Мурал во чест на еден од најпознатите и најдобрите македонски глумци со кого израснаа многу генерации, Ѓорѓи Колозов, осамна во скопско кафуле.„ Ако државата не му изгради споменик, народот му гради паметници… (овде се секако исклучок муралот поддржан од Министерство за култура и гестот на Град Скопје под раководство на Шилегов да крсти улица со неговото име – за ова сме многу благодарни)“, сподели неговата ќерка Катерина Колозова. Текстот Насликан мурал со Ѓорѓи Колозов во скопско кафуле близу Соборна е превземен од МАКФАКС. Извор - Реклама -...

Здружението за промоција на документаристика „МакеДокс“ продолжува со серијата проекции распоредени во четири блокови во рамки на програмскиот сегмент „Зимски МакеДокс“. Вториот блок од серијата проекции ќе се одржи на 21 ноември, со почеток во 20 часот, во КСП „Центар-Јадро“, каде ќе биде прикажан документарниот филм „Насмеаната Грузија“ (Грузија, Германија / 2023 / 62 мин.) на режисерот Лука Бераѕе. Која е цената на полувистините на политичарите? Во 2012 година, грузискиот претседател сакал да ја насмее нацијата. Во трката за нов избор, владејачката партија ветувала субвенционирана грижа за забите за најсиромашните во земјата. Низ цела земја државните лекари почнале да вадат расипани заби, ветувајќи дека ќе ги заменат во надоаѓачките месеци – а потоа претседателот изгубил. Низ интервјуа со оние што најмногу биле погодени од кампањата гледаме приказна за каприците на политичката моќ и пркосот на оние што обично ја имаат најмалку – филм на кој му недостасуваат заби, но кој е далеку од беззаб. Трејлер: https://youtu.be/LGFSv3Xs_AU?si=yWG466cwSU0SEc4_ Влезот на проекцијата е бесплатен за сите заинтересирани посетители. - Реклама -...

Италијански тинејџер кој ги користел своите компјутерски вештини за ширење на католичката вера ќе стане првиот „милениумски светец“ кога ќе биде канонизиран следниот април, објави во средата Reuters. Карло Акутис, кој почина од леукемија во 2006 година на 15-годишна возраст, беше нарекуван „Божјиот инфлуенсер“. Роден е во Лондон, а израснал во Милано, каде што покрај ги одржувал веб-страниците на неговата парохија и образовните установи на Ватикан. Акутис беше прогласен за блажен во 2020 година откако му беше припишано едно чудо: седумгодишно момче од Бразил заздравило од ретко нарушување на панкреасот откако дошол во контакт со кошула на Акутис, а во мај папата му припиша уште едно чудо на момчето кому му се молат многу млади. Со припишувањето на второто чудо тој може да биде канонизиран во свет. Папата Франциск на својата седмична општа аудиенција во Ватикан во средата рече дека Акутис ќе биде прогласен за светец за време на викендот од 25-ти до 27-ми април. Тогаш Ватикан го слави Јубилејот на тинејџерите како дел од католичката Света година во Рим, која започнува кон крајот на декември. Ватикан не го објави точниот датум на церемонијата на канонизација. Во средата, папата, исто така, рече дека во текот на викендот од 28-ми јули до 3-ти август следната година ќе го канонизира Пјеро Џорџо Фрасати, италијанско момче познато по помагањето на нејаките а починал од детска парализа во 1920-тите, Поглаварот на Римокатоличката црква најави дека Ватикан на 3-ти февруари ќе одржи состанок за правата на децата, на кој, како што рече, ќе учествуваат експерти од различни земји. VATICAN CITY—A second miracle has been attributed to the intercession of Bl. Carlo Acutis, paving the way for canonization. This is (future Saint) Carlo Acutis, whose tomb (surrounded by a relief of his life, including his LOVE of animals!) is located in the church of Santa… pic.twitter.com/jSk1LYpdrA — Bree A Dail (@breeadail) May 23, 2024 - Реклама -...

„Советот во рамките на своите надлежности е подготвен низ конструктивна расправа да усвои заклучоци со кои ќе побара од надлежните, пред сѐ од градоначалникот Арсовска и директорите итно да го нормализираат јавниот превоз во Скопје и да го подигнат нивото на хигиена“, објави претседателот на Советот на Град Скопје, Трајко Славески За денеска во 18 часот Советот на Град Скопје ќе одржи итна вонредна седница поради состојбата со јавниот градски превоз, која кулминира откако автобусите на ЈСП од вчера попладне сообраќаат со драстично намален број поради недостиг на гориво. Седницата ја свика претседателот на Советот, Трајко Славески. Седница на Советот на Град Скопје / Фото: Архива „Нефункционирањето на јавните претпријатија во надлежност на Град Скопје, задолжени да обезбедуваат витални услуги за граѓаните, достигна кулминација. Совет на Град Скопје на 21 ноември ќе одржи итна вонредна седница со почеток во 18:00 часот. Советот во рамките на своите надлежности е подготвен низ конструктивна расправа да усвои заклучоци со кои ќе побара од надлежните, пред сѐ од градоначалникот Арсовска и директорите итно да го нормализираат јавниот превоз во Скопје и да го подигнат нивото на хигиена“, сподели претседателот на Советот, Трајко Славески, преку социјалните мрежи. Поради кризата со јавните услуги со кои се соочува главниот град, лидерот на Социјалдемократскиот сојуз, Венко Филипче, вчера попладне објави дека од советниците на СДСМ во Советот на Град Скопје побарал да иницираат итна седница. На седницата на Советот, како што посочи, советничката група на СДСМ ќе предложи конкретни мерки, за кои рече дека очекува да ги поддржат сите советници за да им се излезе во пресрет на граѓаните. За денеска во 10:30 часот е најавена и прес-конференција на советничката група на СДСМ. Откако од вчера попладне сообраќаат само мал дел од автобусите на ЈСП – оние кои возат на гас – голем дел од граѓаните утринава се организираат и групираат за да стигнат до работните места. Од синдикатите на ЈСП „Скопје“, вчера информираа дека во главниот град сообраќаат само 25 автобуси, а останатите се паркирани во автобазите во Автокоманда и во Ѓорче Петров поради недостиг на гориво. Причина за недостатокот на нафта за автобусите е неисплатен долг кон добавувачот „Пуцко петрол“. Одговорноста за кризата Град Скопје ја префрла на владејачката ВМРО-ДПМНЕ, нагласувајќи дека „станува збор за смислено сценарио за пропаѓање на претпријатието“. - Реклама -...

Пробајте брз и лесен рецепт за вкусни шницли СОСТОЈКИ: Пилешко бело месо сув зачин 3 чешниња лук 3 лажици брашно масло Подготовка: - Реклама -...

Утре (петок) во 12:00 во Друштвото на писателите на Македонија ќе се одржи предавање-промоција на делото „Авторските неологизми во поезијата на Весна Мундишевска-Велјановска“ од М-р Елизабета Јончиќ. Кога ќе се спомнат неологизми или кованици, најчесто првото нешто што ни паѓа напамет е нашиот класик Гане Тодоровски и неговите раскошни стихови со примери на зборотворење. Но, делото „Авторските неологизми во поезијата на Весна Мундишевска-Велјановска“ е вистински новитет на ова поле, затоа што претставува првата студија кај нас за неологизмите во творештвото на една поетеса. За тоа на кој начин се конструирани новите зборови во поезијата на Мундишевска-Велјановска и кои се нивните одлики ќе зборува М-р Елизабета Јончиќ, членка на Друштвото на писателите на Македонија. Преку паралели со зборотворењето на Гане Тодоровски, Јончиќ ќе се обиде да одговори и на прашањето како новите зборови во современата македонска литература го отсликуваат духот на нашето време. Друштвото на писателите на Македонија ве поканува на настанот, кој е замислен како промоција-предавање, но и како мало одбележување на јубилејот 90 години од раѓањето на Гане Тодоровски. За книгата на Јончиќ свои излагања ќе имаат и писателката и издавач Гордана Јовиќ-Стојковска и М-р Марија Стојановска, асистентка на Педагошкиот факултет во Битола. - Реклама -...

Православните верници денес го слават празникот во чест на Свети архангел Михаил. Овој празник е утврден во четвртиот век, за да го дефинира правилното почитување на ангелите. Празниот е во чест на сите ангелски чинови. Наречен е Собор на свети архангел Михаил, зашто архангел Михаил е војвода на целата ангелска војска. Учењето за ангелите е инаку собрано во книгата на псевдо-Дионисиј Ареопагит „За небесната хиерархија“. Постојат девет ангелски чинови: шестокрилите Серафими, многуоките Херувими, богоносните Престоли, потоа Господствата, Силите, Властите, Начелата, Архангелите и Ангелите. Извор - Реклама -...

ОВЕНДенеска ќе почувствувате бран на внатрешен мир кој ќе биде синхронизиран со вашата енергија. Обидете се да прифатите сè како што е – вклучувајќи ги вашите чувства и мисли. Препуштете се на активности кои ви носат радост и инспирација. БИКДенеска е добар ден за порелаксирани активности кои не ве оптоваруваат премногу. Избегнувајте премногу да трошите енергија и фокусирајте се на неколку задачи, но довршете ги докрај. Бидете трпеливи – времето да бидете активни ќе дојде во вистински момент. БЛИЗНАЦИМоже да се чувствувате повеќе раздразливо денеска, а самоконтролата може да ви биде предизвик. Посветете време на вашата внатрешна рамнотежа и размислете што ве растревожува. Ако ви треба приватност, не двоумете се да ја побарате. РАКДенеска е одличен ден да се грижите за душата и телото – активностите кои го унапредуваат здравјето ќе ви донесат позитивни резултати. Може да размислите за диета за прочистување или друг начин за детоксикација. Насочете го вниманието на себеси и фокусирајте се на практики за добро самочувство. ЛАВДенеска внимавајте на личните потреби и дозволете си да се опуштите. Ставете се себеси на прво место и заборавете на стресните задачи, фокусирајќи се на сопствената благосостојба. Колку повеќе љубов и грижа вложувате во себеси, толку помалку ќе очекувате од другите. ДЕВИЦАДенеска постои ризик да ги согледате ситуациите низ вашата лична призма и да го гледате само она што ви одговара. Ако некој не ги исполни вашите очекувања, не брзајте да го обвинувате. Прво размислете за последиците пред да реагирате и потсетете се дека нема секој така лесно да заборави или прости. ВАГАДенеска емоциите може да ве спречат да се фокусирате на работата, а физичката енергија може да ви биде слаба. Избегнувајте луѓе и ситуации кои ви носат напнатост и стрес. Наместо тоа, грижете се за себеси и внимателно избирајте ги обврските. ШКОРПИЈАНе плашете се од потенцијални несогласувања или предизвици во врската денеска. Ако се појават потешкотии, ова е знак дека треба потемелно да ги истражите ситуациите. Побарајте ги причините и обидете се да разберете што недостига. СТРЕЛЕЦДенот е погоден да размислите за вашите идни цели и што сакате да постигнете. Оставете го минатото зад себе и не се навраќајте на старите настани. Фокусирајте се на новото и на градење подобра иднина. Денеска можете да го посеете семето на вашите соништа. ЈАРЕЦДенеска може да се појават ситуации кои потсетуваат на стари спомени и чувства. Можеби ќе сфатите дека не е сè целосно заборавено и дека има работи кои сепак влијаат врз вашите сегашни односи. Обидете се да се ослободите од товрот на овие емоции. Простувањето ќе ви помогне да продолжите понатаму. ВОДОЛИЈАДенеска може да ви се откријат нови факти или скриени вистини кои ќе ве натераат да размислите. Наместо претерано да ги анализирате деталите, обидете се да ѝ верувате на вашата интуиција. Дозволете си слобода на чувствата без да барате логични објаснувања за она што се случува. РИБИДенеска фокусот ќе биде ставен на вашите професионални работи, а веројатноста за промени е голема. Времето е вистинско за храбри чекори како преземање на неочекувана улога или инвестирање во нов проект. Внимателно разгледајте ја секоја одлука и не плашете се да направите посериозни промени. - Реклама -...

Руската софтверска компанија Pro32 покани седумгодишен програмер да му се придружи на нејзиниот менаџерски тим штом ќе биде доволно возрасен за да започне со платена работа, пишува британски „Би-Би-Си“.Сергеј од Санкт Петербург го изгради своето име на петгодишна возраст со објавување видеа во кои објаснува како се програмира софтвер. Врз основа на тие снимки, компанијата за информациска безбедност Pro32 му испратила понуда за работа како менаџер за корпоративна обука.Според рускиот закон, Сергеј не можел да се занимава со платена работа до својата 14-та година. Сепак, извршниот директор на Pro32, Игор Мандик, изјави за Би-Би-Си дека во меѓувреме разговарал со родителите на Сергеј за изнаоѓање начини за соработка.Неговиот татко Кирил се изненадил и рекол дека сите во семејството се среќни и дека едвај чекаат Сергеј да влезе во друштвото. Во објавените видеа, Сергеј чекор по чекор поминува низ предизвиците за кодирање на руски, а понекогаш и на малку лош англиски јазик.Неговиот канал на YouTube има повеќе од 3.500 претплатници заинтересирани за учење на програмските јазици Python и Unity или оние кои сакаат да слушнат повеќе за невронските мрежи, кои се основа на многу алатки за вештачка интелигенција.Мандиќ рече дека Сергеј покажал извонредни развојни и уникатни наставни вештини.„За мене тој е еден вид Моцарт. Апсолутно сум сигурен дека додека да наполни 14 години ќе биде гуру за настава и развој. Мора да почекаме седум години, по што ќе почнеме да зборуваме за неговата плата“, изјави Мандиќ за чудото од дете.Текстот Софтверска компанија му понуди работа на седумгодишно момче е превземен од МАКФАКС. Извор - Реклама -...

Проследете ја „Распарана Саботажа“, емитувана на 18 ноември 2024 година (понеделник) на МРТ1 во емисијата „360 степени“ автор: Среќко Поповски монтажа: Коста А. - Реклама -...

Во Културно информативниот центар – Скопје, на 25 ноември, од 19:00 часот во Салон Империјал 2, ќе се одржи промоција на книгата „Поглед отстрана, Рацин (1908 – 1943)“ од Горан Калоѓера . За книгата ќе зборуваат проф. д-р Славчо Ковилоски и Нове Цветаноски, уредник на изданието. Датумот на промоцијата се совпаѓа со денот на излегувањето од печат на првото издание на книгата на Кочо Рацин „Бели мугри“, односно со 85-годишнината од објавата на оваа знаменита книга за современата македонска литература (на 25 ноември 1939 година, во Самобор, Хрватска). Како што пишува авторот во воведот на книгата, Рацин е неговиот научен предизвик за кого, уште како млад научник, се обидел детално да го реконструира престојот во Хрватска и неговите дружења со истакнати антифашисти, писатели, уметници и политички другари. Во воведниот дел проф. д-р Горан Калоѓера пишува за Рацин како интелектуалец, поет, романсиер, публицист, критичар, полемичар, собирач на усно народно творештво, односно за неговата биографија, за неговото место и поврзаност со хрватската култура и со Хрватска воопшто. Главниот дел од книгата е анализа на публицистичкиот опус на Рацин, неговата проза, поезијата (песни на хрватски/српскохрватски јазик), култната книга „Бели мугри“, песните на Рацин надвор од збирки и поетски циклуси, како и збирката народни песни што ја подготвил Рацин пред неговата смрт во 1943 година. На крајот од книгата авторот дава заклучен осврт. Ова е втора книга на Калоѓера за Коста Солев Рацин, првата е напишана на почетокот на неговата научничка дејност.„Ретко кој македонски поет привлекол толку внимание кај теоретичарите, книжевните историчари и филолозите како Рацин. Рацин беше карпа, брана, првоборец во уметничкиот израз на мајчиниот јазик, потпора и надеж за многумина, пример за идеален револуционер и на крајот жртва. Беше човек визија, предвидел многу историски настани, кои за жал се обвистинија. Тој беше најчесното и најчеститото нешто што го имаа Македонците во периодот меѓу двете војни“ – пишува Калоѓера за Рацин. Во предговорот Славчо Ковилоски пишува: „Делото Поглед отстрана. Рацин (1908 – 1943)‘ од Горан Калоѓера е силно, експресивно, набиено со емоции, но и остварување коешто дава одлична слика за времето во кое живеел Рацин, како и за неговата личност. Изнесените анализи и синтези се и тоа како добредојдени за пошироката македонска читателска јавност, а со сигурност ова важи и за хрватските читатели. Всушност, авторот гради уште еден мост на поврзување помеѓу Македонците и Хрватите, во негов препознатлив стил. Тој е директен при соопштувањето на своите согледби и ставови и тоа му дава посебна тежина, убавина и читливост на книгата. На крајот, Калоѓера завршува со констатацијата дека без разлика на временската дистанца и релативно скромниот опус на Рацин, тој и понатаму останува најпознатиот македонски писател во Хрватска. Така ќе завршиме и ние, со констатацијата дека Калоѓера е еден од најпознатите современи македонисти, не само во Хрватска, туку и во европски рамки.“Горан Калоѓера (Дубровник, 1951) е надворешен член на Македонската академија на науките и уметностите, надворешен член на Друштвото на писателите на Македонија и почесен доктор (doctor honoris causa) на Универзитетот „Св. Кирил и Методиј“ во Скопје. На Универзитетот во Риека ги извршувал функциите декан на Педагошкиот и на Филозофскиот факултет и проректор за настава и меѓународна соработка. Во периодот од 1980 до 1990 година бил прв предавач на курсевите по Македонска книжевност и Македонски јазик на Педагошкиот факултет во Риека. Основач е и раководител на Лекторатот по македонски јазик на Филозофскиот факултет на Универзитетот во Риека. По професија е дипломиран кроатист (јужнославист) и компаративист. Докторирал на тема македонско-хрватски и хрватско-македонски книжевни врски и допири на Педагошкиот факултет во Риека. Впечатлива е стручната и академската биографија на професорот Калоѓера, кој првенствено се занимава со книжевното наследство, историјата на книжевноста, риечката литература и секако македонската литература. Тој е меѓу најистакнатите македонисти во Хрватска и на Балканот. Објавил триесет и две книги на книжевно-историски теми, како и стотина научни и стручни трудови од областа на јужнословенската компаратистика. Од неговите македонистички трудови значајни се: „Јужнословенски книжевни проткајувања“ (1991), „Хрватско-македонски книжевни врски“ (1988), „Рацин во Хрватска“ (2000), „Компаративни македонско-хрватски студии“ (2000), „Препознавања“ (2004), „Браќата Миладиновци – легенда и стварност“ (2001), „Компаративни македонско-хрватски студии“ (2000), „Препознавања“ (2007), „Прилози за истражувањето на македонската книжевна историја“ (2009), „Македонскиот 19 век“ (2011), „Македонско-хрватски врски“ (2006), „Македонски теми без дилеми“ (2014), „Македонците во Приморско-горската жупанија“ (2016), „Македонски пријателства“ (2019). За неговиот придонес во афирмацијата на македонската литература, култура и јазик добил повеќе македонски награди, меѓу кои: Орден за заслуги за Македонија, Почесно Рациново признание за 2005 година, Медал Св. Климент, почесен докторат (doctor honoris causa) на Универзитетот Св. Кирил и Методиј. Горан Калоѓера извесен период ја извршуваше функцијата почесен конзул на Република Македонија во Република Хрватска. По пензионирањето, е прогласен за професор емеритус на Универзитетот во Риека.Калоѓера е докажан пријател на Македонија и голем поборник на научната вистина за Македонија, а како научник, славист и македонист ужива висок углед како во Хрватска, така и во Македонија. - Реклама -...

