Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик. „Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија. Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата,“ велат од МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во првите три месеци од годинава Европа АД Скопје остварила вкупни бруто приходи од 244.461.397 денари и истите се зголемени за 17,3 % во однос на бруто приходите од 2023 година за истиот период, соопшти компанијата преку Македонската берза. Вкупните оперативни приходи во овој период се зголемени за 12,1 % во однос на истите во 2023 година. Останатите приходи се намалени за 31 %, а кај финансиските приходи зголемувањето е 11,6 % во однос на 2023 година. Вкупните расходите се зголемени за 13,3% во однос на минатата година. Оперативните расходи овој период се зголемени за 13,5 %, а финансиските расходи се намалени за 48,8 % во однос на 2023 година. Компанијата остварила добивка во износ од 14.593.776 денари и истата е поголема во однос на претходната година за 133,8%. -Остварениот резултат во првиот квартал од 2024 година се должи на зголемувањето на вкупната продажбата за 12,1 % во однос на истиот период минатата година, како и од зголемувањето на производството за 23,8 %, кое е оптеретено со трошоци за енергија со пониски цени од минатата година. Намалувањето на финансиските расходи е резултат на фактот дека компанијата не е кредитно задолжена во првиот квартал од работењето од 2024 година и истите имаат позитивен ефект на остварениот финансиски резултат, велат од таму. ПОВРЗАНИ ВЕСТИ Европа ќе дели дивиденда од 50 денари бруто по акција Европа лани со намалена добивка за 20% Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Стопанска банка АД Битола е во фокус на јавноста откако од Комерцијална банка АД Скопје вчера информираа дека започнува процес на длабинска анализа за можно спојување на двете банки. И од Стопанска банка Битола ја потврдија таа информација, а првична најава за оваа спојување од банките дојде лани во септември. ПОВРЗАНИ БЕСТИ Стопанска банка Битола потврди дека се разгледува можноста за присоединување кон Комерцијална Ќе се присоедини ли Стопанска банка Битола кон Комерцијална банка? Стопанска банка Битола вчера преку Македонската берза го објави и финансискиот извештај за работењето во првите три месеци од годинава, кој покажува дека остварила добивка пред исправка во износ од 44,35 милиони денари, што претставува годишен раст од 8,94 % во споредба со истиот период од 2023 година. Нето-приходите од камати во првиот квартал од 2024 година се пониски за 2,66 милиони денари, односно за 2,41 % споредено со истиот период од минатата година. -Приходите од камати се повисоки за 4,95 милиони денари, односно 3,52 %, додека расходите за камати бележат годишно зголемување од 7,62 милиони денари, односно 24,92 % во услови на значајно проширување на депозитната база поради растот на долгорочното денарско штедење на физичките лица, како и раст на депозитите од финансиски правни лица. Нето-приходите од провизии и надоместоци се пониски за 3,16 милиони денари, односно за 9,13 % споредено со остварените во периодот 1.1.- 31.3.2023 година. Притоа кај приходите од провизии и надоместоци беше евидентирано годишно зголемување од 0,93 милиони денари, додека расходите пораснаа за 4,09 милиони денари, главно поради повисоки расходи за провизии во делот на картично работење. Нето-приходите од курсни разлики се позитивни во износ од 5,02 милиони денари и не бележат значајни годишни промени во апсолутен износ. Останатите приходи од дејноста се повисоки за 1,81 милиони денари споредено со првиот квартал од 2023 година поради остварени поголеми капитални добивки од продажба на преземен имот. Според проценките за квалитетот на кредитното портфолио и во согласност со измената на Одлуката за управување со кредитен ризик, која стапи на сила од 1.1.2024 година, исправката на вредноста на финансиските средства на нето-основа изнесува – 94,36 милиони денари. Загубата поради оштетување на нефинансиските средства на нето-основа изнесува -1,72 милиони денари, што во целост произлегува од оштетување за преземениот имот. Трошоците за вработените бележат зголемување од 5,54 % во споредба со првиот квартал од претходната година. Останатите расходи од дејноста се пониски за 15,76 % следствено на преземените мерки за оптимизација на трошоците, а амортизацијата е пониска за 10,32 % на годишна основа, информираа од Банката. Банката во првото тримесечје на 2024 година остварила одлични ликвидносни показатели со учество од 40 % на ликвидната актива во вкупната актива, што е далеку над просекот од околу 30 % на ниво на банкарски сектор, посочуваат од таму. -Исто така, Банката има силна капитална позиција со стапка на адекватност на капиталот од 22,93 % што исто така е значително над просекот од околу 17,0 % на ниво на банкарскиот сектор, велат од таму. ПОВРЗАНИ ВЕСТИ Колку пари потрошила лани Стопанска банка Битола за плати за менаџментот и вработените Стопанска банка Битола лани со раст на добивката за 50,79% Измени и во Надзорниот одбор на Стопанска банка Битола Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Професорката Гордана Силјановска Давкова, зад која застана опозициската ВМРО-ДПМНЕ од донации за претседателската кампања собрала најмалку 19.950.000 денари или над 325 илјади евра, покажуваат дватата извештаи кои ги поднела до Државниот завод за ревизија. Едниот се поднесува на 11. ден од кампањата, а другот на 20. ден од претседателската кампања. По завршувањето на изборите таа треба да поднесе и финален извештај. За неа донирале 526 физички лица, членови и функционери на ВМРО-ДПМНЕ, меѓу кои и министерот за внатрешни работи Панче Тошковски, потпретседателот на партијата, Александар Николоски, пратеничките Ане Лашкоска и Дафина Стојаноска… Сите донатори погледнете ги ОВДЕ. ПОВРЗАНИ ВЕСТИ (Фото) Има две деца, а сопругот и е правник: Силјановска, која победи во првиот круг од претседателските избори приватно Каков имот пријавила Гордана Силјановска-Давкова, кандидат за претседател на Македонија на ВМРО-ДПМНЕ Кој е најголем донатор на ВМРО-ДПМНЕ и колкави приходи имала партијата лани Фото: Давкова/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Автомобил се преврте на Партизански одреди во Скопје, откако претходно удрил во бетонските жардињери. Несреќата се случила доцна синоќа, и нема повредени. View this post on Instagram A post shared by Тв Телма / TV Telma (@tvtelma) Видео: Александар Шејкеровски/ТВ Телма Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска ќе биде сончево со мала до умерена облачност. Од пладневните часови ќе има услови за локална нестабилност со краткотраен пороен дожд и појава на грмежи. Ќе дува слаб ветер од јужен правец, најавуваат од Управата за хидрометеоролошки работи. Минималните температури ќе се движат од 1 до 10 степени, а максималната ќе достигне до 23 степени. Во Скопје времето ќе биде сончево со мала до умерена облачност со услови за краткотарен пороен дожд во делови од скопскиот регион. Темепратурата во главниот град ќе се движи во интервал од 6 до 22 степени. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

НЛБ Банка АД Скопје ќе дели дивиденда од 2.636 денари бруто по акција, соопшти Банката преку Македонската берза. Станува збор за предлог одлука која ќе се најде на дневен ред на престојното Собрание на акционери на Банката. Вкупната сума за оваа намена е 2.251.304.796 денари бруто. Последен ден на тргување со право на дивиденда е 10.06.2024 година. ПОВРЗАНИ ВЕСТИ Успешен и профитабилен прв квартал од 2024 за НЛБ Банка: Поддршка на населението и бизнисот, одговорно и одржливо работење Зоран Јовановски реизбран за член на Надзорниот одбор на НЛБ Банка Колкав промет е остварен со акциите на Комерцијална, Алкалоид и НЛБ Банка, најтргуваните акции на Македонската берза во февруари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Актуелниот претседател на Македонија, Стево Пендаровски, кандидат на владејачката СДСМ, во првиот круг од претседателските избори освои 19,93% од гласовите, а во вториот круг повторно ќе ги мери силите со Гордана Силјановска Давкова, зад која застана опозициската ВМРО-ДПМНЕ. ПОВРЗАНИ ВЕСТИ (Фото) Има две деца, а сопругот и е правник: Силјановска, која победи во првиот круг од претседателските избори приватно Стево Пендаровски приватно Роден е на 3. април, 1963 година. Дете е на двајца учители, кои биле првите дел од првите во земјава по Втората светска војна. Татко му предавал хемија и биологија, а мајка му била оделенски наставник. Пендаровски не сака многу да зборува за својот приватен живот, а повеќе детали за него приватно знаеме благодарение на неговата сопруга Елизабета, по професија стоматолог, која работи на Клиниката за детска и превентивна стоматологија, а со која се запознал преку заеднички пријатели. Во изборната кампања на Пендаровски кога во 2014 година за прв пат беше кандидат за претседател на државата, таа се обиде да го долови Стево, не како што вели: „строго лице од телевизиските екрани, туку како човек пожртвуван, благороден необично духовит и прекрасен татко“. „Стево го запознав кратко пред да ми се случи најстрашниот момент во мојот живот, загубата на мојата помала сестра. Тогаш, неговата поддршка и часови и часови поминати во разговори ми помогнаа да прифатам, некако да живеам со тој факт неповратна загуба како дел од животот. Но, ми се чини дека маката тогаш, направи да видиме многу побрзо една важна работа, а тоа е дека треба да продолжиме заедно, особено затоа што и обајцата потекнуваме од скромни семејства, каде што добрината, човечноста и трудољубивоста се поважни од се. Кога за десетгодишнината од бракот повеќето жени добиваат скапоцени подароци, јас од него добив тектст, текст кој не би го менувала за сите богатства на овој свет. Насловот е „Десетка во срце и една од карти“. Десетка за десетте години заеднички живот, а една од картите за она прекрасно суштество кое не може да заспие додека со најдобриот татичко на свет не прочитаат по некоја епизода од нивните омилени стрипови. Стево од секогаш ме поддржувал во мојата работа. Секое мое отсуство и враќање го засилува чувството дека најсреќна сум кога сум тука, дома. Јас најдобро знам дека сакам и Огнен кога ќе порасне да остане покрај нас, заслужува иднина како и сите наши деца, тука“, рече тогаш Пендаровска во нејзиното обраќање. Фан е музика од поранешна Југославија, со која и растел, од типот на Бјело дугме, Парни ваљак, Идоли…, но и на Леб и сол и Еливис Присли. ПОВРЗАНИ ВЕСТИ Каков имот пријавил Стево Пендаровски, кандидат за претседател на Македонија на СДСМ Кој е Стево Пендаровски, кандидат на СДСМ за претседател на Македонија Фото: Фејсбук/Пендаровски Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На Клиниката за токсикологија синоќа пукнал радијатор во една од лекарските соби и се поплавени речиси сите лекарски канцеларии на вториот кат, болнички соби на првиот кат, Одделението и сметководство, ходниците на приземјето, чекалната, се до амбулантата на ОРЛ и дел од подрумските простории, информираше денеска медицинскиот директор на Клиниката, Данил Петровски. „Дежурната екипа веднаш ја повикала техничката служба за одржување на парно, но не успеале да го сопрат истекот на водата во следните четириесетина минути. Повикано е лице од Клиниката кое помогнало да се сопре водата од главните вентили,“ додаде Петровски. Министерот за здравство Илир Демири денеска изјави дека штетата на Токсикологија е санирана. „Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири. Тој додаде дека не е законски, Клиниката да не е осигурана и за тоа треба да преземе одговорност менаџментот. Пред неколку дена вработени на Клиниката ја информираа јавноста дека Клиниката не е осигурана. ПОВРЗАНИ ВЕСТИ Мистерија е образованието на директорката на Токсикологија, Бесија Иљази, која незнае македонски јазик Сестри, болничари, биолози, лаборант незаконски и без образование, работеле на Клиниката за токсикологија Директорката на Токсикологија која незнае македонски направи милионски долг и не сака да вработи потребни кадри, обвинуваат вработените Фото: МЗ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Судењето за градоначалникот на Струга, Рамиз Мерко, кадар на владејачката ДУИ, за набавката на луксузното Ауди А6, вредно 67 илјади евра, денеска беше одложено, бидејќи неговата одбрана побарала увид во списите за предметот. ПОВРЗАНИ ВЕСТИ По неколку години обвинение за Мерко за набавката на „аудито“ вредно 67 илјади евра Главната расправа е одложена за 3. јуни. Во Основниот суд во Струга денеска не дојде Мерко, ниту неговиот полномошник. Списите со предметот во дигитален препис ќе му бидат предадени на адвокатот на Мерко на УСБ стик, на кој има 27 фалјови во ПДФ формат, информираше судијката Надица Митреска. ПОВРЗАНИ ВЕСТИ За Рамиз Мерко има уште 14 активни предмети Уште едно обвинение за Рамиз Мерко Скопски Кривичен се прогласи за ненадлежен за обвинението за Мерко, го препрати во струшкиот Суд Фото: Мерко/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

