Екипите на Шпанија и Струга Трим Лум, остануваат во трка за шампионскиот трофеј во Првата македонска фудбалска лига. Шкупи го губи чекор и заостанува три бода. Македонија Ѓорче Петров и штипска Брегалница следната сезона се сели. Ова накратко е сублиматот по денешните дуели од 31.коло во ПМФЛ. Дербито на Чаир го добија гостите од Тетово. Екипата на Шкендија со головите на Цаке (18.минута) и Адеми (59) славеше на гостувањето кај Шкупи. Со голот на Марјан Радевски (22) актуелниот првак Струга ТЛ минимално со 1-0 го победи Гостивар. Така сега тетовци и стружани имаат по 61 бод, а чаирчани заостануваат три. Така дуелот во следното претпоследно коло во Тетово меѓу Шкендија и Струга може да го реши шампионот за оваа сезона. Во Маџари пак се одигра директен дуел за избегнување на последните две позиции. Во него Вардар со 1-0 ја совлада Македонија, па тимот од Ѓорче Петров и дефинитивно следната сезона ќе се пресели во Втората лига. Таму ќе игра и штипска Брегалница која денеска освои само бод во Струмица, па штипјани имаат недостижни осум помалку од Вардар. ПРВА ЛИГА – 31.КОЛОШКУПИ – ШКЕНДИЈА 0-2СТРУГА Т.Л. – ГОСТИВАР 1-0БРЕРА СТРУМИЦА – БРЕГАЛНИЦА 1-1РАБОТНИЧКИ – ТИКВЕШ 3-1ВАРДАР – МАКЕДОНИЈА ЃП 1-0ВОСКА СПОРТ – СИЛЕКС 2-1 Standings provided by Sofascore...

Возачот на Ред Бул, Макс Ферстапен, триумфираше на спринт трката која се возеше за ГН на САД во Мајами. Трикратниот светски шампион славеше со над 3 секунди пред Леклер од Ферари и 5 секунди пред Перез од Ред Бул. Од пол-позицијата стартуваше токму Верстапен кој со сигурно возење стигна до нова спринт победа во Ф1 првенството и осум поени. Големо изненадување беше Даниел Рикиардо кој на крајот на спринт трката заврши на високото 4-то место. Возачот на РБ ги одолеа нападите на Карлос Саинц од Ферари и на крајот успеа да ја задржи својата позиција. Бодови уште освоија и Саинц, Пиастри, Хулкенберг и Цунода. Хамилтон кој заврши како 8-ми доби казна поради тоа што го предизвика сударот на стартот на спринтот со Алонсо, Строл и Норис кој пак мораше да се откаже од трката. На спринтот тотално разочараа Џорџ Расел од Мерцедес и Фернандо Алонсо од Астон Мартин. Во генералниот пласман води Верстапен со 118 бода, пред Перез со 91 и Леклер со 83 бода. Вечерва од 22 часот ќе се возат и квалификациите за утрешната трката која ќе стартува во истиот термин (22 часот)....

Екипата на Реал Мадрид има многу причини за славење. Враќањето на Тибо Куртоа, кој бранеше за прв пат сезонава, а потоа и победата над Кадиз од 3:0 со која Реал Мадрид е се поблиску до 36-та шампионска круна во Ла Лига. Во првото полувреме ниту една екипа не успеа да ја затресе противничката мрежа. Реал очекувано беше подобриот противник но свои моменти имаше и Кадиз. Во второто полувреме Кадиз проба да нападне и Крис Рамос имаше шанса во 50.та минута која ја одбрани фантастично Куртоа. Веднаш по одбраната во 51.та минута Брахим го отвори резултатот на 1:0. По асистенција на Брахим, Џуд Белингам зголеми на 2:0 во 68.минута. Хоселу во 94.та минута по асистенција на Начо зголеми на конечните 3:0. Со оваа победа Реал Мадрид сега има 87 бода, и е премногу блиску до освојување на Ла Лига, а второ пласираната Барселона заостанува дури 14 бодови....

Македонскиот репрезентативен напаѓач Бојан Миовски повторно постигна гол. Миовски се запиша во листата на стрелците во дуелот меѓу неговиот Абердин и Сент Џонстон. Во натпревар од 35.коло шкотската Премиер лига, Абердин славеше со 1:0 Токму Македонецот. беше стрелец на голот од пенал во 68-та минута со кој Абердин стигна до победа и важни три бодови. За Миовски тоа е 15-ти гол во првенството на Шкотска, а вкупно 25-ти сезонава....

Трката за титулата во Премиер лигата меѓу Арсенал и Манчестер Сити продолжува. Арсенал si ја заврши „задачата“ за ова коло, бидејќи рутински го совлада Борнмут со 3:0 на „Емиратите“ во Лондон. Иницијативата во текот на целиот натпревар беше на страната на Арсенал, но Борнмут создаде неколку изгледни шанси кој влеваа страв кај избраниците на Микел Артета. Сепак, Букајо Сака пред крајот на првиот дел одлично го изведе ударот од белата точка и му донесе водство на Арсенал од 1:0 во 45-тата минута. Леандро Тросард зголеми на 2:0 во 70-тата минута по одличната акција на „топџиите“. Конечните 3:0 ги постави Деклан Рајс во судиското надополнување (97-та минута). Овој триумф на Арсенал му донесе нови бодови, вкупно 83, односно четири повеќе од второпласираниот Манчестер Сити. Сепак „граѓаните“ имаат два натпревари помалку....

Во женската кошаркарска Прва лига, нејзината плејоф конкуренција, денеска на програмата се реванш полуфиналните натпревари. Екипите на Баскет Кам и Вардар се пред промоција во финалисти. Двете најдобро рангирани екипи во регуларниот дел од првенството имаат предност од 1:0 во победи против своите противници во серијата, подобар до два триумфи. Актуелниот шампион Баскет Кам важи за апсолутен фаворит во дуелот против Крива Паланка. Тоа кошаркарките од Македонска Каменица го потврдија и на првата средба која добија лесно и убедливо. Вардарки пак ја искористија предноста на домашниот терен стигнаа во првиот триумф против кумановската екипа. Ќе можат ли црвено-црните и до втора победа останува да видиме. Двата денешни натпревари ќе се играат во терминот од 17 часот....

Македонскиот шампон МЗТ Скопје Аеродром вечерва ќе го игра можеби еден од најважните натпревари сезонава. Аеродромци во Суботица против Спартак ќе го играат реванш полуфиналниот дуел во АБА2 лигата. Поразот со пет поени разлика пред својата публика (73-78) не е недостижен. Задачата против најдобриот тим во лигашкиот дел ќе биде тешка, но не и невозможна, смета тренерот Атанасов. „Нема предавање, без разликата што значи ќе го почнеме со стартна негатива. Изминатава недела работиме на исправање на слабостите, како и нови начини како би можеле да го изненадиме силниот противник. Наша цел е да се бориме до последниот атом енергија, да дадеме максимум и да пробаме да вратиме на идентичен начин. Нема да биде лесно, Спартак Суботица е квалитетен тим со голем буџет и големи амбиции, но тоа нема да значи дека нема да ги принудиме сериозно да се испотат ако сакаат да дојдат до финалето. Очекувам возбудлив и до крај неизвесен меч во кој пак ќе решаваат финеси“, вели Васко Атанасов. Една од главните цели на МЗТ Скопје и Атанасов пред стартот на сезоната, беше враќањето во АБА1 лигата. Но, прво ќе треба да се мине Спартак, а потоа и Војводина која веќе си обезбеди место во финалето. Ќе може ли МЗТ да го направи тоа, ќе видиме во натпреварот што ќе почне од 19 часот....

Само уште три кола остануваат до крајот на сезоната во Првата македонска фудбалска лига. Во нив три екипи влегуваат со идентичен број на бодови (58) во трката за шампионскиот трофеј. Дел од дилемите може да бидат решени уште денеска, по одигрувањето на натпреварите од 31-вото коло. Директна пресметка на претендентите за трофејот. Екипата на Шкупи ја пречекува тетовска Шкендија. Домаќините решија да ги отворат вратите на стадионот, односно да дозволат слободен влез на натпреварот. Чаирчани се надеваат дека со поддршка на нивните симпатизери, ќе успеат да стигнат до трите бода. Но, секако се прашува и тетовската екипа, која на последните шест натпревари забележа четири победи. Тетовци ги искористија киксовите на ривалите во минатите рунди и се израмнија со нив, па сега не сакаат да ја пропуштат укажаната шанса. Шампионот брка рехабилитација против „забревтаниот“ Гостивар. Актуелниот првак Струга Трим Лум е домаќин на Гостивар во вториот по важност натпревар во оваа рунда. Само една победа и дури три порази на последните пет натпревари имаат стружани. Рехабилитација од лошата форма ќе бараат против тимот кој во минатото коло славеше над нивниот ривал Шкупи. Гостиварци се шести со амбиции да одат некое место погоре. Но, тоа ќе зависи и од настапите на Тиквеш и Силекс. Директен дуел за опстанок во ПМФЛ. Третиот исклучително важен натпревар ќе се игра во Маџари на стадионот „Борис Трајковски“. Таму Вардар и Македонија ЃП во директна пресметка може да решаваат која екипа следната сезона ќе се пресели во Втората лига. Вардарци се во поповолна ситуација од „лавовите“ од Ѓорче, а црвено-црните имаат шест бодови повеќе. Имајќи в предвид дека до крајот на располагање се уште девет бода, можно е со реми Вардар да ги избегне последните две позиции, оние што директно водат во понизок ранг на натпреварување. ПРВА ЛИГА 31.КОЛО (17 часот) ШКУПИ – ШКЕНДИЈА СТРУГА Т.Л. – ГОСТИВАРБРЕРА СТРУМИЦА – БРЕГАЛНИЦА РАБОТНИЧКИ – ТИКВЕШВАРДАР – МАКЕДОНИЈА ЃП ВОСКА СПОРТ – СИЛЕКС Standings provided by Sofascore...

Кошаркарите на Монако славеа победа на гостувањето во Истанбул кај Фенербахче и се избори за решавачки петти натпревар во четвртфиналето од плејофот на Евролигата. Тимот од кнежеството славеше со 65-62 и го израмни резултатот на 2:2 во победи во серијата подобар до три Јунак на триумфот на гостите беше Американецот, Мајк Џејмс со клучни поени и асистенција во финишот. Тој заврши со 10 поени, а поефикасен од него беше Ели Окобо со 13. На турскиот тим не му помогна нити расположениот Марко Гудуриќ кој постигна 14. Скоти Вилбекин заврши со 11 поени, но го промаши решавачкиот шут за победа на Фенер. Малку недостасуваше, драмата во Истанбул да заври и со голем инцидент. Незадоволните навивачи на домашниот тим, се обидоа да се пресметаа со кошаркарите на францускиот тим, меѓи кои предничеше најдобриот Џејмс. Сепак брзата реакција на обезбедувањето, но и присебноста на домаќините не кулминираа со поголем инцидент. A scuffle broke out after the final whistle of GAME 4 in Istanbul 😳 pic.twitter.com/Si2i0v6H5H— BasketNews (@BasketNews_com) May 3, 2024 Монако сега шанса за историски пласман на „фајнал-форот“ ќе има на домашен терен во натпреварот закажан за 8 мај во Монте Карло. Истиот дел „мајсторка“ ќе играат Барселона и Олимпијакос, а ден порано (7 мај) тоа ќе го направат Панатинаикос и Макаби. Единствен кој досега обезбеди место на полуфиналето е актуелниот шампион Реал Мадрид, кој со 3:0 го мина шпанскиот ривал Басконија. 🚀🌠 https://t.co/mXfACiBvFZ— AS Monaco Basket 🇲🇨 (@ASMonaco_Basket) May 3, 2024...

