Дури 58 отсто од Бугарите се со став дека парламентарните избори одржани на 27 октомври не биле фер. Анкетата била спроведена во периодот 12-19 ноември 2024 година. меѓу 1017 полнолетни граѓани кои ги користат методите на директно лично интервју и онлајн анкета. Истражувањето покажува дека Националното собрание и преодната влада уживаат ниска доверба. Бугарскиот парламент и по две недели заседавање не може да избере спикер. Ова е показател дека тешко ќе биде и договарањето за состав на влада по 7 изборни циклуси за 3 години. Службениот кабинет на в.д. премиерот Димитар Главчев ужива 46% неодобрување. Поддршката за него е 21 процент. Дури 64% не го одобруваат Националното собрание. Само 12 отсто од испитаниците имаат позитивна оценка за работата на парламентот....

Скопјани утринава останаа повторно да чекаат автобуси на станиците. Јавниот градски превоз е во тотален колапс. Од 230 автобуси, утринава биле пуштени само 40 автобуси, а скопјани се снаоѓаа како знаеја и умееја за да стигнат до саканите дестинации. Нема крај на маките на скопјани со јавниот автобуски превоз. За жал, „ЈСП Скопје“ функционира со само 25 автобуси кои возат на метан. Останатите кои возат на нафта стојат паркирани во базите во Автокоманда и Ѓорче Петров, пренесе 24 инфо. Поради лошите односи на ВМРО-ДПМНЕ (која го има мнозинството во Советот на Град Скопје) и градоначалничката Данела Арсовска, на секои три месеци на јавниот сообраќај во Скопје му се случува колапс. Не беа далечни времињата кога на еден настан кој требаше да биде отчет за сработеното, тогаш лидер на опозицијата а сегашен премиер Христијан Мицкоски најавуваше набавка на 250 еколошки автобуси за потребите на ЈСП Скопје. Како резултат на ваквата состојба со јавниот превоз, повеќето скопјани кои тоа можат да си го дозволат ги земаа своите автомобили, па по улиците имаше редици автомобили и нервозни возачи. Неговиот план беше толку амбициозен што дури најавуваше и отворање на фабрика за такви автобуси. Но кавгата за „рачињата во медот“ неповратно ги уништи односите ВМРО-ДПМНЕ – Арсовска. Оттогаш советниците од ВМРО-ДПМНЕ и Арсовска се на различни страни, често пати влегувајќи во конфликти. Па така, Арсовска планираше Градот да земе кредит за да набави нови електрични автобуси, но таквиот предлог над 10 пати не доби поддршка од мнозинството советници во Советот. И додека советниците од ВМРО-ДПМНЕ, градоначалничката и Владата си ја префрлаат одговорноста за колапсот, граѓаните се тие кои ја плаќаат цената. Стотици илјади работници, ученици и студенти секојдневно мрзнат на постојките и доцнат до нивните одредишта. Поради доцнењето на автобусите, голем број од средношколците добиваат неоправдани изостаноци, а голем дел работници се под притисок од своите претпоставени....

Хроничната опструктивна белодробна болест (ХОББ) претставува сериозно и прогресивно заболување кое значително го намалува квалитетот на животот на заболените. Оваа болест се карактеризира со потешкотии при дишењето, кашлица, и намалена способност за физичка активност, а во потешки случаи може да доведе и до животозагрозувачки компликации. Светската здравствена организација проценува дека ХОББ е третата водечка причина за смртност во светот, со милиони заболени и починати секоја година. Во светот од оваа болест, боледуваат повеќе од 400 милиони луѓе и за жал, нивниот број постојано се зголемува, анализира Фактор. Секоја година поради ХОББ умираат по 3.5 милиони луѓе, а преваленцијата и морталитетот се најголеми во неразвиените земји. Во Македонија, според достапните статистики, илјадници лица страдаат од ова заболување, а бројот е во постојан пораст. Главен ризик фактор за ХОББ е пушењето, но во земји како нашата, каде што проблемот со загадениот воздух е хроничен, аерозагадувањето станува значаен фактор за развој и влошување на оваа болест. Особено е алармантна состојбата во Скопје, кое деновиве се рангира како најзагаден град во Европа, и постојано е во врвот на листите. Пулмолозите предупредуваат дека високото ниво на ПМ-честички не само што ја влошува состојбата кај веќе заболените, туку и го зголемува ризикот за развој на ХОББ кај ранливите групи, како што се децата и постарите лица. Загадениот воздух и пушењето – главни причинители за ХОББ Хроничната опструктивна белодробна болест не само што ја ограничува способноста за дишење на пациентите, туку претставува и сериозен товар за здравствениот систем, економијата и животниот стил на заболениот и неговото семејство. Д-р Деска Димитриевска, претседателка на Македонското респираторно здружение, истакна дека симптомите на ХОББ често се занемаруваат или неправилно се толкуваат. „Симптоми на болеста се отежнато дишење, кашлица, и луѓето често се навикнуваат на нив. Многу доцна се бара медицинска помош, бидејќи симптомите обично се препишуваат на пушење, загаден воздух или изложеност на други штетни фактори,“ објасни Димитриевска. Таа нагласи дека секоја кашлица не треба да се потценува, туку навремено да се бара стручна помош. „Многу е важно болеста да биде дијагностицирана рано. Раната дијагноза овозможува подобро управување со состојбата и значително го подобрува квалитетот на животот на пациентите,“ додаде таа. Покрај здравствените предизвици, болеста остава трајни последици врз социјалниот и економскиот аспект на животот. „ХОББ претставува огромен товар за здравствениот систем, но и за семејните буџети. Често, членовите на семејството мора да отсуствуваат од работа за да се грижат за заболените,“ беше истакнато на настанот. Д-р Јагода Стојковиќ посочи дека пушењето останува главен ризичен фактор за развој на болеста. „Деведесет и пет отсто од пациентите со ХОББ се пушачи,“ нагласи таа. Но, проблемот не застанува тука. „Воздухот, особено во нашиот град, е загаден преку целата година. Ситуацијата станува драматична за време на зимските месеци, што значително ги влошува состојбите кај пациентите со ХОББ,“ истакна д-р Стојковиќ. Таа објасни дека актуелното загадување во Скопје, кое се најде на врвот на светските листи за загаденост, веќе го зголемило бројот на пациенти во амбулантите. „Имаме значително повеќе пациенти деновиве, што е директна последица од високото ниво на ПМ-честичките во воздухот,“ потсети таа. Д-р Оливер Зафировски ја потенцира сериозната закана од ПМ 2,5 честичките, кои директно навлегуваат во крвотокот, предизвикувајќи широк спектар на здравствени проблеми. „Овие микроскопски честички се толку мали што лесно го минуваат белодробниот систем и влегуваат во циркулаторниот систем. Ефектите се катастрофални – од воспалителни процеси до зголемен ризик од најтешки заболувања, како што е ракот,“ објасни д-р Зафировски. Тој предупредува дека најранливите се најмладите. „Секое шесто до седмо новородено дете ќе има белодробно заболување како последица на аерозагадувањето,“ истакна тој, нагласувајќи дека оваа состојба е алармантна. Загадувањето не само што ги зголемува случаите на хронични белодробни заболувања, туку и влијае врз развојот на многу други сериозни состојби. „Отровниот воздух што го дишат граѓаните ќе доведе до зголемување на бројот на заболени од рак, аутизам и деменција,“ додаде тој. Она што дополнително загрижува е трендот на намалување на годините кога се јавуваат овие заболувања. „Гледаме како границите за појава на сериозни болести значително се поместуваат кон помладите генерации, што е директна последица на долгогодишната изложеност на токсичен воздух,“ предупредува д-р Зафировски. Пулмолозите апелираат граѓаните да носат заштитни маски или шалови кога се на отворено и да избегнуваат физички активности во најзагадените периоди од денот, особено ранливите категории, како што се децата, постарите лица и хронично болните....

Соединетите Американски Држави ставија вето на резолуцијата на Советот за безбедност на Обединетите нации (СБОН) со која се бара „итно, безусловен и траен“ прекин на огнот во Појасот Газа, додека израелското бомбардирање на палестинската територија продолжува. САД ја изгласаа мерката против мерката во средата наутро, додека 14-те други членови на Советот гласаа за. Со резолуцијата се бараше ослободување на заробениците во Газа, но Вашингтон изрази противење на барањето за „безусловно“ прекин на огнот. „Во текот на преговорите јасно ставивме до знаење дека не можеме да поддржиме безусловен прекин на огнот без ослободување на заложниците“, рече Роберт Вуд, заменик претставник на САД во ОН, за време на седницата во Њујорк. „Трајниот крај на војната мора да дојде со ослободување на заложниците. Овие две итни цели се нераскинливо поврзани. Оваа резолуција ја напушти таа неопходност и поради таа причина, САД не можеа да ја поддржат“. Ова е четврти пат администрацијата на американскиот претседател Џо Бајден да стави вето на резолуцијата со која се повикува на прекин на војната во Газа од почетокот на воената офанзива на Израел во октомври минатата година....

Во Скопје од вчера попладне сообраќаат само 25 автобуси на гас на јавносто сообраќајно преетпријатие, а останатите се паркирани во автобазите на ЈСП „Скопје“ во Автокоманда и Ѓорче Петров поради – недостиг на гориво. На автобуските станици на минусни температури граѓани чекаа автобус, бидејќи немаат друг начин како да стигнат на работа. Автобусите на ЈСП престанаа да возат од вчера попладне откако немаа од каде да наточат нафта. Вработените велат дека „Пуцко Петрол“ не им носи гориво оти ЈСП Скопје има долг кон фирмата. Од вчера попладне, граѓани на социјалните мрежи се организираат како да стигнат на работа. Во многу групи на социјалните се нудат слободни места во автомобилите и се посочува релацијата на која ќе се движат. „Утрово и во текот на денот ако проаѓате со кола покрај автобуска станица и забележите гужвa, застанете качете некое дете или пензионер префрлете ги до школо или болница. Да бидеме луѓе, да се чуваме“,стои во една од објавите. Претседателот на Советот на Град Скопје, Трајко Славески информираше дека Советот денеска ќе одржи итна вонредна седница со почеток во 18:00 часот. Според него, Советот, во рамките на своите надлежности, е подготвен низ конструктивна расправа да усвои заклучоци со кои ќе побара од надлежните, пред сѐ од градоначалничката Данела Арсовска и директорите, итно да го нормализираат јавниот превоз на територијата на Град Скопје и да го подигнат нивото на хигиена. -Нефункционирањето на јавните претпријатија во надлежност на град Скопје, задолжени да обезбедуваат витални услуги за граѓаните, достигна кулминација, порача Славески во објава на социјална мрежа „Х“. За утре, градоначалникот на Шутка најави протест и ги повика скопјани да се придружат. Протест најавија и студентите за утре во 13.30 часот, затоа, како што велат, доцнат на предавања и на испити, бидејќи нема автобуси низ Скопје, кои би ги однеле до факултетите. Тие доставија ултиматум до Јавното Сообраќајно Претпријатие Скопје- Скопје и градоначалничката Данела Арсовска до крајот на денешниот ден да воспостават итна и неодложна редовност на автобуските линии и враќање во нормална функција на јавниот градски превоз во град Скопје со цел зачувување на интегритетот на студентите и студенскиот стандард. „Доколку не се добие повратен одговор на ова барање и не се регулира сообраќајниот режим, како легитимно тело кое претставува над 28.000 студенти при Универзитетот ,,Св. Кирил и Методиј’’ во Скопје, Универзитетското студентско собрание ќе се приклучи масовно на организираниот протест во петок 22.11.2024 со цел изразување на огромното незадоволството од менаџирањето на Јавното Сообраќајно Претпријатие Скопје- Скопје“....

Австралискиот министер за комуникации во четвртокот го воведе предлог-законот за прв пат во светот во парламентот со кој на децата под 16 години ќе им се забрани пристап до социјалните мрежи, пишува АП. Безбедноста на интернет е еден од најтешките предизвици за родителите, смета Мишел Роланд. Таа рече дека TikTok, Facebook, Snapchat, Reddit, X и Instagram се меѓу платформите кои ќе платат казни до 50 милиони австралиски долари (33 милиони долари) доколку се утврди дека имаат акаунти од деца. Покрај отстранувањето на децата помлади од 16 години од социјалните мрежи, Австралија, исто така, бара начини да ги спречи лицата под 18 години да пристапат до онлајн порнографија, се вели во соопштението на владата. „Има повици од многу страни дека нешто треба да се направи во блиска иднина за да се спречи изложување на тинејџерите и децата на потоци на нефилтрирани и бескрајни содржини“, додаде таа. Предлог-законот има широка политичка поддршка. Откако ќе стане закон, платформите ќе имаат една година да сфатат како да го спроведат старосното ограничување. „За премногу млади Австралијци, социјалните мрежи можат да бидат штетни. Речиси две третини од Австралијците на возраст од 14 до 17 години гледале исклучително штетна содржина на интернет, вклучувајќи злоупотреба на дрога, самоубиство или самоповредување и насилен материјал. Една четвртина биле изложени на содржини кои промовираат небезбедни навики во исхраната. Станува збор за заштита на младите луѓе, не казнување или изолирање и давање до знаење на родителите дека сме на нивна страна кога станува збор за поддршка на здравјето и благосостојбата на нивните деца“, рече Роуланд....

