Во чест на 59-те млади животи кои трагично згаснаа во пожарот во Кочани, се предлага изградба на меморијален парк од 1.600 квадратни метри — тивок и достоинствен простор што ќе го чува нивното сеќавање и ќе понуди духовен мир за сите посетители.Проектот опфаќа садење на високи тополи кои ќе создаваат чувство на заштита и интимност, како и меморијален ѕид со имињата на загинатите — траен потсетник на нивната жртва. Во средината на паркот ќе биде поставена фонтана, симбол на животот и обновата, а во близина ќе има мала црква, која ќе внесе духовна димензија и ќе биде место за молитва и смиреност.Паркот ќе биде облагороден со зеленило, лаванда и други природни елементи, создавајќи мирна и медитативна атмосфера. Целта е овој простор да биде место каде што сеќавањето и тагата ќе се претвораат во надеж и сила, потсетувајќи на достоинството и сплотеноста на заедницата.„Како граѓанин на Кочани чувствувам обврска да дадам свој придонес за ова место никогаш да не биде заборавено. Верувам дека ваков парк ќе ја одржи живата меморија за нашите сограѓани и ќе биде симбол на достоинството на целата заедница,“ изјави Дарко Арсов, авторот на иницијативата....

Од МВР велат дека бил известен јавен обвинител и оти против возачот на „опелот“ ќе биде поднесена кривична пријаваШеесет и осумгодишната скопјанка З. А. се здобила со тешки телесни повреди откако била удрена од автомобил на булеварот „Партизански одреди“, информираат од Министерството за внатрешни работи (МВР).Сообраќајната несреќа во Секторот за внатрешни работи Скопје била пријавена попладнево околу 16 часот од ГОБ „8 Септември“.Жената била пренесена во болницата, каде што ѝ биле констатирани тешки телесни повреди.Возилото марка „опел“, со кое била удрена жената, било управувано од 26-годишниот В. Ј.Од МВР велат дека бил известен јавен обвинител и оти против возачот на „опелот“ ќе биде поднесена кривична пријава....

ОвенДенот е поволен за преговори и нови познанства. Најуспешни ќе бидат вашите активности кои се поврзани со домот и семејството. Насочете го вниманието кон оние аспекти од животот кои најмногу ви значат.БикБидете внимателни на деталите, особено кога станува збор за финансиски одлуки. Не брзајте и бидете исклучително внимателни на кого доверувате важни информации, бидејќи лесно може да откриете нешто што не сакате да се знае.БлизнациОчекувајте интересни дијалози и неочекувани вести. Можеби ќе се сретнете со личност која ќе има големо влијание во вашето идно патување. Препорачливо е да не давате избрзани ветувања, бидејќи вашите зборови денес ќе имаат посебно значење.РакНе се преоптоварувајте со работа и избегнувајте конфликти. Спокојот ќе ви биде најголем сојузник. Вечерта може да донесе мирни моменти со блиски луѓе или задоволство од некое хоби.ЛавОчекувајте интересни предизвици денес. Можеби ќе се наоѓате во ситуации кои ќе бараат брзи одлуки и импровизации. Доверете се на вашата интуиција – таа ќе ве води во вистинска насока.ДевицаДенес е поволен ден за промена на рутината. Променете го патот што секојдневно го земате или погледнете на работите од друга перспектива. Понекогаш најдобрите решенија доаѓаат од импровизација. Не заборавајте да се грижите и за своето здравје.ВагаОвој ден е идеален за повторно поврзување со стари пријатели. Ќе ви се отворат нови можности, па бидете отворени за промени. Ако имате креативни идеи, не одложувајте ги, туку започнете да работите на нив.СкорпијаДенес ќе мора да донесете сериозни одлуки. Не дозволувајте да бидете прегазени од емоции, туку внимателно размислете и пресметајте ги сите можни опции. Бидете внимателни со зборовите што ги кажувате.СтрелецНе трошете време на мали работи. Изберете еден правец и посветете се на него. Ве очекуваат нови можности и човек кој ќе ве инспирира за нови достигнувања.ЈарецБидете внимателни во разговорите, особено во однос на личните и професионалните информации кои можат да се појават. Не се плашете да поставите прашања, бидејќи тие може да ви помогнат во понатамошните одлуки.ВодолијаДенес ќе имате идеја која може да доведе до нови проекти или познаства. Вашето оригинално размислување ќе биде ценето од другите, па искористете го ова време за нови почетоци.РибиДенес е ден кога треба да се погрижите за себе. Земете кратка пауза од секојдневните обврски, читајте книга или едноставно уживајте во своите мисли. Вниманието на вашето креативно изразување ќе ви помогне да најдете баланс и хармонија во животот....

Состојки:500 г мелено месо (по желба свинско, говедско или мешано)3-4 средни компири2 главици кромид2 чешниња лук1 чаша доматно пире (или 2-3 домати)1 чаша јогурт2 јајца3-4 лажици брашно100 мл маслоСол и бибер по вкус1 лажичка зачин за мусака (по желба)Малку млеко (за посна варијанта може да се користи само вода)Подготовка:Подготовка на компирите: Компирите излупете ги и исечете ги на тенки кругови. Варете ги во солена вода околу 5 минути, само да омекнат малку, но да не се сварат целосно. Потопете ги во ладна вода за да се запре процесот на готвење.Мелено месо: Во голема тава загрејте малку масло и додајте го исецканиот кромид и лук. Пржете ги додека не станат проѕирни. Потоа додадете го меленото месо и пржете го додека не добие златно-кафеава боја. Додадете доматно пире или ситно сецкани домати, и зачинете со сол, бибер и по желба некои зачини. Оставете да се готви 10-15 минути, додека не се апсорбира течноста.Подготовка на бешамел: Во мала тава загрејте масло и додајте брашно. Пржете го брашното неколку минути, а потоа постепено додавајте млеко (или вода ако правите посна мусака) и мешајте додека не добиете густа и кремаста смеса. Во бешамелот додајте јајца и јогурт, и добро измешајте. Оставете да се олади малку.Слоеви: Во подмачкан огноотпорен сад започнете со поставување на слоевите: прв слој од компири, потоа слој од прженото месо и на крај прелејте со бешамел смесата. Повторете со уште еден слој, доколку е потребно, внимавајќи да завршите со бешамел смесата на врвот.Печење: Загрејте ја рерната на 180°C и печете ја мусаката околу 45-50 минути или додека не добие златно-кафеава боја на врвот.Служете: Оставете да се олади неколку минути пред да ја послужите, за да се зацврсти и подобро да се сече. Служете ја со свежа салата или јогурт од страна за комплетен оброк.Уживајте во вашата домашна мусака!...

Српскиот претседател, Александар Вучиќ, изјави дека некои светски лидери тајно контактираат со рускиот претседател Владимир Путин, и покрај напорите на Западот да ја изолира Москва.Во денешното интервју со Марио Навфал, основач на IBC Group и водител на шоуто „The Roundtable Show“ на социјалната мрежа „Икс“, Вучиќ посочи дека лично не се сретнал со Путин од ескалацијата на конфликтот во Украина во 2022 година. Тој нагласи дека не го видел Путин три години поради несогласувањата околу меѓународното јавно право.Сепак, Вучиќ тврди дека многу лидери ја одржуваат комуникацијата со Путин зад сцената. „Знам за најмалку двајца главни лидери кои имаа тајни разговори со него. Имам пријатели во Кремљ и во некои други земји“, рече Вучиќ.Иако не ги именуваше овие лидери, Вучиќ нагласи дека тоа не се унгарскиот премиер Виктор Орбан, австрискиот канцелар Карл Нехамер или словачкиот премиер Роберт Фицо, кои јавно ги изразиле своите контакти со Путин.Вучиќ најави дека ќе се сретне со Путин на 9 мај за време на неговата посета на Москва по повод Денот на победата, кој ја одбележува победата на Советскиот Сојуз над нацистичка Германија во Втората светска војна.Тој потсети и на својата последна средба со Путин на крајот на 2021 година, неколку недели пред почетокот на конфликтот меѓу Москва и Киев.„Откако го напуштив кабинетот на Путин, јавно кажав дека очекувам многу тешки времиња… Никој не ми веруваше“, изјави Вучиќ, додавајќи дека тогаш знаел дека Путин донел важна одлука, бидејќи разговорот беше краток и темата за постсоветските републики беше завршена за само 45 секунди.Во април 2022 година, австрискиот канцелар Нехамер имаше лични разговори со Путин за конфликтот во Украина, но потоа нагласи дека не била пријателска посета. Орбан ја посети Русија во јули 2024 година, промовирајќи мировна мисија. Разговорите на Фицо со Путин во декември се фокусирале на одбивањето на Украина да го продолжи договорот за транзит на гас, што е клучно за Словачка, која е многу зависна од руската енергија.Американскиот претседател Доналд Трамп, исто така, имал разговори со Путин во обид да го реши конфликтот во Украина....

Извршителот Андреја Буневски по барање на доверител за спроведување на извршување од над 930 илјади евра, ја стави на продажба деловната зграда „Соравија“ во строгиот центар на Скопје.Овој објект беше во фокусот на јавноста поради контроверзниот процес на промена на сопственичката структура на компанијата „Соравија инвест“, што го поседува овој објект. Станува збор за доверителот „Прва инвестициона банка“ од Бугарија засновано на извршна солемизација на договор за залог од 2.9.2022 година против должникот „Соравија инвест“.Јавното наддавање на недвижниот имот на „Соравија“ е закажано за 24 април и за него се бара почетна цена 1.377.978.526 денари или околу 22,4 милиони евра, под која недвижноста не може да се продаде на првото јавно наддавање. Може да се наддаваат само лица кои претходно положиле гаранција во висина од една десетина од утврдената вредност на недвижноста, односно во износ од 137.797.853 денари или околу 2,2 милиони евра. Најповолниот понудувач е должен да ја уплати сумата во рок од 15 дена, или во спротивно ќе се закаже нова продажба...

Специјалниот пратеник на американскиот претседател Доналд Трамп за Украина и Русија, Кит Келог, денес изјави дека конфликтот во Украина е на прагот на прекин на огнот, но дека двете страни мора да постигнат договор.„Верувам дека тоа можеме да го постигнеме. Искрено верувам дека сме на прагот на прекин на огнот, но двете страни ќе мора да постигнат некаков вид на договор. Ниту една страна нема да добие сè што сака“, изјави тој за Фокс Њуз.Келог истакна дека Трамп е „вознемирен“ поради дејствијата на двете страни, но дека САД имаат намера да побараат целосен прекин на огнот.„Ние сакаме сеопфатен прекин на огнот од 30 дена. Кога тоа ќе се постигне, ќе биде многу тешко повторно да започне војната. Тоа е она во што верувам. И треба да добиеме листа на услови, што јас би го нарекол список на услови. Тоа го сакаат Русите. Тоа го сакаат Украинците“, додаде Келог.Минатата недела, рускиот претседател Владимир Путин разговараше телефоноски со Трамп, при што рускиот лидер позитивно одговори на идејата страните во конфликтот во Украина да се воздржат од напади врз енергетската инфраструктура на спротивната страна за време на 30-дневен период и и даде на војската соодветни инструкции.Украинскиот претседател Володимир Зеленски исто така го прифати овој предлог, но од тогаш, двете страни извршија напади врз енергетските објекти на противникот....

Ноќеска е разбиена и оштетена вратата на манастирот „Св. Ѓорѓи” во селото Тркање.Одземени се само околу 400 денари.Додека сите ние се трудиме за поубав и посреден верски објект на некој му има дојдено до неколку ситни пари, се вели во објавта на профилот на селото Тркање....

Делото на Бранко Џаламиќ (43) од Богатиќ пред неколку дена воодушеви многумина. Храбар таксист донираше бубрег на својот училишен другар.Бранко, кој седел со Синиша во училишната клупа, вели дека кога слушнал дека на Синиша му го извадиле едниот бубрег, а другиот престанал да работи, во ниту еден момент не помислил дали да му го даде својот.Само се молев да ги поминам анализите и тестовите што е можно поскоро и да можам да го направам тоа. Првото нешто што ми падна на ум, кога докторите дојдоа да ме видат, беше како е тој. Само што му го пресадиле бубрегот, телото веднаш го прифатило и почнал да работи“, раскажува Бранко за РТС.За тимoт лекари, преведувачи и вработени во клиниката во Турција, средбата на двајца пријатели по трансплантацијата беше особено трогателна.„Бев зачуден, не можев да поверувам. Ни најблиските не ми излегоа во пресрет да ми го понудат тоа што ми го понуди. Затоа отидовме кај него дома, отидовме на прегледи, дојдовме овде и се на се, за седум дена решивме да дојдеме во Турција“, вели Синиша Новаковиќ....

Во градинка во босанското место Козарска Дубица денеска се урнал таванот, но за среќа ниту едно од децата кои биле таму не е тешко повредено, јавија локалните медиуми.Три деца се веднаш пренесени во болница, но набрзо биле пуштени дома бидејќи немале потешки повреди. Објектот е затворен и престанува со работа, соопштија властите на Република Српска.Локалната новинарка Јелена Пралица, која ја објави снимката од градинката, ја придружува објавата со коментар дека зградата на општината неодамна била реновирана додека никој не се грижи за условите во кои престојуваат децата.Градоначалникот на Козарска Дубица Саваковиќ рече дека најважно му е никој да не е повреден, а сега чека да се утврдат фактите, по што поправките ќе се финансираат од општинскиот буџет....