НЛБ Банка успешно го заврши првиот квартал од годината со нето добивка од 678 милиони денари, информира Банката. Во периодот 01.01.2024 до 31.03.2024 година, Банката продолжи да испорачува кредитна поддршка за населението и бизнис секторот, зголемувајќи го пласманот на вкупните кредити и обезбедувајќи раст од 7% во овој сегмент, споредено со истиот период претходната година. И вкупните депозити споредно со истиот период претходната година, бележат зголемување за 5,3%, велат од таму. Успешните резултати на Банката се должат на континуираните продажни активности на кредитните продукти со посебен фокус на домаќинствата, микро, малите и средни претпријатија, како и зголемениот број на корисници на платните сервиси, посочуваат од таму. -Во првиот квартал од годинава, НЛБ Банка реализираше низа проекти и активности од областа на општествената одговорност, продолжувајќи ја поддршката кон заедницата, ранливите и маргинализирани категории. Во споменатиот период, НЛБ Банка донираше медикаменти за Центарот за бездомни лица на Црвениот Крст на Град Скопје во Момин Поток, како и средства за набавка на медицински апарати за домашна употреба за пациентите со цистична фиброза во рамките на своето патронство над Асоцијацијата за цистична фиброза, а обезбеди и донација за реновирање на читална во Националната универзитетска библиотека. Во првиот квартал НЛБ Банка го формализираше и своето членство во „Клубот на одговорни бизниси“ во рамки на проектот на УСАИД „Партнерства за донирање“, спроведуван од асоцијацијата „Конект“, потврдувајќи ги своите заложби за одржливост, етичко деловно работење и грижа за заедницата, велат од Банката. НЛБ Банка, и натаму ќе продолжи да биде поддршка на населението и бизнис секторот во земјата, давајќи притоа значаен придонес во макроекономскиот и финансискиот амбиент на државата, посочуваат од таму. Во фокусот на работењето на Банката, како и до сега, се унапредување на дигиталните канали во насока на зголемување на дигиталната пенетрација на клиентите, унапредување на клиентското искуство, проширување на портфолиото на производи и услуги со посебен акцент на „зелените“ продукти, како и на општествено одговорни проекти за грижа за своите вработени и заедницата во целост. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

По Комерцијална банка АД Скопје преку Македонската берза се огласи и Стопанска банка АД Битола, која потврди дека се разгледува можноста за нејзино присоединување кон Комерцијална банка АД Скопје. Двете банки за присоединувањето за првпат информираа лани во септември. ПОВРЗАНИ ВЕСТИ Ќе се присоедини ли Стопанска банка Битола кон Комерцијална банка? -Согласно Одлука на Надзорниот одбор на Стопанска банка Битола од 26.09.2023 година и по усвојувањето на Годишната сметка за 2023 година од страна на Собранието на акционери на 25.04.2024 година, Стопанска банка Битола ја известува јавноста дека се разгледува можноста за присоединување на Стопанска банка Битола кон Комерцијална банка Скопје. По спроведување на постапка на длабинска анализа на целокупното работење на Стопанска банка Битола од страна на Комерцијална банка Скопје ќе се донесе одлука дали да продолжи постапката со изразување на намера за склучување на трансакцијата на присоединување, за што јавноста ќе биде известена, велат од Стопанска банка Битола. ПОВРЗАНИ ВЕСТИ Ќе се спојат ли Комерцијална банка и Стопанска банка Битола? Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Националното биро за осигурување (НБО) соопштува дека актуелните пазарни услови предизвикаа неопходност од промена на цената на полисата за задолжителното авто-осигурување. Посочуваат дека процентот на пораст секоја осигурителна компанија сама го дефинира, зависно од деловната политика и направената анализа. Оттаму објаснуваат дека се работи за европски компании кои одлуките ги носат врз основа на сериозни повеќегодишни анализи, кои покажуваат дека, како што велат, бизнисот за осигурување на автоодговорност е неодржлив со сегашните цени. „Порастот на цената е предизвикан од континуираниот раст на цените на реосигурувањето, автомобилите, порастот на цената на резервните делови, порастот на платите и постојаната голема инфлациона тенденција. Општиот пораст на цените од 2008 до 2023 година изнесува 61,56 отсто. Истовремено цената за осигурување од автомобилска одговорност не е променета веќе 15 години и е единствената категорија во нашата земја која не претрпела зголемување на цена,“ соопштуваат од Националното биро за осигурување, истакнувајќи дека цената на осигурување од автоодговорност во Македонија е најниска во регионот. Од НБО посочуваат дека предходната цена на задолжителното авто осигурување била непазарна, прениска, меѓу најниските во регионот, непроменета уште од 2008 година и велат дека ја доведува во прашање исплатливоста на работењето на осигурителните компании во оваа класа, делувајќи демотивирачки на понудата на оваа полиса. „Без поскапувањето овој бизнис е неодржлив и ќе биде полека напуштен од страна на осигурителните компании. Финансиските институции имаат обврска да работат по строго дефинирани одржливи параметри, со цел зајакнување на стабилноста на финансискиот систем. Како потсетување, во 2008 година цената на автомобилската одговорност беше намалена за 30 отсто, но, денес условите за работење се променети и неодржливо е за осигурителните компании да работат со цени на ова ниво,“ се додава во соопштението. ПОВРЗАНИ ВЕСТИ Министерство за финансии ќе ја испитува оправданоста на поскапувањето на осигурувањето при регистрација Поскапувањето на осигурувањето за регистрација на возилата е неоправдано, реагираат од Агенцијата за супервизија на осигурување Регистрацијата на возилата поскапува за 15%, зголемена е цената на осигурувањето Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Продолжува процесот на длабинска анализа на Стопанска банка АД Битола од страна на Комерцијална банка АД Скопје за нивно можно присоединување, за кое двете банки информираа лани во септември. ПОВРЗАНИ ВЕСТИ Ќе се спојат ли Комерцијална банка и Стопанска банка Битола? За нови чекори во овој процес денеска преку Македонската берза информираа од Комерцијална банка од каде велат дека Надзорниот одбор на Банката на 25.04.2024 година донел Одлука за спроведување постапка на длабинска анализа на целокупното работење на Стопанска банка Битола со цел да се дефинира намера за присоединување на Стопанска банка Битола кон Комерцијална банка. -По завршување на постапката на длабинска анализа, Комерцијална банка ќе донесе одлука дали да продолжи постапката со изразување на намера за склучување на трансакцијата на присоединување, за што јавноста ќе биде известена, велат од таму. ПОВРЗАНИ ВЕСТИ Стопанска банка Битола потврди дека се разгледува можноста за присоединување кон Комерцијална Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Министерството за финансии во врска со донесените одлуки од страна на осигурителните компании за зголемување на висината на бруто-премијата за осигурување од автомобилска одговорност, денеска ја свика Комисијата за осигурување од автомобилска одговорност која одржа седница со цел да ги разгледа сите аспекти од носењето на овие одлуки, информираат од таму. При тоа заклучи во понеделник на нова седница да разгледа Извештај од Националното биро за осигурување за оправданоста и исправноста на донесените одлуки од страна на осигурителните компании и да преземе соодветни чекори во насока на заштита на крајните потрошувачи. „Истовремено, Министерството за финансии врз основа на добиеното известување од страна на Агенцијата за супервизија на осигурување, која е регулатор на осигурителниот сектор, денеска се обрати и до Комисијата за заштита на конкуренцијата, со цел да се испита дали се прекршени правилата на фер и конкурентно однесување, а согласно oдредбите од Законот за заштита на конкуренцијата. Имено, Комисијата за автомобилска одговорност која е именувана од страна на Владата на Република Северна Македонија согласно Законот за задолжително осигурување во сообраќајот (Службен Весник на Република Македонија бр. 88/05, 70/06, 81/08, 47/11, 135/11, 112/14 и 145/15) ја сочинуваат членови од Министерството за финансии, Националното биро за осигурување и Агенцијата за супервизија на осигурувањето, е надлежна за утврдување на Тарифата на премии за осигурување на сопствениците на моторни возила од одговорност за штети предизвикани на трети лица. Односно утврдување на премијата за осигурување која ја плаќа договорувачот на осигурувањето-осигуреникот, a која се состои од техничка премија, која ја утврдува Владата на предлог на Комисијата и дел на премија за вршење на дејноста на осигурување (режиски трошоци) што гг утврдуваат осигурителните друштва самостојно со посебна одлука на Друштвото за осигурување. При тоа посочуваме дека техничката премија којашто е дел од премијата за осигурување која ја плаќа договорувачот на осигурувањето-осигуреникот, a која ја утврдува Владата на предлог на Комисијата, останува непроменета. Со донесените одлуки од страна на осигурителните друштва, кои се доставени до Агенцијата за супервизија на осигурувањето на 23 април 2024 година, а со примена од 25 април 2024 година, е извршена корекција на цената во делот на премија за вршење на дејноста на осигурување (режиски трошоци). Министерството за финансии беше информирано во текот на вчерашниот ден од страна на Агенцијата за супервизија на осигурувањето, како регулатор на осигурителниот пазар во земјата, дека мнозинството друштва за осигурување донеле одлуки и доставиле известување до Агенцијата за зголемување на висината на бруто-премијата за осигурување од автомобилска одговорност на 23 април 2024 година со примена од 25 април 2024 година, а со интервенција во делот на премијата за вршење на дејноста осигурување (режиските трошоци) кои осигурителните друштва самостојно ја утврдуваат,“ се вели во соопштението. ПОВРЗАНИ ВЕСТИ Поскапувањето на осигурувањето за регистрација на возилата е неоправдано, реагираат од Агенцијата за супервизија на осигурување Регистрацијата на возилата поскапува за 15%, зголемена е цената на осигурувањето Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