Според лидерот на СДСМ, доколку и овој обид за заедничка акција биде опструиран, партијата ќе го преиспита своето учество во Советот на Град Скопје Лидерот на Социјадемократскиот сојуз на Македонија (СДСМ), Венко Филипче, попладнево на социјалните мрежи соопшти дека побарал од советничката група на партијата да иницира итна седница на Советот на Град Скопје за кризата со јавните услуги со кои се соочува главниот град. Претседателот на Социјалдемократскиот сојуз на Македонија (СДСМ), Венко Филипче / Фото: Архива Неговата објава доаѓа откако денеска беше соопштено дека јавниот градски превоз во главниот град ќе се одвива со драстично редуциран број на автобуси, поради недостиг на гориво. Состојбата во Скопје, вели Филипче, е алармантна, градските улици се гушат во смет, градскиот превоз не функционира, а градот е оставен без основните услуги што ги заслужуваат граѓаните. „Градот реално се наоѓа во криза и побарав од советничката група на СДСМ да иницира итна седница на Советот на Град Скопје. Ги повикувам сите советници, без разлика на партиската припадност, да застанат зад ова барање и да се одржи оваа седница во најкус рок“, вели лидерот на СДСМ во објавата на Фејсбук. На седницата, како што посочува тој, советничката група ќе предложи конкретни мерки, кои верува дека заеднички ќе ги поддржат сите советници за конечно да им се излезе во пресрет на граѓаните. Доколку и овој обид за заедничка акција биде опструиран, Филипче најавува дека СДСМ ќе го преиспита своето учество во Советот на Град Скопје. „Нема да бидеме параван за лошите политики што го уништуваат нашиот град“, вели тој. Објавата на Филипче на социјалната мрежа Фејсбук Инаку, СДСМ и коалицијата во Советот на Град Скопје има 11 советници. „Искрено се надевам дека ќе наидеме на разбирање кај останатите партии и советници. Скопје не заслужува ваква негрижа и хаос. Со оваа иницијатива, СДСМ јасно покажува дека стои на страната на граѓаните, кои секојдневно се соочуваат со последиците од неработењето на градската администрација“, додава лидерот на опозициската партија во објавата. Од синдикатите на Јавното сообраќајно претпријатие „Скопје“, во изјави за МИА соопштија дека од денеска попладне во Скопје сообраќаат само 25 автобуси, а останатите се паркирани во автобазите на Јавното сообраќајно претпријатие „Скопје“ во Автокоманда и во Ѓорче Петров поради недостиг на гориво. Нафтата вообичаено ни ја доставува ‘Пуцко петрол’ во базите на ЈСП ‘Скопје’, но бидејќи должиме поголема сума на пари, деновиве не ни доставуваат нафта“, изјави претседателот на Независниот синдикат на возачите на ЈСП „Скопје“, Африм Муча, кој вели дека состојбата е многу сериозна бидејќи 70 отсто од автобусите се паркирани. Град Скопје преку писмено соопштение одговорноста за кризата ја префрла на владејачката ВМРО-ДПМНЕ, нагласувајќи дека „станува збор за смислено сценарио за пропаѓање на претпријатието“. „Кадарот на шефот на ВМРО-ДПМНЕ во Бирото за јавни набавки, Маре Богева, креира криза во ЈСП за гориво, со тоа што за првпат од постоењето на претпријатието ја поништи редовната јавна набавка за гориво во ЈСП како смислено сценарио“, се вели во соопштението на Град Скопје. - Реклама -...

Мултимедијалниот проект „Дата база“ од уметничката Марија Мицова-Гацова ќе биде претставен вечерва во Меѓународниот резиденцијален центар (Cité internationale des Arts) во Париз. Таа ќе се претстави со инсталација од цртежи, принтови од мемориски предмети, инсталација во техниката papier mâché и видео кое го документира целиот процес на творење. – Преку користење на различни материјали и медиуми го претставувам визуелното истражување на релацијата со предците и раслојувањето на напластената содржина на заробената меморија. Оваа изложба произлегува од моето истражувањето за комплексноста на меморијата, составена од генерациски наследни податоци, стекнати информации и нивната употреба во социјално-културен контекст – вели Мицова-Гацова. Изложбата е завршница на нејзиниот двомесечен резиденцијален престој во Париз. Патувањето беше во рамките на Годишниот конкурс за финансирање проекти од национален интерес во културата за 2024 година од областа на меѓународната дејност на македонското Министерство за култура. - Реклама -...

Холандската тениска репрезентација се пласираше во полуфиналето на завршниот Дејвис куп турнир победувајќи ја шпанската селекција во Малага со 2-1, а решавачкиот бод во игра на двојки го освоија Весли Кулхоф и Ботик ван де Зандшулп, кои со 7-6 (4), 7-6 (3) ги победија Карлос Алкараз и Марсело Гранолерс. Холанѓаните во петок ќе играат во полуфиналето против подобриот од мечот меѓу Германија и Канада кој е закажан за в среда. Поразот на Шпанија значи дека Рафаел Надал стави крај на својата блескава кариера во вторникот, а Ботик ван де Зандшулп ќе биде играч кој го победи во збогувањето (6-4, 6-4) за да им донесе водство на Холанѓаните и да стане единствениот тенисер кој успеал да го порази Надал во сингл меч од Дејвис купот на шпанска почва. Тоа беше втор пораз за Надал во Дејвис купот (29-2), откако првиот го претрпе во 2004 година во своето деби, кога беше поразен во Брно од сега пензионираниот чешки тенисер Јиржи Новак. „На некој начин, можеби е добро што тоа беше мојот последен натпревар. Изгубив во првиот настап во Дејвис купот, а загубив на последниот. Го затворив кругот. Сакав да му помогнам на тимот да победи, но јас не успеав“, рече Надал на прес-конференцијата. Карлос Алкараз не успеа да ја продолжи кариерата на Надал за барем уште еден настап во Дејвис купот. Во сингл мечот ја надополни „брејк“ негативата во првиот сет (2-4) и го совлада Талон Грикспур со 7-6 (0), 6-3, но во двојка со Марсел Гранолерс не можеше да го комплетираа пресвртот за пласман во полуфиналето, бидејќи Ботик ван де Зандшулп и Весли Кулхоф беа нешто подобри во дуел со многу висок квалитет. Шпанците пропуштија сет-поен во првиот дел од мечот на сервис на противникот при водство од 5-4, а во вториот сет пропуштија и брејк предност (4-2). Во двата тај-брејка Холанѓаните сервираат и брилијантно вратија, што беше нивна добитна комбинација. Со тоа Весли Кулхоф ја продолжи кариерата за уште еден натпревар, која ќе трае сѐ додека Холанѓаните ќе останат на турнирот во Малага. - Реклама -...

Податоците за новороденчиња во Гостивар од почетокот на годината до средина на ноември, отвораат простор за надеж дека после долго време, може да се очекува пораст на наталитетот на годишно ниво. Иако поместувањето во позитива не е големо, сепак е значајно, со оглед на тоа што во последните две децении на гостиварското подрачје бројот на новородени бележи драстично опаѓање. „Оваа година до 15 ноември на одделението имаме 388 раѓања и за прв пат сме во позитива, после 15-16 години. Лани, во истиот период сме имале 373 раѓања. На што се должи порастот, не може да прецизираме. Дај боже младите да се освестиле дека треба да раѓаат повеќе деца и да не го одложуваат родителството. Инаку, условите што ги имаме за родилките овде се добри, услугата што ја пружаме квалитетна, веројатно и тоа придонесува“, вели д-р Агим Јакупи, раководител на гинеколошо-акушерското одделение во гостиварската болница. Што се однесува до начинот на породување, продолжува трендот да се преферира царскиот рез, за разлика од минатото кога се изведувал само во специфични ситуации. „Секоја година има раст на порудувања со оперативни зафати, и тоа е тренд не само во Гостивар, туку во регионот и во државата, па може да се каже и во цел свет.“, оценува д-р Јакупи. Останува да се види дали до крајот на годината ќе се задржи текот на зголемување на бројот на новородени и дали за Гостивар 2024-та ќе биде година на пораснат наталитет. Извор - Реклама -...

По повод Меѓународниот ден на сеќавање на трансродовите луѓе, вечерва во Комитет / Komitet ќе се одржи настан „Патот на невидливите херои/ни – Почит и сеќавање.“ Забавата започнува во 21:00 часот, а во 22:00 часот ќе следи дрег шоу со настапи на Divon Jane, Tōkyō, Linda Socialista, Kimmy Lee Miler, Theonlylanavee, Kvarcnaruza и Alex Electra, а музика ќе пушта Ивана Драгшиќ. ТрансФормА – Transforma ве кани заедно да го одбележиме овој ден, да им оддадеме почит на оние кои веќе не се со нас, да го прославиме животот на оние коишто се тука и да ја продолжиме борбата за подобар свет за оние кои ќе дојдат. - Реклама -...

„Сметам дека е најдобро лично да ѝ изразам честитки за престижната функција, која е од големо значење, не само за неа, туку и за државата“, напиша претседателката на државата на Фејбук, информирајќи дека денеска во утринските часови имала телефонски разговор со Шекеринска Претседателката на државата Гордана Сиљановска-Давкова в петок, на средба што ја договориле денеска, лично ќе и го честита на Радмила Шекеринска назначувањето за заменик-генерална секретарка на НАТО. Претседаталката на државата, Гордана Сиљановска-Давкова / Фото: EPA-EFE/GEORGI LICOVSKI Сиљановска-Давкова доцна вечерва преку објава на нејзиниот официјален фејсбук-профил информираше дека денеска во утринските часови остварила телефонски разговор во кој ја поканила Шекеринска на средба за да ѝ го честита изборот на високата функција во НАТО. „На предлог на госпоѓата Шекеринска, средбата ќе се одржи во петок, во 10 часот. Сметам дека е најдобро лично да ѝ изразам честитки за престижната функција, која е од големо значење, не само за неа, туку и за државата“, напиша претседателката на државата во објавата. Објавата на претседателката Гордана Сиљановска-Давкова на Фејсбук Генералниот секретар на НАТО, Марк Руте, вчера соопшти дека одлучил да ја назначи поранешната македонска вицепремиерка и министерка за одбрана Радмила Шекеринска за следна заменик-генерална секретарка во Алијансата. Шекеринска порача оти посветено ќе работи за уште посилна и побезбедна Алијанса и дека е привилегирана да служи како заменик-генерален секретар во Организацијата. За изборот на Шекеринска ѝ честитаа голем број светски лидери, како и сопартијците од нејзината матична партија, СДСМ. Од најголемата опозициска партија денеска реагираа дека ВМРО-ДПМНЕ и претседателката Гордана Сиљановска-Давкова одбрале да го одмолчат назначувањето на Шекеринска во НАТО. Премиерот, Христијан Мицкоски денеска одговарајќи на новинарско прашање, пак, рече дека уште вчера ѝ се јавил на Шекеринска и ѝ честитал за изборот на функцијата во НАТО. „Уште вчера ѝ се јавив по телефон на Шекеринска и разговаравме, нема дилема дека треба да соработуваме и заедно да направиме сè што можеме да ѝ помогнеме на македонската армија, а со тоа и за безбедноста и сето она што им е потребно на македонските граѓани“, рече Мицкоски. Тој нагласи дека лично тој и Владата немале дилема да ја поддржат кандидатурата на Шекеринска, без оглед на политичките и идеолошките разлики. - Реклама -...

Женската ракометна репрезентација на Македоија ги започна подготовките за настапот на Европското сениорско првенство за ракометарки, а на првиот тренинг беа посетени од Министерот за спорт, Борко Ристовски и претседателот на Ракометната федерација, Живко Мукаетов. Нашите девојки ќе настапат на континенталниот собир кој ќе се одржи од 28 ноември до 15 декември и ќе играат во групата А, каде ќе ги одмериме силите против селекциите на Унгарија, Турција и Шведска. Ристовски и Мукаетов им посакаа успешен настап на репрезентативките, со искрена желба за позитивни резултати со кои Македонија ќе може да се гордее. - Реклама -...

,,Раскажи ми приказна” е насловот на конкурсот кој има за цел да охрабри нови креативни творби инспирирани од моќта на пишаниот збор, на следниве теми: ,,Детето во мене”, ,,Ќе ти раскажам приказна”, ,,Со што може да се купи сиот свет?” Инспирирани од моќта на авторите кои извршиле големо влијание во создавањето нови детски светови, од неговата едноставност, безгрижност и љубопитност која Оливера Николова ја истакна создавајќи ја ,,Зоки Поки”, се охрабруваат сите заинтересирани да испратат свои творби на овој повик кој се организира како омаж за нејзиниот живот и дело. Во формат на краток расказ или графички расказ -стрип, заинтересираните може да ги достават материјалите во печатена форма, во коверт, со шифра најдоцна до 12 декември 2024 година во просториите на KАСТА ДИВА. За најдобрите учесници се предвидени вредни награди. Победниците ќе бидат прогласени на 22 декември 2024. - Реклама -...

Покрај воспоставување ред во јавниот градски превоз, дополнително од Универзитетското студентско собрание при УКИМ бараат нови и ефикасни транспортни решенија и, како што велат, конечно отпочнување на предвидените инфрастуктурни проекти најавени од Арсовска за време на предизборната кампања во 2021 година, но и од страна на нејзините претходници Додека скопјани остануваат во неизвесност дали и како ќе функционира градскиот јавен превоз, Универзитетското студентско собрание при Универзитетот „Св. Кирил и Методиј им испрати ултиматум на ЈСП „Скопје“ и на скопската градоначалничка, Данела Арсовска до крајот на утрешниот ден да ги вратат во нормала автобуските линии, инаку во спротивно ќе излезат на протестот најавен за в петок. Известувањето на Универзитетското студентско собрание при УКИМ / Извор: Фејсбук-профил на Универзитетското студентско собрание при УКИМ Ултиматумот на студентите доаѓа откако денеска синдикатите при ЈСП „Скопје“ соопштија дека јавниот градски превоз во главниот град ќе се одвива со драстично редуциран број на автобуси, поради недостиг на гориво. И до доцна вечерва надлежните не излегоа со информација дали и во колкав број утре ќе сообраќаат автобусите на ЈСП и дали се преземаат мерки за надминување на хаосот со градскиот превоз. „Јавното сообраќајно претпријатие „Скопје“ и градоначалникот на Град Скопје, г-ѓа Данела Арсовска до крајот на утрешниот ден 21.11.2024 година да воспостават итна и неодложна редовност на автобуските линии и враќање во нормална функција на јавниот градски превоз во град Скопје со цел зачувување на интегритетот на студентите и студентскиот стандард. Доколку не се добие повратен одговор на ова барање и не се регулира сообраќајниот режим, како легитмно тело кое претставува 28 000 студенти при Универзитетот „Св. Кирил и Методиј“ во Скопје , Универзитетското студентско собрание ќе се приклучи масовно на организираниот протест во петок 22.11.2024 година со цел изразување на огромното незадоволство од менаџирањето на Јавното сообраќајно претпријатие „Скопје“, се вели во ултиматумот од ова студентско тело. Покрај воспоставување ред во јавниот градски превоз, дополнително од Универзитетското студентско собрание при УКИМ бараат нови и ефикасни транспортни решенија и, како што велат, конечно отпочнување на предвидените инфрастуктурни проекти најавени од Арсовска за време на предизборната кампања во 2021 година, но и од страна на нејзините претходници. Реализација на проектот Bus Rapid Transit, воведување градска железница, набавка на нови автобуси и отворање на нови автобуски линии, надградба на велосипедската инфраструктура и промоција и поддршка на алтернативни видови транспрот, се дел од барањата на студентите, „Доколку не можете да ги исполните ветувањата дадени во програмата, но и силните барања на граѓаните на вашиот град, оставката секогаш е отворена опција“, велат од Универзитетското студентско собрание. Од синдикатите на Јавното сообраќајно претпријатие „Скопје“, во изјави за медиумите информираа дека од денеска попладне во Скопје сообраќаат само 25 автобуси, а останатите се паркирани во автобазите на Јавното сообраќајно претпријатие „Скопје“ во Автокоманда и во Ѓорче Петров поради недостиг на гориво. „Нафтата вообичаено ни ја доставува ‘Пуцко петрол’ во базите на ЈСП ‘Скопје’, но бидејќи должиме поголема сума на пари, деновиве не ни доставуваат нафта“, изјави претседателот на Независниот синдикат на возачите на ЈСП „Скопје“, Африм Муча, кој вели дека состојбата е многу сериозна бидејќи 70 отсто од автобусите се паркирани. Град Скопје, пак, се огласи со писмено соопштение во кое одговорноста за кризата ја префрла на владејачката ВМРО-ДПМНЕ, нагласувајќи дека „станува збор за смислено сценарио за пропаѓање на претпријатието“. „Кадарот на шефот на ВМРО-ДПМНЕ во Бирото за јавни набавки, Маре Богева, креира криза во ЈСП за гориво, со тоа што за првпат од постоењето на претпријатието ја поништи редовната јавна набавка за гориво во ЈСП како смислено сценарио“, се вели во соопштението на Град Скопје. Вчера градоначалникот на Општина Шуто Оризари, Курто Дудуш, ги повика жителите в петок (22 ноември) да излезат на протест затоа што немаат редовни автобуски линии. Денеска попладне лидерот на Социјадемократскиот сојуз на Македонија (СДСМ), Венко Филипче, преку социјалните мрежи соопшти дека побарал од советничката група на партијата да иницира итна седница на Советот на Град Скопје за кризата со јавните услуги со кои се соочува главниот град. Во објавата на Фејсбук, тој најави дека доколку и овој обид за заедничка акција биде опструиран, СДСМ ќе го преиспита своето учество во Советот на Град Скопје. - Реклама -...