Андреа Саншајн (55) е фитнес инфлуенсерка која го освојува светот со својата фигура и необичната исхрана. Таа секој ден јаде 15 јајца, кои ги нарекува најдобар природен протеин за совршена форма!Андреа е позната на социјалните мрежи по своите фитнес совети и интригантниот љубовен живот. Таа открила необичен трик кој и помага да ја одржи завидната форма – јаде дури 5.400 јајца годишно!Оваа 55-годишна жена од Лондон, баба на двајца внуци, признава дека носи варени јајца дури и на состаноци.На моите дејтови момците се смеат, но разбираат, повеќето од нив доаѓаат од светот на фитнесот – изјавила таа.Андреа секојдневно јаде 15 јајца, што е 450 месечно, и вели дека тоа е клучно за нејзиното витко тело.Тврди дека има такво тело благодарение на јајцата.Никогаш не се откажувам од рутината, дури и кога сум надвор од куќата. Јајцата ги носам во контејнер или кеса каде и да одам – додала таа.Нејзината фасцинација со јајцата започнала во текот на менопаузата, кога и помогнале во решавањето на проблемите со надуеност и киселини во стомакот.Јајцата се поевтини од месото и имаат безброј начини на подготовка, никогаш не ми досадуваат – вели Андреа.Андреа тврди дека немала непријатности, како што е лош мирис на здивот или гасови. Таа тајната ја гледа во чистата исхрана, хидратацијата и пробиотиците.Покрај осумчасовните тренинзи и други ритуали, како што е јога, Андреа истакнува дека јајцата и помагаат да го одржи младешкиот изглед. Троловите често ја нарекуваат премногу мускулеста, но таа останува доследна на својот начин на живот, привлекувајќи мажи на сите возрасти – дури и оние што се двапати помлади од неа....

Повеќе села во тетовскиот регион, како и одредени делови од Тетово, утре ќе останат без електрична енергија поради планирани прекини, соопштија од електродистрибутивната мрежа.Според објавениот распоред, селата Гургурница, Мерово, Седларево, Копачин Дол, Ново Село, Луковица, Групчин, Церово, Рогле и Желино ќе бидат без струја во периодот од 06:00 до 06:45 часот.Дополнително, во села Цепчище и Беловиште прекинот ќе трае од 09:00 до 14:00 часот.Во градот Тетово, електрична енергија нема да има во фабриката за алуминиум од 11:00 до 13:30, како и во детската градинка „Реа“ од 12:00 до 13:00 часот.Од надлежните апелираат граѓаните да ги прилагодат своите активности согласно овие прекини....

Поранешната девојка на основачот на Playboy, Холли Мадисон (45), откри ново бизарно и строго контролирано правило кое Хју Хефнер го поставил за своите девојки додека живееле со него во познатата вила во Калифорнија. Според нејзините зборови, Хефнер имал посебен “проблем” со една од најкласичните работи во козметичката торбичка – црвениот кармин.Во подкастот *Ahead of the Curve*, Холли раскажала како црвениот кармин бил забранет во Playboy вилата.„Мислам дека тоа беше форма на контрола“, рекла таа, истакнувајќи дека новите девојки на почетокот имале повеќе слобода, додека Хефнер не ја презел целосната контрола врз нивниот изглед.„Тој велеше дека црвениот кармин го носат постари жени“„Кога првпат дојдов, неколку пати излегував со црвен кармин и тој не рекол ништо“, се присетила. „Новите девојки секогаш беа подобро третирани. Подоцна, кога бев неговата главна девојка и живеев во неговата соба, почна да се чувствува доволно слободно да ми вика поради тоа.“Според Холли, Хефнер сметал дека црвениот кармин изгледа „зрело“, односно дека го носат постари жени, што не се вклопувало во неговата визија за „млади, свежи и невини“ девојки, која ја создавал уште од 1950-тите кога го започнал Playboy.„Бев под огромен притисок да изгледам како останатите девојки“, рекла таа. „Попуштив под тој притисок – еднаш ја одсеков косата само за да изгледам малку поинаку, а тој потполно полуде.“И други жени зборувале за животот во вилатаОва не е првпат поранешните девојки на Хју Хефнер јавно да зборуваат за животот во Playboy вилата. Неговата трета жена, Кристал Харис, претходно откри како нивните интимни односи биле „ладни и роботски“, без вистинска блискост, додека Кендра Вилкинсон изјавила дека животот во Playboy ѝ го нарушил капацитетот за искрени односи со партнери после тоа.„Гледајте, сè уште денес се бориме со моите врски и погледите на сексот“, рекла Кендра и додала како морала да помине низ многу терапии, а првпат јавно признала дека терапевтите ѝ сугерирале дека можеби има „мали проблеми со сексот“.„Ми рекоа дека имам нездрави мисли. Не мислам дека е лошо што не сакам брак или нешто слично – секој има право на свој избор. Некој сака да биде самец, некој сака брак… Јас сум повеќе личност која ја сака идејата за забава“, појаснила Вилкинсон....

Земјотрес со јачина од 5,3 степени според Рихтер денес го погоди јужниот брег на Мјанмар, според податоците на Европско-медитеранскиот сеизмолошки институт.Земјотресот се случил на околу 142 километри од градот Јангон, а епицентарот бил на длабочина од десет километри.Оваа природна катастрофа доаѓа само неколку дена по земјотресот од 7,7 степени според Рихтер, кој минатиот петок ја погоди земјата.Како последица на тој земјотрес, загинаа повеќе од 2.700 лица, повеќе од 4.520 беа повредени, а над 400 се водат како исчезнати, според соопштението на воената хунта на Мјанмар....

Години наназад, Трејси Кортез (32) е една од најдобрите жени-борци во UFC, а нејзиниот пат од локалните боречки арени до светските UFC рефлектори не е само инспиративен, туку и забавен за секој љубител на боречките спортови.Таа е родена во семејство кое било насочено кон борење. Нејзиниот татко бил нејзин прв тренер, но и големо влијание на нејзиниот развој во боречките спортови имал нејзиниот постар брат Хозе, кој станал нејзин најголем идол. За жал, тој починал од рак во 2011 година, но неговата борба и сонот живеат преку Трејси, давајќи ѝ сила секој пат кога ќе влезе во октагонот.Трејси ја започнала својата професионална кариера во јуни 2013 година на “Blue Water Casino” во Аризона. Нејзиниот професионален дебитантски настап бил во рамките на “Invicta Fighting Championship 25” и, иако изгубила, тоа било само почеток на нејзиниот успех. Иако на 31 август 2017 година го доживеала својот прв и последен пораз, Трејси не се предала. Нејзината борба била јасна – останала во игра и станала сериозна конкуренција на MMA сцената.Таа блеснала во “Dana White’s Contender Series” 2019 година, каде што ја победила Марија Агапова со единствена одлука на судиите и го импресионирала самиот Дана Вајт, што бил клучен момент за нејзиниот UFC договор. Ова било повеќе од обична борба – тоа била јасна порака дека е подготвена да се тестира на најголемата сцена.Нејзиниот дебитирање во UFC се случило на 16 ноември 2019 година на “UFC Fight Night: Błachowicz vs. Jacare”, каде што ја победила Ванесу Мело со единствена одлука на судиите. Тоа станало нејзин заштитен знак – од 11 победи, само една дошла преку “submission”, една преку TKO, додека остатокот биле одлуки на судиите, што зборува за нејзината неверојатна издржливост.Трејси Кортез е позната и по тоа што носи шминка и лажни трепки за време на борбите, покажувајќи дека силата и женственост можат да одат рака под рака.Затоа ја нарекуваат “Убавицата и ѕверот”, во зависност од тоа дали е внатре или надвор од октагонот....

При инспекциски надзор од страна на одделението за градежна инспекција при Општина Битола, за три објекти утврдени се неправилности и преземени се соодветни мерки. Два од објектите се наоѓаат на патот за Ниже поле, а еден кај населбата Довлеџик.Кај последниот објект констатирани се работни активности за монтажа на настрешница – челична конструкција, без претходно обезбедено одобрение за монтажа од Општина Битола. Изготвен е записник за констатираната состојба, а градбата е стопирана.На патот за Ниже поле, при вчерашниот вонреден инспекциски надзор, констатирано е дека се гради објект од челични профили и покривка од панели, а исто така на друг дел од парцелата се изведува конструкција од бетонски столбови, кровна конструкција од челични профили и покривка од панели, без претходно прибавено одобрение за градење издадено од градоначалникот на Општина Битола. Од страна на субјектот на надзор укажано е дека освен приложениот имотен лист, не поседува никаква друга документација за градбите. Врз основа на констатираното, согласно изготвниот записник, за нелегалните градби ќе следува решение за рушење.И кај другиот објект на излезот од Битола, согласно инспекцискиот надзор, ќе бидат преземени истите мерки. Во овој случај, констатирано е дека објектот е дивоградба, а истиот бил изграден пред десетина години, како хала од челична конструкција покриен со панели и приклучен на електрична мрежа.Од страна на градежната инспекција, извршен е увид на уште еден објект во КО Дихово, за кој во тек е прибирање на потребната документација за постапување, согласно законските надлежности.Во изминатите три години, општинскиот инспекторат, бележи значително зголемен број на постапувања на терен, вклучувајќи ги и постапувањата при отстранувањето на нелегално поставените објекти – диви гаражи и хаварисани возила на јавни површини.Покрај ваквото делување, во 2022 година, во Сектор општински инспекторат е постапувано по вкупно 1751 претставки, пријави и барања и тоа: во одделението за комунална инспекција, инспекција за животна средина и инспекција за домување, постапувано е по 1178 предмети, градежна инспекција, инспекција за патен сообраќај и патишта, постапувано е по 450 предмети, претставки дописи и слично, а во одделението за инспекција за приходи, туризам, угостителство, образование и спорт, постапувано е по 123 предмети.Во 2023 година, постапено е по 1870 претставки, пријави и барања од кои: одделението за комунална инспекција и инспекција за животна средина имало 1285 предмети, градежна инспекција, инспекција за патен сообраќај и патишта 503, а инспекцијата за туризам, угостителство, образование и спорт, постапила по 82 предмети.Во 2024 година, Секторот општински инспекторат постапил по вкупно 1559 претставки и барања, од кои: одделението за комунална инспекција и инспекција за животна средина постапило по 1038 предмети, градежна инспекција, инспекција за патен сообраќај и патишта по 347, а инспекцијата за приходи, туризам, угостителство, образование и спорт по 174 предмети.Зголемените контроли, продолжуваат и оваа година, со зголемена транспарентност и информирање на граѓаните за случаите од јавен интерес, во согласност со важечките закони од соодветните области на делување за кои е надлежен општинскиот инспекторат....

Во април 2025 година, три хороскопски знаци ќе привлечат финансиски успех. Март беше месец на анализа на буџетите, а април ни носи нови шанси за раст на богатството. Позитивниот став кон финансиските прашања е важен за успех.Знаците кои ќе привлекат финансиски успех во април 2025 се:ВодолијаДраги Водолии, конечно ќе доживеете финансиско подобрување. По ретроградните Меркур и Венера во Риби, кои беа период за преглед на финансиските текови, сега имате можност да ја подобрите вашата финансиска состојба. Меркур излегува од ретроградно движење и носи стабилност, а подобри можности за напредок се на повидок од 12 април. Искористете го периодот до 16 април за паметни инвестиции. Кога Венера ќе се движи директно од 12 до 30 април, финансиската состојба ќе се подобри. Важно е да верувате во себе и да вложите напор.РибиДраги Риби, не избегнувајте одговорности, особено кога се во прашање парите. По ретроградните Венера и Меркур во Овен, кои ве натераа да се фокусирате на вашите финансии, сега ќе добиете награда за дисциплината. Ако сте аплицирале за работа, можеби сега ќе добиете повратен одговор. Кога Венера ќе премине во Овен на 30 април, изобилството ќе влезе во вашиот живот. Трпението и одговорното управување со парите носат долгорочен успех.РакДраги Ракови, преземете одговорност за својата финансиска благосостојба. Овој период носи нов почеток, но бара независност и решителност. Не чекајте други да создадат стабилност – вие имате моќ сами да генерирате приходи и да изградите финансиска сигурност. На 18 април, Марс влегува во Лав, што ќе го активира вашиот сектор на богатство. Претходно, Марс беше во Лав, но вашите цели беа помалку дефинирани. Сега, кога изградивте внатрешна сила, време е да ја искористите. Лавот владее со вашите финансии, па сега е идеален период за инвестиции или започнување бизнис. Посветете се на работата и успехот ќе дојде....