Советот на Град Скопје денеска од 18 часот ќе одржи итна седница за проблемот со јавниот превоз во главниот град. „Нефункционирањето на јавните претпријатија во надлежност на град Скопје, задолжени да обезбедуваат витални услуги за граѓаните, достигна кулминација. Советот на Град Скопје утре, 21 ноември, ќе одржи итна вонредна седница со почеток во 18:00 часот. Советот, во рамките на своите надлежности, е подготвен низ конструктивна расправа да усвои заклучоци со кои ќе побара од надлежните, пред сѐ од градоначалникот Арсовска и директорите, итно да го нормализираат јавниот превоз на територијата на град Скопје и да го подигнат нивото на хигиена. Граѓаните тоа го заслужуваат!“, објави на Твитер претседавачот на Советот, Трајко Славески....

„Делегација на Алијансата за Албанците, предводена од претседателот Арбен Таравари, кој ја извршува и функцијата министер за здравство, како и од вицепремиерот Арбен Фетаи, кој е и секретар за надворешни односи во АА, престојуваше во Албанија. Во текот на оваа посета делегацијата имаше средба со Бајрам Бегај, претседателот на Албанија.“ – објави весникот на албански јазик „Лајм“.Весникот ја пренесува објавата на Арбен Фетаи на неговиот фејсбук-профил во врска со оваа средба: „На 20 ноември 2024 година делегација на Алијансата за Албанците се сретна со претседателот на Албанија во братска и кооперативна атмосфера. Му беа искажани честитка на Бегај за отворањето на преговорите за членство на Албанија во ЕУ и желба нашите патишта час поскоро да се обединат во овој процес, животно важен за нашите земји и народи. На средбата со претседателот на Албанија Бегај се разговараше за важноста на зголемувањето на двостраната и регионалната соработка, особено во областите од заеднички интерес. Во средиштето на вниманието беа инфраструктурата и најбрзото можно затворање на Коридорот 8, како важен чекор кон заедничката безбедност, стабилниот развој и европската интеграција.“...

Ракометарите на Еурофарм Пелистер одиграа нерешено 29:29 во реваншот со Фредериција во Битола во дебито на новиот тренер Раул Алонсо во Лигата на шампионите, но можеа да го однесат и целиот плен во салата „Боро Чурлевски“ ако ги реализираа двата последни напада за победа. Од друга страна, имајќи го предвид постојаното водство на гостите во првото полувреме, кое го добија со 16:13, а во предност беа и до средината на второто, трите бода на македонскиот првак во дуелите со Данците не само што не се за фрлање, туку и ги зголемуваат надежите за осминафинале. По осум одиграни натпревари и со освоени 4 бода, „зелено-белите“ се на шестото место во групата А, последно што води во елиминациите, а во следното коло на 28 ноември ќе му гостуваат на Веспрем. Десното крило Богдан Радивоевиќ беше најефикасен во домашниот тим со 7 гола од 8 удари, пред капитенот Филип Кузмановски со 5/9....

„Ќе го уапсиме Али Ахмети за неколку дена!“ – наводно изјавил Дарко Костовски, градоначалникот на скопската општина Бутел. За ова информираше новинарот Фуркан Салиу кој предходно беше фатен од МВР како носи пиштол во својот автомобил. Тој преку својот профил на Фејсбук пренесува наводна изјава на Дарко Костовски во врска со „претстојното апсење“ на лидерот на ДУИ Али Ахмети. Инаку, Костовски не навел никаков конкретен детал околу тоа наводно „апсење“. Сакавме да го интервјуираме за партизацијата и фамилијаризацијата на Федерацијата за теквондо, а тој, штом излезе од автомобилот, ни рече: „Ќе видите за неколку дена кога ќе го уапсиме Али Ахмети, обиавува Салиу кој предходно во неколку наврати објавувал контроверзни инфорамции кои не беа потврдени. Салиу најави тужба затоа што Костовски му рекол дека вечера со Али Ахмети и Зоран Заев....

Силна подршка за капиталните проекти и унапредување на инфраструктрурата, беа теми на средбата меѓу заменик претседателот на Владата и министер за транспорт Александар Николоски и делегацијата од Европската банка за обнова и развој предводена од Матео Колањели, регионален директор на Банката за Западен Балкан. На средбата се разговараше за финансиската подршка за реализација на капиталните проекти со посебен фокус на изградба на автопатот Скопје – Блаце, изградба на брза пруга на коридор 10 како и доизградба на пругата на коридор 8. Вицепремиерот и министер за транспорт Николоски ја потенцираше решителноста на Владата за реализација на овие проекти и нагласи дека од големо значење е вклученоста на ЕБОР во подобрување и рационализација на проектите на ниво на изводливост се со цел утврдување на најсоодветните варијанти за нивна изградба. На средбата, исто така се разговараше и за динамиката за изградба на проектите, при што министерот Николоски истакна дека во перидот што следи, Владата ќе ги забрза постапките за реализација. “Денешната средба со ЕБОР беше конструктивна и во насока на изнаоѓање заеднички решенија се со цел да изградиме квалитетен автопат, притоа тој да биде со реални цени, а не како што претходно било планирано и секако да нема штета по буџетот и граѓаните. Работната група работи на изнаоѓање на нова траса и очекувам во скоро време да имаме нова траса поевтина од претходно понудената”- истакна министерот Николоски по средбата. Министерот Николоски додаде дека Македонија е силно посветена на регионалното поврзување и економскиот развој и во таа насока има силна волја во завршување на крупните инфраструктурни проекти....

Радио Лидер објавува дека денеска изутрина на барање на претседателката Гордана Сиљановска Давкова се случил телефонски разговор со новата заменик генерален секретар на НАТО Радмила Шеќеринска. Според дипломатските извори кои ги цитира Радио Лидер во разговорот претседателката Гордана Сиљановска Давкова и го честитала изборот на Шеќеринска, посакувајќи и успешен мандат во Северноатланската алијанса. Во разговорот било договорено Шеќеринска во петок да има средба со претседателката Сиљановска Давкова во вилата Водно. Шеќеринска е прва Македонка во највисокото раководството на НАТО. Извор Радио Лидер...

Универзитетско студентско собрание при Универзитетот ,,Св. Кирил и Методиј’’ во Скопје попладнево испрати соопштение во кое има голем број поплаки од состојбата во која се наоѓаат студентите поради нередовниот превоз. Претседателот на Универзитетското студентско собрание (УСС) на УКИМ, Александар Николоски бара итно воспоставување на редовните линии и враќање во нормала на функцијата на јавниот превоз и воведување на нови и ефикасни транспортни решенија. Нивните барања се упатени на адреса на градоначалничката Данела Арсовска и на Јавното сообраќајно претпријатие Скопје. Ако не се најде решение за јавниот превоз и над 28.000 студенти ќе излезат на протест и ќе им се пиклучат на граѓаните кои веќе најавија дека во петок излегуваат на улица. „Данела Арсовска и и Јавно сообраќајно претпријатие Скопје, по спроведената анкета на која одговорија над 3.150 студенти, 84% од нив во последните денови чекаат автобус повеќе од 15 минути, а 65,9% од нив, чекаат автобус над 20 минути. Дополнително, 93,4% од студентите не се задоволни од квалитетот на јавен градски превоз во градот, а 65,9% од истите воопшто не се задоволни од истиот. Затоа, по добиените бројни интерни поплаки од страна на студентите за време на одржување на колоквиумска недела и предавања при Универзитетот ,,Св. Кирил и Методиј’’ – Скопје и спроведената анкета за евидентната катастрофална положба во која што се наоѓа градскиот превоз, нередовност на линии, неисправност на автобуси, долго чекање на постојки, која секојдневно го нарушува студенскиот стандард“, се вели во реакцијата на УСС на УКИМ. Оттаму го доставија следниот ултиматум кој ви го пренесуваме во целост: „Јавното Сообраќајно Претпријатие Скопје и градоначаlni;kata на град Скопје, Данела Арсовска до крајот на утрешниот ден 21.11.2024 да воспостават итна и неодложна редовност на автобуските линии и враќање во нормална функција на јавниот градски превоз во град Скопје со цел зачувување на интегритетот на студентите и студенскиот стандард. Доколку не се добие повратен одговор на ова барање и не се регулира сообраќајниот режим, како легитимно тело кое претставува над 28.000 студенти при Универзитетот ,,Св. Кирил и Методиј’’ во Скопје, Универзитетското студентско собрание ќе се приклучи масовно на организираниот протест во петок 22.11.2024 со цел изразување на огромното незадоволството од менаџирањето на Јавното Сообраќајно Претпријатие Скопје- Скопје. Дополнително, испраќаме силен апел за воспоставување на нови и ефикасни транспортни решенија и конечно отпочнување на предвидените инфраструктурни проекти најавени од ваша страна и вашиот тим во градоначалничката предизборна програма, но и од страна на претходните градоначалници. Конкретно, барањата се следните: продолжување и финализирање на проектот за Bus Rapid Transit, воведување на градска железница со искористување на постоечките капацитети и изградба на пруга до Аеродромот Скопје, отпочнување и финализирање на предвидените инфраструктурни проекти (Јужен Булевар, бул. Хрватска, бул. Србија, мостот кај Хотел Русија, продолжување на бул. Климент Охридски преку Вардар, под Кале до бул. Никола Карев, продолжување на бул. Илинден, Источна обиколница), набавка на нови автобуси и отворање на нови автобуски линии, надградба на велосипедската инфраструктура и промоција и поддршка на алтернативни видови на транспорт. Доколку не можете да ги исполните ветувањата дадени во програмата, но и силните барања на граѓаните на вашиот Град, оставката секогаш е отворена опција“. Градоначалникот на општина Шуто Оризари, Курто Дудуш, за во петок (22 ноември) најави протест пред зградата на Град Скопје од 13.30 часот. Причина за протестот е влошената состојба со јавниот превоз, кој предизвикува огромни проблеми на граѓаните....

Министерот Ристовски заедно со претседателот на Ракометната федерација на Македонија, г-дин Живко Мукаетов и генералниот секретар, г-дин Филип Милошевски ги поздрави репрезентативките на денешниот последен тренинг пред заминувањето за Пореч, Хрватска каде ќе ги одработат завршните подготовки пред настапот на ЕП 2024. -Најважно е да го дадете својот максимум и да дадете сѐ од себе на ова Европско првенство. Ќе почувствувате можеби и позитивен притисок бидејќи цела Македонија ќе ве гледа, ќе навива за вас. Многу е важно да отидете подготвени да жртвувате дел од себе и од своите емоции, покрај спортскиот квалитет, да дадете нешто за својата држава. Можам да пренесам од лично искуство дека претставува голема чест и задоволство да се настапува за Македонија и е голема привилегија да се носи националниот дрес. Без разлика на резултатот вие секогаш ќе бидете најдобрите од Македонија. Гордо да ја претставите државата, да бидете горди претставници на македонскиот ракомет. За сѐ што ви треба ние сме тука како министерство и како држава да ви помогнеме и сите недостатоци доколку ги има, да се обидеме заедно да ги надминеме и да ги исправиме. Без разлика дали сме таму со вас или овде, сите ќе ве следиме и ќе навиваме. Останете здрави, останете успешни и позитивни. Со среќа на ЕП! – им рече министерот Борко Ристовски на македонските репрезентативки. Македонската репрезентација утре заминува за Пореч, Хрватска каде ќе учествува на турнирот „Кроација куп“ што ќе биде последна проверка пред настапот на ЕП 2024 што ќе се одржи од 28 ноември до 15 декември во Унгарија, Австрија и Швајцарија. На ЕП 2024 Македонија е во група со Унгарија и Шведска и со Турција, а натпреварите од прелиминарната фаза ќе ги игра во Дебрецин, Унгарија....

Автобусите на ЈСП Скопје попладнево престанаа да возат поради недостигот на нафта. Кога ќе има решение за овој проблем засега не се знае, но она што останува е проблемот на граѓаните – како утре да стигнат до работните места?! На социјалните мрежи се појавија објави од граѓани кои нудат превоз до одредена релација низ која секојдневно поминуваат, а воедно да помогнат на некого на кого му е потребен превоз – ваквата објава ја поздравија многумина, па дури и останати се понудија да помогнат со превезувањето. Во Скопје попладнево сообраќаат само 25 автобуси, а останатите се паркирани во автобазите на ЈСП во Автокоманда и Ѓорче Петров поради недостиг на гориво. Од синдикатот на возачите велат дека состојбата е алармантна, а Град Скопје соопшти дека “се работи за смислено сценарио од страна на ВМРО-ДПМНЕ со цел пропаѓање на претпријатието“. Африм Муча, претседател на Независниот синдикат на возачите во ЈСП „Скопје“ изјави дека состојбата е многу сериозна бидејќи, како што рече, речиси 70 отсто од возилата се паркирани. „Одговорот е едноставен, нема нафта. Утрово возачите беа повикани да дојдат на работа, но тие се во базите во Автокоманда и во Ѓорче Петров заедно со автобусите бидејќи нема нафта и ТНГ. Низ градот сообраќаат мал број двосменски автобуси кои имаат наточено нафта пред два дена, како и возилата со ТНГ. За нормално функционирање на ЈСП на дневна основа се потребни 25 тони нафта, што не ја добиваме. Нафтата вообичаено ни ја доставува „Пуцко Петрол“ во базите на ЈСП „Скопје“, но бидејќи должиме поголема сума на пари, деновиве не ни доставуваат нафта“, рече Муча. Тој најави дека е можно утре воопшто да не сообраќаат автобусите доколку во теков на денов не добијат гориво....