Шон Диди Комбс моментално го чека судењето за обвиненијата за рекетирање, трговија со луѓе и проституција. Познатиот музички продуцент и рапер, кој во текот на неговата кариера се нарекуваше и П. Диди, Пафи и Паф Деди, беше обвинет во септември 2024 година, откако федералните власти покренаа истрага против него. Прашањето што се поставува е – колку време би можел да помине во затвор?Судењето е закажано за 5 мај 2025 година. Поранешниот њујоршки обвинител и кривичен адвокат Пол Калан изјави за Us Weekly дека најверојатно казната е од „10 до 20 години“ доколку Диди биде осуден.„Со оглед на сериозноста на обвиненијата, долга затворска казна е речиси неизбежна доколку биде осуден“, рече Калан. „Доколку биде осуден, тој може да очекува да го помине поголемиот дел од својот живот зад решетки. Федералните обвинители обично успеваат во повеќе од 90% од случаите што ги покренуваат, или преку признавање на вина или осуда по судење“, објаснува тој.Калан додаде дека обвинителите „претставиле силни докази пред федералните судии дека Комбс може да побегне или да им се заканува на сведоците доколку биде ослободен“.Инаку, Диди по трет пат се обидува да биде ослободен со кауција од 50 милиони долари, откако судиите веќе двапати го одбиле неговото барање.Текстот Колку години затвор му се заканува на Диди доколку биде осуден е превземен од МАКФАКС. Извор - Реклама -...

Пелистер во дебито на Раул Алонсо запиша реми против Фредериција (29-29) во меч од осмото коло во Лигата на шампиони. Македонскиот тим имаше напад за победа, но не го искористи, на крајот треба да биде задоволен и со освоениот бод. Пелистер и покрај ова останува на 6-то место кое носи во следната фаза. Најефикасен во редовите на домашната екипа беше Богдан Радивојевиќ со седум гола, додека Филип Кузмановски пет пати ја затресе мрежата. Во редовите на Фредерција седум постигна Мартинусен, а солиден настап имаше и поранешниот ракометар на битолскиот клуб, Табоада кој постигна пет гола. На табелата по осум кола Пелистер сега е шести со четири бода, Фредериција има три, Висла 2, но полскиот тим е и со натпревар помалку. За шпанскиот стратег денешниот натпревар беше и негово деби во Лигата на шампионите на клупата на „пелистерци“. - Реклама -...

Вчерашното лансирање од Тексас го следеа новоизбраниот американски претседател Доналд Трамп и сопственикот на компанијата SpaceX, милијардерот Илон Маск, чија значајна поддршка републиканскиот кандидат ја имаше во претседателската кампања. Овој комплексен маневар, кој треба да ја направи ракетата повторно употреблива, беше успешен за време на претходниот пробен лет минатиот месец. Не беа исполнети сите критериуми за фаќање на засилувачот и директорот на летот не издал команда да се врати на местото на лансирање, изјави синоќа портпаролот на SpaceX. Ракетниот засилувач Super Heavy падна во Мексиканскиот залив, а ракетата Starship се спушти во Индискиот Океан откако орбитираше околу Земјата. Илон Маск смета дека ракетата Starship ќе превезува луѓе на Месечината и Марс во име на американската аеронаутичка администрација НАСА. За да се намалат трошоците, ракетата е дизајнирана така што може контролирано да слета на Земјата и повторно да се користи. Прочитајте и: Исланд ќе добива електрична енергија од вселената - Реклама -...

Македонската продуцентка и актерка Лабина Митевска е добитник на годинашната Еуримаж награда за меѓународни копродукции од „Еуримаж“ и Европската филмска академија. Лабина Митевска е еден од основачите на семејната продуцентска куќа „Сестри и брат Митевски“ од Скопје. Оваа награда, според жирито, ѝ се доделува на Лабина Митевска како почит кон дарбата на една семејна продукција, страстно посветена на европската кинематографија. „ Се наградува мајсторската изработка на високо квалитетна кинематографија постигната преку бројни извонредни меѓународни копродукции кои се гордост на фондот Еуримаж“, се вели во соопштението. Еуримаж наградата за меѓународни копродукции ја доделува Европската филмска академија во соработка со „Еуримаж“ заедно со фондот за поддршка на културата на Советот на Европа. Наградата, како што се наведува, ја потврдува клучната улога на копродукциите во зајакнувањето на меѓународната размена и претставува награда од национален интерес за македонската кинематографија. „ Да се добие оваа награда е потврда на повеќегодишниот, повеќедеценискиот труд на највисоко професионално ниво. Ова е доказ за изградената врвна репутација на Лабина Митевска како бескомпромисен борец за филмската уметност, за почитта која ја ужива од колегите во Европа, без дамка во својата кариера и пример за професионалност и посветеност. Наградата се доделува од најистакнатите и најзначајните филмски асоцијации во Европа и воедно се награда и за македонската кинематографија“, изјавија од продукцијата Од продукцијата посочуваат дека копродукциите се неминовност за филмската продукција во Европа и Лабина во својата забележителна продуцентска кариера има остварено успешна соработка со доверливи соработници од Словенија, Хрватска, Босна и Херцеговина, Франција, Белгија, Германија, Шведска, Данска, Турција, Романија. Потенцираат дека речиси сите филмски проекти на кои има работено и како мнозински и како малцински копродуцент се избрани во селекциите на трите најголеми филмски фестивали Берлин, Венеција, и Кан и се наградувани и прикажувани ширум светот. „ Светлината на оваа награда нека биде патоказ во овие мачни времиња низ кои проаѓаат филмските професионалци во Македонија и потврда дека со чесност, посветеност, одговорност и многу многу труд сѐ е можно. Оваа награда е уверение дека и припаѓаме на Европа кога работиме европски“, изјави Лабина Митевска Лабина Митевска ќе биде почесен гостин на гала приемот на 37. Европски филмски награди на 7 декември во Луцерн, каде лично ќе ја прими доделената награда. Церемонијата на Европските филмски награди е овозможена од Европската филмска академија и Европски филмски награди Продукција гГмбХ. - Реклама -...

Судот, како што наведуваат оттаму, во оваа фаза оценува дека со донесувањето таков вид данок компаниите биле ставени во нееднаква положба и дека законодавецот направил упад во уставно загарантирано право на сопственост, како и упад во слободата на пазарот и претприемништвото Судијката Добрила Кацарска најавила издвоено мислење на решението за поведување постапка за Законот Уставниот суд на денешната седница донел одлука да поведе постапка за оценување на уставноста на Законот за данок на солидарност, што лани го донесе претходната влада. Од седницата на Уставниот суд на Република Северна Македонија / Фото: Уставен суд на РСМ Според дискусијата и аргументите во оваа насока, судиите изразиле сомнеж дека со донесувањето на Законот е нарушена правната сигурност на компаниите кои оствариле профит над 615 милиони денари во 2022 година, бидејќи им се наложува задолжителен вонреден данок на веќе одданочениот профит од претходната година. „Во расправата уставните судии изразија сомнеж дека станува збор за Закон кој произведува повратно дејство, што е во спротивност со членот 52 од Уставот. Судот го имаше предвид фактот дека ретроактивноста и нејзиниот исклучок е дозволен само кога станува збор за тековни постапки, но во случајот засегнатите субјекти ги завршиле односите со плаќањето на данок во 2022 година“, велат од Уставен. Судот, како што наведуваат оттаму, во оваа фаза од постапката оценил дека со донесувањето таков вид данок компаниите биле ставени во нееднаква положба и дека законодавецот направил упад во уставно загарантирано право на сопственост, како и упад во слободата на пазарот и претприемништвото. „Иако законодавецот во јавноста презентирал дека спорниот Закон се носи за да се усогласи со Регулатива 2022 на ЕУ, Уставниот суд изразува сомнеж дали станува збор за усогласување, бидејќи ЕУ-регулативата се однесува на вонредно оданочување на компании од енергетскиот сектор, кои оствариле значително зголемен приход како резултат на кризата, што не може да се спореди со субјектите кои се опфатени во Законот за данок на солидарност во Република Северна Македонија, бидејќи во законското уредување е предвиден критериум, а тоа е 615 000 000 денари, без оглед на тоа со каква дејност тој профит бил остварен“, се вели во соопштението од Уставен. На решението за поведување постапка за Законот, судијката Добрила Кацарска најавила издвоено мислење. На брифинг со новинарите, по седницата, претседателот на Уставниот суд, Дарко Костадиновски, рече дека сега следува втората фаза на постапката и дека на следната седница треба да го утврдат нацртот на решението донесено денеска, по што ќе се обратат до доносителите на Законот, односно до Собранието, за да даде свое мислење. „Што се однесува до одлуката, се знае кои се можностите и тие се утврдени со нашиот Акт (новиот деловник за работа на Уставен). Судот може да укине, да поништи акт или во специфични ситуации да ја запре постапката. Не би сакал и не можам да прејудицирам ништо, сепак станува збор за одлука која ќе ја носат сите судии“, рече тој. На прашањето која опција е поверојатна, дали укинување или поништување и кои ќе бидат ефектите, Костадиновски кажа дека кога станува збор за укинување, значи дека во иднина не може да се примени, ниту да се донесе идентичен закон, додека поништувањето подразбира да се поништат последиците кои настанале од укинатиот закон, односно поништувачката одлука значи како таков закон да не ни постоел. Претседателот на Уставниот суд на РСМ, Дарко Костадиновски / Фото: „360 степени“ (Архива) На прашањето кога би можело да се очекува одлука, тој, објаснувајќи ги процедурите во постапката, кажа дека тоа би можело да биде на почетокот на следната година. Законот за данок на солидарност претходната Влада на СДСМ и ДУИ го усвои на кон средината на јули лани, а Собранието го донесе на 19 септември истата година по скратена постапка, со европско знаменце. Неговото донесување наиде на жестоки реакциите од бизнис-секторот, а меѓу подносителите на иницијативи со кои тој се оспорува е и Стопанската комора на Северна Македонија. Оттаму тогаш излегоа со став дека Законот е погубен и деструктивен за целиот бизнис и стопанството во државата. Реагираа и на тоа што при неговото носење не биле земени предвид забелешките на тие што треба да го плаќаат данокот. Министерство за финансии, кое беше предлагач на Законот и со кое тогаш раководеше Фатмир Бесими, во своја одбрана посочуваше дека станува збор за еднократно, вонредно и привремено решение кое се носи во услови на криза и кое ќе донесе само позитивни ефекти. Данокот за солидарност се однесуваше на сите компании кои во 2022 година оствариле приход поголем од 10 милиони евра и имаат поголема добивка за 20 отсто од четиригодишниот просек. Разликата во приходите кои го надминуваат просекот беше оданочена со 30 отсто. - Реклама -...

Сатиричната комедија „Бардо Тодор“ во режија на Сашо Кокаланов вечерва на сцената на НУЦК „Кочо Рацин“ КичевоСатирична комедија „Бардо Тодор“, изготвена во продукција на „Нова клапа“, а поддржана од Центарот за истражување и информирање за животната средина „Еко-свест“, ќе се одигра во НУЦК “Кочо Рацин“ Кичево на 13-ти ноември со почеток во 19:30 часот. Влез: слободен. Претставата премиерно се играше во јуни во Битола и во битолските општини кои се непосредно до РЕК-Битола, Могила и Новаци. Автор на едночинката е Сашо Кокаланов, а режисер – Сашо Миленковски. Кокланов за претставата вели дека „Бардо Тодор“ е црна сатира која зборува за страшните последици по животот на луѓето кои живеат како први соседи на една термоцентрала со коп на јаглен, приклештени во противречноста – убиецот да им е и главен работодавец. Идејата беше да се направи драмска нарација во која, паралелно, преку современи ликови и преку нивно карикирање во духот на антологиските ликови од народните преданија, ќе се зборува за апсурдноста на прифаќањето на реалноста да се живее во близина на масовен убиец само затоа што тој убиец обезбедува некаква егзистенција. Притоа, ќе се обидеме да испратиме некои пораки за потребата од праведна транзиција – убиецот да е затвори, но притоа крајот да не се опустоши, наведува авторот за претставата Кокланов. Од Центарот „Еко-свест“ нагласуваат дека ваквиот тип на претстави се наменети да допрат до широката јавноста за потребата да се направат промени во однос на производството на електрична енергија на јаглен, што носи страшни последици врз здравјето на луѓето. Нашата главна цел е да ја заштитиме природата и да е спротивставиме на се она што и штети, вклучително и на штетните влијанија врз здравјето на луѓето. Затоа целосно поддржуваме ваков вид на проекти и секојдневно гласно говориме чекорите кои треба да се преземат со цел да се промени моменталната состојба“, потенцираат од „Еко-свест“ надевајќи се дека пораката што ја испраќа претставата ќе допре до најзагрозените граѓани, оние кои се директно жртви на загадувањето. - Реклама -...

Сепак, додека и Android и ChromeOS постигнаа голем успех во различни сегменти на пазарот, и двете платформи се бореа за доминација во една преклопувачка категорија на уреди: таблети. Така, сега се чини дека Google работи на спојување на двата оперативни системи, односно се обидува да го претвори ChromeOS во Android. Причината за ова е обидот посериозно да се натпреварува со уредите на Apple iPad. Пазарот на таблети од високата класа со години е доминиран од Apple iPad, а што и да се обиде Google да направи таму, не можеше ништо да промени. Изворот на технолошкиот портал Android Authority сепак вели дека Google работи на проект чија цел е „целосно да го претвори ChromeOS во Android“. Иако официјално не ги потврди своите намери, Google уште во јуни објави дека ChromeOS ќе почне да користи делови од Android, додека најновите информации тврдат дека „спојувањето“ на двете платформи ќе оди подалеку од тоа. Односно, наместо да се спојат двата во еден нов оперативен систем, изворите сега наведуваат дека станува збор за целосна миграција на ChromeOS на Android. Прочитајте и: „Гугл“ воведува привремени е-адресиAndroid е оперативен систем за паметни телефони, таблети, паметни часовници, телевизори, автомобили и наскоро XR очила, додека Chrome OS е првенствено дизајниран за лаптопи. И покрај фактот што терминот Chromebook вклучува таблети, ChromeOS не се покажа како погоден за употреба со таблети како Android, што создава сомнежи за целиот овој „проект“. Создавањето нов оперативен систем „2 во 1“ очигледно е повеќегодишен проект, па не треба да очекуваме нешто да излезе од целата оваа приказна во скоро време. Интересно е, сепак, што непосредно пред ова се појави гласина дека Google работи на нов лаптоп Pixel кој би можел да го користи новиот „мешан“ оперативен систем Android/ChromeOS. А една од придобивките од таквото спојување ќе биде тоа што штом ќе се заврши, повеќе апликации ќе бидат достапни за Android. И тоа може да ја прошири целната група на корисници на лаптоп Chromebook. - Реклама -...

Европската фудбалска федерација (УЕФА) или поточно дисциплинската комисија денеска донесе одлука за прекинатиот меч меѓу Романија и Косово во Лигата на нации. Средбата не го дочека својот крај, односно гостите одлучија во судиското продолжение да го напуштат теренот поради однесувањето и скандирањата на домашните навивачи. На крајот Романија службено го доби мечот со 3:0, заработи и парична казна, додека Косово исто така беше санкциониран со 6.000 евра. Меѓутоа во Косово не се докрај задоволни од одлуката, па најавија жалба до судот во Лозана поради тоа што УЕФА одлучи да го регистрира мечот со 3:0. „Не се согласуваме со одлуката да ни се одземат бодови и натпреварот да се регистрира со 3-0 во корист на Романија. Во врска со оваа одлука федерацијата ќе поднесе жалба до Судот за спортска арбитража во Лозана. Ќе продолжиме да ги штитиме правата и интегритетот на нашиот национален тим“, порачаа од федерацијата. - Реклама -...

На почетокот на октомври, STUDIO A24 го објави првиот трејлер за долгоочекуваниот еротски филм Babygirl со Никол Кидман и Харис Дикинсон во главните улоги.Иако филмот пристигнува во кината на 25 декември, тој веќе предизвика многу полемики поради изјавата на актерката дека морале да прекинат со снимањето бидејќи и е преку глава од оргазми.Сега е објавен вториот официјален трејлер кој предизвика различни реакции кај љубителите на филмот. Додека многумина едвај чекаат да го видат, некои го увидоа фактот дека филмот ќе биде прикажан на Божиќ.„Вистински божиќен филм за гледање со семејството. Воопшто нема да биде чудно“, „Веќе можам да видам дека ова ќе биде филм што традиционално го гледаме секоја година за време на празничната сезона“, „Овој Божиќ јас го добивам она што го сакам – Харис Дикинсон во еротски филм“, се пошегуваа луѓето во коментарите на Јутјуб.Многумина рекоа дека едвај чекаат да го видат филмот и дека вториот е подобар од првиот. „Песната, монтажата, тензијата што се чувствува во трејлерот… Едвај чекам“, „Никол ќе биде одлична во оваа улога“, беа коментарите.Потсетуваме дека режисерката Халина Рејн инспирацијата за филмот ја најде во филмот „Основен инстинкт“ и во приказната за жена која не доживеала сексуално задоволство во 25 години брак. Никол беше привлечена од улогата бидејќи претставуваше нов предизвик во нејзината кариера, рече таа.Неодамна, во интервју за „The Sun“, таа призна дека сцените со Харис Дикинсон и Антонио Бандерас, кој го игра нејзиниот сопруг, понекогаш биле премногу напорни. Рекла дека се чувствува фрустрирано и повремено мислела дека повеќе не сака да снима такви сцени. Таа го опиша чувството на исцрпеност што го доживеала за време на снимањето.„Имаше огромна количина на споделување и доверба, а потоа и фрустрација. Ќе помислев: „Не ме допирај“. Во некои моменти за време на снимањето помислив дека не сакам повеќе да доживувам оргазам „Не ми се приближувај. Мразам да го правам ова. Не знам дали сакам некој повторно да ме допре во мојот живот. Доста ми е“, раскажува Кидман.За нејзината изведба во овој филм, таа ја доби наградата за најдобра актерка на филмскиот фестивал во Венеција.Текстот Излезе вториот трејлер на долгоочекуваниот еротски филм со Кидман, луѓето се шегуваат: „Вистински божиќен филм“ е превземен од МАКФАКС. Извор - Реклама -...

