Победата и бодовите за Алкалоид, проблемите за првакот Е.Пелистер (ВИДЕО)
Спортплус - пред 3 часа
Нова победа за лидерот на табелата и непоразениот Алкалоид во ракометната Супер лига. Во дербито на 8.коло го совлада шампионот Еурофарм Пелистер со 32:25 (16:12). Почетокот на натпреварот почна со доминација на домашниот тим кој имаше предност во 5.минута која беше 4:1. Сепак гостите ги консолидираа редовите и во 10.минута изедначија на 6:6 (прв и единствен пат). Во периодот што следеше Алкалоид благодарение на расположените крила Бинго и Костески (постигнаа половина од головите во првиот дел) дојде до нова предност, а со серијата 4-0 и до највисоките +5 14:9 во 22.минута. И вториот дел почна во знак на домашниот тим, кој повторно дојде до +5 (20:15). Во 38.минута во обид да спречи контра се повреди крилото на Алкалоид Костески, кој на носилки беше изнесен од теренот. Во 41.минута Алкалоид стигна до +6 (23:17), па тренерот на битолчани Ангеловски мораше да побара тајм аут. Но Алкалоид ја зголеми предноста на 24:17 (+7). Е.Пелистер само повремено беше равноправен, но затоа Алкалоид ја казнуваше секоја грешка и во 52.минута повторно стигна до +7 (29:22). До крајот на дуелот Алкалоид поведе и со осум разлика 30:22, а битолчани само го ублажија поразот. Кузмановски со 12 гола беше најефикасен, додека кај Алкалоид Серафимов постигна 8 голови. Алкалоид со максимални 16 бодови е прв на табелата пред Вардар со 14, Е.Пелистер и Охрид имаат по 12. СУПЕР ЛИГА МАЖИ АКТУЕЛНОСТИ ГЛЕДАЈ ВО ЖИВО ТАБЕЛА РАСПОРЕД...
Шампионот Е.Пелистер гостува кај Алкалоид
Спортплус - пред 15 часа
Алкалоид Нова пресметка сезонава меѓу шампионот Еурофарм Пелистер и куп победникот Алкалоид. По дуелот од отворањето на сезоната и Супер купот каде триумфираше Алкалоид, непоразениот тим од Автокоманда го пречекува првакот Е.Пелистер. Битолчани ќе бара реванш за поразот во Гевгелија, како и за поразот во финалето на купот, кога Алкалоид го спречи тимот од Битола да стигне до двојна круна. Ова ќе биде натпревар од 8.коло, кое стартуваше во петокот, а поради евронастапот на Алкалоид во Европскиот куп ќе е игра вечерва со почетокот од 19 часот. Битолчани во Скопје ќе допатуваат „одморни“ во Скопје од причина што последниот натпревар го одиграа во четвртокот на гости во Полска (Лига на шампиони). Алкалоид во саботата имаше евронастап против литванската екипа Драгунас. Од оваа рунда се одиграа четири натпревари: Вардар – МРК Куманово 31:21, Радовиш – Бисинов Фриут Ленд 29:29, Бутел – Струга 32:26 и Прилеп – Тиквеш 28:32. Колото ќе биде комплетирано со утрешниот натпревар меѓу Охрид и Пролет. ТАБЕЛА: Табела: Алкалоид и Вардар по 14 бодови, Охрид и Е.Пелистер по 12, Бутел 10, Тиквеш 7, Пролет 6, Прилеп 5, МРК Куманово 4, Струга 4, Бисинов 3, Радовиш 1. СУПЕР ЛИГА МАЖИ АКТУЕЛНОСТИ ГЛЕДАЈ ВО ЖИВО ТАБЕЛА РАСПОРЕД...