Поради недостик на гориво од попладнево само 25 автобуси кои возат на гас сообраќаат низ Скопје. Хаос по постојките. Пуцко петрол не дава повеќе на вересија нафта. Од компанијата Решиле да си го напалатат долгот од над 10 милиони евра. Од ЈСП велат немаат коментар, а од Градот Скопје прст вперија кон премиерот Мицковски дека создава криза. Додека надлежнити играат пинг-понг префрлајќи си ја вината. Скопјани нервозно гледат во часовниците со надеж дека ќе пристигне авотбус. Авотбус нема, а и тој еден што ќе пристигне се полни веднаш и патниците висат нанадвор. Бидејќи претпријатието има долг кон фирмата добавувач „Пуцко петрол“, не се испорачува веќе нафта за автобусите, поради што тие се исклучуваат од сообраќај, а возат само автобусите на гас. И додека возачите истакнуваат дека не знаат кога автобусот ќе им изгасне поради недостиг на гориво, граѓаните преку социјалните мрежи се организираат за протест поради хаосот со кој се соочуваат со јавниот сообраќај во Скопје изминатите години. Протестот е најавен за петок во 13:30 пред седиштето на Град Скопје....

Пазарот на труд во Македонија покажува чудни тенденции. Од една страна имаме намалување на бројот на вработени, а паралелно со него паѓаат и бројките на невработени граѓани. Во исто време имаме големо намалување и на бројот на активни граѓани, поточно граѓани кои се работоспособни и кои сакаат да работат, објави Фактор. Од некогашните скоро 950 илјади активни граѓани во 2016 година, бројот на лица кои сакаат и можат да работат се намалил под 800 илјади граѓани во текот на минатата 2023 година. Ова го покажуваат податоците на државниот завод за статистика, каде може да се види, дека имаме пад и на бројот на вработени. Имено во 2016 година биле вработени над 723 илјади граѓани, во текот на минатата година се намалиле на 688 илјади. Но, невообичаено е што најголемо намалување имаме толку кај бројот на невработени граѓани, кои од некогашните над 225 илјади спаднале на 103 илјади граѓани. Дури и кај неактивното население имаме намалување. Па таму бројките од 730 илјади граѓани во 2016 година, се намалиле на 723 илјади. Но, загрижува уште една споредба со бројките кои ги објавува Државниот завод за статистика. Имено, во текот на минатата 2023 година имало повеќе некативни отколку вработени граѓани. Бројот на неактивни граѓани достигнале 723.459 лица, додека бројот на вработени во земјава бил 688.296 лица. Ова е уште еден сигнал за масовното иселување од земјава, но може да биде и знак дека се повеќе граѓани работат без да бидат пријавени, хонорарно, привремено, или пак се насочуваат кон сеознски работи, при што за дел и понатаму нема евиденција дека се во работен однос. Ваквите тенденции се присутни и во текот на оваа 2024 година, кога се регистрира намалување на активните граѓани, паралелно со намалувањето на невработеноста....

Новото Министерство за енергетика предлага домаќинствата и малите потрошувачи да можат да купуваат струја според концептот „динамична цена“ наместо да ја плаќаат како фиксна кај универзалниот снабдувач (во случајов ЕВН Хоме). Според дополнителните и најнови предложени измени на Законот за енергетика, како што објави Фактор, домаќинствата ќе може да купуваат струја од снабдувачи со динамична, односно тековна цена, каква што е во моментот на пазарот. Бидејќи оваа цена е варијабилна, потрошувачот ќе може да ги користи периодите кога таа е ниска. Снабдувачот ќе треба да им обезбедува постојани информации на потрошувачите за цената на струјата преку паметни мерни уреди, а своја улога како обезбедувач на информации и контрола ќе има Регулаторната комисија за енергетика. Од Министерството за енергетика, на нашето прашање колку е веројатно ова да профункционира во пракса и колку време ке биде потребно овој концепт да се воспостави, велат дека оваа можност веќе е започната да се имплементира во некои земји од Европската унија. Оваа новина, која почнува да се имплементира во дел од земјите од Европската Унија, ја инкорпорираме и во нашето законодавство како дел од усогласувањето со европските стандарди. Министерството за енергетика смета дека, воведувањето на можноста домаќинствата и малите потрошувачи да склучуваат договори со снабдувачи на електрична енергија по динамична цена, е изводливо и во интерес на граѓаните, бидејќи ова ќе им овозможи флексибилност и оптимизирање на трошоците во согласност со реалната потрошувачка. Искуствата и праксата покажуваат дека потребното време за целосна имплементација зависи од техничките подготовки и договорите со снабдувачите. Што секако ќе биде во координација со потребите на потрошувачите и ќе се развива паралелно со прилагодувањето на потребите на пазарот и техничките капацитети, велат од министерството. Од таму додаваат дека потрошувачите – во слуачјов домаќинствата и малите потрошувачи, ќе треба да инсталираат посебно броило во договор со снабдувачот за плаќање на електричната енергија по динамична (променлива) цена. Во однос на евентуалните трошоци за корисниците, единствениот можен почетен трошок би бил за инсталирање ново броило со опција за далечинско читање. Министерството се стреми да се минимизираат дополнителните трошоци, со цел да го направи овој модел достапен за што поголем број граѓани без дополнителен финансиски товар, гласи одговорот од Министерството за енергетика....

Сите службени возила ќе бидат обележани со специјални регистарски таблички во боја за да се избегне нивната злоупотреба, најави директорот на Службата за општи и заеднички работи, Ивица Томовски. „Одлучивме да воведеме специјални таблици во боја, а регистарот паралелно да го работиме во текот на годината. Правилникот го имаме донесено и сега се чека на потпис на министерот за внатрешни работи. Тие специјални таблици бројат околу 6 500 за сите возила на територија на цела Македонија“, изјави Томовски во синоќешното гостување во емисијата „Заспиј ако можеш“ на ТВ Алфа. Според директорот на СОЗР, од вкупно 120 возила во сопственост на СОЗР само десет се функционални. „Ние како СОЗР ги опслужуваме сите вип личности со 45 шкоди, кои секои три години се обновуваат на оперативен лизинг и имаме плус уште 120 возила кои се во сопственост на СОЗР. Кога го преземавме кормилото на службата, функционираа 10, а останатите 110 возила не се сервисирале воопшто. Од тие 110 ги ставивме барем 50% проценти во функција, а за останатите е отпочната постапка за продажба според закон“, посочи Томовски. Покрај ова, директорот на СОЗР најави дека ќе се воведат и телефонски линии на кои граѓаните ќе може да пријават злоупотреба на автомобилите, по кои потоа ќе се постапува. На 17 септември годинава Владата на предлог на СОЗР донесе одлука за воведување посебни регистарски таблички во боја за автомобилите на државните институции. Од Владата тогаш соопштија дека е формирана комисија за отпочнување на измените и дополнувањата на Законот за користење и располагање со стварите во државна и стварите во општинска сопственост и на Законот за возила со кои, како што посочија, ќе се воспостави регистар на сите државни возила кои ќе бидат обележани со регистарски таблици во посебна боја. Предлогот за воведување регистарски таблички со посебна боја, што ќе овозможи лесно идентификување на службените возила, првично ја иницира претходниот состав на Антикорупциската комисија....

Бизнисот со душа ги чека парите од унгарскиот кредит, а со него и условите под кои треба да ги планираат инвестициите. Премиерот Христијан Мицкоски очекува крајот на оваа или почетокот на следната недела, конечно да бидат прецизираат условите во однос на каматите под кои бизнис секторот ќе може да ги користи 250-те милиони евра и парите да се пуштат во оптек. Анализираме две сценарија. Во текот на оваа недела ќе има Министерството за финансии поединечни средби со дел од банкарите, вклучително и Централната банка, гуверенката. Очекувам крајот на оваа и почетокот на следната недела веќе да излеземе со конечна позиција и да тргне оваа работа. Инаку, да се трудиме компаниите да добијат еднакви, историски најнински услови што во овој момент може да се најдат каде било во светот, рече премиерот Мицкоски на новинарско прашање кога ќе биде средбата со банкарите оваа недела и дали Владата размислува да ги покрие трошоците за каматите за кредитниот ризик за банките за да добијат фирмите поволни кредити. На средбата изминатиот викенд не беше постигнат договор меѓу Владата и банките за дефинирање на условите за пласманот на унгарскиот заем за македонските компании. Начелно постигната е согласност околу роковите за исплата, но не и околу каматата што ќе треба да се исплаќа, за која од двете страни, беше кажано, има волја за доближување на ставовите. Премиерот Мицкоски по средбата со Македонската банкарска асоцијација, рече дека во однос на каматата, уште ќе се преговара. Во делот на каматата ќе се преговара уште оваа недела и очекувам дека до крајот на следата недела, во втората половина веќе би имале некаков став поврзан со тоа прашање и на тој начин би го заокружиле сето ова за конечно да почнеме сето ова да го аплицираме и да се пренесе на стопанството. Во моментов се доближуваат ставовите. Не би зборувал сега за проценти, би зборувал повеќе за изразена волја од двете страни за доближување на ставовите, рече Мицкоски. Унгарскиот заем од половина милијарда евра го договорија премиерот Мицкоски и унгарскиот премиер Виктор Орбан за време на Самитот на НАТО во Вашингтон. Законот за унгарскиот заем беше донесен во Собранието на 17 септември, а на 8 октомври во Будимпешта министерката за финансии го потпиша договорот. Од Академијата за банкарство за МТВ кажаа дека се оптимисти дека многу брзо бизнисот ќе ги добие парите. Професорот Синиша Наумоски вели целта е стопанството да добие што е можно пониска каматна стапка. Од Народната банка велат дека не биле вклучени во процесот на преговори околу условите за пласирање на средствата од унгарскиот заем. Висината на каматните стапки и другите трошоци поврзани со самите кредити, рочноста и другите услови се уредени со интерните акти на банките. За Народната банка како регулатор и супервизор на банкарскиот сектор, основна цел е одржување на неговата сигурност и стабилност пред сè преку следење на ризиците на кои е изложен и преземање на соодветни активности. Од Стопанската комора очекуваат дека Владата и банкарскиот сектор ќе се договорот што поскоро и побараа итно вбризгување на средствата кај бизнисот, што ќе донесе позитивен ефект на економијата и ќе стимулира раст. Владата од Унгарија зема кредит од 500 милиони евра, од кои 250 милиони се наменети за кредити во стопанството. Владата преговара и за нови дополнителни 500 милиони евра од Унграија, кои според најавите, ќе бидат за отплата на еврообврзницата која доспева на крајот од јануари 2025....

Од „ЗК Пелагонија” информираат дека информацијата дека „ЗК Пелагонија влегува во стечај, е неточна и тенденциозна и ја демантираат – Судот никогаш не покренал никаква постапка за стечај против акционерското друштво туку бил оформен предмет по добиена пријава, дотолку повеќе што ЗК Пелагонија ја има сервисирано својата обврска кон добавувачот кој го споменувате, а со тоа, нема ниту можност да се поведе стечајна постапка по барање на компанијата „Бетон. Комбинатот нема земено ниту едно евро кредит, а со тоа, тврдењето дека „ЗК Пелагонија АД е неликвидно е неточно. За тоа говори и фактот што комбинатот продолжува со своето редовно работење и финализирање на есенската сеидба. Во моментов се посеани 6500 ха есенски култури, што во услови на незапаметена суша во последните години е голем успех за сите вработени и за комбинатот, кој и покрај ниските приноси и финансиски приходи од пролетните култури, успешно ќе ја заврши сеидбата на пченица. Сакаме да информираме дека последниве три години се соочуваме со голема суша, намалени приноси како резултат на климатските промени и екстремно ниски цени на земјоделските производи што не доведоа во ситуација да се соочиме со намалена ликвидност. Очекуваме дека во наредниот период ќе се зголеми свеста во Македонија за важноста на нашата дејност, производството на храна и дека и државата и банките ќе имаат посериозен пристап за помош и развој на оваа важна стопанска гранка“, се вели во соопштението на ЗК Пелагонија....

