом споменику Незнаном јунаку како бих одао пошту 28 милиона страдалих Руса у Другом свјетском рату. ➡️ Овдjе ћу бити поново 9. маја на позив предсједника Руске Федерације Владимира Путина на обиљежавању 80. гoдишњице… pic.twitter.com/CMd5jqYda8 — Милорад Додик (@MiloradDodik) March 31, 2025...

Собранието на Република Македонија денес треба да одржи 42-ра, пленарна седница. Претходно пратениците ќе треба, во рамки на заостанатата 38-та седница, да гласаат за Предлог-законот за надополнување на Законот за пензиско и инвалидско осигурување, спред скратена постапка. За пратениците ова ќе биде првото собраниско заседавање по двонеделниот прекин, откако се случи кочанската трагедија. Четириесет и втората седница е новозакажана и на неа како предлог точки се: „Предлог на закон за изменување на Законот за работните односи, по скратена постапка“, „Предлог законот за изменување на Законот за работните односи, по скратена постапка“, „Предлог законот за изменување и дополнување на Законот за заштита на децата, по скратена постапка“, „Предлог законот за ослободување од плаќање на дел од придонесите од задолжително социјално осигурување поради зголемување на плата,по скратена постапка“, како и „Предлог законот за изменување на Законот за учебници во основно и средно образование, исто така по скратена постапка.Покрај други закоснки акти, на седницата по брза постапка се предлагаат и: „Предлог законот за изменување на Законот за основното образование“, „Предлог законот за дополнување на Законот за спречување и заштита од насилство врз жените и семејното насилство“, „Предлог законот за изменување на Законот за безбедност и здравје при работа“, „Предлог законот за изменување на Законот за работните односи“, „Предлог законот за изменување и дополнување на Законот за прекршоците против јавниот ред и мир, по скратена постапка“, и „ „Предлог законот за изменување на Законот за субвенциониран студентски оброк“,.Денес во Парламентот ќе се одржат седници и на три комисии....

Волкан Конак почина на 58-годишна возраст, откако му се слошило среде концерт на Кипар. Прва помош била пружена од присутните пред да биде повикана брзата помош на местото на настанот, пишува на веб-страницата Turkeytoday. Со возило на брза помош бил пренесен во државната болница Газимагуса во 00:17 часот по локално време. И покрај сите лекарски напори, констатирана е смрт во 00:42 часот. Оваа вест ја потврдија од Министерството за здравство, пренесуваат медиумите. Конак беше сакана личност во турската музика, позната по спојувањето на фолк и модерните стилови....