Удар за Алкалоид и за репрезентацијата: Тешка повреда на Никола Костески
Екипа - пред 4 часа
Алкалоид одигра одлично прво полувреме на дербито со Е. Пелистер, но вториот дел донесе огромна главоболка за тренерот Кире Лазаров, по тешката повреда што ја заработи Никола Костески. Одличното десно крило е меѓу најдобрите поединци кај Алкалоид по камбекот во мак-ракометот, па сите во салата „АВтокоманда“ замолкнаа кога Костески остана да лежи без контакт со противнички ракометар. Тој по првата укажана лекарска помош на носилки беше изнесен од теренот, лекарските прегледи ќе покажат колку ќе изнесува паузата од терените, но првите прогнози дефинитивно не се позитивни. Ова е голем удар за Алкалоид, но и за македонската репрезентација каде Костески е прва опција на својата позиција по повлекувањето на Гоце Георгиевски. За потсетување, Македонија во ноември ја очекува почетокот ан квалификациите за ЕВРО 2026 против Естонија и Литванија, а нашите најдбри ракометари во јануари 2025 ќе бидат дел од ракометниот Мундијал во Вараждин, Хрватска. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...
Алкалоид му набива комплекс на Еурофарм Пелистер, шампионот растурен во „Автокоманда“
Екипа - пред 3 часа
Алкалоид останува перфектен и по осмото суперлигашко коло откако тимот од Автокоманда на домашен терен го растури актуелниот шампион Е. Пелистер со преубедливи 32-25. „Сино-белите“ дефинитивно почнаа да им набиваат комплекс на „пелистерци“, откако го совладаа овој ривал во финалето од Купот на Македонија, потоа во Супер-купот на Македонија во Гевгелија, за вечерва избраниците на Кире Лазаров да покажат целосна надмоќ во однос на битолчани, кои заслужено со наведнати глави го напуштија теренот. Почетокот на дербито мина во знакот на тимот предводен од Кире Лазаров, кој почна фуриозно и по шест минути игра поведе со 4-1. Радивојевиќ постигна два гола во низа и го врати Е. Пелистер во ритам, а битолчани до средина од полувремето успеаја и целосно да се вратат и да израмнат на 6-6. Атанасијевиќ одигра значајна улога во овој период, со гол и изнуден пенал и исклучување кога гостите имаа играч помалку на теренот, но Алкалоид набрзо најде одговор за нападите на шампионот, заигра цврсто во одбраната и со лесни голови на спротивната страна „сино-белите“повторно се одлепија. Извонреден во овој дел од мечот беше Бинго со неколку мајсторски голови од крило, прецизен од спротивната страна беше и Костески, па Алкалоид заслужено замина на одмор со убедливи 16-12, откако Пелистер намали со пеналот на Филип Кузмановски во последните секунди од полувремето. Второто полувреме почна со изнуден пенал за Атанасијевќ и исклучување на Карасманакис. Алкалоид сепак го издржа периодот со играч помалку, на спротивната страна исклучен беше и Филип Кузмановски, па во 35. минута резултатот гласеше 19-14. Молк завладеа во салата „Автокоманда“ откако Никола Костески заработи тешка повреда и мораше на носилки да биде изнесен од салата, но Алкалоид не дозволи овој голем удар да влијае врз настапот на „Сино-белите“. Стојковиќ погоди од пивот за прво водство од „плус шест“ (23-17), Ангеловски побара тајмаут, но фуријата на Алкалоид продолжи и Георгиев реализираше за 24-17 во 43. минута од натпреварот. Алкалоид имаше дури пет исклучувања во првите 17 минути од второто полувреме, но Пелистер не можеше да ја искористи таа предност, па домаќините рутински ја одржуваа позитивата меѓу пет и шест гола (27-21, 49. минута). Битолчани беа во нокдаун, Велковски погоди за „плус седум“ за Алкалоид, па Ангеловски при 29-22 го зеде и последниот тајмаут на натпреварот. Домаќинот имаше најубедливи 30-22, а потоа во финишот дојде до пад на концентрацијата кај младиот тим, разликата падна на пет, но по тајмаутот на Лазаров домашниот состав се врати во ритам и триумфираше со убедливи 32-25. Мартин Серафимов со осум гола беше предводник на Алкалоид, шест постигна Бинго, а пет погодоци до повредата реализираше Никола Костески, додека Кизиќ повторно бранеше одлично против својот поранешен клуб. Кај Е. Пелистер единствен расположен за игра беше Филип Кузмановски со 12 погодоци, недоволно за да се избегне пораз. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...