Познатиот актер Жан Клод Ван Дам е под истрага во Романија во врска со наводи за трговија со луѓе и организиран криминал. Според информации од романскиот ТВ-канал Про ТВ, актерот е обвинет за наводно користење на услуги на лица кои биле во ранлива состојба, а биле вклучени и малолетници.Истрагата се води од страна на Романската дирекција за истрага на организиран криминал и тероризам (DIICOT). Адвокатот на една од жртвите поднел тужба, а изјавите од некои од сведоците укажуваат на настани кои се случиле во различни земји, вклучувајќи ја Франција, каде наводно биле злоупотребени лица.Според извештаите, истрагата се фокусира на периодот од 2000 до 2016 година, во кој наводно биле вклучени малолетници, како и други лица кои биле подложени на психолошки притисок и експлоатација.Романските медиуми пишуваат дека обвинителството добило изјава од една млада жена која рекла дека учествувала во настани каде наводно му биле нудени девојки на Ван Дам.Според информациите во медиумите Жан Клод Ван Дам е обвинет дека користел сексуални услуги на пет романски девојки кои истовремено биле во ранлива состојба.Тековната истрага се стреми да разјасни сите факти и да ги утврди одговорните лица во овој случај....

Сончевите денови и пролетното раззеленување нè привлекуваат да поминуваме што повеќе време во природа, но со покачувањето на температурите се зголемува и активноста на крлежите, кои пренесуваат разни инфективни заболувања, меѓу кои и Лајмската болест. Оваа болест може да биде сериозна, па затоа е важно да бидеме информирани за симптомите и начините за заштита.Лајмската болест е инфективно заболување предизвикано од бактерии од родот Borrelia, а се пренесува преку убод од инфициран крлеж. Најчесто се јавува во периодот од пролетта до есента, кога крлежите се најактивни. Резервоари на бактериите може да бидат различни животни, вклучувајќи кучиња, елени, птици и глодари.Болеста има три фази, од кои секоја има свои специфични симптоми. Во првата фаза, која може да започне од 3 до 30 дена по убодот, најчесто се јавува специфичен кожен осип на местото на убодот, познат како Erythema chronicum migrans, кој изгледа како црвено коло или овално црвенило. Покрај осипот, можат да се јават и симптоми како треска, болка во зглобовите, главоболка и замор. Ако не се лекува, оваа фаза може да трае 3-4 недели.По неколку недели или месеци, може да започне секундарната фаза, каде симптомите како артритис на зглобовите, кожни манифестации и невролошки проблеми, како енцефалитис или миелитис, може да се појават. Кардиолошки проблеми, како инфламација на миокардот, исто така може да се јават. Ако болеста не се третира, може да премине во третата и најсериозна фаза која се јавува кај околу 10% од пациентите, а се карактеризира со хронични болки во мускулите и зглобовите, деменција и проблеми со мускулите на лицето.Лајмската болест се лекува со антибиотици, а типот на антибиотик зависи од фазата на болеста. Раното откривање на болеста овозможува ефикасно лекување, но кај некои пациенти, симптомите можат да останат и по третманот.За да се заштитите од крлежи и Лајмската болест, важно е да преземете соодветни превентивни мерки. Кога одите во природа, пешачете по обележаните патеки и избегнувајте висока трева. Носете затворени обувки и облека со долги ракави, а по завршувањето на активностите во природа, темелно проверете го телото за крлежи. Ако ги забележите, веднаш отстранете ги. Превентивните средства против крлежи може да бидат ефикасни, но треба да се користат со внимание, особено кај деца и бебиња.Лајмската болест има варијабилни симптоми и може да се манифестира на различни начини кај различни луѓе. Ако имате убод од крлеж, консултирајте се со доктор за да се направат соодветни тестови и да се започне со третман. Превенцијата е најдобриот начин да се заштитите од оваа сериозна болест, затоа внимавајте на безбедноста кога поминувате време во природа....

Македонскиот репрезентативец, Енис Барди постигна гол за Бодрумспор против Трабзонспор во четвртфиналето на Купот на Турција.Барди се најде во почетната постава и во 20 минута биеше максимално прецизно и необранливо за 2-1 за гостите во тие моменти. Енис се одлучи да не го прослави голот, односно го испочитува клубот за кој настапуваше во периодот од 2022 до оваа година....

Генералниот секретар на НАТО, Марк Руте на денешната прес-конференција пред дводневниот Самит на министрите за одбрана истакна дека е убеден дека Алијансата ќе продолжи да постои и САД ќе бидат дел од сојузот.– САД повеќепати го потврдија членот 5 од Вашингтонскиот договор, но јасно кажаа дека очекуваат од сојузниците повеќе да трошат на одбраната. Тоа треба да го направиме поради заканите од Русија и од Кина, наведе Руте.Администрацијата на Трамп повеќепати ги повика европските сојузници да ги зголемат трошоците за одбрана на пет отсто од бруто домашниот производ (БДП) – повеќе од двојно од сегашната цел на НАТО од минимум два проценти од БДП.Руте навести дека одлуката за зголемување на трошоците за одбрана најверојатно ќе биде донесена на следниот Самит на НАТО во јуни.Министрите за надворешни работи на НАТО утре и в петок во Брисел ќе разговараат за зајакнување на одбранбените способности на Алијансата.– Живееме во опасен свет, НАТО мора да биде посилен, поправеден и поспособен за смртоносни напади, посочи Руте.Тој ги поздрави напорите на американскиот претседател Доналд Трамп за завршување на војната во Украина.– Ги поддржувам напорите на САД за праведен и траен крај на војната. Војната мора да заврши на таков начин што (рускиот претседател Владимир) Путин никогаш повеќе нема да се обиде да заземе педа од Украина или дел од територијата на НАТО, потенцира Руте.Тој претходно најави дека сојузниците на НАТО за 2025 година ветиле безбедносна помош за Украина во висина од над 20 милијарди евра, а Командата на Алијансата во германскиот град Визбаден ќе продолжи да ја координира воената помош за Украина и обуката на украинските војници....

Поранешната девојка на Џастин Бибер, Шантел Џефрис, обожава да ја покажува својата витка фигура, а папараците тоа добро го знаат – затоа често ја фотографираат во атрактивни бикини.Ди-џеј Шантел Џефрис стекнала светска слава делумно благодарение на краткотрајната врска со пејачот Џастин Бибер во 2014. година.По раскинувањето, медиумите не престанаа да го следат нејзиниот живот, бидејќи останала интересна за јавноста. Извршила неколку естетски корекции за да ја одржи завидната фигура и да ја зачува популарноста што ја стекнала.Често сака да ја покажува својата фигура, а папараците тоа добро го знаат – затоа и ја фотографираат во атрактивни бикини.Шантел била поврзувана со бројни познати мажи, а освен со Џастин Бибер, била во врска со Ендрју Тејт, а се шпекулираше и за афера со Машин Ган Кели.Дел од нејзиниот љубовен живот бил и син на Паф Диди, Џастин Комбс, но и Тревис Скот.Не се знае дали убавата Џефрис моментално е во врска со некого…...

Украинската војска, судејќи по податоците кои ги објавило руското Министерство за одбрана, од јануари до крајот на март оваа година изгубила 138.000 војници.Претходно, началникот на главната управа на рускиот Генералштаб, Сергеј Рудској, изјавил дека украинската војска во текот на 2024. година изгубила вкупно 590.000 војници, како и дека вкупниот број на загинати од почетокот на Специјалната воена операција веќе го преминал милионот.Неколку недели претходно, Генералштабот на вооружените сили на Украина објави дека Русија изгубила 903.480 војници од почетокот на инвазијата на Украина.Според податоците од генералштабот на украинската армија, украинските сили од почетокот на војната уништиле повеќе од 10,412 тенкови.Украинските сили од почетокот на војната собориле 30.495 беспилотни летала.Украинците исто така потврдија дека уништиле 3121 крстаречка ракета но и повеќе од 25.000 артилериски системи, 28 воени бродови, 1 подморница, повеќе од 41.000 возила и резервоари за гориво, 1116 против-воздушни системи, но и разновидна специјална опрема....

Дури и ако не ја знаете научната дефиниција на бенка, сите ги имаме видено, било на себе или на некој друг.Бенка е група клетки на кожата (познати и како меланоцити) која може да се појави било каде на вашата кожа, вели дерматологот д-р Пол Кертис.„Меланоцитите се нормално распределени по нашата кожа и го обезбедуваат нејзиниот природен пигмент, меланин“, додал тој. Бенките обично се бенигни по природа. Можат да се појават било каде – на лицето, грбот, рацете, нозете, скалпот, пазувите, под ноктите и на други места, пишува Health Digest.Не е невообичаено дека на некои бенки растат влакна. Всушност, некои експерти сметаат дека тоа само значи дека насобирањето на клетките што ја формира бенката е над област која содржи фоликул на косата.Бенките можат да поттикнат раст на косаСпоред истражување од 2023. година, објавена во списанието Nature, бенките можат да поттикнат раст на коса.Професорот по развојна и клеточна биологија, Максим Пликсус, спровел истражување во кое можел да симулира раст на коса кај глувци користејќи молекула кој се наоѓа во влакнести бенки.Тој молекул се вика остеопонтин. Се наоѓа во група меланоцити од кои расте косата, а дејствува регенеративно на „споените“ фоликули на косата, што пак го стимулира растот на косата.Пликсус смета дека ова откритие може да помогне во борбата против опаѓањето на косата кај луѓето.„Кога бенките почнуваат да растат, природно ќе произведат коса која има својства на косата која ја имала личноста кога била помлада. Ќе биде иста дебелина, должина, ќе биде права или накривена“, објаснил тој.Меѓутоа, најголема загриженост во врска со бенките е дали се канцерогени или не. Влакната што израснуваат од нив може да бидат знак за некои да се загрижени, но експертите сметаат дека влакнестата бенка не е знак за болест, освен ако не се јават и други промени.Кога влакнестата бенка е знак за рак?Бенките можат да бидат вродени (што значи дека ги имаме од раѓање), стекнати или атипични. Бенката обично има округла или овална форма, не е поширок од пет милиметри и има еднолична боја (кафеава, жолтосмеѓа, црвена, розова, сина, боја на кожа или проѕирна). Атипичните бенки можат да имаат различни бои, текстури и облици.Ако забележите дека вашата бенка расте, има неправилен облик или ако ја промени бојата (целосно или на некои места), тоа може да значи дека е време да се загрижите за бенката. Други знаци на кои треба да внимавате се крварење или цурење од младезот.Бидејќи е секогаш подобро да бидете сигурни, новите бенки во возрасна доба или постоечките бенки кои се промениле најдобро е да ги провери вашиот дерматолог. Ова е особено важно за луѓе со семејна историја на рак на кожа (меланом).Ако сакате да ги отстраните влакната од бенките, треба да внимавате на формата. Иако влакната од рамна бенка можат да се отстранат со брич или восок, бричењето на подигнати бенки не треба да биде пракса, бидејќи може да го повредите тој дел....

Премиерот Христијан Мицкоски и претседателот на СДСМ, Венко Филипче, ќе остварат средба утре во владината зграда.Претходно, денес, Мицкоски изјави дека е подготвен да го прими на средба лидерот на СДСМ, Венко Филипче, во кое било време.„Стојам на располагање во секое време, ќе го прераспределам мојот распоред – ако треба на полноќ, или после полноќ за да го сослушам неговиот план и да видиме дали по тој план нешто може да се реши. Но ако планот опфаќа пристап каков што беше во минатото за време на ковидот, тогаш јас такви планови не можам да прифатам“, изјави Мицкоски одговарајќи на новинарски прашања.Денес, пред новинарите се обрати и Филипче, кој предложи нов концепт за политички и општествен дијалог. Тој очекува дека во фокусот на средбата ќе бидат образованието, здравството, правосудството, заштитата на животната средина и партизацијата во институциите....

Поранешната девојка на Џастин Бибер, Шантел Џефрис, обожава да ја покажува својата витка фигура, а папараците тоа добро го знаат – затоа често ја фотографираат во атрактивни бикини.Ди-џеј Шантел Џефрис стекнала светска слава делумно благодарение на краткотрајната врска со пејачот Џастин Бибер во 2014. година.По раскинувањето, медиумите не престанаа да го следат нејзиниот живот, бидејќи останала интересна за јавноста. Извршила неколку естетски корекции за да ја одржи завидната фигура и да ја зачува популарноста што ја стекнала.Често сака да ја покажува својата фигура, а папараците тоа добро го знаат – затоа и ја фотографираат во атрактивни бикини.Шантел била поврзувана со бројни познати мажи, а освен со Џастин Бибер, била во врска со Ендрју Тејт, а се шпекулираше и за афера со Машин Ган Кели.Дел од нејзиниот љубовен живот бил и син на Паф Диди, Џастин Комбс, но и Тревис Скот.Не се знае дали убавата Џефрис моментално е во врска со некого…...

Шведска денеска најави одобрување на нов пакет воена помош за Украина во вредност од 1,47 милијарди евра, што претставува најголемиот пакет кој оваа земја досега го испратила кон Киев.Овој потег е дел од поширокиот план на Шведска да ја зголеми својата помош за Украина во текот на 2025 година.Министерот за одбрана на Шведска, Пал Јонсон, изјави на прес-конференција дека најголемиот дел од пакетот, односно 850 милиони евра, ќе биде насочен кон набавка на воена опрема од Шведската управа за одбранбен материјал.Шведската влада исто така соопшти дека ќе се зголеми вкупната воена помош за Украина за оваа година од претходно предвидените 2,3 милијарди евра на 3,7 милијарди евра, со што дополнително ќе се зголеми поддршката за Украина во нејзината борба.Овој нов пакет помош доаѓа во време кога Украина се соочува со големи предизвици на фронтот, а Шведска, како член на Европската унија, продолжува да игра клучна улога во поддршката на Украина во нејзините напори за одбрана од руската агресија....