Карфиолот, зеленчук кој е полн со есенцијални витамини, минерали и влакна, но нискокалоричен. Ова ни овозможува да уживаме во поголема порција без да се чувствуваме виновни. Покрај тоа, содржината на влакна во карфиолот не одржува сити подолго време, намалувајќи го ризикот од грицкање помеѓу оброците. Настрана од неговите придобивки за губење на тежината, карфиолот е разноврсна состојка која може да се користи во различни јадења. Карфиолот има малку калории Карфиолот е неверојатно нискокалоричен, односно во 100 грама има приближно 25 калории. Ова ни овозможува да консумираме поголеми порции без значително зголемување на дневниот внес на калории. Висока содржина на влакна Една чаша карфиол обезбедува околу 2 грама диетални влакна. Тие го поттикнуваат чувството на ситост со тоа што го забавуваат варењето и го продолжуваат времето на задржување на храната во стомакот. Ова помага да се намали вкупниот внес на калории со потиснување на гладот ​​и спречување на прејадување. Влакната помагаат да се одржуваат редовни движења на дебелото црево и да се спречи запек. Висока содржина на вода Карфиолот се состои од околу 92 проценти вода, што придонесува за хидратација и додава волумен на оброците без да додава дополнителни калории. Високата содржина на вода ни помага да се чувствуваме сити подолг период, намалувајќи ја веројатноста за грицкање помеѓу оброците. Соодветната хидратација е неопходна за одржување на метаболичките процеси кои поддржуваат губење на тежината, вклучително и ефикасно согорување на калории. Богати со хранливи материи и антиоксиданси Карфиолот е преполн со есенцијални витамини и минерали како што се витамин Ц, витамин К, фолна киселина и калиум. Овие хранливи материи го поддржуваат целокупното здравје и метаболичките функции кои се клучни за ефективно губење на тежината. Соединенијата како што се глукозинолати и изотиоцијанати кои се наоѓаат во карфиолот го намалуваат оксидативниот стрес и воспалението, кои се поврзани со дебелината и метаболичките нарушувања. Карфиолот го поддржува согорувањето на мастите Телото користи енергија за варење, апсорбирање и метаболизирање на карфиолот, феномен познат како термички ефект на храната (ТЕФ). Иако TEF сочинува мал процент од вкупната потрошувачка на енергија, вклучувајќи храна богата со влакна и хранливи материи како што е карфиолот може малку да го забрза метаболизмот. Содржината на влакна и протеини во карфиолот помага во стабилизирање на нивото на шеќер во крвта, намалувајќи ги скоковите на инсулинот што може да го поттикне складирањето маснотии. Стабилното ниво на шеќер во крвта ја намалува и желбата за слатка и богата со маснотии храна. Промовира здрав микробиом на цревата Влакната во карфиолот делуваат како пробиотик, хранејќи ги корисните бактерии во нашите црева. Здравиот микробиом на цревата е поврзан со подобрено варење, подобра апсорпција на хранливи материи, па дури и подобрени метаболички стапки, а сето тоа поддржува губење на тежината. Урамнотежениот микробиом на цревата помага да се намали системското воспаление, кое е поврзано со дебелината и метаболичкиот синдром. Карфиолот има низок гликемиски индекс Карфиолот има низок гликемиски индекс, што значи дека предизвикува постепено зголемување на нивото на шеќер во крвта, наместо скок. Ова помага да се управува со апетитот и да се спречи падот на енергијата што може да доведе до прејадување. Јадењето храна со низок гликемиски индекс, како што е карфиолот, може да ја подобри чувствителноста на инсулин, со што ќе му олесни на телото ефикасно да ја користи гликозата и да складира помалку масти. Извор - Реклама -...

Повеќе од половина од Украинците кои учествуваа во анкетата на агенцијата „Галуп“ велат дека сакаат поскоро крај на војната преку преговори, јави ДПА. „Последните анкети на Галуп за Украина, спроведени во август и октомври 2024 година, покажаа дека во просек 52 отсто од Украинците би сакале нивната земја да преговара за крај на војната што е можно поскоро“, објави Галуп. „Речиси четири од секои десет Украинци (38%) веруваат дека нивната земја треба да продолжи да се бори до победа“. За споредба, во 2022 година процентот на испитаници кои сакаа нивната земја да продолжи со борбите изнесуваше 73%, додека само 22% се залагаа за преговори. Во 2023 година, 63% беа за продолжување на војната, а 27% за брзо завршување. Според анкетата довербата на Украинците во Западот генерално опадна. Околу 40% од испитаниците се уште ја одобруваат водечката улога на САД, додека 37% изразуваат скептицизам. Прочитајте и: Тимот на Трамп со остри критики за одлуката на Бајден: „Ова е како нова војна, сите претходни калкулации сега се ништовни“Набргу по почетокот на војната, одобрението за Вашингтон изнесуваше 66 отсто, а скептиците 16 отсто. Мнозинството од населението се уште има позитивно мислење за улогата на Германците, а 50% ги поддржуваат акциите на Берлин. Во 2022 и 2023 година ова учество изнесуваше 46% и 53%, соодветно. Анкетираните кои не ја одобруваат позицијата на Германија се 29%, додека во 2022 и 2023 година биле 35% и 20%. Повеќето испитаници се уште се надеваат дека Украина ќе влезе во ЕУ и НАТО, но анкетата покажува пад на оптимизмот. Уделот на Украинците кои очекуваат нивната земја да стане полноправна членка на ЕУ во следните 10 години е намален од 73% на 61%. Оние кои се надеваа на членство во НАТО паднаа од 64% на 51%. - Реклама -...

Велика Британија одби да ги коментира извештаите дека Украина користела крстосувачки ракети „Сторм шедоу“ против цели на руска територија. Портпаролот на британскиот премиер Кир Стармер рече дека неговата канцеларија нема да коментира извештаи или оперативни информации. Засега Украина исто така не ги коментираше медиумските извештаи. Претходно „Блумберг“ објави дека Украина за прв пат истрелала британски крстосувачки ракети „Сторм шедоу“ на руска територија, повикувајќи се на анонимен западен функционер. Британското издание „Телеграф“ објави дека жителите на селото Марино во руската област Курск пронашле фрагменти од проектил „Сторм Шедоу“. Велика Британија претходно соопшти дека Украина може да користи крстаречки ракети на украинска територија. Владата во Киев веќе неколку месеци се обидува да добие дозвола од САД да изврши удари врз воени цели на територијата на Русија. Прочитајте и: Шикорски за ракетите со долг дострел против Русија: Тоа е јазик што Путин го разбира- Реклама -...

По одлуката на Вашингтон да му дозволи на Киев да користи западно оружје со долг дострел за напади врз цели на територијата на Русија и обновената руска нуклеарна доктрина, опасноста од ескалација е максимално зголемена, изјави унгарскиот премиер Виктор Орбан. Во следните недели и месеци, додаде тој, Будимпешта ќе мора да вложи максимално дипломатско искуство и ресурси за да не биде вовлечена во конфликтот во Украина. Орбан претпладне одржа седница на Советот за одбрана. „Со победата на претседателот Трамп на претседателските избори во САД, мирот или барем прекинот на огнот се чинеше опиплив, но провоената влада сè уште е на власт во Америка веќе два месеци. Практично, тоа значи дека Украинците вчера истрелаа ракети со долг дострел на руска територија, а Русите одговорија со усвојување на обновена нуклеарна доктрина. Го слушнав извештајот на Советот за одбрана. „Опасноста од ескалација на војната никогаш не била толку голема“, рече Орбан. Прочитајте и: Борел: Се надевам дека ЕУ членките ќе и дозволат на Украина да користи ракети со долг дострел- Реклама -...

На расправата за убиството на Вања Ѓорчевска и Панче Жежовски во Основен кривичен суд Скопје денеска сведочеше Стефан Димковски, лицето кое го превезе обвинетиот Љупчо Палевски од Белград до Турција. На денешното рочиште беше соопштено дека е доставена изјава од обвинетиот Влатко Кешишов со која го менува својот првичен исказ. Неговиот адвокат, Игор Ефремов, по судењето изјави дека и тој за првпат денеска се запознава со изјавата и дека допрва ќе треба да се види за што станува збор. Сведок Стефан Димковски на почетокот од сведочењето рече дека учествувал во основање на политичката партија „Десна“, а со Палевски се познава од 2017-2018 година преку политички активности. -До 2021 година одев почесто во партијата, од 2021 година имав приватни проблеми и ретко одев, рече сведокот. Прашан дали Палчо му се јавил на 1 декември 2023 година, одговори да. -На Телеграм ми се јави. Јас бев во Струмица, само што ги однесов децата во градинка, отидов на сервис да менувам зимски гуми и добив повик од Љупчо Палевски во 15 за 9. „Што правиш, можеш ли да дојдеш да ме земеш од Белград, дојдов на прегледи и нешто да завршам за партијата“? Реков дека ќе дојдам, да завршам само со сервисот, образложи сведокот. Продолжи, „ми рече да го земам од Белград и да го вратам во Македонија. Во Белград стигнав во 15:30 попладнето на први. Ми пушти адреса каде да го најдам. Го земав во центарот на Белград“. Прашан каде и кога тргнале, одговори дека тргнале да се враќаат кон Скопје. -Тргнавме веднаш да се враќаме назад за Скопје, имаше гужва, ми требаше многу време да излеземе од Белград, некаде Велика Плана застанавме на ручек. Ми кажа дека оди во Белград да договори нешто за годишнина од партијата и прегледи да прави. Разговаравме за децата, проблеми со кичмата. Потоа зборевме за активностите во партијата, дека требало да се активира, рече тој. Од Велика Плана, на враќање, тргнавме по патот за Скопје, пред Ниш ми кажа дека треба да застанеме во Ниш. Разговараше со Васко, адвокатот и затвори, тогаш разбрав дека е со Васко. Не знам зошто разговарал со него, само ме информираше дека разговарал со Васко. Потоа рече изгледа ќе треба да преспиеме тука, некој човек што требало да се види му закажал во за 8:30 часот утредента, рече сведокот. Потоа посочи дека останале во хотел во Ниш и кога седеле на тераса, како што рече му соопштил дека му е резервирано во понеделник во Турција да го примат за операција за кичмата. -И ми вика изгледа ќе треба да ме враќаш назад за Белград, затоа што од таму имало лет во сабота, вика после состанокот, да ме вратиш назад. По 15 минути ми вика, а што да дремеме овдека, зошто од тука, ако не си изморен, или ќе се менуваме, за 5-6 саати џитни ме во Турција. Ајде вика, жити Бога немој по аеродроми да одам со торби, Истанбул е голем град, ќе ме однесеш до еден Турчин, знае македонски, ќе ме оправа по клиники, рече сведокот, дополнувајќи дека поефтина варијанта му било да го однесе до Турција. Прашан дали на граничните премини спрема Бугарија и Турција имале проблем, одговори не.Кога стигнале во Турција, според сведочењето, се сместиле кај турчин со име Усеин, кој го нашол Палевски. -Вртеше по пријатели да најде бесплатно сместување по хотели, не му успеваше, како што го разбрав отпосле преку лицето Велибор се сместивме во една куќа, плати, рече сведокот. Прашан дали додека се возеле до Турција, забележале нешто невообичаено кај обвинетиот Палевски, во смисла на неговото однесување, сведокот одговори не. -На повеќе наврати ми го побара телефонот, се јави, еднаш немаше батерија, потоа во Пловдив се загубивме, испаднавме на лош пат, застанавме и кога добив интернет побара да се јави на Влатко Кешишов. Отидов до тоалет, не знаев што разговарале, рече тој. Прашан зошто Палевски одлучил да се смести во куќа, а не во хотел, одговори дека му испаѓало дека треба да плати 800 евра. -Поефтино му беше да земе стара куќа под наем за 150 евра. Куќата беше изнајмена за три месеци. Операцијата му беше закажана во Истанбул за понеделник, затоа сакаше поефтин смештај, беше кус со пари, рече сведокот. Во продолжението од сведочењето рече дека на 3.12.2023 после доручекот си заминал. -На доручекот ме информираше, го видов блед, абе, вели, „го знаеш ли девојчето што е исчезнато, тоа у Скопје што одело на училиште. Епа ми го лепат мене“. Вели, „вчера влегле у штаб, имало претрес, пет души биле уапсени, што имам јас со тоа девојче“, раскажа сведокот. Дополни дека на негово прашање каква врска има партијата со девојчето, одговори дека комбето го нашле во партијата. Сведокот посочи дека биле сместени во Баликесир, и откако си заминал Љупчо останал во градот. -Откако го оставив се шетав, сѐ по пат како што одеше се шетав и вечерта кога се стемни се сместив во еден хотел. Кога се вратив вечерта во хотелот, мои пријатели почнаа да ми праќаат линкови, „што е ова, да не го местат“. Кога го видов министерот Оливер Спасовски што кажува, се онесвестив во хотелот. Се слушнав со Палевски го прашав што е ова што те потенцираат тебе. Тогаш ми кажа ова е тешка местенка и од тогаш се изгуби комуникацијата, рече сведокот. Прашан дали додека бил заедно со Љупчо, тој споменал дека сака да патува во Минск, одговори дека Палевски кажал дека можеби ќе треба да размислува за политички азил. -Не знам што ми смислил Оливер Спасовски, можеби опција е да барам политички азил, цитираше сведокот. Прашан дали во разговорот на појадок Палевски му кажал дека го бара полиција, одговори негативно. -Немам таква информација, мислам дека не ми кажа такво нешто, рече сведокот. На прашања од Обвинетиот Љупчо Палевски, сведокот одговори дека Палчо нормално се пријавил во куќата во Турција, со својот пасош и дека не го приморувал да одат по споредни патишта. Прашан дали верува дека однесувањето на Палевски прејудицира дека е виновен, тој одговори „Јас ако некој ми лепи таква работа и јас би бил блед“. Претходно денеска сведочеа познаници на Палчо, сведоците Ерол Османи и Ламбе Бучков. Воедно, на денешното рочиште судот информираше дека е доставена изјава од обвинетиот Влатко Кешишов со која го менува својот првичен исказ. Неговиот адвокат, Игор Ефремов, по судењето изјави дека и тој за прв пат денеска се запознава со изјавата и допрва ќе треба да се види за што станува збор. На следното рочиште закажано за 25 ноември 2024 се предвидени сведоците Игор Јанушев, Зоран Абаз и Љупчо Мицевски. Досега, на изминатите рочишта сведочеа мајката на Вања, ќерката на Жежовски и нејзиниот сопруг, како и повеќе лица вклучени во истрагата за двете убиства, меѓу кои инспектори и членови на политичката партија „Десна“. На последното рочиште беше сослушано семејството на таткото на Вања. На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни. Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година. Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено. Судењето го води судијата Ивица Стефановски, а застапник на обвинението е обвинителката Жаклина Крстевска. Судењето продолжува на 25 ноември 2024 година. - Реклама -...

Највисока казна од пет години и шест месеци денеска му беше изречена на првообвинетиот во случајот, додека еден од обвинетите доби условна казна од две години затвор која нема да се изврши ако во наредните пет години не стори друго кривично дело Вкупно 33 години затвори добија тринаесеттемина велешани кои беа обвинети дека сексуално злоупотребувале малолетничка. Основниот кривичен суд Скопје денеска ја објави пресудата со која ги потврди кривичните дела за која се товареа – трговија со малолетно дете, силување и прикажување порнографски материјал на малолетник. Зградата на Основниот кривичен суд Скопје / Фото: Архива Највисока казна од пет години и шест месеци му беше изречена на првообвинетиот во случајот, двајца добија по четири и пол години затвор, а двајца ќе треба да одлежат затворски казни од четири години. На петмина од обвинетите судот им одреди казна затвор од една и пол година, додека последниот обвинет доби условна казна од две години затвор која нема да се изврши ако во наредните пет години не стори друго кривично дело. Инаку, уште на самиот почеток на судскиот процес, пред нешто повеќе од една година, еден обвинет призна вина. Осудените, судот, исто така, ги задолжи и да ги надоместат судските трошоци, а на првите петмина сега веќе првостепено осудени им определи мерка куќен притвор до правосилноста на постапката. Пред почетокот на објавувањето на пресудата, обвинетите се негодуваа поради тоа што ќе бидат снимани од медиумите и побараа да излезат надвор. На нивната реакција, судечкиот совет се повика на решенија добиени од Врховниот суд со кои се дозволува снимањето и оти немаат намера да ги попречуваат снимателите. Судскиот процес кој започна на 19 септември лани се одвиваше зад затворени врати, односно беше затворен за јавноста на предлог на јавниот обвинител, бидејќи жртвата во случајот е малолетно лице. Освен изрекувањето на пресудата, нејзиното образложение и денеска беше затворено за јавност. Адвокатите на обвинетите рекоа дека не се задовилни од пресудата и најавија жалби пред повисоката судска инстанца. „Ќе ја обжалиме пресудата, одлуката за неа е донесена без докази и се е базирано само на исказите на жртвата“, изјави адвокатот . Валентин Зафиров Случајот беше откриен во јавноста во јануари минатата година кога од Јавното обвинителство на Република Северна Македонија соопштија дека Основното јавно обвинителство за гонење на организиран криминал и корупција отворило истрага против четворица велешани и еден тетовец бидејќи сексуално злоупотребувале малолетничка и изготвувале порнографски материјал. За првообвинетиот, дваесет и петгодишен велешанец, тогаш беше соопштено дека преку апликацијата „Инстаграм“ започнал комуникација со девојчето кое се уште немало наполнето 14 години, ветувајќи и дека ќе започнат љубовна врска. Но, уште на првата средба ја снимал со телефон и почнал со закани. „На првата средба бил направен порнографски материјал, кој првоосомничениот го користел како закана за да го присили девојчето да доаѓа и на други средби, заканувајќи се дека доколку не дојде материјалите со интимна содржина ќе ги објави и ќе ги сподели на социјалните мрежи, со што ќе и наштети на нејзината чест и углед“, беше наведено во соопштението од Обвинителството. Зградата на Јавното обвинителство на Република Северна Македонија / Фото: „360 степени“ (Архива) Првоосомничениот потоа ја принудувал малолетната жртва во повеќе наврати да оди во станови што биле наменски изнајмувани на повеќе локации во Велес. Сето тоа, како што соопштија тогаш од Обвинителството се случувало од крајот на декември 2021 и во текот на 2022 година. „На средбите присуствувале осомничени и други непознати машки лица, кои прво консумирале наркотична дрога и алкохолни пијалаци, па во таква состојба вршеле полови дејствија врз детето жртва и користеле сексуални услуги, иако знаеле и биле должни да знаат дека малолетното дете е жртва на трговија со луѓе“, соопштија од Обвинителството. Случајот првично беше отворен против пет лица, но по неколку месеци, односно во март лани, тој беше проширен на уште десет лица. Обвинение беше поднесено против 15 лица, но двајца тетовци се спогодија со обвинителството и добија условни казни. На стартот на судењето пак еден од обвинетите ја призна вината и доби три годишна затворска казна. - Реклама -...