Уставниот суд поведе постапка за Законот за солидарен данок. Ова следува откако судиите ја разгледуваа иницијативата поднесена од Здружението за заштита од дискриминација, која оспорува член од Законот за нотаријатот. Дури 156 компании се крстат во Уставен за да си ги повратат 49-те милиони евра кои ги уплатиле на сметка на државата. Тие бараат да бидат ослободени од дополнителни плаќања. Ако Уставен реши да го поништи Законот, тоа ќе значи дека од буџетот на државава ќе мора да им се вратат парите на компаниите кои го платиле данокот, а тие и ќе можат да тужат за камати. Ако се укине Законот, тоа ќе значи само дека во иднина Владата и Собранието нема да смеат да носат ист закон. Не може да се менуваат правилата на сред игра, вели претседателот на Уставен суд, Дарко Костадиновски. Тој на брифинг со новинарите кажа дека што се однесува до Законот за солидарност ќе се носи поништувачка, поништувачка, или одлука за запирање на постапката. По мислењето на мнозинството судии, сите овие принципи се прекршени со донесувањето на Законот за солидарност. Не постои никаква гаранција дека законодавецот во случај на непредвидливи економски околности може да посегне по донесување на таков Закон, што значи повреда на правната сигурност на субјектите, таква гаранција не постои, вели меѓу другото претседателот на Уставен суд, Дарко Костадиновски, на брифинг со новинарите. Подносителите на иницијативите, меѓу кои и Стопанската комора на Македонија, но и други компании, тврдат дека законот е спротивен на Уставот и дека неговата ретроактивна примена ги нарушува правната сигурност и деловната политика на компаниите. Фирмите кои лани оствариле добивка треба да платат екстра данок. Откако беше усвоен Законот за солидарен данок, дополнително се оданочуваат компаниите кои оствариле промет над 10 милиони евра, а добивката била зголемена за 20% во однос на просекот од последните три години. Според иницијативите, законот стапил во сила од почетокот на Ковид кризата, без соодветен период за прилагодување, што ги довело компаниите во неповолна положба. Стопанствениците оценуваат дека ваквото законско решение е погубно и деструктивно за бизнисот и дека со него се испраќа порака според која плаќачите на данок треба двојно да плаќаат и се на сметка на оние кои не плаќаат. Овој данок не е дел од даночната реформа, туку станува збор за еднократно решение кое се воведува во услови на криза. Главната карактеристика на овој данок е што со него се обезбедуваат средства за справување со кризите....

УЕФА ѝ додели службена победа на фудбалската репрезентација на Романија од 3:0 за натпреварот од Лигата на нациите во Букурешт што Косово одби да го доигра, но ѝ изрече и забрана за публика на следниот официјален меч како домаќин, како и вкупна парична казна од 127 илјади евра. Во таа сума влегуваат 50 илјади евра за „расистичкото и/или дискриминаторско однесување на нејзините навивачи (во однос на ксенофобични антиунгарски скандирања), 30 илјади евра за „пренесување провокативни политички пораки несоодветни за спортски настан“, 9.000 евра за фрлање предмети, 4.500 евра за палење факели или огномет, 8.000 евра за употреба на ласери, 12.500 евра поради „предизвикување неред за време на националните химни“ и 14.000 евра за блокирање на јавните премини. Косово, покрај службениот пораз, ќе треба да плати и 6 илјади евра за „несоодветно однесување на неговиот тим“. Мечот на Националната арена во Букурешт беше прекинат при 0:0 во третата минута од судиското продолжение, кога фудбалерите на Косово го напуштија теренот со образложение дека од трибините се слушале скандирања „Србија, Србија“ и „Косово е Србија“ и потоа одбија да се вратат, па данскиот судија предвреме отсвири крај....

По завршувањето на групната фаза во Лигата на нациите фудбалската репрезентација на Македонија и официјално дозна со кои селекции ќе биде во третиот сад при извлекувањето на 13 декември од 12 часот во седиштето на ФИФА во Цирих, а со тоа и тимовите што ќе ги избегне во квалификациите за Светското првенство 2026 во САД, Мексико и Канада. „Црвено-жолтите“ во групата за мундијалот нема да играат против Шкотска, Словенија, Република Ирска, Албанија, Финска, Грузија, Исланд, Босна и Херцеговина, Северна Ирска, Црна Гора и Израел. Прв сад: Франција, Шпанија, Англија, Белгија, Португалија, Холандија, Италија, Германија, Хрватска, Швајцарија, Данска и Австрија. Втор сад: Украина, Турција, Шведска, Велс, Полска, Србија, Грција, Романија, Словачка, Норвешка и Чешка. Четврти сад: Бугарија, Луксембург, Белорусија, Ерменија, Косово, Казахстан, Азербејџан, Естонија, Кипар, Летонија, Фарски Острови и Литванија. Петти сад: Молдавија, Малта, Андора, Гибралтар, Лихтенштајн и Сан Марино. Квалификациите ќе почнат на 21/22 март 2025 година, а на СП ќе се пласираат освојувачите на 12. групи и четири победници од баражот....

На денешна Комисија за финансии и буџет на амандманската расправа за Предлог-буџетот за 2025, реплика даде и пратеникот од ВМРО-ДПМНЕ, Бране Петрушевски. Петрушевски изрази доза скептицизам кон амандманите, укажувајќи дека кога ваков предлог доаѓа од поранешен носител на функцијата вицепремиер за економски прашања. ,,Ако овој амандман беше предложен од лице кое не било вицепремиер за економски прашања, тогаш неговите намери и аргументи ќе беа искрени и реални. Колку домашни компании досега имаа можност да воведат нови технолошки решенија и да ја зголемат својата конкурентност на пазарот?“, кажа Петрушевски. Петрушевски додаде, дека ова е клучен фактор за одржлив економски раст, а уште повеќе се истакнува бидејќи таквата практика не е новитет, туку функционира веќе со децении во Македонија. „И мене ме интересира, заради кредибилитетот на поднесувачите на овој амандман, да добијам одговор: Кои беа ефектите од средствата кои досега како држава ги инвестираме, а кои се буџетски средства на граѓаните на Република Македонија? Обврзани сме за нивно рационално трошење,“ изјави Петрушевски. Петрушевски се осврна и на контролата на средствата кои се насочуваат кон Фондот за иновации и технолошки развој. „Неизбежно е да се постави прашањето како поранешниот вицепремиер за економски прашања дозволил да нема соодветен начин на контрола врз трошењето на тие средства, за да дојдеме до ситуација, според ревизорски извештај, преку 60, не шест, туку преку 60 проекти или 3,2 милиони евра буџетски средства да завршат на фиктивни и непостоечки проекти“, истакна Петрушевски. Петрушевски потсети дека задачата на вицепремиерот за економски прашања не е само да организира прес-конференции и да се фали колку средства се обезбедени, туку да обезбеди контролирање на нивното трошење и следење на ефектите од тие инвестиции. „Колку домашни компании имале можност да воведат нови технолошки решенија? Затоа што е клучен фактор за економскиот раст. А сите знаеме колкав беше економскиот раст во изминатиот период“, заклучи Петрушевски....

Украина првпат истрела британски ракети „Сторм Шадоу“ на руска територија, пишува Блумберг, повикувајќи се на извори. Според извештајот, проектилите биле истрелани како дел од украинската офанзива, а претставници на британската влада не коментирале за конкретни операции или извештаи. Велика Британија претходно и дозволи на Украина да ги користи споменатите ракети на нејзина територија, додека украинските власти во последните месеци побараа од САД да овозможат употреба на тие ракети за напади врз цели во Русија....

Обвинетиот Влатко Кешишев ја повлекол изјавата дека Љупчо Палевски бил присутен за време на убиствата на Вања Ѓорчевска и Панче Жежовски. Кешишев во изјавата која ја доставил преку затворот до судот навел дека Велибор Манев им вршел притисок да кажат дека Палчо е организатор и дека тој пукал. Манев наводно им се заканил на него и на Боре дека ќе ги здробат ако не кажат така. На крајот од денешното рочиште на кое сведочеа тројца сведоци, судијата ја подели писмената изјава на Кешишев на адвокатите на сите обвинети. За оваа изјава не беше запознаен ниту адвокатот на Кешишев. Адвокатите не ја коментираа изјавата, само рекоа дека сите обвинети ќе се соочат еден со друг во текот на судењето и дека тогаш ќе се расчисти работата. Во изјавата напишана на 18 ноември 2024 година, Кешишев навел дека Палевски на 22 и на 27 ноември 2023 година не бил со тројцата во Велес и во Скопје, туку дека спиел во штабот. Кешишев навел дека згрешил што го послушал Велибор и дека кажал невистина дека Палчо бил со нив. Во изјавата Кешишев не навел ништо за мотивите на двете убиства, ниту за тој кој всушност пукал во Вања и во Панче. Кешишев е човекот кој на полицијата ѝ откри каде е закопана Вања....

СДСМ во претходниот мандат финансирал проекти со пари на граѓаните за полнење на сопствените џебови преку Фондот за иновации, обвини пратеничката на ВМРО-ДПМНЕ Драгана Бојковска. Таа најави дека актуелната влада ќе изврши детална ревизија на фондот: – Ве молам во делот на Фонд за иновации и технолошки развој да не ми зборувате за криминали. Три милиони евра најден криминал во ФИТР, три милиони евра најдени проекти коишто сте финансирале со државна помош со пари на граѓаните. За различни видови на вкусна вода, за не знам различни летачки магариња, за рецепт за пица, за хулахопки, за концепт на кафе, за фирми блиски до еден град до вашиот поранешен лидер и така натаму – говореше Бојковска на денешната Комисија за финансии и буџет на амандманската расправа за Предлог-буџетот за 2025 година. Таа напомена дека поранешниот вицепремиер Фатмир Битиќи и самиот знае што се случувало по однос на финансирање на проекти, но посочи дека ќе остави институциите детално да го решат овој случај. – Се согласувам дека во наредниов период институциите ќе имаат многу работа. Така што во делот на ФИТР знаете и многу повеќе и детално што всушност е финансирано таму и надлежните ќе ги отворат овие информации – додаде Бојковска....

Здружението за промоција на спортски активности 35 години Вардарци Скопје кое ги застапува навивачите на „црвено-црните“ Комити, побараа смена на актуелното раководство на ФК Вардар. Новиот сопственик на клубот Атила Бижен Жалили, за извршен директор на Вардар го назначи Миленко Неделковски, додека за неизвршни членови во раководството се именувани Владо Петровски, Александар Кузмановски и Борче Крстовски-Илиоски. „Комити“ се незадоволни од односот кон нив на Миленко Неделковски. – Ние никогаш не сме кажале дека имаме стереотипи кон одредени личности, затоа што и ние се бориме со стереотипи цело време. Ние само сметаме дека Неделковски не е за тоа место во Вардар. Не е достоен да биде директор во Вардар. Ние стоиме зад тоа дека на чело на Вардар треба да биде човек кој не го поларизира општеството и не ги политизира нештата во фудбалот и спортот, туку човек кој обединува. Затоа што на Македонија и Вардар им требаат само обединување – изјави Милорад Миленковски од „35 години Вардарци Скопје“. Сепак треба да се нагласи дека во договорот потпишан при предавањето на мнозинскиот (85 %) пакет на акции, Комити управувањето му го доделија на новиот сопственик. – Моравме да го предадеме клубот на друг сопственик, бидејќи финансиската состојба беше независна, а добивме и уверување дека работите ќе се средат. Можеби немаме извршна моќ да ги менуваме внатре работите, но ние сме гласот на ФК Вардар и за секој проблем во клубот ние сме тука да алармираме – додаде Миленковски. Според него можно е во блиска иднина сметката на ФК Вардар да биде одблокирана. Неговите пресметки се дека долгот на Вардар е помеѓу два и три милиони евра....

Од попладнево, јавниот превоз во Скопје ќе биде прекинат поради недостаток на нафта, соопштуваат вработени во ЈСП „Скопје“. Проблемот произлегува од неплатени долгови кон добавувачот „Пуцко петрол“, кој престанал со испорака на гориво, пренесува Телма Во сообраќај ќе останат само автобусите што користат гас – вкупно 25 возила. Автобусите веќе почнале да се исклучуваат од линиите бидејќи и базите во Автокоманда и Ѓорче Петров немаат резерви на гориво. „Во понеделникот имаше мала испорака на нафта, но долгот не е платен и повеќе не се носи гориво,“ велат од претпријатието. Од Град Скопје засега нема никакво официјално известување. Извор: https://telma.com.mk/2024/11/20/puczko-petrol-prestana-so-isporaka-na-gorivo-od-popladne-avtobusite-na-jsp-ne-vozat-osven-onie-na-gas/...

Господинот Хауард Лутник беше овде во Скопје во Владата каде разговаравме за многу теми. Имаме лично пријателство и очекувам само позитивни моменти од нашата идна меѓудржавна соработка како стратешки партнери. Убеден сум дека тој ќе донесе додадена вредност и во светската економија, а тоа ќе значи позитива и за македонската економија. Ова го истакна премиерот Христијан Мицкоски, како одговор на прашањето- како ова ќе се одрази на нашите односи со САД. -Кога беа гости тука во Владата, имаше и такви кои тоа не баш позитивно го коментираа. Добро е што како Влада имаме пријатели во најмоќната економија во светот, тоа е американската, го имаме првиот човек кој ја води најмоќната економија во светот. Убеден сум дека тоа може да донесе само позитивни вести за македонските претприемачи и за македонските граѓани. Инаку, новоизбраниот американски претседател Доналд Трамп денес го номинираше финансиерот од Вол Стрит Хауард Лутник за свој иден Секретар за економија. Лутник беше дел од делегацијата која ја посети Македонија во јули годинава, заедно со сопственикот на Рамбл и негов бизнис партнер Крис Павловски и поранешниот конгресмен Девин Нунес. При посетата, делегацијата имаше интензивни разговори со премиерот Христијан Мицкоски и македонската влада, за повеќе инвестициски проекти. https://youtube.com/watch?v=lYninFSL5KM%3Fsi%3D3BMwyhY9YzJmdHZm...