Кошаркарите на Работнички не му дозволија на битолски Пелистер повторно да слави во Скопје. Работнички го доби вториот дуел од полуфиналето во плејофот со што го израмнија резултатот на 1:1 во победи. Во текот на целиот натпревар домаќините го контролираа резултатот и на битолчани во ниту еден момент не им дозволија да поведат. Работнички го доби првиот период со девет разлика (27-18), а следните два им припаднаа на гостите (16-17 и 19-22). Во последната четвртина домашниот состав влезе со пет поени предност (62-57). Имаа доволно време зелено-белите да ја анулираат таа негатива, но се што сторија е да се доближат на -2. Во самиот финиш Трајс реализира тројка па црвено-белите можеа мирно да го приведат натпреварот кон крај со конечни 75-69. Роберт Рикиќ со дабл-дабл ефект со 22 поени и 14 скокови , заедно со Бобан Стаиќ кој постигна 15 поени беа предводници на победничката екипа. Залудно Јуре Планиниќ беше најефикасен на натпреварот со 23 поени, кога неговиот тим загуби. Следните два натпревари, во серијата подобар до три победи ќе се играат во Битола....

Селекторот Кирил Лазаров ја направи првата прозивка на ракометарите кои се најдоа на неговиот список за двомечоит со Фарските Острови. Лазаров смета дека иако станува според името на противникот не се работи за сериозна селекција, сепак тоа е сосема поинаку. Тие се во подем во последните години и мора сериозно да си ја светиме задачата, вели меѓу останатото селекторот Лазаров....

Машката ракометна репрезентација на Македонија ја очекува двомеч со Фарските Острови преку кои црвено-жолтите „бркаат“ настап на Светското првенство 2025-та. Селекторот Кирил Лазаров денеска ја направи првата прозивка. На неговиот список се 20-мина ракометари, но и седуммина резервни. На повиканите, последни ќе им се приклучат интернационалците Никола Митревски и Филип Талевски. Тие со своите екипи Бенфика и Порто утре го играат меѓусебното дерби во португалското првенство. Репрезентацијата ќе се подготвува во Скопје, од каде се заминува за Торшавн. Таму во среда (8 мај) ќе се игра првиот натпревар, а почетокот е закажан во 20 часот. Реваншот е на 12 мај (недела) во СЦ „Борис Трајковски” со почеток во 19 часот. Картите за овој натпревар се одамна пуштени во продажба. РАКОМЕТ | МАКЕДОНИЈА – ФАРСКИ ОСТРОВИ Пуштени во продажба картите за Македонија – Фарски остров...

Гоце Георгиевски, уште една сезона ќе игра во дресот на Вардар. Ова официјално го потврдија од таборот на црвено-црните. Популарниот „Џомба“ се согласил да биде дел од тимот. Искусното десно крило не само што ќе игра, туку ќе им им помогне на соиграчитe кои настапуваат на истата позиција, да напредуваат и да се усовршуваат. „Знаеме колку значи искуството што го има во себе Гоце, и среќни сме што прифати да биде уште една сезона дел од Вардар. Неговото искуство ќе биде од големо значење за играчите кои доаѓаат на сцената, и кои се повеќе се наметнуваат. Тој е расположен, освен што ќе игра, и да го пренесе своето искуство на помладите колеги. Вардар е веќе стабилизиран, сериозен, и нашите амбиции секогаш се победа, и титули. Гоце е се уште гладен за победување, исто како и Вардар и заедно ќе чекориме кон нови победи“, изјави Борко Ристовски, Извршниот директор на Вардар. Вардар во иднина ќе го има речиси истиот тим со кој и сезонава. Клубот работи на новите засилувања, и задржување на играчите кои се дел од клупската визија, за силен тим, на секоја позиција. „До последното коло сезонава ќе бидеме во игра за титулата, а повеќе од сигурно е дека ќе имаме подобар пласман во однос на лани. Ни претстои и одбрана на трофејот во Купот, што е наша следна цел“, истакнуваат од клубот....

Ѓорче Петров ја потврди доминацијата во македонскиот женски ракомет. „Лавиците“ се на мал чекор да ја одбранија шампионската титулата на три кола пред крајот на сезоната. Ѓорчепетровки попладнево славеа очекувано убедлива победа над последно пласираниот состав на Гевгелија. Натпреварот мина „едно смерно“ во тотална доминација на „Лавиците“ кои уште на полувремето имаа 21 гол разлика (31-10). И пред почетокот јасен беше исходот, само не се знаеше конечниот резултат. На крајот на семафорот стоеја 51-17 за Ѓорче. Ана Марија Коларовска кај Ѓорче постигна 10, а Симона Динева за Гевгелија 9 голови. Сега ѓоречепетровки тие имаа 11 бодови повеќе од Чаир и Металург. Тимот од Автокоманда во среда треба да го одира својот натпревар од оваа рунда и тоа дербито со Вардар. Доколку Металург не слави победа, тогаш Ѓорче Петров и официјално ќе ја потврди новата шампионска титула. Ивона Кимовска...

Кошаркарите на Работнички и Пелистер попладнево ќе го играат вториот натпревар од полуфиналето во плејофот. Во него гостите од Битола ќе влезат со предност од 1:0 во победи. Пелистерци го добија првиот меч и тоа убедливо со 23 поени разлика 86-63. Тоа ќе биде мотив повеќе за зелено-белите кои посакуваат серијата да за заокружат пред своите симпатизери. Од друга страна, Работнички е под притисок и императив да покаже дека првиот меч бил само лош ден. Натпреварот што ќе се игра во СЦ „Кале“ ќе почне од 18 часот. Пласман во финалето ќе обезбеди екипата што прва ќе стигне до три победи. Потсетување дека во второто полуфинале играат МЗТ Скопје Аеродром и ТФТ. Поради обврските на шампионот, во АБА2 лигата, вториот меч во „Јане Сандански“ ќе се игра во вторник (7 мај) од 19 часот, а во него МЗТ ќе влезе со предност од 1:0 во победи. Полуфиналните натовари од плејофот може да ги ГЛЕДАТЕ ВО ЖИВО ОВДЕ. Пелистер се прошета до Скопје и со брејк го почна полуфиналето МЗТ Скопје го добие првиот полуфинален дуел со ТФТ...

Во НБА плејофот познат е првиот полуфинален пар во Источната конференција. Екипите на Њујорк и Индијана ќе играат меѓусебно во втората рунда. Ова откако двата тима славеа триумфи над своите четвртфинални противници и со 4:2 во победи ги добија сериите. Индијана до четвриот триумф над Милвоки стигна со убедливи 120-98. Во победничкиот тим, Оби Топин постигна 21 поен и осум скока, а Ти Џеј Меконел 20 поени со девет асистенции. Во поразот Декјан Лилард постигна 28 поени. Неизвесен натпревар одиграа Филаделфија и Њујорк, а го добија гостите со 118-115. Џош Харт погоди клучна тројка на 25 секунди до крајот на натпреварот, по што следеше серија слободни фрлања на двете страни каде што сите погодија. На две секунди до крајот Бади Хилд шутираше тројка за продолжение, но таа не беше прецизна па „Никс“ славеа победа. Повторно брилираше Џејлен Брансон кој постигна 41 поен со 12 асистенции. Тоа беше негов трет натпревар во низа на кој постигна 40+ поени, нешто што никој го нема направано по Мајкал Џодан во 1989 година. Последниот полуфиналист на истокот ќе го дадат Кливленд и Орландо „двобој“ во кој „Кавс“ водат со 3:2. Доколку слават и во дуелот што ќе се играа ноќеска, тие за противник ќе го имаат Бостон кој со 4:1 во победи ја доби серијата против Мајами. Во иста ситуација како Кливленд, но во Западната конференција е Далас. Маверикс ноќеска (03.,30 ч.) го пречекуваат ЛА Клиперс со водство од 3:2. Победа го води Дончиќ и останатите во полуфинална пресметка со Оклахома. Cup tree provided by Sofascore...

Екипите на Олимпијакос и Панатинаикос се изборија за „мајсторки“ во четвртфиналната серија во Евролигата. Двете атински екипи ги добија четвртите дуели со своите ривали, а со тоа и можност преку решавачки натпревар да обезбедат место на „Фајнал-форот“. Тимот на Олимпијакос, пред своите симпатизери, ја совлада шпанската Барселона со убедливо 92-58 и израмни на 2:2 во победи. До истиот „скор“ во меѓусебните дуели со Макаби, стигна и Панатинаикос. Натпреварот одигран во Белград, беше далеку по неизвесен. ПАО го доби мечот во финишот со 95-88, па мајсторката ќе ја игра на домашен терен. Досега пласман на завршниот турнир обезбеди само актуелниот шампон Реал Мадрид кој во три натпревари беше подобар од шпанскиот ривал Басконија Шанса да му се приклучи на Реал во полуфиналето вечерва ќе има Фенербахче. Турската екипа игра пред својата публика против францускиот Монако против кого води со 2:1 во победи. Дуелот во Истанбул ќе се игра во терминот од 19.45 часот. Cup tree provided by Sofascore...

Ракометарите на Кил и шпанската Барселона го комплетираат квартетот кој ќе игра на завршницата во Лигата на шампиони. Ова откако германскиот тим Кил надополни девет гола негатива од првиот меч во Франција против Монпелје. Кил пред своите симпатизери славеше со 10 гола разлика и се избори за нов настап во полуфиналето. Шпанската Барселона по втор пат беше подобра од францускиот ПСЖ. Иако ова требаше да биде дерби на четвртфиналето, Барселона целата работа ја заври на првиот меч во Париз каде славеше со осим голови разлика. Иако реваншот заврши само со гол разлика, сепак Барселона во текот на целиот натпревар имаше убедлива предност. Сосема заслужено шпанскиот гигант се најде меѓу четирите екипи што ќе се борат за шампионскиот трофеј. А, него ќе го брани германскиот Магдебург кој заедно со данскиот Алборг својата четвртфинална обврска ја завршија ден порано. „Фајнл-форот“ ќе се одржи во „Ланксес арената“ во Келн, Германија, на 8 и 9 јуни 2024 година....

Спектакуларен фудбал понудија полуфиналистите во Конференциската лига. НА првите натпревари одиграно во Бирмингем и Фиренца беа постигнати дури 11 голови. На „Вила Парк“ екипата на Олимпијакос славеше против домашниот состав на Астон Вила со 4-2. Ајуб Ел Каби е јунакот на грчката екипа. Мароканецот постигна три од четирите голови за Олимпијакос, а во листата на стрелци се запишаа и Сантијаго Езе. Воткинс и Диаби беа стрелци на головите за англиската екипа. Во 83-тата минута Даглас Луиз можеше да намали, но не реализира пенал. Во Фиренца, беше постигнат гол помалку. Домашниот состав на Фиорентина го совлада Клуб Бриж 3:2 Фиорентина поведе веќе во петтата минута со голот на Сотил. само десет минути подоцна Ванакен од пенал израмни на 1-1. Сепак, до крајот на првиот дел домашните успеаја повторно да дојдат до предност, овојпат со голот на Белоти и резултатот беше 2-1. Во вториот дел гостите останаа со играч помалку откако црвен картон заработи Оњедика. Но, веќе во 63.минута уште еднаш успеа да го израмни резултатот. Стрелец беше Тиаго за 2-2. Конечниот резултат 3-2 за Фиорентина во судиското надополнување, го постави Енцола....