Шампионот на колена во Автокоманда, Алкалоид останува перфектен во Суперлигата
Дерби - пред 3 часа
Ракометарите на Алкалоид издвојуваа победа над Еурофарм Пелистер од 32-25 во дерби средбата од осмото коло во Суперлигата. Избраниците на Кире Лазаров потврдија дека се во одлична форма и му земаа „мерка“ на уште еден ривал за титулата во својот дом, поточно по Вардар во Автокоманда падна и актуелниот шампион. Алкалоид почнува да станува голем проблем за битолчани ако се земе предвид дека ги добија во финалето на Купот, потоа во Супер Купот на Македонија за да вечерва добијат уште една лекција. Домаќинитте беа на повисоко ниво во двете полувремиња, првото го реализираа со 16-12 и потоа имаа апсолутна контрола на резултатот и играта во продолжението, поточно дојдоа до заслужен триумф и задржување на 1000 процентниот учинок во шампионатот. Серафимов со 8 гола беше предводник на Алкалоид, Кузмановски на другата страна постигна 12 погодоци. Кога е во прашање овој натпревар треба да се каже дека потешка повреда заработи репрезентативното крило Никола Костески....
Алкалоид му го зеде здравјето на Пелистер! (ФОТОГАЛЕРИЈА)
Спорт 1 - пред 3 часа
Ракометарите на Алкалоид го декласираа Пелистер во ракометното дерби во осмото коло со 32-25 и ја запишаа осмата победа во домашната Суперлига. Алкалоид го имаше водството од самиот старт (5-3), а потоа се играше гол за гол до 20. минута од средбата (10-9), по што избраниците на Кире Лазаров имаа одлична серија и на паузата заминаа со 16-12. Пелистер во вториот дел не успеа да го скрши отпорот на Алкалоид и да ја намали негативата, туку напротив екипата од Автокоманда создаде предност од шест погодоци (24-18). Како минуваше времето, така растеше предноста на Алкалоид и до 29-22, по што битолчани станаа свесни дека не може да се вратат во натпреварот, а тоа можеше и да се заклучи по зборовите на тренерот Бранислав Ангеловски на тајм-аутот на осум минути пред крајот, кога почна да прави математики за полесен пораз во случај да се прави мини-табела на првите три екипи на табелата. Екипата од Автокоманда одигра одлично без грешка до крајот на средбата и славеше со 32-25 за осми триумф оваа сезона во ракометната Суперлига. Најефикасен во редовите на Пелистер беше Кузмановски со 11 голови, додека Серафимов постигна седум погодоци за Алкалоид. Алкалоид останува стоотстотен во првенството со осум триумфи по исто толку одиграни натпревари, додека зад нив е Вардар со една победа помалку. Охрид има шест триумфи и еден пораз по седум меча, додека Пелистер е четвртопласиран со шест победи и два порази....
Нова шампионска лекција од Алкалоид за Пелистер (ФОТО)
Спортмедиа - пред 3 часа
РакометДомашно првенствоТОП Нова шампионска лекција од Алкалоид за Пелистер (ФОТО) 22.10.2024 20:42 205 Дербито на осмото коло во Супер-лигата му припадна на Алкалоид кој славеше со 32-25 (16-12) и остана префектен со осум триумфи во исто толку одиграни натпревари. Доминатна игра на избраниците на Кирил Лазаров во текот на сите 60. минути, на теренот делуваа како тие да прваци и како да имаат искусен состав. Серафимов беше стрелец на осум гола кај победникот, Бинго имаше шест, додека Костески до повредата запиша пет. Додека Кузмановски со 12 беше најдобар кај гостите. Алкалоид го отвори мечот со 4-1, во 5-тата минута не искористи шанса за плус четири. Се разбрани Никола Митревски. Благодарение двете негови одбрани, Пелистер преку Радивојевиќ успеа да доближи на 4-3 во седмата минута. Нешто подоцна, Алкалоид остана со играч помалку, Кузмановски од седум метри, а потоа и од игра израмни на 6-6 во 10-та минута. Два неискористени напади на битолчани, Алкалоид ги претвори во плус два (8-6) во 13-та минута. Момците на Кирил Лазаров не застнаа тука, во 22-та минута преку Серафимов, Бинго и Ѓоргиев, зголемија на највисоки плус пет (14-9), ги казнија сите промашувања на гостите. Важна одбрана имаше Кизиќ. Ангеловски повика тајм-аут, не вроди одма плод, битолчани имаа среќа што две технички грешки направи и домаќинот. Кузмановски после долго време од седум метри го прекина налетот на противникот за 14-10. Алкалоид уште двапати водеше со плус пет (15-10 и 16-11). На одморот беше 16-12. 