Украинскиот претседател Володимир Зеленски изјави дека мисли оти Украина ќе загуби доколку САД решат да ја прекинат воената помош. „Ќе се бориме. Имаме наша продукција, но не е доволно за да бидеме надмоќни и мислам дека не е доволно за да преживееме“, изјави тој во интервју за американската мрежа Фокс њуз. Она што тој го смета за „многу опасно“ е потенцијалното губење на единството во Европа. „И што е најважно, губењето на единството меѓу Украина и САД“, изјави тој....

Министерството за одбрана ќе ги награди сите припадници на Армијата кои што беа вклучени во гаснењето на пожарите бидејќи тоа е една хумана дејност која што навистина бара еден поттик од институциите кога во вакви природни непогоди и појави се случуваат и кога се ангажира Армијата истите тие кои што се јавуваат на првата линија да бидат наградени, тоа се случувало во минатото таа пракса и ќе продолжи“, рече Стојаноски денес во Собранието на амандманската расправа за предлог буџетот за 2025 година во Комисијата за финансирање и буџет. Стојаноски исто така најави дека сите припадници на Министерството за внатрешни работи ќе добијат покачување на платите, и ги истакна средствата кои се предвидени во буџетот за 2025 година. „Од буџетот кои што доаѓа пред нас и за кои што ќе го изгласаме за 2025 година, тоа покачување најверојатно ќе биде од минимум 10%. За модернизација во Министерството за одбрана предвидени се 380% повеќе, за интеграција во НАТО 13% повеќе, за други градежни објекти 177% повеќе, за разни трансфери 157% повеќе што значи дека овој буџет од аспектот на Министерството за одбрана ќе биде историски највисок и за 20% повеќе од тој што е во 2024 година“ рече Стојаноски. Тој нагласи дека буџетот за 2025 година од аспект на Министерството за внатрешни работи буџетот за плати ќе биде повисок за 24,3% повеќе. „За реформи во полицијата за 240% повеќе поради тоа што сакаме да направиме една ефикасна полициска управа која што ќе одговара на потребите на граѓаните, основни плати за стоки и услуги во полиција за 42% повеќе, бидејќи патни и дневни расходи ќе се зголемат, комунални услуги, материјали и тековно одржување“ објасни Стојаноски....

Два пати едноподруго за изборот на Радмила Шекеринска за заменик генерален секретар на НАТО. Да не е тоа малце многу. И да и не… Вчера пишував за значењето на ова несомнено историско достигнување на еден македонски политичар на меѓународен план и посебно за значењето на фактот што владата на Христијан Мицкоски ја поддржала кандидатурата на Шекеринска. Но, овој политички и морално распаднат СДСМ не би бил тоа што е, да не се потрудеше да фрли дамка врз овој чин на зрелост на македонските политичари во моменти кога од нив се очекува да демонстрираат единство и државничка одговорност. Не ги разбирам болеснициве од пропагандата на СДСМ… Меѓународниот фактор го препозна значењето на она што се случи со кандидатурата на Шекеринска, а сдсмовците се насекирале што сите ѝ честитале на Шекеринска за изборот, а само ВМРО-ДПМНЕ молчела. „Додека цела Македонија и Балканот гордо го слават историскиот успех на Радмила Шекеринска, која како прва од нашиот регион е избрана за заменик генерален секретар на НАТО, ВМРО-ДПМНЕ и Сиљановска одлучија да останат заглавени во сопствената малодушност“, се вели во соопштението на СДСМ. Не било доволно тоа што владата на ВМРО-ДПМНЕ ја поддржала кандидатурата на Шекеринска, за што премиерот Мицкоски доби и јавна честитка од американската амбасадорка Агелер. Не е доволно тоа што ВМРО-ДПМНЕ го сторила она што овој залутан СДСМ не би го сторил никогаш, кога по игра на случајот би бил во ситуација да одлучува за ваква работа. Неее… Требало ВМРО-ДПМНЕ да им се придружи на сите оние лицемери од СДСМ, кои со години ја понижуваа и ја оговараа Шекеринска кај што ќе стигнат, а сега ја испраќаат со поздрави и честитки, на новата „должност“. Да, сум ја критикувал и јас Шекеринска за некои нешта. Но, не сум ја оговарал. Сум ја критикувал јавно, а не тајно. Кога се критикува, умее човек и да претера, но мислам дека не сум излегол од рамките на критиката за политички принципи и ставови. А кога би седнал да ви раскажувам што сѐ се имам изнаслушано од нејзини најблиски „партиски другари“ и „соработници“, за нејзиниот лик и дело, би ви се кренала косата на главата. Тоа се истите луѓе кои сега „гордо“ ѝ честитаат. Владата, ВМРО-ДПМНЕ и Христијан Мицкоски ја поткрепиле кандидатурата на Шекеринска во вистинскиот момент и на вистинскиот начин. Сѐ друго, помалку, но и повеќе од тоа, би било обично лигавење и чин спротивен на елементарната ментална хигиена. Оргиналната колумна на Бранко Героски за Плусинфо на следниот линк: До вчера ја оговараа кај стигнат, сега ѝ честитаат и го караат Мицкоски што молчел – тоа е тоа лицемерие на пропагандата на СДСМ...

Премиерот Христијан Мицкоски соопшти дека и’ се јавил на Радмила Шекеринска и и’ го честитал именувањето за заменик генерален-секретар на НАТО. Честитката е силен удар и народски кажан „тонч“ за опозициските, проСДСМ медиуми кои веќе втор ден со патетични објави го прозиваа премиерот и ламентираа зошто тој не и’ честитал на Шеќеринска. „Не е тајна дека во минатото сме имале многу концептуални разлики кога станува збор за справувањето со актуелните проблеми, политиките, идеолошки разлики – и тоа не треба да го криеме, бидејќи доаѓаме од различни политички семејства и опции. Но, како влада имавме предизвик за одлуката кого и како да го поддржиме за заменик генерален секретар на НАТО, бидејќи имаше кандидати од неколку земји. Ние немавме никаква дилема тука, бидејќи честопати повикуваме на единство и на дијалог со опозицијата, но ако тоа не го правиме на дело а повикуваме, тогаш тоа е лицемерие. Затоа ние како влада не само што ја поддржавме кандидатурата на Радмила Шекеринска, туку и активно разговаравме со нашите сојузници. За нас националното единство и интересите се пред партиските интереси и да се има Македонка за заменик генерален секретар во најмоќната и најдобро организираната алијанса во историјата е навистина чест. И тука немавме дилема, и добро е што успешно се заврши“, рече Мицкоски. Потоа тој соопшти дека уште вчера и се јавил по телефон на Шекеринска и разговарал, со порака дека нема дилема дека треба да соработуваат и заедно да направат се што можат да и помогнат на македонската армија, а со тоа и за безбедноста....

xnula.mk е новата е-продавница специјализирана за продажба на апарати за домаќинство и фитнес опрема од реномирани и светски познати брендови. Доколку сакате брзо, безбедно и едноставно онлајн купување, кое ќе ви ги донесе најпосакуваните брендови директно до вашиот дом, и притоа ќе ви заштеди време, новата онлајн дестинација xnula.mk, ги нуди сите предности на онлајн купувањето. Тука ќе ги најдете сите детали за производите, услугите и тековните промоции, за уникатно корисничко искуство. „xnula.mk е официјален увозник на Dyson и ги нуди сите новитети и иновативни решенија за вашиот дом. За прв пат во Македонија, ексклузивно во понудата се достапни и брендовите Ninja и Shark како и новитети од Yesoul и Ovicx – водечки брендови за фитнес опрема кои инспирираат здрав и активен животен стил. Наскоро, ќе се приклучат и брендовите Roborock и Dreame, кои ќе ја заокружат нашата палета со напредни решенија за одржување на хигиената во вашиот дом“ – истакнуваат од xnula.mk. Од аспект на услугата, од xnula.mk се водат од трите основни вредности: Комфор и практичност при купувањето, со брза и бесплатна достава до сите дестинации во Македонија. Сигурност и гаранција, преку безбедни начини на плаќање и поддршка по продажбата, со гаранција за сите производи и достапност на резервни делови. Премиум брендови и квалитет: пристап до производи кои се одбрани за да ги задоволат највисоките стандарди во современиот животен стил. Од xnula.mk веруваат дека купувањето треба да биде лесно, безбедно и пријатно – со врвен квалитет, грижа за клиентот и удобност. Нивната мисија е да постават нови стандарди за онлајн шопинг во Македонија и да изградат платформа што ќе се развива и понатаму, следејќи ги најновите трендови. Откријте го светот на напредната технологија и фитнес опрема, која отсега ви е на дофат, брзо и едноставно на xnula.mk ....

„На прашањето каков е неговиот став околу расправата дали албанскиот јазик е официјален, или не, во * Македонија и дали сегашната владата планира нов закон за јазици, тетовскиот градоначалник Билал Касами, едновремено и лидер на Беса, од коалицијата Вреди, одби да одговори, додека даруваше крв. Говорејќи на денешниот настан, што беше организиран за дарување крв, Касами рече дека овој настан е поважен од политичките теми, како што е употребата на албанскиот јазик.“ – објави ТВ 21. „Ова е доброволно дарување крв, се надеваме дека во овој случај со оваа акција ќе спасиме нечиј живот е многу поважна од… други политички прашања, за кои секојдневно даваме изјави.“ – кажа Касами. Запрашан дали е тоа поважно од законот за јазиците, Касами е одговори потврдно: „Да, верувам дека е поважно од Законот на јазиците“....

Пратениците во бугарскиот парламент и по четврти пат не успеаја во обидот да изберат претседател на Националното собрание. Во вториот круг денеска влегоа најсериозните кандидати – Раја Назарјан од ГЕРБ-СДС и Силви Кирилов од ИТН. По серијата гласања и прегласувања, поддршката за Кирилов се искачи на 101 пратеник од 5 различни формации, но тоа се покажа како недоволно, бидејќи дури 20 пратеници од ПП-ДБ одбија да застанат зад неговата кандидатура, јавува Сега.бг. Ова, досега беше најблискиот обид за успех да се избере шеф на парламентот. Пратениците се договорија повторно да се сретнат во петок во 10 часот за да се обидат повторно. Поминаа две недели од заседавањето на новото 51. Народно собрание и досега не се завршило ништо....

Земјоделскиот комбинат Пелагонија кој е во тешка финансиска состојба веќе подолго време се соочува со стечајна постапка која ќе ги запре сите операции на некогаш еден од најбогатите и најголеми земјоделски комбинати во некогашна Југославија. Земјоделскиот комбинат Пелагонија АД Битола цели 4 месеци не може да ги исплати своите обврски и е со блокирана сметка што е причина за правна постапка за отварање на стечај. Со оглед на тешката ситуација во комбинатот пред Основен суд Битола на 14.11.2024 година е поднесен предлог за отварање на стечајна постапка на предлог на доверителот Бетон дооел Штип, по кој е поведена постапка Ст.бр.152/24. По предметот постапува судијката Татјана Митревска. Со оглед на информациите од самиот комбинат за кој има малку дилеми дека е неликвиден, неспособен за плаќање, односно не е во состојба да ги измирува доспеаните обврски, сосема е очекувано дека над истиот ќе биде отворена стечајна постапка во најскоро време. Земјоделскиот комбинат Пелагонија е со блокирана сметка повеќе од 45 дена што претпоставува дека стечајот на овој некогашен гигант е речиси извесна судбина....

Премиерот, Христијан Мицкоски, во интервју за „РТК“ на Косово, рече дека никој во Македонија не е против албанскиот јазик. „Верувајте ми (…) никој не е против албанскиот јазик. Напротив. Ова е вештачка тема. Ова не е тема што некому му попречува или не, ова е тема што се обидуваат да ја наметнат сенките од минатото бидејќи немаат друга тема“, рече Мицкоски, Тој потсети дека Законот за употреба на јазиците е веќе пет години во фиоката на Уставниот суд и дека токму за време на мандатот на неговата влада оваа тема повторно е на дневен ред. Тој рече дека употребата на албанскиот јазик во Македонија не е загрозена. „Во Скопје се игра орото „Шота“ и „Српското коло“, „Турскиот Чочек“ и македонското оро „Тешкото“. Премиерот рече дека така ќе биде и во иднина. „Ние сме обединети во нашите разлики. Се’ додека сум јас на чело на Владата ќе го играме она што ќе не обединува, а не да не дели“, рече Мицкоски. Телеграфи...