Претседателот на Владата Христијан Мицкоски не очекува никакви тензии по пораките и изјавите на лидерот на ДУИ Али Ахмети. Тој на новинарското прашање за дали очекува тензии, кусо одговори „не, не очекувам“. Прашан за коментар за изјавата на лидерот на ДУИ, Ахмети за Законот за јазици, а кој бара да интервенира и Влада од соседството, премиерот Мицкоски ја оквалификуваше како „шокантна“. -Да интервенира кај уставните судии кој тој ги избрал, да бидам попрецизен, да интервенира Владата на Косово на уставните судии коишто тој заедно со СДСМ ги избрале. Шокантно, вели Мицкоски. Прочитајте и: Мицкоски од Приштина: Економската соработка со Косово ќе биде над половина милијарда евра- Реклама -...

Основниот кривичен суд Скопје попладнево ја објави пресудата за предметот против 13 лица обвинети за кривични дела Трговија со малолетно дете, Силување и Прикажување порнографски материјали на малолетник. Се работи за случајот со велешката група за сексуална злоупотреба и изготвување порнографски материјал​ со дете-жртва. Судот соопшти дека сите 13 обвинети се виновни за кривичните дела кои им се ставаат на товар и на сите им се изречени затворски казни, „имајќи ги предвид сите олеснителни и отежителни околности“. -С.Д. на казна затвор од 5 години и 6 месеци, Д.С., и Д.Н. на казна затвор од 4 години и 6 месеци, Т.И., С.Н. на казна затвор од 4 години, А.Ф., Б.Ф., А.З., Т.Л., Р.В., на казна затвор од 1 години 6 месеци, К.Т., на казна затвор од 1 година и 3 месеци, а обвинетиот Б.К. му изрече условна осуда од две години затвор која нема да се реализира доколку следните пет години не стори ново кривично дела како мерка заштитен надзор, соопшти Основниот кривичен суд Скопје. На првите пет осудени лица Судот им определи мерка куќен притвор до правосилноста на постапката. Осудените се задолжуваат и да ги надоместат судските трошоци за постапката како и трошоците за застапување на обвинетата. -Како што беше кажано и за време на изреката на пресудата: Станува збор за кривично-правена постапка кој во текот на главната расправа, по предлог на Јавниот обвинител, но и заради одредбите од ЗКП, со оглед дека оштетената во периодот на сторување на кривичното дело била малолетна, беше затворена за јавноста. Но, согласно добиените решенија од Врховниот суд на РСМ, со кои на претставници на медиумите им беше дозволено снимање и фотографирање на расправа, како и заложбите на Кривичниот суд за поголема отвореност и транспарентност на постапките, а притоа имајќи го предвид и јавниот интерес за конкретниот предмет, денешната објава на пресудата беше отворена за јавноста во делот на изреката и беше дозволено снимање и покрај своеволната одлука на дел од обвинетите да ја напуштат судницата за време на снимањето. Додека пак при објава на диспозитивот на пресудата, јавноста беше исклучена, пред се, заради заштита на податоците за жртвата, а имајќи ја предвид и судската праска на Европскиот суд за човекови права, појаснува Основниот кривичен суд по објавувањето на пресудата. Обвинителството за гонење организиран криминал и корупција во јануари годинава го објави случајот, во кој првоосомничениот, 25-годишен велешанец, од крајот на декември 2021 година и во текот на 2022 година, со употреба на закани над детето-жртва, им овозможил на останатите осомничени и на други непознати лица да вршат полови дејствија со жртвата. Овие дејствија вклучувале сексуални активности, сексуална експлоатација и порнографија. Според обвинителството, првоосомничениот преку апликацијата Инстаграм остварил комуникација со тогаш четиринаесетгодишното девојче и ја довел во заблуда дека ќе започнат љубовна врска. На првата средба бил направен порнографски материјал, кој потоа го користел како закана за да ја присили жртвата да доаѓа на други средби. Забавите се случувале во станови на повеќе локации во Велес, каде присуствувале повеќемина кои прво консумирале дрога и алкохол, а потоа вршеле полови дејствија врз детето. Обвинение беше поднесено против 15 лица, од кои двајца се спогодија со Обвинителството и добија условни казни. Од останатите 13 обвинети, 12 се во притвор, а еден е во куќен притвор. - Реклама -...

Со службен резултат 3:0 за домашната репрезентација. Европската фудбалска унија (УЕФА) денеска го регистрираше натпреварот од Лигата на нации меѓу Романија и Косово, кој не се доигра на 15 ноември откако косовските фудбалери го напуштија теренот во Букурешт поради скандирање од трибините. Косовските фудбалери се повлекоа во соблекувалната во петтата минута од судиското надополнување при резултат 0:0, додека домашните навивачи скандираа „Косово е Србија“ и „Србија, Србија“. Како што попладнево објави УЕФА, Дисциплинската комисија на раководното тело на европскиот фудбал одлучи да го регистрира натпреварот со резултат 3:0 за Романија, бидејќи играчите на косовската репрезентација го напуштиле теренот и се одговорни за тоа што натпреварот не се играше до крај. Фудбалскиот сојуз на Косово е казнет со 6.000 евра поради недолично однесување на тимот. Воедно, Фудбалскиот сојуз на Романија е казнет со 50.000 евра, како и еден натпревар без присуство на домашна публика поради расистичко или дискриминаторско однесување на навивачите, истакнување провокативни политички пароли, фрлање предмети на теренот и палење факели. Романската страна е казнета и затоа што навивачите користеле ласер, ги блокирале приодите и се однесувале недолично при интонирањето на националните химни. - Реклама -...

Австралиската министерка за комуникации Мишел Роланд изјави денеска дека владата нема да ги принудува корисниците на социјалните мрежи да ги даваат своите лични податоци на технолошките компании бидејќи планира на децата под 16 години да им забрани пристап на сите социјални мрежи. Роуланд планира утре да го образложи предлог-законот во Парламентот, прв закон во светот, кој ќе ги принуди Икс, TикТок, Фејсбук и Инстаграм да го ограничат пристапот до тие платформи за деца под 16-годишна возраст. Откако законот ќе стапи на сила, платформите ќе имаат една година да одлучат како да ја спроведат забраната или ќе се соочат со казни до 50 милиони австралиски долари (31 милион евра). Сè уште не е познато како платформите ќе можат точно да ја одредат возраста на секој сопственик на сметка и да ја спроведат забраната. Роуланд денеска во Парламентот изјави дека законот ќе содржи „силни одредби“ за заштита на приватноста на корисниците на социјалните мрежи. - Реклама -...

Сликата во масло на белгискиот уметник Рене Франсоа Гисле Магрит е продадена во вторникот во Њујорк за 121 милион долари, со што е поставена нова рекордна цена за надреалистичко дело, објави аукциската куќа Christie’s. Делото на Магрит под наслов „L’empire des lumières“, насликано во 1954 година, продадено за рекордна сума по само десет минутното наддавање. Сликата, која на аукцијата беше дел од колекцијата на Мика Ертегун (родена Јоана Марија Бану – славна романско-американска дизајнерка на ентериери), е една од 27-те дела – 17 масла и 10 гвашева – насликани од уметникот под истиот наслов. Пред продажбата, аукциската куќа ја означи големата слика во масло, висока 146 сантиметри и широка 114 сантиметри, како „крунски скапоцен камен на панорамската колекција на Ертегун“. Сликата покажува улица во предградие, со куќа осветлена само со една улична светилка чија светлина се рефлектира во водата. Над профилот на куќата се наоѓаат дрвјата што ја опкружуваат, а на горниот дел од платното е насликано светло сино небо испреплетено со бели облаци. Надреалистичкиот уметник, кој живеел од 1898 до 1967 година, го насликал ова масло под необични околности. Тој им го ветил делото на тројца различни купувачи откако го изложил со голема помпа на Биеналето во Венеција во 1954 година. Според Christie’s, сликата на крајот ја купила четвртиот купувач – Пеги Гугенхајм – а Магрит насликал уште три верзии „за да ги смири разочараните“. Едно од тие три нови дела беше продадено во вторникот. - Реклама -...

Појадокот е доста важен за намалување на крвниот притисок – Локално - Реклама -...

Шпанскиот тенисер Карлос Алкараз се осврна на крајот на кариерата на сонародникот Рафаел Надал. – Она што ќе го паметам за Надал е страста со која го живееше тенисот. Својот последен турнир го одигра со неверојатна страст. Имав среќа што играв со него, тренирав со него… помалку отколку што би сакал. Ако мојата кариера е дури половина добра од онаа на Рафа, ќе бидам повеќе од среќен. Мојот сон отсекогаш бил да станам број еден во светот и да освојам Грен слемови. Голем дел од овој сон постоеше благодарение на Рафа Надал. Се сеќавам како победуваше кога бев мал. Тогаш помислив дека еден ден ќе бидам јас таму, изјави Алкараз за „The Tennis Letter“. Шпанската репрезентација синоќа загуби од Холандија (1:2) во четвртфиналето на Дејвис купот. Ова беше последен турнир во кариерата на 38-годишниот Надал. Претходна статијаБарање за азил во земјите од ЕУ во август поднеле 69.270 лица – 24,8 отсто помалку од лани Следната статијаШтрајкуваат над 50.000 поштари во Канада поради ниски плати - Реклама -...

Претседателот на Независниот синдикат на возачите на ЈСП „Скопје“, Африм Муча, во изјава за МИА, вели дека е можно утре воопшто да не сообраќаат автобусите доколку во текот на денешниот ден не им се достави гориво Од Град Скопје преку писмено соопштија прстот за настаната криза со доставувањето на нафта го вперија во владејачката ВМРО-ДПМНЕ, обвинувајќи дека станува збор за креирана криза Попладнево во Скопје сообраќаат само 25 автобуси, а останатите се паркирани во автобазите на Јавното сообраќајно претпријатие „Скопје“ во Автокоманда и Ѓорче Петров поради недостиг на гориво, велат од синдикатите при јавното претпријатие. Автобуси на Јавното сообраќајно претпријатие „Скопје“ (Илустративна фотографија) / Фото: Архива Оттаму велат дека ситуацијата со јавниот градски превоз е алармантна, а Град Скопје преку писмено соопштение одговорноста за кризата ја префрла на владејачката ВМРО-ДПМНЕ, нагласувајќи дека „станува збор за смислено сценарио за пропаѓање на претпријатието“. Претседателот на Независниот синдикат на возачите на ЈСП „Скопје“, Африм Муча во изјава за МИА вели дека ссотојбата е многу сериозна, бидејќи, како што рече, 70 проценти од автобусите се паркинари. Одговорот за ваквата ситуација, вели тој, е едноставен – нема нафта. „Утрово возачите беа повикани да дојдат на работа, но тие се во базите во Автокоманда и во Ѓорче Петров заедно со автобусите бидејќи нема нафта и ТНГ. Во моментов мислам дека околу 70 проценти од автобусите на ЈСП се паркирани во базите. Низ градот сообраќаат мал број двосменски автобуси кои имаат наточено нафта пред два дена, како и возилата со ТНГ. За нормално функционирање на ЈСП на дневна основа се потребни 25 тони нафта, што не ја добиваме. Нафтата вообичаено ни ја доставува „Пуцко Петрол“ во базите на ЈСП ‘Скопје’, но бидејќи должиме поголема сума на пари, деновиве не ни доставуваат нафта“, вели Муча. Тој најавува дека е можно утре воопшто да не сообраќаат автобусите доколку во текот на денешниот ден не им се достави гориво. Дека нема дистрибуција на нафта од „Пуцко Петрол“ за градските автобуси поради голем долг потврди и Миќо Стојановски од Синдикатот на ЈСП при Сојузот на синдикатите на Македонија (ССМ). Причината за тоа, вели тој во изјава за МИА, е е меѓусебниот однос меѓу градоначалничката на Скопје, Данела Арсовска, претседателот на Советот на Град Скопје,Трајко Славески и Советот на Град Скопје и одлуките кои ги носат. „Имаше најава од Град Скопје дека ќе се нормализира дотурот на нафта за ЈСП, но тоа не се случува. Проблеми со нафта има и ЈП „Комунална хигиена“ Скопје поради што само дел од камионите собираат смет. Затоа сите синдикати на јавните градски претпријатија планираме од понеделник да одржиме заеднички состанок на кој ќе одлучиме какви мерки ќе преземеме“, вели Стојановски. Од Град Скопје преку писмено соопштија прстот за настаната криза со доставувањето на нафта го вперија во владејачката ВМРО-ДПМНЕ, обвинувајќи дека станува збор за креирана криза. „Кадарот на шефот на ВМРО ДПМНЕ во Бирото за јавни набавки Маре Богева, креира криза во ЈСП за гориво, со тоа што за првпат од постоењето на претпријатието ја поништи редовната јавна набавка за гориво во ЈСП како смислено сценарио. Во исто време и со истото смислено сценарио приватните превозници, кои скоро воопшто не сообраќаат поради револт за неразгледување на нивната иницијатива за зголемување на цената по која возат, денес менуваат изјава дека не им биле верификувани извештаи за возење, а кој ќе им ги верификува кога не возат“, се наведува во соопштението од Град Скопје. Илустративна фотографија / Фото: Архива Оттаму велат дека од моментот кога премиерот Христијан Мицкоски „отпочна да преговара со компанија за набавка на 100 електрични автобуси, кое како и ветувањето за вкупно 250 нови автобуси од програмата за Скопје, се дел од ветувањата на ВМРО-ДПМНЕ за скопјани, отпочна и голготата на претпријатието. „Во исто време почнаа и шпекулации за урнисување на ЈСП поради можно сценарио за негова приватизација“, додаваат од Градот. Приватните автобуски превозници во Скопје „Јофи бус“, „Вестор транс“ и „Радос компани“ денеска преку соопштение апелираа до надлежните за свикување проширен состанок со цел решавање на проблемот со јавниот превоз во главниот град. Оттаму посочуваат оти располагаат со 200 автобуси кои не се максимално искористени, а со кои може да се пополни недостатокот на автобуси на Јавното сообраќајно претпријатие (ЈСП) „Скопје“. На дневно ниво, како што велат оттаму, во Скопје недостасуваат од 160 до 200 автобуси. Деновиве градоначалникот на Општина Шуто Оризари, Курто Дудуш, ги повика жителите на протест в петок (22 ноември) затоа што немаат редовни автобуски линии. Проблеми со јавниот градски превоз во главниот град има подолго време. На улиците има помалку автобуси од потребниот број за да се опслужат граѓаните, кои се жалат дека услугата што ја добиваат е многу лоша, бидејќи возилата често доцнат, се расипуваат и се создава голем метеж во нив. Во меѓувреме, во Советот на Град Скопје, не може да се изгласа проектот за купување еко-автобуси на актуелната градоначалничка Данела Арсовска, која за ова ги обвинува советниците од ВМРО-ДПМНЕ кои се мнозинство во Советот. Арсовска стана градоначалничка со поддршка од сега владејачката ВМРО-ДПМНЕ, но патиштата им се разидоа уште во првата година од нејзиниот мандат поради несогласување за пречистителната станица. Сега таа и партијата меѓусебно се обвинуваат околу тоа кој ги кочи проектите за нормализирање на јавниот превоз во главниот град. - Реклама -...