Најголемата жртва на лудилото наречено СЈО конечно на слобода.Ѓоко Поповски, екс помошникот на министерот за јавни набавки во МВР, конечно излегува на слобода. Со одлуката за делумно помилување, потпишана денеска од македонската претседателка Гордана Силановска Давкова, осудениот за Триста и Тенк во предметите на СЈО е после 9 години на слобода.Овие предмети произлегоа од таканаречените бомби на Зоран Заев од кои практично не се докажа никаква вина на Поповски за набавките на службени полициски возила и блиндирано возило за превоз на домашни и странски државници.Овој судски предмет е веројатно единствениот во кој беа во целост испочитувани нарачките од страна на тогашното раководство на СДСМ кон судиите и обвинителите кои во то време со гордост беше кажувано дека биле “како пупка отворени”.300 те набавени возила во далечната 2008 ма година, сеуште се користат во МВР и може да се видат редовно и буквално секојдневно низ македонските улици како пренесуваат полицајци или осомничени за кривични дела исто како што и сеуште се користи блиндираниот мерцедес.Извор: Трендинг.мк...

Украсете ги вашите велигденски јајца како што го правеле нашите баби! Потребна ви е само една намирница и ќе ja добиете најубавата црвена боја.Многумина го сметаат фарбањето јајца за омилен дел од Велигден, особено во пресрет на празникот. Традиција на која и се радуваат сите, и младите и постарите членови на семејството.Иако нашите баби некогаш биле доследни само на црвената боја, домаќинките со текот на времето експериментирале и изучувале различни техники за фарбање јајца.Сепак, добро е да се избегнуваат вештачки бои, затоа треба да останеме доследни на природните техники колку што е можно.Еден заборавен начин на фарбање, кој жените го користеле пред повеќе од 50 години, е – сокот од вишни.Како се прават јајцата во сок? Потребно е само да ставите јајца во тава, да ги прелете со сок од вишни и да додадете малку сол и оцет. Кога ќе се сварат, оставете ги да се оладат.Ќе добиете интензивно црвена боја, а истовремено и здрави јајца, подготвени по стариот рецепт....

На 01.04.2025 во 16.30 часот на улица „168“ во Тетово, полициски службеници од СВР Тетово, врз основа на судска наредба, го привеле Ф.С.(35) од Тетово, кој бил баран со потерница поради бегство од КПУ Идризово. Ф.С. бил осуден на шест години и 10 месеци за сторени кривични дела по член 215 и 396 од КЗ, а за доиздржување имал една година, 10 месеци и 6 дена. Тој бил спроведен во КПУ Идризово за доиздржување на казната....

До сабота (5 април) во Македонија ќе се задржи релативно топло и без некои поголеми температури разлики во однос на овие кои ги имаме сега. Времето ќе биде променливо облачно со слаб до умерен ветер од северен и од североисточен правец.Во попладневните часови ќе има локален развој на грмотевични облаци од кои се очекува појава на пороен дожд, грмежи и краткотрајно засилен ветер, и тоа во зоната на нестабилност. Не се исклучува можноста процесите да бидат и во форма на краткотрајно невреме со појава на град.И во Скопскиот регион до сабота (5 април) ќе се задржи релативно топло и променливо облачно време. Во попладневните часови во делови од котлината ќе има услови за краткотраен пороен дожд, грмежи и засилен ветер.Метео прогноза на Славчо Попоски...

Министерката за финансии, Гордана Димитриеска-Кочоска, оствари средба со амбасадорот Килиан Вал, шеф на Мисијата на ОБСЕ во Скопје, при што ја истакна значајната улога на ОБСЕ во поддршката на реформите во земјата.„Мисијата на ОБСЕ има значајна улога и таа е добредојдена во поддршка на домашните напори за унапредување и усвојување на реформски закони, како и во спроведување на постоечките стратегии и акциски планови“, истакна министерката.Димитриеска-Кочоска нагласи дека соработката со ОБСЕ е долгорочна и се одвива во повеќе области, што е доказ за сигурно и доверливо партнерство. Таа посочи дека поддршката од оваа меѓународна организација е особено важна во контекст на евроинтеграциските процеси на земјата.ОБСЕ со години наназад има значаен придонес во спроведувањето на реформите, а како што беше истакнато на средбата, таа соработка ќе продолжи и во иднина....

Пет лица се приведени на различни локации откако полицијата кај нив пронашла марихуана.„Полициски службеници од СВР Скопје вчера во 21.15 часот во Скопје, на различни локации, ги лишиле од слобода Г.С.(27) и Ф.А.(27), двајцата од Скопје, Д.С.(20) од село Псача, кривопаланечко, како и П.К.(38) од Куманово, затоа што кај нив била пронајдена и одземена марихуана. По целосно документирање на случаите ќе следуваат соодветни поднесоци“, информираат од МВР....

На Светскиот ден за подигање на свеста за аутизмот, претседателката на Македонија, Гордана Сиљановска-Давкова, оствари средба со родители од Здружението на граѓани за третман на лица со аутизам, АДХД и Аспергеров синдром „Во мојот свет“.Родителите ја споделија својата загриженост за недостигот на лични асистенти, поради што најголемиот товар во грижата за децата паѓа врз нив. Многу од нив се принудени да се откажат од работата за да можат да им обезбедат соодветна нега и поддршка. Дополнителен предизвик е стигматизацијата со која се соочуваат нивните деца, како и недостатокот на емпатија во општеството.„На тие деца им е потребно да учествуваат во социјалниот живот, а не да бидат оставени на маргините на општеството. Убедена сум дека секое дете може да дојде до израз ако му се даде шанса“, порача претседателката.Таа нагласи дека инклузивноста треба да се гради уште од најрана возраст, почнувајќи од градинките, каде што децата ќе учат да ги прифаќаат своите врсници кои се поразлични од нив.„Децата со аутизам се само поразлични, не се деца со маана“, истакна Сиљановска-Давкова, повикувајќи на поголема поддршка за нив и нивните семејства....

Министерството за здравство информира дека тројца пациенти од повредените во пожарот во Кочани се враќаат во Македонија. Двајца од нив беа хоспитализирани во Грција, а еден во Шведска. Според протоколите, тие ќе останат под 24-часовен медицински надзор.Во соседните земји, остануваат хоспитализирани следниве пациенти: 23 во Србија, 14 во Бугарија, 10 во Турција, 8 во Грција, 4 во Словенија, а по 3 во Унгарија, Хрватска, Шпанија, Австрија и Литванија. Во Италија и Полска има по еден хоспитализиран пациент.Во Скопје, на Клиниката за токсикологија, вчера беше примен пациент кој се врати од Полска, а денеска се пушта на домашно лекување. На Клиниката за пластична хирургија остануваат двајца пациенти, додека на Хируршката клиника Св. Наум Охридски се хоспитализирани 6 пациенти. Во ГОБ 8 Септември има 5 пациенти, од кои еден ќе биде отпуштен на домашно лекување. На Клиниката за пулмологија има двајца пациенти, а во приватната болница Систина се хоспитализирани тројца.Министерството за здравство продолжува внимателно да ја следи состојбата на повредените пациенти и е во постојан контакт со медицинските тимови, како во земјата, така и во странство, за да се обезбеди најдобра можната нега за повредените од трагичната несреќа во Кочани....

Капитални енергетски проекти, како трафостаницата во Милетково, се соочуваат со административни пречки кои го одложуваат нивното реализирање. Министерството за енергетика, рударство и минерални суровини активно бара решенија за забрзување на овие процеси.Министерката Сања Божиновска денес одржа состанок со претставници од МЕПСО, Катастарот, Управата за имотно-правни работи и Министерството за транспорт, со цел да се најде начин за надминување на сложените имотно-правни процедури кои ги кочат инвестициите.„Проектите мора да се реализираат без непотребни одложувања. Ќе обезбедиме поефикасна координација меѓу институциите и јасни процедури за брзо и навремено завршување на овие постапки“, порача Божиновска.Енергетските инвестиции се клучни за стабилноста и развојот на енергетската мрежа, а надлежните институции ќе работат на подобрување на ефикасноста и намалување на бирократските пречки, со цел нивна побрза имплементација....

Кешишев рече дека ги познавал оштетените Панче Жежовски и Вања Ѓорчевска, дека 4 дена со Велибор ја копале дупката во Рудник, дека не знае што имало во ранецот на Палчо и дека во штабот дознал дека Панче е убиен.Адвокатот Игор Ефремов го испрашуваше неговиот клиент, обвинетиот Влатко Кешишев, за убиствата на Вања Ѓорчевска и на Панче Жежовски што се случија во номеври 2023 година.Кешишев рече дека се познава со сите обвинети, освен со таткото Александар Ѓорчевски, за кого рече дека првпат го видел во судница. Палчо го запознал на протест во Скопје, а подобро се запознале во Опера хаус. Таму ги запознал и Велибор Манев и Боре Видевски.Кешишев од октомври 2021 година почнал да работам во партијата Трета, во седиштето во Опера Хаус. Тогаш се вратил во Македонија од странство.– Требаше таму да готвам. Имаше школо од карши, ставиме шанк и од таму во школото испорачувавме пици и сендвичи. Се очекуваше локдаун, но немаше локдаун и јас останав таму, да готвам за Палчо и за некои гости ако дојдат – рече Кешишев.– Кои ви беа обврските во партијата и кој ви ги даваше? – праша адвокатот Игор Ефремов.– Да готвам и да ги дочекувам посетителите со кафе и со вода кои доаѓаат да даваат потписи и поддршка на движењето. Само што се вратив од Хрватска, после 10 дена отидов во Опера хаус. Не примав плата, и не се жалам, оти тоа беше акција за да се формира партијата – рече Кешишев.Тој рече дека имал понуди за работа и на други места во Македонија, го викале и во Хрватска, оти имал оставено добар впечаток. Но, тој сакал да помогне за партијата и не отишол никаде да работи.Адвокатот го праша дали ги познавал оштетените Панче Жежовски и Вања Ѓорчевска.– Не. Ги видов на Фејсбук, дотогаш ги немав видено. Панче го видов на Фејсбук, а и детето го видов откако сѐ се заврши. Кога се вратив во партијата отворив Фејсбук и видов дека детето се бара – рече Кешишев.– Дали имаш учествувано во копање дупка во близина на Велес и кога? – праша адвокатот Ефремов.– Да. Тоа беше во 2022 година, во една недела дојде Велибор во работно одело. Бевме само јас и Палчо, оти во недела навечер се спрема емисија. Тогаш Палчо ми кажа да отидам да му помогнам на Вељо, а не ми објаснија што е работата. Само ми кажа да помогнам. Јас го послушав и отидовме со „мерцедесот“ на Вељо до тоа место Рудник, по црниот пат, од кај Катланово. Кога стигнавме таму Вељо извади копачи и лопата и тргнав со него. Влеговме во грмушки, затскриено место и таму Вељо обележа еден круг и почна да копа. Цело време ништо не зборувавме. Тој копаше, јас ја исфрлав земјата надвор. Во прво време помислив дека бараме злато, бидејќи не ми беше кажано ништо. Копавме до одредена далечина, се спакувавме и се вративме назад, без зборови. Тоа се случваше во недела, бидејќи Вељо тогаш е слободен. Пак со Вељо отидовме следната недела на истото место и продолживме да копаме. Пак молчевме, јас мислев дека се работи за злато. Копавме до одредена длабочина и се вративме назад во штабот. Не разговаравме ништо. Следниот пат кога отидовме, исто во недела, јас и Вељо влеговме подлабоко во дупката. Тогаш Вељо ми рече дека за ова не треба никој да знае, може и глави да летаат. Затоа што дупката била замислена за намена за киднапирање на лица. После се вративме во штабот и Велибор му кажа на Палчо до која длабочина сме дошле. Потоа ја довршивме дупката од четврти пат. Ја ископавме до замислената длабочина. Велибор стави капак со даски одозгора, да ја покрие. Се вративме назад во штабот и Велибор му кажа на Палевски дека сѐ е во ред и дека има доволно длабочина – објаси Кешишев.– Дали ставивте нешто во дупката или стоеше празна? – праша Ефремов.– Мислам дека Вељо беше направи анкер со алка – рече Кешишев.– Колку време стоеше ископана дупката? – праша Ефремов.– Од 2022 година до настанот со Панче – рече Кешишев.Адвокатот го праша Кешишев дали присуствувал на разговори помеѓу сообвинетите на теми поврзани со партиски активности.– Јас и Палчо бевме заедно цело време и слушав разговори на таа тема за грабнување. Ги слушав и мислев дека имаат сериозна намера. Долго време помина и ништо не се слушуваше. Јас го сфатив тоа како желба, како фантазија. Во 2023 година требаше пак да одам во Хрватска да работам. Бевме јас Палчо и уште еден член, му реков дека ме бараат да одам, тој ми рече дека не може, оти му требам. Бидејќи јас се грижев за него, а во Кисела Вода тој го донесе кучето, па се грижев и за неа. И така немаше адекватна замена за мене. Го послушав и продолжив да работам во штабот. Во тоа време собиравме декларации за црквата и имаше многу луѓе што доаѓаа и стари и млади – рече Кешишев.– Кој беше инцијатор на разговори за тема грабнување и лолку често се одвиваа такви разговори? – праша адвокатот Ефремов.– Не знам кој беше иницијатор, но тој момент во разговорите го почнуваше Вељо – рече Кешишев.Тој рече дека знае каде живее Велибор Манев и дека има одено кај него дома.– Со Палчо имам одено два или три пати. Првиот пат за централниот комитет во Велес, потоа на неговата слава, а последен пат за случката со Панче – рече Кешишев.– Дали на 22.11.2023 година си бил кај Велибор Манев? – праша адвокатот.– Не помнам дати. Таа вечер бев со Палчо, бевме во гаражата – рече Кешишев.– На снимките од дворот на Манев се гледа дека доаѓате со „рено кангу“ и од совозачкото место вадите ранец. Може ли да го опишете ранецот, по боја и дизајн и што имаше во него? – побара адвокатот.– Темно син, тегет. Не сум го отворал и не знам што има внатре. На Палчо беше и тој си го носеше, а јас не сум љубопитен да чепкам по туѓи работи. Палчо го носеше, го стави на совозачкото место кај нозете, каде што седев јас – рече Кешишев.– Кој ви побара да го извадите ранецот од возилото? – праша Ефремов.– Палчо. Претходно извадив и хартиена кеса и во неа се гледаа токи воки, мотороли – рече Кешишев.– Каде ги однесовте ранецот и кесата со моторолите? – праша адвокатот.Целиот текст на ПлусИнфо...