По Соединетите Американски Држави (САД), и Шпанија на еден ден ја затвори амбасадата во Киев. Во е-пошта испратена до шпанските граѓани во Украина, шпанската амбасада во Киев соопшти дека „поради зголемениот ризик од воздушни напади низ Украина, тие нема да даваат услуги во текот на денот и барањата може да се поднесуваат преку е-пошта“. И италијанската и грчката амбасада во Киев привремено ја прекинуваат работата поради разузнавачки информации кои укажуваат на голем руски напад. „Американската амбасада на својата веб-страница објави информации за можен воздушен напад со висок интензитет денеска, 20 ноември. Како мерка на претпазливост, Амбасадата во Киев денеска ќе биде затворена за посетители“, соопштија од италијанската амбасада. Грчката амбасада во своето соопштение ја повика јавноста да избегнува непотребни патувања и да остане на безбедни локации. Од безбедносни причини, грчката амбасада денеска ќе остане затворена за посетители“, соопшти дипломатската мисија....

Неверојатен лапсус направи бразилска новинарка информирајќи за протоколарните активности на американскиот претседател на самитот на Г-20 во Рио де Жанеиро. Водителка Ана Марија Брага го нарече американскиот претседател Џо Бајден – „Бин Ладен“. „Серија официјални фотографии, со францускиот претседател Емануел Макрон и нежно ракување со Бин Ладен од САД“, рече Брага за време на телевизиската емисија. Водителката брзо беше коригирана од нејзиниот колега во студио, по што и двајцата се насмеале коментирајќи ги тешкотиите на раните утрински емисии.(Плусинфо) Видео на следниот ЛИНК...

Ова е одговорот на првиот вицепремиер и министер за животна средина Изет Меџити на новинарско прашања во врска со реакцијата на ДУИ за изјавата на косовскиот премиер Албин Курти. Курти ја демантира ДУИ: Албанскиот јазик не е под закана во Македонија „Хистерични се. За да сфатите како реагираат ДУИ на овие работи: министрите на ДУИ во минатата влада имаат дадено писмено мислење во врска со балансерот и сите, до еден, дадоа негативно мислење дека на балансерот му е поминат рокот, дека е несоодветен механизам, и истите тие, кога се укина од Уставниот суд, од судии кои беа избрани од нивното мнозинство, тие излегуваат и протестираат зошто се укинува балансерот. А, самите го барале тоа. Значи, луѓето се во паника, немаат визија и никако да се соочат со новата реалност дека се во тешка опозиција“, изјави Меџити...

Германскиот канцелар Олаф Шолц се надева дека неговото одбивање да и обезбеди на Украина германските ракети со долг дострел „Таурус“ ќе му помогне на неговите шанси за реизбор на претстојните избори, пишува „Политико“. Социјалдемократот Шолц, се претставува пред гласачите како „разумен“ избор пред предвремените избори закажани за 23 февруари, велејќи дека знае како да ѝ помогне на Украина без да ја премине линијата што би ја ескалирала војната. Неговото одбивање да испрати германски ракети со долг дострел во Украина, тврди тој, е доказ за таа претпазливост. „Оваа испорака не може да се изврши без мојата поддршка“, рече Шолц , мислејќи на ракетите „Таурус“. „Ова е, се разбира, нешто за што јавноста ќе размислува кога ќе се одржат изборите во блиска иднина: дали може да продолжи курсот на силна поддршка, но и на внимателност за кој се залагам“, вели Шолц. Во последниве денови, американскиот претседател Џо Бајден одобри употреба на ракети со долг дострел испорачани од САД од Украина за да се нападне длабоко во Русија, зголемувајќи го притисокот врз Шолц да го промени курсот за одбивање да испрати германски ракети. Наспроти Шолц, Фридрих Мерц, лидерот на Христијанско-демократската унија (ЦДУ) и според сегашните анкети, веројатно следниот канцелар, изјави дека би бил подготвен да и обезбеди на Украина ракети „Таурус“. Во Социјалдемократската партија (СДП) многумина дебатираат дали министерот за одбрана Борис Писториус би бил подобар избор за кандидатот за канцелар на партијата. Писториус е рангиран како најпопуларен политичар во земјата, а во последните денови јавно го поддржаа некои политичари од ГСДП. Но, Шолц вели дека неговата партија го поддржува. „Исто така, сосема јасно кажувам дека СПД и јас сакаме заедно да победиме на следните избори“, вели Шолц...

Првите досега објавени 11 функционери во новата американска на Трамп имаат вкупно 58 деца или во просек повеќе од 5 по функционер. Според налогот ,,End Wokeness” на социјалната мрежа Х (поранешен Твитер) кој е огромен поддржувач на Трамп овој податок е исклучително добар факт. ,,Администрацијата што доаѓа е полна со родители на многудетни семејства кои се многу вложени во иднината на човештвото”, пишува профилот кој дава податоци за бројот на децата на 10 најблиски соработници на Трамп кои заедно имаат 58 деца: Доналд Трамп – ПОТУС: 5 деца Џеј Венс потпретседател – VPOTUS: 3 деца Роберт Кенеди – министер за здравство: 7 деца Пит Хегсет – Одбрана: 7 деца Марко Рубио државен секретар – 4 деца Илон Маск – Одел за владина ефективност: 12 деца Шон Дафи – транспорт: 9 деца Џон Ретклиф – директор на ЦИА: 4 деца Даг Бургум – Енергетика : 3 деца Кристи Ноем – секретар на внатрешна безбедност: 3 деца Тим Валц – советник за национална безбедност: 3 деца...

Рускиот претседател е подготвен да разговара за договорот за прекин на огнот во Украина со Доналд Трамп, но ја отфрла можноста за големи територијални отстапки и инсистира Киев да се откаже од своите амбиции за членство во НАТО, изјавија пет извори запознаени со размислувањата на Кремљ, за Ројтерс. Москва контролира дел од Украина со големина на американската сојузна држава Вирџинија и напредува со најбрзо темпо од раните денови на инвазијата во 2022 година. Околу тоа што би прифатил претседателот Путин во каков било договор со посредство на Трамп, пет актуелни и поранешни руски функционери рекоа дека Кремљ генерално би можел да се согласи на замрзнување на борбите по линијата на фронтот. Постои можност за преговори за прецизно разграничување на четирите источни региони Доњецк, Луганск, Запорожје и Керсон, велат извори кои сите побарале анонимност поради чувствителноста на темата. Иако Москва тврди дека овие четири региони се целосно дел од Русија, заштитени со нуклеарниот чадор на земјата, нејзините сили на терен контролираат 70-80% од територијата, додека украинските војници сè уште држат околу 26.000 квадратни километри. Русија, исто така, може да биде подготвена да се повлече од релативно малите делови на територијата што ги држи во регионите Харков и Миколаев во северна и јужна Украина, изјавија двајца официјални лица. Путин овој месец рече дека секој договор за прекин на огнот треба да ја одразува реалната ситуација на фронтот, но дека стравува од краткорочно примирје што само ќе му овозможи на Западот повторно да ја вооружи Украина. „Ако не постои неутралност, тешко е да се замисли постоење на какви било добрососедски односи меѓу Русија и Украина“, рече Путин на 7 ноември. „Зошто? Затоа што тоа би значело дека Украина постојано ќе се користи како алатка во погрешни раце, на штета на интересите на Руската Федерација. Два извори рекоа дека одлуката на американскиот претседател во заминување Џо Бајден да и дозволи на Украина да ги користи американските ракети АТАКМС длабоко во Русија може да го комплицира и одложи каков било договор и да ги зајакне барањата на Москва бидејќи тврдокорните сили бараат повеќе од Украина. Вчера Киев ги искористи тие проектили за првпат за напад на руска територија, според Москва, која го осуди потегот како значајна ескалација. Доколку не биде постигнат договор за прекин на огнот, два извори рекоа дека Русија ќе продолжи со борбата. „Путин веќе кажа дека замрзнувањето на конфликтот на кој било начин нема да успее“, изјави портпаролот на Кремљ, Дмитриј Песков, за Ројтерс неколку часа пред Русите да ги пријават ракетните напади ATACMS. „И одобрувањето на тие ракети е многу опасна ескалација од страна на САД“, рече Песков.....

Комуникацијата со банките продолжува. Се очекува од нивна страна да се произнесат во однос на каматната стапка и нивната можност таа да биде на пониско ниво и од 3,25%, како и да се утврдат некои детали во однос на критериумите. Ова го истакна министерката за финансии Гордана Димитриеска-Кочоска во гостување во ТВ Сител, која истакна дека немало никаков проблем во разговорите со банкарскиот сектор и дека она што не можело да се договори бил рокот на отплата, но дека се најде заедничко решение. „Со банкарскиот сектор единствено на некој начин не можевме да го договориме рокот на отплата, затоа што секоја банка има интерна процедура за носење одлука која зависи дали станува збор за опрема или градежни објекти. Целта беше да постигнеме заеднички договор со кој би утврдиле кои би биле роковите, односно тие да ги прифататистите услови под кои ние го земавме кредитот, а тоа е 3 години грејс период и 12 години рок на отплата. На тој начин да избегнеме ситуација на одење на клиентите од една во друга банка. И ние во тој дел разговаравме. Во делот на каматата Владата останува доколку може да изнајде начин и да договори со банките на некој начинн и тие да имаат општествена одговорност, а со цел да поттикнеме поголемо инвестирање. Тоа беше намерата на премиерот и во таа насока бараше и банките да одат во делумно субвенционирање на каматата, коешто ако ги поглденеме сите кредитни линии што оделе од Развојната банка биле субвенционирани од Владата вклучително и онаа последна којашто е донесена како одлука од претходната Влада на 25.07.2023 година и со која се субвенционира од Владата, но каматата ја намалува за 1 п.п. кој го финансира банкарскиот сектор. Не нудевме ништо празлично од тоа што досега го имало претходно со Развојната банка. Премиерот имаше еден нов предлог и ќе видиме како ќе се произнесат банките. Ние секако ќе ја субвенционираме каматата и да видиме колку пониско ќе можат банките да ги пласираат средствата дури и под 3,25%“, рече министерката. Таа потенцира дека не станува збор за субвенционирање на каматата на компаниите кои ќе ги земат кредитите, туку дека фирмите ќе платат пониска камата од она што е сега просечна по која ги добиваат средствата од банките. „Фирмите ќе ја платат каматата која ќе биде пониска од она што во моментот го добиваат од комерцијалните банки, а тоа е просечно 4,9%. Можноста е сега тие да добијат пониска камата од 3,25% и таа да биде максимумот по кој би ги добиле средствата приватниот сектор“, рече министерката и потенцира дека никогаш не станало бор дека Владата ќе ги плати каматите на фирмите. „Целта, рече, е да се обезбедат поевтини кредити и да плаќаат пониска камата. Во интервјуто министерката се осврна и на Предлог-буџетот за 2025 година за кој од денеска во рамки на Комисијата за финансирање и буџет почнува амандманската расправа....

Специјални регистарски таблички во боја ќе добијат сите службени возила за да се избегне нивната злоупотреба, најави директорт на Службата за општи и заеднички работи (СОЗР), Ивица Томовски. „Одлучивме да воведеме специјални таблици во боја, а регистарот паралелно да го работиме во текот на годината. Правилникот го имаме донесено и сега се чека на потпис на министерот за внатрешни работи. Тие специјални таблици бројат околу 6.500 за сите возила на територија на цела Македонија“ изјави Томовски. Директорот на СОЗР најави дека ќе се воведат и телефонски линии на кои граѓаните ќе може да пријават злоупотреба на автомобилите, по кои потоа ќе се постапува....

Во Основниот кривичен суд Скопје денеска продолжува судењето за двојното убиство на малолетната Вања Ѓорчевска и велешанецот Панче Жежовски. На изминатите рочишта сведочеа мајката на Вања, ќерката на Жежовски и нејзиниот сопруг, како и повеќе лица вклучени во истрагата за двете убиства, меѓу кои и членови на политичката партија „Десна“, како и полициски инспектори. На последното рочиште беше сослушано семејството на таткото на Вања. На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни. Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година. Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено. Судењето го води судијата Ивица Стефановски, а застапник на обвинението е обвинителката Жаклина Крстевска....

Закотвени бродови на грчките пристаништа, железничките и автобуските услуги прекинати денеска поради 24 часовниот национален штрајк на транспортните работници, лекарите, наставниците и градежните работници во знак на протест против намалениот животен стандард и бараат повисоки плати, пишува Катимерини. На многу Грци им се намалија платите и пензиите во замена за спасувачки пакети во вредност од 280 милијарди евра (297 милијарди долари) за време на должничката криза 2009-2018 година, која речиси ја истурка земјата од еврозоната. Со оглед на тоа што грчката економија цврсто закрепнува од 2018 година, владата на десниот центар на премиерот Киријакос Мицотакис ја зголеми минималната месечна бруто-плата четири пати откако ја презеде власта во 2019 година на 830 евра месечно и вети дека дополнително ќе ја зголеми на 950 евра до 2027 година. Но, Грците велат дека покачувањата не се доволни и дека нивните плати – кои сè уште заостануваат во однос на европскиот просек – не им траат ниту еден месец бидејќи трошоците за енергија, храна и домување пораснале побрзо. „Цените и кириите вртоглаво пораснаа, додека платите се на ниско ниво“, гласеше плакатот за штрајк на GSSE, најголемиот синдикат на приватниот сектор во Грција, кој повика на итни и значителни зголемувања на платите за работниците кои се борат со, како што рече, невиден трошок за -животна криза. GSSE – која претставува околу 2,5 милиони работници во Грција – исто така побара владина акција против зголемeните трошоци за основните добра. Се очекува работниците да протестираат во центарот на Атина подоцна несеска....