Првите полуфинални натпревари во Лигата на Европа донесоа интересен фудбал, но со релативно слаба реализација. Само четири гола беа постигнати на дуелите во Рим и Марсеј. На „Олимпико“ во Рим, новиот германски првак триумфираше со 2:0 против Рома. Стрелци на головите беа Флориан Вирц во 28-та минута, и Роберт Андрих во 73-та минута. Домаќините одиграа лош натпревар за што говорат само шесте удари кон голот на новиот германски шампион, а два во рамките. На „Велодром” во Марсеј, Олимпик и Аталанта одиграа со 1:1. Италијанците поведоа со голот на Скамака во 11-та минута, а Марсеј изедначи на 1:1 во 20-та минута со голот на Мбемба. Така реваншот во Бергамо практично ќе почне од „нула“, додека Баер пред своите симпатизери има можност да го завери пласманот во финалето закажано за 22 мај во Даблин, Република Ирска....

Челзи триумфираше на лондонскиот дерби дуел против Тотенхем. Со 2:0 славеше „плавиот” дел на Лондон. Во првото полувреме имаше доста израмнета игра. До предност дојде Челзи преку голот на Чалоба во 24.та минута. Во второто полувреме Челзи беше подобар противник и ја одржуваше својата предност. На 2:0 зголеми Николас Џексон во 72.та минута. По овој натпревар Тотенхем останува на 5.та позиција со 60 бода на 34 натпревари. Челзи пак се искачи на 8.та позиција со 51 бод....

Младите ракометарки на ЖРК Вардар се шампиони на Македонија во младинска конкуренција. Иако Ѓорче Петров успеа да извои победа со 31:27 над тимот на Вардар не беше доволно за да го освои трофејот во младинска лига. Шампионот го одреди меѓусебната гол разлика. Во првите пет минути од натпреварот се играше израмнето. Гостите со серија 2-0 во 7-та минута поведоа со 5:3. Вардарки постепено ја зголемуваа предноста па во 16-тата минута имаа предност од +3 (10:7). Ѓорче во 21-та минута успеа да намали на 11:12. Но, гостите не дозволија Ѓорче да израмнат и само ја зголемуваа предноста. На полувреме вардарки замина со позитива од 16:13. Ѓорче во втората половина со серија 3-0 во 36-тата успеа да израмни а, потоа и поведе со 20:19. Домашната екипа постепено ја зголемуваше предноста па дадоа напор и успеа да поведе со +3 (24:21). Гостите во неколку наврати се обидуваа да ја намалат негативата но Ѓорче не дозволи. Ѓорче константно одржуваше предноста па крајниот резултат беше 31:27. Најефикасна од Вардар беше Бојана Коцева со осум гола, додека од Емилијана Ризоска со дванаесет погодоци. Ивона Кимовска...

Македонските одбојкари ја почнаа новата мисија, Европското првенство 2026-та. Би било четврто во нашата репрезентативна историја и потврда на постојаноста во настапите на континенталната сцена. За разлика од ланското осминафинале во Бари против светскиот првак Италија, националниот состав има променета физиономија, со нов селектор, Хари Наковски. Во тимот ќе го нема најискусниот техничар, Филип Деспотовски, а дебитанти се Михајло Мирасчиев и Кристијан Илиев, и уште неколкумина помлади играчи кои ќе добијат поголема шанса. Првата цел во оваа акција се двата квалификациски натпревара за ЕП 2026 коишто се закажани за август, најпрво гостувањето во Грузија, а потоа и инспиративниот домашен дуел со Грција. Претходно, Македонија ќе игра во Европската златна лига, а тоа значи дека ќе има соочувања со искусни и квалитетни репрезентации коишто уште отсега ќе ја формираат основата за учеството на следниот самит. Селекторот Наковски смета на 15-мина одбојкари, денеска сите пристигнаа на собирот во Струмица каде што националниот состав ќе ја кова стратегијата за остварување на основната цел. Насоченоста е кон августовските квалификации, а Европската Златна лига треба да биде само загревање. Од стандардните, Александар Љафтов нема да биде со репрезентацијата во првиот сегмент, односно ќе се приклучи на средина на јули кога ќе почнат тренинзите за евроквалификациите. Состав на македонската одбојкарска репрезентација: Техничари: Ѓорѓи Ѓорѓиев (Бурса-Турција), Давид Стојанов (Фужинар-Словенија)Коректори: Никола Ѓорѓиев (АЦХ Љубљана – Словенија), Стојче Арсов (Работнички 71&22), Кристијан Илиев (Струмица 47&72)Примачи: Владо Милев (Струмица 47&72), Лука Костиќ (Рибница – Србија), Стојан Илиев (Анагенисис – Кипар), Тоше Ефремов (Весна Пробиштип)Средни блокери: Филип Маџунков (Хасроде – Белгија), Филип Савовски (Војводина – Србија), Филип Лепидовски (Таково – Србија), Михајло Мирасчиев (Штип УГД)Либера: Дарко Ангеловски (Работнички 71&22), Костадин Ричлиев (Штип УГД Распоред на натпревари во Европска златна лига 2024: 17.05.2024 (Струмица, 20.15): Естонија – МАКЕДОНИЈА19.05.2024 (Струмица, 20.15): МАКЕДОНИЈА – Чешка25.05.2024 (Беверен, 17.30): МАКЕДОНИЈА – Азербејџан26.06.2024 (Беверен, 15.00): Белгија – МАКЕДОНИЈА31.05.2024 (Осиек, 19.00): МАКЕДОНИЈА – Хрватска01.06.2024 (Осиек, 19.00): Шпанија – МАКЕДОНИЈА Квалификации за Европско првенство 2026 17/18.08.2025 Грузија – МАКЕДОНИЈА24/25.08.2025 МАКЕДОНИЈА – Грција...

Ракометарите на Вардар втор пат сезонава се подобри од екипата на Алкалоид., Вардарци попладнево пред своите навивачи го победија Алкалоид со 24-21 и останаа во конкуренција за титулата со шампонот Еурофарм Пелистер. На почетокот на натпреварот гостите од Автокоманда беа за нијанса подобар тим. Алкалоид водеше се до 10-тата минута со 5-6. Тогаш вардарци ја презедоа играта и на пауза заминаа со гол предност (12-11). Тврд натпревар се играше во „Јане Сандански“ и во вториот дел. Домаќините имаа три предност 19-16, но Алкалоид успеа да израмни (19-19). Избраниците на Лазаров не можеа да направат комплетен пресврт, па Вардар го доби мечот со 24-21. Косуке Јасухира беше нерешлива енигма за одбраната на гостите. Јапонецот, натпреварот го заврши како најефикасен играч постигнувајќи осим голови за победникот. По три гола за Вардар, додадоа Хансер Родригез и Стефан Петриќ. Во поразената екипа на Алкалоид, браќата Митеви (Дамјан и Марко) постигнаа по пет гола, а стрелец на три беше Мартин Серафимов. Бодовната разлика меѓу двата тима се враќа на +2 за битолскиот клуб, а до крајот на првенството остануваат уште по два натпревари. Алкалоид останува трет (27 бодови), а по него е Охрид (23) кој во овие моменти го игра дуелот со Пролет....

Во ракометната Супер лига, односно нејзината плејоф конкуренција, денеска на програмата се два дуели од 12-тото коло. Откако актуелност првак Еурофарм Пелистер вчера си ја заврши работата со победата над Тиквеш. Денеска на ред е второ пласираниот Вардар. Вардарци мораат да славата победа во дуелот со трето пласираниот Алкалоид, доколку сакаат да ги задржат шансите за трофејот. Црвено-црните во моментов имаат пет бодови помалку од водечкиот Пелистер. Имајќи во предвид дека до крајот на првенството остануваат уште две рунди, а битолчани во следната играат со последно пласираната Струга, екипата на Вардар денеска мора да победи. Само така вардарци ќе може да се надеваат на евентуален пресврт во конечниот поредок. Тие до крај мора да ги добијат и дуелите со Охрид (дома) и Бутел (гости, а во последното коло да „навиваат“ за Алкалоид кој ќе гостува во Битола. Натпреварот меѓу Вардар и Алкалоид што ќе се игра во СЦ „Јане Сандански“ ќе почне од 18 часот. Еден час подоцна (19) ќе стартува и вториот денешен дуел во кој Охрид го пречекува тимот на Пролет. Двата натпревари може да ги ГЛЕДАТЕ ВО ЖИВО ОВДЕ (линк) Standings provided by Sofascore...

Италијанските и германските екипи сезонава доминираат во европските фудбалски купови. По синоќешната победа на Борусија Дортмунд над ПСЖ, потврдено е дека Германија покрај Италија, ќе добие петти претставник следната сезона од Лигата на шампионите, која ќе се игра во новиот формат со 36 клубови. Италија би можела да има рекордни шест екипи, доколку Рома или Аталанта, кои вечерва ги играат полуфиналните натпревари од Лига Европа, не завршат меѓу петте најдобри во Серија А, а моментално се на петтата и шестата позиција. Така, според досегашниот изглед на табелите во Серија А и Бундеслигата, во следната сезона од Лигата на шампионите би следеле Интер, Милан, Јувентус, Болоња и Рома, Германците пак би ги претставувале Баер Леверкузен, Баерн Минхен, Штутгарт, Лајпциг и Борусија Дортмунд. Од друга страна, англиската Премиер лигата и шпанската Ла Лига ќе имаат по четири претставници во елитата....

Екипата на Бостон се пласираа во полуфиналето од плејофот на Источната конференција на НБА лигата. Селтикс на домашен терен го совладаа Мајами со 118:84 и со 4:1 ја во победи ја добија четвртфиналната серија. Џејлен Браун и Дерик Вајт ги предводеа Бостон со по 25 постигнати поени. Сем Хаузер додаде 17, а Џејсон Тејтум забележа дабл-дабл со 16 поени и 12 скока. Бем Адебајо беше најдобар во тимот на Мајами со 23 поени. Бостон во полуфиналето ќе игра со победникот од серијата меѓу Кливленд и Орландо дуел во кој Кавалирс водат со 3:2 во победи....

Екипата на Далас е на едена победа од пласман во полуфиналето на плејофот во Западната конференција. До ова Меверикс стигна со триумфот во Лос Анџелес кај Клиперси со 123-93 и поведоа со 3:2 во победи. Лука Дончиќ одигра уше еден брилијантен натпревар. Словенецот во вториот дел постигна 20 од своите 35 поени и на тоа додаде десет асистенции и седум скока. Максимилијан Клебер постигна 15, а Кајри Ирвинг и Џејден Харди придонесоа со по 14 поени. Кај Клиперси најдобар беше Пол Џорџ со 15 поени и 11 скока и Ивица Зубац, кој исто така постигна 15 поени. Следниот натпревар од оваа серија е закажан за ноќта меѓу петок и сабота во Далас....