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство Охрид поднесе кривична пријава против А.М., полициски службеник во ПСОН Охрид при СВР Охрид, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурзори “ по член 215 став 1 од КЗ.Во временскиот период кога полицискиот службеник А.М. бил предвиден за работа и извршувал работни задачи на обезбедување на вила Бела (поранешна вила Македонија), сопственост на Министерството за внатрешни работи, од страна на вработени во Одделот за внатрешна контрола, криминалистички истраги и професионални стандарди бил извршен преглед врз А.М. и работната просторија- стражарската куќарка, при што од прегледот во работната просторија, на работната маса била затекната метална лажица во која имало бела прашкаста материја, хартиена салфетка во која имало бела прашкаста материја и мало пластично шише со нн течност, со импровизирана цевка од банкнота од 10 денари, затворено со алуминиумска фолија на отворот на шишето, на која имало остатоци од нн материја.Од страна на вработени од Одделот за внатрешна контрола, криминалистички истраги и професионални стандарди А.М. бил известен за потребата од испитување за присуство на матаболити од наркотични средства во урината во Институтот за судска медицина во Скопје. Од страна на доктор на Итна медицинска помош Охрид било утврдено дека А.М. е во добра општа состојба и може да патува во Скопје, но истиот одбил да соработува со вработените на Одделот и да се подложи на испитување.Против А.М. од страна на Одделот за внатрешна контрола, криминалистички истраги и професионални стандарди веќе е покрената дисциплинска постапка и задолжителна мерка за отстранување од работното место- суспензија од работното место....

-Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу Мицкоски и Филипче, дознава Курир.Средбата ќе се одржи во Владата....

Мерењата на Управата за хидрометеоролошки работи (УХМР) исто така покажуваат драстичен раст. Вчера, кај Стар Мост, нивото на Вардар изнесувало 160 сантиметри, а утрово достигнало 170 сантиметри. Ова е значително покачување во споредба со минатата недела, кога нивото било само 86 сантиметри.Вардар денеска драстично го зголеми својот водостој и предизвика поплави во Велес, потопувајќи ги двете страни од кејот и делови од Градскиот парк. Водата го зафати зеленилото и дрвјата покрај реката, а жителите со загриженост ја следат состојбата.Според директорот на Центарот за управување со кризи (ЦУК), Стојанче Ангелов, надлежните веќе биле известени за опасноста од излевање на реката. Тој нагласи дека Општина Велес има обврска веднаш да реагира, да изврши теренски увид и да постави соодветни обележувања за потенцијално загрозените подрачја.– Станува збор за урбано подрачје, каде што одговорноста за управување со реката и околината ѝ припаѓа на општината. Потребни се итни мерки за заштита – изјави Ангелов.Според велешките кајакари, кои секојдневно се на вода, водостојот на Вардар во Градскиот парк е значително зголемен во однос на претходниот ден. Спортистот Благојче Гугинов потврди дека нивото на реката се зголемило за околу еден метар и дека реката е забележително побрза.Мерењата на Управата за хидрометеоролошки работи (УХМР) исто така покажуваат драстичен раст. Вчера, кај Стар Мост, нивото на Вардар изнесувало 160 сантиметри, а утрово достигнало 170 сантиметри. Ова е значително покачување во споредба со минатата недела, кога нивото било само 86 сантиметри. Сличен тренд е забележан и кај Демир Капија, каде што водостојот пораснал од 191 на 249 сантиметри за само 24 часа.Локалните власти и надлежните институции продолжуваат да ја следат состојбата, додека жителите се повикуваат на зголемена внимателност во близина на реката....

Приведен охриѓанец поради изнуда и противправно лишување од слобода.На 01.04.2025 полициски службеници од СВР Охрид го лишиле од слобода А.И. од Охрид, постапувајќи по претходна пријава од страна на маж од Охрид, заради постоење сомнение за сторени кривични дела „противправно лишување од слобода“ (чл. 140 ст.1 од КЗ) и „изнуда“ (чл.258, ст.1 од КЗ).Според пријавителот, инаку во роднинска врска со пријавениот, на 31.03. 2025 околу 21 часот А.И. дошол во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја.Откако пријавителот ветил дека ќе ги исполни барањата на А.И., заедно се упатиле кон фирмата на пријавителот, при што тој успеал да побегне и случајот го пријавил во полиција.А.И. е лишен од слобода, а бил извршен и претрес во стан и други простории кои тој ги користи, при што се пронајдени пиштол, кеси со семки од канабис, остатоци од канабис, една дробилка. предмети со остатоци од бела прашкаста материја и друго.По целосно расчистување на случајот ќе следува соодветен поднесок....

Ако го пиете како чај, тоа е еден од најсилните природни диуретици. Свилата од пченка често завршува во ѓубрето, бидејќи многумина не знаат колку е здравa.Кога би знаеле колку е корисно, никогаш не би ја фрлале по чистењето на пченката. Чајот од свила од пченка има бројни лековити својства и се користел како народен лек уште пред 5000 години пред новата ера.Природен диуретикЕдна од најважните карактеристики на чајот од свила од пченка е неговата моќ како природен диуретик. Неговата употреба може значително да го зголеми количеството на излaчената мокрача во текот на денот, без штетни последици за организмот. Овој чај не само што го забрзува производството на урина, туку и делува против воспаленија, штитејќи и смирувајќи го уринарниот тракт и бубрезите. Тоа го прави чајот од свила од пченка идеално решение за сите кои имаат проблеми со мочниот меур и бубрезите.Освен своите диуретички својства, чајот од свила од пченка може да биде корисен и за оние кои сакаат да ослабат. Тоа е идеално решение за оние кои се подготвуваат за важни настани, како што се свечености или излегувања, кога е потребно да се влезе во тесни фустани по зимскиот период. Овој чај помага во отстранување на токсини и вишок на течности од организмот, што може да допринесе за намалување на телесната тежина.Исто така, корисниците на овој чај известуваат за намалување на целулитот, што е дополнителен плус за сите кои се стремат до подобар изглед на кожата.Свилата од пченка, која често се занемарува, има широка примена во здравството. Оваа природна сировина се користи на различни начини, особено во терапијата на бенигна хиперплазија на простата, состојба која ги зафаќа многу мажи со текот на годините.Свилата од пченка го намалува високото крвен притисокОсвен што е корисна за уринарната функција, свилата од пченка има и позитивни ефекти врз срцето, намалувајќи го високиот крвен притисок и нивото на лош холестерол. Исто така, може да помогне во отстранувањето на уморот, што е особено важно за оние кои водат стресен начин на живот.Еден од најпопуларните начини на употреба на свила од пченка е подготовката на чај. За подготовка, потребно е да се земе една кафена лажичка свила од пченка и да се прелие со чаша (200 мл) ладна вода. Потоа, смесата се загрева до зовривање, а садот се покрива и се остава да стои десет минути. Чајот се процедува и се пие три пати дневно по една чаша незасладен чај.Еден од интересните факти за овој чај е дека може значително да ја зголеми количината на излачена мокрача во само еден ден, што може да биде корисно за лица кои имаат проблеми со задржување на течности. Меѓутоа, важно е да се напомене дека чајот не се препорачува да се пие неколку часа пред спиење, за да се избегнат ноќните посети на тоалет. Ако сакате да го подобрите вкусот, можете да додадете малку лимон, што ќе го направи чајот попријатен за консумација....

SoftBank ја води инвестицијата а вредноста на компанијата достигна 300 милијарди долари.Вредноста на стартапот се удвои во однос на октомври минатата година, со што сега е меѓу трите највредни приватни компании во светотOpenAI објави дека го завршил инвестицискиот циклус, предводен од јапонската група SoftBank, обезбедувајќи 40 милијарди долари (37 милијарди евра), што претставува едно од најголемите вложувања во историјата на приватните стартапи. Ова ја зголеми вредноста на OpenAI на 300 милијарди долари (277,6 милијарди евра), што е речиси двојно повеќе во однос на 157 милијарди долари во октомври.Компанијата сега се наоѓа меѓу највредните приватни компании на светот, покрај SpaceX и ByteDance, сопственикот на TikTok, јавуваат медиумите.SoftBank планира да инвестира 30 милијарди долари, додека преостанатите средства ќе бидат обезбедени од инвеститори како Microsoft, Coatue, Altimeter и Thrive. Сепак, ако OpenAI не изврши реструктуирање до крајот на годината, инвестицијата на SoftBank може да се намали на 20 милијарди долари.Компанијата најави дека ќе ги искористи собраните средства за „натамошно поместување на границите на AI истражувањата“ и за развој на општа вештачка интелигенција која ќе користи на целото човештво.Нов модел на вештачка интелигенција како одговор на конкуренцијатаOpenAI исто така најави дека ќе лансира појдовен и пристапен модел на вештачка интелигенција во наредните месеци.„Долго време размислувавме за ова, но други работи имаа приоритет. Сега е вистинскиот момент“, напиша извршниот директор Сем Алтман на платформата X.Новата верзија на моделот, која ќе биде конкурент на DeepSeek и Llama моделот на Meta, ќе се оддалечи од претплатничкиот модел на ChatGPT. Со понудата на продукт со отворени параметри, ќе им овозможи на програмерите да го прилагодат моделот според своите потреби.Меѓутоа, моделот не ќе биде потполно отворен код, што би дозволило изградба на AI системи од нула. Додека критичарите предупредуваат на ризиците од отворени AI системи, поранешниот инвеститор Илон Маск го поддржува ваквиот пристап, повикувајќи го OpenAI да се „врати на отворениот, безбедносно насочен пристап кој порано го поддржуваше“....

Првпат, претприемач од Албанија влезе на престижната листа на најбогати луѓе во светот, која ја објавува магазинот Forbes.Самир Мане, основач и претседател на BALFIN Group, зазема 2.356-то место на светската листа, со проценета нето вредност од 1,4 милијарди долари. Ова е највисоката проценка на имотната состојба досега дадена на претприемач од регионот, од кога Forbes ја објавува листата, почнувајќи од 1987 година.„Албанија оваа година го добива својот прв милијардер, Самир Мане, кој стекна богатство од 1,4 милијарди долари преку инвестиции во трговски центри, продавници за електроника и луксузни недвижности низ Балканот“, пишува Forbes.Мане ја започнал својата претприемничка кариера во 1993 година, основајќи ја BALFIN Group, која подоцна прераснала во една од најголемите и најдинамични инвестициони групации во регионот. Денес, групацијата има активности не само на Балканот, туку и на глобално ниво, со значајни инвестиции во Австрија, САД и Канада.BALFIN Group во МакедонијаВо Македонија, BALFIN Group има силно присуство преку неколку клучни компании и инвестиции:Нептун – водечки синџир за продажба на електроника и бела техника.East Gate Mall – најмодерен трговски и lifestyle центар во Скопје, симбол на урбана трансформација.Skopje East Gate (SEG) – голем проект со мешана намена, кој вклучува станбени, деловни и трговски објекти.Овие инвестиции не само што создаваат работни места, туку и внесуваат глобални стандарди, значително придонесувајќи за модернизацијата и развојот на македонскиот пазар.Според Forbes, денес има над 3.000 милијардери во светот со вкупно богатство од 16,1 трилиони долари, што е највисока вкупна вредност досега. Три земји сочинуваат повеќе од половина од вкупниот број милијардери: САД (813), Кина (450) и Индија (205). Во Европа, Германија е на врвот со 171 милијардер.Вклучувањето на Самир Мане на листата на Forbes не претставува само личен успех, туку и симбол на растечката економска сила и потенцијал на регионот. Неговата приказна е доказ дека со визија, посветеност и доверба во Балканот може да се постигне глобален успех....