Марко Гутиќ Мижимаков за кусиот уметнички филм „Лов на змејки“ е добитник на нaградата „ДЕНЕС“, којашто се доделува на млад визуелен уметник до 35 години во Северна Македонија. Наградата „ДЕНЕС“ се доделува на годишно ниво за исклучителна и истакната тековна уметничка практика, која подразбира критичко и естетско размислување и дејствување, и е единствена награда од овој вид за млад/а визуел(е)н/а уметни(к)чка во земјава. Годинава наградата се доделува по осумнаесети пат. Добитникот на наградата „ДЕНЕС“ – 2024 добива двомесечен престој во „Residency Unlimited“ во Њујорк во периодот август-септември 2025 година. Жирито за наградата беше составено од: Ксенија Нурил, историчарка на уметност и кураторка, директорка на галеријата на реномираното уметничко училиште „Art Students League“ од Њујорк, САД, Сања Анѓелковиќ, аудиовизуелна уметничка со седиште меѓу Нови Сад и Виена, добитничка на наградата „Димитрије Башичевиќ Мангелос“ во Србија во 2023 година, и Ана Франговска, историчарка на уметност и кураторка, виш кустос во Националната галерија на Република Северна Македонија и претседателка на АИКА – Македонија – Делото на Марко значително се истакна, начинот на кој тој ја ситуира својата уметничка практика, односно начинот на кој ја преведува својата индивидуалност во општеството, користејќи автентични уметнички и концептуални решенија. Движејќи се низ исклучително сложениот систем на референци што ги црпи од литературата, музиката, науката, кореографијата, технологијата, соработката и екологијата, Марко создава хибридни уметнички форми и шпекулативни наративи, кои се спротивставуваат на сè уште доминантната анти-квир парадигма. Иако неговата практика се потпира на различни симболички и референтни системи, тие не се појавуваат како самодоволни, туку се целосно функционални во рамките на неговата специфична уметничка поетика, која генерира привлечен визуелен јазик и политички потенцијал. Политиката на неговата работа е сместена во суптилностите на неговиот уметнички јазик, кој ве заведува преку разговори за телото, телесните политики и социјалниот статус на поединецот – стои во одлуката на жири-комисијата. Другите двајца финалисти годинава беа младите уметници Јован Јосифовски и Ивана Самандова. Јован Јосифовски ќе добие едномесечен престој во Галеријата „Простор“ на организацијата „Културен хаб Хрватска“ во Сплит, во мај 2025 година и самостојна изложба во просторот. – Работата на Јован Јосифовски е мошне лична. Тој ги поздравува гледачите во неговиот свет и сѐ што тој нуди – и доброто и лошото. Неговото уметничко истражување вклучува интервјуирање субјекти чии биографии се паралелни и се вкрстуваат со неговата. Заедно нивните приказни го сочинуваат јадрото на неговото дело, кое физички се манифестира во постери, книги за уметници, скулптури, инсталации и видеа. Фикусирајќи се на радостите и на несигурноста на квир-животот во постјугословенски контекст, Јосифовски ни го привлекува вниманието со средствата за бегство, судирите меѓу црквата и државата, како и на распространетоста на физичкото насилство врз локалната ЛГБТК – заедница – вели жири-комисијата. Прочитајте и: Вечерва ќе се прогласи добитникот на наградата „ДЕНЕС“На уметницата Ивана Самандова ќе ѝ биде овозможено да има самостојна изложба во Скопје, во 2025 година. – Ивана Самандова е уметничка, која има мулти и трансдисциплинарен пристап, мешајќи или надминувајќи ги границите на традиционалните и современите техники, вклучувајќи сликарство, цртеж, предмети, дигитална уметност (видео, дигитални отпечатоци) и инсталација, со цел да ги истражи сложените теми на идентитетот, наследство и меморија, екологија, комплицирани човечки односи итн. Таа е единствената од избраните уметници за наградата „Денес“, која продуцирала ново уметничко дело за оваа изложба – интерактивна инсталација, која претставува графичко мапирање на локалните општествено-политички услови (нагласувајќи ја состојбата на културата), со референтни истражувања, поставувајќи го прашањето „Што сега?“ без идеализирање на минатото и негувањето на вербата во иднината – стои во одлуката на жири-комисијата. Изложбата на овие тројца уметници ќе може да се погледне во националната галерија „Мала станица“ до 28 ноември. Наградата „ДЕНЕС“ е основана во 2002 година како годишна награда за најдобар млад ликовен уметник до 35 години во земјава од страна на Центарот за современи уметности – Скопје во соработка со Фондацијата за граѓанско општество од Њујорк, САД, но официјално првпат беше доделена во 2003 година. Намерата на наградата „ДЕНЕС“ е да им понуди повеќе можности на младите уметници да ги совладаат своите уметнички интереси и да ги прикажат пред пошироката публика, како и да се продлабочат дискусиите помеѓу институциите и младите уметници. Од 2015 година наградата локално ја организира здружението „Факултет за работи што не се учат“ (ФРУ), во рамки на фестивалот „АКТО“. „ФРУ“ оваа манифестација ја организира во соработка со мрежата „Награди за млади визуелни уметници“ (YVAA), резиденциската програма Residency Unlimited (RU), Њујорк, и фондацијата „Trust for Mutual Understanding“, Њујорк. Досегашни добитници на наградата „ДЕНЕС“ се: Ѓорѓи Десподов/ Клелија Живковиќ/ Бурџу Мусли, Ивана Мирчевска, Елена Чемерска, Верица Ковачевска, Зорица Зафировска, Иван Ивановски, Филип Јовановски, Велимир Жерновски, Илија Прокопиев, Кристина Божурска, Ѓорѓе Јовановиќ, Ана Ивановска, Борис Петровски, Атанас Ботев, Далибор Тренчевски, ОПА (Опсесивна посесивна агресија) и Славица Јанешлиева. - Реклама -...

Украинскиот претседател Володимир Зеленски во обраќањето пред парламентот вчера сугерираше дека привремената руска контрола врз украинската територија е веројатно неизбежна се додека е на власт рускиот претседател Владимир Путин,. -Украина можеби ќе треба да надживее некого во Москва за да ги постигне своите цели и да ја врати целата национална територија, рече украинскиот претседател во украинската Рада, пренесе Хина. Меѓународните медиуми веќе подолго време шпекулираат дека војната во Украина може да биде замрзната по линијата на фронтот дури и ако Киев не ѝ отстапи територија на Русија. Зеленски во парламентот категорично ја отфрли можноста Украина формално да отстапи територија. -Ние не се откажуваме од правото на Украина на нејзина територија, нагласи тој. Зеленски пред парламентот претстави план за зголемување на отпорот на Украина на рускиот притисок, што е насочен кон воените, економските и социјалните напори внатре во Украина. Деталите ќе бидат познати во декември. Прочитајте и: Блумберг: Европа ќе мора да ги удвои трошоците за одбрана поради војната во УкраинаУкраинското оружје е една од главните гаранции за украинската независност, рече тој, нагласувајќи ги огромните инвестиции во вооружување. Украинскиот претседател рече дека следната година ќе бидат произведени 30.000 борбени дронови со долг дострел и 3.000 крстосувачки ракети. Се проширува и домашното производство на муниција. Планот на Зеленски за Украина дојде набргу откако тој го претстави „планот за победа“ на меѓународните партнери во октомври, што вклучуваше барање за упатување покана до Украина за членство во НАТО. Вчера беа одбележани 1.000 дена откако Украина се брани од целосна руска инвазија со поддршка на нејзините западни сојузници. - Реклама -...

Осмото издание на Винодонија, престижниот Скопски вински салон, ќе се одржи на 13-ти и 14-ти декември во хотел „Мериот“ во Скопје. Настанот, кој традиционално ги собира најзначајните имиња од винската индустрија, оваа година продолжува со уште поголем ентузијазам и квалитетна програма. Работното време на салонот ќе биде од 15:00 до 21:00 часот, овозможувајќи им на посетителите да уживаат во уникатните вкусови на повеќе од 500 вина изложени од над 70 домашни и странски винарии. Винодонија 2024 и оваа година го истакнува значењето на винската култура и ја нагласува улогата на Македонија како винска дестинација во регионот. Во богатата винска програма на настанот, посетителите ќе имаат можност да дегустираат разни вина од Македонија и странската винска сцена, но и да откријат и да се запознаат со нови вински приказни, кои ќе ги прераскажуваат уште многу време откако салонот ќе заврши. Водечкиот карактер на Винодонија 2024ќе дојде повторно до израз преку едукативните работилници и предавања, на кои експерти од винската индустрија ќе ги споделат своите знаења преку мастер-клас дегустации и интерактивни сесии. Можноста за професионално вмрежување нема да биде изоставена, на настанот ќе присуствуваат менаџери и сопственици на хотели, ресторани и барови, дипломати и медиуми, обезбедувајќи одлична платформа за промоција и нови партнерства. Освен извонредниот избор на вина, Винодонија 2024 и оваа година ќе има специјален гастрономски дел, кој ќе го заокружи винското уживање. Посетителите ќе имаат можност да дегустираат внимателно одбрани гурмански специјалитети, локални и интернационални деликатеси кои совршено ќе се надополнуваат со презентираните вина. Оваа комбинација на вкус и квалитет ќе овозможи автентично искуство за сите љубители на доброто вино и храна, потврдувајќи го статусот на Винодонија 2024 како настан кој ги слави најдобрите аспекти на гастрономската и винската уметност. Винодонија се има етаблирано како клучен настан за винската индустрија во Македонија, привлекувајќи вински ентузијасти, експерти и професионалци. Овој салон ја слави македонската винска традиција, промовирајќи го квалитетот на домашните вина и нивниот потенцијал за глобален успех. Картите за Скопски вински салон – Винодонија 2024 се во ограничен број, и истите може да се купат однапред ОНЛАЈН по цена од 1000 денари за секој ден посебно, а еден мал дел ќе може да се купат и на самиот влез пред почетокот на настанот, но по цена од 1.200 денари. - Реклама -...

Кремљ денеска соопшти дека е „смешно“ и „апсурдно“ да се обвинува Русија за оштетување на два телекомуникациски кабли во Балтичкото Море. -Смешно е со оглед на недостигот на реакција за саботажата на Украина во Балтичко Море, изјави портпаролот на рускиот претседател Дмитриј Песков, во врска со саботажата на гасоводот „Северен тек“ во септември 2022 година, за што Москва го обвинува Киев. Украина негираше дека е вмешана, но германското правосудство издаде европска потерница за украински нуркачки инструктор осомничен за вмешаност во саботажа. Досега не е потврдена вмешаноста на украинската држава во саботажата. Во врска со оштетувањето на два телекомуникациски кабли меѓу Финска и Германија од една страна и Шведска и Литванија од друга страна, Песков денеска изјави дека „прилично е апсурдно да се продолжи да се обвинува Русија за се, без никаква основа“. Прочитајте и: Доналд Трамп помладиот: Воено-индустрискиот комплекс сака да почне Трета светска војна пред татко ми да стапи на функција- Реклама -...

Продолжува несовесното однесување на дел од граѓаните на Дебар, како во однос она што е од јавен интерес или во фрлањето отпад на места кои не се определени за тоа, информираа од општината. -Последното вандалско однесување на наши сограѓани е оштетувањето, со кршење на клупите за седење кои ги имаме поставено на шеталиштето во центарот на градот и во паркот во населбата „Венец еден“, кого неодамна целосно го реконструиравме со поставување клупи, детски реквизити, улично осветлување, чешма со вода за пиење. Навистина несовесно и жално, додаваат од општината. Жители на населбата искажуваат револт и разочараност од ваквиот вандалски однос. -Клупите насилно се оттргнуваат од местата каде што се поставени и се пренесуваат на крајот од паркот од каде има поглед на Дебарско Езеро. Дополнително на тоа, ги оштетуваат и деловите ги фрлаат во просторот над езерото, велат жителите. Надлежните од локалната власт, неодамна предупредија на зачестена појава на кражба и уништување на сообраќајните знаци, како и кражба на капаци од електричните столбови од уличното осветлување низ градот. -Посебна приказна за себе е кога станува збор за несовесноста во однос на депонирањето на отпадот. Наместо во контејнерите, отпадот се остава до нив, најлони полни со отпад се фрлаат низ прозорците, ова посебно кај стамбените згради, а градежен шут и стар мебел, електрични апарати и постелнини се депонираат покрај патиштата или така да кажеме насекаде, велат од општината. Јавното комунално претпријатие „Стандард“, потпомогнато од општината постави нови контејнери, на повеќе места и со поставени знаци за селектирање на отпадот а редовно апелира градежен шут и стар мебел и апарати да се транспортираат до депонијата, за што има и посебно возило за тоа. - Реклама -...

Долгогодишниот професионалец во ИТ индустријата, Суад Сефери, ја објавува првата книга за вештачка интелигенција на Балканот, “The AI Journey“, со цел да едуцира како луѓето ефикасно да ја користат вештачката интелигенција (ВИ). Во време на неверојатен технолошки напредок, ВИ брзо се наметнува како клучна алатка во различни области – од работните места до креативните индустрии. „Во мојата книга го истражувам односот помеѓу човечката креативност и капацитетите на ВИ. Поставувам прашања како: Дали интелигенцијата која сме ја создале може да нè замени како автори, мислители или уметници? И што значи тоа за иднината на човечката креативност?“, вели Сефери. Како дел од промоцијата на книгата, Сефери најавува серија бесплатни работилници за употребата на вештачката интелигенција во различни професии. Работилниците ќе бидат профилирани за новинари, маркетери, професори и други професионалци. Учесниците ќе научат како да генерираат податоци за истражувачки стории, да создадат успешни кампањи и да развијат клучни слогани.„Целта на овие работилници е да им помогнеме на луѓето да се запознаат со практичните аспекти на ВИ и да ги подобрат своите перформанси во професионалниот живот. Време е да ја отвориме стручната фела во Македонија за она што е модерно и што би било од особено значење“, додава Сефери. Сите учесници се охрабруваат да донесат свои лаптопи за време на работилниците, бидејќи практичната работа ќе биде клучен дел од обуката. За деталите кога и каде ќе се одржуваат овие работилници, авторот ќе ја информира јавноста.„Без разлика дали сакаме или не, ВИ станува невидлив партнер во нашиот живот и професија. Време е подобро да се запознаеме со неа“, заклучува Сефери. Книгата “The AI Journey“ може да се најде во сите поголеми книжарници низ градот или може да се нарача онлајн на следниот линк.Придружете ни се во оваа возбудлива авантура и откријте како вештачката интелигенција може да го трансформира вашиот професионален живот! - Реклама -...

Романија ја доби победата од 3:0 над Косово, откако нивниот натпревар од Лигата на нации во Букурешт беше прекинат прирезулат 0:0 кога гостинскиот тим го напушти теренот и мечот, соопшти во средата управното тело на европскиот фудбал. Натпреварот од групата Ц2 беше прекинат минатиот петок во 95. минута, кога косовските фудбалери го напуштија теренот откако слушнаа „просрпски скандирања“ од страна на домашните навивачи а по кошкањето меѓу играчите што го предизвика гостинскиот капитен. Претставниците на романскиот фудбалски сојуз го негираа скандирањето и посочија на провокации од страна на косовските репрезентативци. За остварување на амбициите на Косово беше потребна победа од 3:0, што во моментот на прекинот беше неостварливо, но можеше да се оствари на „зелената маса“. УЕФА заклучи дека косовската репрезентација е одговорна за прекинот на натпреварот и победата ѝ ја додели на Романија. Романската фудбалска федерација (FRF) е казнета со 128.000 евра поради повеќе обвинувања, вклучително и едно за дискриминаторско и несоодветно однесување на тимот. Следниот домашен меч во натпреварувањето под покровителство на УЕФА и Романија ќе мора да го игра пред празни трибини, поради ксенофобични антиунгарски скандирања. Фудбалскиот сојуз на Косово (FFK) ќе плати казна од 6.000 евра за недоличното однесување на својот тим. Со тоа Романија го заврши натпреварувањето во групата Ц2 од Лигата на нации со максимални 18 бодови, што и носи пласман во Б класата од Лигата на нации. Косово заврши на второто место во групата со 12 бодови и ќе игра за пласман во Б класа. - Реклама -...

По повод Светскиот ден за борба против хронична опструктивна белодробна болест (ХОББ), од Клиниката за пулмологија и алергологија денеска апелираа да се подигне свеста и да се реализираат кампањи за одвикнување од пушење. Најавена беше кампања за млади од училишните клупи за да може да сфатат колку е штетно пушењето, односно консумирање тутун, за белите дробови, за ХОББ, за астма, за канцер на бели дробови… Бидејќи, како што беше посочено, емисијата од цигари е штетна за сите луѓе, а особено е штетна кај младиот организам што се развива и за малиот мозок. Директорот на оваа клиника, Оливер Зафировски потсети дека според најновата статистика, со 45 отсто од нашата популација, таа е лидер во консумирање цигари на Балканот. „Тоа е многу висок коефициент на луѓе кои консумираат тутун“, истакна Зафировски. Тој советуваше да се остават цигарите, посебно електронските цигари. „Моментално има голем маркетинг дека не се штетни, напротив, последните испитувања укажуваат дека се многу поштетни и од обично консумирање тутун“, рече директорот. Доктор Јагода Стојковиќ нагласи дека пушењето е главен ризичен фактор за развој на болеста. Деведесет и пет отсто од пациентите кои имале ХОББ, се пушачи. Таа смета дека родителите може огромно да влијаат врз децата, кога е во прашање консумирањето тутун. Според неа, треба да се укажува на штетното влијание, а не да им се забранува, затоа што тоа може да има спротивен ефект. Извор - Реклама -...

Комичарката и актерка Витни Камингс присуствуваше на 31. “Ел вомен гала“ во Лос Анџелес, чиј домаќин беше славниот дизајнер Ралф Лорен, кој ги слави жените во филмската индустрија.На специјалниот настан се собраа бројни ѕвезди, а најголемо внимание Витни привлече со својата модна комбинација.Имено, таа носеше сиво здолниште и сако во иста боја, но на градите имаше исечени два круга под кои се гледаше црвен градник со детали од тантела.На овој настан освен Витни Камингс присуствуваа и Деми Мур, Селена Гомез, Ева Лонгорија и многу други познати ѕвезди од американската индустрија.Текстот Актерка на црвениот тепих прошета во сако со дупки на градите е превземен од МАКФАКС. Извор - Реклама -...

xnula.mk е новата е-продавница специјализирана за продажба на апарати за домаќинство и фитнес опрема од реномирани и светски познати брендови. Доколку сакате брзо, безбедно и едноставно онлајн купување, кое ќе ви ги донесе најпосакуваните брендови директно до вашиот дом, и притоа ќе ви заштеди време, новата онлајн дестинација xnula.mk, ги нуди сите предности на онлајн купувањето. Тука ќе ги најдете сите детали за производите, услугите и тековните промоции, за уникатно корисничко искуство. „xnula.mk е официјален увозник на Dyson и ги нуди сите новитети и иновативни решенија за вашиот дом. За прв пат во Македонија, ексклузивно во понудата се достапни и брендовите Ninja и Shark како и новитети од Yesoul и Ovicx – водечки брендови за фитнес опрема кои инспирираат здрав и активен животен стил. Наскоро, ќе се приклучат и брендовите Roborock и Dreame, кои ќе ја заокружат нашата палета со напредни решенија за одржување на хигиената во вашиот дом“ – истакнуваат од xnula.mk. Од аспект на услугата, од xnula.mk се водат од трите основни вредности: Комфор и практичност при купувањето, со брза и бесплатна достава до сите дестинации во Македонија. Сигурност и гаранција, преку безбедни начини на плаќање и поддршка по продажбата, со гаранција за сите производи и достапност на резервни делови. Премиум брендови и квалитет: пристап до производи кои се одбрани за да ги задоволат највисоките стандарди во современиот животен стил. Од xnula.mk веруваат дека купувањето треба да биде лесно, безбедно и пријатно – со врвен квалитет, грижа за клиентот и удобност. Нивната мисија е да постават нови стандарди за онлајн шопинг во Македонија и да изградат платформа што ќе се развива и понатаму, следејќи ги најновите трендови. Откријте го светот на напредната технологија и фитнес опрема, која отсега ви е на дофат, брзо и едноставно на xnula.mk . Извор - Реклама -...

Од јануари заклучно со 31 октомври 2024 година Регулаторната комисија за енергетика, водни услуги и услуги за управување со комунален отпад (РКЕ) има издадено лиценци за нови фотоволтаични централи со вкупно инсталирана моќност од скоро 272 мегавати. Согласно РКЕ, за десет месеци низ регулаторниот филтер поминати се вкупно 254 барања од приватни инвеститори кои ја имаат комплетирано потребната документација и за кои се издадени лиценци за нови фотоволтаични централи за производство на електрична енергија од обновливи извори. – РКЕ согласно Законот за енергетика во своја надлежност издава лиценци и носи одлуки за менување, пренесување, продолжување, суспендирање, одземање и престанок на лиценци за вршење на одделни дејности од областа на енергетиката, како и за издавање на привремени лиценци и лиценци за пробна работа. РКЕ водејќи се од начелото на транспарентност, достапност и јавност има изготвено обрасци за сите приватни инвеститори во кои се наведени потребните документи со цел да се поедностави процесот во доставување на комплетни барања за добивање на соодветна лиценца, стои во соопштението од РКЕ. РКЕ во 2023 година има издадено лиценци за производство на електрична енергија од обновливи извори со вкупна инсталирана моќност од скоро 399 мегавати, додека во 2022 година се издадени лиценци за 152,2 мегавати. - Реклама -...