По интензивно тринеделно предавање А1 Македонија со гордост го објавува успешното завршување на A1 Academy. Академијата за Бизнис Аналитика им овозможи на учеснците да стекнат знаење и вештини во повеќе области, како што се анализа и визуелизација на податоци, анализа на внатрешни бизнис фактори и примената на вештачка интелигенција во бизнис секторот, велат од таму. „Горди сме што се повеќе млади ја препознаа нашата намера и покажаа огромен интерес и мотив за учење. Со креирање на динамична средина за учење и обезбедување пристап до најновите алатки и методологии, продолжуваме со нашата цел, а тоа е овозможување на што повеќе млади луѓе да се стекнат со дигитални вештини во ова модерно време. Наскоро следува нов модул на уште една атрактивна и модерна теми и ги охрабруваме сите млади што сакаат да бидат дел од оваа успешна приказна да ги следат сите активности на A1 Academy,” изјави Елена Димовска, раководителка на одделот за корпоративни комуникации во А1 Македонија. Нашите врвни експерти, професионалци во својата област понудија детално изучување на клучни сегменти како што се предвидување на бизнис трендови, оптимизација на процеси и стратешко одлучување. Целта на академијата беше да се објаснат најновите методи и практики кои се повеќе се употребуваат во сферата на бизнис аналитика и оперативниот менаџмент, а придонесуваат за оптимизација на бизнис процесите, намалување на трошоците и целокупно подобрување на ефикасноста и работењето на бизнисите. Крајот го заокруживме со официјално доделување на сертификати. Академијата е продолжување на активностите на А1 Македонија во рамките на проектите на компанијата за општествена одговорност и одржливо работење, обединета под мотото „За подобар свет“. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Хуманитарен настан наменет за лицата со церебрална парализа ќе се одржи утре (27. април) во Веро центар во Скопје, информираат од таму. Настанот „Хуман Велигден за сите“ ќе почне во 10 часот и ќе трае до 14 часот. На овој настан ќе се изработуваат и продаваат уникатни фигури направени од чоколадо, а за најмладите ќе има детска велигденска работилница за креативни изработки. Освен во чоколадните задоволства и креативната работилница, посетителите ќе уживаат во богата музичка програма и танчерски настапи, но и во други бројни изненадувања наменети за сите возрасти. Собраните средства од хуманитарниот настан ќе бидат наменети за опремување на центарот за лицата со церебрална парализа од здружението „Соѕвездие“. Со посета и учество во овој хуманитарниот настан, посетителите имаат можност заеднички да придонесат за да им го разубават претстојниот празничен период на лицата со церебрална парализа, но и да им помогнат во создавање подобри услови за извршување на нивните секојдневни активности. Целта на настанот е да се споделува љубов, емпатија и меѓусебно помагање и да се испрати порака дека хуманоста не познава граници. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Иновативната формулација на „Алкалоид“ АД за лекот со додадена вредност „Омепразол“ во течна форма, готов за употреба, прва од ваков тип во светски рамки, е прогласена за „Патент на годината за 2023“ од Државниот завод за индустриска сопственост, во рамките на пригодното одбележување на Светскиот ден на интелектуалната сопственост – 26. април, информираа од компанијата. Меѓународната патентна пријава на „Алкалоид“ за „Oмепразол“ во течна форма беше поднесена на 17. април 2020 година, со опфат на голем број региони и земји, меѓу кои земјите од Европската Унија, САД, Канада, Кина, земјите од Евроазиската економска унија и други. Патентната пријава при Европскиот завод за патенти, чии ингеренции опфаќаат патентни активности во 39 земји во Европа, беше одобрена на 3 август минатата година и валидирана во триесетина земји, меѓу кои и Македонија. Патентот на „Алкалоид“ АД ја заштитува течната фармацевтска дозна форма на „Омепразол“, која се базира на два посебни раствори содржани во двокоморско пакување, кое при отворањето автоматски ги меша двата раствора и така се добива готовиот течен омперазол за употреба. Овој препарат е наменет, пред сѐ, за третман на рефлуксен езофагитис и на гастроезофагеалната рефлуксна болест (ГЕРБ) кај малите деца кои не можат да голтаат таблети, како и кај возрасните пациенти кои имаат тешкотии со голтањето (пациети со дисфагија) и неможност за голтање (пациенти со поставени сонди за гастрично хранење и/или геријатриски пациенти). Државниот завод за индустриска сопственост е основан на 1 декември 1993 година како самостоен орган на државната управа и е надлежен за вршење на работите во врска со стекнувањето и со заштитата на правата од индустриска сопственост кои опфаќаат патенти, индустриски дизајни, трговски марки и ознаки за потеклото на производите. Оваа институција триесетта година по ред традиционално организира активности во насока на афирмација на улогата на индустриската сопственост во поттикнувањето иновации и креативни творби. ПОВРЗАНИ ВЕСТИ Алкалоид донираше течен „Омепразол“ со кој ќе помогне во лекувањето на околу 200 деца „Алкалоид“ со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Остануваат уште само две недели до крајот на јубилејниот 10. ликовен конкурс на Ладна, во кој право на учество имаат младите уметници од 4 до 10 години. Нови креативни цртежи пристигнуваат секој ден, а двајца млади уметници ќе ја добијат и главната награда – патување во Дизниленд, Париз. Целта на ликовниот конкурс на Ладна е да ја разбуди креативноста кај децата и едукативно да влијае преку применување на здрави и корисни навики во секојдневниот живот. Оваа година, Ладна реши да не ги ограничува учесниците и затоа темата е слободна. Младите уметници може да нацртаат се’ што ќе посакаат. Цртежите заедно со податоците на детето (име и презиме, датум на раѓање, адреса и телефонски број на родителот/старателот) може да се закачат на веб-страницата www.ladna.com.mk или да се испратат електронски на e-mail адресата [email protected] со наслов „За ликовен конкурс на Ладна“ или по пошта на адреса ул. Столтенбергова бр.2 Скопје, со назнака „За ликовен конкурс на Ладна“, најдоцна до 08.05.2024. Оригиналните цртежи испратени по електронски пат задолжително треба да се чуваат. Како и изминатите години, конкурсот е поделен во две категории: 1) деца на возраст од 4 до 7 години; и 2) деца на возраст од 7 до 10 години. Испратените цртежи можат да бидат во било која форма, техника и големина. Прва награда: Двајца добитници на магично патување во Дизниленд, Париз со нивните родители/старатели. Втора награда: Двајца добитиници на едногодишен курс за цртање за усовршување на талентот на младите уметници. Трета награда: Двајца добитници на таблет за цртање кој ќе ги оживее соништата за дигитална уметност на младите уметници. Затоа, ги охрабруваме младите уметници да учествуваат во ликовниот конкурс на Ладна и слободното време од пролетниот распуст да го исполнат со својот талент и да ги создадат своите креативни дела. Ги очекуваме вашите цртежи, а за повеќе информации следете ја Ладна на ladna.com.mk, Facebook/Ladna.mk и Instagram/Ladna.mk. ПР-објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Министерството за внатрешни работи информираа дека 20-годишник од прилепското село Браилово загинал во сообраќајна несреќа што се случила вчера на регионалниот пат Македонски Брод-Прилеп, откако со неговото возило се судрил со камион. Смрт, на местото на несреќата констатирал лекар од Интана помош. Повреден е 43-годишниот возач на камионот, кој е пренесен во болницата во Прилеп. Извршен бил увид од јавен обвинител и увидна екипа од ОВР Прилеп. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На 1 април МКД.мк го објави истражувањето на јавното мислење спроведено од агенцијата Маркет вижн за првиот круг од претседателските избори. И ова истражување, како и истражувањата кои МКД.мк и Маркет вижн веќе неколку години по ред ги спроведуваат, покажа дека е најблиску до резултатот. Политичари од власта, портпароли, како и тогашниот премиер Димитар Ковачевски, коментираа дека се работи за анкета правена во партиски штаб. Најдобриот демант за ова е споредбата на резултатите од анкетата сo резултатите од првиот круг од претседателските избори. Анкетата на Маркет вижн и на МКД.мк покажа дека соодносот меѓу Гордана Сиљаносвка Давкова и Стево Пендаровски ќе биде 2:1. Тоа и се случи – Сиљаносвка Давкова освои двојно повеќе гласови од Пендаровски. На трето место и според анкетата и според резултатите од првиот круг е Бујар Османи, па следуваат Максим Димитриевски и Арбен Таравари, а по нив Билјана Ванковска и Стевчо Јакимовски. Такви беа резултатите од анкетата, а такви се и резултатите на Државната изборна комисија по првиот круг од претседателските избори. Николина Стојановска управителката на Маркет вижн, вели дека за бројните обвинувања и сомневања и од политичарите и од т.н. експерти подобар одговор нема од споредбата на анкетите со резултатите од изборите. „Веќе неколку избори имаме најточни резултати. Ова не е случајно. Точна анкета бара ресурси, посветеност и затоа секогаш чини повеќе. Нашите анкети неретко се поскапи, може да траат и некој ден повеќе, но тоа е неопходно за поголема точност. Последната наша анкета за МКД.мк, споредена со резултатите од изборите, поконкретно со важечките гласови покажува точност со минимални отстапувања во рамки на статистичката грешка од 3% што може да се види од приложениот слајд. Многу аналитичари се занимаваат со проценти, но притоа не обрнуваат внимание на најважниот показател, а тоа е соодносот на гласовите меѓу кандидатите. Соодносот ја дава најреалната слика. Процентите меѓу различни анкети се неспоредливи бидејќи во секоја анкета има голем број испитаници кои не се изјаснуваат, не знаат за кого ќе гласаат…, а вкупниот број на вакви одговори во секоја анкета е различен. Ако го погледнете распоредот на нашите резултати ќе видите дека е речиси еднаков со резултатите од ДИК. Важно е да се нагласи и моментот дека Маркет вижн не е агенција специјализирана за политички анкети. Ние сме експерти за бизнис, истражувања за брендови, финансии, и инвестициски проекти. За жал, недостатокот од вакви проекти во последните години ни ослободи време да работиме и ваков тип на анкети. Интересно е да се спомене дека многу странски институции и невладини организации, чија цел е унапредување на политичкиот систем, кои редовно прават и објавуваат анкети, многу пати нѐ поканиле да учествуваме на нивни тендери, но никогаш не нѐ ангажирале. Тука се поставува прашањето која е целта на тие анкети ако не ја одбирате агенцијата која со години се покажала како најточна“, вели во изјавата за МКД.мк Николина Стојановска. За декемвриската анкета на МКД.мк и Маркет вижн премиерот Димитар Ковачевски изјави дека била пишувана во партиски штаб. По оваа негова изјава МКД.мк и Маркет вижн, соопштија дека бараат премиерот да ја повлече изјавата и да се извини, но тоа не беше сторено. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Учениците од основните и средните училишта од понеделник, 29 април, заклучно со 6. мај 2024, ќе бидат на пролетен распуст кој е воведен во оваа учебна година. „Првпат има промена и во календарот за настава, така што 2023/2024 за основците ќе заврши на 17. јуни, а за средношколците, како и во минатите години – на 10 јуни. Училиштата нема да работат на 8. мај (среда) кога ќе се одржуваат вториот круг од Претседателските избори и Парламентарните избори 2024. Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето,“ се вели во соопштението на Министерството за образование и наука (МОН). Во него се додава дека наставата од двата дена кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови. Скопските ученици треба да надоместат и за пропуштеното од наставата на 30. ноември 2023 кога во главниот град беше организиран Советот на министри на ОБСЕ. За планирањето и организирањето на дополнителните часови, МОН ги задолжи директорите на училиштата. -Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН откако по реакции во јавноста и од синдикатите ја повлече претходната одлука пропуштената настава да се надомести во саботи. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Утревечер, 27. април е третата и последна фестивалска вечер од „Крај Вардарот Џез“. Во Едукативниот културен центар Лабораториум со почеток во 21 часот со концертен настап ќе се претстават „Macedonian Free Society“. Потребата за нов-креативен, (о)слободен, инспиративен, а во исто време предизвикувачи израз, како соработка помеѓу извонредни автори и инструменталисти, кои ја исцртуваат новата историја на македонската џез и современа музика е токму поводот за креирање на еден ваков мега состав. Иновацијата во креирањето на музичко дело и изведба на поединечни музички преокупации и изразни форми на секој од членовите вткаени во предизвикувачка и квалитетна целина е резултатот на овој современ ансамбл. Неговите членови поединечно, или како дел од нивните матични состави нижат признанија и награди во домашен и меѓународен контекст, и тоа: Филип Букршлиев, Дени Омерагиќ и Нинослав Спировски, Владан Дробицки, Васко Бојаџиски, Гоце Наумов, Глигор Кондовски и Благојче Томевски. Месецов за ПМГ Џез, како 46 издание, излезе и првиот албум на „Macedonian Free Society“. Веднаш потоа во 22 часот на истата локација, концерт на „Поетроника“. Еден од највозбудливите музички проекти во земјава, кој поставува нова парадигма во начинот на изведба на современа македонска поезија во форма на поетско-музички перформанс и во симбиоза со авторска електронска музика, изведена во живо. Заслужни за тоа се двајца врвни современи уметници, Оливер Митковски, еден до најголемите домашни актери, кој во изведбата го носи читачкиот (поетски, интерпретативен) дел и Андреја Ристески – Салпе, талентиран автор и продуцент, еден од водечките современи македонски електронски артисти, задолжен за музиката. Неочекувана, но благодарна комбинација, која дава силно модерен и динамичен поглед врз македонскиот поетски пишан збор. Музиката на Андреја Салпе е квалитетна современа електронска продукција, со традиционални и џез одеци, која волшебно пронижена со искусниот вокал на Митковски фрла ново светло на познати и не толку познати стихови од нашето минато и сегашност од автори како: Ацо Караманов, Гого Ивановски, Игор Исаковски, па се до Горан Петрески, Владимир Лукаш, Оливера Ќорвезироска и Ѓоко Здравески. Квалитетот на изведбата во „Поетроника“ ги елевира песните на ново, неочекувано, неописливо атрактивно ниво и ги прави податни за ново толкување, приближувајќи ги до нова, млада публика. Крај Вардарот Џез Фестивал 2024 е поддржан од Министерство за култура на Македонија и се реализира во соработка со Македонска филхармонија и едукативниот културен центар Лабораториум. Онлајн продажба на билети е достапна преку bileti.mk (за 27 април). Промотивна објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Осигурувањето за регистрација на возилата, поскапува за 15%. Повисоките цени се однесуваат за коли со моќност над 44 киловати (КВ) и за товарните возила. Премијата за осигурување за колите со моќност до 44 киловати останува иста. Според новиот ценовник, сопствениците на возила со моќност од 44 до 55 КВ наместо 5.453 денари за осигурување ќе плаќаат 6.292 денари. Осигурувањето за возилата со мотор од 55 до 65 КВ, од 6.166 денари се зголемува на 7.116 денари. За колите со мотор од 66 до 84 КВ, од 7.133 денари на 8.233 денари. За колите со мотор од 84 до 110 КВ, од 8.510 денари на 9.821 денари. Осигурувањето за возилата со мотор над 110 КВ, од 10.294 денари на 11.879 денари. ПОВРЗАНИ ВЕСТИ Поскапувањето на осигурувањето за регистрација на возилата е неоправдано, реагираат од Агенцијата за супервизија на осигурување Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Агенцијата за супервизија на осигурување (АСО) реагира дека зголемувањето на цената на полисите за задолжително автомобилско осигурување е неоправдан чекор на осигурителните компании. „По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано. Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност,“ се вели во соопштението од Агенцијата. ПОВРЗАНИ ВЕСТИ Регистрацијата на возилата поскапува за 15%, зголемена е цената на осигурувањето Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Унијата на млади претприемачи „Феникс Рајзинг“ иницираше подготовка на Декларација за поддршка на младите претприемачи. Имено, станува збор за јавен документ за афирмација на младите претприемачи во Македонија. „Имајќи предвид дека сме во ек на предизборна кампања за парламентарните избори, оваа Декларација е понудена до сите политички подмладоци и партии кои се дел од изборниот процес,“ велат од Унијата, Декларација обработува повеќе важни теми за младите претприемачи и стартап бизниси: државата да биде гарантор за доделување на кредити со 1% каматни стапки за млади претприемачи, усогласување и хармонизација на домашното законодавство со ЕУ политиките во делот на млади претприемачи, ослободување на младиот претприемач – управител на бизнис од плаќање на придонеси, поддршка на саем за млади претприемачи, ваучер систем за поддршка на млади претприемачи, поголем фокус на предметот „Претприемништво“ во средните училишта и др. „Иако декларацијата сама по себе не е обрзувачка, сепак претставува еден повик за поголема поддршка на младите претприемачи во Македонија. Во ек на предизборие сме, кога партиите многу ветуваат, а ние сакаме повеќе да се зборува за младите, за нивните идеи, иновации и секако, поддршката на нивните бизниси“, вели Ивона Трајановска, претседателка на Унијата. Инаку, Унијата на млади претприемачи постои повеќе од една година и претставува асоцијација која обединува 66 домашни бизниси кои делуваат во различни области. Унијата овозможува нивна промоција, поддршка, вмрежување на национално и меѓународно ниво, застапување на нивните интереси и сл. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Граѓанските иницијативи, независните иницијативи кои учествуваа на локалните избори и еко-здруженијата до политичките партии учесници на изборите доставија 18 прашања на кои, како што велат, наместо флоскули и демагогија очекуваат конкретни одговори со рокови, буџет и одговорни институции и личности. „Скоро 70% од законите се спроведуваат на локално ниво, во нашите општини. На прагот сме на парламентарни избори, а одлуките кои следните парламентарци ќе ги носат, директно ќе влијаат и на политиката на локално ниво. Ние на овие избори не учествуваме директно, но и ние и останатите граѓани гласаме. И сакаме информирано да гласаме! Одговорите од партиите ги очекуваме до 2. мај.Јавно и во целост ќе ги објавиме пред гласањата на 8. мај за да бидат патоказ, но и обврска за периодот кој следи. Како граѓани, имаме право на одговори за клучните прашања поврзани со загадувањето, урбанизмот, владеењето на правото, квалитетот на животот Нашите заложби се јасни: транспарентно, чесно, законито и правично општество за сите, политики кои ги штитат граѓанинот и јавниот интерес, обезбедуваат и стимулираат активно граѓанско вклучување и обезбедуваат здрава животна средина и подеднакви квалитетни услуги за сите граѓани низ државата,“ се вели во соопштението потпишано од Граѓанска иницијатива Шанса за Центар – Скопје, O2 Иницијатива, Граѓанска иницијатива Зелен хуман град – Скопје, Граѓанска иницијатива Зелените од Гази Баба – Скопје, Граѓанска иницијатива Независни за Карпош – За заштита на Карпош- Скопје, Граѓанска иницијатива Заедно за промена – Скопје, Граѓанска иницијатива Стига е – Струмица, Босилово, Ново Село, Граѓанска иницијатива За Расадник на можности, за хуман живот во Кисела Вода – Скопје, Граѓанската иницијатива Грин.Орг – Кочани, Граѓанската иницијатива Охрид SOS – Охрид. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска претпладне ќе биде претежно ведро и наместа постудено. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец, соопшти Управата за хидрометеоролошки работи (УХМР). Минималната температура ќе биде во интервал од -1 до 7, а максималната ќе достигне од 16 до 23 степени. Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен. Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време. Фото: Град Скопје Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Макпетрол АД Скопје, од досега објавените најави, годинава го има највисокот износ за дивиденда по акција од сите компании кои котираат на Македонската берза. Како што соопшти компанијата ќе дели дивиденда од 3.700 денари бруто по акција. ПОВРЗАНИ ВЕСТИ Макпетрол ќе дели дивиденда од 3.700 денари бруто по акција еМагазин направи ексклузивен преглед на дивидендите кои годинава ќе ги исплатат компаниите кои котираат на Берзата. По Макпетрол следи Реплек АД Скопје, кој ќе дели дивиденда од 3.000 денари бруто по акција. Следи Цементарница Усје АД Скопје која ќе дели дивиденда од 2.415 денари за акција. БИМ АД Свети Николе ќе дели дивиденда од 2.000 денари бруто по акција. Прилепска пиварница АД Прилеп ќе дели дивиденда од 1.111 денари бруто по акција. Комерцијална Банка АД Скопје ќе дели дивиденда од 910 денари бруто по акција. Алкалоид АД Скопје ќе дели дивиденда од 540 денари бруто по акција. Дивиденда од 200 денари бруто по акција ќе дели Македонијатурист АД Скопје. Дебарски бањи – Цапа АД Дебар ќе дели дивиденда од 143 денари бруто по акција. Тетекс АД Тетово пак ќе дели дивиденда од 110 денари бруто по акција. ТТК Банка АД Скопје ќе дели дивиденда од 108 денари бруто по акција. Европа АД Скопје ќе дели дивиденда од 50 денари бруто по акција. Гранит АД Скопје ќе дели дивиденда од 42 денари бруто по акција. Рудници Бањани АД Скопје ќе дели дивиденда од 40 денари бруто по акција. Мода АД Свети Николе ќе дели дивиденда од 6,45 денари бруто по акција. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Професорката Гордана Силјановска Давкова, која ја доби подршката од опозициската ВМРО-ДПМНЕ, убедливо победи во првиот круг од претседателските избори. ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК Според податоци на Државната изборна комисија (ДИК) таа издвојува победа во дури 60 општини. Победи во Аеродром, Берово, Битола, Богданци, Босилево, Брвеница, Бутел,Валандово, Василево, Вевчани, Велес, Виница, Гази Баба, Гевгелија, Ѓорче Петров, Градско, Дебарца, Делчево, Демир Капија, Демир Хисар, Дојран, Зелениково, Зрновци, Илинден, Јегуновце, Кавадарци, Карбинци, Карпош, Кисела Вода, Кичево, Конче, Кочани, Кратово, Крива Паланка, Кривогаштани, Лозово, Македонска Каменица, Македонски Брод, Могила, Неготино, Новаци, Ново, Охрид, Петровец, Пехчево, Прилеп, Пробиштип, Радовиш, Ранковце, Ресен, Росоман, Свети Николе, Сопиште, Старо Нагоричане, Струмица, Центар, Чашка, Чешиново-Облешево, Чучер Сандево и во Штип. Актуелниот претседател на Македонија, Стево Пендаровски, кој со нејзе оди во вториот круг, и е кандидат на владејачката СДСМ, најмногу гласови освоил во Крушево, Маврово и Ростуша и во Центар Жупа. ПОВРЗАНИ ВЕСТИ Османи го победи Таравари во првиот круг од претседателските избори Кандидатот на коалицијата „Европски фронт“, Бујар Османи, кој е третопласиран во првиот круг, победи во Арачиново, Боговиње, Врапчиште, Дебар, Долнени, Желино, Липково, Пласница, Сарај, Струга, Студеничани, Теарце, Тетово, Чаир и Шуто Оризари. Арбен Таравари, кандидатот на коалицијата „Вреди“ освои најмногу гласови во Гостивар, а Максим Димитриевски, кандидатот на ЗНАМ, во Куманово. ПОВРЗАНИ ВЕСТИ (Фото) Има две деца, а сопругот и е правник: Силјановска, која победи во првиот круг од претседателските избори приватно Максим Димитриевски трет на претседателските избори во македонскиот блок Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Мермерен комбинат АД Прилеп преку Македонската берза информираат дека со одлука на Одборот на директори (ОД) на Друштвото, членот на ОД, Јасна Ажиевска Петрушева ќе престане да извршува функција како извршен член на Одборот и овластено лице за застапување на Друштвото, и истата функцијата член на Одборот ќе продолжи да ја извршува како неизвршен член, до истекот на мандатот за кој е именувана. Со оваа измена новиот состав на Одборот на Директори е следниот: Лазарос Пантелидис, неизвршен член и претседател на Одборот, Василиос Анагносту, главен извршен директор, Јасна Ажиевска Петрушева, неизвршен член, Николаос Димарелис, неизвршен член, Триантафилос Триантафилу, неизвршен член и Зоран Пандев, неизвршен и независен член на Одборот. ПОВРЗАНИ ВЕСТИ Мермерен Комбинат лани со намалена добивка Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лотарија на Македонија АД Скопје во првите три месеци од годинава оствари добивка од 1.151 илјади денари, покажува неревидираниот Биланс на успех, објавен преку Македонската берза. Остварените вкупни приходи на Друштвото за овој период изнесуваат 6.762 илјади денари и истите се намалени споредено со истиот период лани. Во структурата на вкупните приходи најголемо учество од 98,21%, имаат оперативните приходи, кои за овој период бележат намалување во однос на претходната година. Кај финансиските приходи кои се 1,79% од вкупните приходи, има зголемување во однос на истиот период лани. Намалување во однос на истиот период лани бележат и вкупните расходи, кои за овој период изнесуваат 5.449 илјади денари. Оперативните расходи се намалени во однос на минатата година. Остварените консолидирани вкупни приходи за овој период изнесуваат 6.899 илјади денари и во споредба со остварените консолидирани вкупни приходи за истиот период лани бележат намалување. Во структурата на вкупните приходи најголемo учество од 98,25% имаат оперативните приходи кои бележат намалување во однос на минатата година. Финансиските приходи изнесуваат 121 илјада денари и учествуваат со 1,75% во однос на вкупните приходи и бележат зголемување во однос на лани. Консолидираните расходи за овој период изнесуваат 5.768 илјади денари и бележат намалување во однос на вкупните расходи за истиот период минатата година. Консолидираните оперативни расходи во овој периодот изнесуваат 5.768 илјади денари и бележат намалување во однос на лани. ПОВРЗАНИ ВЕСТИ Колкава плата лани имал директорот на Лотарија на Македонија Лотарија на Македонија лани со добивка и намалени приходи Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Градски трговски центар (ГТЦ) АД Скопје во првите три месеци од годинава оствари добивка од 2,270 илјади денари бруто, соопшти Друштвото преку Македонската берза. Вкупните приходи на ГТЦ за овој период изнесуваат 65,091 илјади денари и истите споредено со истиот период лани бележат раст од 3%, а вкупните расходи изнесуваат 62,821 илјади денари и истите се намалени за 1%. ПОВРЗАНИ ВЕСТИ ГТЦ лани работел со загуба Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во првите три месеци од годинава Комерцијална банка АД Скопје остварила добивка од 1.179,1 милион денари, соопшти Банката преку Македонската берза. Споредено со истиот период лани, добивката на Банката е зголемена за 13,4 %. -Планираната бруто-добивка за првиот квартал од годинава е остварена со 111,4 %. Притоа, остварената добивка пред исправка на вредност, која претставува показател за оперативната способност на Банката да ги покрива расходите од работењето, е за 32,8% поголема во однос на истиот период минатата година. Зголемувањето на добивката пред исправка на вредност главно произлегува од зголемувањето на приходите од редовно работење (нето приходи од камата и нето приходи од провизии), а во помал дел и поради зголемените останати приходи. Банката ги оствари овие резултати благодарение на зголемените пласмани во нискоризични хартии од вредност и зголеменото кредитирање, како и се уште високото учество на пласманите во парични средства и парични еквиваленти, кои придонесоа за остварување повисоки каматни приходи, во услови на повисоки каматни стапки споредено со истиот период минатата година, велат од таму. Вкупните приходи на Банката за овој период се 1.998,6 милиони денари и бележат зголемување од 26,5 % во однос на истиот период од минатата година. -Нето-приходите од камата претставуваат основна компонента во формирањето на вкупните приходи од работењето и на 31.03.2024 година истите бележат зголемување од 26,8 % во однос на истиот период од минатата година. Приходите по основ на камата се зголемени за 34 %, и тоа кај сите категории на клиенти: кај секторот финансиски друштва поради зголемените каматни стапки на благајничките записи и на депозитите пласирани во НБРСМ, кај секторот држава како резултат на зголеменото вложување во државни хартии од вредност со зголемени каматни стапки , кај нефинансиските друштва поради зголемени пласмани, кај домаќинствата поради зголемени пласмани и кај нерезидентите поради зголемени пласмани во странски банки и зголемени каматни стапки, велат од таму Расходите по основ на камaта се зголемени за 130,3 % поради зголемените орочени депозити и зголемените пасивни каматни стапки споредено со истиот период минатата година, посочуваат од таму. -Нето-каматната маржа на ниво на Банката се зголеми од 3,3 % во првиот квартал од минатата година, на 3,94 % во истиот период од оваа година. Нето приходите од провизии и надоместоци на 31.03.2024 година изнесуваат 336,5 милиони денари и во однос на истиот период од минатата година бележат зголемување од 25,6 % во најголем дел како резултат на зголемениот обем на активности особено во делот на работењето со картички. Планот за анализираниот период е остварен со 122,3%. Нето приходите од курсни разлики на 31.03.2024 година изнесуваат 96,6 милиони денари и се на речиси исто ниво како истиот период од минатата година. Планот за анализираниот период е остварен со 118,5 %. Останатите приходи од работењето на Банката на 31.03.2024 година изнесуваат 86,5 милиони денари и бележат зголемување од 29,9 % во најголем дел како резултат на реализирана капитална добивка од продажба на преземен имот, како и поголем износ на наплатени претходно отпишани побарувања споредено со истиот период минатата година. Планот е остварен со 46,5 %, велат од таму. Оперативните расходи на Банката изнесуваат 543,5 милиони денари и во однос на истиот период од минатата година се зголемени за 12,1 %, во најголем дел како резултат на зголемените останати расходи, а во помал обем и поради зголемените плати и други трошоци на вработените и зголемената амортизација. ПОВРЗАНИ ВЕСТИ Која е компанијата која од Комерцијална банка го купи имотот на Еуроникел индустри -Позначителното зголемување на останатите расходи се однесува на расходите за преземени објекти, пред сѐ за преземениот имот од клиентот Еуроникел Индустри Кавадарци, со цел одржување на комбинатот во добра состојба за безбедно и ефикасно рестартирање на производниот процес. Планот е остварен со 97,9 %. Во периодот од 01.01-31.03.2024 година, Банката прокнижи загуба поради оштетување на нефинансиските средства на нето основа во износ од 1,4 милиони денари, во согласност со регулативата од НБРСМ. Во извештајниот период Банката прокнижи исправка на вредност на финансиските средства и посебна резерва за вонбилансни изложености на нето основа во износ од 274,6 милиони денари наспроти 54,6 милиони денари во истиот период минатата година, што се должи на одобрувањето нови кредитни изложености на правни лица, промената на ризичната категорија кај одредени клиенти, како и заради стапување во сила на новата Одлука за управување со кредитен ризик која пропишува нови построги услови за преминување на побарувањата во нефункционалност и за враќање во редовен статус, велат од таму Вкупната актива на Банката на 31.03.2024 година достигна износ од 163.620,5 милиони денари и е на речиси исто ниво како декември 2023 година. ПОВРЗАНИ ВЕСТИ Сава Димитрова и Таки Фити не се повеќе членови на НО на Комерцијална банка Кој е најголем акционер во Комерцијална банка Комерцијална банка ќе дели дивиденда од 910 денари бруто по акција Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Гордана Силјановска Давкова, зад која застана опозициската ВМРО-ДПМНЕ во првиот круг од претседателските избори издвојува убедлива победа, освојувајќи 40,08% од гласовите. ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК Во вториот круг кој ќе се одржи на 8. мај, таа повторно како и во 2019 година за конкурент го има актуелниот претседател на Македонија, Стево Пендаровски, кандидат на владејачката СДСМ. Гордана Силјановска приватно Родена е на 11. мај 1953 година во Охрид, а пораснала во Скопје. Родителите и се по потекло од Кичево, а нејзиниот дедо бил партизан. Како дете нејзина страст биле ролшуите, па била и првенка во нивно возење во Скопје. Денеска практикува и јога, а сака и да пешачи. Со години е вегетерјанка. Не крие и дека е голем љубител на музика, посебно на рокенрол. Со сопругот Благоја е во брак над 35 години. И тој како нејзе е правник, кој е во пензија. Имаат две деца, ќерката Марија и синот Павле, кои се исто така правници. ПОВРЗАНИ ВЕСТИ Која е Гордана Силјановска-Давкова, кандидат на ВМРО-ДПМНЕ за претседател на Македонија Каков имот пријавила Гордана Силјановска-Давкова, кандидат за претседател на Македонија на ВМРО-ДПМНЕ Фото: Фејсбук/Силјановска Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома. „Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката,“ се вели во апелот на ecrowd.mk. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Tечат роковите од вкупно 48 часа за учесниците на изборите да поднесат приговори за евентуални неправилности поврзани со изборниот ден. На трите избирачки места во Куманово, каде што гласањето беше прекинато поради технички проблеми, нема да има прегласување, бидејќи малиот број на гласови нема да влијае на крајниот исход. Излезноста на првиот круг претседателски избори изнесува 49,93 проценти, а своето избирачко право го оствариле вкупно 905.971 граѓанин, соопштија од Државната изборна комисија. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Донацијата од 76 моторни возила од Кралството Норвешка, официјално беше предадена на Армијата на Македонија на пригодна церемонија која се одржа во касарната Илинден во Скопје. „Оваа норвешка донација од 76 неборбени моторни возила, значително ќе придонесе за зголемување на транспортните можности на едниците на Армијата односно на нивната борбената готовност. И јас како министерка, но и припадниците на Армијата и граѓаните на оваа држава, благодарни сме за вашата донација која доаѓа во прав момент и ќе овозможи значително зголемување на капацитетите на единиците на нашата Армија за извршување на нивните задачи, што директно ќе влијае и за постигнување на декларираното ниво на борбената подготвеност на претстојното оценување,“ изјави министерката за одбрана, Славјанка Петровска. Амбасадорката на Кралството Норвешка за Македонија, Кристин Мелсом истакна дека меѓусебните дипломатски односи кои континуирано се подобруваат во последните 30 години, во последните години уште повеќе се зајакнаа и во воената соработка „Вашата цел да распоредите 10% од вашата армиска структура е импресивна. Ова го гледаме на дело со вашите придонеси во мисиите на ЕУ, мисиите на НАТО, КФОР во Република Косово, учеството во Активности за зајакната будност во Романија и Бугарија, зајакнато истурено присуство во Латвија и мисијата на ОН во Либан. Сето ова потврдува дека работите подеднакво како и сите други во Алијансата и Норвешка со гордост ве нарекува и сојузник и пријател,“ изјави Мелсом. Бригадниот генерал Андрес Јернберг, командант на логистика на Вооружените сили на Кралството Норвешка изјави дека овој ден е од историско значење, бидејќи ја одбележува најголемата донација на воена опрема што Кралството Норвешка ја има направено за некоја земја од Западен Балкан. Фото: МО Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Макпетрол АД Скопје ќе дели дивденда од 3.700 денари бруто по акција, соопшти компанијата преку Македонската берза. Станува збор за предлог-одлука која е на дневен ред на престојното Собрание на акционери на компанијата, а вкупната сума за оваа намена е 374.232.800 денари бруто. Последен ден на тргување со право на дивиденда е 14.6.2024 година. ПОВРЗАНИ ВЕСТИ „Макпетрол“ најпосакуван работодавач помеѓу нафтените компании за 2023 година Претседателот на НО на Макпетрол купи акции на компанијата Андреја Јосифовски купи акции на Макпетрол Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Врховниот суд информира дека ја уважил жалбата за пртиворот на таткото на Вања, Александар Ѓорчевски и тој од затворот во Шутка оди во домашен притвор. „По одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје КСЖ-320/24 од 02.04.2024 година, го преиначи на начин што определената мерка притвор против обвинетиот А.Ѓ. ја укина и за обвинетиот определи мерка куќен притвор и мерка на претпазливост,“ информираат од Врховен суд. Неговиот адвокат Туфегџиќ по седницата рече дека се уште нема докази против Ѓорчевски, а осомничениот не може да се даде во бегство, бидејќи пасошот повеќе не му е важечки и дека соработува со Обвинителството во истрагата за убиството на неговата ќерка. Александар Ѓорчевски изјави дека „бил обвинуван за работи кои не ги разбира“. „Ми одземаа се и бев прикажуван каков човек и татко сум. Веќе не сум ни родител, ни татко. Ехо од човек остана од мене,“ рече Ѓорчевски, кој според изјавата на неговиот адвокат, немал контакт ниту со другата ќерка, и затоа било поднесено барање до Центарот за социјална работа, Адвокатот Туфегџиќ рече дека Ѓорчевски два пати бил подложен на тортура и завршил на клиника и дека за тоа е известен Хелсиншкиот комитет од кој се чека извештај. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Со концерт на македонски и српски изведувачи во сабота на 8. јуни на стадионот на АРМ во Скопје почнува музичката ноќ на фестивалот Скопје се лади – три концерти во една ноќ. Скопје добива нова форма на музичко изразување и ноќ посветена на љубителите на добрата музика со три концерти кои истовремено ја оживуваат енергијата со драм ен бејс, рап, реге и балкански звук. За загревање на атмосферата ќе се погрижат момците од бендот Брас Брадерс, кои ќе ја вжештат атмосферата со нивните брас инструменти и со нивните хитови кои одлично поминаа кај македонската публика. Миленикот на повеќе генерации раперот Тајзи после неколку феноменални концерти низ Македонија, ќе настапи со неговите најголеми хитови на кои сите пејат и танцуваат. И како круна на оваа незаборавна вечер со 90 минутен концерт ќе настапат извонредните српски изведувачи С.А.Р.С. со добро познатите хитови кои рушат рекорди на Јутјуб, песните: Буџав Лебац, Лутка, Ракија, Перспектива и многу други. Билетите може да се набават во Kupi Karti Za Se и на 44event.mk. Фото: Unsplash Промотивна објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

По кусо боледување, денеска на 75 години почина Велибор Џаровски-Џаро, еден од најпознатите менаџери на просторите на бивша Југославија, пренесе sdk.mk. Џаровски соработуваше со најголемите југословенски естрадни ѕвезди, но исто така беше познат како „крал на местенките“ во фудбалот, нешто што самиот никогаш не го криеше и отворено зборуваше за тоа. Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена се само некои од музичките ѕвезди со кои соработуваше Џаровски и на кои им организираше турнеи. Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер. Џаровски остави силен впечаток и во југословенскиот фудбал, каде што, како што самиот призна, наместил повеќе од 80 натпревари во сите рангови на натпреварување, оставајќи зад себе легендарни приказни за тоа. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Atlantic Grupa во првото тримесечје од 2024 година забележи приход од продажба во износ од 236,6 милиони евра, што во споредба со истиот период минатата година претставува раст од 9,8%, соопштија од таму. Добивката пред камата, данок и амортизација (EBITDA) порасна за 20,3% на 25,2 милиони евра, додека нето добивката порасна за 3,2% и изнесува 9,9 милиони евра. „Одличните продажни резултати на почетокот на годината ни овозможија силен раст на профитабилноста и покрај значителниот раст на цената на какаото и сировините, како и логистичките предизвици кои и понатаму траат, како и растот на вложувањата во луѓе и маркетинг. Со заклучувањето на аквизицијата на Strauss Adriatica, ја потврдивме стратешката определба на Атлантик Група за зајакнување на нашиот основен бизнис, конкретно за раст на категоријата кафе, како и зајакнување на конкурентноста на регионалните индустрии и локалните брендови. Продолжуваме со значајни капитални вложувања, како и иновации во производното портфолио, меѓу кои се истакнува лансирањето на Argeta Meatless асортиманот. И покрај предизвикувачкото геополитичко и макроекономско опкружување, остануваме уверени дека ќе продолжиме со раст на бизнисот, на одржлив начин“, истакна претседателот на Управата на Atlantic Grupa, Емил Тедески. Пијалаци, Фармација и Кафе го предводат растот Најголем раст оствари Стратешкото деловно подрачје Пијалаци (16%), Фармација (11,8%) и Кафе (9,4%). Кафето како најголема поединечна категорија учествува во вкупниот приход со 20,1%. Во дистрибуцијата растот го предводи Стратешката дистрибутивна област Македонија со раст од 11,6%, па следи Хрватска со раст од 10,6% и потоа Србија со раст од 9%. Во вкупната продажба на Atlantic Grupa сопствените брендови сочинуваат 61,9% од вкупната продажба, медицинското работење 9,5%, додека принципал брендовите учествуваат со 28,6% во вкупниот приход од продажба. Atlantic Grupa на 1. март го комплетираше преземањето на Strauss Adriatica, сопственик на српските брендови на кафе Doncafe и C Kafa, а кои со оваа аквизиција им се придружуваат на регионалните лидери во категоријата, Grand kafa и Barcaffe. Atlantic го презеде и модерниот производен погон во индустриската зона Шимановци крај Белград, со 220 вработени, а трансакцијата претходно беше уредно одобрена од страна на Комисијата за заштира на конкуренцијата во Република Србија. Значајна новост во производната програма во првиот квартал донесе и Argeta, со лансирањето на безмесните намази со вкус на месо, во склад со растечките трендови во прехрамбената индустрија, посочуваат од таму. Пионер во известувањето по ESRS стандарди и шампион во родова еднаквост Годишниот извештај на Atlantic Grupa за 2023 година е објавен во согласност со новите законски прописи за нефинансиско известување, што значи дека, покрај вообичаените ставки, ги применува ESRS (Европски стандарди за известување за одржливост) во рамките на одржливост, со што се воспоставува Atlantic Grupa како една од првите компании во оваа област која применува нови стандарди. Освен тоа, Atlantic Grupa Droga Kolinska е прогласена за првак на Словенија во ESG за 2024 година, потврдувајќи уште еднаш дека Atlantic Grupa подеднакво ги исполнува ESG обврските во сите три области – околина, заедница и управување. Сите показатели се поврзуваат во индексот на одржливост на претпријатието, кои укажуваат на успешноста на компанијата во реализација на годишните цели, а посветеноста на одржливиот развој беше видлива по тоа што Атлантик Група ги надмина поставените цели на индексот за одржливост за 2023 година, велат од таму. Анализирајќи ја Atlantic Grupa, беше утврдена заложба за следење на родовата разновидност во компанијата и корекција на процентот на жени на раководни позиции каде што постојат такви недостатоци. Така, во Atlantic Grupa, 55% од жените се на раководни позиции, 58% во развојни програми и 52% жени вработени преку интерни конкурси, а разлика во платите нема, односно е незначителна и изнесува 2,6% во корист на жените. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Гордана Сиљановска Давкова, зад која застана опозициската ВМРО-ДПМНЕ е убедлив победник во првиот круг на претседателските избори, кој се одржа вчера. Партијата победата ја славеше на плоштадот „Македонија“ во Скопје, а еве како изгледаше атмосферата: ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК ПОВРЗАНИ ВЕСТИ Максим Димитриевски трет на претседателските избори во македонскиот блок Османи го победи Таравари во првиот круг од претседателските избори 48,38% е излезноста на првиот круг од претседателските избори, повисока отколку на последните избори Видео: Фејсбук/ВМРО-ДПМНЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) од обработени 94,37% избирачки места излезноста на првиот круг од претседателски избори, кој се одржава вчера, е 48,38%. На последните претседателски избори во 2019 година излезноста на првиот круг беше 41,82%. ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК Максим Димитриевски трет на претседателските избори во македонскиот блок Османи го победи Таравари во првиот круг од претседателските избори Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска ќе биде променливо облачно со повремени врнежи од дожд, а на планините со повремен снег. Локално врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени Целзиусови. Во Скопје ќе биде променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени Целзиусови. Според најавите од Управата за хидрометеоролошки работи (УХМР) од утре следува период на претежно стабилно и потопло време со пораст на температурите. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на владејачката ДУИ, Али Ахмети многу ретко се појавува во јавноста со својата сопруга Везире. Вчера тие заедно гласаа на првиот круг од претседателските избори. ПОВРЗАНИ ВЕСТИ Османи го победи Таравари во првиот круг од претседателските избори (Фото) Сиљановска Давкова прва, Пендаровски втор, Османи трет: Официјални податоци на ДИК Фото: Ахмети/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Кандидатот на коалицијата „Европски фронт“ и актуелен министер за надворешни работи Бујар Османи е победник во т.н. албански блок на првиот круг од претседателските избори кој се одржа вчера. ПОВРЗАНИ ВЕСТИ Како имот пријавил Бујар Османи, кандидат за претседател на Македонија на ДУИ Кој е Бујар Османи, кандидат на ДУИ за претседател на Македонија Тој според податоци на Државната изборна комисија (ДИК) освои 13,36%. ПОВРЗАНИ ВЕСТИ Кој е Арбен Таравари, кандидат за претседател на албанската опозиција Каков имот пријавил Арбен Таравари, кандидат за претседател на Македонија на албанската опозиција Кандидатот на коалицијата „Вреди“ и градоначалник на Гостивар, Арбен Таравари освои 9,21% од гласовите. ПОВРЗАНИ ВЕСТИ Максим Димитриевски трет на претседателските избори во македонскиот блок (Фото) Сиљановска Давкова прва, Пендаровски втор, Османи трет: Официјални податоци на ДИК Фото: Османи/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на ЗНАМ – За наша Македонија и градоначалник на Куманово, Максим Димитриевски според официјални податоци на Државната изборна комисија (ДИК) од над 99% обработени гласачки места е трет во македонскиот блок и четврт генерално во првиот круг од претседателските избори, кој се одржа вчера. ПОВРЗАНИ ВЕСТИ Османи го победи Таравари во првиот круг од претседателските избори (Фото) Сиљановска Давкова прва, Пендаровски втор, Османи трет: Официјални податоци на ДИК Тој е еден од победниците во првиот круг на претседателските избори, пред се поради тоа што предводи нова партија, формирана неколку месеци пред изборите. ПОВРЗАНИ ВЕСТИ Каков имот пријавил Максим Димитриевски, кандидат за претседател на државата на ЗНАМ Кој е Максим Димитриевски, кандидат за претседател на Македонија на ЗНАМ Максим Димитриевски за првпат зборува за приватниот живот: Сопругата Надица ми е коректор Фото: ЗНАМ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државниот завод за статистика најниската просечна нето-плата во февруари е во секторот Заштитни и истражни дејности – 22.702 денари, следи Услуги поврзани со одржување на згради и дејности на уредување и одржување животна средина и природа – 23.768 денари, па Производство на кожа и слични производи од кожа – 24.036 денари, Рибарство и аквакултура – 24.815 денари и Производство на облека – 25.972 денари. ПОВРЗАНИ ВЕСТИ Највисоки просечни нето-плати во февруари Колку изнесува највисоката просечна бруто-плата во февруари Просечната нето-плата во февруари 39.276 денари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На вчерашните претседателски избори во првиот круг убедливо победи професорката Гордана Сиљановска Давкова, зад која застана опозициската ВМРО-ДПМНЕ. Според официјални податоци на Државната изборна комисија (ДИК) од обработени над 99% од гласачките места, таа освои 40,08% од гласовите. ПОВРЗАНИ ВЕСТИ Каков имот пријавила Гордана Силјановска-Давкова, кандидат за претседател на Македонија на ВМРО-ДПМНЕ Која е Гордана Силјановска-Давкова, кандидат на ВМРО-ДПМНЕ за претседател на Македонија Втор е кандидат на СДСМ и актуелен претседател на Македонија, Стево Пендаровски, со 19,93%. ПОВРЗАНИ ВЕСТИ Каков имот пријавил Стево Пендаровски, кандидат за претседател на Македонија на СДСМ Кој е Стево Пендаровски, кандидат на СДСМ за претседател на Македонија Трет е кандидатот на коалицијата „Европски фронт“ и актуелен министер за надворешни работи, Бујар Османи со 13,36%. Четврт е кандидат на Знам – За наша Македонија и актуелен градоначалник на Куманово, Максим Димитриевски со 9,26% од гласовите. Следи кандидатот на „Вреди“ и актуелен градоначалник на Гостивар, Арбен Таравари, па професорката Билјана Ванковска, кандидат на Левица и последен е Стевче Јакимовски, кандидат на Гром и актуелен градоначалник на скопски Карпош. Во вториот круг кој ќе се одржи на 8. мај заедно со парламентарните избори, одат Сиљановска Давкова и Пендаровски. ПОВРЗАНИ ВЕСТИ Максим Димитриевски трет на претседателските избори во македонскиот блок Османи го победи Таравари во првиот круг од претседателските избори Фото: ДИК Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) од преброени 77,32% гласачки места, Гордана Сиљановска Давкова, зад која застана опозициската ВМРО-ДПМНЕ е со двојна предност пред Стево Пендаровски, кандидат на владејачката СДСМ. Таа има 272.729 гласови (39,58%), а Пендаровски 133.184 (19,33%). Другите кандидати за претседател на Македонија ги освоија следниве гласови: Фото: Игор Бансколиев/ДИК Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На заедничка прес-конференција министерот за внатрешни работи Панче Тошковски, дополнитениот заменик министер Митко Бојмацалиев, директорот на Бирото за јавна безбедност, Сашо Тасевски и помошник министерот за односи со јавност, Тони Ангеловски, оценија дека денешниот изборен ден во кој граѓаните гласаа за избор на претседател на државата помина во мирна, безбедна и демократска атмосфера. „Без сомневање, мирните и безбедни избори се резултат на добрата соработка помеѓу полицијата, државната изборна комисија и сите други чинители кои беа вклучени во спроведувањето на овој изборен процес кој помина без пречки и поголеми инциденти. Имајќи ги предвид информациите кои ги добив од надлежните аналитички служби во МВР, во текот на денешниот ден евидентирани се повеќе настани кои се однесуваат на фотографирање на гласачко ливче, пријави за агитирање на гласачко место и други незначителни нерегуларности, но не се евидентирани посериозни инциденти насочени кон нарушување на регуларноста на изборниот процес,“ изјави Тошковски. На ниво на целата држава биле евидентирани се 12 случаи на фотографирање на гласачко ливче, два случаи на кинење на гласачкото ливче, шест пријави за нудење поткуп, 15 пријави за агитирање. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на претседателот на Избирачки одбор. Врз основа на претходно поднесени пријави, од страна на МВР констатирани се шест прекршоци по чл.190 од Изборниот законик, а ќе бидат поднесени и две кривични пријави, една за кривично дело “Повреда на тајноста на гласањето“ по член 163 од КЗ и една за „Повреда на избирачко право“ предвидено и казниво согласно член 159 од КЗ. На подрачје на СВР Охрид пријавено е јавно гласање пред Комисијата и на подрачје на СВР Тетово пријавен е настан за упатени навреди кон шеф на штаб на политичка партија. На подрачје на СВР Куманово гласачките места 1100 во с.Умин Дол и 1075 во СОУ Гимназија „Гоце Делчев“ беа затворени, а избирачкиот материјал е вратен до канцеларијата на Општинската изборна комисија. На подрачје на СВР Струмица, лице при гласање на набљудувач го покажало гласачкото ливче. Фото: МВР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Излезноста на гласачите до 18:30 часот од обработени податоци од 3.174 избирачки места е 48,46 проценти, односно на гласање излегле 801.074 гласачи, соопшти претседателот на Државната изборна комисија (ДИК), Александар Даштевски. Најголема излезност има во Новаци каде на гласање излегле 71,07, а најмала во Центар Жупа 16,90 проценти. Гласањето поминало мирно без поголеми инциденти на гласачките места, а продолжено гласање ќе има во едно место во Демир Хисар, Липково, Могила и во Делчево. Уважени се 134 поплаки од граѓани за избирачко право, на бесплатна телефонска линија на ДИК имало 10 јавувања на граѓани, а како видео повици имало од осум лица со оштетен слух. На три места во Куманово гласањето е прекинато и тие се затворени. Како што објасни претседателот на ДИК доколку резултатите од овие избирачки места имаат влијание на крајниот резултат ќе има прегласување. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) излезноста на претседателските избори до 17 часот е 44,18 отсто. Најголема излезност има во Новаци од 67,19 отсто, а најмала во Пласница од 15,5 отсто. Во споредба со првиот круг на преседателските избори во 2019 година, до 17 часот има поголема излезност од околу 9 отсто. До ДИК досега се доставени 308 приговори за заштита на лично избирачко право, од кои 75 се усвоени и на избирачите им е овозможено да го остварат правото на глас, 25 се отфрлени како неуредни, 38 се одбиени, а останатите се во обработка. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во текот на денешното гласање, покрај настаните кои беа соопштени на прес конференцијата на помошникот министер за односи со јавност Тони Ангеловски, од страна на МВР регистрирани се и следните настани. ПОВРЗАНИ ВЕСТИ Досега изборниот процес се одвива мирно, какви нарушувања регистрираше МВР Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на случајот ќе биде поднесен соодветен поднесок. Во 12.35 часот е пријавено дека на избирачко место бр.0006 во Берово, Д.Т. (42) го фотографирал гласачкото ливче. Д.Т. е приведен во полициска станица и по документирање на случајот ќе биде поднесен соодветен поднесок. Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок. Во 14 часот е пријавено дека на избирачко место во Штип М.Ш. (23) го фотографирал гласачкото ливче. Се преземаат мерки за расчистување на случајот, по што ќе следи соодветен поднесок. Полициски службеници од СВР Штип го приведоа Г.Ј. (34) од с. Тработивиште затоа што го фотографирал гласачкото ливче. По документирање на случајот ќе следи соодветен поднесок. Во 15.30 часот е пријавено дека на избирачко место бр. 1680 во с. Сопот Р.А. од с. Сопот го фотографирал гласачкото ливче. Се преземаат мерки за расчистување на случајот, по што ќе следи соодветен поднесок. Во 15.40 часот е пријавено дека на избирачко место бр. 2880 во Скопје Р.Х. (72) го скинал гласачкото ливче. Р.Х. е приведен и по документирање на случајот ќе следи соодветен поднесок. Во 15.50 часот е пријавено дека во избирачкото место бр.2783 во Скопје Б. С. (48) го скинала гласачкото ливче. Се преземаат мерки за расчистување на случајот, по што ќе следи соодветен поднесок. Фото: МВР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија, до 15 часот, одзивот на гласачите изнесува 35 проценти, односно право на глас оствариле 534.988 граѓани. Најголем одзив е забележан во општините Новаци (57,69%) и Крива Паланка (51,92%), а најмал во општините Маврово-Ростуше (17%) и Центар Жупа (13, 11 %). ПОВРЗАНИ ВЕСТИ Излезноста до 13 часот 26,35% До 11 часот излезноста 12,78% Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Elica медитеранска електрична интерконекција С.М. S.A., членка на Copelouzos Group, која го развива проектот за електрична интерконекција GREGY, ги објави првите два повици за изразување интерес за завршните студии на проектот. Првите два повици беа објавени и во грчкиот и во меѓународниот грчки печат, како и на веб-страницата на компанијата www.elicagroup.gr и се однесуваат на потребните „Desktop Studies“ за финализирање на оптималниот избор на подморската кабелска траса и пунктови за слетување во двете земји, како и „Техничка анализа на проектот и студиите за пресметка на индикатори за придобивки и анализа на трошоци и придобивки за проектот“. Како што е веќе познато, проектот GREGY е вклучен во 1. PCI/PMI листа на Европската Унија и се однесува на електричната интерконекција на електроенергетските системи на Египет и Грција, која вклучува HVDC врска со моќност од 3 000 MW, за пренос на 100% зелена енергија од Египет до Грција и Европа. Објавувањето на повиците ја сочинува следната фаза во развојот на ГРЕГИ со цел да се забрза имплементацијата на овој голем национален и европски проект. Електричната интерконекција меѓу Грција и Египет е енергетски скок напред за електроенергетските интерконекции во Медитеранот и надградба на улогата на Грција во енергетската карта на Југоисточна Европа. Краен рок за поднесување на Изјавување интерес за првите два тендери е 31. мај 2024 година. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На денешните претседателски избори, според податоци на Државната изборна комисија (ДИК), излезноста до 13 часот е 26,35%. Најголема излезност има во Новаци (42,87%), а најмала во Врапчиште (10,18%). Според претседателот на Државната изборна комисија, Александар Даштевски, изборниот ден засега минува мирно и без поголеми проблеми. ПОВРЗАНИ ВЕСТИ До 11 часот излезноста 12,78% Излезност до 9 часот е 3,85% Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, соопшти портпаролот на МВР, Тони Ангеловски на денешната прес конференција. „Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, рече Ангеловски. Околу 09.20 часот на избирачко место во с.Бучим, радовишко, од страна на претседателот на избирачки одбор е пријавено дека Р.О. (52) од с.Бучим му го покажал гласачкото ливче на еден набљудувач и од страна на ОВР Радовиш се преземаат мерки за расчистување на случајот. „Покрај ова, на подрачје на општина Чаир во Скопје на паркирани возила забележани се летоци во врска со изборниот процес, а на две локации во Скопје се забележани испишани графити. На гласачко место во Скопје, покрај испишан графит, околу 06.30 часот е пријавено од страна на претседателот на избирачкиот одбор дека во ходникот била пронајдена испукана димна бомба. Од страна на полициски службеници се преземени потребните мерки и активности и гласањето се одвива непречено“ сооопшти Ангеловски. Од Министерството за внатрешни работи апелираат до граѓаните и до учесниците во изборите и во останатиот дел од гласањето да се воздржат од инциденти, а доколку има било какво нарушување на изборниот процес граѓаните веднаш да ја известат полицијата на броевите 192 и 112 или да пријават во најблиската полициска станица. ПОВРЗАНИ ВЕСТИ Излезноста до 13 часот 26,35% Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На денешните претседателски избори излезноста до 11 часот, според податоците на Државната изборна комисија е 12,78 отсто или досега гласале вкупно 229.473 граѓани. ПОВРЗАНИ ВЕСТИ Излезност до 9 часот е 3,85% Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

СВР Тетово информира дека жител на тетовскиот регион пријавил измама во која дал пари на странска фирма за набавка на роба, па открил дека е измамен по информација од германски служби. Тој нарачувал преку интернет. – На 23.04.2024 година во 11.30 часот во СВР Тетово, Б.Ф. (29) од тетовско, сопственик на правно лице, пријавил дека од 23.03.2024 година до денот на пријавувањето бил измамен од странска фирма за продажба и компанија за транспорт. Според пријавеното, тој преку интернет порачал роба за потребите на неговата фирма, за која преку банкарски трансакции во неколку наврати платил околу 21 илјада евра, но на 17.04.2024 година од компанијата за транспорт го известиле дека нарачката била блокирана во Германија. Како што е пријавено, Б.Ф. стапил во контакт со надлежна служба во Германија, од каде му било кажано дека кај нив нема регистрирано таква стока, по што сфатил дека е измамен, информира СВР Тетово. Тетовската полиција работи на расчистување на случајот. Фото: Unsplash Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Грчки државјанин починал во казинот во Битола, а неговото тело е предадено на обдукција, соопшти Министерството за внатрешни работи (МВР). „Лекар од Итна медицинска помош Битола вчера во 18.30 часот во СВР Битола пријавил дека кај нив, од казино во хотел во Битола, бил донесен Н.K. (62), државјанин на Грција, без знаци на живот. Лекарот констатирал смрт, а по наредба на јавен обвинител телото на починатиот ќе биде дадено да се изврши обдукција. Увид на местото извршила увидната екипа на СВР Битола,“ информира МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Поттикнати од постојаните предизвици при адаптирање на новите интернет трендови со кои се соочуваат едукаторите, СмартАП – Лабораторија за социјални иновации го креираше првиот „Тренинг за сајбер безбедност за едукатори“. Едукацијата за безбедност на интернет претставува континуиран процес на учење и надоградување. Подготвен од одбрана група експерти во областа, новиот „Тренинг за сајбер безбедност на едукатори“ е кериран со цел да се создадат системски решенија и механизми за справување со интернет заканите. Тренингот првенствено е наменет за еудкаторите и стручните соработници, но преку дополнителните ресурси понудени во рамки на модулите на овој курс, знаењата и вештините индиректно се пренесуваат и до учениците, а преку нив и до родителите. Опфаќањето на важниот и често посочуваниот комуникациски триаголник: наставник-ученик-родител го прави курсот релевантен и сестран. Со цел директно запознавање на едукаторите со содржината на курсот, овој четврток, на 25 април, со почеток во 18ч., тимот на СмартАП – Лабораторија за социјални иновации, ќе го одржи првиот ЕДУЛАБ-вебинар Промоција на „Тренинг за сајбер безбедност за едукатори“. Основите на интернет безбедноста, нејзините принципи и видови измами, начини за справување со нив, како и создавањето, управувањето и одржувањето безбеден интернет идентитет и безбедното споделување информации и фотографии на интернет, се соржините што ќе бидат опфатени на овој ЕдуЛаб-вебинар. Учеството на вебинарот е бесплатно, со задолжителна регистрација преку следниот линк. Работниот јазик на овој вебинар е македонски, со симултано толкување на албански јазик. Линк за регистрација преку ZOOM: tinyurl.com. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Државната изборна комисија (ДИК) денеска на првата прес-конференција информираа дека излезноста на претседателските избори до 9 часот е 3,85%. Засега изборите во Македонија течат мирно и без неправилности, информираше претседателот на ДИК, Александар Даштевски. До ДИК досега пристигнале 12 приговори за заштита на гласачко право, кои во моментот се предмет на разгледување на Комисијата, а пријавени се и помали технички проблеми кои се решаваат тековно. Сите гласачки места се отворени навреме. ПОВРЗАНИ ВЕСТИ Правото на глас може да го искористат 1.814.317 граѓани Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На седмите претседателски избори се гласа на 3.480 избирачки места во земјава, на кои до 19 часот правото на глас можат да го искористат 1.814.317 граѓани. Според заклучениот Избирачки список на Државната изборна комисија (ДИК), за гласање во државата се запишани 1.713.758 избирачи, 95.116 избирачи се на привремена работа или престој во странство, а 2.147 се на издржување казна затвор или се во притвор. Во посебниот извод од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се евидентирани 2.569 избирачи, како и 191 член членови и заменик членови на избирачките одбори кои ќе спроведат гласање во дипломатско-конзуларните преставништва. Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика. Вчера, ден пред изборите можеа да гласаат вкупно 6.935 болни и изнемоштени, затвореници во Казнено-поправните домови и лица во притвор, во старски домови и наши државјани во странство. ПОВРЗАНИ ВЕСТИ Излезност до 9 часот е 3,85% Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државниот завод за статистика највисоката просечна нето-плата во февруари е во секторот Компјутерско програмирање, консултантски и сродни дејности – 93.852 денари, следи Воздухопловен транспорт – 68.356 денари, па Телекомуникации – 65.134 денари, Производство на фармацевтски производи и препарати – 61.020 денари и Останати стручни, научни и технички дејности – 56.944 денари. ПОВРЗАНИ ВЕСТИ Колку изнесува највисоката просечна бруто-плата во февруари Просечната нето-плата во февруари 39.276 денари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонија денеска гласа за претседател на државата. Гласањето започна во 7 часот, а ќе трае до 19 часот. Во трка за нов претседател на државата се седум кандидати, а првичните резултати Државната изборна комисија треба да ги соопшти неколку часа по завршувањето на гласањето. Очекувањата се да има и втор круг, кој ќе се одржи на 8. мај, заедно со прарламентарните избори. За претседател на Македонија, во првиот изборен круг е избран оној кандидат кој добил мнозинство гласови од вкупниот број избирачи запишани во Избирачкиот список. Ако во првиот круг ниту еден кандидат за претседател не го добил потребното мнозинство гласови, во вториот круг се гласа за двајца кандидати кои во првиот круг добиле најмногу гласови. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Цементарница Усје АД Скопје ќе дели дивиденда, соопшти Друштвото преку Македонската берза. Станува збор за предлог-одлука, а според истата, вкупниот износ за распределба на дивиденда на акционерите изнесува 1.361.538.355 денари или 2.415 денари за акција. -Добивката остварена за 2023 година да се распредели за дивиденда на акционерите во износ oд 1.098.327.991 денари и реинвестирана добивка во износ од 411.163.964 денари. Реинвестираната добивка од 2017 година која може да се распредели во 2024 година изнесува 263.210.364 денари. Вкупниот износ за распределба на дивиденда на акционерите изнесува 1.361.538.355 денари, стои во предлог-одлуката. Добивката на Друштвото лани изнесува 1.509.491.955 денари. Последен ден на тргување со право на дивиденда за 2023 година е 10.06.2024 година. ПОВРЗАНИ ВЕСТИ Цементарница УСЈЕ лани со раст на добивката Константинос Николау нов в.д. директор на Цементарница УСЈЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

И Македонците во Бугарија, на кои оваа членка на Европската Унија не им дозволува право на здружување се најдоа во извештајот на американскиот Стејт департментот за човековите права. Како што пренесува Гласот на Америка на македонски јазик, во однос на слобода на здружување во Бугарија, извештајот вели дека законот предвидува право на слобода на здружување и оти владата генерално го почитувала, но оти „властите продолжија да негираат регистрација на етничко-македонски активистички групи како што се Обединета македонска организација – Илинден, Друштвото на угнетените Македонци во Бугарија – жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров““. „И покрај бројните претходни одлуки на Европскиот суд за човекови права дека негирањето ја нарушува слободата на здружување на групите“, стои во извештајот. Во него се додава дека во февруари, Окружниот суд во Пловдив ја потврдил одлуката на Агенцијата за регистрација со која се одбива регистрацијата на Обединетата македонска организација Илинден – Пловдив, со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелациониот суд во Пловдив ја потврди одлуката на понискиот суд, нотира извештајот. ПОВРЗАНИ ВЕСТИ Македонците од Бугарија ја тужат Европската комисија за да ја принуди Бугарија да им ги признае правата Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....