Украина постави цел да распореди 15.000 роботи на фронтот до крајот на оваа година.Ова е наведено во материјалот на ЕП, повикувајќи се на директорот на одделот за набавки во Министерството за одбрана, Глеб Каневски.Се напоменува дека, за разлика од претходната година, договорите веќе се во тек.Агенцијата за одбранбени набавки на ЕП извести дека Министерството за одбрана во втората половина на 2024 година потпишало 6 договори за набавка на копнени роботи, а за првиот квартал на 2025 година – 31 договор.„Минатата година ставивме стотици роботи на првата линија на фронтот. Оваа година планираме да ги ставиме на илјадници“, изјави директорот на Тенкореа, Максим Василченко....

При инспекциски надзор на терен, градежната инспекција при Општина Битола утврди неправилности за три објекти, на кои се преземени соодветни мерки. Два од објектите се наоѓаат на патот за Ниже поле, додека третиот е во близина на населбата Довлеџик.Кај последниот објект беше утврдено дека се вршат работни активности за монтажа на настрешница – челична конструкција, без претходно обезбедено одобрение за монтажа од Општина Битола. Изготвен е записник за констатираната состојба, а градбата е веднаш стопирана.На патот за Ниже поле, за време на вонредниот инспекциски надзор, утврдено е дека се гради објект од челични профили со покривка од панели, како и конструкција од бетонски столбови и челични профили без одобрение за градење. Субјектот на надзор не приложил соодветна документација, освен имотен лист, а за нелегалните градби ќе следува решение за рушење.Истите мерки ќе бидат преземени и за другиот објект на излезот од Битола, кој е класифициран како дивоградба, изградена пред десетина години како хала од челична конструкција.Општинскиот инспекторат на Битола во последните три години бележи зголемен број на инспекциски надзори, вклучувајќи постапки за отстранување на нелегално поставени објекти, диви гаражи и хаварисани возила на јавни површини. Во 2022 година, вкупно 1751 претставки и барања беа обработени, додека во 2023 година бројот се зголеми на 1870, а за 2024 година досега се постапено по 1559 предмети.Општина Битола продолжува со зголемени контроли и транспарентност, информирајќи ги граѓаните за случаите од јавен интерес во согласност со важечките закони....

Францускиот претседател Емануел Макрон свика итен состанок со клучни министри и безбедносни експерти за да разговараат за ситуацијата во Иран, особено за неговиот нуклеарен програм, во услови на зголемени тензии со администрацијата на американскиот претседател Доналд Трамп. Според дипломатски извори, состанокот укажува на растечката загриженост на европските сојузници дека САД и Израел би можеле да преземат воени акции против иранските нуклеарни постројки доколку не се постигне брз договор.Истовремено, Пентагон објави дополнително засилување на воените капацитети на Блискиот Исток, вклучувајќи распоредување борбени авиони, како одговор на неодамнешните воздушни напади врз Хутите во Јемен, кои имаат поддршка од Иран.Европските лидери сè повеќе стравуваат дека овие потези се подготовка за можен американски напад врз Иран во наредните месеци. Трамп веќе ги засили економските санкции против Иран и му се закани на врховниот лидер Али Хамнеи со воени удари и дополнителни царини доколку не се постигне договор за иранскиот нуклеарен програм.Во обид да ја спречи ескалацијата, Макрон оваа недела ќе се сретне со иранскиот министер за надворешни работи во Париз, а европските дипломати се надеваат на директни разговори со американскиот државен секретар Марко Рубио.По повлекувањето на САД од нуклеарниот договор со Иран во 2018 година, Техеран значително ги зголеми залихите на обогаќен ураниум, што го загрижува Западот дека е сè поблиску до можноста за производство на нуклеарно оружје. Франција, Британија и Германија во изминатите месеци вршат засилен дипломатски притисок за да го вратат Иран на преговарачката маса, но засега без конкретен успех.Дали состанокот на Макрон е сигнал за посериозна криза? Дали Европа ќе успее да го намали притисокот или светот е на работ на нов судир?...

Трговските закани на Трамп ги обединуваат Кина, Јапонија и Јужна КорејаТрамп ја обедини Азија против себе. Во пресрет на најавените царини од американскиот претседател кои би можеле да достигнат 20% и да ги погодат дури и традиционалните сојузници на САД, Кина, Јапонија и Јужна Кореја изразија подготвеност за заеднички одговор. Овие три водечки азиски економии, кои често биле во меѓусебни тензии, сега се приближуваат во одбрана на слободната трговија.<strong>Кина се позиционира како лидер на слободната трговија</strong>Кинескиот претседател Си Џинпинг ја претстави Кина како „чувар на слободната трговија“, позиција која традиционално ја имаа САД. Министрите за трговија на трите земји на состанок во Сеул договорија тесна соработка и заеднички одговор на новите царини. Тие најавија иницијативи за одржување на „фер и транспарентна трговска средина“.<strong>Јапонија и Јужна Кореја меѓу притисокот на САД и Кина</strong>Трамп ја обедини Азија против себе. Дури и Јапонија се обидува да балансира меѓу САД и Кина, додека Јужна Кореја е зафатена со внатрешни политички превирања. Сепак, заедничкиот интерес – спротивставување на царинските закани – ги турка кон посилна регионална соработка.<strong>Трговскиот сојуз и иднината на CPTPP</strong>Кина веќе побара членство во Сеопфатниот и прогресивен договор за транс-пацифичко партнерство (CPTPP), но останува блокирана поради тензиите со Тајван. Овој договор, создаден од администрацијата на Обама за да го ограничи кинеското економско влијание, беше напуштен од САД за време на првиот мандат на Трамп.Со сегашната ситуација, улогите на глобалната сцена се менуваат – Кина сега ја обвинува Америка за „вооружување“ на трговијата, иако до неодамна самата ги користеше истите стратегии.Извор: Оф нет...

Скопје, 02 април 2025 година – Македонската берза го заврши денешното тргување со вкупен промет од 18.788.004 денари. Индексот МБИ10 забележа пад од 0,24%, достигнувајќи вредност од 10.531,31 поени.Динамика на тргување и пазарни движењаТргувањето се одвиваше со стабилно темпо, а официјалниот пазар беше најактивен. Блок трансакции не беа евидентирани. Најголем интерес имаше за акциите на Алкалоид, Комерцијална банка и Макпетрол, додека некои компании бележаа значителни промени, како што е случајот со ВВ Тиквеш, кој забележа најголем пад за денот.Најтргувани акции● Алкалоид АД Скопје (ALK) – промет од 12.707.190 денари, последна цена 27.700 денари, промена -0,35%.● Комерцијална банка АД Скопје (KMB) – промет од 3.771.410 денари, последна цена 28.900 денари, промена -1,62%.● Макпетрол АД Скопје (MPT) – промет од 1.270.100 денари, последна цена 106.000 денари, промена -0,15%.Добитници и губитници на денотНајголеми добитници:● Гранит АД Скопје (GRNT) – пораст од 1,61%, последна цена 1.890 денари.● Стопанска банка АД Скопје (STB) – пораст од 1,52%, последна цена 2.740 денари.Најголеми губитници:● ВВ Тиквеш АД Кавадарци (TIK) – пад од 6,06%, последна цена 6.200 денари.● Комерцијална банка АД Скопје (KMB) – пад од 1,62%, последна цена 28.900 денари.● Алкалоид АД Скопје (ALK) – пад од 0,35%, последна цена 27.700 денари.Обврзнички пазарИндексот ОМБ остана непроменет, со вредност од 124,48 поени. Не беа евидентирани нови тргувања со обврзници, што укажува на продолжена стагнација во овој сегмент.Тргувањето на 02 април 2025 година се одвиваше со умерена динамика и фокус на неколку водечки компании. И покрај релативната стабилност, неколку акции доживеаја значителни промени, што го одразува селективниот пристап на инвеститорите.Овој извештај е подготвен врз основа на официјалните податоци од Македонска берза, а е изготвен од Илирика Инвестментс АД Скопје....

Тоа е како да имате впечаток дека тој има ист вкус како и вие, се смее на истите шеги, се облекува исто и го сака истиот амбиент.Со Водолија имате чувство дека сте нашле личност со многу широки интереси, афинитети и суптилни желби: кога разговарате со него, веднаш забележувате дека „говорите ист јазик“.Тој на изглед има исти вкусови како и вие, се смее на истите шеги, се облекува исто и ужива во истите работи.Никогаш не ви е тешко да се согласите со него и неговото присуство ви годи.Со други зборови, со Водолија стекнувате впечаток дека сте во друштво на „вистинската личност“.Меѓутоа, проблемот е што со него така се чувствуваат сите жени, и затоа нема ништо што е различно или посебно за вас.Водолија е вистински камелеон кој се труди да угоди на сите и да направи секој да се чувствува добро во негово друштво.За да го запознаете подобро, мора да поминете низ оваа втора фаза: еден ден ќе покаже незаинтересираност за нешто што ви се допаѓа или ќе изрази желба која вам не ви одговара, што значи дека полека започнува да се отвора.Но, дури и тогаш, ќе се обиде да ви покаже само дел од она што навистина мисли или чувствува.Неговата тенденција е да живее неколку живота одеднаш – по еден за секој амбиент, за секоја група пријатели или за секоја од неговите желби и интереси.Ако сакате да го видите вистински заљубен, ќе мора да го почекате денот кога ќе биде подготвен да ви се покаже целосно, без никакви цензури, со сите негови илјада лица и кога ќе ви раскаже што прави и како се чувствува кога не е со вас....

Продолжувањето на контактите на највисок ниво меѓу Русија и Кина е апсолутен приоритет за нас, во тек е активна подготовка за посетата на кинескиот лидер Си Џинпинг и руско-кинескиот самит кој е најважниот надворешнополитички настан за Москва, изјави портпаролот на Кремљ, Дмитриј Песков.„Продолжувањето на контактите на највисок ниво помеѓу Москва и Пекинг е наш несумнив приоритет, кој не е поврзан со никаква посебна ситуација, не зависи од никакви надворешни фактори, поради што се вршат интензивни подготовки за (посетата на кинескиот претседател)“, одговори Песков на новинарските прашања.Според неговите зборови, руско-кинескиот самит е најважниот надворешнополитички настан за Москва.„Роковите и местото на претстојниот самит на рускиот претседател Владимир Путин и кинескиот лидер Си Џинпинг, кој е планиран за мај, се усогласени, во тек е подготовката на агендата, која се одвива максимално активно“, истакна Песков.Рускиот претседател Владимир Путин се сретна во Кремљ со министерот за надворешни работи на Кина, Ванг Ји, кој престојува во официјална посета на Москва.Пред тоа, со кинескиот министер се сретна и рускиот шеф на дипломатијата, Сергеј Лавров.Претходниот состанок на Путин со овој кинески официјален претставник се одржа во септември минатата година во Санкт Петербург, каде се разговараше за перспективите на билатералните односи, како и за подготовките за самитот на БРИКС во Казан.Кинескиот министер за надворешни работи, Ванг Ји, започна во понеделникот официјална тридневна посета на Русија. Шефот на кинеската дипломатија разговараше со рускиот министер за надворешни работи, Сергеј Лавров, за претстојните контакти на највисок ниво помеѓу двете земји, развојот на билатералните односи и меѓународни прашања, вклучувајќи ја и Украина....

Украинскиот претседател, Володимир Зеленски, повика на глобален одговор по синоќешниот напад на Русија со беспилотни летала на неговата земја.Во директна порака до западните сојузници, Зеленски изјави дека е потребен „нов и почувствителен притисок“ на Москва за да се стави крај на војната.„САД и европските земји не смеат да чекаат до 11 април, кога ќе помине месец дена откако Русија го одби американскиот предлог за прекин на огнот“, додаде Зеленски.„Оваа систематска и постојана природа на руските нападите јасно покажува дека Москва ги презира дипломатските напори“, напиша Зеленски на социјалната мрежа Икс (X).„Путин не сака дури ни делумен прекин на огнот. Не треба да чекаме до 11 април, кога ќе помине месец дена откако Русија рече ‘не’ на американскиот предлог за прекин на огнот. Мора да се дејствува што е можно побрзо“, истакна украинскиот претседател.Тој додаде дека официјалниот Киев е подготвен да работи со партнерите од САД и Европа на постигнување на „достоинствен и траен мир“.Од друга страна, Министерството за одбрана на Русија соопшти дека Украина во последните 24 часа два пати ги нападнала руските енергетски постројки, и покрај договорот со посредство на САД.Според изјавите на Министерството, Украина извршила напади со беспилотни летала и артилерија на објекти во руската област Курск.Како што јавуваат РИА новости, ова довело до прекин на снабдувањето со електрична енергија....