Фудбалерите на Борусија Дортмунд забележа минимална победа со 1-0 во првиот полуфинален натпревар против ПСЖ во Лигата на шампионите. Првиот половина час мина во внимателна игра во која двата тима повеќе размислуваат да не направат грешка во одбраната. А, токму тоа се случи во 34-тата минута. Гостите не успеаја да постават офсајд замка. Шлотербек со одлична долга топка го пронајде Фулкруг, која одлично се снајде и му донесе предност на германскиот тим. Во продолжението уште неколку убави можности имаа домаќините, но резултатот остана не променет 1-0 за Борусија. Во вториот дел во иста акција многу среќа за домашниот состав. Ударите на Мбапе и Хакими завршија во рамката на домашниот гол, а резултатот не променет. Напаѓаа „светците“ од Париз со сите сили за израмнување, но и „милионерите“ имаа свои шанси. На двете страни недостасуваше завршница, па на крајот Борусија со гол предност ќе патува во Париз Кој ќе игра во финалето на „Вембли“ во Лондон, ќе дознаеме по реваншот закажан за во вторник (7 мај)....

Актуелниот европски шампион Магдебург е вториот полуфиналист во ракометната Лига на шампиони. По големата драма и изведувањето на ударите од 7.метри, ракометарите на Магдебург се пласираа во финалето. Германскиот тим го доби реванш четвртфиналниот натпревар против Килце со еден гол разлика 25-24. Имаа шанси во последниот напад гостите од Полска, за израмнување, но сомнителната судиска одлука не им дозволи на ракометарите на Килце да стигнат до израмнување и полуфинале. Резултатот остана не променет, а имајќи го во предвид и исходот од првиот меч (победа на Килце со еден гол) се пристапи кон изведување на седмерци. А, во пенал „рулетот“ повеќе нерви и мирна рака имаа домаќините, а трагичар беше Алекс Душебаев кој не реализира за победа во последната петта серија. Така Германскиот тик ќе има моќност да ја брани шампионската титула на завршниот „фајнал-фор“ турнир во Келн, на кој место си обезбеди и Алборг со победата над Веспрем. Последните два тима полуфиналисти ќе ги дознаеме утре, за кога се закажани преостанатите два реванш четвртфинални натпревари. ЛИГА НА ШАМПИОНИ – ЧЕТВРТФИНАЛЕ (реванш натпревари)Среда 1 мајАЛБОРГ – ВЕСПРЕМ 33-28 (31-32 прв натпревар)МАГДЕБУРГ – КИЕЛЦЕ 25-24 (26-27)Четврток 2 мај18.45 КИЛ – МОНПЕЉЕ (30-39 прв натпревар)20.45 БАРСЕЛОНА – ПСЖ (30-22) „Фајнл-форот“ ќе се одржи во „Ланксес арената“ во Келн, Германија на 8 и 9 јуни 2024 година....

Вториот патник во Првата кошаркарска лига за следната сезона ќе биде решен во „мајсторка“. Ова откако екипата на Маџари го доби реванш полуфиналниот дуел со Шкупи во плејофот на второлигашката конкуренција. Маџари славеше пред своите навивачи со 81-70 и го израмни резултатот на 1:1 во победи, со што се избори за трет решавачки натпревар. На почетокот на натпреварот гостите од Чаир поведоа со 4-5, но тука застанаа, Со серија од 9-0, Маџари ја презеде контролата над резултатот. До крајот на првиот период постигна уште два повеќе од противникот, па домашниот тим ја доби четвртината со 26-16. Тешко поентираа двата тима во вториот период. Затоа и помал број на постигнати поени 14-18 . На одмор домашниот состав замина со +6 (40-34). Речиси иста слика и во третиот квартал. Во него Маџари беше подобар, па затоа по 30.минути игра имаше и најголеми до тој момент +13 (59-46). Избраниците на Перо Блажевски го контролираа резултатот, а во 34.минута ги имаат и најголемите на натпреварот +16. Љубиша Димитровски со деветте поени во низа го одржуваше во игра составот на Шкупи, но чаирчани немаа сили да ја анулираат негативата. На крајот Маџари се славеше со конечни 81-70. Така „мајсторката“ што ќе се игра во Чаир, на теренот на Шкупи ќе реши кој тим ќе биде финалист. Инаку пласман во финалето, а со тоа и следната сезона во првата лига, веќе обезбеди екипата на МКК Куманово....

Кошаркарките на Баскет Кам и Вардар ја потврдија фаворитската улога и поведоа со 1-0 во полуфиналната серија од плејофот. Актуелните шампионски убедливо, без многу мака славеа во дуелот со Крива Паланка со 83:67. Зубац со 26 и Кметовска со 24, заедно со Димова која заврши со 19 поени беа првите стрелци во победничкиот тим. Вториот натпревар одигран во Скопје беше далеку по интересен и неизвесен. Сепак Вардар ја искористи предноста на домашниот терен и славеше над Куманово Гризли со 72:67. Матие која оствари дабл-дабл ефект со 21 поени и 13 скокови. Таа заедно со Наков која додаде 14, беа првите имиња во победничката екипа. Така двете прворангирани екипи во лигашпкиот дел Баскет Кам и Вардар сега ги дели само една победа од пласман во финалето....

Ракометарите на Еурофарм Пелистер направија уште еден чекор поблиски до одбраната на шампионската титула. Битолчани го совладаа Тиквеш и ја зголемија предноста во однос на второ пласираниот Вардар на пет бодови. Во натпреварот од 12-тото коло во плејоф конкуренцијата, Еурофарм Пелистер прес своите симпатизери го победи Тиквеш со 35-25. Од самиот почеток домаќините ја имаа контролата на резултатот, брзо направија и три гола предност. Во втората половина на првото полувреме, имаа зелено-белите и осум голови предност (14-6)., а на одмор заминаа со +5 (16-11). Второто полувреме рутински го одработија пелистерци и во ниту еден момент не му дозволија на Тиквеш да се понадева на изненадување. Напротив, на крајот Пелистер славеше со убедливи 10 голови разлика 35-25. Богдан Радивојевиќ со 7 голови беше прв стрелец во победничката екипа, за која Денис Васиљев реализира пет. Кај Тиквеш, прв стрелец беше Срџан Мијатовиќ со 5 гола. Сега Е. Пелистер има пет бодови повеќе од Вардар кој е втор, а осим од Алкалоид кој е трето пласиран. Битолчани сега мирно ќе може да го следат утрешното дерби во кое Вардар е домаќин на Алкалоид. СУПЕР ЛИГА МАЖИ – ПЛЕЈОФ – 12.КОЛОденескаЕУРОФАРМ ПЕЛИСТЕР – ТИКВЕШ 35-25БУТЕЛ – СТРУГА 34-20утре18:00 ВАРДАР – АЛКАЛОИД19:00 ОХРИД – ПРОЛЕТ 62 ТАБЕЛА: Еурофарм Пелистер 35 бодови, Вардар 30, Алкалоид 27, Охрид 23, Тиквеш 19, Бутел 10, Пролет 6 и Струга 0. СУПЕР ЛИГА МАЖИ – ПЛЕЈАУТ – 12.КОЛОденескаСКОПЈЕ – ЕУРОФАРМ ПЕЛИСТЕР 2 30-3404.мај – сабота18:30 ПРИЛЕП – КУМАНОВО09.мај – четврток17:00 ГОЛДЕН АРТ КЛ7 – ВАРДАР НЕГОТИНО ТАБЕЛА: Е. Пелистер 30 бодови, Куманово 29, Прилеп 27, Вардар Неготино 21, Мулти Есенс 17, Голден Арт 13, Скопје 6....

Екипата на Алборг е првиот патник во Келн, на завршниот „фајнал-фор“ во ракометната Лига на шампиони. Ова откако Алборг го победи Веспрем во реванш четвртфиналниот натпревар одигра попладнево во Данска. Алборг славеше со 33-28 и ја анулира негативата од гостувањето во Унгарија од еден гол (31-32). Унгарскиот тим подобро го започна натпреварот, а имаше предност од три гола (4-7). Но, тука застанаа избраниците на Момир Илиќ, па домашниот состав во 14-тата минута стигна до израмнување (7-7). Данскиот тим продолжи во висок ритам и до крајот на полувремето создаде четири гола предност (18-14). Во второто полувреме Веспрем постојано беше меѓу 2 и 4 гола негатива. Вечерва ќе го дознаеме и вториот патник во полуфиналето. За тоа место ќе се борат актуелниот Магдебург и Киелце екипи кои лани играа во финалето. Актуелниот шампион Магдебург ќе ја има предноста на домашниот терен, но ќе започне со еден гол негатива од првиот меч во Полска. ЛИГА НА ШАМПИОНИ – ЧЕТВРТФИНАЛЕ (реванш натпревари)Среда 1 мајАЛБОРГ – ВЕСПРЕМ 33-28 (31-32 прв натпревар)20.45 МАГДЕБУРГ – КИЕЛЦЕ (26-27)Четврток 2 мај18.45 КИЛ – МОНПЕЉЕ (30-39 прв натпревар)20.45 БАРСЕЛОНА – ПСЖ (30-22) „Фајнл-форот“ ќе се игра во „Ланксес арената“ во Келн, Германија, на 8 и 9 јуни 2024 година....

„Мртва“ трка за шампионскиот трофеј, нов лидер и три тима со ист број бодови по денешното 30-коло во ПМФЛ. Ова во една реченица е сублиматот на дуелите од оваа рунда. По двете големи изненадувања и со пресврт во судиското дополнение во Тетово, има промена на лидерското место во Првата македонска лига. Тетовска Шкендија сега е водечки тим, пред Струга ТЛ и Шкупи, а трите тима имаат идентични 58 бодови. Екипата на Тиквеш продолжува со одличните игри. Пред своите симпатизери кавадарчани го совладаа шампионот Струга Трим Лум со 3-2. Домаќините поведоа со прекрасниот гол на ветеранот Мојсов во 32.минута. Во вториот дел гостите направија пресврт со двата гола на Ибраими. Но, кавадарчани не се откажаа. Стојновски во 82-та израмни на 2-2, а во четвртата минута од судиското дополнение Тиквеш стигна до победа со конечни 3-2. Екипата на Гостивар пак со головите на Кировски (62) и Кехинде (90+7) го совлада Шкупи. Овие резултати им одат во полза на тетовци. Шкендија иако имаше два гола предност во дуелот со Брера Струмица, успеа да слави победа. Аганспахиќ во судиското продолжение (90+4) беше стрелец на победничкиот го за конечни 3-2. Во дуелот за опстанок, одигран во Штип, Вардар славеше убедливо над Брегалница со 3-0. Составот на Воска спорт се радуваше против Македонија во Ѓорче Петров, па сега охридскиот тим „плива“ во мирни води за опстанок во лигата. Еден гол и тоа во судиското дополнение, го реши победниот во Кратово каде Работнички го победи Силекс. Сите голови од денешните натпревари, може да ги видите на едно место, ОВДЕ (линк) ПРВА ЛИГА 30.КОЛОТИКВЕШ – СТРУГА Т.Л. 3-2ГОСТИВАР – ШКУПИ 2-0ШКЕНДИЈА – БРЕРА СТРУМИЦА 3-2БРЕГАЛНИЦА – ВАРДАР 0-3МАКЕДОНИЈА ЃП – ВОСКА СПОРТ 0-2СИЛЕКС – РАБОТНИЧКИ 0-1 Standings provided by Sofascore...