Кога ќе имаме потреба од 80 гласа во Парламентот ќе се покаже во пракса, изјави денеска премиерот и претседател на ВМРО-ДПМНЕ Христијан Мицкоски, запрашан за тоа кои се пратениците што го поддржуваат мнозинството во Парламентот. -Дозволете ми малку да ве корегирам, јас таму не реков дека имаме 80 пратеника, туку реков дека можеби имаме и повеќе од 80 пратеника. Можеби имаме. Само кога ќе имаме потреба од 80 пратеника можеби и имаме 80 и повеќе од 80 пратеника, изјави Мицкоски. Запрашан на што ја темели таа информација, Мицкоски рече дека ја темели врз основа на информациите со кои располага, неоткривајќи други детали. -Доволно е сега во овој момент. Да оставиме кога ќе има потреба од 80 гласа во Парламентот да може тоа и да се покаже во пракса, рече премиерот Мицкоски. Прочитајте и: Мицкоски: Владата ја поддржа кандидатурата на Шекеринска за заменик генерален секретар на НАТО, се слушнавме и по телефонПремиерот вчера во интервју за Косовската телевизија кажа дека владејачкото мнозинство можеби има и повеќе од 80 пратеници во Собранието. - Реклама -...

Во изјавата на Кешишов е наведено дека Палевски на 22 и на 27 ноември 2023 година не бил со другите тројцата во Велес и во Скопје, туку дека спиел во штабот. Понатаму пишува дека згрешил што го послушал Велибор Манев, еден од обвинетите за кој Палевски со писмо до јавноста тврдеше дека тој е извршител на убиствата. На местото на убиствата, според Кешишев, во Скопје и Велес биле тој, Велибор и Боре Видевски, но не пишува кој пукал „На појадокот ме информираше, го видов блед. Абе, вели, ’го знаеш ли девојчето што е исчезнато, тоа во Скопје што одело на училиште. Епа, ми го лепат мене’. Вели, ’вчера влегле во штаб, имало претрес, пет души биле уапсени, што имам јас со тоа девојче’“, сведочеше Димковски Еден од обвинетите за убиството на 14-годишната Вања Ѓорчевска и 74-годишниот Панче Жежовски, Влатко Кешишев, кој според обвинението го откри местото каде што е закопано телото на девојчето, неочекувано до судот доставил изјава и го сменил првичното тврдење дека Љупчо Палевски-Палчо е извршител на убиствата. За изјавата денеска информираа од судот од каде што рекоа дека била доставена преку затворот. За изјавата на Кешишов, неговиот адвокат, Игор Ефремов, рече дека претходно не бил запознаен и оти допрва ќе треба да се види за што станува збор. „Денеска првпат се запознав со дадената изјава која беше доставена до нас како бранители преку судот. Тој има напишано некоја изјава, меѓутоа не би сакал да ја коментирам содржината имајќи предвид дека ниту знам дали ракописот е негов, дали потписот е негов, дали тој своеволно има пишувано или, можеби, не сакам да помислам, некоја присила или закана имало за таква изјава. По однос на содржината, ќе разговарам со него, па дополнително ќе ве известам и вас“, рече Ефремов во изјава за медиумите по судењето. Во изјавата од Кешишов наведено е дека Палевски на 22 и на 27 ноември 2023 година не бил со другите тројца во Велес и во Скопје, туку дека спиел во штабот. Понатаму пишува дека згрешил што го послушал Велибор Манев, еден од обвинетите за кој Палевски со писмо до јавноста тврдеше дека тој е извршител на убиствата. На местото на убиствата, според Кешишев, во Скопје и Велес биле тој, Велибор и Боре Видевски, но не пишува кој пукал. Изјавата од Кешишов, на адвокатите и на сите обвинети, судијата им ја подели на крајот од денешното рочиште на кое сведочеа тројца сведоци. Адвокатот Бојан Манев, прашан за новата изјава за Кешишов, ја оцени како несериозна и додаде дека на крајот на процесот секако ќе има соочување помеѓу сите нив. „Едноставно мислам дека не е сериозно и совесно во ваков предмет прво да се изјавува едно, а потоа друго. Ќе има во понатамошниот тек на постапката соочување меѓу нив“, изјави Манев по завршување на денешното рочиште. Сведочење на лицето што го возел Палевски од Белград до Турција Третиот денешен сведок беше Стефан Димковски, лицето што го има превезено обвинетиот Љупчо Палевски од Белград до Турција. Димковски рече дека учествувал во основање на политичката партија Десна, а оти со Палевски се познава од 2017-2018 година преку политички активности. Потоа, како што рече, поради приватни проблеми од 2021 година ретко одел во партијата. Димковски сведочеше дека на 1 декември 2023 година, околу 8:45 часот, Палевски му се јавил и го прашал дали може да оди да го земе од Белград и да го врати во Македонија. „На Телеграм ми се јави. Јас бев во Струмица, само што ги однесов децата во градинка, отидов на сервис да менувам зимски гуми и добив повик од Љупчо Палевски. Што правиш, можеш ли да дојдеш да ме земеш од Белград, дојдов на прегледи и нешто да завршам за партијата. Реков дека ќе дојдам, да завршам само со сервисот“, кажа сведокот додавајќи дека во 15:30 часот го земал Палчо од центарот на Белград. Потоа рече дека тргнале на пат за Скопје и оти во делот кај Велика Плана застанале на ручек. „Ми кажа дека оди во Белград да договори нешто за годишнина од партијата и прегледи да прави. Разговаравме за децата, проблеми со кичмата. Потоа зборувавме за активностите во партијата, дека требало да се активира“, рече тој. Од Велика Плана, додаде Димковски, тргнале по патот за Скопје, а пред Ниш Палевски му рекол дека треба да застанат во градот. Таму разговарал со неговиот адвокат Васко, по што му рекол дека ќе треба да преспијат таму затоа што утредента требало да се види со некој човек. Додека седеле на терасата од хотелот, како што рече Димковски, Палевски му кажал дека му било резервирано во понеделник во Турција да го примат за операција за ‘рбетот. „И ми вика изгледа ќе треба да ме враќаш назад за Белград, затоа што од таму имало лет во сабота, вика после состанокот, да ме вратиш назад. По 15 минути ми вика, а што да дремеме овдека, зошто од тука, ако не си изморен, или ќе се менуваме, за 5-6 саати џитни ме во Турција. Ајде вика, жити Бога, немој по аеродроми да одам со торби, Истанбул е голем град, ќе ме однесеш до еден Турчин, знае македонски, ќе ме оправа по клиники“, рече сведокот дополнувајќи дека поевтина варијанта му било да го однесе до Турција. Прашан дали на граничните премини спрема Бугарија и Турција имале проблем, одговори не. Кога стигнале во Турција, според сведочењето, се сместиле кај Турчин со име Усеин, кој го нашол Палевски. Димковски сведочеше дека не забележал ништо невообичаено кај обвинетиот Палевски, во смисла на неговото однесување. „На повеќе наврати ми го побара телефонот, се јави, еднаш немаше батерија, потоа во Пловдив се загубивме, испаднавме на лош пат, застанавме и кога добив интернет побара да се јави на Влатко Кешишов. Отидов до тоалет, не знаев што разговарале“, рече тој. Во продолжението од сведочењето рече дека на 3.12.2023 по појадокот си заминал. „На појадокот ме информираше, го видов блед. Абе, вели, ’го знаеш ли девојчето што е исчезнато, тоа во Скопје што одело на училиште. Епа ми го лепат мене’. Вели, ’вчера влегле во штаб, имало претрес, пет души биле уапсени, што имам јас со тоа девојче’“, раскажа сведокот. Дополни дека на негово прашање каква врска има партијата со девојчето, одговори дека комбето го нашле во партијата. Сведокот посочи дека биле сместени во Баликесир, и дека откако си заминал Љупчо останал во градот. „Откако го оставив се шетав, сѐ по пат како што одеше се шетав и вечерта кога се стемни се сместив во еден хотел. Кога се вратив вечерта во хотелот, мои пријатели почнаа да ми праќаат линкови, ’што е ова, да не го местат’. Кога го видов министерот Оливер Спасовски што кажува, се онесвестив во хотелот. Се слушнав со Палевски го прашав што е ова што те потенцираат тебе. Тогаш ми кажа ова е тешка местенка и од тогаш се изгуби комуникацијата“, рече сведокот. Прашан дали додека бил заедно со Љупчо, тој споменал дека сака да патува во Минск, одговори дека Палевски кажал дека можеби ќе треба да размислува за политички азил. „Не знам што ми смислил Оливер Спасовски, можеби опција е да барам политички азил“, додаде сведокот. Прашан дали во разговорот на појадок Палевски му кажал дека го бара полиција, одговори негативно. На прашања од Обвинетиот Љупчо Палевски, сведокот одговори дека Палчо нормално се пријавил во куќата во Турција, со својот пасош и дека не го принудувал да одат по споредни патишта. Прашан дали верува дека однесувањето на Палевски прејудицира дека е виновен, тој одговори „Јас ако некој ми лепи таква работа и јас би бил блед“. Претходно денеска сведочеа познаници на Палчо, сведоците Ерол Османи и Ламбе Бучков. Манев: Обвинителството нема никакви докази за самиот предмет За сведочењето на двајца сведоци, адвокатот Манев има поднесено приговори и рече дека нивните изјави покажуваат „само една работа, дека Јавното обвинителство овде нема никаков предмет“ „Ако мислите дека изјавите на сведоците, односно изјави за некакви должничко-доверителски односи на Љупчо Палевски со еден од сведоците, од пред десетина и повеќе години, се нешто важно за овој предмет, тогаш јас стварно не знам каква врска има сето тоа. Во изјавата на сите тројца сведоци денеска не видовме никаква важна работа што кореспондира со самиот предмет“, рече Манев. Марјан Витановски, адвокат на Палевски / ФОТО: Принтскрин Според него, Обвинителството нема никакви докази за самиот предмет и „вади некакви небулози што немаат допирна точка со самиот предмет“. Манев вели дека се промашени сите сведоци. „Овде Обвинителството има измислен мотив, нема докажано никаков мотив за поврзаност, прво за таткото на девојчето, нема пронајдено оружје со кое треба да биде извршено кривичното дело. Ние не знаеме дали има едно или две оружја со кое е извршено убиството. Штуро е обвинението во тој дел. Најголема непознаница, местото каде наводно е киднапирано девојчето и е земено, овде Обвинителството не посочи ниту еден доказ и не даде образложение за самото обвинение. Нема ниту една снимка ниту една безбедносна камера ниту изјава на сведок дека тие луѓе биле на тоа место“, рече тој. Следното рочиште е закажано за 25 ноември 2024 година, кога се предвидени сведоците Игор Јанушев, Зоран Абаз и Љупчо Мицевски. - Реклама -...

Вредноста на синдикалната минимална кошница за месец ноември 2024 година изнесува 62 021,00 денари, информираат од Сојузот на синдикати на Македонија. Со изнајмен стан од 60 квадрати за месец ноември изнесува 77 396,00 денари. Споредено со вредноста на синдикалната минимална кошница за месец октомври 2024 година која изнесува 61 249,00 денари е зголемена за 772,00 денари. -Од податоците на вредноста на Синдикалната минимална кошница евидентно е дека некој се богати на грбот на граѓаните и работниците, а не ги почитува мерките на Владата кои се креираат за да се помогне на граѓаните со ниски примања, велат од ССМ. Трговците, како што се посочува во соопштението од ССМ, покажуваат дека немаат општествена одговорност ниту почит кон Владата, ако имаме во предвид дека вредноста на Синдикалната минимална кошница во делот за храна и пијалоци, ден по завршување на мерката на Владата повторно е зголемен за 609 денари, а вкупната Синдикална минимална кошница за 772 денари и истата е со вредност 62.021,00 денари. -Трговците ја искористија најавата за предходната мерка од Владата и ги зголемија неоправдано цените во месец септември со што вредноста на делот за храна и пијалоци се зголеми за 717 денари, со мерката имаше намалување од 965 денари, а денеска повторно зголемување од 609 денари со што се осиромашуваат работниците и граѓаните, велат од ССМ. Оттаму посочуваат дека вредноста на синдикалната минимална кошничка за ноември 2024 година која изнесува 62.021 денари, споредена со Синдикалната минимална кошница од јануари 2024 година (57.163,00) е зголемена за 4.858,00 денари односно за 8,5 отсто. Додека кај храната и пијалоци СМК за ноември изнесува 22.678,00 денари споредена со јануари 2024 година (21.007,00 денари) зголемена е за 1.671,00 денари односно за 7,9 отсто. Од ССМ велат дека разговараат со Министерството за економија и труд по однос на креирањето на идните мерки но потребно е трговците или да покажат општествена одговорност или Владата при креирањето на новите мерки да биде ригорозна во постапувањето на ваквите нефер трговски практики и да казнува. - Реклама -...

Јапонците најмалку уживаат во секс и во романтичниот живот, а веднаш зад нив се Јужнокорејците, посочува ново испитување на истражувачката агенција „Ипсос“ со седиште во Париз, Франција. Овие две земји од Источна Азија, инаку, се борат со слична демографска криза со својот хронично – и опасно низок наталитет, како што предупредуваат властите. Анкетата, објавена оваа недела, опфаќа 31 држава низ светот, и покажа дека само 37 отсто од Јапонските испитаници доживуваат задоволство од романтиката и сексот. За Јужна Кореја, тој број изнесува 45 отсто, наспроти 76 насто кај највисоко рангираните Индија и Мексико и 75 отсто кај испитаниците од Кина и Тајланд. Од европските земји, Шпанија е осма на оваа листа – со 70 отсто задоволни. Велика Британија, Полска и Турција се некаде на средината од списокот, а Германија, Унгарија и Италија се при дното. Во јуни, јапонското Министерство за здравство ја опиша стапката на наталитет во државата како „критична“, бидејќи лани таа изнесувала 1,20. Тоа е рекордно ниско државно ниво веќе осма година по ред. Во таа смисла, Јужна Кореја, има најниска стапката на наталитет во светот, од 0,72. На прашањето колку „се чувствуваат сакани“ во животот, 51 насто од Јапонците го кажале тоа – најнизок број од сите. Малку над нив се Јужнокорејците и Италијанците со 63 отсто. Незадоволството е делумно резултат на „личноста на Јапонците кои не се добри во артикулирањето на своите емоции и ставови кога станува збор за романса“, се вели во анкетата на „Ипсос“. Меѓу напорите за зајакнување на падот на наталитетот во Јапонија е и апликацијата за запознавање пуштена оваа година од властите во главниот град Токио. Тука, од корисниците се бара да достават документација со којашто „законски“ докажуваат дека се самци и да потпишат документ во којшто наведуваат дека се подготвени да стапат в брак. - Реклама -...

Државниот санитарен и здравствен инспекторат (ДСЗИ) денеска извршил инспекциски надзор на Детската клиника во Скопје, а откако биле откриени недостатоци, најавен е прекршочен платен налог. Како што попладнево информираат од ДСЗИ, на денешниот контролен инспекциски надзор во Универзитетската клиника за детски болести, по изминати рокови за постапување по наложени мерки со издадено решение, констатирано било дека не е постапено во целост по решението. – Од вкупно 14 доктори специјализанти кои исполнуваат услов за добивање на времена лиценца од Лекарска комора на Македонија и времени факсимили за работа, само за двајца има обезбедени времени лиценци за работа и не е поднесено барање до министер за здравство за обезбедување времени факсимили за работа на Клиниката. Во ноќна смена во дежурна амбуланта, на Клиниката работат доктори специјализанти без времени факсимили за работа и доктори кои не исполнуваат услов постар специјализант. На Клиниката, од вкупно вработени 45 доктори специјалисти, дежураат само по тројца докотори, притоа ниту еден од нив не дежура во амбуланта на Клиниката, а прегледите во дежурна амбуланта се вршат од страна на специјализанти, кои издаваат медицинска документација во име на дежурните доктори специјалисти, а некогаш и документација и без потпис и печат, се наведува во соопштението на ДСЗИ. Од страна на установата, а во однос на издаденото решение, постапено било само во делот на внесување на личните податоци и медицинските податоци на пациентите – за извршените здравствени услуги, во интегрираниот здравствен информатички систем „Мој термин“. – Врз основа на наведеното, а согласно член 31 став 1 и 3 ќе биде издаден прекршочен платен налог со предлог за порамнување и тоа: на правното лице ЈЗУ УК за детски болести – Скопје со глоба во износ од 4.000 евра во денарска противвредност и на одговорното лице во правното лице со глоба во износ од 30 отсто од одмерената глоба за правното лице односно во износ од 1.200 евра во денарска противвредност, појаснуваат од Инспекторатот. Доколку сторителот на прекршокот е согласен на постапката за порамнување и глобите ги плати во рок од осум дена од денот на добивање на платниот налог, како што додаваат, уплаќа половина од погоренаведените износи – 2.000 евра во денари противвредност за правното лице и 600 евра во денари противвредност за одговорното лице, а за уплатата треба да достави доказ до Инспекторот. – Доколку сторителот не е согласен да ја прифати постапката за порамнување или не ги плати изречените глоби, инспекторот е должен да поднесе барање за поведување на прекршочна постапка пред надлежен суд, истакнуваат од ДСЗИ. - Реклама -...

Претседателот на Владата Христијан Мицкоски денеска изјави дека одблиску се следат најновите случувања и развој на настани поврзани со и околу војната со Украина и Русија, но дека анализите и проценките не можат јавно да се соопштат. -Одблиску ги следиме најновите случувања и развој на настани. Ги анализираме. Се разбира дека нема јавно да кажеме што е тоа што го анализираме и кои се нашите проценки. Очекуваме час поскоро сето тоа таму да заврши и да се стави крај на оваа војна, на би рекол оваа руска агресија, и да можеме нормално да функционираме и да можеме да се развиваме онака како што посакуваме, рече Мицкоски на прес-конференција во Владата по свечената седница по повод Светскиот ден на детето. Прочитајте и: Бајден одобри противпешадиски мини за Украина со цел да се запре рускиот пробив- Реклама -...