Украинскиот претседател во своето обраќање пред парламентот сугерираше дека привремената руска контрола над украинската територија е веројатно неизбежна се додека рускиот претседател Владимир Путин е на власт. „Украина можеби ќе треба да трпи некого во Москва за да ги постигне своите цели и да ја врати целата национална територија“, рече претседателот Володимир Зеленски. Во меѓународните медиуми веќе некое време се шпекулира дека војната во Украина може да биде замрзната по линијата на фронтот дури и ако Киев не ѝ отстапи територија на Русија. Зеленски во парламентот категорично ја отфрли можноста Украина формално да отстапи територија. „Ние не се откажуваме од правото на Украина на нејзина територија“, нагласи тој. Зеленски пред парламентот претстави план за зголемување на отпорот на Украина на рускиот притисок, кој е насочен кон воените, економските и социјалните напори во Украина. Деталите ќе бидат познати во декември. Украинското оружје е една од главните гаранции за украинската независност, рече тој, нагласувајќи ги огромните инвестиции во вооружување. Планот на Зеленски за Украина дојде набргу откако тој го претстави „планот за победа“ на меѓународните партнери во октомври, кој вклучуваше барање за упатување покана до Украина за членство во НАТО. Украина веќе 1.000 дена се брани од целосна руска инвазија со поддршка на нејзините западни сојузници....

Австриец бара спорот Софија – Скопје да го решава европската претставничка за надворешна и безбедносна политика. Контроверзниот австриски невладин активист кој сака да се прикажува како експерт за Балканот Гунтер Ферлингер бара новата ЕУ претставничка за заедничка надворешна и безбедносна политика Каја Калас да им помогне на Македонија и Бугарија да го решат спорот за Бугарите во уставот. ,,Бугарија и Македонија работат на решавање на нивните билатерални прашања, Каја Калас помогни им”, пишува Ферлингер. Ферлингер важи за контроверзен лобист на страната на Косово во конфликтот со Србија а во Македонија од страна на предходната влада на СДСМ и ДУИ беше инволвиран во процедурата за доделување на државни пари за сомнителни проекти преку Фондот за истражување и технолошки развој, ФИТР за кој веќе се води истрага. Иако јавно прозвана европската претставничка за заедничка надворешна и безбедносна политика не реагира на прозивката од австриецот....

Ова го изјави македонскиот премиер во гостување во Радио Телевизија Косово. „Разликата во рејтинзи е 5 спрема 1. Оваа Влада добила повеќе од 600 илјади гласови на изборите пред 6 месеци целосен легитимитет. Вие велите 78 пратеници, јас сум малку пооптимиста, јас мислам дека имаме повеќе од 80 пратеници. Сега јас велам не е проблем да одиме на избори, утре да одиме, задутре исти ќе бидат бројките, можеби и полоши“, рече Мицкоски, како што пренесува ТВ21....

Преговорите за прекин на огнот за ставање крај на борбите во Газа се во застој, a семејствата на заложниците заробени од Израел во нападот предводен од Хамас што ја запали војната стануваат сè поочајни за маките на нивните роднини во заробеништво. Премиерот Бенјамин Нетанјаху во вторникот го повтори својот завет дека Израел ќе го лови и казни секој што ќе повреди заложник, но додаде ново ветување, дека Израел ќе му даде дарежлива награда на секој што ќе врати заробеник, ќе плати 5 милиони долари и ќе обезбеди безбедно напуштање на Газа, објави Њујорк Тајмс. „Сакам да им кажам на оние кои ги држат нашите заложници: Кој ќе се осмели да им наштети на нашите заложници, ќе ја плати цената. Ќе ве гониме и ќе ве најдеме“, им порача Нетанјаху на израелските војници при посетата на Појасот Газа. Нетанјаху нуди милиони за секој ослободен заложник „На оние кои сакаат да ја напуштат оваа ситуација, им велам: Кој ќе ни донесе заложник, ќе најде безбеден излез за себе и за своето семејство“, додаде тој. „Ќе дадеме и 5 милиони долари за секој заложник“. Многу Израелци, вклучително и семејствата на заложниците, го обвинија премиерот дека не му дал приоритет на ослободувањето на заробениците и дека ја продолжува војната за да ја одржи заедно неговата кревка владина коалиција, која вклучува членови кои се противат на прекин на огнот и се заканија дека ќе ја урнат Владата....

Голема средношколска љубов за која сега се чудите зошто воопшто некогаш сте ја сакале. Вака еден од најдобрите познавачи на ЕУ и регионот германскиот новинар Михаел Мартенс објаснува како проевропските сили на Балканот гледаат на ЕУ. ,,Во средно училиште сте имале огромна љубов со некого. Случајно, многу години подоцна повторно се среќавате, на автобуска станица или во продавница. И се прашувате: Што ми беше еднаш привлечно кај оваа личност? Вака се повеќе и повеќе „проевропејци“ на Балканот се чувствуваат за ЕУ”, ЕУ се уште останува најпосакуван геостратешки партнер за најголем дел од луѓето од Балканот но за разлика од пред 20 години кога љубовта беше слепа сега заморот од проширувањето се не се чувствува само во Брисел и главните градови на земјите членки туку и меѓу граѓаните во регионот на Западниот Балкан....

Шеесет годишна жена од Битола во СВР пријавилa дека била измамена за 10.000 евра од лице кое преку Фејсбук пред 4 месеци ` се претставило дека е со македонско потекло, дека е вработен во армијата на САД, а моментално е на мисија во Сирија и дека сака да ја прекине мисијата. Како што е пријавено, лицето ја известило дека мора да уплати 10.000 евра доколку сака да ја прекине мисијата и побарало од неа да ги пушти парите на лице во Турција преку брз трансфер на пари, затоа што додека бил на мисија немал пристап до неговата банкарска сметка. Полицијата соопшти дека се преземаат мерки за расчистување на случајот....

Данела Арсовска да се сврти за себе и да види што направи за жителите на Скопје во изминатите три години на чело на градот, реагираше ВМРО-ДПМНЕ преку соопштение откако скопската градоначалничка го обвини премиерот Христијан Мицкоски дека е главен виновник за кризата во ЈСП. „И секако штом се сврти назад, Арсовска ќе види дека за цели три години локална власт во Скопје не направи ништо за Скопје и скопјани. Во своите три години власт, Арсовска во неработењето за градот и жителите го надмина и нејзиниот претходник. За цели три години власт го остави градот да се дави во смет и ѓубре. Скопје е толку валкан, што е по нечист град дури и од во времето на Шилегов, кој е синоним за неработење. Јавниот превоз е во ужасна состојба. Граѓаните со часови чекаат на автобуските постојки на овие ниски зимски температури за да им дојде автобус на ЈСП. Кај што нема автобуси, така и тие што ги има Арсовска не ги одржува и постојано се расипуваат. А дел од нив поради нередовното сервисирање, возејќи се запалуваат, така што го загрозуваат животот на патниците и воопшто на сите граѓани“, се вели во реакцијата. Но, сепак, наведено е таму, има нешто што на Арсовска ѝ оди од рака. „За не цели три години од мандатот, како на производна лента смени 30 директори на јавни претпријатија и институции под надлежност на Град Скопје и тројца секретари на градот, кои самата ги постави. А во моментов не се знае дали ни дали Скопје има Генерален секретар. Значи, наместо да работи за подобрување на состојбите во градот, Арсовска три години од нејзиниот мандат добиен од граѓаните се занимавала со лични и персонални прашања за раководителите на институциите избрани токму од нејзе. И сето ова покажува дека нејзиното делување е на граница на лудоста што ја загрозува безбедноста и животот на граѓаните“, информираше ВМРО-ДПМНЕ....

Со предлогот што го нудиме за уставните измени, сигурни сме дека ќе ја истрчаме трката до крај. Убеден сум дека тоа е максиумот што во моментот можеме да го направиме, вели премиерот Христијан Мицкоски во интервју за косовската телевизија РТК. Во интервјуто дадено за време на неговата посета на Приштина, Мицкоски вели дека сега е поголем оптимист отколку што бил пред една година и дека тоа е резултат на дипломатската офанзива реализирана во изминатите неколку месеци. – Полека почнува да се појавува светлината, но тоа е затоа што имавме жестока дипломатска офанзива и нашите позиции буквално сите ги знаат и направивме успех. Сега нашата позиција е дајте да разговараме да најдеме решение и сега почнуваме да бараме решение. Ние во оваа трка направивме многу за да дојдеме на старната линија и сега, да се изразам спортски, треба да трчаме трка со 110 метри со пречки. И ја гледаме првата пречка. Со оваа уставна измена сме во можност само да ја прескокнеме првата пречка, но никој не ни гарантира дека ќе стигнеме до крајот на целната линија. Ние сме подготвени во Парламентот да ја отпочнеме промената на Уставот и амандманите 37 и 38 и тие ќе станат дел од Уставот. Но, со уставниот закон ќе додадеме овие два амандмани да станат ефективни кога бугарскиот Парламент ќе го ратификува Пристапниот договор во ЕУ. Само на тој начин ние сме сигурни дека ќе ја истрчаме трката до крај – нагласува Мицкоски. Според Мицкоски, за огромен број земји членки, речиси сите, предлогот што го нуди Владата е разумен и е основа за постигнување на договор. – За ова не треба ништо парламентите да ратификуваат, за ова треба само да се подаде рака и да се почне процесот. Доволно е толку. Честопати се повикуваат на правилото на еден глас во рамките на ЕУ. Ќе ве потсетам дека за време на декемвrискиот самит минатата година кога исто така имаше едно прашање околу кое немаше консензус, правилото на еден глас се претвори во правило – недостасува еден човек. Така што јас разбирам дека има двојни стандарди во светската политика и дека човек треба да се бори, но таа борба барем да биде фер – вели Мицкоски. Премиерот вели дека подобра опција од Европската унија во моментот нема и дека она што како држава го очекуваме е Брисел да си го исполни дадениот збор. Премиерот вели дека подобра опција од Европската унија во моментот нема и дека она што како држава го очекуваме е Брисел да си го исполни дадениот збор. – Тоа што ние го очекуваме е само да си го исполнат зборот, а дадениот збор беше кога се менуваше уставното име дека ќе бидеме членка на НАТО, веднаш да ги почнеме преговорите бидејќи сме пред сите во регионот и во рамките на четири-пет години да ги завршиме преговорите. Знаете кога завршија тие четири, пет години? Минатата година. Уште колку пати ние треба да се самопонижиме, самооткажаме за да добиеме нешто како гаранција дека ќе ја завршиме оваа трка? – прашува Мицкоски....

Ракометарите на Вардар ремизираа со Валур 34:34 во Рејкјавик во претпоследното коло од прелиминарната фаза по групи во Европската лига на ЕХФ благодарејќи на прецизно изведениот седмерец од Марко Срдановиќ на истекот на времето! Откако Улфар Тордарсон исто така од пенал донесе водство за Исланѓаните дваесет секунди пред крајот, во последниот напад на „црвено-црните“ Кристофер Јонасон направи неспортски прекршок и доби црвен картон, па српското лево крило реализира од 7 метри и го донесе третиот бод за вардарци во групата Ф. Во ослабениот состав на двократниот освојувач на Лигата на шампионите, за кој поради повреди не настапија Мигел Еспиња, Милан Лазаревски и Вуко Борозан, со по пет гола најефикасни беа Срдановиќ (5/7), Гоце Георгиевски (5/7) и Ашраф Маргели (5/6), а на домаќинот не му помогнаа да победи 16. одбрани на Бјергвин Густавсон. Овосезонскиот европски излет Вардар ќе го заврши со реваншот против лидерот Мелсунген од Германија на 26 ноември од 20:45 часот во арената „Јане Сандански“ во Скопје....

Премиерот на Македонија Христијан Мицкоски во интервју за Радио и телевизија Косово зборуваше за челниците на ДУИ. Тој кажа дека на секаков начин поттикнуваат други теми, за да го свртат вниманието на јавноста од нивниот криминал. „Оние кои купуваа трговски центри, што имаат милиони евра во возен парк и оние, кои не знаат што да прават со парите, сега се вознемирени: не знаат како да го заштитат капиталот, а правдата е спора и се доближува до нив. Сега се прават маченици, за да речат кога ќе им тропне полицијата дека ги апси, поради јазикот, а украле десеттици милиони евра!“ – нагласи Мицкоски во интервјуто за Радио и телевизија Косово. рече Мицкоски, пренесува ТВ21....