Борусија Дортмунд и Пари Сен Жермен вечерва ќе го играат првиот натпревар од полуфиналето на Лигата на шампионите. Во последните четири години двата тима одиграа четири меѓусебни натпревари. Во сезоната 2020/21 се сретнаа во осминафиналето. ПСЖ по поразот на првиот натпревар (2:1) на домашен терен победи со 2:0 и се пласираше во четвртфиналето. Останатите два дуели беа во овогодинешното издание на Лигата на шампионите во групната фаза. Французите повторно беа подобри во Париз (2:0), додека во Дортмунд беше 1:1. Популарните „милионери“ ќе имаат тешка задача по 11 години повторо да играат во големото финале. Избраниците на Един Терзиќ во вечерашниот натпревар влегуваат по поразот од Лајпциг (4:1) изминатиот викенд. Со него значително се оддалечија од пласман меѓу четирите најдобри екипи во првенството и пласман во Лигата на шампионите за следната сезона. Единствен спас за Борусија би можел да биде дополнително место во елитното европско натпреварување за Бундеслигата. Италијанските клубови според коефициентот веќе обезбедија пет претставници во Лигата на шампионите, а германските клубови се на добар пат да го сторат истото. ПСЖ има лоша традиција, во дуелите со германските екипи. „Светците“ во овој меч влегуваат со обезбедена нова титула во шампионатот на Франција. Иако одиграа 3:3 со Авр, сепак, поразот на Монако од Лион и математички на парижаните им ја обезбеди титулата. Но, она што може да го загрижи шпанскиот стручњак, Луис Енрике е „скорот“ на ПСЖ во дуелите со екипите од Германија. Имено, на последните седум натпревари францускиот тим забележа само еден триумф, два нерешени исходи и дури четири порази. Дали Борусија и ПСЖ се подготвени да понудат возбудувања како што беше вчерашното меѓу Баерн и Реал, останува да видиме. Дуелот во Дортмунд ќе почне во стандардниот термин од 21 часот. ⚽️ 𝐉𝐎𝐔𝐑 𝐃𝐄 𝐌𝐀𝐓𝐂𝐇 ⚽️🆚 Borussia Dortmund🏆 @ChampionsLeague 🏟️ BVB Stadion Dortmund📱 #BVBPSG⌚️ 21h CEST🔴 #AllezParis 🔵 pic.twitter.com/4IG99FuNQT— Paris Saint-Germain (@PSG_inside) May 1, 2024...

Во машката ракометна Супер лига денеска ќе се одиграат три натпревари од 12-тото коло. Два натпревари на програмата се во плејоф, односно еден во плејаут конкуренцијата. Вниманието ќе биде насочено кон дуелот во Битола, каде шампионот Еурофарм Пелистер го пречекува кавадаречки Тиквеш. Со победа, битолчани ќе бидат чекор поблиску до одбрана на шампионската титула, па мирно ќе може да го следат утрешното дерби. А, тоа ќе се одигра во СЦ „Јане Сандански“ каде ривалот на пелистерци, Вардар ќе го дочека вицепрвакот и трето пласиран на табелата Алкалоид. По оваа рунда следуваа пауза поради репрезентативниот настап на машката селекција во баражот за Мундијалот со Фарските Острови. Последните две рунди ќе се играат по завршницата на Купот на Македонија закажана од 16 до 19 мај во Скопје. СУПЕР ЛИГА МАЖИ – ПЛЕЈОФ – 12.КОЛО01.мај – среда18:00 БУТЕЛ – СТРУГА19:00 ЕУРОФАРМ ПЕЛИСТЕР – ТИКВЕШ02.мај – четврток18:00 ВАРДАР – АЛКАЛОИД19:00 ОХРИД – ПРОЛЕТ 62 ТАБЕЛА: Еурофарм Пелистер 32 бодови, Вардар 30, Алкалоид 27, Охрид 23, Тиквеш 19, Бутел 7, Пролет 6 и Струга 0. СУПЕР ЛИГА МАЖИ – ПЛЕЈАУТ – 12.КОЛО01.мај – среда15:30 СКОПЈЕ – ЕУРОФАРМ ПЕЛИСТЕР 204.мај – сабота18:30 ПРИЛЕП – КУМАНОВО09.мај – четврток17:00 ГОЛДЕН АРТ КЛ7 – ВАРДАР НЕГОТИНО ТАБЕЛА: Куманово 29 бодови, Е. Пелистер 27, Прилеп 27, Вардар Неготино 21, Мулти Есенс 17, Голден Арт 13, Скопје 6....

Празничната спортска првомајска понуда денеска ќе биде збогатена со натпреварите во Првата македонска фудбалска лига. На програмата се делите од 30-тото коло. На четири рунди до крајот на сезоната се разгорува битката, како за шампионскиот трофеј, така и за опстанок. Поразот во неделата на Струга Трим Лум го искористија ривалите за трофејот Шкупи и Шкендија, па сега трите тима се во три бодови разлика. Шампионот го чека тешко гостување во Кавадарци кај Тиквеш кој игра во одлична форма, а тоа го потврди и со пласманот во финалето на Купот. Второ пласираниот Шкупи оди на „мегдан“ кај Гостивар кој полека но сигурно си го осигура своето место во Првата лига и следната сезона. Во слична ситуација е и Шкендија која во Тетово ја пречекува струмичка Брера. Директни дуели во битката за опстанок ќе се играа во Штип и Ѓорче Петров. Последно пласираната Брегалница го пречекува Вардар, а Македонија е домаќин на Воска спорт. Бодови за мирни завршни три рунди ќе бркаат и фудбалерите на Работнички кои гостуваат во Кратово кај Силекс. Сите натпревари ќе почнат во терминот од 16 часот. ПРВА ЛИГА – 30.колосреда 1 мајТИКВЕШ – СТРУГА Т.Л.БРЕГАЛНИЦА – ВАРДАРГОСТИВАР – ШКУПИМАКЕДОНИЈА ЃП – ВОСКА СПОРТШКЕНДИЈА – БРЕРА СТРУМИЦАСИЛЕКС – РАБОТНИЧКИ Standings provided by Sofascore...

Четирите најдобри екипи од регуларниот дел на сезоната во Првата женската кошаркарска лига, останаа до самата заврница. Токму тие ќе се борат за влез во големото финале во разигрувањето за шампионскиот трофеј. А, бранителот Баскет Кам важи за фаворит за пехарот со кој би ја заокружиле сезоната со двојна „круна“, по успехот во Купот. Екипата од Македонска Каменица тоа треба прво да го потврди во полуфиналните дуели со Крива Паланка. Тоа е и првиот пар за полуфиналната серија што се игра во два добиени натпревари. Вториот го сочинуваат Вардар и Куманово Гризли. Полуфиналните серии почнуваат денеска, а натпреварите може да ги ГЛЕДАТЕ ВО ЖИВО ОВДЕ. ПЛЕЈОФ ПРВА ЛИГА (ЖЕНИ) – ПОЛУФИНАЛЕ (прв натпревар)17.00 БАСКЕТ КАМ – КРИВА ПАЛАНКА18.30 ВАРДАР – КУМАНОВО ГРИЗЛИ КОШАРКА | ПЛЕЈОФ (ЖЕНИ)...

Спектакуларен натпревар одиграа Баерн и Реал во првиот полуфинален дуел од Лигата на шампионите. Четири постигнати голови, многу шанси и без победни (2-2) заврши натпреварот на двата европски гиганти. Домаќините беа многу поофанзивни во текот на целиот натпревар. Имаа Баварците две големи шанси во првите пет минути. Уште на самиот старт односно во првата минута се обиде Лерој Сане, но голман на Реал, Лунин успеа да го одбрани. Во петата минута се закани и Хари Кејн, но украинскиот голман повторно беше поуспешен од напаѓачот на Баерн. Иако Баварците постојано притискаа кон голот на Реал, казната стигна на спротивната страна. Во 23.минута, по брзата контра и одличното додавање на Тони Крос, Винициус му донесе предност на Реал од 1-0. Домашниот тим во продолжението се обидуваше да стигне до израмнување, но сета тоа беше јалово. На полувреме „кралскиот тим“ замина со минимална предност. Во вториот дел, Баерн набрзина постигна два гола. Сане во 53-тата го израмни резултатот. Три минути подоцна, Лукас Васкез направи прекршок за најстрога казана. Хари Кејн беше сигурен реализатор на пеналот за водство на Баерн од 2-1. Германскиот тим не престана со притисокот по голот на Реал. Се обидоа Кејн и Дајер, но нивните обиди (65 и 66.минута) беа не прецизни. Голема шанса за израмнување имаше Винициус. Во 78-та минута изби сам пред Нореј, биеше од косо, но само во добро поставениот голман на домаќините. Но, само три минути подоцна беше досуден пенал за мадриѓаните. Во казнениот простор беше соборен Родриго, од Ким Минјае . Одговорноста ја презеде Бразилецот, Винициус кој беше прецизен и израмни на 2-2. Овој резултат, но пред се играта што ја демонстрираа двата тима, ветува уште поголеми возбудувања на реваншот. А, тој ќе се игра на „Сантијаго Бернабеу“ во Мадрид ќе се игра на 8 мај....

Шампионот МЗТ Скопје Аеродром со победа ја почна полуфиналната серија од плејофот со ТФТ. Сино-белите во неизвесен дуел славеа во првиот меч со 79-77 и поведоа со 1:0 во победи во серијата подобар до три. Неизвесен натпревар одиграа МЗТ и ТФТ во „Јане Сандански“. Ниту еден од тимовите не успеа да создаде двоцифрена предност. МЗТ во неколку наврати беше блиску до тоа и најмногу водеше со +8. Аеродромци ги добија првите две четвртини (22-18 и 19-17) и на паузата заминаа со +6 (41-35). Имаше осум разлика МЗТ во третиот период, но предводени од Ташовски гостите успеаја да израмнат на 55-55. Во последната четвртина се играше кош за кош. Двата тима се менуваа во водство се до самиот финиш. Со тројката на Војдан Стојановски, шампонот поведе до 77-74. Имаа напад за израмнување гостите на 10,4 секунди до крајот, но Калун направи фаул во напад. Делалиќ погоди две слободни фрлања на 8,3 секунди до крајот и практично го реши победникот. МЗТ Славеше со конечни 79-77. Во победничката екипа, најефикасен беше Војдан Стојановски со 16 поени, додека по 15 постигнаа Дамјан Стојановски, Делалиќ и Танасковиќ. Кај поразениот тим, воедно и на натпреварот, прв стрелец беше Виктор Ташковски со 24 поени. За МЗТ претстои обврската во АБА2 лигата, реванш полуфиналниот дуел со Спартак, Суботица закажана за во сабота. Затоа најверојатно вториот натпревар меѓу МЗТ и ТФТ ќе се игра во текот на следната седмица, повторно во „Јане Сандански“....

Екипата на предводена од поранешниот македонски селектор Марин Докузовски, МКК Куманово и официјално следната сезона ќе игра во Првата лига. Кумановци ка продолжија победничката низа, откако попладнево го добија реванш полуфиналниот дуел со Ангели. МКК Куманово славеше со 71-56 и со 2:0 во победи ја затвори серијата. Со тоа обезбеди пласман во финалето, а со тоа и прволигашки статус. Екипата на Ангели не можеше да се надеваат на изненадување, особено што на претходниот и овој меч настапи без четворица клучни кошаркари. Сепак во првата четвртина со мал број на поени, домашниот состав подобро го отвори натпреварот. Првото водство гостите го имаа во осмата минута 9-11, а периодот го добија со 13-17. До крајот на полувремето Куманово создаде двоцифрена предност (26-39). Знаеше како искусниот тим предводен од Докузовски да го одработи вториот дел и на крај да стигне до посакуваната победа со конечни 71-56. Кој ќе биде вториот финалист во Втората лига, а со тоа и нов прволигаш ќе дознаеме по дуелот меѓу Маџари и Шкупи. Во реваншот закажан за утревечер (20 часот) екипата од Чаир влегува со предност од 1:0 во победи. Нов триумф ќе го промовира Шкупи во нов член на Првата лига, следната сезона....