Владата ја поддржа кандидатурата на Радмила Шеќеринска за заменик генерален секретар на НАТО, откри денеска премиерот Христијан Мицкоски кој на денешната прес-конференција одговараше на новинарски прашања. Забележа дека не е тајна дека во минатото и до денеска можеби имаат многу концептуални разлики кога станува збор за сегашноста, справувањето со реалните проблеми, политиките, идеолошки разлики, бидејќи доаѓаат од различки политички семејства. -Како Влада имавме пред нас би рекол предизвик за одлука, а тоа беше кој и како да го поддржиме за заменик генерален секретар на НАТО, имајќи в предвид дека таму имаше кандидати од неколку земји и ние тука немавме никаква дилема. Зошто? Прво, затоа што повикуваме често пати на единство, повикуваме на дијалог со опозицијата и доколку повикувате, а тоа не го правите на дела, тогаш сте лицемерни. Така што ние како Влада не само што ја поддржавме кандидатурата на Радмила Шеќеринска, туку и активно разговаравме со нашите сојузници, рече Мицкоски. Прочитајте и: Мицкоски: Очекувам крајот на оваа и почетокот на следната недела да излеземе со конечна позиција за каматите и да тргне оваа работаПремиерот посочи дека за Владата националното единство и националните интереси се пред и над партиските. -Да се има Македонка во случајов заменик-генерален секретар на најмоќната и најдобро организираната воена алијанса во светската историја е навистина чест и тука ниту јас имав дилема, ниту ние како Влада, коишто бевме вклучени во овој процес дека треба да ја поддржиме кандидатурата и добро е што успешно се заврши, изјави Мицкоски. Тој додаде дека во текот на вчерашниот ден телефонски се слушнал со Радмила Шекеринска и како што рече, „разговарале и немаат дилема дека треба заедно да соработуваат и да направат се што е во нивна моќ да помогнат на македонската Армија и со тоа и за безбедноста и сето она што им е потребно на македонските граѓани“. - Реклама -...

Владата ја поддржа кандидатурата на Радмила Шеќеринска за заменик генерален секретар на НАТО, откри денеска премиерот Христијан Мицкоски кој на денешната прес-конференција одговараше на новинарски прашања. Забележа дека не е тајна дека во минатото и до денеска можеби имаат многу концептуални разлики кога станува збор за сегашноста, справувањето со реалните проблеми, политиките, идеолошки разлики, бидејќи доаѓаат од различки политички семејства. -Како Влада имавме пред нас би рекол предизвик за одлука, а тоа беше кој и како да го поддржиме за заменик генерален секретар на НАТО, имајќи в предвид дека таму имаше кандидати од неколку земји и ние тука немавме никаква дилема. Зошто? Прво, затоа што повикуваме често пати на единство, повикуваме на дијалог со опозицијата и доколку повикувате, а тоа не го правите на дела, тогаш сте лицемерни. Така што ние како Влада не само што ја поддржавме кандидатурата на Радмила Шеќеринска, туку и активно разговаравме со нашите сојузници, рече Мицкоски. Прочитајте и: Нашата желба и визија како две влади е да ја растуриме маглата од минатото и да гледаме јасно во иднината, порача Мицкоски од ПриштинаПремиерот посочи дека за Владата националното единство и националните интереси се пред и над партиските. -Да се има Македонка во случајов заменик-генерален секретар на најмоќната и најдобро организираната воена алијанса во светската историја е навистина чест и тука ниту јас имав дилема, ниту ние како Влада, коишто бевме вклучени во овој процес дека треба да ја поддржиме кандидатурата и добро е што успешно се заврши, изјави Мицкоски. Тој додаде дека во текот на вчерашниот ден телефонски се слушнал со Радмила Шекеринска и како што рече, „разговарале и немаат дилема дека треба заедно да соработуваат и да направат се што е во нивна моќ да помогнат на македонската Армија и со тоа и за безбедноста и сето она што им е потребно на македонските граѓани“. - Реклама -...

Екипата на Кливленд Кавалирс го доживеа првиот пораз во сезоната во НБА, дури во 16. натпревар. Подобар од најдобриот тим во лигата беше шампионот Бостон Селтикс кој на домашен терен славеше со 120-117. Кливленд имаше 21 поен негатива во третата четвртина (50-71), но потоа направи огромен пресврт и поведе со 86-84. Се чинеше дека спектакуларната серија ќе продолжии по овој меч, но повеќе од тоа, Кавс не можеа и на крајот му честитаа на својот ривал. Пред Кливленд, само уште три екипи успеале да ја почнат сезоната со 15 или повеќе победи во серија: Вашингтон Капитолс во 1949, Хјустон Рокитс во 1994 и Голден Стејт Вориорс во 2016 година и секој од нив подоцна стигнувал барем до финалето. Од нив, само Хјустон подоцна ја освојувал шампионската титула. Што се однесува до синоќешниот меч, Џејсон Тејтум со 33 поени, 12 скока и 7 асистенции беше најдобар во победничкиот тим, додека Донован Мичел со 35 поени го предводеше Кливленд. РЕЗУЛТАТИБостон – Кливленд 120-117Бруклин – Шарлот 116-115Мемфис – Денвер 110-122Далас – Њу Орлеанс 132-92Сан Антонио – Оклахома 110-104ЛА Лејкерс – Јута 124-118 - Реклама -...

Хnula.mk е новата е-продавница специјализирана за продажба на апарати за домаќинство и фитнес опрема од реномирани и светски познати брендови. Доколку сакате брзо, безбедно и едноставно онлајн купување, кое ќе ви ги донесе најпосакуваните брендови директно до вашиот дом, и притоа ќе ви заштеди време, новата онлајн дестинација xnula.mk, ги нуди сите предности на онлајн купувањето. Тука ќе ги најдете сите детали за производите, услугите и тековните промоции, за уникатно корисничко искуство. „Хnula.mk е официјален увозник на Dyson и ги нуди сите новитети и иновативни решенија за вашиот дом. За прв пат во Македонија, ексклузивно во понудата се достапни и брендовите Ninja и Shark како и новитети од Yesoul и Ovicx – водечки брендови за фитнес опрема кои инспирираат здрав и активен животен стил. Наскоро, ќе се приклучат и брендовите Roborock и Dreame, кои ќе ја заокружат нашата палета со напредни решенија за одржување на хигиената во вашиот дом“ – истакнуваат од xnula.mk. Од аспект на услугата, од xnula.mk се водат од трите основни вредности: Комфор и практичност при купувањето, со брза и бесплатна достава до сите дестинации во Македонија. Сигурност и гаранција, преку безбедни начини на плаќање и поддршка по продажбата, со гаранција за сите производи и достапност на резервни делови. Премиум брендови и квалитет: пристап до производи кои се одбрани за да ги задоволат највисоките стандарди во современиот животен стил. Од xnula.mk веруваат дека купувањето треба да биде лесно, безбедно и пријатно – со врвен квалитет, грижа за клиентот и удобност. Нивната мисија е да постават нови стандарди за онлајн шопинг во Македонија и да изградат платформа што ќе се развива и понатаму, следејќи ги најновите трендови. Откријте го светот на напредната технологија и фитнес опрема, која отсега ви е на дофат, брзо и едноставно на xnula.mk . - Реклама -...

Пријателот на Палчо, Ерол Османи, рече оти последната комуникација со него ја имал на 28 ноември (еден ден по убиството на Вања), кога Палевски дошол кај него за да го поправи котелот Со сведочење на Ерол Османи, сведок на обвинителство, во Кривичниот суд во Скопје продолжи судењето за двојното убиство на 14-годишната Вања Ѓорчевска и пензионерот Панче Жежовски. Османи рече дека со Палевски се познавале од времето кога тој издавал весник, а тој бил повикан да помогне во издавањето. Рече дека со Палчо останале пријатели и по затворањето на весникот, а дека во 2011-2012 година од него имал земено котел за греење и комуникацијата со него била секогаш кога доаѓала грејна сезона. „Во 2023 година котелот не функционираше и го барав да дојде да го види за да можам да го користам”, рече Ерол Османи во своето сведочење. Љупчо Палевски-Палчо, првообвинет за убиствата на 14-годишната Вања Ѓорчевска и 74-годишниот Панче Жежовски / Фото: МИА (архива) Последната комуникација рече дека ја имале на 28 ноември (ден по грабнувањето и убиството на Вања), кога Палевски дошол кај него за да го поправи котелот. Пред тоа, на 22 ноември, Османи му пишувал на „Месинџер“, но не добил одговор. „На 27 ноември 2023 г. го барав на Фејсбук и го немаше. Околу 23 часот ми пиша дека ќе дојде другиот ден”, додаде Османи. Претходно, како што рече сведокот, Палевски не можел да дојде бидејќи бил настинат, а во пораката му напишал: „Одлежав 3-4 часа, како да ме згазна камион, ништо страшно не е, ќе дојдам сабајле”. „На 28 ноември беше добар со здравјето. Водевме нормални разговори и ништо не спомена околу 27 ноември, немаше ништо посебно во однесувањето“, рече тој. Според неговото сведочење, Палевски дошол со бел автомобил, за кој рече дека е пикап, но не беше сигурен дали станува збор за марка „ситроен” или „пежо”. Потоа прашања до Османи упати првообвинетиот Љупчо Палевски. Го праша во колку часот дошол кај него. Османи, вадејќи принтскринови од „Месинџер“ од разговорите со Палевски, рече дека на 27 ноември во 11:42 часот добил порака дека ќе дојде и оти пристигнал 40-ина минути подоцна. На ова Палевски упати друго прашање – дали Османи знаел дека во тој период од денот имал гостување на поткаст. Османи рече дека во пораката пишувало: „Завршувам брзо, ја земам ќерка ми од кај ‘Алкалоид’, лаптопот е кај мене, доаѓам кај тебе”. Сведокот додаде и дека пред 22 ноември Палевски му дал друг телефонски број на кој може да го бара. Рече дека Палевски не му кажал дека ќе оди на лекување, но потврди дека тој две години имал проблеми со ‘рбетот и оти лежел во „Систина”. На прашање на обвинителката дали некогаш го видел Палевски да носи пиштол, Османи одговори негативно, како и дека никогаш не комуницирале преку радиоврски. На изминатите рочишта сведочеа мајката на Вања, ќерката и зетот на Панче Жежовски, како и повеќе лица вклучени во истрагата за двете убиства, меѓу кои инспектори и членови на политичката партија Десна. На последното рочиште беа сослушани мајката и таткото на Александар Ѓорчевски. На првото одржано рочиште во случајот за грабнувањето и убиството на Вања и Панче, обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски, се произнесоа дека не се чувствуваат за виновни. Според обвинението, тие заедно го испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека грабнувањето на оштетениот Панче Жежовски во Велес било со намера да го присилат да им го даде сопственото возило „ситроен“ за да го користат за грабнување на детето во Скопје. Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година. - Реклама -...

По мотивите на теледрамата „12 гневни луѓе“ (12 Angry Men) од Реџиналд Роуз, а во адаптација и режија на Синиша Евтимов, вечерва ќе се оддржи премиерата на преставата „12“. На големата сцена на МНТ во улога на поротници ќе се појават Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан Симонов, Сенко Велинов, Оливер Митковски, Владо Јовановскии и Сашко Коцев. Гласот на Судијата го позајмува Тања Ивановска. Приказната во претставата ја следи поротата од 12 луѓе додека размислуваат дали да осудат или да ослободат 18-годишен обвинет за убиство на неговиот татко, принудувајќи ги поротниците да ги преиспитаат сопствените морални вредности, ставови, предрасуди и мислења. Одбраната и обвинителството ги дале доказите на судењето, а поротата е испратена во посебна просторија за да одлучи дали младиот човек е одговорен за убиството. И она што на почетокот изгледа како лесна одлука, веднаш да се гласа и да се прогласи за виновен младиот човек, сепак прераснува во сериозна дискусија околу вистината за она што навистина се случило за време на убиството. На почетокот единствениот што се противи на смртната казна и се сомнева во доказите што ги изнесува обвинителството е поротникот број 8… Асистент на режисерот е Борјан Стојков, костимограф е Александар Ношпал, сценограф и дизајнер на светлото – Мартин Манев, а музиката е на „ПМГ Колектив“. Претставата е дел од годишната програма на МНТ за 2024 година и е наменета за возрасната категорија над 16 години. „12“ е посветена на нашиот прерано починат соработник и, пред сѐ, голем пријател, Мирко Попов – велат од МНТ. Почетокот на вечерашната премиера е предвиден за 20:00 часот. - Реклама -...

Американскиот претседател Џо Бајден одобри испорака на противпешадиски мини за Украина, потег што може да помогне да се забави рускиот напредок на нејзиниот исток, особено кога се користи заедно со друга муниција од САД. Соединетите Американски Држави очекуваат Украина да користи мини на своја територија, иако вети дека нема да ги користи во областите населени со свои цивили, изјави американски официјален претставник. САД ја снабдуваа Украина со противтенковски мини во текот на војната со Русија, но додавањето на противпешадиски мини има за цел да го забави напредувањето на руските копнени трупи, додаде официјалниот претставник. Американските мини се разликуваат од руските бидејќи се „непостојани“ и стануваат инертни по однапред одреден период. Прочитајте и: Блумберг: Европа ќе мора да ги удвои трошоците за одбрана поради војната во УкраинаЗа детонација им е потребна батерија и нема да експлодираат откако таа ќе се испразни. Украина вчера употреби американски ракети ATACMS за напад на руска територија, искористувајќи ја новата дозвола од администрацијата на Бајден на 1.000-тиот ден од војната. Москва соопшти дека употребата на ATACMS, ракетата со најдолг дострел што Вашингтон досега и ја испорача на Украина, е јасен сигнал дека Западот сака да го ескалира конфликтот. - Реклама -...

Францускиот претседател Емануел Макрон ја осуди руската „ескалација“ во војната во Украина, повикувајќи го неговиот руски колега Владимир Путин „да се вразуми“. -Навистина сакам да ја повикам Русија да се вразуми. Таа има одговорност како постојана членка на Советот за безбедност на ОН, изјави Макрон, вчера, по самитот на лидерите на Г20 во Рио де Жанеиро. Макрон оцени дека Русија денес станува сила на „глобална дестабилизација“ и додаде дека го повикал својот кинески колега Си Џинпинг да влијае на Путин и да се заложи за деескалација. По средбата во Рио де Жанеиро, на маргините на самитот на Групата 20 (Г20), Макрон нагласи дека Кина има клучна улога во избегнувањето на нуклеарен конфликт и дека побарал од Џинпинг да изврши притисок врз рускиот претседател да ја прекине војната со Украина. Прочитајте и: Шведска и Финска ги повикуваат граѓаните да бидат подготвени за можноста за војнаПутин вчера го потпиша декрет на нуклеарната доктрина, со кој Русија го резервира правото да користи нуклеарно оружје во случај на агресија врз неа од ненуклеарна сила поддржана од нуклеарна сила, дури и ако нападот е со конвенционално оружје. Што се однесува до зеленото светло од американскиот претседател во заминување – Џо Бајден – за Украина да користи американско оружје со долг дострел за напади во Русија, Макрон оцени дека тоа е „добра одлука“ и дека е донесена поради распоредувањето на севернокорејски војници во Украина. - Реклама -...

Компанијата Спејксикс (SpaceX) на американскиот милијардер Илон Маск го лансираше шестиот пробен лет на вселенското летало Старшип од Тексас, а на лансирањето присуствуваше и новоизбраниот американски претседател Доналд Трамп. НАСА планира да користи Старшип за испраќање луѓе на Месечината како дел од својата програма Артемис. – Одам во големата држава Тексас за да го гледам лансирањето на најголемиот објект некогаш лансиран, не само во вселената, туку со едноставно полетување од земјата, напиша Трамп на својата социјална мрежа и му посака среќа на Маск за лансирањето на ракетата. Ракетниот систем висок околу 122 метри, во кој астронаутите би требало да слетуваат на Месечината и се пренесува екипаж на Марс, беше лансиран во 16 часот по локално време, од комплексот за развој на ракети на Спејсикс во Тексас. Прочитајте и: Тимот на Трамп со остри критики за одлуката на Бајден: „Ова е како нова војна, сите претходни калкулации сега се ништовни“Ракетниот засилувач, наречен „Супер тежок“ (Super Heavy), не бил фатен за време на петтиот пробен лет, туку паднал во Мексиканскиот Залив. Ракетата Старшип падна во Индискиот Океан по околу час и половина лет околу Земјата. Трамп претходно најави дека ќе го назначи Маск на чело на новоформираниот Оддел за ефикасност на Владата во новата администрација. - Реклама -...

Премиерот на Република Косово не кажа ништо посебно, само кажа дека во Северна Македонија нема закон за албанскиот јазик, има Закон за јазиците. Истото и јас го тврдам – дека и до сега немало посебен закон за албанскиот јазик, изјави првиот вицепремиер и министер за животна средина Изет Меџити. Одговарајќи на новинарски прашања, реакцијата на ДУИ на изјавата на косовскиот премиер Албин Курти, Меџити ја оцени како „хистерична“, спомнувајќи дека партијата на Али Ахмети така реагирала и на укинувањето на балансерот – алатката за вработување во јавната администрација по етнички клуч. -Хистерични се. За да сфатите како реагираат ДУИ на овие работи: министрите на ДУИ во минатата влада имаат дадено писмено мислење во врска со балансерот и сите, до еден, дадоа негативно мислење дека на балансерот му е поминат рокот, дека е несоодветен механизам, и истите тие, кога се укина од Уставниот суд, од судии кои беа избрани од нивното мнозинство, тие излегуваат и протестираат зошто се укинува балансерот. А самите го барале тоа. Значи, луѓето се во паника, немаат визија и никако да се соочат со новата реалност дека се во тешка опозиција, изјави Меџити по отворањето на „Народните правобранители и националните институции за човекови права и животната средина“. Прочитајте и: Мицкоски од Приштина: Економската соработка со Косово ќе биде над половина милијарда евраНа прашањето дека премиерот Христијан Мицкоски кажал оти „речиси сите земји членки на ЕУ поддржуваат уставни измени со одложено дејство“ и кои се тие земји, првиот вицепремиер не одговори конкретно, но рече дека „тие се во врвот на приоритетите на оваа европски ориентирана влада“. -Работиме секојдневно со нашите стратешки партнери и сум оптимист дека во оваа насока ќе успееме, рече Меџити. Во врска со најавата на пратеникот Ријад Шаќири од коалицијата Вреди „за закон за бранителите на ОНА“, вицепремиерот одговори; „деталите за тоа со него“. - Реклама -...