1 од 9 На стартот на второто полувреме, Кузмановски од седум метри намали на 16-13. Костески со два гола, еден Симоновски и одбрана на Кизиќ му донесоа на Алкалоид нови плус пет (19-14) во 35-та минута. Голем хендикеп за домашниот тим во 38-та, Никола Костески во обид да пресече топка незгодно падна и беше изнесен на носилки. Момците на Лазаров го задржаа темпото, веќе во 43-та минута поведоа со највисоки плус седум (24-17) до овој момент на мечот. Кузмановски два гола од игра доближи на 24-19 на средината на второто полувреме. Алкалоид во продолжение одржуваше позитива од пет до шест гола. Последните девет минути од мечот ги отвори со седум гола разлика (29-22). Одбраната тимот од Автокоманда до овој момент беше цврста. Ангеловски повика тајм-аут, последен обид за да неговиот тим да се врати на овој натпревар. Истиот не промени ништо, Бинго во 52-та минута зголеми на 30-22. Во 54-та минута, Пелистер остана без Манасков, кој поради груб старт врз Митев заработи директен црвен. Два гола на Кузмановски и еден на Атанасијевиќ ја намалија предноста на Алкалоид на минус пет (30-25) во 58-та минута. Лазаров повика тамј-аут, а Серафимов со мајсторија стави печат на мечот (31-25), немаше време за ништо повеќе. Ова е заслужена победа на Алкалоид, кој од година во година се повеќе воодушевува со она што го гради. На другата страна битолчани треба да се замислат. Ова е нивни втор пораз. FacebookTwitterWhatsAppEmailPrint ПретходноПочнува новата сезона во НБА – Бостон ја брани титулата, можат ли останатите да го спречат?СледноЛШ: Црвена Звезда „торпедирана“ во Монте Карло, Милан без проблеми со Бриж Марија Ковачева...
Битолчани „наострени“ доаѓаат во Автокоманда, Алкалоид им зема два пехари!
Спортмедиа - пред 12 часа
РакометДомашно првенствоТОП Битолчани „наострени“ доаѓаат во Автокоманда, Алкалоид им зема два пехари! 22.10.2024 11:45 139 Пресметките на најсериозните кандидати за титулата на Вардар 1961 и Пелистер против Алкалоид во последние две сезони станаа дерби мечеви. Момците на Кирил Лазаров од ден во ден созреваа, а тоа се покажа на дело и на стартот на оваа сезона. Против актуелниот првак добија уште една битка за пехар, овој пат во Супер-Купот, а лани на сметка на двата тима стигнаа до првиот трофеј во својата историја – Купот на Македонија. Оттука и големата мотивираност на фавортите против Алкалоид. Пелистер вечерва гостува во Автокоманда во рамките на осмото коло, а тимот на Лазаров го пречекува како лидер на табелата без ниту еден пораз во претходните мечеви, на еден од нив го совлада и Вардар. Македонскиот првак падна на првата дерби пресметка против Вардар, а има уште шест победи. Алкалоид зад себе покрај серијата на победи во домашниот шампионат го има убедливото издание против Клаипеда Драгунас во рамките на квалификациите во ЕХФ Европскиот Куп. На другата страна битолчани го имаат убедливиот пораз на гостински терен од Висла во ЛШ. Доста интересно е што Алкалоид нема победа во домашниот шампионат против Пелистер, двете победи против фаворитот се на најважните мечеви за пехар. На другата страна битолчани имаат четири триумфи. За разлика од Пелистер кој е под притисок, особено тренерот Бранко Ангеловски, кој се најде на мета на критики од страна на фановите на клубот, на другата страна Алкалоид без притисок влегува на оваа средба. Сето ова е доволна причина за да оваа пресметка биде во фокусот на денот. FacebookTwitterWhatsAppEmailPrint ПретходноЛиверпул во Германија ја најде замената за СалахСледноСите се дигнаа на нозе: Трикратниот европски првак сепак се спаси од банкрот! Марија Ковачева...