Екипата на Чаир во дербито на колото го пречека тимот на Куманово. Чаирчанки се измачија, но го совладаа Куманово со 30:28. Куманово на почекате успеа да поведе со 3:1. Чаир брзо стигна до израмнување на 4:4. Домаќинките во 19-тата минута успеаја за прв пат да поведат со 9:8. Куманово со серија од 3-0 успеа да израмни, а потоа и да поведе со 12:11. Гостинската екипа успешно ја одржуваше оваа предност до крајот на полувремето. На пауза заминаа со позитива од еден гол 15:14. Во второто полувреме Чаир во 33-та минута израмни на 16:16. Во наредните десет минути се играше гол за гол. Кумановки во 42-та минута успеаја да поведе со 22:20, но Чаир брзо израмни на 22:22. Двете екипи не успеваа да создадат предност па резултатот постојано беше израмнет се до 51-та минута. Тогаш Чаир успеа да создаде предност од два гола (27:25). Таа разлика чаирчанки успешно ја одржува аи на крајот славеа со конечни 30:28. Најдобар стрелец од Чаир беше Ѓеоргиевска Стефанија со осум погодоци, додека од Куманово Богојеска и Зечевиќ дадоа по шест гола. Ивона Кимовска...

Денеска во јавноста излезе информацијата дека Јавното обвинителство покренало обвинение за 12 лица, за злоупотреба со така-наречениот „Спортски ваучер“. Меѓу обвинетите се, актуелниот директот на Агенцијата за млади и спорт, Наумче Мојсовски, неговиот претходник Дарко Каевски и претседателот на МОК, Даниел Димевски. Првиот човек на македонскиот олимпизам Димевски излезе со своја реакција, која ви ја пренесуваме интегрално. „До средствата за јавно информирање Почитувани, Денеска сум информиран дека од страна на обвинителката Лидија Раичевиќ е поднесен обвинителен предлог против мене за наводно несовесно вршење на службата во својство на член на Централната комисија за ваучери во 2020 година. За мене очекуван чин кој е круна на напорите на гореспоменатата обвинителка која истовремено отвори истрага и за одржаното Изборно Собрание на МОК како што и пројави посебен интерес за неколку останати спортови со посебен афинитет кон пливањето. Со големо задоволство ќе соработувам со судот каде мора да дојдеме до вистинските заклучоци и при тоа да не оставиме простор за понатамошни шпекулации и инсинуации. На крај, моето совесно или несовесно работење е константно на увид и оценка на спортските федерации, клубови и спортисти кои најдобро знаат колку мерката ваучер и јас лично сум им помогнал во секоја прилика без исклучок. Затоа веројатно и ја уживам нивната безрезервна поддршка сето ова време. Воедно сакам да информирам дека од Советот на јавни обвинители побарав да биде оценето постапувањето на обвинителката со детално образложение за непримерниот и непрофесионален однос спротивен на кодексот на обвинителската функција. Даниел Димевски“...

Најдобрата македонска тенисерка Лина Ѓорческа со триумф го почна настапот на ВТА 125 турнирот во Леида, Шпанија. Таа во 1.коло ја совлада домашната тенисерка Карлота Мартинез Сирез (254.место ВТА) со 2-1 во сетови. Мечот што траеше два часа и 9 минути по сетови заврши со 3:6, 7:5 и 6:1 за Ѓорческа. Во првиот сет по двата освоени гема на свој сервис, тенисерките направија по еден брејк за 2:2. Следниот брејк беше во осмиот гем кога Мартинез Сирез поведе со 5:3 во гемови. По искористената втора сет топка го освои првиот сет и поведе со 1:0. Вториот сет беше посебен. Во првите осум гема ниту една од тенисерките не освои гем на свој сервис и резултатот беше 4:4. И тука беше најава на пресвртот за македонската тенисерка. Деветиот и 11.тиот гем во вториот сет на свој сервис ги освојува без загубен поен, притоа во 10.тиот гем не ја искористи првата сет топка, но тоа го направи во 12.тиот гем кога ја реализираше четвртата сет топка. Сетот Ѓорческа го доби со 7:5 во гемови и изедначи на 1:1. Во решавачкиот сет македонската тенисерка беше убедлива и по 1:1, направи серија од 4-0 за конечен триумф и добиен сет со 6:1 во гемови, а во мечот 2-1 во сетови. Во второто коло Ѓорческа ќе игра со победничката од мечот меѓу втората носителка Катарина Синиакова од Чешка (40.место на ВТА листа) и Алисија Паркс од САД. Инаку, прва носителка на турнирот е Ема Наваро од Шпанија која е рангирана на 23.то место на ВТА листата....

Мајската ЕХФ репрезентативна недела, младите македонски ракометарки ќе ја искористат за подготвителни натпревари. Младинската селекција, ракометари до 20 години ќе одигра два натпревари против селекцијата на Словенија, во градот Зрече. Селекторот Радослав Стојановиќ денеска гои објави списокот на кој се 17 ракометари, на кои ќе смета за овој двомеч. Натпреварите ќе се играат на 10 и 11 мај (петок и сабота) во термините од 18 часот односно 10:30 часот. Собирот е закажан за 7 мај (вторник) во 09:30 часот во СЦ „Борис Трајковски“ во Скопје. Младинците летово ги очекува настап на Европското првенство што ќе се игра токму во Словенија. РАКОМЕТ | ЕП У20...

Екипата на МКК Куманово предводена од поранешниот македонски селектор Марин Докузовски е пред промоција во нов член на Првата лига. Кумановци кои во второлигашката конкуренција сезонава немаат ниту еден пораз, попладнево ќе го одиграат вториот полуфинален дуел од плејофот. Тие гостуваат во Скопје, кај екипата на Ангели и важат за апсолутен фаворит во овој меч. Убедливата победа во првиот натпревар, како и максималниот ефект досега, со право им ја дава таа улога. Доколку истата ја потврдат, кошаркарите на МКК Куманово ќе се пласираат во финалето. Тоа пак, според системот на натпреварување значи и пласман во Првата лига следната сезона. Денешниот дуел во салата „Независна Македонија“ во Кисела Вода ќе почне во 19 часот. Утре (20 часот) пак својот реванш полуфинален натпревар ќе го играат екипите на Маџари и Шкупи. Во него тимот од скопски Чаир влегува со предност од 1:0 во победи во серијата што се игра во два добиени натпревари. Натпреварите може да ги ГЛЕДАТЕ ВО ЖИВО ОВДЕ (линк)...

Откако ја загубија титулата во Бундес лигата, беа елиминирани ви во Купот, фудбалерите на Баерн Минхен сезоната ќе ја спасуваат во Лигата на шампионите. Ова меѓу останатото го потврди тренерот на Баварците, Томас Тухел кој изјави дека целта е пласман во финалето. „Сакаме да стигнеме до финалето на Лигата на шампионите. Направивме еден чекор против Арсенал и сега е време да го направиме следниот против Реал. Сакаме да бидеме конкурентни во полуфиналето, а потоа да се мислиме на “Вембли“. Тоа нема да ни помогне да ги вратиме бодовите од другите натпреварувања, но планираме да играме во финалето на Лигата на шампионите“, изјави Тухел на прес-конференцијата. Тој додаде дека на натпреварот очекува голема поддршка од навивачите. „Ни треба одлична атмосфера. Сакаме навивачите да бидат дел од играта и да ни даваат поддршка, особено во тешките моменти. Треба да создадеме атмосфера што ќе ни помогне да победиме “, додаде тренерот на Баерн. Задачата на Баерн ќе биде исклучително тешка. Против себе ќе го имаат најтрофејниот тим во Лигата на шампионите, мадридски Реал....

Кога ќе се спомене Реал Мадрид тоа веднаш асоцира на најтрофејниот клуб во елитната Лига на шампиони. Популарните „кралеви“ се на два чекори од ново финале. Но, за да го сторат тоа ќе треба да го минат минхенски Баерн. Тренерот на Реал, Карло Анчелоти верува дека неговиот тим може да обезбеди натпревар на „Вембли“ каде ќе се игра годинашното финале. „Имаме голема самодоверба, но и почит кон Баерн. Тие немаат одлична сезона во Бундеслигата, но одиграа спектакуларен двомеч против Арсенал. Баерн е силен тим во Европа. Мора да ја земеме предвид историјата на клубовите во Лигата на шампионите, тоа исто нешто значи“, изјави Анчелоти. Многумина не веруваа дека „кралевите“ можат до самата завршница, но, Анчелоти не се согласува со тоа. „Реал никогаш не смее да биде потценет во ова натпреварување. Секој знае што може да направи. Чувствуваме голема почит која доаѓа од сите во конкуренцијата. Полни сме самодоверба, но играме против силен противник. Првенствено среќни сме што сме тука. Ретко кој веруваше дека ќе ја одржам оваа прес-конференција, но успеавме. А, се надеваме дека повторно ќе играме финале“, нагласи италијанскиот стратег на „кормилото“ на Реал. Дуелот меѓу Баер и Реал што ќе се игра во Минхен ќе почне во стандардниот термин од 21 часот....

Обврските на актуелниот шампион МЗТ Скопје Аеродром во АБА2 лигата, беа причината за пролонгиран полуфиналната серија од плејофот во домашното првенство. Екипите на МЗТ Скопје и ТФТ попладнево ќе го одиграат првиот натпревар од оваа рунда. Аеродромци во овој дуел влегуваат како фаворити, не само поради тоа што се шампиони, туку и поради меѓусебните дуели сезонава. Во трите одиграни, сино-белите забележаа исто толку победи. Две од нив во првенството и онаа во АБА2 лигата. Единствен дуел во кој ТФТ парираше беше вториот првенствен одигран во СЦ „Кале“. Сепак, тимот од скопската населба Тафталиџе имаше повеќе време да одмори и да се подготви за денешниот дуел. За аеродромци овој меч доаѓа меѓу двата исклучително важни дуели со Спартак Суботица во полуфиналето на АБА2 лигата. Ќе го искористат ли тоа избраниците на Боро Смилковски да направат брејк на стартот на серијата што се игра во три добиени натпревари останува да видиме. Првиот (денешниот) од двата дуели што ќе се играта во „Јане Сандански“ ќе почне во 19 часот....