Српскиот претседател Александар Вучиќ во обраќање до нацијата го коментираше илјадитиот ден од почетокот на руската „специјална воена операција“ во Украина и употребата на американските ракети „атакамс“ за гаѓање цели на територијата на Русија по наводното одобрение од шефот на американската држава во заминување Џо Бајден. „Имате десет скалила до целосна катастрофа, а ние поминавме 9. Денеска регионот на Брјанск беше цел на американски ракети, а гаѓањето на руските складишта за муниција ќе продолжи. Одговорот ќе биде понатамошно гаѓање енергетски објекти и мостови на реката Днепар, а секој следен чекор нè води до сеопфатен нуклеарен конфликт. Малкумина го познаваат претседателот Путин како мене. Оној што мисли дека Путин се заканува, а всушност се плаши, тој никогаш во животот не го видел претседателот Путин. Ако безбедноста на Москва и на неговите сили е загрозена, ако нема излез, однапред ви велам – тој нема да се двоуми ниту еден час и ќе употреби нуклеарно оружје! Ние сме целосно неподготвени. Имаме место за 257.000 луѓе во засолништа и ќе треба да разговараме со луѓе кои имаат теретани, перални, продавници и да стигнеме до бројка од барем милион – милион и пол. Кој и да е во околината да биде цел, исто ни се пишува како да сме ние“, изјави Вучиќ....

Македонскиот министер за надворешни работи Тимчо Муцунски и потпретседателот на Европската комисија и висок претставник за надворешни работи и безбедносна политика, Жозеп Борел, денеска во Брисел потпишаа договор за партнерство меѓу Македонија и Европската унија во безбедноста и во одбраната. „Со гордост објавувам дека ние сме првата земја во регионот што го потпиша Партнерството за безбедност и одбрана со Европската унија. Денеска во Брисел имав голема чест да го потпишам овој значаен договор со високиот претставник Жозеп Борел, што означува клучна пресвртница во нашата соработка со ЕУ. На заедничката прес-конференција истакнав дека ова партнерство е витален чекор кон посилна, пообединета Европа, подготвена да одговори на денешните предизвици. Остануваме посветени на продлабочување на ова партнерство и унапредување на заедничките цели за мир, безбедност и соработка“, изјави Муцунски....

Македонија ќе треба да плати 450 милиони долари како резултат на арбитража поради изгубена добивка, соопшти денеска на прес-конференција премиерот Христијан Мицкоски. Премиерот не прецизираше за кој спор станува збор. Ќе ви дадам еден пример, да речеме завршува една арбитража и поради едно такво неодговорно однесување на претходната влада сега вие граѓаните ќе треба да платите 450 милиони долари изгубена добивка. Завршена е таа арбитража“, изјави Мицкоски одговарајќи на прашања на новинари на прес конференција по средбата со здравствените синдикати....

„Пропадна и обидот да се одржи седница на Комисијата за надворешна политика. Претставниците на СДСМ повторно инсистираа да се расправа за законот за посебните права на припадниците на безбедносните сили и нивните семејства. Претседателката на комисијата Илире Даути повторно го одби предлогот на пратеничката на СДСМ.“ – објави информативната агенција за албански јазик Илирија-ИНА во својата информација со наслов „Илире Даути на македонските пратеници: ‘Бранителите’ нема да поминат кај мене“. Инаку, Илире Даути е пратеничка во Собранието од редовите на крилото на Алијансата за Албанците на Зијадин Села, а едновремено таму е и потпретседателка. Натаму агенцијата пишува: „Ако сакате оваа комисија, со која раководам, да биде дел од расправите, повлечете го законот од постапка и нека ги вклучи сите страни, како што налага уставот на Р*М. Во спротивно можеме милион пати да ја свикаме оваа комисија и исто толку пати истава точка нема да може да биде додадена во дневниот ред.“ – рече Илире Даути. Славјанка Петровска рече дека законот, што го претстави заедно со нејзината колешка Тренчевска опфаќа дел од семејствата на припадниците на безбедносните сили, кои не се вклучени во постојните закони. „Целосно сте го погрешиле местото каде што барате да се случи нешто, што веќе се случило некаде. Таквиот закон, во формата како што сте ја предложиле, запишете го некаде, да го запаметите, тој нема да помине преку мене.“ – нагласи Илире Даути. Пратеничката на коалицијата Вреди Имерлие Салиу возврати, бранејќи го ставот на претседателката на Комисијата Илире Даути. „Со таквото ваше инсистирање ние им нанесуваме штета и на нашите гласачи и на вашите гласачи. Гледајќи ја вашата природа, уште еднаш сум принудена да кажам дека целосно се согласувам со претседателката на комисијата Илире Даути и оти за оваа точка сите ние, Албанците, имаме еден заеднички став: нема да се дозволи такво нешто.“ – посочи Имерлие Салиу. Благица Ласовска од ВМРО-ДПМНЕ побара да се гласа веднаш за предлогот, но и ова барање беше одбиено од претседателката на комисијата Даути. Седницата на Комисијата е прекината и се уште не се знае кога повторно ќе се состане, за да се продолжат дискусиите....

Законите за градба и за урбанистичко планирање треба да претрпат темелни реформи, бидејќи не го пратат чекорот со времето, оцени вицепремиерот и министер за транспорт, Александар Николоски. -Овие закони треба да се сменат. Во рамки на Министерството работиме на тоа и кога ќе имаме драфт верзии ќе го поканиме граѓанскиот сектор да се вклучи. Сметам дека јавноста треба да ги следи измените онака како што се напишани, а не онака како што некој ќе ги толкува, затоа што времето покажува дека или се прави тоа од незнаење или од други агенди кои не се поврзани со добробит на граѓаните, рече Николоски во одговор на новинарско прашање на денешниот настан со кој ССК одбележува 20 години од постоењето. Посочи дека одредени структури во јавноста реагираат за се што е поврзано со законите за градење и за урбанистичко планирање без претходно да прочитаат за што станува збор. Како пример ги истакна измените на Законот за урбанистичко планирање кои на негов предлог беа усвоени во август годинава со кои се овозможи со олеснета процедура да се градат училишта, градинки, амбуланти, болници и катни гаражи. -Кога се носеа измените се креваше хистерија дека којзнае што ќе се случело и каков урбанистички хаос ќе настанел во државата. Три месеци подоцна нема никаков урбанистички хаос и единствено се случи училишта, градинки, амбуланти, болници и катни гаражи да се градат во олеснета процедура. Откако се направија овие законски измени нема општина која не планира или веќе не почнува изградба на нова градинка или ново училиште, а сето она за што се креваше хистерија не се случи, потенцира Николоски....

Американската амбасадорка Анџела Агелер упати честитка за изборот на Радмила Шекеринска за заменик генерален секретар на НАТО, како и до премиерот Христијан Мицкоски и до Владата на Македонија за застапување на нејзината кандидатура. „Честитки до Радмила Шекеринска, идниот заменик-генерален секретар на НАТО, како и до премиерот Христијан Мицкоски и за Владата за застапување на нејзината кандидатура. Моќен доказ за стручноста и искуството на Шекеринска и на улогата на Македонија како ценет сојузник на НАТО и партнер на САД“, напиша Агелер на мрежата Х....

„Бујар Османи го одржуваше во живот и силно го претставуваше великосрпскиот проект ‘Отворен Балкан’. Како поранешен албански министер за надворешни работи на * Македонија тој изнесуваше политички и официјален став дека ‘идентитетот, македонскиот јазик се црвените линии како за Македонците, така и за нас, Албанците, и оти се тоа црвените линии, за кои никој нема право да преговара.“ – објави на својот фејсбук-профил Беким Ќоку, пратеник во Собранието одредовите на коалицијата Вреди. Неговата објава ја пренесе информативниот портал на албански јазик „Национале“ од Приштина. Инаку, Беким Ќоку е и политички советник за Македонија на косовскиот премиер Албин Курти, како и официјален претставник за Македонија на владејачката косовска партија Ветвендосје (Самоопределување), чиј лидер е Курти. На фејсбук натаму Ќоку истакнува: „Бујар Османи ја фаворизираше Србија со предлогот од девет точки како претседавач на ОБСЕ. Тој ја посети двапати Украина, а никогаш Косово, кое беше нападнато од бандите и терористите на Радоичиќ. Османи не зазеде никаков официјален став ниту како министер за надворешни работи, ниту како претседавач со ОБСЕ во врска со терористичкиот напад во Бањска, Косово, оркестриран и организиран од српската држава.“ „Еве неколку политички и официјални ставови на поранешниот албански министер за надворешни работи на * Македонија Бујар Османи: – ‘Идентитетот, македонскиот јазик се црвените линии како за Македонците, така и за нас, Албанците. Ова се црвените линии и никој нема право да преговара за ова.’; – ‘Јас зазедов став против Косово како меѓународен претставник, а не како Албанец.’; – ‘Како што Македонија задржуваше погрешен став кон Грција, така и Косово денес одржува погрешен став кон Србија.’; – ‘Заради некои глобални интереси во целина, ние ќе треба да се откажеме од националните прашања.“...

Новата позиција на Радмила Шекеринска во НАТО особено е тема на дискуија во бугарските медиуми бидејќи во најтесен избор се споменуваше и името на Марија Габриел од партијата на Бојко Борисов. Одлуката на Руте да оди со македонскиот претставник пред Габриел или друг кандидат беше објавена утрово, а оттогаш следат и многуте коментари – пренесува Плусинфо. „Руте избра Македонка пред Марија Габриел за заменик шеф на НАТО“ — еден од насловите во бугарските медиуми, кој го одразува изненадувањето поради ваквиот исход. Во написите се нагласува дека Габриел, која има истакната политичка кариера како вицепремиерка, министерка за надворешни работи и еврокомесарка, беше меѓу фаворитите за позицијата, особено со оглед на консензусот дека таа треба да припадне на жена од Источна Европа. Бугарските медиуми укажуваат дека и други имиња, како поранешната хрватска претседателка Колинда Грабар-Китаровиќ и црногорската министерка за одбрана Оливера Ињац, биле во трката, но изборот паднал на Шекеринска. Сепак, доминантна е темата за тоа како кандидатот од Северна Македонија доби предност пред Марија Габриел, која важи за една од најпознатите политички фигури во Бугарија. Одлуката на Руте е објавена утрово, а се истакнува дека Шекеринска, како поранешна вицепремиерка и министерка за одбрана, ја извршувала функцијата токму во периодот на интеграцијата на Северна Македонија во НАТО. На оваа позиција таа го заменува вршителот на должност, Марк Руге, кој ја презеде функцијата оваа есен, по најавата дека Мирчеа Јоана ќе се кандидира за претседател на Романија....

Срамно е што опозициската СДС е против покачувањето на платите на вработените во здравството, додека Владата предводена од ВМРО-ДПМНЕ постигна историски договор за нивно покачување и посветено работи за подобрување на состојбите во здравството, се вели во партиската реакција на владејачката ВМРО-ДПМНЕ. За прв пат после долги години во Македонија има влада која има слух за здравствените работници. ВМРО-ДПМНЕ покажува вистинска грижа за здравството и здравствените работници. ВМРО-ДПМНЕ активно работи на подобрување на состојбите во здравството преку вложување во здравствените работници со цел нивно задржување во државата, како и преку осовременување на технологии и методите на лекување. Владата предводена од ВМРО-ДПМНЕ во соработка и консултации со синдикатите и синдикалните организации постигна историски договор за покачување на платите на здравството.Потпишан е анекс на колективниот договор за коригирање на коефициентите од 0,233 за сите здравствени работници и од 0,364 коефициент за медицинските сестри со средно образование и останатиот средно-медицински кадар. Со корекцијата на коефициентите на вработените во здравството со кој сите медицинските работници, уште од следната плата ќе добијат покачување од 2.450 денари. За разлика од СДС која ги заборави во целост медицинските сестри и останатиот средно-медицински кадар, ВМРО-ДПМНЕ покажува особена грижа за овој важен столб во здравствениот систем, така што и до крајот на годината истите ќе добијат покачување на платите од 3.850 денари. Освен покачувањето на платите од 10% кое што здравствените ќе го добијат годинава како резултата на корекцијата на бодовите од колективниот договор, покачување на платите во здравството од пет проценти ќе има и во март следната година. Покачувањето на платите на во здравството нема да застане тука, тоа продолжува и во следните 2026 и 2027 година каде што покачувањето се очекува да биде од 5-7% во зависност од кондицијата на буџетот, додека во 2028 година покачувањето на платите ќе биде од 7-10%, истакнуваат од ВМРО-ДПМНЕ. Сето ова значи дека во четиригодишниот мандат на владата на ВМРО-ДПМНЕ платите на вработените во македонското здравство ќе биде од 40-50 проценти, додаваат од владејачката партија....

Норвешката полиција денеска соопшти дека 27-годишниот син на норвешката принцеза Мете-Марит е уапсен поради сомневање за силување. Во соопштението на полицијата се наведува дека Мариус Борг Хојби, кој е син на принцезата од нејзина врска пред таа во 2001 година да се омажи за престолонаследникот Хакон во 2001 година, бил уапсен синоќа. Тој е осомничен за кршење на кривичниот закон поврзан со „сексуален однос со лице кое е во несвест или од други причини не може да се спротивстави“, се вели во соопштението. „Она што полицијата може да го каже за силувањето е дека тоа е сексуален чин без сексуален однос. Жртвата, како што се тврди, не била во состојба да пружи отпор“, додаваат од полицијата, пишува „Дејли мејл“....