Претседателот на Владата на Република Македонија, Христијан Мицкоски, одговори на новинарското прашање во врска со вчерашната седница на Владата, на која беше усвоена информацијата за потребата од набавка на еколошки автобуси за ЈСП-Скопје и единиците на локалната самоуправа. Мицкоски објасни дека Владата донела одлука за започнување на постапка за набавка на 120 автобуси.„Владата на вчерашната седница донесе одлука да започне постапка за набавка на 120 автобуси. Од нив, 80 ќе бидат наменети за Јавното сообраќајно претпријатие во Скопје, додека 40 ќе бидат распределени на други сообраќајни претпријатија во општините каде што е организиран јавен превоз. Овие автобуси ќе бидат еколошки и електрични, во зависност од потребите и проценките,“ истакна Мицкоски.Премиерот додаде дека Владата прави значаен напредок во обезбедувањето на чист воздух и подобра животна средина за граѓаните.„Она што е важно е што овие автобуси нема да предизвикуваат загадување, што е нешто што е многу потребно, особено за време на грејната сезона. Владата презема чекор напред во обезбедувањето на чист воздух и пристојна животна средина за сите наши сограѓани,“ рече Мицкоски.Тој истакна дека обезбедувањето на чиста животна средина и воздух за граѓаните е императив, но додаде дека овој процес бара време и не може да се постигне преку ноќ.„Доколку само седиме и чекаме, време ќе помине и ништо нема да направиме. Ние сакаме да бидеме проактивни и да креираме политики кои ќе не водат до целта – пристојна и здрава животна средина за сите наши сограѓани,“ заклучи Мицкоски....

Студентите од Ниш од блокадите со мнозинство гласови изгласаа да се достави предлог до останатите колеги од преостанатите четири универзитети за формирање експертска Влада на Србија. Што значи тоа, правно и политички, анализираат српските медиуми?Имено, како прво, студентите не објавија како би изгледала таа Владата, ниту кои ќе бидат нејзините потенцијални членови, иа тоа нема ни да се случи доколку сите не се согласат за предлогот. Но, може да се претпостави дека една таква Влада нема да има политички чинители.Како што пишува Нова.рс, во принцип, Владата како што е предложена од страна на студентите во моментов во нејзиниот облик би била преодна. На крајот на краиштата, таква е секоја Влада со одредено времетраење на мандатот, Влада која има за цел да исполни конкретни цели и да ги реши длабоките општествени тензии кои застанаа на патот на нормалното функционирање на општеството (а во исто време и исполнувањето на четирите студентски барања). Корупцијата, олицетворена во новосадското злосторство во кое загинаа 16 лица, денеска е причина за ваквите тензии, наведува медиумот.Сепак, преодната спрска Влада може да биде различна по својата суштина. Во поновата српска историја користен е само еден модалитет, преодна Влада составена од претставници и на власта и на опозицијата, што би можело да се нарече и концентрациона Влада.Како што потсетува порталот на српското издание на Би-би-си, по 5 октомври 2000 година и падот на режимот на Слободан Милошевиќ, беше формирана преодна Влада со цел да се обезбеди стабилност и да се организираат фер и слободни избори во рок од три месеци.Тогашната влада ја предводеше Миломир Миниќ од СПС, а потпретседатели беа Небојша Човиќ од Демократската опозиција на Србија (ДОС) и Спасоје Круниќ од Српското движење за обнова (СПО), што е главна карактеристика на преодната влада – во неа да учествуваат сите релевантни политички актери од власта и опозицијата.Преодната влада, потсетува текстот, треба да се разликува од техничката влада, која „постои од моментот кога на едната Влада ѝ завршува мандатот, а на другата не ѝ почнува мандатот, што овозможува континуитет во преодниот период“.Освен тоа, СНС во тоа време имаше и Влади кои не беа целосно политички и каде седеа експерти во минатите мандати. Некои од тие експерти, како што наведува медиумот беа економски, спортски, културни експерти. Ова секако не е концептот што го имаат на ум студентите, појаснува српскиот медиумот.Што вели опозицијата?Во меѓувреме српската опозиција на крајот на минатиот месец излезе со својот став за преодната влада. Ја нарекоа Влада на народната доверба и накратко објаснија дел од нејзините цели и структура. Според објаснувањето на Мирослав Алексиќ (Народна партија), таа Влада би траела 9 месеци, а нејзината цел би била исполнување на минималните услови за одржување фер и чесни избори и исполнување на студентските барања. Што се однесува до структурата на таа Влада, прво не беше претставена како политичка, туку како експертска, а тоа беше направено конкретно со овој опис: Во таа влада ќе има лица против кои никогаш не биле поднесени кривични пријави за корупција и не биле поврзани со криминални организации“, а потоа „престанува да важи и фактот каква политичка определба тие имале“.Зад овој предлог стојат Зелено-левиот фронт, Партијата за слобода и правда, Србија-Центар, Народното движење на Србија и коалицијата НАДА. Предлогот не го поддржаа Демократската партија и Еколошкото востание кои, според нивните лидери, чекаа да го видат студентскиот предлог за излез од политичката криза, кој потоа ќе го поддржат.Од друга страна самиот претседател Александар Вучиќ, кој го предава мандатот на идниот премиер кој може да обезбеди мнозинство во Собранието за гласање на законски предлози и владини мерки, во неколку наврати истакна дека е силно против таа идеја.Сепак Вучиќ по притисок од јавноста во изминативе денови и последните обраќања делумно се откажа од цврстиот став и рече дека ќе се согласи со преодна влада, доколку СНС му ја предложи....

Денес свечено беше отворена новата фабрика на „Магна Мехатроникс“, инвестиција вредна 40 милиони евра, која ќе обезбеди над 600 работни места. Овој капитален проект претставува значаен чекор за економскиот развој и ја зајакнува индустриската позиција на земјата.Премиерот Христијан Мицкоски, кој присуствуваше на отворањето, нагласи дека оваа инвестиција е „приказна за доверба и партнерство“, што ја потврдува подготвеноста на Македонија да биде дом на успешни компании.„Како Влада, остануваме посветени на создавање поволна деловна клима и поддршка за сите што вложуваат во нашиот економски раст. Ова е само почеток на успешна приказна“, рече Мицкоски, официјално прогласувајќи ја фабриката за отворена.Со оваа инвестиција, „Магна Мехатроникс“ значително ќе го зголеми своето присуство во регионот, а воедно ќе придонесе за вработување и економски раст....

Советот на Јавни обвинители даде негативно мислење за предлогот на Владата за разрешување на јавниот обвинител Коцевски. Шестмина од членовите беа „против“ предлогот на владата за разрешување, а тројца се изјаснија позитивно за разрешувањето.Аргументите од дискусијата медиумите не можеа да ги слушнат затоа што беше исклучена јавноста со образложение дека ќе се дискутира и за дисциплински постапки но, и поради заштита на интегритетот на и угледот на државниот обвинител но, рекоа дека аргументите јавноста ќе може да ги прочита од записникот од седницата кој во наредниот период ќе биде усвоен и објавен.Тројцата членови кои го поддржаа предлогот на владата за разрешување на Коцевски се Ардијан Демири и Кети Петкова избрани од Собранието и Маријана Илиеска избрана од обвинителите.На седницата согласно законските одредби не присуствува државниот обвинител кој инаку е член на Советот на јавни обвинители по функција.Тој испратил писмен одговор на предлогот за разрешување на владата. Владата најави дека постапката за разрешување на Коцевски во секој случај ќе ја запре поради истрагата за трагедијата во Кочани за, како што рече, да можат обвинителите целосно да се посветат....

„Царот“, ова бил псевдонимот под кој бројот на Љупчо Палевски-Палчо бил заведен во телефонот на обвинетиот Влатко Кешишов. Тој не криеше дека правел сѐ што Палчо ќе побарал од него, односно извршувал секкава наредба.„По навика му бев послушен. Палчо ми каже да не зборам многу, да ќутам и да бидам настрана“, сведочеше Кешишов кој претходно побара Палевски да излезе од судницата за да може да сведочи за убиствата на Вања и Панче, без да се цензурира.Тој посочи дека било посочено дека ќе има грабнувања на луѓе, но не и убиство. Овој исказ е ист како оној на Велибор Манев даден на претходните рочишта. Потоа посочи и: „Рекоа дека никој не смее да дознае за ова, бидеќи можат и глави да летаат“.Кешишев последен пат на телефон се слушнал со Палевски кога првообвинетиот беше во Турција, односно денот кога полицијата ја претресуваше канцеларијата на партијата „Десна“. Тогаш Палчо му рекол дека е во Турција, а кога слушнал дека врие од полиција во партиското седиште веднаш го прекинал повикот.Кешишов сведочеше и како истите лица, односно тој заедно со Палевски, Велибор Манев и Боре Видевски биле во пештера кај Демир Капија да копаат злато.„Вељо (Велибор) нѐ натера, тој и Боре влегоа во пештерата, јас и Палчо запаливме цигара покрај реката. Дојде полиција, ги претресоа Боре и Вељо, а го најдоа и пиштолот на Палчо“, рече Кешишев.Обвинетиот одговара на прашања на обвинителството, а потоа ќе треба да се соочи и со Љупчо Палевски и Боре Видевски кои негираат дека воопшто учествувале во двојното убиство.Претходно во детали сведочеше за грабнувањата и убиствата....

Од денеска, Скопје официјално се поврзува со Париз преку новата авиолинија Скопје – Париз. Утрово на Меѓународниот аеродром во Скопје беше реализиран првиот лет од Париз, од аеродромот Орли до Скопје, операиран од авиокомпанијата Изиџет.Линијата ќе се реализира два пати неделно и е воведена благодарение на финансиската поддршка од Владата преку Министерството за транспорт, во рамките на Програмата за воведување нови дестинации.Според договорот, авиокомпанијата Изиџет ќе ја оперира оваа линија од денеска, 2 април, до 31 декември 2027 година, со однапред утврден ред на летови.„Ова е уште една можност за подобра комуникација и поврзување на Македонија со европските земји и европските метрополи. Париз е атрактивна дестинација за патување, но уште поважно е што ќе носиме туристи во Македонија. Како Влада, создадовме услови кои привлекоа нови авиокомпании, а резултатите веќе се видливи. За краток период воведовме осум нови дестинации од аеродромот во Скопје и две од аеродромот во Охрид. Го променивме моделот на субвенционирање и наместо да се даваат субвенции за заминување, сега даваме финансиска поддршка за патници во доаѓање. Целта ни е што повеќе луѓе да доаѓаат во Македонија, што ќе им овозможи да користат и други услуги во земјата. Оваа стратегија дава конкретни резултати и веќе преговараме со нови авиокомпании за нови дестинации“, изјави вицепремиерот Александар Николоски.Линијата Скопје-Париз е дел од договорот за финансиска поддршка за воведување нови авиолинии, кој го реализира Министерството за транспорт преку јавен повик за субвенционирање.Покрај Париз, од Скопје ќе се воведат и нови линии кон Дубаи, Штутгарт, Лион, Барселона, Женева и Амстердам, додека од Охрид ќе бидат воведени линии кон Истанбул и Басел.Според Програмата за финансиска поддршка за 2025-2027 година, донесена од Владата, предвидени се 360 милиони денари за субвенции за воведување нови авиолинии.Целта на оваа Програма е да се унапреди авиосообраќајот, да се обезбедат нови дестинации со поволни услови за патување за граѓаните и да се развие цивилното воздухопловство....

Дали и вие го имате во вашиот паричник?Ако сакате да ви доаѓаат пари сами од себе, тогаш треба да ги почитувате, пренесува „Atma“.Постојат некои работи на кои треба да внимавате, а една од нив е да во паричникот никогаш не носите сметки! Тоа привлекува енергија на плаќање во вашиот живот и постојано ќе морате да трошите пари за нешто.Во паричникот треба да имате само пари и банкарски картички, а сè друго е најдобро да го носите во нешто друго. Важно е и да во него секогаш имате малку повеќе пари од планираното. Ова привлекува подобри финансии во вашиот живот.Исто така, не е сеедно дали сте го купиле паричникот сами или ви бил даден како подарок. Препораката е сами да го изберете и купите, за да го сакате и со радост да чувате пари во него. Секако, избегнувајте да купувате веќе користени паричници, бидејќи никогаш не знаете каков претходен сопственик имал и каква енергија носи.Меѓутоа, експертите истакнуваат дека постои уште една важна работа кога станува збор за паричникот – а тоа е бојата! Според елементот на вашиот хороскопски знак, треба да изберете боја за паричникот.Црвена – за луѓе чиј елемент е оган или земја (за вода и метал има послабо дејство) – оваа боја од минатото е позната по тоа што привлекува богатство и изобилие. Брзо ја неутрализира негативната енергија.Темно сина – за луѓе чиј елемент е дрво или вода – оваа боја симболизира изобилие, а паричникот во оваа боја не треба да го имаат луѓе родени во елементот оган или метал.Црна – за луѓе чиј елемент е дрво или вода – во паричникот од оваа боја треба да ги чувате парите ако сакате да привлечете благосостојба во вашиот живот.Кафеава – за луѓе чиј елемент е земја или метал – оваа боја носи богатство и е најчеста кај паричниците, но не треба да ја имаат луѓе родени во елементот оган или вода.Зелена – за луѓе чиј елемент е дрво или оган – оваа боја е одличен избор ако сакате нов финансиски почеток, без оглед на тоа што се случувало во минатото, пишува „Најжена“....