Баерн Минхен или Реал Мадрид е првиот полуфинален дуел во Лигата на Шампионите. Овој двомеч значи фудбалско шоу и празник за фановите, а за екипите значи заверка за финале. Не е тајна дека Баерн Минхен не игра во добра форма. Баварците по 11 години останаа без трофеј во домашното првенство. Последен пат кога Баерн Минхен не освоил никаков трофеј на домашната сцена е во далечната 2008/09 сезона. Хари Кејн е единствениот мотивиран играч на Баерн Минхен. Не е тајна дека Томас Тухел ќе ја напушти баварската клупа. Сепак, Тухел во минатото има покажано дека знае како да триумфира над Реал Мадрид и ќе сака тоа да го покаже и овој пат пред неговото збогум од Баерн Минхен. Реал Мадрид пак игра сезона за неверување. На почетокот од сезоната Реал Мадрид го напушти легендарниот Карим Бензема, пред отворањето на истата лигаменти скина Тибо Куртоа. На првиот натпревар од сезоната од истата повреда настрада Едер Милитао, а малку подоцна Давид Алаба ја претрпе истата повреда. Без класичен напаѓач, безброј повреди и неубедлива игра на старото од сезоната, фановите на Реал немаа премногу надеж за оваа сезона. Но, еве сме пред крајот на сезоната. Реал Мадрид има 11 бода предност на 5 кола до крај во Ла Лига, го освои шпанскиот Супер Куп. Во целата сезона „кралевите“ се поразени само на 2 натпревари и тоа од истиот противник и на истото место, на „Ванда Метрополитано” од Атлетико Мадрид. Фановите на Реал добија нов идол во Англичанецот, Џуд Белингам и нови херои како што се Андриј Луњин и Феде Валверде кој веќе некое време игра извонредно. Реал Мадрид на хартија ги има сите компоненти за да го нападне трофејот во Лигата на Шампионите. Тоа би бил 15-ти за „кралскиот“ тим, но имаат тешка пречка на патот до тоа. Екипата на Баерн Минхен која иако не игра на препознатливо ниво е голема екипа, а големите екипи секогаш играат вакво натпреварувања. Реал и Баерн по елиминацијата на водечките англиски екипи, Манчестер Сити и Арсенал, во полуфиналето ќе бараат карта за Лондон и за „Вембли”. Првиот натпревар што ќе се игра вечерва од 21 часот, треба да донесе голема возбуда. Реваншот е закажан за 8-ми мај во Мадрид....

Двете најдобри екипи од регуларниот дел на сезоната во Западната конференција Оклахома и Денвер обезбедија полуфинале во плејофот. Актуелниот шампион со 4:1 во победи го мина ЛА Лејкерс, откако ноќеска пред своите навивачи славеше со 108:106. Дуелот беше решен во самата заврница, Џамал ​​Мареј беше човекот на одлука. Тој погоди тројка на минута пред крајот и шампионот поведе со106-104. Леброн Џејмс израмни од линијата за слободни фрлања на 26 секунди пред крајот. Мареј повторно погоди за водство на четири секунди пред крајот. Обидот на Тауреан Пренс со звукот сирената беше неуспешен. Мареј го заврши натпреварот со 32 поени и седум асистенции, Мајкл Портер додаде 26 поени, а Никола Јокиќ 25 поени, 20 скока и девет асистенции. Кај Лејкерси Џејмс постигна 30 поени со девет скока и 11 асистенции, а Остин Ривс додаде 19 поени. Во полуфиналето Денвер за противник ќе ја има Минесота која со 4:0 во победи го мина Феникс. Оклахома Сити го победи Њу Орлеанс со 4:0 и се пласираше во следната рунда. На гостувањето „Тандерс“ славеа со 97:89 и многу полесно од очекуваното ја завршија серијата. По 24 поени во победничката екипа постигнаа Џејлен Вилијамс (и осум скока) и Шаи Џилиеус-Александер (и десет скокови). Оклахома ќе го чека исходот од дуелот меѓу Далас и ЛА Клиперс каде резултатот е 2:2 во победи. На една победа до полуфинале во источната конференција е и Бостон. „Селтикси“ го „демолираа“ Мајами пред нивната публика со 102:88. Дерик Вајт го одигра најдобриот натпревар во кариерата и постигна 38 поени (8/15 тројки), додека Џејсон Тејтум додаде 20 поени и 11 скока. Кај домаќините Бам Адебајо заврши со 25 поени и 17 скока, а Тајлер Херо со 19 поени....

Екипата на Барселона се изнамачи да го совлада „десеткуваниот“ состав на Валенсија. Барса ја искористи бројчаната предност на теренот и со хет-трикот на Роберт Левандовски славеше со 4-2. Домаќините поведоа во 22.минута со голот на Фирмин Лопез, а по акцијата на Рафиња. Но радоста на навивачите на Барса не траеше долго. Само пет минути подоцна (27) Духо, го искористи поклонот од Терштеген кој направи кардинална грешка и израмни на 1-1. Веќе во 38.минута Пепелу од пенал и донесе водство на Валенсија од 1-2. Гостите во судиското дополнение на првото полувреме останаа без играч помалку. Голманот на Мамардашвили, играше со рака надвор од казнениот простор во ситуација кога заработи Јамал беше во гол ситуација. Грузиецот заработи директен црвен картон. По четири минути игра во вториот дел, а по корнерот на Гундоган од левата страна, Левандовски ја затресе мрежата на Валенсија за изранување на 2-2. Избраниците на Чави се обидуваа со сите сили да дојдат до ново водство. По неколкуте шанси, повторно Левандовски најдобро се снајде по корнерот во 82-та минута. И кога сите очекуваа дека со тој резултат ќе заври натпреварот, Пољакот повторно стапи на сцена. Течеше третата минута од судиското дополнение кога Левандовски од слободен удар постигна еврогол и го комплетира својот хет-трик, за конечни 4-2 за Барса. Со овој триумф Барселона се врати на второто место на табелата со бод повеќе од трето пласираната Џирона. Водечкиот Реал Мадрид има дури 9 бодови повеќе од Барса....

До крајот на сезоната во машката ракометна Супер лига остануваат уште три кола. Веќе во среда и четврток ќе се играат дуелите од 12-тото во плејоф конкуренцијата. Потоа ќе следи репрезентативната пауза. Дербито од дванаесеттата рунда на програмата е во четврток (2 мај) кога во „Јане Сандански“ ќе играат Вардар и Алкалоид. Ова е еден можеби еден од последните решавачки натпревари, кога во прашање е шампионскиот трофеј. Секако, тоа најмногу ќе зависи од актуелност шампион Еурофарм Пелистер кој во моментов има два бода повеќе од вардарци, а дури пет од Алкалоид. Од таборот на црвено-црните информираа дека за дербито во четврток пуштени се во продажба картите. Цената на влезниците е 200 и 250 денари, а може да се купат онлајн на https://www.kupikartizase.com/Events/vardar_alkaloid. Продажба на картите за натпреварот ќе има и на билетарницата пред СЦ „Јане Сандански“.Работното време на билетарницата ќе биде во четврток (2 мај) од 15 до почеток на натпреварот, закажан за 18 часот....

Машката македонска ракометна репрезентација на Македонија ја очекува двомеч со Фарските Острови преки кои црвено-жолтите „бркаат“ настап на Светското првенство 2025-та. Откако пред само три дена селекторот Кирил Лазаров објави список со 36-мина ракометари, денеска тој е скратен на 20-мина. Имајќи во предвид дека во среда и четврток ќе се играат натпревари во Супер лигата, Лазаров, дополнително на списокот стави и седуммина резервни ракометари. Првата прозивка Лазаров ќе ја направи на 3 мај (петок) во 16.30 часот во хотел „Александар Палас“ во Скопје. Првиот натпревар против Фарските Острови македонските ракометари ќе го играат на гостински терен. Дуелот во Торшавн е закажан за 8 мај (среда) со почеток во 20 часот. Реваншот ќе се игра на 12 мај (недела) во СЦ „Борис Трајковски” со почеток во 19 часот. Картите за овој натпревар се одамна пуштени во продажба. РАКОМЕТ | МАКЕДОНИЈА – ФАРСКИ ОСТРОВИ СЕ ЗА ДУЕЛОТ МАКЕДОНИЈА – ФАРСКИ ОСТРОВИ...

Македонската одбојкарска репрезентација ја очекува уште едно долго жешко лето. Нашите одбојкари ќе играат „бркаат“ нов настап на Европските шампионати. Како и лани и годинава, формата ќе се темпира преку настапот во Европската Златна лига. Новиот селектор Хари Наковски првата прозивка ќе ја има на 2 мај, во Струмица. Александар Љафтов, кој побара одмор и ќе се приклучи во јули кога ќе почнат подготовките за евро-квалификациите. Филип Деспотовски нема да биде во селекцијата бидејќи ја заврши својата кариера. Нови играчи се Михајло Мирасчиев од Штип УГД и Кристијан Илиев од Струмица. Во стручниот штаб ново име е асистентот Кристијан Ристески, а остануваа скаутот Павле Матиќ и кондицискиот тренер Горан Панковиќ, кои работеа и лани. За 8 мај е предвиоден пријателски натпревари со Романија на гостински терен. Потоа репрезентацијата ќе се вратат во салата „Парк“ во Струмица каде ќе тренираат до почетокот на Европската златна лига на 17-ти. На првиот турнир Македонија ќе биде домаќини на Чешка и на Естонија. Следните два се во Белгија и во Хрватска. За разлика од досегашните изданија, ова натпреварување сега ќе претрпи промени. Во август се два од четирите натпревари во квалификациите за ЕП 2026. Акцентот ќе биде ставен токму на нив, затоа што преку Грузија и Грција, Македонија бара шанса за четврти континентален собир по ред. Хари Наковски ќе го наследи професорот Миленковски на чело на одбојкарската репрезентација на Македонија ЗЛАТНА ЛИГА – ОДБОЈКА (МАЖИ)...

Машката одбојкарска репрезентација на Македонија, се враќа на меѓународната сцена. По ланскиот успешен настап на Европскиот шампионат, нашите најдобри одбојкари во мај месец ги очекува настап во Европската злата лига. Тоа ќе биде второ учество на Македонија во оваа конкуренција, во која лани дебитираа како вовед во Европското првенство. Хари Наковски ќе биде наследник на Јошко Миленковски на селекторското место на нашата најдобра одбојкарска репрезентација. „Сакам да упатам благодарност до ОФМ, голема чест е да се наследи и да се работи со Јошко како наше најголемо тренерско име. Се надевам дека со добро здравје и со добра работа ќе ја исполниме целта“, е првиот коментар на Наковски, кој минатата година му беше асистент на Миленковски. Професорот останува во националниот тим, но сега како советник, а неговото искуство ќе го пренесе и со едукацијата која е важна за новите генерации македонски одбојкарски тренери. „Оваа сала, овој хотел, ова место, буди големи спомени, тука ги ковавме нашите резултати на последното ЕП. Тоа беше најубавиот дел од мојата тренерска кариера и сега веќе можам слободно да размислувам за тренерска пензија. Мене ми е време полека да се повлекувам, а со големо задоволство ја предавам палката на Хари, тренер којшто ми помогна мене како селектор и на сите играчи да го дадеме најдоброто. Верувам дека Хари со своите помошници и со моја помош, сега од еден друг агол во насока на логистика, совет, поддршка итн. ќе биде успешен, а јас на тој начин ќе бидам дел од нашиот следен успех“, Миленковски ја објаснува својата улога во репрезентацијата. Македонија во новото издание на Златната лига ќе одигра шест натпревари во групната фаза, во која противници ќе ги има селекциите на: Естонија, Чешка, Белгија, Азербејџан, Шпанија и Хрватска. ЗЛАТНА ЛИГА – ОДБОЈКА (МАЖИ)...