Сообраќајот на регионалниот патен правец Р1312 кај мостот на реката Вардар во близина на Башино Село ќе биде привремено затворен за сите видови возила поради висок водостој на реката, известува ЈП „Македонијапат“.Водостојот на поголемиот дел од реките е зголемен во споредба со просекот за април. Според последните мерења на Управата за хидрометеоролошки работи (УХМР) направени утрово во 07:30 часот, забележано е покачување на нивото на Вардар кај Јегуновце, Скопје Железнички мост, Лепенец, Велес и Демир Капија.УХМР исто така регистрира зголемен водостој и на реките Треска кај Македонски Брод, Пчиња кај Пелинце и Катлановска Бања, Бабуна кај Богомила, Брегалница кај Берово и Штип, како и Црна Река кај Новаци....

Зинтересираните може да аплицираат тука...

Шведска, која неодамна предупреди дека земјата треба да се подготви за можни конфликти, најави вложување од 10 милиони долари за проверка и обнова на засолништата за цивилна заштита.По руската инвазија на Украина и загриженоста за поддршката на НАТО од страна на американскиот претседател Доналд Трамп, Шведска значително ги зголеми инвестициите во одбраната. Земјата располага со 64.000 засолништа, повеќе од која било друга држава, со капацитет за речиси седум милиони луѓе.Агенцијата за цивилна заштита ги засили инспекциите на засолништата, кои обезбедуваат заштита од експлозии, радиоактивност, како и од хемиски и биолошки закани. Започнат е голем проект за модернизација на нуклеарните засолништа, кој ќе трае две до три години, а во 2025 година се планира замена на филтрите за заштита од хемиски и радиолошки опасности.Премиерот Улф Кристерсон изјави дека Шведска „не е во војна, но нема ни мир“, посочувајќи на хибридни напади и потенцијални акти на саботажа. Владата планира да ја зголеми воената потрошувачка за 30 милијарди долари во следната деценија, а зајакнувањето на цивилната одбрана е дел од стратегијата за „целосна одбрана“ која беше обновена по анексијата на Крим во 2014 година.Во меѓувреме, Данска најави набавка на нови ракети и 130 оклопни возила, што укажува на зголемена подготвеност на регионот за можни безбедносни закани....

Американскиот милијардер Дејвид Сакс верува дека планот на украинскиот претседател Володимир Зеленски за завршување на конфликтот би можел да доведе до избувнување на Третата светска војна.„Зеленски дојде во САД за да му го претстави својот широко рекламиран ‘план за победа’ на претседателот Бајден. Што вклучува овој план? 1) Итно членство на Украина во НАТО. 2) Ракетни напади со долг дострел. Со други зборови, трета светска војна“, напиша Сакс на својот профил на социјалната мрежа Х.Сакс изрази надеж дека американскиот претседател се сеќава на причините поради кои одбил да го спроведе овој план на Зеленски.Претходно, Зеленски изјави дека има план за прекин на конфликтот, но истовремено ја префрли одговорноста за неговото остварување на Бајден.Рускиот претседател Владимир Путин истакна дека Украина не би можела да изведува напади длабоко во руска територија без помош од Западот, бидејќи тоа е возможно само со користење на разузнавачки податоци од сателити, кои Украина не ги поседува, но НАТО ги има. Путин нагласи дека земјите на НАТО не само што ја разгледуваат можноста за користење западно оружје со долг дострел од страна на Киев, туку фактички одлучуваат дали ќе се вклучат директно во украинскиот конфликт или не. Рускиот лидер истакна дека Москва ќе носи одлуки врз основа на заканите што ќе бидат создадени за Русија....

Иако Украина и Русија постигнаа договор со Соединетите Американски Држави за пауза во нападите на енергетската инфраструктура, двете страни денес се обвинија меѓусебно за кршење на истиот.Министерството за одбрана на Русија соопшти дека Украина во последните 24 часа двапати нападнала руски енергетски објекти, и покрај договорот, постигнат со посредство на САД, за прекин на нападите на енергетската инфраструктура на двете земји.Според наводите на министерството, Украина извела напади со дронови и артилерија на објекти во руската област Курск. Како што пренесе РИА Новости, тоа довело до прекин на снабдувањето со електрична енергија.Претседателот на Украина, Володимир Зеленски, изјави дека во руските напади оштетиле енергетски објекти во областите Суми и Дњепропетровск.– Беспилотно летало погоди трансформаторска станица во североисточната област Суми, додека артилериска оган оштетил далековод во централната област Дњепропетровск, поради што без струја останале речиси 4.000 потрошувачи – напиша Зеленски на Икс.Москва досега ја одби американската понуда за целосно примирје, пренесува Ројтерс....

Градоначалникот на Кисела Вода, Орце Ѓорѓиевски, заедно со своите колеги, градоначалниците на Студеничани и Аеродром, остана на терен до раните утрински часови за да помогне на граѓаните погодени од надојдените води на Маркова Река.Иако санацијата на коритото на реката е надлежност на Град Скопје, Ѓорѓиевски истакна дека во моменти на несреќа не смее да има бирократски препреки, туку единствен приоритет треба да биде заштитата на човечките животи.„Не чекавме уште една трагедија, туку веднаш презедовме активности. Лично учествувавме во евакуацијата на загрозените граѓани, кои сега се безбедни и со своите семејства“, истакна градоначалникот.Тој упати благодарност до премиерот Христијан Мицкоски за поддршката, како и до сите граѓани, волонтери и институции кои се вклучија во спасувањето.„Политичар се покажува кога е најтешко – кога не се штедиш, кога не глумиш статуси, туку си таму, со луѓето, во првите редови“, порача Ѓорѓиевски, додавајќи дека времето ќе покаже кој навистина работи за граѓаните, а кој само критикува од далечина.ВИДЕО...

Лудa среќа и благосостојба во животот ги придружуваат сите оние кои во датумот на раѓање го имаат овој број.Нумеролозите истакнуваат дека низите на броеви во датумот на раѓање можат да влијаат на нашата судбина, иднина, карактер и односи.Сепак, меѓу разноврсните низи, броеви и комбинации на цифри, посебно се издвојуваат броевите 1, 2, 12, 21, 11 и 22.Низите на броеви со единица и двoјка се сметаат за ангелски низи – броеви кои симболизираат почеток, рамнотежа, хармонија и добра надеж.Нумерологијата открива каква среќа ги придружува во животот оние кои во датумот на раѓање имаат броеви 1, 2, 12, 21, 11 и 22!Број 1 во датумот на раѓањеЕнергијата на бројот 1 симболизира зголемени способности за управување и лидерски квалитети. Лицата со овој број имаат зголемено самопочитување и сила на волјата, но и оригинален пристап во сè што прават во животот. Имаат остро око за детали, па својот живот најчесто го бојат со позитивни и убави нијанси на оптимизам. Често се чувствителни и склонни кон скривање на чувствата, но во љубовта се искрени, отворени и верни.Број 2 во датумот на раѓањеОва се чувствителни души со развиена интуиција. Имаат топла природа и големо срце, а нивната најубава особина е разбирањето, што ги прави одлични пријатели. Двојките се многу социјални и отворени за нови познанства. Често се во центарот на вниманието, но никогаш не паѓаат во замката на егото. Нивната тајна се крие во неверојатната харизма.Број 11 во датумот на раѓањеЛицата кои се родени на 11-ти ден од месецот се големи сонувачи, но и одлични лидери во својот бизнис. Нивната природа има силна духовна страна и многу се чувствителни. Имаат силен темперамент, но сè што прават претходно добро го проценуваат и размислуваат. Тоа се креативни души кои вечно живеат во некој свој, посебен свет, но знаат кога е време да се вратат во реалноста и да го остварат својот сон.Број 12 во датумот на раѓањеТие се одликуваат со неверојатна физичка и ментална енергија и опуштена природа. Собирањето на бројките 1 и 2 го дава еден од најсреќните броеви – тројката. Тоа значи дека овие личности имаат среќен дух, но се и многу решителни и храбри. Имаат способност да се претстават во најдобро светло и да остават добар впечаток. Нивниот талент најчесто е поврзан со комуникација или пишување. Во љубовта се многу нежни и емотивни, но имаат и развиена еротска енергија и страст.Број 21 во датумот на раѓањеВашата немирна и авантуристичка природа постојано ве поттикнува да истражувате нови хоризонти на животот. Соочени со проблеми, покажувате опуштен став и, наместо да паничите, наоѓате начини да дојдете до решение. Одлични сте соговорници и енергични. Подложни сте на успони и падови, но кога паѓате, полесно се издигнувате.Број 22 во датумот на раѓањеСпособни сте за големи работи во животот и преземате одговорност напорно работејќи на своите цели. Во раниот дел од животот сте склонни да бидете тврдоглави и да ги потиснувате чувствата, но зрелоста ви носи леснотија на духот. Имате моќна внатрешна сила и харизма. Овие личности се стремат кон креирање на подобар свет и убаво утре. Нивната мисија секогаш е за општото добро....

Кога ќе помислиме на најлошата болка, многумина ќе се сетат на удирањето на малиот прст од ивицата на мебелот. Меѓутоа, истражување од 2020 година покажала дека постојат многу интензивни болки.Истражувањето, во кое учествувале повеќе од 1.600 луѓе, ја споредувала болката предизвикана од различни состојби.На првото место се нашле кластер главоболите, кои предизвикале најсилна болка со оценка 9,7 од 10. Оваа ретка и тешка главоболка обично се чувствува како неподнослива болка зад окото, која се шири на лицето, главата и вратот. Нападите можат да траат од неколку минути до неколку часа и често се придружени со немир, течење од носот и промени на кожата.Породувањето го зазелo второто место со оценка 7,2, додека следни на листата се фрактури на коски, камен во бубрезите и мигрени. Иако срцевиот удар често завршува со смрт, тој е оценет само со 5 од 10, што сугерира дека интензитетот на болката не е секогаш поврзан со сериозноста на состојбата....

Снимка по разорниот земјотрес во Мјанмар ja открива агонијата низ која поминала семејството заробено под урнатините од зградата.Снимката покажува две девојчиња на 13 и 16 години, како и нивната крвава баба во просторија полна со урнатини, по силниот земјотрес што го погоди Мјанмар во петокот.Тие останале заробени додека бегале од својот стан на шестиот кат во вториот најголем град во земјата, Мандалај, близу до епицентарот на земјотресот, и трчале кон скалите за итни случаи.Таткото на девојчињата во почетокот мислел дека неговите ќерки и мајка му загинале и испратил апел на социјалните мрежи да се најдат нивните тела.Среќа што тие биле живи и успеале да земат телефони пред зградата да се урне.„Моите ќерки снимија видеа, мислејќи дека ако тие и баба им загинат, можеби нивните телефони ќе бидат пронајдени и дека ќе ги видат родителите“, напишал таткото.Тој рекол дека тие дури чуле и други луѓе заробени под нив во урнатините од зградата.„Тие се повикуваа едни на други одозгора и одоздола, но не беше можно да се чуе звук однадвор. Како што поминуваа часовите, тие беа разочарани и се држеа за раце со баба им, плачејќи“, рекол тој.Среќа што по неколку часа драма, спасувачите успеале да ги најдат и со помош на чекан направиле мала дупка за да им достават вода, но морале да отидат по дополнителна опрема.Оставени сами на некое време, девојчињата ја презеле контролата во свои раце и со чекан направиле отвор за своето бегство.„Тие сакаа да направат поголем отвор за баба им, но големите камења биле премногу тешки и двете сестри не можеле да ги поместат“, пишува во објавата на таткото.Спасувачите се вратиле и успеале да ги спасат девојчињата. Нивната баба (75) се борела за воздух и не можела да помине низ отворот, но на крајот и таа била спасена.Ќерките, по спасувањето, му раскажале на таткото што поминувало низ нивните глави.„Во моментот кога цела надеж беше изгубена, ја наведнав главата во знак на почит и благодарност кон Буда што ни овозможи нашето семејство да преживее заедно“, му рекла една од ќерките.Според последните податоци, повеќе од 2.700 луѓе загинале во Мјанмар по земјотресот, додека најмалку 18 лица загинале во Тајланд....

На 01.04.2025 во 18.25 часот, полициски службеници од ОВР Крива Паланка ги лишиле од слобода З.Ф. (24), С. Ф. (19) и С.Ф.(44) од село Луке, кривопаланечко. Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат. Телото на Љ.С. било пронајдено закопано во непосредна близина на неговата куќа во с. Луке, а увид извршила екипа од СВР Куманово. По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава....

Младо момче беше извлечено живо од урнатините на зграда во Мјанмар, соопштија вчера од пожарникарската служба. Момчето преживеало пет дена по разорниот земјотрес од 7,7 Рихтера, кој оставил најмалку 2.700 мртви.Дваесетгодишното момче било извлечено од урнатините благодарение на напорите на спасувачките тимови од Мјанмар и Турција, во хотел кој се урнал во главниот град, Нејпјидо.Спасувањето се случило околу еден час по полноќ по локално време.Исто така, една жена беше извлечена жива од урнатините на зградата, под која била заробена 91 час. Шеесетгодишната жена била пронајдена жива во вторник утро, а потоа успешно спасена и пренесена во болница....