Екипата на Минесота е првата која обезбеди пласман во конференциското полуфинале во НБА плејофот. „Томбервулфс“ со чисти 4-0 во победи го минаа тимот на Фенис славејќи по втор пат на теренот на противникот со 122-116. Ентони Едвардс повторно беше одличен со 40 поени, 9 скока и 6 асистенции, Карл-Ентони Таунс додаде 28 поени и 10 скока. На „Санс“ не им помогнаа ниту 49-те поени на Девин Букер како и Кевин Дурент кој натпреварот го заврши со 33 поени и 9 скока. Ова е прв пат по 20 години Минесота да добие една серија во плејофот. Тоа последен пат го сторија во 2004-тата кога стигнаа до конференциското финале во кое беа поразени од ЛА Лејкерс. На чекор до полуфинале, но на истокот, е и екипата на Индијана. На домашен паркет во Индијанаполис, „Пејсерси“ победија со 126:113 и поведоа со 3-1 во победи против Милвоки. Мајлс Тарнер со 29 поени и девет скока и Тајрис Халибартон со 24 поени беа водечките играчи во победничката екипа. Во отсуство на првите ѕвезди на „Бакс“ Лилард и Антетокумпо кои не играа поради повреди, прв стрелец кај поразениот тим беше Брук Лопез со 24 поени. До првото конференциско полуфинале по 10 година Индијана ја дели една победа. Шанса за тоа ќе има на гостински терен веќе во среда наутро (3.30 часот) ....

Tренерот на Оклахома Сити Тандер, Марк Дегнолт е прогласен за тренер на годината во НБА, во изборот на спортските новинари. На 39-годишна возраст, Дегнолт е во својата четврта сезона на чело на Тандер, кои ги предводеше до врвот на Западната конференција со „скор“ од 57-25 во регуларниот дел од сезоната. Оклахома за прв пат по четири години обезбеди и настап во плејофот во кој е на чекор од конференциското полуфинале. Дегнолт со својот тим има предност од 3-0 во победи против Њу Орлеанс Пеликанс и го дечи само учте едне триумф од полуфиналето....

Денес се одигра завршниот турнир од женската ракометна пионерска лига. На „фајнал-фор“ турнирот учесници беа екипите на Вардар, Ѓорче Петров, Стружанка и Делчево. Екипата на Ѓорче Петров е новиот освојувач на трофејот во пионерската лига. Ѓорче во финалето за противник го имаше тимот на Стружанка. Ѓорче Петров уште на почетокот на натпреварот влезе мотивирано и успеа да создаде предност која ја одржуваше во текот на натпреварот. Тие на полувреме имаа предност од +2 (7:5). Во втората половина Ѓорче одигра многу поквалитетно па така и без проблем успеа да стигне до триумф со максимални 22:16. Ѓорче во полуфиналето го совлада Делчево со 25:18, додека Стружанка одигра доста тежок натпревар со Вардар и оствари минимална победа од 22:21. Третото место го освои тимот на Вардар откако го совлада тимот на Делчево со 30:26. Ивона Кимовска...

Екипата на Рајо Ваљекано за која настапува македонскиот репрезентативен голман Столе Димитриевски претрпе пораз на гостувањето кај Виљареал. Но натпревар од 30.коло популарната „жолта подморница“ славеше со убедливо 3-0. Домаќините поведоа во 18.минута со голот на Сорлот, кој уште еднаш го совлада Димитриевски во 30-тата, но тој гол беше поништен поради офсајд. Во вториот дел во листата на стрелци се запишаа Москера (69) и Сорлот уште еднаш (74) за конечни 3-0 за Виљареал. Ова беше 13-ти пораз сезонава за Рајо Ваљекано со пок останува на 15-место на табелата. Сепак, Рајо има осум бодови повеќе од 18-тиот Кадиз кој е во зоната за испаѓање....

Екипата на Трабзонспорт забележа победа со пресврт над Газиентеп со 4-2. Капитенот на македонската репрезентација Енис Барди беше стрелец на израмнувачкиот гол. Откако гостите имаа предност од 0-2, а Нигериецот, Пол Онуачу намали на 1-2, Барди на ефектен начин во 65.минута израмни на 2-2. Нигерискиот интернационалец во продолжението уште два пати се впиша во листата на стрелци за триумф на Трабзонспорт со 4-2. Со оваа победа и новите бодови, а вкупно 58, Трабзонсор се зацврсти на третото место на табелата и чекори кон пласман во Лигата на Европа....

Екипата на Аталанта славеше победа со 2:0 на дуелот против Емполи, а Наполи и Рома одиграа „мирољубиво“ 2:2. Аталанта рутински си ја заврши работата на натпреварот со Емполи. Головите ги постигнаа Пашалиќ од пенал во 42.та минута и Лукман во 51.та минута. Дербито на колото меѓу Наполи и Рома заврши со нерешен резултат. Рома прва поведе со голот на Дибала од пенал во 59.та минута. Наполи направи резултатски пресврт во 65.та и 84.та минута. На 1:1 изедначи Оливиера, а за 2:1 од пенал стрелаше Осимен. Конечните 2:2 ги постави Абрахам во 89.та минута. Аталанта се наоѓа на 6.та позиција која води во Лига Европа со 57 бода, додека Емполи се на 17.та позиција до 32 бод. Рома се наоѓа на последната позиција која носи Лига на шампиони односно на 5-та позиција со 59 бода, а стариот италијански шампион Наполи се 8.место со 50 бода....

Манчестер Сити обезбеди нова победа на гостински терен против екипата на Нотингем Форест со 2:0. Арсенал пак, го совлада Тотенхем во лондонското дерби со 3:2 и останува прв во Премиер лигата со бод повеќе од Сити, но „граѓаните“ имаат и натпревар помалку. Резултатот го отвори Јошко Гвардиол во 32-та минута, по одлично изведениот корнер на Кевин Де Брујне за 1:0. Во продолжението, избраниците на Пеп Гвардиола ја имаа иницијативата и мирно се обидуваа да го затворат натпреварот. Нововлезениот Ерлинг Халанд во 71-та минута зголеми на 2:0, а Де Брујне запиша нова асистенција на натпреварот. Натпреварот заврши 2:0. „Граѓаните“ се на втората позиција со 79 освоени бодови, еден помалку од првопласираниот Арсенал, но Сити имаат и еден натпревар помалку....

Во 22-то коло од женската Супер лига екипата на Вардар го пречека тимот на Стружанка. Црвено-црните лесно стигнаа до победата над Стружанка и тоа убедкиуво со 39:24. Вардарки уште на почетокот успеаја да направат предност од 7:1. Стружанка даде напор и во 12-тата минута успеа да намали на 9:5. Но, тоа беше се што сторија гостинките. Вардар постепено само ја зголемуваа предноста, па во 26-тата минута ја зголеми на +12 (19:7). На полувреме резултатот беше 21:10 за црвеноо-црните. Во втората половина домашната екипа продолжи со одличната игра. Вардарки со серија од 5-0 во 44-та минута успеаја да поведат со максимални 30:14. До крајот домашниот состав само ја одржуваа оваа предност, а крајниот резултат беше 39:24. Најдобар стрелец од победничката екипа беше Ивона Трпеска со седум гола, додека од Стружанка по шест погодоци дадоа Далипоска и Раткушиноска. Ивона Кимовска...

Голема битка претстои за шампионскиот трофеј во ПМФЛ. Ова особено по поразот на првакот Струга како и големата драма на Чаир во која Тиквеш од победник на крајот излезе како поразен тим. Екипата на Силекс приреди големо изненадување совладувајќи го шампионот Струга ТЛ со пресврт. Кратовци имаа два гола негатива откако Ибраими (23.минута) и Радевски (34) беа стрелци на головите за стружани. Но, Леоид Игњатов со два погодока (36 и 48.минута) успеа да го израмни резултатот, а Каланоски (52) да му донесе предност на Силекс од 3-2. Киксот на стружани го искористи Шкупи кој благодарение на двата гола Аворњо во финишот на натпреварот стигна до победа над Тиквеш со 3-1. Домашниот состав имаше предност по првиот дел со погодокот на Воша (39), но кавадарчани преку Спахиу (53 и 82) направија пресврт и поведоа со 1-2. Шкупи од пораз го спаси, а потоа и му донесе победа Аворњо со головите во 86-тата и деветтата минута од судиското дополнение (90+7) за конечни 3-2. Од триото што се бори за титулата, Шкендија освои полн плен совладувајќи го Гостивар со убедливи 4-1. Тетовци сега се на само три бодови помалку од Струга и Шкупи кои имаат по 58. Поразот на Брегалница на гостувањето кај Воска спорт, ги намалува шансите на штипскиот тим за опстанок. Тие како и Македонија ЃП имаат по 26 бодови и се на последните две позиции на табелата, а пред нов е Вардар со 29 кој пак денеска загуби во Струмица. ПРВА ЛИГА 29.КОЛОСТРУГА ТЛ – СИЛЕКС 2-3ШКУПИ – ТИКВЕШ 3-2ШКЕНДИЈА – ГОСТИВАР 4-1БРЕРА СТРУМИЦА – ВАРДАР 2-0РАБОТНИЧКИ – МАКЕДОНИЈА ЃП 1-1ВОСКА СПОРТ – БРЕГАЛНИЦА 4-0 Standings provided by Sofascore...

Екипата на Арсенал забележа победа во лондонското дерби против Тотенхем. Со конечни 3:2 Арсенал дојде до важен триумф во битката за титулата во Премиер Лигата. Првиот гол на мечот беше автоголот на Хојбјерг во 15-та минута. Арсенал зголемија на 2:0 во 27.минута со голот на Сака. Во 38-та минута Хаверц зголеми на 3:0. Во второто полувреме играта домаќините беа оние кои имаа повеќе од играта, но тоа не беше доволно за победа. По грешка на голманот Раја, Кути Ромеро намали на 3:1 во 64-та , а конечните 3:2 ги постави Сон од пенал во 87-та минута. Арсенал останува во трката за титулата во Премиер Лигата. „Топчиите” се на првата позиција со 80 бодови, а имаат четири повеќе од Манчестер Сити, но шампионот има одиграно два натпревари помалку. Тотенхем е на 5-та позиција со 60 бода....

Актуелниот шампион во Мото ГП, Фраческо Бањаја победи во трката за Големата награда на Шпанија. Италијанецот, имаше фантастичен настапи на патеката во Херез, и прв ја мина целната рамнина пред домашниот фаворит, Шпанецот, Марк Маркез. Дека Дукати има најдобри мотори сезонава потврди Марко Беѕеки кој го комплетира пиедесталот завршувајќи како трето пласира. Во Генералниот поредок лидер и натаму е Хорхе Мертин кој денеска не ја заврши трката, а зад него е Бањаја со 17 помалку. Следната трка во Мото ГП е на 12 мај кога ќе се вози француското Гранд-при....

Новиот италијански шампион Интер не дозволи никакво изненадување во дуелот со Торино. Интер пред своите симпатизери славеше победа со 2:0. Неро-азурите отпорот на противникот го скрши во вториот дел, откако Торино остана со играч помалку. Тамезе во 49.минута заработи директен црвен картон. Тоа го казни Чалханоглу со два гола, во 56-тата и 60-тата минута, вториот од пенал. За Интер ова беше 28-та победа сезонава, а Торино го претрпе десеттиот пораз. Со него Торино ја губи трката со конкурентите за настап на европската сцена, од која е оддалечен осум бодови колку што бега седмо пласираната Аталанта....

Во Белград денеска се одржа 37-то издание на атлетскиот маратон на кое учествува 2.000 натперварувачи. Победи Гилберт Киплинг Чумба од Етиопија. Тој маратонската делница од 42,195 км. ја истрча во време од 2:11.47, а потоа само падна. Заморот и силното темпо си го сторија своето па Чумба колабираше. Лекарските екипи веднаш му укажале помош, а потоа го ставија на носилка и беше изнесен од патеката....